Сиқилган газда ишловчи автотранспорт воситаларидан - Transport - Referatlar

Сиқилган газда ишловчи автотранспорт воситаларидан

Yuklangan vaqt:

20.09.2019

Ko'chirishlar soni:

0

Hajmi:

777.5 KB

Ko'chirib olish

Сиқилган газда ишловчи автотранспорт воситаларидан Фойдаланиш хусусиятлари Режа: 1. Сиқилган табиий газлар (СТГ) ҳақида маълумот 2. Сиқилган табиий газда ишлайдиган автомобилларнинг конструктив хусусиятлари 3. Сиқилган табиий газда ишлайдиган автомобилларга ТХК ва жорий таъмирлашни ташкил этиш.

Сиқилган табиий газлар (СТГ) ҳақида маълумот Сиқилган газлар суюлтирилган нефт газларига нисбатан қуйидаги афзалликларга эга: - анча ҳавфсиз, ҳаводан енгил бўлганлиги учун чиқаётган газ учиб кетади; - арзон; - табиатда заҳираси кўп; - чиқинди газлари экологик тоза ва ҳ.к. Сиқилган газлар нормал ҳароратда, ҳатто юқори босимда ҳам газ ҳолатини сақлайди. Суюқ ҳолатга минус 82 0 С дан паст ҳароратда ва 4,5 МПа босимда ўтади. Асосий компонентлари – метан; бошқа углеводородлар ҳам бор, шунингдек углерод оксиди, кислород, азот, сув, механик аралашмалари ҳам бўлади. Қазилма бойликлардаги табиий газлар таркибида 82 . . . 98 фоиз метан, 6 фоиз гача этан, 1,5 фоизгача пропан ва 1фоиз гача бутан бўлади. Нефт конларидаги газларда эса 40 . . . 82 фоиз метан, ҳамда 4 . . . 20 фоиз этан ва пропан бўлади. Сиқилган газлардан фойдаланишда баллон аппаратурасининг оғирлиги асосий камчилиги ҳисобланади. Легирланган пўлатдан тайёрланган, 50 л ҳажмли газ балоннинг 20 МПа босимли газ билан оғирлиги 62,5 кг, углеродли пўлатдан тайёрланганда эса 93 кг оғирликка эга бўлади. Саккизта тўла тўлғизилган баллон оғирлиги автомобил юк кўтариш қобилиятининг 14 фоизини ташкил этади ва у 200 . . . 280 км йўл юришга етади. Бензин ёнилғисидан сиқилган табиий газга ўтилганда двигателнинг қуввати 18 . . . 20 фоизга, юриш тезлиги эса 5 . . . 6 фоиз га камаяди. Тезланиш шиғов вақти (время разгона) 24-30 фоизга ортади. Сиқилган табиий газдан фойдаланиш самарадорлигини ошириш учун сиқиш даражасини 10 гача ошириш, цилиндрни тўлғизиш коэффицентини ошириш (киритиш қувур ўтказгичи диаметрини катталаштириш орқали), киришда газ исишига йўл қўймаслик, газ тақсимлаш фазасини ўзгартириш талаб қилинади. Булар ҳаммаси двигател конструкциясини ўзгартиришни талаб қилади. Нефтга нисбатан табиий газ заҳираси кўплиги сабабли ундан фойдаланиш истиқболли ҳисобланади. Газни (-160 0 С) совуқ ҳароратда суюлтирилса ва у изотермик баллонларда сақланса, газ баллон массасини камайтириш мумкин бўлади. Бундай газ энергияси ҳажми бўйича суюлтирилган нефт газига тенглашиши мумкин.

Ишончли (мустаҳкам) ва арзон криоген ёнилғи баклари яратилса, газ қуйиш шаҳобчалари қурилса, у ҳолда сиқилган табиий газда ишлайдиган автомобиллар сони ҳам янада кўпайиши мумкин бўлади. Табиий газлар асосан метандан СН 4 (82-98 фоиз), қисман этан С 2 Н 6 (6 фоизгача), пропан С 4 Н 8 (1,5 фоизгача) ва бутан С 4 Н 10 (1 фоизгача) аралашмасидан иборат бўлади. Автомобиллар учун мотор ёнилғиси сифатида фойдаланиладиган сиқилган табиий газ учун махсус техник шарт ТУ 51166-83 “Ёнувчи сиқилган табиий газ. Газ баллонли автомобиллар учун ёқилғи” ишлаб чиқилган бўлиб, бунга биноан автомобилларга газ тўлғизиш компрессор станцияларида (АГТКС) сиқилган табиий газнинг А ва Б маркалари мавжуддир. Улар бир- биридан фақат зичлиги ва иссиқлик бериши билангина фарқланади. (бу фарқ турли ҳажмдаги метан ва азотнинг таркиби билан изоҳланади.) А ва Б маркадаги сиқилган табиий газнинг нархи бир хил, бунда газ ёнилғининг элементар таркиби, октан сони, ёниш иссиқлиги, ёниши даражаси, намлик миқдори ва ифлос аралашмалардан тозаланганлик даражаси газнинг сифатини баҳоловчи асосий параметрлари ҳисобланади. Энергетик параметрлари бўйича 1 м 3 табиий газ (метан) 1 л бензинга эквивалент ҳисобланади. СТГнинг эксплуатацион характеристикаларини ошириш учун антидетонаторли қўшилмаларни қўллаш талаб қилинмайди, чунки унда метан борлиги сабабли октан рақами етарли даражада юқори ҳисобланади. Метан оддий углеводородлар туркумига киради, молекуласида бир атом углеродга максимум водород тўғри келади. Шунинг учун у юқори ёниш температурасига эга бўлиб, кенг диапазонда ёна олади ва заҳарлилик чиқиндилари жуда кам миқдорда бўлади. СТГ да водороднинг кўплиги двигател цилиндрларида ёнилғининг тўла ёнишини таъминлайди (бензин ва суюлтирилган газга нисбатан.) Бошқа углеводородли газларга нисбатан метан ҳаводан анча енгил. Шунинг учун газ сирқиб чиқиб кетган тақдирда, бинонинг юқори қисмларида тўпланиб қолади. Метан юқори детонацион турғунликка эга бўлганлиги учун двигателни сиқиш даражасини ошириш имконини ҳам беради. (9,5-10,5). Автотранспортда СТГ дан самарали фойдаланишнинг энг асосий муаммоларидан бири АГТКС да газни яхшилаб қуритиш, намликни йўқотиш муаммосидир. Газдаги намлик 9 мг/м 3 дан ошмаслиги керак. Шабнамланиш нуқтаси 20 МПа босимда 30 0 С га тенг. Агар бу шарт қаноатлантирмаса, газ редукторларида муз тиқини ҳосил бўлишига олиб келади. СТГда олтингугурт водороди миқдори массаси 0,1 фоиздан ошмаслиги керак.

СТГ нинг ўт олиш ҳарорати бензинникига қараганда уч марта юқори бўлиб, 608 0 С . . . 625 0 С га тенг. Бундай юқори ёниш ҳарорати, айниқса атроф муҳит совуқ бўлганда двигателни юргизиб олишни қийинлаштиради. СТГда ҳар бир метан массасига тўғри келадиган иссиқлик ажралиши бензинга нисбатан 12 фоизга кўп, аммо ёнувчи аралашма ёнгандаги иссиқлик миқдори бензинга нисбатан оз. Бензинли ёнувчи аралашмада энг кам солиштирма иссиқлик миқдори 3553,0 кж/кг бўлса, метанда бу қиймат 3218,6 кж/кг ёки 9,5 фоизга кам. Автомобилда ишлатиладиган сиқилган газ ёнилғига қўйиладиган талаблар Автомобилда фақат кондицион ёнилғи ишлатилганда қувват, ёнилғитежамкорлик, экологик ва автомобилларнинг тортиш-динамик кўрсаткичлари, уларни эксплуатациядаги барқарорлигига эришилади. СТГ сифати шундай бўлиши керакки, бундан газ баллонли автомобилларда фойдаланилганда қуйидаги талаблар бажарилсин: - бир хил ёнувчи аралашма ҳосил бўлиши учун газ ҳаво билан яхши аралашиши; - ёнувчи аралашма юқори калорияли бўлиши; - двигател цилиндрида ёнганида детонация бермаслиги; - двигателда ва унинг таъминот тизимида қурум ҳосил бўлмаслиги учун қатрон (сақич, смола) ва механик аралашмаларнинг минимал миқдорда бўлиши; - двигател картеридаги мойнинг суюлмаслиги ва оксидланмаслиги, деталлар юзасида коррозия ҳосил бўлмаслиги учун турли аралашмалар миқдорининг кам бўлиши; - чиқинди газларда заҳарли ва канцероген элементларнинг минимал ҳосил бўлиши; - таркиб ва хусусиятларини ҳажм ва вақт бўйича йўқотмаслиги керак. Сиқилган табиий газда ишлайдиган автомобилларнинг конструктив хусусиятлари ЗИЛ-138А автомобилининг газ баллонли қурилмасидаги юқори босимли баллонлари юк платформасининг остига, бўйлама брусларга, кронштейнлар ва хомутлар ёрдамида маҳкамланади (1-расм.) Эксплуатацияда ҳавфсизликни таъминлаш учун бу юқори босимли баллонлар ҳар бири тўрттадан баллонли иккита тенг секцияларга ажратилган бўлади.

Ҳар бир секция алоҳида сарфлаш вентиллари билан жиҳозланган. Барча баллонлар тўлдириш вентили орқали бир йўла газ билан тўлғизилади. 1-расм. Зил-138А газ баллонли автомобилининг принципиал схемаси. 1-салт ишлаш қувурчаси; 2-газ узатиш қувурчаси; 3-паст босим редуктори; 4-газ узатиш электромагнит клапани; 5-газ баллонлари; 6- сарфловчи вентил; 7магистрал вентил; 8-тўлдирувчи вентил; 9-иситгич; 10- юқори босимли редуктор; 11-иситгич тўсқичи; 12-карбюратор-аралаштиргич; 13-бензиннинг электр магнит клапан-фильтри; 14-бензин насоси. Баллонлар ўзаро бир нечта бурчакли штуцерлар ёрдамида, учликлар ҳамда 2 мм қалин деворли ва ташқи диаметри 10 мм бўлган пўлат найлар орқали боғланган бўлади. Пўлат найлар спиралсимон бурама шаклдаги компенсаторлар билан таъминланган. Компенсаторлар автомобил рамаси деформацияланганда пўлат найларни узилишдан сақлайди. ЗИЛ-138 автомобилда паст босимли, икки босқичли, мембранали, босимни автоматик созловчи редуктор ўрнатилган. Газ баллонли қурилмада иккита камерали К-91 газ аралаштиргич кўзда тутилган. Унинг конструкциясида двигателни СТГда ишлаши учун қўшимча салт ишлаш тизими мавжуддир. Кўрилаётган газ баллонли қурилманинг принципиал фарқланиши таъминот тизимида иккита редуктор борлигидадир: биринчиси - юқори босимли редукторбосимини 20,0 МПа дан 0,8-1,2 МПа гача пасайтириб беради иккинчиси паст босимли бўлиб, газ босимини 0,07 кг/см 2 гача пасайтириб беради; бу икки босқичли редуктор (3) суюлтирилган нефт газида ишлайдиган автомобилларда ҳам қўлланилади. Газ баллон қурилмаси ҳаво фильтри, карбюратор-аралаштиргич (12), ишга туширгич (9), юқори ва паст босим редукторлари ва автомобилдаги газ

заҳирасининг авариявий сигнализаторидан иборат бўлади. Электр магнит клапани ва фильтр бир корпусга жойлаштирилган бўлиб, паст босимли редуктор кронштейнига ўрнатилган. Электр магнитли клапан (4) двигателни юргизиб олиш тизимидаги дозалаш қурилмаси ҳисобланади. Бу клапан ташқи ҳаво совуқ ҳароратда бўлганида двигателни самарали юргизиб олиш учун хизмат қилади. Уни редукторнинг (3) биринчи босқичи билан карбюратор-аралаштиргич орасидаги магистралга жойлаштирилади. Бу клапанни бошқариш ҳайдовчининг кабинасидаги бошқариш пультидан амалга оширилади. Магистралдаги электромагнитли клапан (4) ўт олдириш тизими ўчирилганида газ узатишни тўхтатишга мўлжалланган. У соленоид бўлиб, якори эса бир йўла вентил учун клапан бўлиб хизмат қилади. Юқори босимли манометр 25 МПа гача шкалаланган бўлиб, баллонлар (5) даги газ босимини кўрсатади. Бир йўла бу манометр автомобилларда қолган газ захирасини ҳам кўрсатади. Паст босимли манометр 0,4 МПа гача шкалаланган бўлиб, икки босқичли газ редуктори ишлашини ва тўғри созланганлигини назорат қилади. Газ баллонли автомобилларнинг таъминот тизимида газ иситгич (9) қўлланилган, у илон изи найча шаклида бажарилган бўлиб, СТГни чиқинди газлар ҳарорати билан иситади. Бу иситгич газ босими тўсатдан пасайганда СТГ таркибидаги намликнинг музлашини олдини олиш учун керак. Бензинли таъминот тизими анъанавий элементлар: ёнилғи баки, бензин насоси (14), ёнилғи найлари, электр магнитли клапан - фильтр (13) ва карбюратор-аралаштиргич (12) дан ташкил топган. Газ баллонли қурилма ёнилғининг бир турдан иккинчисига ўтказиш жиҳози билан таъминланган. Бунинг учун кабинадаги тумблер ҳолати "0" га ўтказилади, ишлатилаётган ёнилғи тўла ёниб бўлиб, двигател тўхтагунча кутиб турилади, кейин тумблерни иккинчи ёнилғи томонга ўтказиб-бураб яна двигателни ишга туширилади. СТГ дан фойдаланилганда газ, баллон қурилмаси қуйидагача ишлайди. Юқори босимли газ баллонлардан (5) газ сарф вентили (6) ва магистрал вентил (7) орқали иситгич (9) га келади. Ундан чиқиб юқори босимли газ редуктори (10) га келади ва бу ерда босим 0,8-1,2 МПа гача пасаяди. Ишчи босим 0,80 МПа дан камайганда, редуктор (10) очилади ва шу ҳолатда қолади. Редуктор корпусида жойлашган датчик-сигнализатордан электр сигнал асбоблар тахтасидаги назорат лампасини ёндиради. Бу ҳол баллонда қолган СТГ захираси автомобилни яна 10 . . .12 км юришига етишидан далолат беради.

Иситилган газ магистралдаги электр магнитли клапан фильтрга ўтиб механик аралашмалардан тозаланади ва икки босқичли газ редукторининг биринчи босқичига ўтади ва у ерда газ босими 0,18-0,20 МПа гача пасаяди. Ундан кейин газ биринчи босқичдан иккинчи босқичга ўтади ва у ердан чиқаётган газ босими атмосферага яқинлашади. Кейинчалик газ паст босимли редукторнинг иккинчи босқичидан дозаловчи экономайзер қурилмасига боради. Бу қурилма карбюратор-аралаштиргичга зарур миқдорда газ беришни таъминлайди. Натижада газ ҳаво фильтрида тозаланган ҳаво билан аралашиб ёнувчи аралашма ҳосил қилади. Аралашма карбюратор-аралаштиргичнинг диффузорлари ва аралаштирувчи камераларидан ўтиб киритиш коллекторига йўналади ва у ердан двигателнинг ҳар бир цилиндрига тақсимланади. Салт ишлаш режими учун зарур таркибдаги ёнувчи аралашма карбюратораралаштиргичнинг махсус қўшимча мосламасида ҳосил бўлади. Унга газ шланг орқали карбюратор-аралаштиргичнинг қисқа қувуридан берилади. Салт иш режимида ва бошқа режимларда двигателнинг турғун ишлашини таъминлаш учун карбюратор-аралаштиргичнинг оралиқ қисқа қувурида тескари клапан мавжуд бўлиб, у дроссел тўсқичлари очилган сари, очилади. Ҳаво ҳарорати совуганда двигателни ишончли юргизиб олиш учун махсус юргизиб олиш тизими бор. Бу тизим дозаловчи жиклерли электр магнитли юргизиб олиш клапани ва ҳайдовчи кабинасида жойлашган алмашлаб улагичдан иборат. Юргизиб олиш клапани паст босимли редукторда жойлашган бўлади. Совуқ двигателни юргизиб олиш жараёнида юргизиб олиш клапани қисқа муддат ишлатилади, бунда газ биринчи босқичдан тўппа-тўғри карбюратораралаштиргичга, яъни II босқичга кирмасдан ўтади. Чунки, паст босимли редукторнинг иккинчи босқичдаги клапани музлаб қолганда газ карбюратораралаштиргичдан ўтмасдан қолади. Карбюратор-аралаштиргичга газ бевосита 0,18-0,2 МПа босимда келиши совуқ двигателни юргизиб олиш ишончлилигини оширади. СТГни механик аралашмалардан тозалашга катта талаблар қўйилади. Таъминот тизимидаги дозаловчи элементларнинг аниқ ва ишончли ишлаши СТГнинг тозалигига кўп жиҳатдан боғлиқдир. Шу мақсадда СТГ уч марта тозаланади, яъни биринчи марта юқори босимли редукторга киришида алмашинувчан металл керамик фильтрда тозаланади, электр магнит клапан билан бир корпусда жойлашган, кигиз фильтрда иккинчи марта тозаланади. Паст босимли редукторга киришда, тўрли фильтрдан ўтганида учинчи марта тозаланади. Баллондаги босим ичидаги газ миқдорига тўғри пропорционалдир. Ёнилғи узатиш тизимидаги СТГ 0,8 МПадан паст босимда

бўлиши тавсия қилинмайди, чунки унда двигателнинг ишончли ишлашига кафолат берилмайди. Юқори босимли газ редуктори . Бу редуктор газ босимини пасайтириб бориш учун хизмат (2-расм) қилади. Газ эгар (19) ва клапан (24) орасидага тирқишдан ўтиб камера (16) га боради. Камера ҳажми катта бўлганлига сабабли газ босими камаяди. Газ фильтр (25) дан ўтиб, юқори босимли камера (20) га боради. Босувчи пружина (12) даги куч мембрана (14) ва турткич (7) орқали клапан (24) га узатилади. Клапан силжиши натижасида у билан эгар орасида тирқиш ҳосил бўлади ва газ ишчи камера (16)га ўтади. Юқори босимли газ редуктори чиқаётган газ босимини 0,8...1,2 МПа ушлаб туришни таъминлайди. У қуйидаги параметрлари билан характерланади: Максимал ишчи босимдаги ўтказувчанлиги, м 3 /соат ..... 55,0 Редукторга киришдаги босим, МПа .............. .... ... ... ......20,0 Редуктордан чиқишдаги ишчи босим, МПа.. .. .. ... . .. ...0,8-1,2 Ишчи босимнинг нотекислиги, МПа ........ .... .... .............0,13 Редуктор клапанини зичловчи материал .. .. . . . . . . .. . . дифлон Сақлагич клапанини ишлаш босими, МПа.. .. .. .. . . . . . 17,0-0,05 Юқори босимли газ редуктори корпус (22), қопқоқ (10), эгар (19), юқори босим манометр датчиги, босим пасайиши сигнализатори датчиги (32), керамик фильтр (25) ва босим пасайтиргич узелидан тузилган. Редукторнинг босим пасайтиргич узели клапан (24), пружина (23), керамик фильтр (26), турткич йўналтирувчиси (7) дан ташкил топган. Иккита фильтр (25, 26) борлиги сабабли редукторда газнинг тозаланиш сифати юқори бўлади.

2-расм. Юқори босимли газ редуктори. 1-фильтр; 2-сиқиш гайкаси; 3-юқори босим най-штуцери; 4-канал; 5-клапан зичлагич; 6-турткич йўналтиргичи; 7турткич; 8-созлаш винти; 9-гайка; 10редуктор қопқоғи; 11-таянч шайба; 12пружина; 13-сиқиш диски шайбаси; 14мембрана; 15-канал; 16-ишчи камера; 17-канал; 18-паст босим канали; 19- клапан эгари; 20-юқори босим камераси; 21-бўшлиқ; 22-редуктор корпуси; 23- пружина; 24-клапан; 25, 26керамикали фильтрлар; 27-втулка; 28, 29- қистирмалар; 30-датчик; 31-қопқоқ; 32- босим пасайиши лампаси; 33-тешик; 34- сақлагич клапани; 35-газ босимини фавқулодда пасайтириш штуцери. Созлаш винти (8) ни соат мили бўйича буралса, сиқиш пружинасидаги куч мембрана (14), турткич (7) ва босим пасайтириш клапани (24)га узатилади. Юқори босимли редуктордаги газ босими, газ эгар (19) ва клапан (24) орасидан ўтганда, бир босқич кенгайиши орқали пасаяди. Юқори босимли газ (25, 26) керамик фильтрлар орқали юқори босимли камера (20) га келади, босим пасайтириш узелидан ўтиб, ишчи камера (16) га келади. Босим пасайтириш клапани сиқиш пружинаси кучи таъсирида очилади. Бу кучни клапан (24), мембрана (14) ва турткич (7) орқали мембрана остидаги босим сиқиш пружинаси кучига тенглашгунча давом этади. Юқори босим редуктори махсус корпусга йиғилган бўлиб, рама лонжеронига газ иситгич ёнига маҳкамланади. Редуктордан чиқишдаги газ босими 1,7 МПа дан ортиб кетса, сақлагич клапан (34) ишлаб кетади. Редуктор автоматик тарзда 0,95 . . .1,10 МПа орасида босимни ушлаб туради. У газ босимининг тушиб кетиш сигнализатори датчиги (32) билан таъминланган. Янги конструкцияли газ баллонли автомобилларида созлаш винти (8) ўрнига, мембрана (34) йиртилиб кетса, газ босимини фавқулодда тушириш

учун штуцер (35) ўрнатилган. Редукторнинг мембранаси йиртилганда ёнғин ҳавфсизлигини ошириш учун қопқоқ (10) дан газни бурчак штуцери ва газ найчалари орқали капот остидан чиқариб юбориш чоралари кўрилган. Агарда, двигател ишлаш жараёнида карбюратор-аралаштиргичнинг дроссел тўсқичи қўққисдан очилганда редуктордан чиқишда газ босими пасайиб кетса, бу ҳол редуктор фильтрларининг ифлосланиб қолганидан далолат беради. Юқори босимли редуктурни фақат махсус устахоналарда таъмирлаш мумкин. Юқори босимли редукторда ҳар қандай носозлик пайдо бўлганида магистрал вентилини беркитиш ва таъминот тизимидаги газни ишлатиб юбориш керак. Редукторда газ борида уни таъмирлаш ёки деталларини маҳкамлаш қатъиян ман этилади. Электр магнитли клапан ва фильтр конструктив жиҳатидан бир корпусда жойлашган. Бу элемент табиий газни сақичли бирикмалар, занг маҳсулотлари чанғ ва бошқа механик аралашмалардан тозалаш учун ўрнатилган ва бир йўла фавқулодда (авария ҳолатида) газ магистралини автоматик равишда беркитиш учун мўлжалланган. ЗИЛ ва ГАЗ автомобилларидаги электр магнит клапанлар тузилиши жиҳатидан бир-биридан фарқ қилади. ЗИЛ автомобилларидаги газ фильтри (3 а-расм), корпус (13) фильтрловчи элемент, яъни тўр (8) ва кигизли ҳалқа пакетлар (9) дан ташкил топган (3-расм). Корпус (13) да иккита резбали тешиклар бўлиб, улар киритиш (3) ва чиқариш (12) штуцерларини бураш учун мўлжалланган. Газ фильтрининг қопқоғи резина ҳалқа (10) билан ва болт каллаги ости эса, мис шайба билан зичланган бўлади. Электр магнит клапани (1) ёпиқ ҳолатда бўлади ва газни паст босим редукторига ўтказмайди. Ўт олдириш тизими ёқилганда (газда ишлаганида) клапан очилади ва газ фильтрловчи элемент орқали паст босимли редукторга ўтади. 3-расм. СТГ учун фильтрли электр магнит клапан.

а) ЗИЛ туркумидаги автомобиллар; б) ГАЗ туркумидаги автомобиллар; 1-клапан; 2-канал; 3 - киритиш штуцери; 4-бўшлиқ; 5-болт; 6-қистирма; 7қопқоқ; 8-тўр; 9-фильтрловчи ҳалқалар; 10-зичловчи ҳалқалар; 11-чиқариш канали; 12- чиқариш штуцери; 13-корпус; 14-канал; 15 –қистирма; 16-электр магнит клапан; 17-пружина; 18-тиндиргич; 19-фильтрловчи элемент. СТГда ишлайдиган ГАЗ туркумидаги автомобилларда электр магнит клапан газ фильтр билан бир корпусга жойлашган бўлиб, шитокнинг чап томонида капот олдида жойлашган. Соленоид типидаги электр магнитли клапан ғалтак ўзак ва якордан, унинг бир учи зичлагич клапан кўринишида тайёрланган бўлиб, корпус (13) резбасига мис қистирма орқали маҳкамланади. Клапан - бўшлиқ (4) ва корпус (13), тиндиргич, киритиш ва чиқариш штуцерлари (12) дан иборат. Тиндиргичда фильтрловчи элементлар ва юкловчи пружиналар (17) жойлашган. Тиндиргични корпус (13) га болт (5) билан қистирма (6) орқали маҳкамланади. Фильтрловчи элемент (19) да навбатма-навбат ўзаро таҳланган тўр ва кигизли шайбалар бўлиб, у обоймага жойлаштирилган бўлади. Фильтрловчи элемент корпус (13) га мой ва бензинга чидамли резинали ҳалқалар (10) билан зичлаштирилади. Электр магнитли фильтр-клапан қуйидаги тартибда ишлайди: кириш штуцери (3) орқали газ ичи тешик болт, фильтрловчи элемент ва бирлаштирувчи канал орқали бўшлиқ (4) га келади. Клапан 1 электр магнит пружинаси таъсирида эгарга сиқилиб туради ва каналдаги чиқиш тешиги (14) ни беркитади. Ўт олдириш тизими уланганда (СТГ да ишлаганида) якор злектр магнит ғалтагига тортилади ва клапан (1) канал тешиги (14) ни очади ва газ паст босимли редукторга ўтади. Ўт олдириш тизими ўчирилганда эса, электр магнит пружинаси (1) клапанни сиқади ва бўшлиқ (4) даги газ босими ҳам қўшимча куч билан сиқиши натижасида тизимда геометриклик таъминланади. СТГ иситгичи. Газ босими пасайганда унинг ҳарорати пасаяди. Газдаги маълум миқдор намлик юқори босимли редукторни музлашга олиб келади ва газ таъминот тизимини ишдан чиқаради. Шунинг учун, газ таъминот тизими нормал ишлашини таъминлаш мақсадида газни олдин иситиш зарур. Шу мақсадда чиқинди газлар ёки совитиш тизимидан (суюқлик иссиқлигидан) фойдаланилади. СТГ иситгичи (4-расм) остки (3) ва юқориги (6) корпуслар, чиқинди газлар ўтадиган иссиқлик алмаштиргич (7) дан, чиқинди газларни киритиш (8) ва чиқариш қисқа қувуридан тузилган бўлади. Иссиқлик алмаштиргичнинг киритиш қисқа қувури эгилувчан металли енг билан

сўндиргич қувурига уланган. Чиқариш қисқа қувури (5) орқали чиқинди газлар атмосферага чиқариб юборилади. Иссиқлик алмаштиргичнинг жипслиги (0,200+0,025) МПА босимда текширилади. СТГ ни узатувчи “илонизи” (4) нинг жипслиги 25 МПа гидравлик босимда синалади. Иситгич корпусининг юзаси алюминий эмали билан қопланади. ЗИЛ ва ГАЗ автомобилларининг янги конструкцияларида СТГни иситиш бевосита капот остида жойлашган юқори босимли редукторда амалга оширилади. 25. 4-расм. СТГ иситгичи. 1-СТГни киритиш штуцери; 2-СТГни чиқариш штуцери; 3-остки корпус; 4“илонизи”; 5-чиқинди газларни чиқариш қисқа қувури; 6-юқори корпус; 7иссиқлик алмаштиргич; 8-чиқинди газларни киритиш қисқа қувури. Юқори босимли редукторга қайноқ сув двигателнинг совитиш тизимидан боради. Шундай қилиб, юқори босимли редуктор кронштейни бир йўла газ иситгич ҳамдир (5-расм). Кронштейн пластина (2) дан, совутиш суюқлиги патрубкаси (3) дан иборат, киритувчи (6) ва чиқарувчи (7) тешикларни ўз ичига олади. Двигателнинг совитиш тизимидан иссиқ сув кабинани иситиш крани қисқа қувур (3) дан кабинани иситувчи радиаторга, ундан кейин двигателни совитиш тизимидаги сув насосига боради.

Сиқилган табиий газда ишлайдиган автомобилларнинг газ таъминоти тизимидаги қолган барча асбоблари суюлтирилган нефт газида СНГ ишлайдиган автомобилларнинг абоблари билан бир хил. Сиқилган табиий газда ишлайдиган автомобилларга ТХК ва жорий таъмирлашни ташкил этиш СТГда ишлайдиган автомобилларга техник хизмат кўрсатиш ишлари Ўзбекистон Республикаси “Автомобил транспорти ҳаракат таркибига техник хизмат кўрсатиш ва таъмирлаш тўғрисида низом” га биноан бажарилади. Бу автомобилларга ТХК даврлари ва турлари базавий бензин автомобиллар билан бир хил бўлади, бироқ бажариладиган профилактик ишлар рўйхати фарқ қилади, ҳолос. Кундалик техник хизмат кўрсатиш ишларини автомобил ишга чиқишдан олдин ёки у йўлдан қайтиб келгандан кейин бажарилади. Бунда СНГда ишлайдиган автомобиллар билан бажариладиган ишларга қўшимча равишда яна қуйидаги ишлар бажарилади: ишга чиқишдан олдин газ баллонлари ҳамда юқори босимли газ редуктори яхши маҳкамланганлиги текширилади. Махсус асбоб ёки кўпикли аралашма ёрдамида газ магистралидаги бирикмаларнинг жипслиги текширилади. Олд ва орқа баллонлар вентиллари ва магистрал вентили бураб очилади, газ тизимининг жипслиги қулоқ солиб, эшитиб кўрилади. Двигателни газда ишлатиб, енгил ўт олиши, салт ишлаш режимида, двигател тирсакли валининг турли айланишлар частотасида ишлаши текширилади. Албатта, газ 25.5- расм . Юқори босимли редукторнинг кронштейн - иситгичи . 1- тешик ; 2- пластина ; 3- совутиш суюқлигининг киритиш қисқа - қувури ; 4- штуцер ўрнатиладиган жой ; 5- маҳкамлаш гайкаси ; 6,7- совитиш суюқлигининг киритиш ва чиқариш учлари .

баллонлар ҳамда бошқа газ ва бензин таъминот тизимининг агрегатлари автомобил билан бирга ювилади. Биринчи техник хизмат кўрсатиш ишлари . Сиқилган табиий газ ва суюлтирилган нефт газида ишлайдиган автомобиллар учун 1-ТХКдаги операциялари бир хил бўлса ҳам, баъзи фарқлар бор: автомобилни 1-ТХК постига қўйишдан аввал юқори босимли газ ўтказгичларнинг ва газ баллони арматураларининг жипслиги текширилади. Олд ва орқа гуруҳ баллонларининг сарф вентилларини бураб беркитилади. Тизимдаги газ тамом бўлгунга қадар двигател ишлатиб қўйилади. Ундан кейин магистрал вентили беркитилиб, двигателни бензинда ишлатишга ўтилади. Газ ва бензин таъминоти тизимидаги электр магнит беркитувчи клапан-фильтрларнинг жипслиги кўз билан (визуал) текширилади. 1-ТХК постига қўйишдан аввал двигателни ўт олдириш тизими ўчирилади ва кабина капоти кўтариб қўйилади. Юқори босимли газ редукторининг яхши маҳкамланганлиги текширилади. Ундаги фильтр ҳамда магистрал фильтрнинг элементи ечиб олиниб, тозаланади ва ўрнига йиғилади. 1-ТХК охирида двигател газда ва бензинда ишлаганида ундаги чиқинди газлардаги СО миқдори текширилади ва зарур бўлса, меъёрига келтириб созланади. Бу иш карбюратор-аралаштиргичдаги иккита винт ёрдамида амалга оширилади. Бунда карбюратор-аралаштиргичдаги юқори винтни бураш орқали алмашувчи режим ва остки винтни бураш орқали эса максимал айланишлар сони созланади. Бензинда ишлаганда эса чиқинди газлардаги СО таркиби салт ишлашнинг горизонтал жойлашган сифат винтларини бураш орқали созланади. Иккинчи техник хизмат кўрсатиш ишлари. Бунда қўшимча операциялар қуйидагилар: юқори босимли редукторни текшириб кўриш, зарур бўлса ростланади. Бундан ташқари СТГ иситгичи текширилади ва аниқланган носозлик ва бузуқликлар бартараф қилинади. Қолган барча ишлар худди СНГда ишлайдиган автомобиллардагидек бажарилади. Мавсумий техник хизмат кўрсатиш. Сиқилган табиий газда ишлайдиган автомобилларда олти ойда бир марта бажарилиши зарур бўлган ишлар: юқори босим редуктори сақлагич клапанининг ишлаш босими манометрлари назорат текширувидан ўтказилади ва кўрсаткичлари журналда қайд этилади; тирсакли валнинг максимал айланишлар сонини чеклагич иши текширилади; карбюратор-аралаштиргичнинг бошқарувчи юритмаси созлиги текшириб кўрилади;

бензин насосининг ишлаши (автомобилдан ечмасдан) текширилади; газ ўтказгичлар сиқилган ҳаво ёрдамида тозаланади. Йилда бир марта автомобилни қиш мавсумига тайёрлашда қуйидаги ишлар бажарилади: Карбюратор-аралаштиргич, юқори босим ва паст босим редукторлари автомобилдан ечиб олинади, тозаланади, ювилади ва созланади, махсус постда (қисмларга ажратилади, йиғилади) ростланади; Махсус стендда электр магнитли клапанлар қисмларга ажратилади, тозаланади ва йиғиб бўлингандан кейин, жипслик ҳамда ишлаши текширилади; тўлдириш ва баллондаги вентил қопқоқлари ечиб олинади ва улар деталларининг ҳолати текширилади; юқори ва паст босим манометрлари текширилади ва кейинги текширув муддати тамғаланади; газ етказиб бериш тизими 20 МПа босим остида текширилади; бензин насоси ечиб олинади, қисмларга ажратилади ва тозаланиб, йиғилади; автомобил бензин бакининг ҳолати ва маҳкамланганлиги текширилади, ундаги қуйқа тўкиб юборилади, бак ювилади. Углеродли пўлатдан тайёрланган баллонлар билан уч йилда бир марта ёки легирланган пўлатдан тайёрланган баллонлар билан беш йилда бир марта қуйидаги ишлар амалга оширилади: - шаҳодатлаш учун газ баллонлар ечиб олинади; - баллонлар пневматик ёки гидравлик синовдан ўтказилади; - баллонлар бўялади ва кейинги шаҳодатлаш муддати тамғаланиб қўйилади; - баллонлар автомобилга ўрнатилади ва ишончли маҳкамлаб қўйилади; - йиғилган газ таъминоти тизимининг жипслиги 20 МПа босим остида текширилади.

ФОЙДАЛАНИЛГАН АДАБИЁТЛАР 1. Асатов Э.А., Тожибоев А.А. «Ишончлилик назарияси ва диагностика асослари». Ўқув қўлланма.- Т.: «Эзгулик манбаи нариёти», 2006.- 160 б. 2. Надёжность в технике. Методў оценки показателей надёжности по экспериментальнўм даннўм. Методические указания. РД50-690-89., М.: Издательство стандартов, 1990 –132 с. 3. Эксплуатация дорожнўх машин. Учебник для вузов / А.М. Шейнин, Б.И. Филиппов, В.А. Зорин и др.: Под ред. А.М. Шейнина. – М.: Транспорт, 1992 –328 с. 4. Я.Б. Шор, Ф.И. Кузьмин. «Таблицў для анализа и контроля надёжности» М.: Издательство «Радио», 1968. – 288 с. 5. Проников А.С. Параметрическая надёжность машин. -М.: Изд-во им. Н.Э. Баумана, 2002.-560с. 6. Техническая эксплуатация автомобилей: Учебник для ВУЗов. 4-е изд., перераб. и дополн. / Е.С.Кузнецов, А.П.Болдин, В.М. Власов и др.-М.: Наука, 2004. 535 с. 7. Техническая эксплуатация автомобилей: Учебник для ВУЗов. / Под ред. Г.В. Крамаренко. 2-е изд., перераб. и доп. / и др. - М.: Транспорт, 1983. - 488 с. 8. Диагностика технического состояния автомобилей. Говоруҳенко Н.Я. Изд-во «Транспорт», 1970 г., стр. 1-256. 9. Мирошников Л.В. и др. Диагностирование технического состояния автомобилей на автотранспортнўх предприятиях. М., «Транспорт», 1977.

O'xshashlar

Автотранспорт воситаларини сақлаш

Автотранспорт воситаларини (атв) такомиллаштириш анъаналари

Маршрутда ишловчи транспорт воситаларининг ҳисоби.

Автотранспорт воситалари сервиси асослари

Автотранспорт воситалари бузилишларининг таснифи