Техник хизмат кўрсатиш ва таъмирнинг моддий -техника воситалари - Transport - Referatlar

Техник хизмат кўрсатиш ва таъмирнинг моддий -техника воситалари

Yuklangan vaqt:

20.09.2019

Ko'chirishlar soni:

0

Hajmi:

38 KB

Ko'chirib olish

Техник хизмат кўрсатиш ва таъмирнинг моддий - техника воситалари Режа : 1. Таъмирлаш инструментлари, мосламалари 2. Эҳтиёт қисмлар паркини режаллаштириш ва уларни сақлаш 3. Яроқсиз инструмент ва жиҳозларни ҳисобдан чиқариш

1. Таъмирлаш инструментлари, мосламалари Жиҳозни тўғри ишлатиш, ТХК ва таъмирлаш кўп жихатдан ушбу ишларнинг ўз вақтида тўлиқ ҳажмда моддий - техника воситалари билан таъминланганлигига боғлиқ . Таъмирлаш моддий-техника воситалариги таъмирлаш инструментлари, мосламалари, эхтиёт қисмлар ва материаллар киради. Моддий техника воситалари иш унумдорлигининг ортишига, таъмирни сифатли ва тез амалга оширишга ёрдам беради. Мосламаларга айрим деталларни ва механизмларни тозалаш мосламаси, мураккаб деталларни йиғиш ва ажратиш съёмниклари, пластмасса масленкалар, ўлчов цилиндрлари киради. Мосламалар деталларни тез ва мустаҳкам қистириш, йиғиш - ажратиш ишларини механизациялашга ёрдам беради. ТХК ва таъмирлашда қўл тискилари, трубалар қистиргичлари, шкив, тишли ғилдирак, муфта, тебраниш подшипниклари ажратиш съёмниклари каби мосламлари ишлатилади. 2 . Эҳтиёт қисмлар паркини режаллаштириш ва уларни сақлаш Жиҳознинг иш қобилияти ёки созлигини таъминлаш мақсадида алмаштириладиган таркибий қисмларга эҳтиёт қисмлар дейилади. Жиҳозларни таъмирлашда янги эҳтиёт қисмлардан ёки таъмирланган эҳтиёт қисмлардан фойдаланилади. Олдиндан тайёрлаб қўйилган эҳтиёт қисмлар парки ТХК ва таъмирлашни тезлатиш имкониятини туғдиради. Деталлар корхонага тайёр ҳолда етказилиши ёки таъмирлаб тайёрланиши мумкин, омбор майдони ва воситаларини тежаш мақ садида деталларни жадвал асосида йил давомида тайёрлаб борган маъқул. Кичик маҳкамлаш детал (болт, гайка, шайба, шпилька)ларини марказлаштирилган ҳолда, катта миқдорда сотиб олган маъқул. Тез эскирадиган эҳтиёт қисмлар учун буютрма тузишда тайёрловчи- завод машина ва аппаратнинг ишлатиш йўриқномасига тез эскирадиган

эҳтиёт қисмлар каталоги қўшиб узатилади. Каталогда деталлар гуруҳ ва йиғма бирликлар бўйича жойлаштирилган. Буюртма тузишда деталнинг каталог бўйича тўлиқ рақами кўрсатилади. Эҳтиёт қисмларни сақлашда уларни шикастланишдан ва занглашдан ҳимоялашга алоҳида эътибор бериш лозим. Масалан: қадоқлаш автоматларининг асосий деталлари зич қоғозга ўралади, кичик деталлар тоза яшикларга жойланади. Занглашдан ҳимоялаш мақсадида ингибитор шимдирилган қоғозга ўралади. Бўялмаган деталлар занглашга қарши мойлар билан мойланади. Эҳтиёт деталлар сараланиб, турлари бўйича стеллаж хоналарига жойлаштирилади, оғирроқ деталлар пастда жойлаштирилади. Подшипниклар рақами бўйича сараланади, мойланади, қоғозга ўралади ва рақами бўйича жойлаштирилади. Занжирлар мойланади, қоғозга ўралиб, қадами ва узунлиги ёзилган ёзув билан стеллаж хоналарига жойлаштирилади. Понасимон тасмалар, типи бўйича сараланиб, махсус ёзувлар билан биргаликда осиб қўйилади. 3. Яроқсиз инструмент ва жиҳозларни ҳисобдан чиқариш Буюртма тузиш учун тайёрловчи - завод йўриқномасига "Тез ейиладиган ва заҳира деталлар каталоги" илова қилинади. Ейилган деталлар завод ва ҳисобдор шахс ҳисобидан қуйидаги ҳолларда рўйхатдан чиқарилади: -тайёрловчи - завод томонидан белгиланган муддат ишлаган деталлар; - қайта тиклаб бўлмайдиган, синган деталлар; -бахтсиз ҳодисалар (ёнғин, зилзила) ва авария натижасида йирик шикастланган жиҳозлар; - маънавий эскирган жиҳозлар. Жиҳознинг ишга яроқсизлиги бош муҳандис (раис), бош механик (ёки бош энергетик), бош технолог (ишлаб чиқариш мудири), лаборатория

мудири, бош ҳисобчи, касаба уюшмаси раисидан иборат комиссия томонтдан аниқланади. Комиссия томонидан тузилган актда жиҳознинг тайёрланган йили, инвентар рақами, корхонага келтирилган вақти, ишга туширилган вақти, бухгалтерия журнали бўйича қиймати, ўтказилган капитал таъмирлар сони ва харажатлари кўрсатилади. Шунингдек, актда рўйхатдан чиқариш сабаблари ҳам ўз ифодасини топиши лозим. 3 нусхада тузилган акт тасдиқланмагунча жиҳозни демонтаж қилиш ва ажратиш ман қилинади. Тасдиқдан сўнг, жиҳоз демонтаж қилинади, яроқли деталлари олинади, қолганлар металломга топширилади.

Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [132-147]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [134-156]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[145-158]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [134-157].

O'xshashlar

Моддий-техник таъминот усуллари ва воситалари

Техник хизмат кўрсатиш даврийлигини аниқлаш

Автомобилларга техник хизмат кўрсатиш ва таъмирлаш тизимининг вазифаси

Автотранспорт корхоналари ва техник хизмат кўрсатиш станцияларида автотранспорт воситаларига техник хизмат кўрсатиш ва таъмирлаш ишларини ташкил этиш усуллари

Автомобилларнинг электр жиҳозларига техник хизмат кўрсатиш ва таъмирлаш технологияси