Бошқариш механизмларига техник хизмат кўрсатиш ва таъмирлаш ишлари технологияси - Transport - Referatlar

Бошқариш механизмларига техник хизмат кўрсатиш ва таъмирлаш ишлари технологияси

Yuklangan vaqt:

20.09.2019

Ko'chirishlar soni:

0

Hajmi:

706 KB

Ko'chirib olish

Бошқариш механизмларига техник хизмат кўрсатиш ва таъмирлаш ишлари технологияси Режа: 1. Компрессор техник ҳолатини аниқлаш ва тасмаларнинг таранглигини созлаш. 2. Автоблокировкали тормоз тизими

Рул бошқармасининг асосий носозликларига рул механизми картерининг махкамланишини бўшаб кетиши, механизм деталларининг ейилиши, рул чамбараги ва колонкасининг бўшаб қолиши, червяк жуфти деталларининг едирилиб кетиши мисол бўлади. Гидрокучайтиргичли рул бошқармаларида, юқоридаги нуқсонлардан ташқари, насос идишида мойнинг меъёридан кам ёки ошиқ бўлиши, тизимда ҳаво ва сувнинг йиғилиши, насоснинг ишламай қолиши, мойнинг сизиб чиқиши, фильтрнинг кирланиб қолиши, насоснинг ҳимоя ва ўтказиш клапанларининг носоз ишлаши,насос узатмаси тасмасининг меъёр билан тортилмаслиги ва бошқалардан иборат. Рул бошқармасини диагностикалаш кўрсатгичларига рул чамбарагини салт юриши ва уни бураш учун керакли кучни аниқлашдан иборат. Рул чамбарагининг салт юриши, енгил автомобиллар учун 7-12 градус (ЗИЛ-130 да 15, ВАЗ ва NEXIA автомобилларида 5  , КАМАЗ ва МЕРСЕДЕС БЕНЦ учун 15  ), автобуслар учун 10-15  ни ташкил қилади. Рул чамбарагини бураш учун сарфланадиган куч 40-60 Н ни ташкил этиши керак. Бу кўрсаткич люфтомер-диномометр ёрдамида текширилади. Рул бошқармасини созлашда, тортгичлардаги шарнир ва рул механизми бирикмаларидаги тирқишлар йўқотилади. Рул механизмидаги червяк подшипнигининг ўқ бўйича силжишини прокладкалар ёрдамида созланади. Рул сошкасининг ўқ бўйича силжиши, таянч болт ёрдамида созланади. Рул чамбараги эркин юришини аниқлаш (71-расм ) : Бунинг учун люфтомер-диномаметр рул чамбарагига ўрнатилади. У динамометрга маҳкамланган (3)-шкаладан, рул колонкасига (1)-сиққичлар ёрдамида маҳкам қотирилган (2)-кўрсаткичдан ташкил топган бўлиб, динамометр (4)сиққичлар ёрдамида рул колонкасига қотирилади. Динамометр шкалалари (5)-штокда кўрсатилган бўлиб, у рул чамбарагига қандай куч билан таъсир этилаётганини кўрсатиб туради (таъсир этиш кучи 20-120 Н бўлиши мумкин). Шток ёрдамида 10 Н куч билан чамбарак ўнг томонга, сўнг чап томонга ҳаракатлантирилади. Стрелка ўнг ва чап томонга оғиш катталиклари

қўшилиб умумий эркин юриш йўли аниқланади. Ўрта сифатда эркин юриш 10  дан ошмаслиги керак. Агарда эркин юриш катта бўлса механизмнинг бўйлама ва тишларнинг илашиш тирқишлари созланади. Червяк-ролик, винт-гайка, рейка тишли сектор туридаги рул механизмлари икки турдаги созлаш мавжуд бўлиб, улар вал винтининг подшипнигининг ўқ бўйлаб тирқиши ва илашма тирқишини созлаш ҳисобланади. 1. Ўқнинг бўйлама силжишини созлаш (72 а-расм): Бунинг учун чамбарак бир зумда ўнг ва чап томонга бурилади ва ўқ бўйлаб олдинга тортиб кўрилади. Агар тирқиш меъёридан катта бўлса уни созлаш зарур. Бу тирқиш зичлагичларни камайтириш билан созланади. 2. Червякни ролик билан илашиш тирқишини созлаш (72 б-расм): Бунинг учун чегараловчи гайка бўшатилади ва бурагич ёрдамида созловчи винт орқали тирқиш созланади. Бу ўз навбатида рул чамбараги эркин юришини меъёрийлигини таъминлайди. 71-расм. Люфтомер-диномометр шакли: 1-қисқичлар; 2-кўрсаткич; 3шкала; 4-қисқич; 5-шток

72-расм. Рул механизми ўқининг бўйлама силжиши ва червякни ролик билан илашиш тирқишини созлаш: а) ўқнинг бўйлама силжишини созлаш: 1пастки қопқоқ; 2-рул механизми; 3- созловчи зичлагич; б) червякни ролик билан илашиш тирқишини созлаш: 1созловчи винт; 2-шайба; 3- гайка. 73-расм. Рейка ва винт орасидаги тирқишни созлаш: 1-рул картери; 2плунжер; 3-зичлаштириш ҳалқаси; 4-пружина; 5созловчи тиқин; 6чегараловчи гайка. 3. Рул бошқармаси тортқичлари техник ҳолатини аниқлаш: Бунинг учун рул чамбараги айланиш вақтида сошка бирданига ликиллатиб кўрилади, тортгичлар ҳолатини қўл билан пайқаш мумкин. Агар бирикмаларда люфт сезилса резбали тиқинлар тортиб кўрилади. Бунинг учун тиқин шплинти олинади, сўнг маҳсус калит билан тиқин охиригача

буралади ва шплинт тўғри келгунча орқага қайтарилиб, шплинт жойига қўйилади. Рул бошқармасидаги махкамлаш ишлари агрегат ва механизмларни қотирилганлигини текширишдан иборат бўлиб, буни бажаришдан олдин рул механизми картерининг автомобил рамасига, рул тортқилари ричагининг буриш муштига, сошкага, бўйлама ва кўндаланг рул тортқиси бармоғига маҳкамланиши текшириб кўрилади. Рул механизм картеридаги ва гидрокучайтиргич бачогидаги мой сатҳи навбатдаги ТХК пайтида текширилади ва меъёригача мой қуйилади. Гидрокучайтиргич бачоги, унинг фильтрларини ҳамда картерни (йилда камида 1 марта ёки мавсумда, баҳор ва кузда) бензин билан ювиб, мойи алмаштирилади. Гидрокучайтиргичга двигател салт ишлаб турганда мой қуйилади. Рул механизмига узатмалар қутиси учун мўлжалланган Тап-10 ва Тап-15Л мойлари ёки трансмиссион мой қуйилади. Гидрокучайтиргичли рул механизмига ёзда турбина мойи (маркаси 22), қишда АУ-веретён мойи қуйилади. МАЗ-500 рул механизмига ТМ-16П ва гидрокучайтиргичига ёзда индустриал-20 ва қишда индустриал-12 мойи қуйилади. КамАЗ автомобилининг гидрокучайтиргичига  Р  маркали мой қуйилади. Рул тортқиларининг шарнирли бирикмалари 1200  1800 км юрилгандан сўнг, навбатдаги ТХК пайтида УС-2 ёки УС-3, шунингдек УСс-1, Усс-2 ёки Усс солидоли билан мойланади. Ҳозирги вақтда ишлаб чиқарилаётган НЕКСИЯ, ЭСПЕРО, МЕРСЕДЕС- БЕНЦ ва бошқа турдаги автомобилларнинг рул мехнизмининг гидрокучайтиргичига ДЕКСРОН-  мойи қуйилади. Рул бошқармаси механизмларини жорий таъмирлаш деталларини алмаштириш ҳисобига амалга оширилади. Деталларнинг ейилган жойлари, масалан, сошка вали бўйинлари хромлаш йўли билан тикланади, сошка вали охиридаги резба йўниб ташланиб, сирти пайвандланади ва янги резьба очилади. Рул механизми картеридаги подшипник ўрнатиладиган уянинг ейилган жойлари йўнилади ва пўлат ҳалқа пресслаб ўрнатилади. Таранглиги

пасайган ва синган пружиналар, шарсимон бармоқларнинг ейилган вкладишлари, бўйлама ва кўндаланг тортқи бармоқлари алмаштирилади. Эгилган рул тортқилари совуқ ёки 800  С ҳароратгача қиздириб тўғриланади. Тормоз тизими нинг асосий носозликларига фрикцион қопламаларнинг ва тормоз барабанларининг (дискларининг) едирилганлиги, тормоз кучи созлагичини нотўғри ишлаши, гидроюритмали тормоз тизимида резинали манжетларни ейилиши ва шишиб кетиши, цилиндр ва поршенларни ейилиши, пневматик тормоз тизимида эса тормоз ва ҳимоя клапанларининг ейилиши, тормоз камерасидаги диафрагманинг тешилиши, қувват аккамулляторлари манжетларининг ишдан чиқиши мисол бўлади. Даврий ТХК дан тормоз тизими бўйича барча бирикмалар ва труба ўтказгичларнинг зичлиги компрессорнинг ҳосил қилувчи босими, жиҳозда тормознинг ишлаш сифати, детал ва бирикмаларни жойига қотирилиши, тормоз тепкисининг салт ва ишчи юриш йўли, тормоз барабанлари (дисклари), колодкалар, ғилдирак подшипниклари, гидравлик тормоз тизимидаги суюқлик сатҳи, кўп контурли пневматик тизимлардаги контурлар ва тормоз кучини созлагичларнинг ишлаши текширилади. Қўшимча равишда кундалик хизмат кўрсатиш вақтида баллонлардаги конденсатлар тўкилади, куз ва қиш вақтларида нам ажратгичдаги суюқлик сатҳи текширилади. Мавсумий хизмат даврида босим созлагичдаги фильтр керосин билан ювилади ва мавсум киришига нам ажратгич тайёрланади (ҳарорат  5  С дан пасайганда нам ажратгич ушлагичини юқори ҳолатига қўйилади). Гидроюритмали тормоз тизимига эга бўлган автомобилларга техник хизмат кўрсатишда БСК (ТУ-6-10-1553-75) ва НЕВА (ТУ 6-09-550-73) туридаги ҳамда хорижий фирмаларда ишлаб чиқарилаётган тормоз суюқликлари (ДОТ-2, ДОТ-3 ва бошқалар) дан кенг фойдаланилмоқда. БСК суюқлиги канакунжут мойи(47 %) ва бутил спирти (53 %) дан, ҳамда қизил ранг берувчи органик моддадан тайёрланади. Унинг камчилиги-15 градусдан паст ва 25  С дан юқори ҳароратда оқувчанлигини йўқотишидадир. НЕВА

туркумидаги тормоз суюқликлари этилкарбитол суюқлиги асосида бўлиб, қуюқлаштирувчи ва занглашга қарши қўшимчалардан таркиб топган бўлади. Бу суюқликларни бир бирига қўшиб ишлатиш ман қилинади. Қуйида автомобилларга ТХК даврида бажариладиган техник хизмат кўрсатиш ишлари билан мукаммал танишиб чиқамиз. а) Гидравлик тормоз тизими бўйича бажариладиган ишлар таснифи: 1. Тормоз тизимини назорат қилиш. Тормоз тизими барча механизмлари маҳкамланганлиги ва зичликлигини текшириш ҳамда автомобил ғилдирагини осиб қўйиб, унинг енгил айланишини аниқлаш. 2. Тормоз тепкисининг эркин юриш йўлини текшириш ва созлаш (74расм). Чизғичнинг бир учи полга қўйилиб, иккинчи томони тепкининг юзаси билан тенглаштирилади ва оралиқ аниқланади. Шу ҳолатда тепки қаршилик ҳосил бўлгунча босилиб, яна оралиқ аниқланади. Сўнгра биринчи ва иккинчи қийматлар фарқи ҳисобланади ва меъёрий қийматга мос келмаса созланади. 74-расм. Тормоз тепкисининг салт юриш йўлини созлаш: 1-вакуум кучайтиргич; 2-итаргич; 3-тормоз тепкиси; 4-тўхташ чироғини ёққич; 5-ёққич гайкаси; 6-тўхтатиш чироғини ўчиргич; 7-тепкини тортиб турувчи пружини; 8-бош цилиндр.

3. Тормоз колодкалари қопламаси ва барабан орасидаги тирқишни аниқлаш ва созлаш. ГАЗ-3110, ВАЗ, МОСКВИЧ ва GM-UZBEKISTAN енгил автомобилларида қоплама ва барабан орасидаги тирқиш автоматик равишда созланади. Бошқа суюқлик юритмали тормоз тизимига эга бўлган автомобилларда (ГАЗ юк автомобиллари, ПАЗ автобуслари, 75-расм) тирқиш ғилдиракнинг орқа томонидан таянч диск (1) даги бармоқ эксцентриги (2) ёрдамида созланади. Олди ва орқа калодкалар таянч бармоқлари гайкаси бўшатилади ва тормоз тепкисига 150-200 Н куч билан босилади. Таянч бармоқларини охиригача катта куч сарф қилмасдан бурилади ва гайкаларни тортиб қўйилади. Тормоз тепкии қўйиб юборилиб, барабаннинг енгил айланиши текширилади. Агар калодка барабанга тегиб айланса, у ҳолда операция яна қайтадан бажарилади. Барабан ечилиб махсус ўлчаш барабани ўрнатилади ва ясси шуплар ёрдамида колодка ва барабан орасидаги тирқиш аниқланади. 75-расм. Колодка ва тормоз барабани орасидаги тирқишни созлаш: 1- таянч диск; 2-бармоқ эксцентриги Тирқиш бармоқ томондаги колодканинг учидан 25-30 мм масофада аниқланади (0,15 мм), бу ўз навбатида қарама-қарши томондаги тирқишни 0,4 мм га созлайди.

4. Суюқлик юритмали тормоз тизимидан ҳавони чиқариш. Бош тормоз цилиндри ва ғилдирак ишчи цилиндрлари чанг ва ифлосликлардан тозаланади. Тормоз суюқлиги учун сиғим қопқоғи очилади ва суюқлик сатҳи текширилади. Суюқлик сатҳи сиғимнинг резбали қисмидан 15-20 мм. дан ёки ”min” белгисидан паст бўлмаслиги керак. Ишчи цилиндр чиқариш клапани (1) нинг резина қопқоғи олиниб, ўрнига резина шланга (2) тиқилади ва бир учи 1  3...1  2 ҳажмда тормоз суюқлиги тўлдирилган шиша идишга тушурилади (76-расм). 76-расм. Тормоз тизимидан ҳаво чиқариш: 1-ҳаво чиқариш клапани; 2резина шланга. Шу ҳаво чиқариш кетма-кетлиги энг узоқ нуқтадан яқин нуқтагача босқичма- босқич бажарилади. GM-UZBEKISTAN енгил автомобилларида эса ҳаво чиқариш кетма кетлиги орқа ғилдиракдан бошлаб диагнал бўйича амалга оширилади (орқа чап-олдинги ўнг, орқа ўнг-олдинги чап). 5. Қўл тормозини текшириш ва созлаш. Орқа колодка қопламаларининг едирилиши, тросснинг чўзилиши, қўл тормози ушлагичи йўлини кўпайиб кетишига олиб келади. Орқа ғилдиракларнинг тўлиқ тормозланиши ушлагични 2  3 тўлиқ йўли бўйича 400 Н куч билан тортганда амалга ошади. Уни созлаш учун ушлагич остига уланган колодкаларни тортиш тросси узунлигини камайтириш лозим. б) Ҳаво юритмали тормоз тизими бўйича бажариладиган ишлар таснифи:

1.Компрессор техник ҳолатини аниқлаш ва тасмаларнинг таранглигини созлаш. Компрессорни текширишдан аввал компрессор тасмасининг таранглиги текширилади ва созланади. Икки шкив ўртасидан тасмани 30-40 Н куч билан босганда, унинг эгилиши 10-15 мм ни ташкил этиши керак. Компрессорни текшириш учун двигатель ишга туширилиб ҳаво босимининг кўтарилиш тезлиги аниқланади. ҳаво босимининг 0 дан 0,6-0,7 МПа кўтарилиши 5-6 минут давом этиши керак. 2. Ҳаво босими созлагичини текшириш ва созлаш. Ҳаво босими созлагичи компрессорни тизимдан 0,7-0,74 МПа босимда узиши ва 0,55-0,6МПа босимда улаши керак. Юқори босим зичлагичлар сонини ошириш ёки камайтириш йўли билан пастки босим калпокчани қотириш ёки бўшатиш йўли билан созланади. 3.Тормоз тизимининг зичлгини текшириш ва созлаш. Зичлик икки участкада текширилади: -Компрессор - тормоз крани участкаси: Ишлаб турган двигател ўчирилади ва ҳаво босимини пасайиши манометр ёрдамида кузатиб борилади. Тормоз тепкиси босилмаган ҳолатда, босимнинг 10-12 минут давомида пасайиши 0,01 МПа дан ошмаслиги керак. Босимнинг меъёридан тез пасайиши компрессор-рессивер-тормоз крани участкасида зичлик бузилганлигини кўрсатади. -Тормоз крани - тормоз камераси участкаси: Ишламаётган двигателда тормоз тепкиси тўлиқ босилади ва манометр ёрдамида босимнинг пасайиши текширилади. Бунда босим тезда 0,10-0,15 МПа га пасайиши сўнгра пасаймасдан туриши зарур. Босимнинг меъёридан пасайиши тормоз крани-тормоз камераси участкасида зичликлик бузилганлигини кўрсатади. Ҳаво чиқиш жойи эшитиш ёки совун аралашмасини шубҳали жойларга суртиш билан аниқланади. 4. Тормоз кранини текшириш ва созлаш.

Тормоз тепкисининг эркин юриш йўли чегараловчи гайка билан маҳкамланган болт ёрдамида созланади. Тормоз тепкисининг эркин юриши (30 ... 60 мм), тормоз крани юқори ричагининг (1...2 мм) эркин юришга мос келади. Тормоз тепкиси босилганда, яъни тормоз камераси ва рессиверда босим тенглашганда, унинг орқа томони кабина полига 10...30 мм етмаслиги керак. Агар шу шарт бажарилмаса, тепки тагига бириктирилган вилка ёрдамида бу масофа созланади. 5. Тормоз камералари штоки йўлини текшириш ва созлаш (77-расм). Шток йўлининг узунлиги линейка ёрдамида аниқланади, бу оралиқ олдинги ғилдиракларда 15...25 мм, орқа ғилдиракларда 20...30 мм бўлиши керак. Шток йўли, унинг учига ўрнатилган вилкани олдинга ёки кетинга бураш йўли билан созланади. Созлаш даврида чап ва ўнг ғилдираклардан камера штоги йўли бир хил бўлиши керак. Автомобилларнинг тормоз тизимига ТХК ва ЖТ вақтида едирилган тормоз колодкаларининг қопламалари Р174 туридаги жиҳозлар ёрдамида йўнилиб ёки парчинмихлар пармаланиб олиб ташланади. 77-расм. Тормоз камераси штоги йўлини созлаш. Янги қопламалар рангли металлардан тайёрланган парчинмихлар ёки ВС-10Т елими ёрдамида қотирилади. Елимлаш иш ҳажмини уч баробар камайтиради, рангли металларни тежайди, қопламаларнинг ишқаланиш юзасини ва ишлаш муддатини оширади. Елимлашдан аввал колодкалар металгача тозаланади, ацетон ёрдамида

мойсизлантирилади ва 10 мин давомида қуритилади. Елим юзага 0,1-0,15 мм қалинликда бир қатлам суртилади ва 10-15 мин ушлаб турилади (елим қатламининг қалинлиги 0,5 мм дан юқори бўлса, бирикма мустаҳкамлигини пасайтиради), кейин иккинчи қатлам сурилади ва қайтадан қуритилади. қоплама колодка билан бирлаштирилиб махсус мосламага (78-расм) ўрнатилади ҳамда 0,2-0,4 МПа босим билан сиқилади ва 175-185  С ҳароратда 1,5-2 соат қуритилади. Бундан сўнг 50-60 мин. давомида печ ҳарорати 100  С га тушгунча, ҳамда 2-3 соат ҳавода совутилади. Бундай совитишда елимланган бирикмада қолдиқ кучланиш камаяди. Елимлашнинг бошқа усули ҳам мавжуд бўлиб, унда пахта қоғозли лента махсус мосламалар ёрдамида ВС-10Т елими билан шимдирилади ва қуритилади. Елимлаш вақтида керакли ўлчамдаги лента қирқиб олинади, колодка ва қоплама орасига қўйилади ва уни 0,2-0,3 МПа босим билан сиқилади, 180  5  С ҳароратда 1,5 соат ушлаб турилади. Елимлаш сифати 7,58МПа босим остида пресс ёрдамида силжишга текширилади. Колодкаларнинг ишчи юзалари радиуси тормоз барабани ўлчамига мос келиши зарур. Буни амалга ошириш учун тормоз колодкалари Р114 ёки Р117 туридаги жиҳозларда йўниб ташланади. Худди шу жиҳозларда тормоз барабъларини таъмирлаш ўлчамларигача йўниш мумкин. Колодкаларни тормоз барабанларига ўрнатишда ишчи юзаларнинг бир-бирига тўлиқ бирлашишини таъминлаш зарур. Улар орасидаги тирқиш жуда кам қийматга эга бўлиши, лекин барабаннинг эркин айланишини таъминлаши зарур. 78-расм. Тормоз калодкасига қопламани елимлаш мосламаси: 1- ушлагич; 2-чегараловчи ҳалқа; 3-винт; 4-чегаралагич; 5-тормоз колодкаси; 6- қиздиргич

Пневматик тормозни червякли созлаш механизми, гидравлик тормозни эса эксцентрик ёрдамида созланади. Тормоз тизимининг ишдан чиққан бирикмалари бўлакларга ажратилади, едирилган деталлар янгисига алмаштирилади. 79-расм ХУНДАЙ автомобилининг автоблокировка тизимининг(ABS) жойлашув шакли Автоблокировкали тормоз тизими . Автоблокировкали тормоз тизими (ABS) автомобилни бирданига тўхтатишда ва оғир йўл шароитларида ғилдиракларни тўлиқ (сирпаниб) тўхташини олдини олиш учун ишлатилади. ХУНДАЙ автомобилида ABS двигател бўлимига жойлашган (79-расм) ва у ҳар бир ғилдиракка келувчи суюқлик босимини ҳамда ғилдирак тезлигини назорат қилади. Шунинг учун ABS тизими авария ҳолатлари ва сирпанчиқ йўлларда тормозланишда автомобилнинг бошқарувини осонлаштиради. Тормозланиш вақтида ABS нинг ишлаётганлигини тормоз тепкисига тескари таъсир кўрсатаётган кучдан сезиш мумкин. Ҳаракатланиш вақтида мотор бўлимидан чиқаётган чиқиллаган шовқин орқали ҳам сезиш мумкин. Бу оддий ҳолат бўлиб, ABS меъёрий ишлаётганлигидан далолат беради. Қуйидаги шароитларда ABS билан қуролланган автомобилларнинг тормозланиш йўли меъёридан ортиқ бўлиши ҳам мумкин: - дўнглик, шағал ва қор қопланган йўлларда ҳаракатланганда; - ғилдиракка занжир боғлаб ҳаракатланганда; - кўп чуқурликлар бўлган йўлларда ва ўнқир-чўнқирликларда ҳаракатланганда.

Юқоридаги йўл шароитларида секин ҳаракатланиш зарур. Катта тезликларда ABS билан жиҳозланган тормоз тизимларини текшириш ҳаракат ҳавфсизлигини таъминлаш мақсадида ман этилади. Ўт олдириш калитини ёқилганда ABS ни огоҳлантириш ёритгичи бир неча секунд ёниб туриб, сўнгра ўчади. Агарда ёритгич доимий ёниб турса ёки ҳаракатланиш вақтида ёниб қолса, ABS тизимида носозлик борлигидан далолат беради. ABS тизимининг мумкин бўлган носозликлари ва уларни бартараф этиш усуллари Носозлик аломатлари Носозликни бартараф этиш усуллари ABS ишламаяпти 1-4 пунктлар бўйича текширинг. Агар ҳамма кўрсатгичлар меъёрида бўлса-ю аммо ишламаса, ABS ни алмаштиринг. 1.ДТС ни текширинг ва чиқиш коди меъёрийлигига ишонч ҳосил қилинг. 2.Кучланиш билан таъминлаш занжирини текширинг. 3.Тезлик датчиги занжирини текширинг. 4. Гидротизим зичлигини текширинг. ABS гоҳида ишламаяпти 1-4 пунктлар бўйича текширинг. Агар ҳамма кўрсатгичлар меъёрида бўлса-ю аммо ишламаса, ABS ни алмаштиринг. 1.ДТС ни текширинг ва чиқиш коди меъёрийлигига ишонч ҳосил қилинг. 2.Кучланиш билан таъминлаш занжирини текширинг. 3.Тезлик датчиги занжирини текширинг. 4. Гидротизим зичлигини текширинг. Сканер билан боғланиш имконияти йўқ (ҳар қандай тизим билан боғланиш 1.Қувват мабааини текширинг. 2. Диагнозлаш шунтини текширинг.

имконияти йўқ) Сканер билан боғланиш имконияти йўқ (фақат ABS тизими билан боғланиш имконияти йўқ) 1.Қувват мабааини текширинг. 2. Диагнозлаш шунтини текширинг. 3.АБС блокини текширинг. Ўт олдириш калити ёқилганда ABS ёритгичи ёнмаяпти 1.ABS огоҳлантириш ёритгичи занжирини текширинг. 2. АDS (HECU) блокини текширинг. Двигател ўт олгандан кейин ҳам огоҳлантириш ёритгичнинг ёниб туриши 1.ABS огоҳлантириш ёритгичи занжирини текширинг. 2. АDS (HECU) блокини текширинг.

Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т.: Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори. 4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675-сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

O'xshashlar

Автомобил двигателига техник хизмат кўрсатиш ва таъмирлаш ишлари технологияси

Автомобилларнинг трансмиссиясига техник хизмат кўрсатиш ва таъмирлаш ишлари технологияси

Автомобилларнинг юриш қисмига техник хизмат кўрсатиш ва таъмирлаш ишлари технологияси

Автомобилларнинг электр жиҳозларига техник хизмат кўрсатиш ва таъмирлаш технологияси

Кабина кузов ва платформага техник хизмат кўрсатиш ва таъмирлаш технологияси