Ишлаб чиқаришда сифатни таъминлаш чора-тадбирлари - Transport - Referatlar

Ишлаб чиқаришда сифатни таъминлаш чора-тадбирлари

Yuklangan vaqt:

20.09.2019

Ko'chirishlar soni:

0

Hajmi:

87 KB

Ko'chirib olish

Ишлаб чиқаришда сифатни таъминлаш чора-тадбирлари Автомобилларга ТХК ва уларни таъмирлаш миқёсида бажариладиган ишлар техник ҳужжатларда кўрсатилган технологик тартибда, техник талаблар ва шартларга риоя қилинган ҳолда бажарилсагина сифатли бўлади. ТХК ва таъмирлаш сифати қуйидаги омилларга боғлиқ: 1. Ишлаб чиқаришни технологик тайёрлаш; 2. Моддий-техника таъминоти; 3. Кадрларни тайёрлаш ва малакасини ошириш; 4. Метрологик таъминот; 5. Хизмат сифатига бўлган талабларни меъёрлаштириш ва хизмат сифати даражасини барқарорлаштириш; 6. Хизматни баҳолашдан ўтказиш (сертификация); 7. Хизмат сифатини яхшилашни рағбатлантириш; 8. Хизмат сифатини бошқаришни ҳуқуқий таъминлаш; 9. Давлат томонидан давлат стандартларининг жорий этилиши ва унга риоя қилинишини, техник шартларни, техник ўлчов воситалари ҳолатини назорат қилиш; 10. Хизмат сифатини муассасалар томонидан назорат қилиш; 11. Тизимни маълумот (ахборот) билан таъминлаш. Шу кўрсатилган барча амалларни хисобга олган ҳолда корхонада ишлаб чиқариш стандартлари тузилади ва уларда ўз йўналишлари бўйича бажариладиган тадбирлар, бажарувчи бўлимлар ва ижрочилар аниқ кўрсатилади. Автосервис хизматида сифат икки қисмдан, яъни автомобилда бажарилган ишларнинг сифати ва автомобил эгалари-мижозларга кўрсатиладиган хизмат сифатидан иборатдир. Ишлаб чиқаришни технологик тайёрлаш. Бу жараёнда ҳамма ишлаб чиқариш участкалари ва мувофиқ хизматлар керакли ҳужжатлар билан таъминланиши керак.

Жумладан, технологик ҳужжатлар ҳолатини текширишда қуйидагилар ҳужжат аниқланади; - технологик ҳужжатларнинг транспорт воситаларига техник хизмат кўрсатиш ва таъмирлаш меъёрлари ва талабларига мувофиқлиги; - технологик ҳужжатларнинг техник талабларига мувофиқлиги. Технологик тартибга риоя қилиш тартиби текшириш жараёнида эса қуйидагилар мавжудлиги аниқланади: - ҳар бир иш жойида технологик карталар, инструкция, автомобилларга ТХК ва Т ишларини бажаришдаги кўрсатмалар; - ишлаб чиқариш участкаларини назорат ва синаш, диагностик жиҳозлар, ўлчаш воситалари; - мавжуд технологик жихозларни режали таъмирлаш жадвалига амал қилиниши; - ТХК ва Т ишларини ишчилар томонидан технологик хужжатлар йўриқномасига асосан бажарилиши. Моддий-техника таъминоти. Хизматининг сифати моддий-техника таъминоти ҳолатига боғлиқ бўлиб, унга замонавий жиҳозлар, қурилмалар, асбоб-ускуналар ишлатилиши, меҳнатни ташкил қилиш ва рағбатлантиришнинг мақбул шаклидан фойдаланиши, таъмир вақтида сертификатланган эҳтиёт қисм ва агрегатни қўлланиши орқали эришилади. Бунда катта эътибор ишлаб чиқариш минтақа ва устахоналарини “Автосервис корхоналари учун технологик жихозлар рўйхати”даги энг замонавий синов-назорат, ўлчаш ва диагностикалаш жихозларининг ва механизациялашган технологик воситаларининг қўлланишига, технологик жиҳозларнинг ва қурилмаларнинг режавий-огоҳлантирувчи тартиб асосида таъмирдан чиқаришга қаратилган бўлиши лозим. Кадрларни тайёрлаш ва малакасини ошириш хизмат кўрсатиш сифатига катта таъсир кўрсатади. Замонавий мураккаб жиҳоз ва электроника билан таъминланган автомобилларга хизмат кўрсатиш юқори малакали, махсус маълумотга эга

бўлган кадрларни тақазо этади. Автосервис хизмати бозори ривожланиши бўйича дунё амалиёти автосервис корхоналарининг мутлақ кўпчилигида олий маълумотли ходимлар ишлашини кўрсатади. “Ишни бажариш ва хизмат кўрсатишни баҳолаш” ишни ва хизматни бажарувчининг малакаси билан ўлчанади. Уни аниқлашда қуйидагиларга эътибор берилади: - бажарувчининг малакаси, иш тажрибаси ва бошқа тавсифларининг меъёрий техник ҳужжатларда белгиланган талабларга мослиги (дипломи, разряди, меҳнат дафтарчаси, малакасини оширганлиги ҳақида сертификатлар ва бошқалар); - технологик ва меъёрий ҳужжатларни, ишлаб чиқаришнинг метрологик таъминотини билиши; - хизмат кўрсатиш малакаси; - янги жиҳозлар билан ишлай олиш имконияти ва бошқалар. Сервис бўйича технологик амалларни бажаришда ишнинг мураккаблигига қараб, ҳар-хил разрядли ишчилар ва мутахассислар жалб қилинади. Уларнинг малакалари мунтазам ошириб борилиши ва улар вақтивақти билан қайта тайёрлаш курсларида ўқишлари лозим. Метрологик таъминот . Автомобилларга техник хизмат кўрсатиш ва таъмирлаш сифатини бошқаришда асосий кўрсаткич автомобил ва унинг агрегати ҳамда тизимларининг техник ҳолати хисобланади. Техник ҳолат параметрлари талаб даражасида эканлигини аниқлаш метрологик таъминотга боғлиқ. Автотранспорт воситаларига ТХК ва таъмирлаш хизмати метрологик таъминот талабига жавоб бериши қуйидаги омиллар орқали баҳоланади; - ўлчов ва назорат-диагностика жиҳозларининг (ЎНДЖ) ҳолати ва қўлланишининг назоратини таъминловчи метрология бўйича масъул шахснинг мавжудлиги; - ЎНДЖ нинг давлат ва муассаса томонидан текшириш жадвали мавжудлиги ва унинг олиб борилиши;

- ЎНДЖ нинг аниқлик снифи ва ўлчов чегаралари бўйича талабларга мослиги; - ЎНДЖ аттестациядан ўз вақтида ўтказилганлигини тасдиқловчи тамға, шаҳодатнома ёки жиҳоз паспортларидаги белгиларининг мавжудлиги; - технологик жараённинг автотранспорт воситаларига ТХК ва таъмирлаш технологик ҳужжатлари бўйича таъминланганлиги. Хизмат сифатига бўлган талабларни меъёрлаштириш ва хизмат сифати даражасини барқарорлаштириш. Сифатли хизмат кўрсатиш буюртмачига сидқидилдан, диққат-эътибор берган ҳолда, техник хизмат кўрсатиш ва таъмирлаш ишларини сифатли, кафолатли ва ўз вақтида бажаришдан иборатдир. Хизмат сифатига умумий ва махсус талаблар қўйилади. Умумий талаблар меҳнат ҳақидаги қонун, ички ишлаш тартибқоидалари ва бошқа ҳужжатлар билан белгиланган. Махсус талаблар АТХКСларда хизмат кўрсатиш қоидалари, мутахассислик билдиргилари, мансаб йўриқномалари ва бошқа турдаги меъёрий актларда ўз аксини топган. Автосервис корхонасидаги хизмат сифатини баҳолаш борасида маълум даврийликда мижозлардан сўров ўтказиб турилади ва унинг натижалари бўйича хизмат кўрсатишдаги ютуқ ва камчиликлар аниқланади, улар олдинги эришилган натижалар билан солиштириб кўрилиб, чоратадбирлар режаси ишлаб чиқилади ва амалга оширилади. Хизмат сифати даражасини барқарорлаштириш учун корхонада қуйидаги тадбирлар оширилиши мақсадга мувофиқ: 1. Корхонада барча ишчи-ходимлар учун қатъий риоя қилинадиган ягона хизмат қоидалари бўлиши ва унга амал қилиниши; 2. Корхона томонидан ўз ишчи-ходимларига аниқ ва равшан талаблар қўйиш; 3. Ишчи ходимларни муттасил ўқитиш, малакаларини ошириш;

4. Ишчи ходимларни ўз корхонаси, фирмасига садоқатли руҳда тарбиялаш. 5. Ижодга йўл очиш; 6. Ишчи ходимларни моддий ва маънавий рағбатлантириш Хизматни баҳолашдан ўтказиш (сертификация). Хизмат сифатини сертификатлаш ISO-9000 сериядаги стандартлар бўйича амалга оширилади. ISO-9001, ISO-9002 ва ISO-9003 стандарти 1994 йили қайта кўриб чиқилган, 2000 йили “ISO-9000” нинг янги таҳрири тасдиқланган ва ҳозиргача амалда. Ишчидан тортиб корхонанинг биринчи раҳбаригача ўз ишчи ўрни ва ваколати юзасидан сифат менежментига жалб этилсагина, хизматнинг юқори сифатли бўлишига эришилади. Сифатни бошқаришда харидор талаби, носозликлар, адашиш ва хатоликлар ҳақидаги маълумотлар ва харидор фикри ахамиятли ўринни эгаллайди. Ўзбекистон Республикасида ҳам халқаро ISO стандартини халқ хўжалигида, шу жумладан, автомобил саноатида, автомобил сервиси ва таъмирлашда жорий этиш бўйича салмоқли ишлар амалга оширилган. Халқаро ISO стандарти асосида давлат стандартлари яратилган (1-жадвал) [58]. 1-жадвал “ИСО-9000” сериядаги стандартлар рўйхати № Белгиланиши Стандарт номи ЎзР да МХ ҳолати 1 2 3 4 1 ИСО 9000:2000 Сифат менежменти тизими. Асосий тушунчалар ва луғат О’z DSt ISO 9000:2002 2 ИСО 9001:2000 Сифат менежменти тизими. Талаблар О’z DSt ISO 9001:2002 1 2 3 4 3 ИСО 9004:2000 Сифат менежменти тизими. О’z DSt ISO

Фаолиятни яхшилаш учун тавсиялар 9004:2002 4 ИСО19011:200 3 «Сифат менежменти тизими ёки экологик менежмент тизимининг аудити бўйича асосий кўрсатмалар» О’z DSt ISO 19011:2004 5 ИСО 9000- 3:2004 СООРКОК. Программа таъминоти бўйича ИСО 9001:2000 стандартини қўллаш низоми 6 ИСО 9004- 2:1994 АУКЭСК. 2-бўлим. Хизматлар бўйича асосий низомлар О’z DSt ISO 9004-2:1999 7 ИСО 9004- 3:1994 АУКЭСК. 3-бўлим. Қайта ишланувчи ашёлар бўйича асосий низомлар 8 ИСО 10005:2003 СМК. Сифат режаси бўйича асосий низомлар О’z RН 51- 090:1999 9 ИСО 10006:2003 СМК. Лойиҳаларни бошқариш бўйича асосий низомлар 1 0 ИСО 1007:2003 СМК. Конфигурацияни бошқариш бўйича асосий низомлар О’z DSt ISO 10007:2003 1 1 ИСО 10012- 1:2003 Ўлчов асбоблари сифатини таъминлаш бўйича талаблар. 1- бўлим. Ўлчов асбоблари учун метрологик таъминот тизими 1 2 ИСО 10012- 2:2003 Ўлчов асбоблари сифатини таъминлаш бўйича талаблар. 2- бўлим. Ўлчов жараёнини бошқариш бўйича асосий кўрсатмалар 1 ИСО Сифат бошқарувини яратишга О’z DSt ISO

3 10013:2001 тааллуқли асосий низомлар 10013:2001 1 4 ИСО 10014:2003 «Сифат иқтисодини бошқариш бўйича асосий кўрсатмалар» О’z DSt ISO/TR 10014:2004 1 5 ИСО 10015:1997 Сифатни бошқариш. Ўқитиш бўйича асосий кўрсатмалар О’z DSt ISO 10015:2003 Ушбу стандартларни ўрганиш ва жорий этиш анча мураккаб ҳамда махсус сертификати бор органлар томонидан ўқитилади. Автосервис корхонасининг фаолиятини муваффақиятли бошқариш учун уни очиқ-ойдин тизимли бошқариш ва йўналтириб туриш даркор. Барча манфаатдор томонларнинг талаблари ҳисобга олинган сифат меженменти тизими яратилиб, жорий этилиб, доимий ишчи ҳолатда ушлаб турилса, корхонанинг муваффақиятга эришиши кафолатланади. Автосервис корхоналари сифат тизими стандарти. Компания дилерлари автосервис сифатини ва мижозлар талабини қондирилишини баҳолаш бўйича мижозлардан сўров ўтказади. Бу стандартнинг мақсади – истеъмолчиларнинг маҳсулот сифатига бўлган талабини қондирилганлик даражасини баҳоловчи самарали услубни ўрнатиш, истеъмолчиларни компания маҳсулотлари ва дилерлар ҳизматлари билан қондирилганлик даражасини ошириш учун дилерлар хизматлар сифати устидан назорат ўрнатишни таъминлаш. Ушбу стандарт истеъмолчиларни маҳсулот сифати ва автосервис хизматидан қондирилганлик даражасини бахолаш учун дилерлик сервис станцияларида режавий текшириш ўтказувчи ташкилотларда қўлланилади. “Автосервис ва эҳтиёт қисмлар” бўлими раҳбари зиммасига қуйидаги жавобгарликлар юкланади: - дилерлик шартномаси шартларининг ваколатли дилерлар томонидан бажарилиши бўйича автосервиснинг дилер тармоғини баҳолаш бўйича ишларни олиб бориш;

- истеъмолчиларнинг маҳсулот ва хизматлар сифатидан қондирилганлигини доимий баҳолашни ташкил этиш; - ўз вақтида маҳсулот сифатининг номувофиқлиги ҳақидаги маълумотни «Кафолат ва сифат назорати» бошқармасига тақдим этиш; - дилерлик хизмати сифати ва истеъмолчилар қониқиш даражаси ҳақидаги маълумотларнинг ўз вақтида, тўлиқ тақдим этиш ва ишончлилигини таъминлаш. Автосервис корхоналарида компания дилерлари автосервис сифатини ва мижозлар талабини қондиришни баҳолаш бўйича сўров маълумотлари таҳлил қилиниб, чора-тадбирлар ишлаб чиқилади ва амалга оширилади. Автомобил сервиси соҳасидаги рақобатнинг кучайиши хизмат сифати кўрсаткичларига қўйилаётган талабнинг ортиб боришига олиб келмоқда ва бу соҳада ҳар қайси корхона тизимли, мунтазам иш олиб боришини тақозо қилади.

Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т.: Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори. 4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675- сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

O'xshashlar

Автомобиллардан фойдаланишда пухталикни саклаш чора-тадбирлари.

Сифатни бошкариш.Сифат харажатлари. ИСО 9000 стандартлари

Сервис сифатини бошқариш

Автомобилларнинг ишончлилигини таъминлаш

Давлат стандартлаштириш ва cертификатлаштириш тизими.