Технологик жиҳозларни монтаж қилиш - Transport - Referatlar

Технологик жиҳозларни монтаж қилиш

Yuklangan vaqt:

20.09.2019

Ko'chirishlar soni:

0

Hajmi:

46 KB

Ko'chirib olish

Технологик жиҳозларни монтаж қилиш Режа : 1. Сепараторларни монтаж қилиш 2. Печларни монтаж қилиш 3. Музлатгич ускуналарини монтаж қилиш

1. Сепараторларни монтаж қилиш Сепараторларни монтаж қилиш қуйидагича амалга оширилади: Анкер болтлар қудуқчаларга қўйилиб, қудуқчаларга 1:3 таркибли цемент қоришмаси қуйилади. 60 % га қотгач сепаратор монтажи давом эттирилади. Сепаратор фундаментга шундай ўрнатилиши керакки, веретина тик ҳолатда бўлиши, фундамент болтлари тешик деворларига тегмаслиги керак. Сепаратор том ёпқичда ўрнатилса, резина прокладкалар станина лапалари остига ва том ёпқич остки томонидаги болт каллаклари томонидан қўйилади. Ғилофли резина прокладкаларни ўрнатишда дастлаб болтга ғилоф, сўнгра прокладка ва қопқоқ кийдирилади. Сепараторнинг ҳолати обтарози ва чизғични чаша устига қўйиб текширилади. Горизонталликдан оғиш 1000 мм. диаметрга 0,02-0,05 мм.дан ошмаслиги лозим. Сепаратор ҳолати фундамент ва амортизатор орасига юпқа тунука прокладка қўйиб текисланади. Сўнгра болтга лапа устидан резина прокладка (қалпоқчали) қўйилиб гайкалар бир текис тортилади. Сепаратор тозаланади ва мойланади. Бўялмаган юзалар 0,5% ли содали иссиқ сув билан ювилади. Қозон, барабан ҳам ювилиб, қуритилади ва артилади. Мой ваннасига тахометр корпусидаги тешик орқали керосин солиниб, 4-5 мин. электродвигатель ишлатилади. Сўнгра станина пастидаги тиқин олиниб, керосин тўкилади. Ваннага тоза мой солиниб, 5-6 мин. электродвигатель ишлатилади. Керосин қолдиғи билан аралашган мой тўкиб ташланади, сўнгра 3 л. И-12 мойи қуйилади. Сўнгра сепаратор барабан ва қопқоқсиз синалади. Вертикал валнинг айланишига эътибор берилади. Агар тахометр стрелкаси оғса, вал тўғри айланаяпти. Сўнгра барабан йиғилади. Вертикал валнинг конус қисми ва барабаннинг асосидаги конус қисми вазелин билан юпқа мойланади. Барабан веретенога кийдирилиб, гайка қотирилади ва винтлар стопорланади. Тарелка тутқичда тарелкалар рақамлари бўйича йиғилади. Сўнгра у барабанга қўйилади. Резина прокладка қўйилиб, барабан қопқоғи ёпилади.

Резьба мойланиб, қотириш ҳалқаси тортилади. Ундаги О белгиси барабан қопқоғидаги шундай белги билан мос тушиши лозим. Муфталар ёрдамида бириктириладиган бирикмаларни монтаж қилиш кетма-кетлиги қуйидагича: а) машина, электродвигатель ва редуктор лойиҳа ҳолатига қўйилади; б) бирикадиган валларнинг горизонталлиги ва паралеллиги текширилади; в) обтарози, чизғич ва шуп ёрдамида валлар дастлабки центровка қилинади. Бўйлама йўналишда валларнинг силжиши зазор қиймати бўйича текширилади. Валларнинг паралеллиги чизғич ёрдамида аниқланади. Икки ярим муфтанинг цилиндрик сиртларидаги номувофиқлиги 0,05 мм.дан ошмаслиги лозим. Ярим муфталарнинг бурчакли силжиши улар орасига 4 нуқтада шуп қўйиб кўриб текширилади. Электродвигатель, редуктор ва машина валлари марказлаштирувчи мослама ёрдамида текширилиб, якуний қотирилади. Бунда ҳам текшириш 4 нуқтада амалга оширилади. Ярим муфталар орасидаги зазорнинг катталиги 0,03 мм. дан ошмаслиги лозим. Акс ҳолда подкладка қўйиш ёки уларни горизонтал кўчириш билан центровка қилинади. 2 . Печларни монтаж қилиш ФТЛ - 2 -66 печи 4 яшикда йиғилмаган ҳолатда корхонага келтирилади. Панел, ёпиш листлари, устки ва остки қисмлари, ўтхона, конвейер занжири ва тишли блоклар . Дастлаб ведомость бўйича печь қисмларининг тўлиқлиги ва фундамент текширилади.

Монтаж каркас деворларини йиғишдан бошланади. У фундаментга қўйилгач, рама монтаж қилинади. Конвейерни ўрнатишдан олдин 3 та бўйлама сим тортилади. Четки симлар занжир ўқларидан, ўртадаги сим эса печнинг ўқидан ўтади. Шу симлар бўйича ғишт терилади, ўтхона ўрнатилади. ўтхона рамаси билан ғишт орасида 5 мм. қалинликдаги асбест лист ўрнатилади. Кузатиш люклари шоқул ва обтарози ёрдамида ўрнатилади. Люк корпуси 3-5 мм. ли асбест картон билан ўрнатилади. Нон сифатли чиқиши учун печь тўсиқлари жуда яхши бекитилиб, ташқи томонидан асбест лист билан ўраб чиқилади. Конвейер йўналтирувчиларини ўрнатишдан олдин, уларнинг ўқлари текширилади. Йўналтирувчилар занжир ўқлари бўйича обтарози билан горизонталлигини текшириб ўрнатилади. Кронштейнлари ғишт деворга маҳкам қотирилади. Йиғма бирликлар қуйидаги кетма-кетликда ўрнатилади: 1) етакчи вал рама ва подшипниклари билан; 2) пастки йўналтирувчилар кронштейн ва рама билан; 3) тарангловчи вал подшипниклари ва рамаси билан; 4) юкори йўналтирувчилар кронштейнлар билан. Гишт териш тугагач ва пишириш камераси ўтхонаси тайёр бўлгач, конвейер занжирлари блок-юлдузчаларга ўрнатилиб, люлкалар маҳкамланади. Конвейерни ишга туширишдан олдин, конвейер занжири графитли керосин билан, узатма занжири - И-30А маркали индустриал мой билан, шарикоподшипниклар-универсиал УТС -1 мойи билан мойланади, червякли редукторга И - 40 А мойи қўйилади. Конвейер дастлаб қўлда айлантириб кўрилади. Занжир жуда таранг бўлмаслиги керак, занжир звенолари тишли ғилдиракка яхши илашиши ва йўналтирувчи яхши ётиши керак. Люлкадан пишириш камерасининг полигача 890 мм. бўлиши лозим. Сўнгра, 3 соат давомида электродвигатель ёрдамида обкатка қилинади.

3. Музлатгич ускуналарини монтаж қилиш Аммиакли музлатгичларнинг асосий машинаси- компрессордир. Завод- тайёрловчидан компрессор тайёр йиғилган, муҳрланган ҳолда келади. Агар муҳр тўғри бўлса, компрессор ревизиясиз йиғилган ҳолда монтаж қилинади. Муҳр бузилган ёки умуман йўқ бўлса, транспортировка қоидаси бузилган бўлса, монтажолди ревизияси қилинади. Бунда компрессор очилади, йиғилган деталларининг тўлиқлиги, ишлатишга яроқлилиги текширилади. Ревизиядан ва деталларни тузатгандан сўнг, деталлар керосинда ювилади, қуруқ артилади, мойланади ва йиғилади. Агар компрессорда шкив ўрнатилмаган бўлса, уни вал устига қўйилади ва шкив ўрнатилади. Шкив ўрнатилгандан сўнг, уни радиал ва торцион уриши соат типидаги индикатор билан текширилади. Компрессор пойдевор устига қўйилган пўлат подкладкали пакетга ўрнатилади. Пакетлар пойдевор болтларининг икки томонида жойлаштирилади. Пакетлар баландлиги 50 мм.дан ошмаслиги лозим. Подкладкаларнинг юқори юзаси бир горизонтал текисликда бўлиши керак. Монтаж қилиш белгисига компрессорлар турли йўллар билан олиб борилади ва подкладкага эҳтиёт бўлиб туширилади. Унинг картери барча подкладкаларга бир текисда тегиб туриши, пластиналарга болға билан оҳиста уриб текширилади. Бунда пластиналар қўзғалмас ҳолатда бўлиши керак. Ӯрнатилган компрессор горизонталлиги ва вертикаллиги обтарози ва шоқуллар ёрдамида текширилади, кейин эса болтлар якуний қотирилади.

Адабиётлар 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [54-65]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [53-64]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[70-87]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [65-72].

O'xshashlar

Асосий технологик жиҳозларни таъмирлаш

Умумзавод жиҳозларини монтаж қилиш

Умумзавод жиҳозларини монтаж қилиш

Монтаж ишларига тайёргарлик ва ташкил қилиш

Тўқимачилик машиналарини монтажини ташкил қилиш. Жиҳозни монтажида ишлатиладиган асбоб ва мосламалар.