Fuqaro muhofazasi tizimida tibbiy xizmat. Fuqaro muhofazasi tizimida tibbiy xizmat vazifasi - Valeologiya - Referatlar

Fuqaro muhofazasi tizimida tibbiy xizmat. Fuqaro muhofazasi tizimida tibbiy xizmat vazifasi

Yuklangan vaqt:

20.09.2019

Ko'chirishlar soni:

0

Hajmi:

38 KB

Ko'chirib olish

F uqaro muhofazasi tizimida tibbiy xizmat . F uqaro muhofazasi tizimida tibbiy xizmat vazifasi Reja: 1.Fuqaro muhofazasi fani haqida tushuncha. 2.Favqulodda vaziyatlarda fuqaro muhofazasining vazifalari. 3.Favqulodda vaziyatlarda fuqaro muhofazasi tibbiy xizmatining vazifalari 4.Zararlanish manbalarining tibbiy - texnik ta’riflanishi.

Fuqaro muhofazasi fani haqida tushuncha. Favqulodda vaziyatlarda fuqaro muhofazasi Davlat mudofaa siyosatining bir qismi bo‘lib, har qanday favqulodda vaziyatlarda fuqarolarni, xalq xo‘jaligi tarmoqlarini muhofaza qilish, ularning barqaror ishlashini ta’minlashda hamda qutqaruv va tiklash ishlarini bajarishda katta ahamiyat kasb etadi. Tabiiy ofatlar (yer silkinishi, yer surilishi, sel, suv toshqini, kuchli shamol kabilar), shuningdek, texnogen avariyalar sodir bo`lgan vaziyatlarda yer osti va yer usti boyliklarini asrash, zarar ko‘rgan hududlarda qutqarish va tiklash ishlarini amalga oshirish fuqaro muhofazasi xizmati zimmasiga yuklatiladi. Oliy o‘quv yurtlarida fuqaro muhofazasi fanini o‘qitishidan maqsad, bo‘lajak mutaxassislarni favqulodda vaziyat ro`y berganida, fuqaro muhofazasi chora tadbirlarini ishlab chiqish va ularni amalda qo‘llashga tayyorlash hamda harbiylashmagan tizim boshliqlari lavozimida ish yuritishga o‘rgatishdan iborat. Fuqaro muhofazasining tashkil etilishi. Fuqaro muhofazasi xizmati barcha viloyat, shahar, tumanlar, yirik korxona, tashkilot, o`quv muassasalarda tashkil etiladi. Viloyat, shahar, tuman hokimlari, korxona va o`quv muassasalarining boshliqlari o`z ob`yektlarida fuqaro muhofazasiga boshchilik qiladi. Ular qaramog`idagi fuqaro muhofazasi shtabi xodimlari shu sohaga oid tadbirlarni o`tkazishni tashkil qiladi va nazorat qiladi. Fuqaro muhofazasi tizimida tibbiy xizmatining vazifasi. Fuqaro muhofazasi tizimlari orasida tibbiy xizmat katta o‘rin tutadi. Fuqaro muhofazasi tibbiy xizmati joylarda faoliyat ko‘rsatayotgan tibbiyot muassasalari xodimlari tarkibidan tashkil qilinadi. Fuqaro muhofazasi tibbiy kuchlarining asosiy vazifalari quyidagilardan iborat: 1.Favqulodda vaziyat sharoitida aholiga o‘z vaqtida tibbiy yordam ko‘rsatish va evakuatsiya tadbirini amalga oshirish. 2.Shikastlanganlar, zaharlanganlarga birinchi tibbiy yordam ko`rsatish. Ularni zararsiz joylarga evakuatsiya qilish.

3.Aholi orasida davolash va profilaktika tadbirlarini o‘tkazish, asab-ruhiy va emotsional ta’sirlarni kamaytirish. 4.Favqulodda vaziyatlar sodir bo‘lgan hududda yuqumli kasalliklar tarqalishining oldini olish. 5. Favqulodda vaziyat sharoitida ish qobiliyatini yo`qotganlarga nogironlik darajasini belgilashga yordamlashish. 6. Tabiiy va texnogen vaziyatlar sharoitida xizmat ko‘rsatish natijasida orttirilgan bilim va tajribalarni amalda qo‘llash va yoshlarga o`rgatish. 7. Tibbiy xizmat tuzilmalarini zarur jihozlar bilan muntazam ta’minlash, ularni saqlash, davr talabi asosida almashtirish va unumli ishlatilishini nazorat qilish. 8. Aholining barcha toifalarini favqulodda vaziyatlarda tibbiy xizmatning zaruriy elementlarini bajarishga o‘rgatish. 9. Tinchlik davrida tuzilmaga a’zo bo‘lgan tibbiyot xodimlarini (tuzilma shaxsiy tarkibini) malakasini muntazam ravishda oshirish. 10. Fuqaro muhofazasining barcha tizimlarida faoliyat ko‘rsatuvchi kuch va vositalarni muvofiqlashgan holda ishlashini ular bilan birgalikda tashkillashtirish va muntazam ravishda o‘quv-taktik mashqlarini o‘tkazish. 11. Tibbiy xizmat tuzilmalari, fuqaro muhofazasi tizimida faoliyat ko‘rsatadigan boshqa barcha soha tuzilmalari qatorida, tinchlik davrida ham doim tayyor bo‘lishi, tabiiy va texnogen favqulodda vaziyat holati vujudga kelganda tuzilma tarkibini tezda to‘plash va ishga safarbar qilishni ta`minlash. Zararlanish manbalarining tibbiy - texnik ta’riflanishi. Har qanday favqulodda vaziyatlar 8 ta ko‘rsatgich bo‘yicha aniqlanadi: 1.Favqulodda vaziyatning nomlanishi (zilzila, suv toshqini, dushman xujumi, yong`in, yuqumli kasallik tarqalishi va hokazo); 2. Favqulodda vaziyatning vujudga kelish sababi; 3.Favqulodda vaziyat yetkazishi mumkin bo`lgan zarari; 4.Favqulodda vaziyatning odamlarni shikastlash, zaharlash omillari; 5.Favqulodda vaziyatning qaltislikni oshiruvchi omillari;

6.Favqulodda vaziyatni oldindan bilish mumkinligi (monitoring, bashorat, ogohlantirish); 7.Favqulodda vaziyatni bartaraf qilish va barcha zaruriy ishlarni bajarish. 8.Moddiy zararni aniqlash (bevosita va bilvosita). Favqulodda vaziyatning oqibati. Favqulodda vaziyatning oqibatini asosiy turlari: odamlarning kasallanishi, zaharlanishi, shikastlanishi, jarohatlanishi, inshootlarni buzilishi, ruhiy ta’sirlanishi. Favqulodda vaziyatning zararli omillari ta’sir qilgan hududda joylashgan aholi, hayvonlar, o`simliklar, moddiy resurslarning barchasi “Shikastlanish o‘chog‘i” deyiladi. Shikastlanish o‘choqlarini ta`riflash. Oddiy shikastlanish o‘chog‘i deb faqat bir shikastlovchi omil ta’sirida hosil bo‘ladigan o‘choq tushuniladi. Masalan: portlash va yong‘in natijasida bitta yoki bir nechta imoratlarning buzilishi, kuyishi ma`lum sonli odamlar shikastlanadi. Murakkab shikastlanish o‘chog‘i deganda, bir necha shikastlovchi omillarning ta’siri tushiniladi. Masalan: kimyo korxonasidagi portlash shu hududdagi binolarning buzilishiga va shu hududdagi odamlarning zaharlanishi va shikastlanishidan tashqari atrof-muhit ham zaharlanadi, shikastlanadi. Yer silkinishi, kuchli bo‘ron inshootlarning buzilishi bilan birga suv toshqini, yong‘in, elektr tarmoqlarining izdan chiqishi, zaharli gazlarning atmosferaga tarqalishi natijasida ko`plab odamlar va hayvonlarning zaharlanishi va katta miqdordagi shikastlarga olib kelishi mumkin. Favqulodda vaziyatlarni yuzaga keltiruvchi sabablar. - tashqi tabiiy omillar: zilzila, suv toshqini, bo‘ron kabilar, - inshootlarni, materiallarni yemirilishi, zanglashi, chirishi, fizik-mexanik ko`rsatgichlarning pasayishiga, ko`plab odamlar va hayvonlarni shikastlanishiga olib kelishi mumkin. Favqulodda vaziyatlarning kechish davrlari.

Favqulodda vaziyatlar vujudga keltirgan sababidan qat’iy nazar 4 davrda kechadi: 1.Uyg‘onish, paydo bo‘lish davri. 2. Rivojlanish, avj olish davri. 3. Eng yuqori darajaga yetish davri. 4. Pasayish, tugash davri. - uyg‘onish davrida favqulodda vaziyatning yuzaga kelishiga zamin yaratiladi; Masalan, zilzilaning uyg‘onish davrida vujudga keladigan o‘zgarishlar seysmik, meteorologik, sellarga qarshi va boshqa stansiyalarning kuzatuvlarini juda sinchiklab o‘rganish va muntazam yozib borish orqali aniqlanadi; - favqulodda vaziyatning rivojlanish, avj olish davrida vujudga keladigan o‘zgarishlarda inson omili asosiy o‘rinni egallaydi.Ya’ni statistik ma’lumotlar 60% dan ortiq avariyalar inson xatosi tufayli ro‘y berganligini ko‘rsatadi; - favqulodda vaziyatning eng yuqori darajada avj olgan davrida, odamlarga va atrof muhitga xavf soluvchi tabiiy va texnogen faktorlar favqulodda holatni vujudga keltiradi; - favqulodda vaziyatning pasayish davrida uni vujudga keltirgan tabiiy va texnogen ta`sir to‘xtashi bilan, uning oqibatlarini bartaraf etish tadbirlari amalga oshiriladi. Pasayish davri vaqt bo‘yicha xavf manbasini jilovlab olish darajasidan boshlab to uning oqibatini bevosita va bilvosita bartaraf etguncha ketgan vaqtdir. Bu vaqt kunlar, haftalar, oylar, yillar davom etishi mumkin. Favqulodda vaziyatning sababini o‘z vaqtida aniqlash uning oldini olishga, yetkazishi mumkin bo‘lgan zararni kamaytirishga, oqibatlarini tezroq bartaraf etishga yordam beradi.

Asosiy adabiyotlar: 1. Bemorlarni uyda va shifoxonada parvarish qilish. F.G`. Nazirov. Toshkent- 2003. 2. Odam anatomiyasi. E.Qodirov. Toshkent-2003. 3. Anatomiya. A.S.Gusev. Moskva-1970. 4. Hamshiralik ishi asoslari. Q.Inomov. Toshkent-2007. 5. Xirurgiya. A.J.Hamrayev. Toshkent-2002. 6. Xirurgiya va reanimatsiya asoslari. A.J. Hamrayev. Toshkent-2002. 7. Bolalar kasalliklari. A.N.Buraya. Toshkent-1988. 8. Sog`lom va kasal bola parvarishi. A.N.Buraya. Toshkent-1988. 9. Klinikagacha bo`lgan xirurgiya. R.M.Axmedov. Toshkent-2001. 10. Инфекционные болезни. К.В. Бунин. Москва-1980. 11. Первая медицинская помощь в чрезвычайных ситуациях. Э.Икрамов 44 Тошкент – 2003. 12. Курс гражданской защиты. В.Ф.Зубков Тошкент-2004

O'xshashlar

Kimyoviy va dori moddalar bilan zaharlanishda tibbiy yordam

Maktab gigiyenasi. Bolalarda sog`lom turmush tarzi. Tibbiy pokizalik

O`SMIRLIK. JINSIY TARBIYA. OILAVIY TURMUSH QURISHNING TIBBIY MUAMMOLARI. KONTRATSEPSIYA.

Oiv infeksiyasi va oits ning kechish davrlari, zararlanganlarni aniqlashda tibbiy tekshiruv

Oiv (odam immuntanqislik virusi) Infeksiyasi profilaktikasi – global muammo