Том ёпиш ва гидроизоляция ишларида хавфсизликнинг чоралари - Xayot faoliyati xavfsizligi - Referatlar

Том ёпиш ва гидроизоляция ишларида хавфсизликнинг чоралари

Yuklangan vaqt:

20.09.2019

Ko'chirishlar soni:

0

Hajmi:

39 KB

Ko'chirib olish

Том ёпиш ва гидроизоляция ишларида хавфсизликнинг чоралари Режа: 1. Том ёпиш ишларида хавфсизликнинг чоралари. 2. Гидроизоляция ишларида хавфсизликнинг чоралари.

Танч иборалар : Том ёпиш ишлари, стропил оёқлари, обрешеткалар, парапетлар, ҳавозалар, тагсупалар, ўз-ўзидан ўстириладиган ҳавоза ва саватлар, сақлагич тасмалари, махсус оёқ кийимлар. 1. Том ёпиш ишларида хавфсизликнинг чоралари. Том ёпиш ишлари доимо юқори баландликларда ва қияликларда олиб борилади, шунинг учун ҳам том ишлари билан банд ишчиларни тепадан тушиб кетмасликларини ва пастда ишлаётганларнинг устиларига айрим предметлар тушиб кетиб шикастламасликларини олдини олиш чораларини кўриш керак бўлади. Том ёпиш ишларини хавфсиз олиб борилишининг асосий тадбирлари қуйидагилар ҳисобланади: - стропила оёқлари, обрешеткалар, парапетларини мустаҳкамлиги ва том ёпувчи ишчиларнинг арқонлари маҳкамланадиган жойларини ишончлилигини текшириш; - том устига материалларни қабул қилиш учун қўлланиладиган икки оёқли норвонлар ва кўчма норвонлардан фойдаланиш; - томда ишлатиладиган материалларни кўтариш учун махсус идишларни қўллаш; - том ёпиш ишларида ишлтиладигшан мосламалар (ҳавозалар, тагсупалар, ўз-ўзидан ўстириладиган ҳавоза ва саватлар) ва том ишлари учун қулай асбоблардан фойдаланиш; - томда ишлайдиган ишчиларни сақлагич тасмалари ва махсус оёқ кийимлар билан таъминлаш. Том ишлари олиб бориладиган бино атрофида ҳавозалар бўлмаса уни вақтинчалик девор билан ўраб қўйилади. Қатронга ёпиштириладиган юмшоқ материалли томларни қуришда, нам ва буғдан ҳимоялаш қатламини ҳосил қилишда ишлатиладиган битумли ва изоляцияли материалларнинг зарарли таъсирларидан ишчиларни ҳимоялашга асосий эътиборни қаратиш лозим.

2. Гидроизоляция ишларида хавфсизликнинг чоралари. Битумли ва изоляцияли қатронларни қайнатиш ва уларни иш жойига ташишда хавфсизлик чораларига жиддий эътибор бериш керак бўлади. Қатронни қайнатиш ва иситиш учун қўлланиладиган қозон соз ҳолатда бўлиши, зич ёпиладиган ва ёнмайдиган қопқоғига эга бўлиши керак. Қозон ҳажмининг 2/3 қисмидан ошмайдиган миқдорга тўлдирилишига рухсат этилади. Қозонлар алоҳида ажратилган майдончага, аланга ёқиладиган печининг оғзи тамонига унча катта бўлмаган нишаблик таъминланадиган қилиб ўрнатилади. Ушбу майдонча тез алангаланадиган бинолар ва омборлардан 50 м дан кам бўлмаган масофада ва маиший бинолар, траншеялар ва котлованлардан эса 15 м дан кам бўлмаган масофада ўрнатилади. Ҳар бир қозон ёнида ёнғинга қарши бирламчи ўт ўчириш воситалар комплекти - кўпикли ёнғин ўчиргич, белкурак ва қуруқ қум мавжуд бўлиши керак. Заҳирадаги хом ашё ва кўмир, ўтинлар қозондан камида 5 м масофада жойлаштирилади. Материалларни қозонга қуйидаги кетма-кетликда юкланади: авваламбор Бн-3 русумли битум солинади ва у эриб, кўпикланиши тугаганидан сўнг Бн-5 русумли битумнинг майда кесаклари солинади. Битум массаси шишиб қозондан тошиб кетишининг олдини олиш учун, битум қайнаб турган қозонга хом ва совуқ ҳолдаги битумни солиш тақиқланади. Қайноқ битум қатронини челакка узун дастали чўмич билан солинади. Иш бошланмасданоқ чўмичнинг дастасини чўмичга бириктириш мустаҳкалиги текширилади. Битум массасини ишлаб чиқариш жойига кесик конус шаклидаги махсус ёпиқ идишларда ташиб борилади, унинг оғзи зич ёпиқ бўлиши, ўтиш йўлаклари қурилиш материаллари ва чиқиндилардан тозаланган бўлиб, ишчиларнинг ўтишига халақит бермаслиги керак. Қатрон ташишда ишлатиладиган махсус идишларни ҳажмининг ¾ қисми қатрон билан тўлғазилишига рухсат берилади.

Том ишларида бажариладиган грунтовка қатлами битум ва бензин аралашмаси билан пуркалади. Қатрон тайёрланадиган жойдан камида 50 м масофада битумни бензин билан аралаштирилади. Қиздирилган битум билан бензинни аралаштириш учун битумни бензинга қуйилади (аксинча эмас) ва шундан сўнг узун ёғоч таёқ билан аралаштирилади. Аралашма тайёрланиш пайтида битумнинг ҳарорати 70 0 С дан катта бўлмаслиги керак. Агарда тўсатдан ёнғин чиққан тақдирда, қозоннинг оғзи зич қилиб ёпилади; кўпикли ўт ўчиргич ёрдамида кўпик сачратилиб аланганинг усти қопланади ва шундан кейин, айрим кичик алангаларга эса қум сепиб ўчирилади. Қайноқ ҳолидаги битумли қатронни траншеяга эни 1 м бўлган, мустаҳкам ва ишончли суянчиғи ўрнатилган соябонларда узатилади. Соябон изоляцияланадиган жойдан 1 – 1,5 м масофада жойлаштирилади. Соябон ўрнига кўприкчалардан ҳам фойдаланиш мумкин. Қатрон солинган идишни қабул қилиш ва уни карабиндан ечиб олиш, Идиш қабул қилиш майдончасига туширилиб, мустаҳкам ўрнашганидан кейин қатрон солинган идишни қабул қилиш ва уни карабиндан ечиб олишга рухсат берилади. Қатронни идишда тушириш пайтида унинг остида ишчиларнинг бўлишига асло йўл қўйилмайди. Қизитилган қатронни котлованга одамлар тушириш керак бўлган вазиятларда зиналар ўрнатилади, бундай зиналарга ёғоч бруслар ва суянчиқлар мустаҳкам қилиб ўрнатилган бўлади. Изоляцияловчи материаллар ёпиқ хоналар (қурилмалар) да тайёрланиши керак бўлганда, бундай хоналар сўрувчи - тортувчи шамоллатиш тизими билан жиҳозланиши керак. Технологик аппаратларнинг ичида коррозияга қарши ишлар олиб борилиши талаб этилганда ҳам, маҳаллий шамоллатиш тизимидан фойдаланилади. Технологик аппаратларда ишлар олиб борилмасиданоқ электр двигателлари ўчирилади, уни ишчи механизмларидан узиб қўйилади ва аппаратга буғ, қоришма берувчи

штуцерларини беркитадилар. Ёритишда қўлланиладиган электр энергиясининг кучланиши 12 В дан ошмаслиги ва ёритгичлар махсус ёнғинга чидайдиган армтура қурилмасига эга бўлиши шарт. Ишлар тугаганидан кейин ҳам хавфсизликни таъминлаш қоидиларига амал қилинади. Ёпиқ аппарат ва хоналар ичи грунтовка қилиниб, ёки битумли материаллари бўялган бўлса, одамларнинг тушишига рухсат берилмайди, ташқарига огоҳлантирувчи ёзувлар илиниб қўйилади.

Адабиётлар рўйхати. 1.Пчелинцев В. А. и др. Охрана труда в строительстве: Учеб. для строит. Вузов и фак. – М.: Высш. Шк., 1991. – 272 с.: ил. 2.Охрана труда в строительства. Инженерные решения: Справочник/В. И. Русин, Г. Г. Орлов, Н. М. Неделько и др. – К.: Будивельник, 1990. –208с. 3.Охрана труда в строительства. Учебник для техникумов. Изд. 2-е, перераб. и доп. М., Стройиздат, 1975, 263с. 4.Йўлдошев О.Р., Рахимов О.Р., Хўжақулов Р.Т., Ҳасанова О.Т., “Меҳнатни муҳофаза қилиш”, Тошкент-2005. 5.Х.Раҳимова, А.Аъзамов, Т.Турсунов. Меҳнатни муҳофаза қилиш.Т. – “Ўзбекистон” -2003. 6.G ΄ .Yo.Yormatov, O.R.Yuldoshev, A.L.Xamrayeva. Hayot faoliyati xavfsizligi (Darslik), Toshkent, «Adolat», 2009. 7.Ў.Йулдошев, У.Усмонов, О.Қудратов. Меҳнатни муҳофаза қилиш (Ўқув қўлланма), Т. “Меҳнат”, 2001. 8. Л.Г.Дикман . «Организация, планирования и управление с троительным производством» Москва, Высшая школа, 1998 г. 480 стр . 9. Т.М.Махматкулов, Г.Ш.Шомирзаев, А.Райимкулов. «Ҳаётий фаолият хавфсизлиги» фанидан маърузалар матни. ТАТУ Самарқанд филиали. Самарқанд-2007.

O'xshashlar

Ғишт-тош ишлари арматура ва бетон ишларида хавфсизлик чоралари

Топография ва инженерлик-геодезия ишларида хавфсизлик техникаси

Станокда ишлаганда ва слесорлик ишларида хавфсизлик техникаси қоидалари

Захарли моддалар ва улардан химояланиш чоралари

Қурилиш-монтаж ишларида хавфсизлик техникаси хавфсизлик