Контейнерлар - Transport - Referatlar

Контейнерлар

Yuklangan vaqt:

20.09.2019

Ko'chirishlar soni:

0

Hajmi:

583.5 KB

Ko'chirib olish

Контейнерлар Режа: 1. Контейнер транспорт тизими 2. Контейнер турлари 3. Контейнерларни ташиш учун транспорт воситалари 4. Контейнерларга юкларни ортиш ва улардан юкларни тушириш. Алмашиниш пунктлари 5. Контейнер пунктлари 6. Контейнерлар билан ортиш - тушириш ишларини ва омбор операцияларини комплекс механизациялаш ва автоматизациялаш 7. Хавфсизлик техникаси талаблари

Контейнер транспорт тизими – юкларни узлуксиз схемада бир ёки бир неча турдаги транспортда ички ва ҳалқаро кўламда жадаллаштириб етказиб беришни таъминловчи ташкилий - техник комплексдан иборат бўлиб, стандарт контейнерларни, муносиб техник воситаларни, юк ташиш буюртманомасини ва уни тартибга солишни келишилган тизимини қўллаш асосида фаолият кўрсатади. Контейнерларда қиммат баҳо ва атмосфера таъсиридан хавфланувчи юклар транспорт идишсиз, бирламчи ўровда ёки енгиллаштирилган идишларда темир йўл, автомобиль, сув ва ҳаво транспортларида ташилади. Юк контейнерларга жўнатувчиларнинг омборларида ортилади ва юк улардан олувчиларнинг омборларида туширилади. Темир йўлларда ташилган ва кейинчалик автомобил ёки сув транспортига топшириладиган ёки аксинча топшириладиган контейнерлар очилмасдан, ичидаги юк бўшатилмасдан, бир транспорт турдан иккинчи транспорт турига бевосита ортилади. Контейнерлар билан омборлардаги, темир йўл станцияларидаги, портлардаги ва принстанлардаги барча ортиш - тушириш ва саралаш операциялари муносиб механизация воситалари ёрдамида бажарилади. Шунинг учун юк ташишнинг бундай илғор усулдаги ташкили жуда юқори самарадорликка эга. Юк ташишнинг контейнер тизими юк операциялари таннархини 2 маротабагача камайтиради, ортиш - тушириш ишларида меҳнат унумдорлиги 4 - 5 маротабагача ошади ва бу ишларни комплекс механизациялаш ва автоматизациялаш учун реал шароит яратилади. Аммо юк ташишнинг контейнер тизими турли контейнерларни ва уларни ортиш - тушириш ҳамда ташиш учун махсус механизациялаш ва ташиш воситаларини ишлаб чиқариш учун катта миқдордаги маблағни талаб қилади. Лекин бу сарф харажатлар тезда ўзини оқлайди ва бу усулда юк

ташишни келтирилган харажатлари ёпиқ вагонда юк ташишга нисбатан анча кам бўлади. Юқори самарадорлиги туфайли контейнер транспорт тизими ривожланган давлатларнинг ички юк ташиш тизимидан чиқиб халқаро юк ташиш тизимига айланади. Бундай юк ташишларни меъёрлаш масалалари билан стандартлаш бўйича халқаро ташкилот ИСО (ISO – International Оrganisation for standartisation) шуғулланади. Бу ташкилот юк контейнерларига (кейинчалик контейнер деб юритилади) қуйидаги таърифни берган. Контейнер–транспортнинг яхлит жиҳози, тўла ёки қисман ёпиқ кўринишдаги идиш бўлиб, уни ичига юкларни жойлаштириш мўлжалланган ва: - доимий техник тавсифномага ва кўп маротаба фойдаланиш учун етарли даражадаги мустаҳкамликка; - бир ёки бир неча турдаги транспортда юкларни уларнинг ўртасида қайта юкламасдан ташишни таъминловчи махсус конструкцияга; - уни бир турдаги транспортдан бошқа турдаги транспортга механизациялашган ортишни таъминловчи мосламаларга; - унга юкни ортишни ва юкни туширишни осонликча бажариш имкониятини яратадиган конструкцияга; - 1 м 3 га тенг ёки ундан ортиқ ички ҳажмга эга. Контейнер транспорт тизими: контейнерларда юк ташишни режалаштириш ягона тизимга; контейнер оқимларини самарали ташкил этишга ва контейнер ҳамда ҳаракатдаги махсус состав паркларини тартибга солиш (ростлаш) га; юк ташишни ягона иқтисодий ва тижорий – ҳуқуқий

тартибга солишга; барча техник воситаларни комплекс ривожлантириш (контейнерларни, юкларни пакетлашни, темир йўли, автомобиль, дарё, денгиз ва ҳаво транспортининг ҳаракатдаги составларини ва ортиш - тушириш ва омбор воситаларини стандартлаш ва унификациялаш) га асосланади. Контейнерларни стандартлаш учун ИСО таркибида ТК-104 «Юк контейнерлари» техник комитети мавжуд бўлиб, у барча контейнерларни икки: универсал ва махсус гуруҳларга ажратган. 2. Контейнер турлари Универсал контейнер – тўғри бурчакли шаклдаги контейнер, қаттиқ конструкцияли, ёпиқ, очиладиган ёки олиб қўйиладиган томли, кенг номенклатурадаги идиш – ўровли ва донали юкларни ташиш ҳамда вақтинчалик сақлаш учун мўлжалланган. Универсал контейнерларда барча пакетланган ва доналаб ташиладиган юклар: пачкаланган рангли металлар, металл буюмлар, кимё саноати маҳсулотлари, қурилиш материаллари, эҳтиёт қисмлар, консервалар, қуритилган мевалар, қандолатчилик маҳсулотлари, мебеллар, гиламлар, сунъий ва табиий толадан тайёрланган мато ва газламалар, тўқимачилик ва тикувчилик маҳсулотоари, идиш- товоқлар ва ёпиқ вагонларда майдалаб ва вагонлаб ташиладиган жуда кўп номдаги бошқа юклар ташилади. Махсус контейнерлар - бир турдаги ёки физика-кимёвий хусусияти буйича бир гуруҳга мансуб бўлган юкларни турли транспортларда ташиш ва уларни муомала жараёнида вақтинчалик сақлаш учун хизмат қилади.

ТК-104 «Юк конрейнерлари» техник Комитети контейнерларни асосий параметрларини ва ишлатиш соҳасини белгиловчи ИСО-668 Стандартини ишлаб чиққан. Унда контейнернинг ташқи ва ички ўлчамлари, жоизликлар (допусклар), брутто массаси ва контейнернинг ўзининг (тарасининг) максимал массаси белгиланган. Шунингдек универсал контейнерларни, контейнер - цистерналарни, тахланадиган конте й нерларни, контейнерларни ортиш-тушириш, ташиш ва маҳкамлаш воситаларини синаш услубларига ва техник талабларига ҳам стандартлар ишлаб чиқилган. 1-расмда турли хилдаги универсал ва махсус контейнерлар кўрсатилган. ИСО нинг ТК-104 «Юк контейнерлари» техник Комитети брутто массаси 30; 25; 20; 10; 5 ва 2,5 тоннали контейнерларни тавсия этади. Энг катта контейнер узунлиги 40 футь (12192 мм ) га тенг қилиб қабул қилинган. Бошқа контейнерларнинг узунлиги эса 76,2 мм оралиқни ҳисобга олган ҳолда асосий модуль 5 футь (1524 мм ) га карраликда қабул қилинган. Ҳалқаро юк ташишлар учун хизмат кўрсатадиган катта тоннажли контейнерларнинг баландлиги ва эни 2438 мм га тенг

1 - расм. Контейнер турлари: а ва б - катта тоннажли универсал контейнерлар; б - тентли ёпиқ универсал контейнер; г - ярим контейнер - платформалар; д - изотермик (рефрижератор) контейнер; е - суюқ юклар учун контейнер - цистерна; ж - ўрта тоннажли УУК - 2,5 (3) контейнери; з - ўрта тоннажли УУК - 5 контейнери.

қилиб, - 5 мм жоизлик билан қабул қилинган. Ўлчамлари карраликда бўлган контейнерларни ўзаро бирлаштириб, катта ўлчамдаги комплект юк бирлигини барпо этиш мумкин. Шунинг учун контейнернинг конструкцион узунлиги, улар ўртасидаги керакли оралиқни таъминлаши лозим бўлган ўлчамга қисқартирилган. Ёнма-ён контейнерлар бир-бирларига тўрт дона махсус бириктиргич (фиксатор) лар ёрдамида бирлаштириб қўйилади. Собиқ СЭВ (Ўзаро Иқтисодий ёрдам Кенгаши) нинг транспорт бўйича доимий Комиссияси брутто массаси 2,5 (3) ва 5 тоннали универсал унификациялашган контейнерларни (УУК) ва махсус гуруҳлашган контейнерларнинг (МК) турларини стандартлаш бўйича тавсия ишлаб чиққан. Собиқ СЭВ га аъзо давлатлар нинг контейнерларни асосий параметрлари ИСО контейнерлари параметрларига мос тушади. Контейнерларни ортиш - тушириш, тахлаш ва ташиш техник воситаларига ҳам стандартлар ишлаб чиқилган. МДҲ га аъзо давлатлар ва Латвия Республикаси, Литва Республикаси ҳамда Эстония Республикаси темир йўлларида катта тоннажли брутто массаси 10; 20 ва 30 т ли, ўрта тоннажли брутто массаси 5 ва 2,5(3) т ли универсал унификациялашган контейнерлар ва кичик тоннажли брутто массаси 1,25 ва 0,625 т ли автомобилларнинг унификациялашган контейнерлари ишлатилади. 1 - жадвалда баъзи бир универсал унификациялашган контейнерларнинг асосий параметрлари берилган. 1-жадвал Универсал унификацияланган контейнерларнинг асосий параметрлари

Контейнер нишонлари Контейнернинг таш қ и ўлчамлари, мм Ҳ ажм и, м 3 Ўз массси, т L B H УУК -30 [1A] 12192 2438 2438 61,5 3,6 УУК -20 [1C] 6058 2438 2438 30,3 2,1 УУК -10 [1D] 2991 2438 2438 14,3 1,2 УУК -5 [3A] 2650 2100 2400 10,3 1,1 УУК-5У [3 B ] 2100 1325 2400 5,4 0,8 УУК-2,5 (3 ) [3 C ] 2100 1325 2400 5,4 0,542 АУК-1,25 1800 1050 2000 2,54 0,28 АУК-0,625 1150 1000 1700 1,41 0,15 Изоҳ. 1 – жадлвалда : L - контейнернинг узунлиги, B - эни, H - баландлиги. Катта қовс ичида ИСО-668 стандарти бўйича контейнерларнинг нишонлари кўрсатилган. Контейнерлар: ўрта тоннажлилар устма-уст уч қават, катта тоннажлилари эса устма-уст олти қават тахланганида пухталикни ва мустаҳкамликни; механизация ва автоматизация воситаларини қўллаб ортиш-тушириш ишларини, омбор ҳамда транспорт операцияларини хавф-хатарсиз бажаришни; юкларни транспотда ташишда, сақлашда ва ортиш-тушириш ишларини бажаришда асрашни; унинг бутун ва таркибий элементларини ёки уларни алоҳида қисм (полининг тахталарини, эшикларини, томларини, деворларини ва ҳ,к,) ларини шикастланиш ёки вайрон бўлишининг кўзга кўринмас изларини қолдирмасдан ажратиб олиш имконияти бўлмаслигини таъминлаши лозим.

Контейнерларни ясаш учун пўлат листлардан, алюминий листлардан, шиша толалар билан мустаҳкамланиб, пластикалар қопланган, сувга бардошли елимлар билан ёпиштирилган фанералардан фойдаланилади. Шунингдек контейнерларни ясаш учун пластмассадан ва бошқа материаллардан ҳам фойдаланилади. Барча катта тоннажли контейнерларнинг ҳамма юқори ва остки бурчаклари оммавий бурчак фитинглар билан жиҳозланган. Бу бурчак фитинглар контейнерларни илиб олиш ва контейнерларни бир-бирига ва ҳаракатдаги составларнинг полига маҳкамлаш учун мослама бўлиб хизмат қилади. Контейнерларнинг остки рамасида автоюклагичларни вилкаси учун тирқиш (ўйма) лар ҳам мавжуд. Контейнернинг этак томонларининг бирида резина зичлагичли, икки қанот (табақа) ли контейнернинг бутун эни ва баландлиги бўйича 270 ° га очиладиган эшик жойлашган. Контейнерларнинг эшиклари қисув (сиқув) чи конструкцияли тамбалаш мосламалари билан жиҳозланган. Баъзи бир контейнерларнинг эшиги ён томонларда жойлашган бўлиши мумкин, лекин бундай жойлашган эшиклар контейнерлар ичига ме х анизациялашган юк ортиш ва туширишда баъзи бир муаммо ва мушкулликларни келтириб чиқаради. Эшиги этак томонда жойлашган контейнерларда бундай муаммолар ва мушкулликлар бўлмайди, чунки уни эшик қанотлари бутун эни ва баландлиги бўйича очилади ва уни ичига кичик габаритли вилкали юклагичлар пакетланган юклар билан ёки алоҳида юк жойлари билан бемалол кириб ортиш ёки тушириш ишларини бажариши мумкин. Контейнерларнинг эшик ва эшик рама (чорчўп) ларини конструкциялари: барча турдаги ва хос ўлчамдаги контейнерларнинг этак эшикларини 270 ° га ва катта тоннажли контейнерларнинг ён эшикларини 180 ° га очилишини; беркитилган ва пломбаланган эшикни ечиб (чиқариб) олишни имкониятини бўлмаслигини таъминлаши лозим. Контейнерларнинг полини периметри

бўйича, остки рамага тегиб турган жойлари ва пол тахталари ўзаро туташган жойлари герметик зичланган бўлиши керак. Контейнерларни ишлаб (ясаб) - чиқарувчи корхоналар, уларни стандарт талабларига мувофиқлигини текшириш учун: операцион ва қабул - қилиш назоратидан ; контейнерларни тажриба ва бош нусхаларини дастлабки ва намунавий синовдан ; серияли ишлаб чиқарилаётган барча контейнерларни қабул қилиш-топшириш синовидан ва юқорида кўрсатиб ўтилган турдаги назоратдан ўтган контейнерлар ичидан танлаб олинган контейнер нусхаларни даврий синовдан ўтказишни таъминлашлари лозим. Махсус катта тоннажли контейнерлар қуйидаги гуруҳларга бўлинадилар: этак ва ён деворларидаги бир ёки бир неча эшик ўймаларидан юк ортиладиган ёпиқ контейнерлар; томсиз очиқ контейнерлар; усти тент билан ёпилган орқа эшикли очиқ контейнерлар; контейнер-платформалар; оғир юкларни ташиш учун ярим баландликдаги контейнер - платформалар; контейнер - цистерналар; изотермик (рефрижератор) контейнерлар ва бошқа турдаги контейнерлар. Уларнинг барчасини параметрлари ИСО меъёрларига мувофиқ бўладилар. МДҲ давлатларида ва Латвия Республикаси, Литва Республикаси ҳамда Эстония Республикасида сочилувчан, донали, суюқ юкларни, идишсиз, идишда ёки енгил ўралган озиқ - овқат маҳсулотларини платформаларда ёки ярим очиқ вагонларда, автомобилларда, автопоездларда, дарё ва денгиз кемаларида ташиш ва уларни муомала жараёнида очиқ майдонларда вақтинчалик сақлаш учун махсуслаштирилган гуруҳли контейнер (МК) лар ишлатилади, уларнинг хос ўлчамлари эса стандартларда белгиланган. Зичлиги 1,8 т/м 3 гача бўлган қотиб қолмайдиган ва заиф (бўш) қотиб қоладиган, атмосфера ёғингарчиликларидан хавфланувчи сочилувчан юкларни ташиш ва вақтинчалик сақлаш учун параллелепипед шаклидаги , ёпиқ, томида ҳамда ён деворларини бирида ёки остида (тубида) қопқоқли

туйниклар жойлашган ва цилиндр ҳамда бошқа шакллардаги брутто массаси 1,25; 2,5; 3,2; 5,0; 10,0; 15,5 ва 20,0 тоннали контейнерлардан фойдаланилади. Кучли қотиб қолувчи ва музлаб қолувчи ҳамда зичлиги 1,8 т/м 3 дан юқори бўлган қотиб қолмайдиган ёки заиф қотиб қоладиган, атмосфера ёғингарчиликларидан хавфланувчи сочилувчан юкларни ташиш ва вақтинчалик сақлаш учун брутто массаси 3,2; 5,0; 10,0 ва 15,5 тоннали кесик конус шаклдаги , очиқ ва берк, бир қопқоқли туйник билан жиҳозланган ва аралаш шаклдаги контейнерлардан фойдаланилади. Бундай юклар учун катта тоннажли контейнерларни баландлиги 1500 - 1900 мм ни эни ёки диаметри 1960 - 2800 мм ни ва узунлиги эса 2800 мм ни, ўрта тоннажли контейнерларни баландлиги 1385 - 1900 мм ни эни ёки диаметри 1500 мм ни ва узунлиги эса 1630 мм ни, ташкил этади. Қуйилувчан, оқувчан юкларни ташиш ва вақтинчалик сақлаш учун брутто массаси 1,25; 5,0; 10,0; 20,0 ва 30,0 тоннали цилиндр ёки аралаш шаклдаги, ёпиқ, томида, тубида ёки ён деворларини бирида қопқоқли туйник жойлашган параллелепипед шаклдаги синч (каркас) ли контейнерлар ишлатилади. Тез бузилувчан озиқ - овқат маҳсулотлар учун брутто массаси 10; 20 ва 30 тоннали параллелепипед шаклдаги, ёпиқ изотермик, бир этак томонида эшик ва иккинчи қарама - қарши этак томонида машина бўлими жойлашган контейнерлар ишлатилади. Қуюлувчан ва сочилувчан юкларни ташиш ва вақтинчалик сақлаш учун кўпинча юмшоқ эластик, ҳажми 0,2 дан 10,0 м 3 гача бўлган контейнерлардан ҳам фойдаланилади. Улар узилишга ва эгилишга қарши юқори мустаҳкамликка эга, қуёш нурлари таъсирига барқарор, ейилишга чидамли ва ўзининг массаси эса ниҳоятда кам. Сочилувчан кимё маҳсулотларини турли транспортларда ташиш ва муомала жараёнида вақтинчалик сақлаш учун брутто массаси 1,5; 2,0; 4,0; тоннали ва ўзининг массаси 25; 50 ва 100 кг бўлган резинокордли юмшоқ эластик контейнерлардан фойдалиналади.

Машинасозлик ва қурилиш индустрияси саноатининг тайёр донали маҳсулотларини ташиш ва вақтинчалик сақлаш учун брутто массаи 2,5; 5,0; 10,0; 15,5 ва 20,0 тоннали параллелепипед шаклдаги ёпиқ, томи очиладиган ёки олиб қўйиладиган ва этак ёки ён деворларида эшиклар ўрнатилган контейнерлардан ҳамда металл бурчаклардан ва швеллерлардан ясалган турли контейнер - кассеталардан фойдаланилади. 2-расмда махсус контейнерларнинг баъзи турлари кўрсатилган. Геологик сочилувчан юкларни ҳамда емирувчи сочилувчан юкларни (масалан, карбон ишқорли реагент) ни транспортда ташиш ва вақтинчалик сақлаш учун КЦМ - 5 турдаги махсус контейнерлардан фойдаланилади. Бу контейнер яхлит металл конструкцияли бўлиб, унинг металлдан ясалган каркаси (синчи) пўлат туникалар билан қопланган. Контейнернинг таг қисми ҳалқали шарнир (ошиқ - мошиқ) ёрдамида унинг каркасига маҳкамланган бўлиб, ишчи ҳолатда махсус қулф - чангак билан беркитилиб қўйилади. Контейнернинг таг қисми қобирға бикирли гига эга бўлиб, унинг периметри бўйича резинали зичлагич ўрнатилган. Контейнернинг қопқоғи эса илмоқли шарнирлар билан унинг каркасига маҳкамланган бўлиб, қопқоқнинг марказида қўшимча юклаш туйниги мавжуд. Туйникдаги ва туйнук қопқоғидаги резинали зичлагичлар контейнернинг ичига нам ўтказмасликни таъминлайди. Юклаш учун махсус туйнукнинг мавжудлиги ва контейнернинг қопқоғини ҳамда унинг таг қисмини бутун периметри бўйича очилиши, контейнерни юк билан тўлдириш ва уни бўшатиш операцияларини анча жадаллаштиради. КЦМ - 5 турдаги контейнерни устма - уст қўйиб уч қават тахлаш мумкин. Контейнер каркасидаги махсус фиксатор (қайдлагич) рамалар, контейнерларни устма - уст тахлаш ва ортиш-тушириш ишларини бехатарлик билан бажаришни таъминлайди. КЦМ - 5 турдаги контейнернинг габарит ўлчамлари 1400х1360х1400 мм , брутто массаси 5 т, ўзининг массаси 0,45 т , ва ҳажми 2 м 3 .

Физика-киёвий хусусиятлари атмосфера ёғиингарчиликлари таъсирида ўзгариб кетувчи, қотиб қоладиган юкларни (масалан, минераль ўғитларни) транспортда ташиш ва вақтинчалик сақлаш учун СК - 2 - 1 турдаги махсус2 -расм. Махсус контейнерлар а - КЦМ - 5; б - СК - 2 - 1; в - СК - 8 - 2; г - контейнер кассета ;г)

контейнерлардан фойдаланилади. У тўрт қиррали кесик пирмида шаклида бўлиб, деярли квадрат асосли ост ва устдан иборат. Контейнер корпуси пўлат туникадан ясалган бўлиб, ташқарисига бикир қирралар пайвандланган. Контейнер корпусининг усти бутун кесими бўйича резина зичлагичли ва иккита пломбаланадиган қулфли қопқоқ билан ёпиб қўйилади. Контейнернинг юқори қисмига, унинг бутун периметри бўйича бурчакли металлдан сарров рама пайвадланган бўлиб, у контейнерни янада мустаҳкам бўлишини таъминлайди. Контейнерни устки қопқоғини очиб уни юк билан тўлдирилади. Бўшатиш эса контейнер ёнида, уни остки қисмига яқин жойлашган туйнук орқали амалга оширилади. СК - 2 - 1 турдаги контейнернинг габарит ўлчамлари 1400х1350х1600 мм , брутто массаси 4 т , ўзининг массаси 0,47 т ва ҳажми 1,9 м 3 . СК - 8 - 2 турдаги махсус контейнер ойна ва бошқа мўрт лист материалларни транспортда ташиш ва вақтинчалик сақлаш учун ишлатилади. Бу контейнернинг ўзига хослиги шундан иборатки, унинг икки томонидаги икки қанотли эшиклари контейнернинг бутун эни ва баландлиги бўйича 180 ° га очилади ва контейнер ичидаги махсус тахмон тагликка ойналарни тахлаб қўйишда ва тахмон тагликдан ойналарни олишда қулайлик яратади. СК - 8 - 2 махсус контейнерни ҳаракатдаги составларга ортиш - тушириш ишлари ва омбор операцияларини вилкали юклагич ёрдамида механизациялашган усулда амалга оширилади. Йирик бўйли шиферлар учун мўлжалланган контейнер - кассеталар ажраладиган конструкцияда бўлиб, бурчакли металлдан ясалган иккита рама шаклидаги ярим кассеталар 1 дан, занжирли боғлагичлар 2 дан, махсус қулфлар 3 дан ва бурчак тираклари 4 дан иборат. Иккита остлик устига текис тахлаб чиқилган шифер тўпламининг этак томонидан ярим кассеталар

кийдирилиб, бир-бирларига занжирли боғлагич билан тортиб, махсус қулф билан маҳкамлаб қўйилади. Тўрт ўқли ярим очиқ вагонга 24 дона юкли контейнер - кассеталар жойлаштирилади. Ҳар бир контейнер - кассетани брутто массаси 2,6 - 2,7 т ни ташкил этади. Контейнер - кассеталар узун томони билан олти қатор ярим очиқ вагон бўйича, икки қатор энига ва устма - уст икки қават баландликда жойлаштириб чиқилади. Контейнер - кассеталар бўш ҳолатда тахланиб, пакет ҳолатига келтирилади ва юк жўнатувчига қайтариб юборилади. 3. Контейнерларни ташиш учун транспорт воситалари Темир йўл транспортида брутто массаси 5 тоннагача бўлган универсал контейнерлар асосан қайта жиҳозланган ярим очиқ (контейнер ташувчи) вагонларда ва қисман универсал ярим очиқ вагонларда ташилади, махсус контейнерлар эса асосан универсал платформаларда ва қисман универсал ярим очиқ вагонларда ташилади. Брутто массаси 5 тоннагача бўлган универсал ва махсус контейнерлар бошқа турдаги магистрал транспортларда умумий фойдаланишдаги автомобилларда ва кемаларда ташилади. Катта тоннажли контейнерларни ташиш учун уни остки бурчак фитингларидан маҳкамлаш учун махсус тутқич (стопр) ли мосламалар билан қайта жиҳозланган универсал тўрт ўқли платформалардан ва узун базали тўрт ўқли махсус контейнер ташувчи платформалардан фойдаланилади. Узун базали тўрт ўқли махсус контейнер ташувчи платформага олтита УУК-10 [1 D ] ёки учта УУК-20 [1 C ] ёхуд битта УУК- 30 [1 A ] ва битта УУК-20 [1 C ] контейнерини жолаштириш мумкин. Тутқичли мослама билан қайта жиҳозланган универсал тўрт ўқли платфорларга тўрта УУК-10 [1 D ] ёки иккита УУК-20 [1 C ] ёхуд битта УУК-30 [1 A ] контейнерини

жойлаштириш мумкин. 3-расмда узун базали тўрт ўқли махсус контейнер ташувчи платформа кўрсатилган. 3-расм. Узун базали тўрт ўқли махсус контейнер ташувчи платформа Катта тоннажли контейнерларни автотранспортда ташиш учун махсус ярим тиркама ва тиркамалар мавжуд. Бу тиркама КамАЗ, МАЗ, Mersedes автомобилларига уланади ва бу авто - поездларда катта тоннажли контейнерлар шаҳар ичида, шаҳар атрофида ташилади. Ярим тиркама ва тиркамаларнинг рамаларига айланадиган илгак-тутқичлар ўрнатилган. Уларга катта тоннажли контейнер остки бурчак фитинги билан жойлашганидан сўнг, илгак-тутқични 90 ° га бураб қотириб қўйилади ва контейнер тиркама рамасига маҳкамланиб қолади. Кўтариш-транспорт машиналари бўлмаган корхоналарга хизмат кўрсатиш учун, контейнерларни ташишда автомобиль - ўзи юклагичлардан фойдаланилади. Портал

шаклидаги гидравлик кранли 5911 русумли - ўзи юклагич МАЗ-500 автомобилининг шассисига ўрнатилган бўлиб ўрта тоннажли контейнерларни ва оғир вазинли юкларни ташишга, ўзига ортишга ва ўзидан туширишга мўлжалланган (4-расм). 4-расм. 5911 русумдаги гидравлик кранли автомобиль -ўзиюклагич

5-расм. Катта тоннажли контейнерлар учун ярим тиркама контейнер ташувчи - ўзи юклагич Катта тоннажли контейнерлар учун ўзи юклагич юк кўтариши 20 -30 т бўлган ярим тиркама контейнер ташувчидан иборат бўлиб (5-расм) унинг рамасини олдинги ва этак қисмида юк кўтариш қурилмаси ўрнатилган ва улар ёрдамида контейнерларни ортиши ва тушириши мумкин. 4. Контейнерларга юкларни ортиш ва улардан юкларни тушириш. Алмашиниш пунктлари Контейнерларга юк ортиш ва тушириш асосан юк жўнатувчиларнинг ва юк олувчиларнинг омборларида амалга оширилади. Бўш контейнерлар автомобиль (автопоезд) ларда юк жўнатувчининг омборларига ташиб келтирилади. Автомобиль (автопоезд) кузуви (рамаси) даги турган контейнер эшикларини жойлашишига мувофиқ, омбор рампасига (бортли автомобилни аввал борти очилиб) ёни ёки орқаси билан келиб туради. Автомобиль (автопоезд) кузови (рамаси) да турган контейнер полидан омбор рампасига кўприк ўрнатилади, сўнгра вилкали юклагичлар пакетланган юкларни ёки тагликларга аввалдан тахлаб қўйилган юкларни омбор ичидан атвтомобиль (автопоезд) кузови (рамаси) да турган контейнерга элта бошлайди. Катта тоннажли контейнер ичига вилкали юклагич бемалол кириб юкларни жойлаштириб чиқиши мумкин. Ўрта тоннажли контейнерларни олдига викали юклагич тагликлардаги юкларни келтириб қўяди, ишчилар эса бу юкларни тагликдан олиб контейнер ичига тахлаб жойлаштирадилар.

Контейнерларга юк ортиб бўлинганидан сўнг юк жўнатувчи контейнер эшигини беркитиб тамбалайди, тамбалаш мосламасининг тутқичларини диаметри 4 мм ли термик ишлов берилган сим билан боғлайди ва уни пломбалаб юк хужжатларини шофер - экспедиторга топширади. Юкли контейнерлар автомобил (автопоезд) ларда темир йўлининг контейнер пунктига ташиб келтирилади ва бу ерда контейнер майдонининг қабул қилувчи - топширувчиси контейнерларни ва юк хужжатларни шофер - экспедитордан тижорий муносабатда қабул қилиб олади, сўнгра контейнер кранлар ёрдамида очиқ майдонга туширилади ёки бевосита автомобилдан темир йўл вагонларига ортилади. Контейнерлардан юк тушириш юқорида айтиб ўтилганларни аксича тартибда юк олувчининг омборларида амалга оширилади. Контейнерларда катта миқдорда юк жўнатувчи ва юк олувчи йирик корхоналарда ва ташкилотларда алмашиниш (обменный) пунктлари ташкил этилади ва бу алмашиш пунктлари контейнерларни ортиб-тушириш учун муносиб машина ва механизмлар билан жиҳозланадилар. Алмашиш пунктига темир йўлининг контейнер пунктдан ташиб келтирилган бўш (юкли) контейнерлар автопоездлардан туширилади ва уларни ўрнига аввалдан юк ортиб (тушириб) қўйилган юкли (бўш) контейнерлар ортилади. Аксарият ҳолатларда бундай йирик корхоналарга ва ташкилотларга хизмат кўрсатувчи алмашиш пунктларига ташиб келтирилган контейнерлар жуфтлашган операцияларда қатнашадилар, яъни бу корхона ва ташкилотларга хом - ашё, асбоб - ускуналар, эҳтиёт қисмлар ва комплектлаш деталлари ҳамда қисмлари контейнерларда ташиб келтирилса, корхоналардан ва ташкилотлардан эса тайёр маҳсулотлар контейнерларга ортиб ташиб кетилади. Бундай ҳолатларда алмашиш пунктларига темир йўлининг контейнер пунктларидан автопоездларда ташиб келтирилган юкли контейнерлар ортиш - тушириш машинаси ёрдамида улардан туширилади

ва уларга ташиб кетиш учун тайёрлаб қўйиган контейнерлар ортилади. Алмашиш пунктларига ташиб келтирилган юкли контейнерлардаги юклар омборларга туширилади ва бўшаган контейнерларга эса жўнатиладиган юклар ортилади. 5. Контейнер пунктлари Темир йўлининг юк саройларида, дарё пристанларида ва денгиз портларида контейнер пунктлари ташкил этилади. Контейнер пункти- транспортдаги (портлардаги, темир йўлидаги, автотранспортдаги), саноат, таъминот, савдо ёки қишлоқ хўжалик корхоналаридаги комплекс техник воситалар ва иншоотлар билан жиҳозланган, ташкилий ўзаро мувофиқлашган, контейнерларни келиши ва жўнаши, ортиш-тушириш ва қайта юклаш ҳамда вақтинчалик сақлаш, саралаш, техник ва тижорий операцияларни бажариш ва бошқа усулларда хизмат кўрсатиш учун мўлжалланган юк пунктидир. Контейнер пунктлари баъзи бир йирик корхоналарда, хом-ашё, техника-таъминот баъзаларида, темир йўл шохобчаларида ҳам ташкил этилиши мумкин. Темир йўл контейнер пунктлари иш техногиясига мувофиқ юкчи , юкчи - сараловчи ва сараловчи бўлиши мумкин. Юкчи контейнер пунктларида фақат маҳаллий контейнерлар билан ортиб-тушириш ишлари бажарилади. Юкчи - сараловчи контейнер пунктларида маҳаллий контейнерлар билан ортиш - тушириш ва транзит контейнерлар билан саралаш ишлари бажарилади. Сараловчи контейнер пунктларида эса фақат транзит контейнерлар билан саралаш ишлари бажарилади. Контейнерлар билан ортиш-тушириш ва саралаш ишларини бажарувчи контейнер пунктлари асфальт - бетон билан қопланган очиқ майдондан

иборат бўлиб, уни икки чети бўйлаб узунасига ёмғир ва қор сувларини оқизиб кетиш учун дренаж ариқчалар қурилади. Асфальт - бетон билан қопланган очиқ майдонлар ўртасидан икки чети томонига 0,02 кўндаланг нишаб (қия) ликда қурилади. Шағал ва чақиқ тош билан қопланган майдонларнинг кўндаланг нишаблиги 0,03 ни ташкил этиши лозим. Майдоннинг бўйланма нишаблиги 0,004 дан 0,006 гача, ариқчаларнинг нишаблиги эса 0,001 бўлиши керак. Контейнер ичига нам ва сув кириб юкни шикастлантиришидан халос бўлиш учун ёмғир ва қор сувларини майдон юзасидан оқиб кетишини таъминлашга катта аҳамият бериш керак бўлади. Темир йўли ва автойўлакларни контейнер пунктларида шундай жойлаштириш лозимки, улар ортиш-тушириш ва саралаш ишларини самарали ташкил этишни ва контейнерларни қисқа масофаларда ҳаракатланишини таъминлаши керак. Катта ҳажмда контейнерларни жўнатувчилардан қабул қилувчи ва контейнерларни олувчиларга топширувчи, шунигдек бир турдаги транспортдан иккинчи турдаги транспортга контейнер оқимларини узатадиган пунктларни контейнер терминаллари деб аталади. Контейнер пунктларини иш ҳажмига ва ишлаб чиқариш технологиясига мувофиқ таснифлаш ортиш - тушириш ишларини ва омбор операцияларини бажариш учун механизация воситаларини унификациялаш ва хослаштириш имкониятини яратади. Контейнер пунктлари иш жараёнини технологияси ортиш - тушириш ва саралаш ишларини тежамли ташкил этишни ва уларда механизациялаш воситаларидан, автомобиллардан ҳамда вагонлардан самарали фойдаланишни назарда тутади. Контейнер пунктида битта ёки бир нечта очиқ майдон бўлиши мумкин. Бир нечта очиқ майдонли контейнер пунктининг алоҳида майдонлари бир темир йўлининг ёки бир йўналишдаги бир нечта темир йўлининг станцияларига етиб борадиган (жўнатиладиган) контейнерлар учун махсуслаштирилади.

Контейнер майдонлари секторлардан иборат бўлиб, улар ўз навбатида контейнер - ўринларига бўлинадилар. Контейнер - ўрин битта УУК-2,5 (3) контейнерни вақтинча сақлаш учун мўлжалланган. УУК-5 контейнери эса иккита контейнер - ўринни эгаллайди. Майдонга кўндаланг қилиб жойлаштирилган икки қатор контейнер - ўринлар сектор деб аталади. Ҳар бир секторларга тартиб рақами берилади ва улар махсус участкаларига (жўнаш, келиш бўйича, маршрут учун ва ҳ.к ) бириктирилади. Юкли контейнерлар секторлар ичида эшикларини бир-бирига қаратиб жойлаштириб чиқилади, бу эса контейнер эшигини очишни истисно этади . Контейнерлар ўртасидаги масофа 0,1 м ни, секторлар ўртасидаги масофа эса 0,6 м ни ташкил этиш лозим. Майдонларда ҳар 100 метрда эни 5 м ли ёнғинга қарши узилиш бўлиши керак. Контейнер майдонлари жўнаш ва келиш бўйча ҳам махсус участкаларида бўлинади. Максимал миқдорда жуфтлашган операцияларни бажаришни таъминлаш учун участкаларни ортиш-тушириш фронтига параллел қилиб жойлаштириш мақсадга мувофиқдир. Бунда темир йўлига яқин жойлашган участка жўнатиладиган контейнер лар учун, автойўлакка яқин жойлашган участка эса етиб келган контейнерлар учун тайин қилинади. Йирик контейнер пунктларида етиб келган контейнерлар (келиш) участкаси шаҳар туманлари бўйича ва баъзи бир йирик юк олувчилар бўйича махсуслаштирилади. Жўнатиш участкаси эса тайинланган станциялар (географик жойлашишини инобатга олиб) бўйича ва контейнерли вагонларни шакллаш (поезд тузиш) режасига мувофиқ йўналишлар бўйича махсуслаштиради. Контейнер майдонининг чизма (схема) си энг кам иш ҳажми билан вагонларни олиб кириб беришни ва олиб чиқишни, ҳамда контейнерларни ташиб келтиришда ва ташиб кетишда майдонга автотранспортда кириб чиқиш қулай бўлишини таъминлаши лозим.

Ҳар хил кранлар билан жиҳозланган майдонларда ўрта тоннажли контейнерларни чизмаси юк станцияларини намунавий технологик иш жараёнларида тавсия этилган. Контейнерларни ортиш-тушириш ва саралаш учун асосан икки консолли чор пояли кранлар қисман кўприкли кранлар ва ора - сира бошқа турдаги кранлар ва автоюклагичлар ишлатилади . 6-расмда икки консоли чор пояли кранлар билан жиҳозланган контейнер майдонларининг чизмаси кўрсатилган. 6 - расм. Икки консолли чор пояли кранлар билан жиҳозланган контейнер майдонлари: а - КК - 5М; б - КДКК - 10.

Кўприкли кранлар ишлайдиган очиқ майдонларда ҳар 19 м да ва темир йўлида юрадиган айланувчи стрелали кранлар ишлайдиган очиқ майдонларда эса 40 м да автомобиллар кирадиган кўндаланг йўлаклар бўлиши керак. Лекин кўприкли кранлар учун катта маблағ талаб қилинадиган эстокада иншоотлари куриш керак бўлади. Майдонда ишлаётган ҳар бир кран бир ёки икки йўналишга хизмат кўрсатиш учун тайинлаб қўйилади. Шунинг учун краннинг иш зонаси қатъий чеклаб қўйилган ва улар бир-бирига халақит бермай ишлайдилар. Турли йўналиш участкалари ўртасида бошқа йўналишларга ўтказилиши лозим бўлган контейнерларни қўйиб туриш учун оралиқ майдончалари ажратиб қўйилади. 6. Контейнерлар билан ортиш - тушириш ишларини ва омбор операцияларини комплекс механизациялаш ва автоматизациялаш Ўрта тоннажли контейнерларни ортиш - тушириш ва саралаш ишларида кранлар билан илиб олиш учун уларни томлари рима узеллар билан жиҳозланган. Рима узеллар ўрта тоннажли контейнерларнинг энлик (кенг) ҳар икки томонига икки донадан ўрнатилган. Рима марказлари ўртасидаги масофа УУК-2,5 (3) контейнерида 1100 мм ни ва УУК-5 контейнерида эса 1420 мм ни ташкил этади. Юклагичларни вилкасини киритиш учун контейнер остида жойлашган ўймаларнинг марказлари орасидаги масофа ҳар икки турдаги контейнер учун ҳам 950 мм ни ташкил этади. Бу ўймаларни эни 300 мм ни ва баландлигини 100 мм ташкил этади. Эшик ўймалари ўлчамлари УУК-2 , 5 (3) ва УУК-5У контейнерлари учун 1225х2090 мм ни ва УУК-5 контейнерлари учун эса 1950х2090 мм ни ташкил этади (7-расм).

7-расм. Ўрта тоннажли контейнерларда рима узелларини ва ост ўймаларини жойлашиш чизмаси: а - УУК - 2,5(3); б - УУК - 5 Рима узели (1.20-расм, а ) асосан иккита элементдан: контейнер томининг чет қиррасида жойлашган қия чуқурча 1 дан ва унга монтаж қилинган рима 2 дан иборат. Ўрта тоннажли контейнерларни ортиш- тушириш ва саралаш ишларида автоматик тарзда илиб олиш ва узиш учун кранлар ЦНИИ МПС-ХИИТ конструкциясидаги автоилгаклар билан жиҳоланади (1.20-расм, б ). Бу автоилгакнинг тузилиши ва ишлаш принципи [1] да батафсил баён этилган. ЦНИИ МПС - ХИИТ автоилгак нотўғри илинган контейнерни кўтаришни истисно этувчи автоматик муҳосаралаш (блокировка) билан жиҳозланган. Шунингдек контейнер юқорига кўтарилгандан кейин автоилгакдан контейнерни узиш ҳам истисно этилади.

Вертикал ўқ атрофида автоилгакда осилиб турган контейнерни айлантириш учун эгилувчан осма арқонли, айланма ва маятникли тебранишларни сўндирувчи гидравлик сўндиргич (демпфер) ли универсал айланадиган каллакдан фойдаланилади. 8-расм. Рима узели (а) ва ЦНИИ МПС-ХИИТ

Автоилгак бўлмаса контейнерларни кранларга илиб олиш учун ўзи узар илгаклардан ёки тўртта занжир арқонли илгаклардан ҳам фойдаланиш мумкин. ЦНИИ МПС - ХИИТ автоилгаги билан жиҳозланган кранлар контейнерларни ортиш - тушириш ва саралаш ишларида уларни автоматик тарзда илиб олади , ҳамда контейнерни автоматик тарзда узади , кранни фақат бир киши - кранчи бошқаради . Кранлар ўзи ўзар илгаклар билан жиҳозланганда контейнерни илиш қўл кучида бажарилади , узиш эса махсус механик мосламалар ёрдамида автоматик тарзда амалга оширилади , шу сабабли кранга хизмат кўрсатиш учун битта ишчи ( илгакчи ) етарли бўлади . Кранлар тўрт занжир арқонли илгаклар билан жиҳозланганда эса контейнерни илиш ҳам узиш ҳам қўл кучида бажарилади , кранга хизмат кўрсатиш учун иккита ишчи ( илгакчи ) керак бўлади . Ўрта тоннажли контейнерларни ортиш - тушириш ва саралаш учун юк кўтариш 5 т , пролети 11,3 ва 16 м ли тельфер билан жиҳозланган К-05 ва К- 09 русумли икки консолли чор пояли кранлар ишлатилади. Бу кранлар енгил ва ўрта режимли ишлар учун мўлжалланган . О ғ ир режимли ишлар учун юк кўтарувчи аравачали икки консолли чор пояли КК -6 ва КК -5 М (1.18- расм , а ), ККДК -10 (1.18- расм , б ) кранлар ишлатилади . КК -6 ва КК -5 М махсус контейнер кранлари бўлиб , унинг кабинасида кранни ва юк кўтариш аравачасини ҳаракатлантириш механизмларини , юк кўтариш механизмини , ҳамда автоилгак ( автостроп ) механизмларини бош қ ариш пультлари ўрнатилган . Кранни ва юк кўтариш аравачасини ҳаракатларини ҳамда юк кўтариш - туширишни биргалакда турли мутаносибликда амалга ошириш мумкин . Юк кўтариш ва юк аравачасини ҳаракатлантириш механизмининг 5 м / да қ гача

ва краннинг механизмининг 10 м / да қ бўлган ўрнатиш ( установочных ) тезлиги контейнерларни ҳаракатдаги составга ва майдонга ани қ ва оҳиста ўрнатишни (қ ўйишни ) таъминлайди . Кўприкли кранлар асосан саноат ва қ урилиш корхоналарида ва аҳён - аҳёнда юк саройларининг контейнер майдонларида ишлатилади . Уларни пролёти катта бўлиши боис эни кенг контейнер майдонларига хизмат кўрсатиши мумкин , шунингдек майдонларни бир - бирига параллел жойлаштирилса иккита кран битта эстакададан фойдаланиши мумкин . Лекин катта узунликдаги майдонларда темир бетон эстакадаларни қ уриш анча қ имматга тушади ва автомобиль ҳаракатини ҳам анча мушкуллаштириб қ ўяди . Контейнерларни ортиш ва тушириш ва саралаш учун айланувчи стрелали темир йўл ва автомобиль кранларини ишлатиш чор пояли кранларга нисбатан унча самарали эмас , лекин кам контейнер айланмасида , корхоналарнинг контейнер майдонларида , контейнерлар билан бир қ аторда бош қ а юклар билан ҳам ортиш тушириш ишлари бажарилса ёки бош қ а майдонларда турли юклар ортиш - тушириш ишларини бажариш лозим бўлса бу кранлардан фойдаланиш самарали бўлиши мумкин . Барча катта тоннажли контейнерларни ҳамма 8 та бурчаги махсус конструкцияли бурчак фитинглар билан жиҳозланган (9-расм, а ). Катта тоннажли контейнерларни ортиш-тушириш ва саралаш ишларида илиб олиш учун асосан юқори ва қисман остки бурчак фитинглардан фойдаланилади. Катта тоннажли контейнерларни ҳаракатдаги составларга маҳкамлаш учун остки бурчак фитинглар хизмат қилади. Бурчак фитинглар конструкцияси анча содда, параллелипипед шаклдаги ичи бўш қутидан иборат бўлиб, уни уч томонидан тешикчалари мавжуд (1.21- расм, б ). Юқори бурчак фитингнинг устки тешигини ичига кранларнинг илиб

олиш мосламаси (спредер) нинг кулачок (муштча) лари киритилиб 90 ° га айлантирилганда контейнерни маҳкам илиб олиб олади ва уни кўтариш мумкин бўлади (9-расм, в ). Юқори ва остки бурчак фитингларнинг ён тешиклари катта тоннажли контейнерни бир-бирига махсус бириктиргич (фиксатор) ёрдамида бирлаштириш учун хизмат қилади. 9- расм. УУК-30 [1А] контейнери: а - ёнидан ва олдидан кўриниши; б - бурчак фитинги; в - ВНИИПТМАШ спредери.

Ҳаракатдаги составларга ортилган (ўрнатилган) контейнерларни остки бурчак фитингининг тагидаги тешикларига тутқич (стопр) лар кириб контейнерни ҳаракатдаги составга маҳкамлайди. Катта тоннажли контейнерлар билан юк операцияларини бажариш учун темир йўл станцияларининг юк саройларида механизация воситаси билан жиҳозланган махсус контейнер пункти (МКП) лари қурилади. Катта тоннажли контейнерларни ортиш ва тушириш ва саралаш ишларини комплекс механизациялашган усулда бажариш учун МКП лар спредерда юк кўтариши 20 т ли (КК-20); 30,5 т ли (КК-30,5 узайтирилган консолли) ва 32 т ли (КК-32) ва пролёти 25 м бўлган икки консолли чор пояли кранлар билан жиҳозланадилар. Икки консолли чор пояли кранлар қўллашнинг технологик чизмаси МКП ларнинг асосий элементлари: контейнерларни сақлаш учун очиқ майдонни; контейнерларни ортиш ва тушириш ва саралаш учун темир йўл (лар) ини; контейнерларни ташиб келтириш ва ташиб кетиш учун автойўлакларни; автояримтиркама ва кранни тўхтаб туриши учун заҳира майдонларини; кран ости йўлларини; хизмат кўрсатиш биноларини ва ҳ.к. ларни мақсадга мувофиқ жойлаштиришни (кампановкалаш) назарда тутади. Контейнер пунктида автомобил (автопоезд) ларни кетма–кет бетўхтов ҳаракатларини таъминлаш учун кириш ва чиқиш дарвозалари мавжуд бўлиши керак. Дарвоза ёнида назорат пункти жойлашади. Контейнер пунктининг этак томонида автомобил (автопоезд) ларни 180 ° га қайрилиб олишлари учун радиуси 16 м дан кам бўлмаган майдонча қурилади. Кран ости йўлларининг узунлиги очиқ майдоннинг узунлигидан, энг четки кўндаланг қатордаги контейнерлар билан ортиш - тушириш ва саралаш ишлари бажаришда кранни бемалол жойлашиши лозим бўлган миқдорга, катта бўлиши керак. Бундан ташқари бу йўлларнинг этагидан берк тамбагача

узунлиги 3 м бўлган заҳира участкаси қолдирилади. Темир йўлининг узунлиги кран ости йўлининг узунлигига тенг қилиб қурилиши керак. 1.22- расмда КК-20 крани билан жиҳозланган махсус контейнер пунктининг асосий элементларини жойлаштириш ва ортиш-тушириш ишларини бажариш чизмаси кўрсатилган. Очиқ майдон бўйича катта тоннажли контейнерлар узунасига (бўйлама) ва асосан бир қават қилиб жойлаштирилади. Ҳисобий суткалик контейнер айланмасидан кўпроқ миқдорда контейнерлар майдонга келганида уларни устма-уст икки қават қилиб жойлаштириш мумкин. Майдон бўйича контейнерларни узунасига жойлаштириш уларни ҳаракатдаги составларга ортиш-тушириш ва саралаш ишларида 90 ° га айлантиришни талаб этмайди. Майдонда контейнерлар эшиклари билан бир-бирига қаратиб 0,1 - 0,2 м оралиқ масофада икки қатордан - секторларда жойлаштирилади. Ҳар икки кўндаланг қатор (сектор) дан кейин 1 м оралиқ масофада кўндаланг ўтиш йўли ва ҳар икки бўйлама қатордан кейин 0,6 - 1 м масофада бўйлама ўтиш йўли қолдирилади. Очиқ майдоннинг қопламаси цемент - бетонли бўлиши керак, чунки контейнерларни остки бурчак фитингидан майдон қопламасига анча катта юклама тушади, айниқса УУК-30 контейнерлар икки - уч қават қилиб тахланганида бу юкламани қийматини 90 - 135 кг/см 2 гача етиши мумкин. Ортиш-тушириш йўллари, берк темир йўллари ва кран ости йўли муносиб ҳимоялаш тамбалари билан жиҳозлаш керак. Шу мақсадда кран ости йўлига четки автомат ўчиргич ўрнатиш лозим бўлади, қочонки у ишлаганида кран токсизланади ва тўхтайди. Очиқ майдонни, автойўлакни ва темир йўлини ёритиш учун люминесцент лампалар тавсия этилади. Умумий ёруғлик 5 лк ва кран ости иш зонасидаги маҳаллий ёруғлик 20 лк бўлишлигини назарда тутиши керак.

10- расм. КК - 20 русумли икки консолли чор пояли кран билан жиҳозланган махсус контейнер пункти КК - 20 крани ортиш - тушириш ва саралаш ишларини бажаришда 12 м/дақ. тезлик билан, юкни кўтариб - туширишда, юк кўтариш аравачаси 40 м/дақ. тезликда, кран эса 50 м/дақ. тезликда ҳаракатланади. Юкни кўтариш - туширишдаги 3 м/дақ. ва юк кўтариш аравачасини 10 м/дақ. ўрнатиш тезлиги контейнерларни ҳаракатдаги состав ва майдонга аниқ ва оҳиста ўрнатиши

(қўйиши) ни ҳамда ҳаракатдаги составларни, контейнерларни ва юкларни асрашни таъминлайди. Катта тоннажли контейнерларини ортиш - тушириш ва саралаш ишларида кранлар спредерлар билан жиҳозланади. Спредерлар контейнерларни автоматик тарзда илиб олиш ва узишни таъминлайди ва бу ишларни бажариш учун қўшимча ишчи кучига хожат қолмайди. Спредер икки хил бўлади: қаттиқ рамали (9-расм, в ) - бир хос ўлчамдаги контейнерлар учун ва телескопик рамали (10-расм) - турли хос ўлчамдаги контейнерлари учун. 10- расм. Телескопик рамали спредер Қаттиқ рамали спредерларда бурчак фитинг ичига киритиб қулфланадиган кулачок (муштча) ва спредерни марказлаштирувчи кафтлар орасидаги масофалар доимий (ўзгармас) ўлчамларида бўлади. Телескопик рамали спредерларда кулачок ва кафтлар ортиб - тушириладиган

контейнерларнинг хос ўлчамига мувофиқ турли ҳолатларда қайд этиладилар. Бу спредерларни тузилиши ва ишлаш принципи [1] да муфассал баён этилган. Ҳозирги пайтларда рельсларда юрадиган оғир кранлар билан бир қаторда контейнерларни ортиш - тушириш ташиш ишларида очиқ майдонларда тез ҳаракатланадиган, эпчил (мобильные) ва енгил воситалардан кенг фойдаланилмоқда. Жуда кўп ривожланган давлатларнинг контейнер терминалларида пневмоғилдиракли чор пояли кранлардан, портал юклагичлар - автоконтейнер ташувчилардан, юк кўтариш олдида (фронтал) ёки ён бошида жойлашган автоюклагичлардан, катта тоннжли контейнерларни ортиш - тушириш учун кран асбоб - ускуналари билан жиҳозланган автопоездлардан фойдаланилмоқда. 1.24-расмда Чехиянинг «СКД slany » заводида ишлаб чиқарилган пневмоғилдиракли консолсиз чор пояли кран кўрсатилган. Бу кран устки ва остки бўйланма тўсин 7 лар билан бирлаштирилган тўртта таянч 3 ларга ўрнатилган иккита кўприк 1 дан иборат. Остки бўйланма тўсинларни ҳар бири ўз навбатида пневмошинали жуфт ғилдиракли иккита аравача 6 га ўрнатилган. Жуфт ғилдираклар ўнг ва чап томонга 90 ° га бурилиш мумкин, бу эса ўз навбатида кранни очиқ майдонда ҳам бўйига ва ҳам энига ҳаракатланишини таъминлайди. Остки бўйланма тўсинларни бирига дизель - генератор қурилмаси 5 (ЛИАЗ М-634, қувати 133 кВт) ва бошқариш кабинаси 4 ўрнатилган. Краннинг ҳар бир кўпригида иккита ҳаракатланувчи аравача 2 га монтаж қилинган юк кўтариш механизми мавжуд. Электр юритма ли юк кўтариш механизми синхрон ва мустақил равишда ишлаши мумкин. Краннинг юк кўтариш 25 т , ишчи тезликлари: краннинг ҳаракатланиши 0-100 м/дақ. , юк кўтариш аравачасини ҳаракатланиши 0-9 м/дақ. , ва юк кўтариши 0-35 м/дақ. , краннинг массаси 37,5 т , бу эса рельсларда юрадиган чор пояли кранларнинг массасидан анча кам. Ҳозирда завод бу кранларнинг юк кўтариши 40 т гача бўлган қатор

русумларини ишлаб чиқармоқда. 11- расм. Пневмоғилдракли консолсиз чор пояли кран 11-расмда Украинанинг Львов заводида ишлаб чиқарилган портал юклагич автоконтейнер ташувчи кўрсатилган. У пневмоғилдиракларга ўрнатилган иккита порталдан иборат. Дизел двигатель ва узатиш каробкаси портал устидаги майдончада жойлашган. Портал юклагич УУК-20 контейнерларни илиб олади, кўтаради ташийди, икки қават қилиб тахлайди ва автопроездларга ортади-туширади. Габарит размерлари эни 4,6 м , баландлиги 7,4 м , минимал айланиш радиуси 9 м , юк кўтариш тезлиги 8 м/дақ. , юк билан ҳаракатланиш тезлиги 25 км/соат , массаси 25 т . Болгарияда, АҚШда юк кўтариши 30 т бўлган, контейнерларни 3 қават тахловчи портал юклагичлар ишлаб чиқарилган.

12- расм. Портал юклагич - автоконтейнер ташувчи 6. Хавфсизлик техникаси талаблари Контейнерларни очиқ майдонларга жойлаштириб қўйиб чиқишда белгиланган кран ости ва темир йўл габаритлари яқинлашувига риоя қилиш керак бўлади. Юкли ҳамда бўш контейнерлар билан ортиш-тушириш ва омбор операцияларини бажаришда албатта, контейнернинг барча тўртта илиб олиш мослама (рима ва бурчак фитинг) ларидан илиб олиб, сўнг кўтариш

кераклигига алоҳида аҳамият бериш керак. Ортиш-тушириш ва омбор операцияларини бир вақтни ўзида иккита контейнер билан бажариш махсус траверсалар мавжудлигида рухсат этилади. Илгакчилар контейнерни сиртмоққа илиш ишларини бажаришларида, контейнер томига чиқишлари учун енгил кўчма нарвонлардан фойдаланишлари керак бўлади. Чор пояли кранларнинг таянч пояларига махсус майдончали ўтиш кўприклари ўрнатилади. Илгакчилар улардан фойдаланиб майдонда турган контейнерларнинг ёки ҳаракатдаги состав (автомобил, вагон) даги контейнерларнинг томига ўтишади ва контейнерларни сиртмоқларга илиш ёки бўшатиш операцияларини бажаришади. Ўрта тоннажли контейнерларни ортиш учун олиб кириб бериладиган ҳаракатдаги состав (қайта жиҳозланган контейнер ташувчи ярим очиқ вагон ва универсал ярим очиқ) ларнинг панжара устунлари, деворлари ва этак эшиклари соз бўлиши керак. Қиш пайтларда қор ёки муз бўлиш боис ҳаракатдаги состав поли ва контейнер ости ўртасидаги ишқаланиш коэффициенти камайиб кетади ва ҳаракат ёки манёвр ишлари пайтида контейнер силжиб, нохуш оқибатларни келтириб чиқаришини олдини олиш мақсадида, ҳаракатдаги состав полини қор ва муздан тозалаб, қуруқ қум сепиб чиқиш керак бўлади. Автомобиллар ҳаракати контейнер пункти худудида ҳалқа схемасида ташкил этилганида темир йўллардан ўтиш жойлари муҳофоза қилиниши ёки махсус автомобил ь сигналли шлагбаумлар билан жиҳозланиши, автомобиллар ҳаракат тезлиги эса 15 км/соатдан ошмаслиги керак. Вагонларни олиб кириб беришда ва олиб чиқишда ишчи-хизматчиларни огоҳлантириш мақсадида контейнер пунктларида радио карнайлар ўрнатилади. Берк ортиш-тушириш ва кран ости йўллари чеклагич-тирак билан жиҳозланади.

Юк кўтариш баландлигини автоматик чеклагич, кранни барча двигателларини тезланиш ва секинланишини автоматик тартибга солиш, барча механизмлар тезлигини поғонасиз, равон автоматик ўзгартириш, юкни белгиланган баландликда ҳамда юк аравачасини ва кранни белгиланган масофада автоматик тўхтатиш асбоб-ускуна ва жиҳозларини кранни бошқариш пультида қўллаш кранчиларни меҳнат шароитини анчагина яхшилайди ва кранчиларни чарчаб-толиқиб қолишини камайтиради. Ҳар бир краннинг ҳаракат зонасидаги майдонни ва иш зонасидаги жойлар, контейнер майдонининг ва автойўлакнинг бўйланма томонига ўрнатилиб чиқилган муқим таянчлардаги ва кранлардаги люминесцент чироқлар билан ёритилади. Чироқларни майдон бўйлаб икки қатор жойлаштириш тавсия этилади. Кран ости иш зонасидаги ёритилганлик 20 лк. бўлиши керак.

O'xshashlar

Юк ташишни ташкил этиш тизимлари.

Транспорт жараёнларнинг асослари. Ташиш жараёни ва унинг технологик элементлари.

Темир йўлларда ташишларни ва поездлар ҳаракатини ташкил қилиш

ТРАСЕКА ва буюк ипак йули транспорт йулаклари ва уларнинг келажаги

АТР тез бузилувчи махсулотларни халкаро ташишлар конвенцияси