logo
  1. Bosh sahifa
  2. Referatlar
  3. Transport
  4. Асосий технологик жиҳозларни таъмирлаш

Асосий технологик жиҳозларни таъмирлаш

Yuklangan vaqt:

20.09.2019

Ko'chirishlar soni:

0

Hajmi:

95.5 KB
Ko'chirib olish
Асосий технологик жиҳозларни таъмирлаш Режа : 1. Насосларни таъмирлаш 2.Поршенли насосларни таъмирлаш. 3. Вентиляторларни таъмирлаш 4. Трубопроводларни таъмирлаш 5. Пластинали иситгичларни таъмирлаш 6. Сепараторларни таъмирлаш 7. Қ уриткичларни таъмирлаш 8. Вакуум- буғлатгич ва трубали пастеризаторларни таъмирлаш 9. Музқаймоқ ишлаб чиқариш жиҳозларини таъмирлаш 10. Қадоқлаш ва қуйиш жиҳозларини таъмирлаш 11. Транспорт воситаларини таъмирлаш 12. Идиш ювувчи машиналарни таъмирлаш 13. Шнекли прессларни таъмирлаш 1. Насосларни таъмирлаш Марказдан қочма насосларда асосан резина манжетлар ейилади. Бунинг асосий сабаби насос суюқликсиз, салт ишлашидир. Манжетлар янгисига алмаштирилади. Вал бўйинчаси ейилганда вал наконечниги алмаштирилади. Иш ғилдираги конус ёки қопқоққа тегиб қолса (сабаби, насос нотўғри йиғилса, вал эгри ёки иш ғилдираги деформацияланса) насос шовқин билан ишлайди. Бунда насос дарҳол ишдан тўхтатилади, қисмларга ажратилади ва нуқсонлар бартараф қилинади. Ротацион насосларда бронза втулкалар, прокладка, сальник жойланмаси, насос қопқоғи ва корпуси, вал бўйинчаси тез ишдан чиқади. Таъмирлашда насос тўлиқ қисмларга ажратилади. Деталлар ювилади, кўрикдан ўтказилади, ўлчовлар ўтказилиб, ейилиш даражаси аниқланади. Қуйидаги жадвалда насос асосий деталларининг нормал ва рухсат этилган ўлчамлари, йиғма бирликлар схемалари, нуқсонлар турлари тасвирланган. Кўпинча қуйидаги деталлар ишдан чиқади: ишчи ғилдирак, йўналтирувчи аппарат, тебратиш подшипниклари, лабиринтли зичлагич. Насосни ремонтга тўхтатишдан олдин сўрувчи ва ҳайдовчи қувурларнинг ҳалқаси ёпилади ва насос сувдан бўшатилади, сўнгра барча назорат-ўлчов асбоблар ечилади, тўсиқлар олинади, юритма муфта ажратилади. Таъмир пайтида қуйидаги ишлар бажарилади. 1) коррозия, қолдиқ ва ифлосликлардан насос корпуси ва ишчи ғилдирак пўлат шётка билан тозаланилади; 2) подшипник мой камераси текширилади, керосин билан ювилади ёки янгисига алмаштирилади; 3) сальниклар ва лабиринт зичлагичлар текширилади. Насосни ишлатганда совуқ сув учун ёғли ип-газлама қоплама, ҳарорати 100 С дан юқори бўлган суюқликлар учун эса асбест қоплама ишлатилади. Насос вали катта тезлик билан айлангани учун сальник ва зичлагичларга эътибор бериш керак. Сальникни нотўғри ёки ноўрин тортилганда вал қизиб кетиши ёки сальник қоплама ишдан чиқиши мумкин. 2.Поршенли насосларни таъмирлаш. Асосан қуйидаги деталлар ишдан чиқади: цилиндр ва поршенли ҳалқа сирти, поршень штоки ва йўналтирувчи втулка; клапан ва сальник зичлагичларнинг қистирмаси. Насос цилиндри унинг сиртида 0,1 мм. ошадиган даражада ғадир- будирлик бўлган тақдирда таъмирланади. Цилиндрга токарлик станогида ишлов берилади. Штокнинг ташқи сийқаланган сирти жилвирланади. Шток таъмирлангандан сўнг, сальник зичлагич втулкаси ва устун втулкаси янгисига алмаштирилади. Штокнинг сальник зичлагичлари (цилиндрнинг юқори қисмида жойлашган) янгисига алмаштирилади. Таъмирланган поршенли насослар қуйидаги талабларга жавоб бериши керак: цилиндр эллипслиги ва конуслиги 0.02 мм. ошмаслиги, ишчи сирти текис ва силлиқ бўлиши лозим. Насосни йиққандан сўнг, суюқлик юборилиб, герметикликка синалади. 3. Вентиляторларни таъмирлаш Вентиляторларда кўпинча қуйидаги нуқсонлар ва носозликлар кузатилади. 1) Вентилятор валининг электродвигатель вали билан нотўғри центровка қилиш, ротор вибрацияси ёки мойлашнинг камлиги натижасида подшипниклар ва вал бўйнининг сийқаланиши; 2) Чанг, температураси юқори бўлган газлар таъсири натижасида ғилдирак паррагининг ва кожухнинг сийқаланиши. Вентиляторларни таъмирлаш учун алоҳида қисмларга ажратиб, подшипниклар, вал, кожух, ротор парраги астойдил кўриб чиқилади. Подшипниклар валда тўғри зич ўтириши учун улар даставал ванада минерал мой билан 90 С гача қиздирилади. Подшипниклар юқорида айтилгандек ўрнатилади. Валларни таъмирлашда унинг бўйинчаси пайвандлаш ва жилвирлаш йўли билан тикланади. Бунда вал синмаслигининг олдини олиш керак. Вал бўйни ва цапфа қисмлари метализация йўли билан таъмирланади, бунда солинадиган қатлам қалинлиги 10 мм. дан ошмаслиги лозим. Қийшайган валлар совуқ ёки иссиқ усуллар билан тўғриланади. Иссиқ усул вал диаметри 50 мм. ва ундан катта бўлган тақдирда ишлатилади. Шпонка ариқчалари, узилган резьбалар юқорида айтилган йўл билан таъмирланади. Марказдан қочма вентиляторлар Cm4, Cm5,Cm45 пўлатдан тайёрланади. 4. Трубопроводларни таъмирлаш Шиша трубопроводлар таъмирланмайди, янгисига алмаштирилади. Уларни кесишда 1 мм. диаметрли нихром сим уларга ўралади ва 36 в. кучланишли ток манбаига уланади. Сим очиқ ва қизил рангга кирганда очилади ва сув сепилади. Трубалар учлари йирик донадор карборунд тош билан тозаланади. Конусли ёки штуцерли трубопроводларни алмаштиришда, улар одатда пайвандланади. Айрим ҳолларда эса конус ва штуцер трубага ўрнатилади. Труба учи развальцовкаланади ва бирикма герметиклиги таъминланади. Штуцер труба бўйлаб силжимаслиги учун уни бир неча жойи трубага кавшарланади. Таъмирнинг бу усули содда, кам вакт талаб қилади (15 мин) ва бунда трубопроводнинг хизмат муддати узаяди. Ёғ узатиладиган трубопроводлар таъмирлашдан олдин каустик сода эритмаси билан ва иссиқ сув билан ювилади, сўнгра трубалар учлари куйдирилади. Бунда развальцовкалаш осонлашади. Трубаларнинг эгилиш жойларида уларнинг кесим юзаси 10% дан ортиқ камаймаслиги лозим. Акс ҳолда бу ерда босим ошади, ёғ исийди ва напор камаяди. Уланиш жойларидаги пайванд чоклари занглаб тешилади. Тешиклар пайвандланади. Гидроппаратуралар уланиш жойларида конуссимон штуцер резьбаси ейилганда, улар алмаштирилади. Таъмирланган трубопроводлар сиқилган хаво юборилиб, герметикка текширилади, сўнгра ишга туширилади. Ҳаво трубалари уланиш жойларида ёки пневмоарматура ўрнатиш жойларида нуқсонлар пайдо бўлади. Бунда зичлагичлар алмаштирилади. Нуқсонли жойлар шиша материал лентаси ёки эпоксид елим шимдирилган ип газлама лента билан ўралади. 5 . Пластинали иситгичларни таъмирлаш Нуқсонли пластиналарни алмаштиришда улардан ўнг ёки чаплигига эътибор бериш лозим(47- расм). Янги пластиналар тайёрловчи - завод томонидан таъминланадиган тешиксиз пластиналардан тайёрланади. Эксплуатация пайтида асосан резина прокладкалар ишдан чиқади. Бунинг асосий сабаби секциялардаги маҳсулот ва сувдан юқори температураси ёки рассолнинг агрессивлиги, шунинглек механик шикастланишлар бўлиши мумкин. Агар пластиналар максимал сиқилгада (ҳар бир пластинага 0,2 мм) суюқлик оқиши тўхтамаса, прокладка алмаштирилади, бунинг учун аппарат очилади, пластинадан резина прокладка олиб ташланади ва пластина ғилофи, янги прокладка БР-1 маркали бензин билан ювилади. Прокладкаларни елимлашда 78- БЦС типидаги елимдан фойдаланилади. Бунинг учун елим дастлаб аралаштирилади. Прокладка ва ғилофда жилвир қоғоз ёрдамида ғадир-будирликлар ҳосил қилинади. БР-1 бензини билан ёғсизлатирилади, 10-15 минут қуритилади. Сўнгра ғилоф ва прокладкага кисточка ёрдамида елимнинг 1 қатлами суртилади. Бунда елим қатламида ҳаво пуфакчалари бўлмаслиги лозим. 10 минут қуритилиб, иккинчи қатлам елим суртилади ва 1-3 минут давомида қуритилади. Прокладкани эҳтиёт бўлиб, ғилофга жойлаштириб қўл билан қисилади ёки резина ролик думалатилади. Юксиз 24 соат давомида ушлаб турилиб, пластинадаги ортиқча елим артиб олинади, тальк сепилиб пластиналар йиғилади. Сўнгра 0,35 МПа босим остида совуқ сув билан синовдан ўтказилади. Сўнгра аппарат очилади, кузатилади, елимнинг ортиқчаси артиб ташланади ва қайта йиғилиб ишга туширилади. 6. Сепараторларни таъмирлаш Сепарторнинг асосий тез ишдан чиқадиган қисмлари марказдан қочма фрикцион муфта колодкалари, шарикли подшипниклар, таянч пружиналари, червякли ғилдирак, прокладкадан иборат. Сепараторнинг кичик таъмирида, уни фундаментдан олмасдан накладкалар алмаштирилади. Пружиналарнинг биртасида нуқсони бўлса, улар тўлиқ алмаштирилади. Агар пружиналардан биртаси алмаштирилса, унинг бикрлиги катта бўлганлиги учун веретена бир текис айланмайди ва вибрация вужудга келади. Зичлагич ҳалқалар ва прокладкалар, нуқсонли болт, винт, шпилка, штифтлар алмаштирилади. Капитал таъмирлашда сепаратор тўлиқ очилади ва червяк ғилдирак, веретено, горизантал вал, подшипник тўлиқ алмаштирилади. Шунингдек барабан ва марказдан қочма фрикцион муфта мувозанатлаштирилади. Сепарторни алохида вертикал ва горизантал валлар гуруҳлари бўйича ажратиш қулай. Ажратишдан олдин электродвигатель манбадан узилади, мойи тўкилади ва артилади. Подшипникларни ва пружинани алмаштириш мақсадида веретена гуруҳи қисман, червяк ғилдирак ва подшипникларни алмаштириш мақсадида горизантал вал тўлиқ ажратилади. Веретена гуруҳини ажратишда ундан лабиринт зичлагич қопқоғи очилади. Таянч корпусини станинага бириктирувчи болт 29 очилади. Эҳтиётлик билан, горизонтал вал тишли ғилдирагини шикастланмасдан веретено таянч корпус ва подшипниклар билан биргаликда станинадан чиқарилиб олинади. Шарикоподшипник 10 дан таянч корпуси 27 ажратилади. Таянчни ажратиш учун қалпоқчалар 7 буралиб, пружина 8 ва обойма 26 олинади. Зарурат бўлмаса подшипникни веретено 11дан ажратиш шарт эмас. Пружиналарни алмаштиришда улар бикрлигининг бир хиллигига эътибор бериш лозим. Бунинг учун баландлиги бўйича чизиқли ўлчамлари  0,3 мм. дан ортиқча фарқ қилмайдиган пружиналар комплекти танланади. Шестерна 13 ни алмаштириш учун съемник ёрдамида веретено 11 дан подшипник 15, втулка 14 ва шестерня 13 ажратилади. Йиғиш ажратишга тескари тартибда амалга оширилади. Горизонтал вал гуруҳи қисмлар бўйича ажратилади. Марказдан қочма муфтани кўздан кечириш учун станинанинг электрдвигателдан қарама-қарши томондаги қопқоғи очилади. Накладкалар ейилганда барча накладка ва колодкалар вазни ўлчанади. Вазндаги фарқи 3 г.дан ошмаслиги лозим. Тишли ғилдирак тишларидан 1 / 3 қисми ейилган бўлса, у алмаштирилади. Уни алмаштириш учун горизонтал вал гурухи ажратилади. Электродвигатель эгилувчан муфта ярим муфтаси билан биргаликда станинадан ажратиб олинади. Сунгра горизонтал вал 22 дан съемник ёрдамида етакчи ярим муфта 13 ажратилади, винтлар буралиб, подшипник қопқоғи олинади. Сўнгра станинадан тахометр қопқоғи билан биргаликда ажратилади. Марказдан қочма фрикцион муфта ажратилгач горизонтал вал фланец билан биргаликда олинади. Йиғишдан олдин барча деталлар ювилиб мойланиши лозим. 7. Қ уриткичларни таъмирлаш Пленкали қуриткичлар валиклар сиртида тирналишлари, ўйиқлар ҳосил бўлганда, валиклар жилвирланади. Валикка буғ узатиш ва конденсатни чиқаришга хизмат қиладиган цапфа сальниклари тиқинлари эскирганда алмаштирилади. Валикларнинг нуқсонли подшипниклари қайта тикланади. Конденсат чиқаргич ажратилади, тозаланади, ишчи сиртлар қайта тикланади ва йиғилади. Эгилган шнек парраклари болға билан текисланади, вал алмаштирилади. Шунингдек, пичоқларни қотириш механизми, пичоқларни валикка босимини ростлаш механизми, майдалагич ва вентилятор деталлари таъмирланади. Сочиб берувчи қурутгичлардан сотувчи диск ички сирти ва соплоси ишдан чиқиши мумкин. Бунда сопло кесими ошиб, сочиладиган маҳсулот сарфи ошади ва маҳсулот керакли даражада қуриб улгурмайди. Сопло кесими колибра ёрдамида доимий текшириб борилади. Эскирган сопло янгисига алмаштирилади. Ҳаво йўлларидаги асосий нуқсонлар фланецли бирикма, заслонкаларда зичликнинг бузилиши, металлнинг занглашидир. Бунда болтлар тортилади, эски прокладкалар алмаштирилади. Пачақланган жойлар ёғоч болта билан тузатилади. Шарнирли заслонкалар шарнири мойланади, пачоқланган жойлар тузатилади. Таъмирланган ҳаво йўллари бўялади. Ишлатиш пайтида қуритгичларнинг ёрдамчи қурилмалари ҳам таъмирланади. Иситкич пластинкаларга чанг ёпишиб ифлосланади. Уларни тозалаш учун сиқилган ҳаво билан пуфланади, кучли ифлосланишда кальцийланган сода эритмаси билан ювилади. Трубкаларни концентрланган ишқор эритмаси билан ювилади. Тешик трубалар учлари пайвандлаб ташланади. Циклонларни нормал ишлатишда шлюзли затвор ротори ва корпус орасидаги зазор 0, 05 мм. бўлиши лозим. Акс ҳолда затвор орқали ташқи ҳаво сўрилади. Натижада циклоннинг тозалаш даражаси пасаяди ва ҳаво билан чиқиб кетадиган қуриган маҳсулот миқдори ортади. Таъмирлашда затвор корпуси ва роторининг шакли ва ўлчамлари тикланади, зазор ростланади, шунингдек ротор узатмаси деталлари тикланади. Циклонга уланган барча ҳаво йўллари герметик бўлиши лозим. 8. Вакуум- буғлатгич ва трубали пастеризаторларни таъмирлаш Вакуум буғлаткичларда асосан сиртий конденсатор ва буғлатгичларнинг трубалари ишдан чиқиши мумкин. Сиртий конденсаторни капитал таъмирлашда труба ичи ва трубалараро бўшлиқ тозаланади. Бунинг учун конденсатор юқори қопқоғи очилади, трубалар ичи тозаланади. Сўнгра трубаларга сода эритмаси қуйилиб, 8 соат давомида циркуляция қилинади. Сўнгра эритма тўкиб ташланади ва трубалар иссиқ сув билан ювилади. Трубалараро бўшлиқ ҳам шу тарзда тозаланади. Трубаларнинг труба тўрига развальцовка қилинган жойларида нуқсонлар пайдо бўлиб, герметиклар бузилади. Кичик нуқсонларда труба учлари қайта развальцовкаланади. Ейилиши 50% дан ошганда трубалар алмаштирилади. Алмаштиришда дастлаб барча трубаларни аввал бир тўрга, сўнгра иккинчи тўрга развальцовкалаш лозим. Таъмирлашдан сўнг конденсатор йиғилади, гидравлик босим остида герметикликка текширилади ва буғлаткичнинг қолган элементлари билан уланиб, яна синалади. 9. Музқаймоқ ишлаб чиқариш жиҳозларини таъмирлаш Узлуксиз фризерларда кўп ейиладиган деталлар жумласига сақлагич штифт, занжир ва юлдузчалар, пичоқ, вариатор тасмаси, клапан эгари ва нинаси, шестерня, насоснинг бронза втулкаси ва қопқоғи киради. Аксар деталлар чизмалари фойдаланиш бўйича кўрсатмада келтирилган. Совутувчи цилиндр ички хромланган сиртида нуқсонлар пайдо бўлса, у алмаштирилади. Цилиндрни ажратишда, унинг қопқоғи очилади ва аралаштиргач олинади, цилиндр орқа кронштейндан, уч йўлли аммиак кранидан ажратилиб олинади. Олд қисмдаги шпилькалар очилиб, қопқоқ олинади, сальник гайкалари очилиб, сальник ҳалқаси олинади. Тез музлатувчи аппаратнинг люлкалари ўз шаклини йўқотади. Уларни ёғоч болға билан тузатилади. Транспортёр занжири ва юлдузчалари, бармоқлар, шплинт, бўшатиш транпортёр лентаси ишдан чиқиши мумкин. Кўп ейилган деталлар янгисига алмаштирилади. Аммиак системаси жиҳозлари, трубопроводи ва арматурасини таъмирлашда «Аммиакли совутиш қурилмаларида техника хавфсизлиги қоидалари» га амал қилинади. 10. Қ адоқлаш ва қуйиш жиҳозларини таъмирлаш Флягаларга қўйиш машиналари тақсимлагич юлдузча валда буралиб кетиши мумкин. Бунда юлдузча очилиб унинг конусли втулкасининг вал конусига тегиши кўздан кечирилади. Юлдузча конусдан махсус съёмник ёрдамида ажратилади. Бунинг учун қисиб турувчи қалпоқчали гайка очилади ва унинг ўрнига съёмник буралади, сўнгра съёмник винти буралиб, юлдузча валдан ажратилади. Қуйиш машинасининг тез ейилувчи детали: понасимон тасма, зичлагич ҳалқа, прокладка, занжир, подшипник. Шиша идишларга қуйиш машиналарини таъмирлашда асосан саноат усулида тайёрланган эҳтиёт қисмлар ишлатилади. Автомат дастлаб гуруҳларга, сўнгра йиғма бирликларга ва ниҳоят деталларга ажратилади. Нуқсонли деталлар тикланади ёки янгисига алмаштирлади, сўнгра механизм ёки йиғма бирликлар гуруҳи йиғилиб, созланади, синалади, сўнгра навбатдаги механизмни ажратишга киришилади. Шиша идишларни ювиш машина техник ҳолатига боғлиқ ҳолда йилига бир марта капитал таъмирлашга очилади. Бунда барча ташиш қурилмалари очилиб, аниқ нуқсонлар бартараф қилинади: пайванд чоклари, пачоқланган жойлар. Ейилган роликлар ва ролик бармоқлари алмаштирилади. Тишлар иланишлар бўяш йўли билан текширилади. Редуктор ейилган деталлари алмаштирилади. Насослар иш ғилдираги, қопқоқ, корпуси, подшипник, цапфа ва сальниклари текширилади. Идиш юклаш механизмида занжир трассаси ва юклаш акумлятори, барча фильтр ва соплолар ҳолати текширилади. Йиртилган сетка ва ейилган соплолар алмаштирилади. Машинага керосин, бензин ва бошқа эритувчилари ҳиди ўтириб қолмаслиги учун барча деталлар таъмирдан сўнг ишқор эритмаси билан ювилади. Ажратилган деталларни эхтиёт қилиш мақсадида уларга ёғоч ёки бошқа юмшоқ прокладкалар орқали зарба бериш лозим. Ӯзгариб турувчи юклама таъсирида бош транспортёр етакчи вали қўққисдан синиб қолиши мумкин. Вални тиклаш учун унинг синган учларида тешик пармаланади, уларга пўлат стерженлар прессланади ва валнинг синган бўлаклари пайвандланади. Юлдузчанинг синган тишлари металл пайвандлаш ва механик ишлов бериш йўли билан тикланади. Масленкалар резьбаси ейилганда катта ўлчамли резьба чиқарилади ва ўтиш штуцери ўрнатилади. 11. Транспорт воситаларини таъмирлаш Шнекли транспортерларни таъмирлаш. Шнекларни ишлатиш жараёнида қуйидаги носозликлар учрайди: ташиладиган маҳсулотнинг ўрам учларини сийқалаши натижасида ёйилиши; шнек катта миқдордаги маҳсулот билан бостирилиши ёки кўп маҳсулот ортилиши натижасида ўрамларнинг узилиши; в) мойланмаслиги ёки чангланиб кетиш натижасида вал бўйнининг ейилиши ва осма подшипникларнинг сийқаланиши. Агар сийқаланиш анча кўп бўлса, жиҳоз алмаштирилади: унга катта бўлмаган сийқаланишлар ямоқ пайвандлаш ёки елимлаш йўли билан таъмирланади. Шнек шакли ўзгарганда ёғоч болтача билан тузатилади. Таъмирлаш пайтида эгилган ўрамлар тўғриланади; узилганлари янгисига алмаштирилади. Янги ўрамлар тайёрлаш учун пўлат тунука (қалинлиги 1.5- 2.5 мм) ишлатилади. Шнек ўрамлари вал ёки қовурға (труба) пайвандланади. Сўнгра вал ёки труба станокда текширилади, чунки пайвандлаш пайтида у деформацияга учрашиши мумкин. Оралиқ ўрамлар тўғриланади. Подшипникларнинг таъмирланиши остки қопқоқ ва подшипник асоси орасидаги қистирмани алмаштириш билан бошланади. Норияларни таъмирлаш. Норияларни таъмирлаш қуйидаги ҳолларда керак бўлади. а) нория трубалари, бошчаси, бошмоқ қисми сийқаланганда; б) нория трубаси ва подшипниклар ишдан чиққанда; в) лента ва занжир, барабан ва юлдузчалар сийқаланганда; г) чўмичлар (ковш) сийқаланганда. Нория каллагини ажратиш: Юритма тўсиқлари ечилади; чиқарувчи патрубка ечилиб ажратилади, тортилувчи ленталар сусайтирилади, бошмоқнинг тортма механизмидан юк олинади. Подшипник корпуслари ажратилади. Редуктор вали ва барабан вали ажратилади. Тормоз ускуна ажратилади; деталлар тозаланиб ювилади. Нория бошмоғи ва каллаги кожухини таъмирлаш. Ӯша қалинликдаги тунука пўлатдан 4-6 мм. заклепкалар билан ямоқлар қўйилади, заклёпка ички қисми (учи) пачақланади. Ямоқлар электр ёки газ пайванд ёрдамида қилинади. Каллак ва бошмоқдаги пачақликлар тузатилади. Нория бошмоғи ва каллаги деталларини таъмирлаш. Валнинг эгилган жойлари тузатилади ёки янгисига алмаштирилади, сийқаланган бўйинлар пайвандланади, жилвирланади. Барабан спицасидаги дарзлар ҳам пайванд қилинади, сийқаланган подшипниклар янгисига алматирилади. Муфта, юритма ва уларнинг деталларини (втулка, тишли, ғилдирак) таъмирлаш умумий қоидалар асосида олиб борилади. Чўмичларни очилувчи люк орқали таъмирланади ва алмаштирилади. Формаси бузилган чўмичлар шаблон ёрдамида тўғриланади. Чўмичларни бириктирувчи чизиқлар ўзаро бир хил масофада параллел, лента четига эса перпендикуляр жойлашиши керак. Чўмичлар нория болтлари ёрдамида чўмич ичида шайбаси билан маҳкамланади. Лентали конвейерлар сочма ва қадоқланган маҳсулотларни горизонтал ва қия йўналишда транспорт қилиш учун ишлатилади. Асосий йиғма бирликлари юритма ва чўзма станциялар ролик таянчлар, қабул қилувчи лоток, бўшатувчи тележка, қиялаштирувчи роликлар, лента, станина. Ишлатиш жараёнида барабанлар,станциялар, таянчлар ўқи, вал, подшипниклар ишдан чиқиши мумкин. Таъмирдан сўнг конвейерни қабул қилиш. Таъмирдан сўнг конвейер юклама билан ва салт ишлатилади. Иш пайтида конвейер станцияси вибрация қилмаслиги, ролик таянчлар шовқин солмаслиги керак. Ролик таянчлар айланиб туриши лозим. 12. Идиш ювувчи машиналарни таъмирлаш Бу машиналарда кўпинча кассеталарда, ҳаракатни трасса бўйлаб берадиган деталлар, таянч органлари (занжир, трос) ортувчи ва тушурувчи механизмлар ишдан чиқади. Касета шиша ювувчилар асосан синган идиш парчаларининг орасига кириб қолишидан бузилади.Улар форма шаблон ёрдамида тўғриланади. Сийқаланган кулаклар ва капиралар янгисига алмаштирилади (баъзан эса металь билан пайвандлаб ишлов бериш мумкин.) Сийқаланган шприцлар ҳам янгисига алмаштирилади. Валикли дробилкаларни таъмирлаш. Қуйидаги нуқсонлар учрайди: қопқоқ, даста, шарнирларнинг бузилиши, валиклар сиртининг қийшайиши, уларнинг устида тешиклар пайдо бўлиши, подшипникларнинг, тишли ғилдирак тишларининг сийқаланиши, вибрация пайтида пружиналарнинг синиши. Дробилка очилгандан сўнг валиклари устахонага юборилади, бошқа деталлари эса жойида таъмирланади. Таъмирдан сўнг валиклар цилиндрликка махсус чизғич билан текширилади. Пружиналар ҳам кўриб чиқилади, чунки вақт ўтган сари улар эскириб, ўз эластиклик хоссасини йўқотади. Таъмирдан сўнг дробилка аввалига салт, сўнгра юкланиш остида текширилади. Валиклар паралеллиги, улар орасидаги бўшлиқ, подшипниклар исиши, вибрация борлиги, пружиналар иши текширилади. 13. Шнекли прессларни таъмирлаш Иш жараёнида кўпинча қуйидаги деталлар сийқаланади. Ишчи камера (зеерли барабан), шнекли вал, манба ростлагичи ва юритма. Қисман сийқалашган силлиқ, текис ишчи сиртлар пайвандлаш ва кейинли механик ишлов бериш йўли билан таъмирланади. Зеер барабанларининг (ўсимлик мойи прессида), сийқаланган платиналари, схобалари янгисига алмаштирилади. Манба ростлагичи ва юритма деталлари юқорида айтиб ўтилганидек таъмирланади. Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [257-287]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [257-269]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[286-297]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [289-298].

O'xshashlar

Технологик жиҳозларни монтаж қилиш
Агрегатларни таъмирлаш жихозлари
Монтаж ишларига тайёргарлик ва ташкил қилиш
Йигириш ишлаб чикаришининг асосий технологик жараенлари, йигириш системалари ва режалари
Пневмомеханик йигирув машиналарини таъмирлаш