Кенг тарқалган йиғма бирикмалар, механизм ва деталларни таъмирлаш - Transport - Referatlar

Кенг тарқалган йиғма бирикмалар, механизм ва деталларни таъмирлаш

Yuklangan vaqt:

20.09.2019

Ko'chirishlar soni:

0

Hajmi:

81 KB

Ko'chirib olish

Кенг тарқалган йиғма бирикмалар, механизм ва деталларни таъмирлаш Режа : 1. Ажраладиган бирикмаларни таъмирлаш 2. Ажралмайдиган бирикмаларни таъмирлаш 3. Сирпаниш подшипникларини таъмирлаш 4. Тебраниш подшипникли йиғма бирикмаларни таъмирлаш 5. Вал ва ўқларни таъмирлаш 6. Станина ва ромларни таъмирлаш 7. Муфталарни таъмирлаш 8. Тасмали узатмаларни таъмирлаш 9. Тишли ва червякли узатмаларни таъмирлаш 10. Занжирли узатмаларни таъмирлаш 11. Сақланиш қурилмалари ва сальникларни ревизиялаш

1. Ажраладиган бирикмаларни таъмирлаш Резьбали бирикмалар кенг тарқалган ажраладиган бирикмалардан бўлиб, бунда болт тешикка зазор билан киритилади ва бирикма мустаҳкамлиги гайкани қотириш билан таъминланади. Бундай ҳолда гайка тортилаётганда ва ишлатиш вақтида марказлаштириш бузилиши мумкин. Резьбали бирикмаларда қуйидаги нуқсонлар учрайди: - вибрация ёки ажратиш - йиғиш натижасида резьба ейилади; - иш юкланмаси ёки кучли тортиш натижасида резьба эзилади; - бўйлама иш юкланмаси ёки тортиш кучи таъсирида резьба қадами ўзгариб, болт стержени узаяди; - катта ўлчамли калит ишлатиш натижасида болт каллаги ейилади; - оддий шайба ейилади, пуржинали шайбалар эзилиб синади. Болт, винт, шпилька, гайкалар, шайбалар сезиларли ейилганда янгисига алмаштирилади. Йирик деталларни винт, шпилька ёрдамида бириктирганда масалан, электродвигателни сепаратор станинасига ўрнатишда, фақат тешик қайта тикланиб, шпилька ва винтлар янгисига алмаштирилади. Ички резьбали кичик тешиклар қайта тикланганда, тешик ГОСТ бўйича кейинги катта ўлчамга мослаштирилиб, қайта тешилади ва янги резьба чиқарилади. Резьбали бирикмаларда деталлар ўзаро зичроқ ёпишиши учун улар орасига ип-газлама, картон ёки қоғоз прокладкалар сурик бўктириб қўйилади. Деталларни бириктирганда одатда болт каллаклари бир томонда, резбали қисми иккинчи томонда бўлиши лозим. Сўнгра гайкалар енгил тортилиб, деталлар ҳолати текширилиб, сўнгра гайкалар қотирилади. Гайкалар очилиб кетмаслиги учун контргайка, махсус шайба, тожли гайкалар ва шплинтлар ишлатилади. Шпонкали бирикмаларда шпонкалар эзилиши, ишчи юзалар ейилиши мумкин. Бунда шпонка янгисига алмаштрилади.

Шпонка ариқчаси ейилганда, ариқча стандарт бўйича кейинги катта ўлчамгача кенгайтирилади ва чуқурлаштрилади. Шпонкали бирикмаларда призмасимон ва сегментли шпонкаларда баландлиги бўйича, понасимон шпонкаларда эса кенглиги бўйича зазор бўлиши лозим. Зазор қиймати шуп билан назорат қилинади. 2. Ажралмайдиган бирикмаларни таъмирлаш Ажралмайдиган бирикмаларга заклепкали, пайванд ва кавшарланган бирикмалар мисол бўлади. Заклепкали бирикмаларда қуйидаги нуқсонлар учрайди; заклепкалар сусаяди, стержени эгилади, каллаги ейилади, тешиклари кенгаяди. Заклепкали бирикмаларни ажратиш учун унинг каллаги зубило билан чопилади ва стержен бородок билан уриб чиқарилади ёки пармаланади. Бунинг учун каллакда унинг баландигига тенг тешик пармаланади. Каллак уриб синдирилади ва стержен бородок билан уриб чиқарилади. Тешиклар қайта пармаланади, тешикка янги стержен ўрнатилади, деталлар зич ёпиштирилади. Стержен бир учи деталга зич ёпиштирлиб, иккинчи учи уриб ёйилади ва сўнгра каллакка тўғри шакл берилади. 3. Сирпаниш подшипникларини таъмирлаш Нотўғри мойлаш, мойларга чанг, қум ва металл зарралари тушиши натижасида сирпаниш подшипникларининг шакли бузилади (оваллик, конус ёки бочкасимон шакл ҳосил бўлади), ишқ аланиш сиртларида тирналиш, ёриқлар ҳосил бўлиши ва мойлаш ариқчалари ейилиши мумкин. Вал ва вкладиш орасидаги зазор қиймати ўзгариши мумкин. Ажралмайдиган подшипникларда зазор қиймати шуп билан ўлчанади. Ажраладиган подшипникларда вал ва подшипникнинг орасига 2 - 3 жойига қўрғошин симлар қўйилади. Бунинг учун подшипник очилади, сим қўйиб йиғилади. Қопқоқ гайкалари тортилганда симлар эзилади. Сим қалинлиги микрометр билан ўлчаниб, зазор аниқланади.

Ажралмайдиган подшипниклар таъмирланганда унинг тешиги силлиқланади, металл эритиб қўйилиб, силлиқланади ёки янги чўян, бронза втулкалар прессланади. Янги втулка юмшоқ прокладка орқали болға билан урилиб ёки пресс ёрдамида ўрнатилади. Бунда йўналтирувчи ҳалқалардан фойдаланиш мумкин. Баъзан ишни осонлаштириш учун деталь қиздирилади. Ажраладиган подшипникларда вкладиш ейилганда зазорни камайтириш мақсадида қопқоқ ва подшипниклар орасидаги компенсаторлар олиб ташланиб, болтлар тортилади. Зазорни камайтириш имкони бўлмаса, баббит вкладиш қўйилади, бронза вкладишлар янгисига алмаштирилади. Подшипниклар таъмирланганда мойлаш тешиклари ва ариқчалар яхшилаб тозаланади. ўрнатишдан олдин подшипник тортилиб, юпқа мойланади. 4. Тебраниш подшипникли йиғма бирикмаларни таъмирлаш Тебраниш подшипниклар ажратгич (съёмник)лар ёрдамида ажратилади ва бензин билан ювилади. Нуқсонли подшипниклар янгисига алмаштирилади. Эскилари йиғилиб, реставрацияга юборилади. Аниқ валларда радиал ва бўйлама зазор қиймати 25% гача, қолганларида эса 3 - 4 мартагача рухсат этилади. Вақтида мойланмаган ва қизиб кетган подшипник ҳалқа ва тебраниш жисмлари сиртида камалак рангларига хос излар ҳосил бўлади. Металл чарчаши натижасида ҳалқа, шарик ва ролик сиртлари уқаланиб кетади. Зўриқиш, зич қилиб ўрнатиш, бегона зарралар тушиши натижасида ишчи юзаларда ёриқ, тирналишлар ҳосил бўлади. Намлик, ювиш эритмалари ва маҳсулот қолдиқлари таъсирида ишчи юзалар занглаб қолади. Бунда сиртлар тозаланади, агар сиртларда ёриқлар бўлса, янгисига алмаштирилади.

Янги подшипник ўрнатишдан олдин 6 - 8% минерал мой қўшилган бензин ёки 60 - 90 0 С қиздирилган 12 ва 20 маркали индустриал мой билан ювилади. Ювишда электр иситкичли ваннадан фойдаланилади. Ювилган подшипниклар қоғозда қуритилади, чанг, металл зарралари тушишидан эҳтиёт бўлиш лозим. Сўнгра қўл билан айлантирилиб, унинг созлиги текширилади. Подшипникни валга ўрнатишда қўл пресси ёки монтаж трубасига болға билан уришдан фойдаланилади. Ӯрнатишда бевосита болға билан ҳалқа устига зарб бериш, тебраниш жисмларини ва халқани зўриқтиришга йўл қўймаслик лозим. Подшипникни ўрнатишда уларни иссиқ (70 - 80 0 С) мойда иситган маъқул. 5 . Вал ва ўқларни таъмирлаш Вал ва ўқлар ўта юқори юкланиш, тиқилиб қолиш, сийқаланиш, мойлашнинг сифати пастлиги ёки умуман мойланмаслиги, ҳамда сийқаланиш юзасига бегона жисмларнинг тушиб қолиши натижасида ейилади. Ейилиш ва нуқсонларнинг характерли турлари қуйидагилар: вал эгилиши, бўйнининг ейилиши, резьба ва мойлаш тешикларнинг ишдан чиқиши, дарз кетишлар. Таъмир марказ тешикларини парма билан тиклашдан бошланади. Озроқ овални, тимдаланишни жилвирлаш ёрдамида йўқотилади. Агар вал бўйнининг олдинги размерига келтириш керак бўлса, унда аввалига жилвирланади, сўнг эпоксид елим ёрдамида ёки пресслаш ёрдами билан втулкалар ўрнатилади ва яна жилвирланади. Шу мақсадда яна металлизация, металл билан ёпиштириш, хромлаш ва бошқа усулларни қўллаш мумкин. Бу усулларни валда қийшиқлик бўлмаган ҳолда қўлланилади ёки эгрилик дастлаб тўғриланади. Тўғрилаш совуқ ёки иссиқ ҳолатда токарлик станогида, домкрат ва бошқа ускуналар ёрдамида бажарилади. Таъмирланган вал қуйидаги талабларга жавоб бериши лозим: - вал уриши 1000 мм. га 0,02....0,06 мм. дан ошмаслиги;

- вал бўйнида эгри-бугрилик бўлмаслиги. Бўйин юзасининг қаттиқлиги НRC 45 ....56. 6. Станина ва ромларни таъмирлаш Станинанинг асосий нуқсонлари - дарз кетиш, тешилиш, чиқиб турувчи қисмнинг синиши, тешиклардаги резьбанинг, тешикнинг сийқаланиши, зичлагич қистирманинг сийқаланиши. Бу нуқсонлар машинанинг юкланишидан, (фундамент) пойдеворининг ўтириб қолишидан, машинани нотўғри йиғишдан, металл коррозиясидан келиб чиқади. Станиналар асосан электр пайвандлаш йўли билан таъмирланади. Дарзнинг тарқалиб кетишини олдини олиш учун станина ёки ромда зинапояли пармалаш ишлатилади, бир нечта парма ёрдамида дарз бўйича канал ўйилади ва пармаланади. 7. Муфталарни таъмирлаш Втулкали - бармоқли муфталарда резина втулкалар, бармоқлар ейилади, шунингдек муфтанинг шпонкали бирикмалари ейилади. Муфтали бирикма нормал ишлаши учун етакчи ва етакланувчи валнинг ўқдошлигини таъминлаш лозим. Центровканинг энг содда усули ярим муфталар бўйича марказлаштириш усулидир. Бунда электродвигатель ва машинанинг болтлари бўшатилади. Нисбатан параллел ярим муфталарнинг 4 та А,В,С,Д нуқталарига пўлат чизғич ўрнатилади. Сўнгра электродвигателнинг асосдаги ҳолатини ўзгартириш йўли билан кўрсатилган нуқталарда чизғичнинг ярим муфта сиртига зич тегиши таъминланади. Ӯқдошликнинг бузилишининг характерли ҳолатлари оғма ҳолат ва вал ўқларининг силжишидир. Центровкадан сўнг электродвигатель ва машина асосда қотирилади. Бунинг асосий сабаблари, ярим муфталар центровкасининг бузилиши, горизонталликдан оғиш, ишчи орган зўриқишидир. Таъмирдан сўнг ва

ишлатиш пайтида муфтали бирикма центровкаси доимий равишда текшириб турилиши лозим. Марказдан қочма фрикцион муфталарда аввало накладкалар ейилади. Бунинг сабаби табиий ишқаланиш, накладкага сув, маҳсулот, ювиш эритмалари, мой тушишидир. Таъмирлашда электродвигатель ёки сепаратор станинаси қопқоғи очилиб, муфта ажратилади. Колодка очилишидан олдин унда ва бармоқларда белгилар қўйилади. Колодкани ўқдан ажаратишда пассатиж ёрдамида шплинт олинади. Шайба олиниб колодка ажратилади. Мойланган накладкалар безин билан ювилиб, жилвир қоғоз билан тозаланади ва ўққа ўрнатилади. Ейилиш 50% дан ортганда, эски накладка олиб ташланади, янгиси кесилади, тешик пармаланади ва заклепка қилинади. 8. Тасмали узатмаларни таъмирлаш Тасма ва шкивларни тоза ҳолда сақлаш лозим. Тасмадаги ифлос жисмлар ёғоч қирғич ёки пичоқнинг орқа томони билан қириб ташланади. Сўнгра тасма совунли сувда ювилади ва қуритилади. Тасмага мой тушишидан асраш лозим. Ишқаланишни ошириш учун канифолдан фойдаланиш мақсадга мувофиқ эмас, чунки бунда тасма мўрт бўлиб қолади. Понасимон тасмаларни ишлатишда тасма сирпаниши натижасида шкив ариқчалари ейилади. Агар тасма шкив ариқчаси остига тегиб қолса ва ён томонлари билан зичлашмаса, шкив таъмирланади. Бунинг учун шкив ариқчасининг ён томони ва асоси қирилади. Тайёрлаш ноаниқлиги, металлнинг бир жинсли бўлмаганлиги натижасида айланувчи деталларда дебаланс ҳосил бўлиши мумкин. Бунда деталнинг оғирлик маркази айланиш ўқига нисбатан силжиб қолади. Бундай ҳолда айланувчи деталлар бир текис айланмайди. Силкиниш вужудга келиб, подшипникларнинг тез ишдан чиқишига олиб келади. Шунинг учун ҳам шкив, шестерня, юлдузчалар, сим ғилдираклари валга ўрнатишдан олдин

балансировка қилинади. Балансировкалаш статик ва динамик бўлиши мумкин. Шкивларни статик балансировкалашда, уларнинг айланиш ва оғирлик марказлари яқинлаштирилади. Бунда шкивга ўқ кийдирилиб, асос призма ёки роликлар устига ўрнатилади. Аввало улар юзаларининг горизонталлиги таъминланиши лозим. Шкив призма устида оҳиста айлантириб юборилади. Шкивнинг оғирроқ қисми пастки ҳолатини эгаллаган ҳолда тўхтаб қолади. Сўнгра шкивнинг ушбу оғир қисмидан нормадан ортиқча вазн олиб ташланади ёки қарама-қарши томонига металл пайвандланади. Мувозанатлаштирилган шкив ҳар айлантирилганида турли ҳолатларда тўхтаб қолади. Мувозанатлаштирилган шкив валга зич ҳолатда прессланади, валларнинг параллелиги, ён томонларнинг бир текисликда ётиши, радиал ва ёнаки силкинишлари текширилади. Шкивлар ён томонларининг бир текисликда ётиши чизғич ёки металл сим билан текширилади. Янги тасмаларни ўрнатишидан олдин, уни барабанга кийдирилиб, 1 мм 2 кесим юзасига 0,3-0,35 кг миқдордаги юк 2-3 сутка давомида осиб қўйилади. Сўнгра, тасмани ўтказишни осонлаштириш учун электродвигатель асос бўйлаб бир оз силжтилади, қўл ёрдамида тасма олдин етакчи, сўнгра етакланувчи валга кийдирилади. Тасма электродвигателни силжитиш ёки тарангловчи роликлар ёрдамида таранглаштирилади. 9. Тишли ва червякли узатмаларни таъмирлаш Тишли ғилдиракларда тишларнинг ейилиши, синиши, губчакда ёриқлар ҳосил бўлиши, шпонка ариқчалари, вал ва тешикларнинг ейилиши каби нуқсонлар учрайди. Ейилган тишлар қаттиқ қотишмаларни эритиб қуйиш, сўнгра йўнувчи, жилвирловчи станокларда ишлов бериш йўли билан қайта

тикланиши мумкин. Бунда қайта тикланган тиш шакли шаблон билан назорат қилиб турилади. Ғилдирак губчагидаги ёриқлар одатда пайвандланмайди, балки унга иссиқ ҳолатда хомут ёки бандаж прессланади. Ейилган тишли ғилдираклар иқтисодий тежамсиз ҳолларда янгисига алмаштирилади. Янги ёки таъмирланган ғилдираклар валга прессланади ёки юмшоқ прокладка орқали болға билан уриб ўрнатилади. Йиғилгандан сўнг, ўқлараро масофа, тишлар иш юзаларининг илашув даражаси, ғилдиракларнинг радиал ва ёнаки силкиниши текширилади. Тишлар илашуви тўғрилиги тегиш изларига кўра текширилади. Бунинг учун етакчи ғилдирак тишлари олифада эритилган куя ёки синька юпқа қатлами билан бўялади. Сўнгра, узатма бир неча марта айлантирилади. Бунда етакланувчи ғилдирак тишларида излар қолади. Тўғри йиғилган узатмада тишларнинг ўрта қисмида излар қолиши керак. Агар из тишнинг юқори қисмида ҳосил бўлса, ўқлараро масофа талаб қилинганидан катта, пастки қисмида ҳосил бўлса, керагидан кичик. Агар из тишдан ўнг ёки чап томонга силжиган бўлса, ғилдираклар эгри ўрнатилган. Конуссимон тишли узатмалар илашуви тўғрилигини текшириш ҳам юқоридагидек амалга оширилади. Илашув тўғри бўлмаса, тишларни абразив кукун ва пасталар ёрдамида силлиқлаш, мойланган ҳолда юқори юкламада ишлатиш йўли билан бу нуқсон бартараф қилинади. Червякли узатмаларда чувалчангсимон ғилдирак бронза ёки текстолитдан тайёрланганлиги учун ғилдирак червякдан тезроқ ейилади. Губчак ейилганда губчак ёки ғилдирак тўлиқ алмаштирилади. Червякли узатмаларни йиғишда ўқлараро масофа, валлар ҳолати, тишлар орасидаги зазор, илашув текширилади. Червяк жуфтлиги ўрнатиш ҳолати шаблон, шуп, шоқул , чизғич ва обтарози ёрдамида назорат қилинади.

10 . Занжирли узатмаларни таъмирлаш Занжирли узатмалар деталлари - занжир ва юлдузчалар ейилишининг асосий сабаблари юлдузчалар ўқлари параллелигининг бузилиши, занжирнинг салқи ёки ортиқча таранглиги, занжир ва юлдузчалар қадамларининг ҳар хиллиги, юқори температура ва сифатсиз мойлашлар бўлиши мумкин. Занжир таранглиги сусайганда тишлар учи илашиб, занжир чўзилади, юлдузчадан сакраб чиқади, узатма шовқин ва силтанишлар билан ишлайди, натижада занжир узилиши ёки тишлар синиши мумкин. Занжир ейилиши, чўзилиши натижасида унинг қадамининг ортиши билан характерланади ва қадам бошланғич ўлчамига нисбатан фоизларда ифодаланади. Қулайлик ва юқори аниқлик учун 50 та звено узунлигидаги занжир бўлаги узунлиги ўлчанади. Бунинг учун занжир вертикал ҳолда осилади ва пастки учига юк маҳкамланади. Втулкали роликли занжирлар учун қадамнинг рухсат этилган ортиши қуйидагича. Катта юлдузчадаги 15 30 35 40 45 50 60 70 80 90 тишлар сони. Занжир қадамининг рухсат 6,4 5,3 4,6 4,0 3,5 3,2 2,6 2,3 2,0 1,7 этилган ортиши,% Масалан: Катта юлдузчаси тишлари сони 80 та бўлган янги занжир 50 та звеноси узунлиги l = 476,3 мм., қадами t = 9,525 мм., эскирган занжир узунлиги l 1 = 490 мм. ни ташкил қилади. Ушбу занжирнинг фойдаланишга яроқлилиги текширилсин. Занжир қадамининг ўртача нисбий узайишини аниқлаймиз. %2 88,2 % 100 3, 476 3, 476 490 % 100 1          l l l t Демак, ушбу занжир яроқсиз экан. Занжирли узатмани таъмирлашда ейилган юлдузча ва занжир янгисига алмаштирилади. Янги занжир ва юлдузча қадами бир хил бўлиши

лозим. Акс ҳолда занжир узилиши ёки юлдузча тиши синиши мумкин. Занжирни ўрнатишдан олдин звеноларни текшириш мақсадида унинг ҳар бир шарнири қўлда эгиб кўрилади. Сўнгра занжир керосинда ювилади артилади, 1 соат давомида иссиқ мойда қайнатилади, юлдузча кийдирилиб, бириктирувчи звено бириктирилади. Занжирларни УС-1 ва УТ-1 типидаги мойлар билан мойланади. Занжирнинг осилиш даражаси занжирнинг етакчи тармоғига чизғични қўйиш йўли билан аниқланади. Бунда занжир ўқлараро масофанинг 2 % га тенг қисмига, яъни 1 м. узунликка 2 см.га осилиши мумкин. Акс ҳолда, ортиқча таранглик ёки салқиликда ўқлараро масофа росталанади. 11. Сақланиш қурилмалари ва сальникларни ревизиялаш Сақланиш қурилмалари жиҳозни хавф - хатарсиз ишлатиш, алоҳида механизм ва деталларни ортиқча юкланишдан сақлаш учун ишлатилади. Сақлагичлар механик, гидравлик ва электрик бўлиши мумкин. Узлуксиз фризер сақлагичи механик сақлагичлар жумласига киради. Уни таъмирлашда штифт алмаштирилади. Сальникларни ревизиялаш уларнинг герметиклиги бузилганда амалга оширилади. Сальникни ажратиш учун навбат билан шпилька 1 гайкаси очилади, стакан 2 олинади, сим илгак билан ейилган жойланган материал 3 олинади. Янги материал юмшоқ металл стержен учи билан жойланади. Сўнгра стакан 2 ўрнатилади, гайка тортилади, бунда стакан қия бўлиб қолмаслиги лозим.

Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [212-234]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [215-225]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[224-234]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [235-256].

O'xshashlar

Жиҳозни таъмирлашнинг умумий технологияси

Вал ва ўқ типидаги деталларни таьмирлаш

Кузов ва кабиналарга ТХК ва таъмирлаш

Тўқимачилик машиналаридан фойдаланиш даврида техник хизмат кўрсатиш ва таъмирлашни аҳамияти. Техник ҳолатини кўрсатувчи параметрлар.

Кузов ва кабина деталларини тайёрлаш технологияси.