Автомобил трансмиссияси ва бошқариш тизимига тхк ва т технологияси - Transport - Referatlar

Автомобил трансмиссияси ва бошқариш тизимига тхк ва т технологияси

Yuklangan vaqt:

20.09.2019

Ko'chirishlar soni:

0

Hajmi:

89 KB

Ko'chirib olish

Автомобил трансмиссияси ва бошқариш тизимига тхк ва т технологияси Реж a : 1. Автомобиллар трансмиссиядаги асосий агрегатлар бўйича учрайдиган носозликлар. 2. Трансмиссия агрегатларини умумий ва синчков ташхислаш, ТХ кўрсатиш, созлаш ва жорий таъмирлаш ишлари технологияси, уларда ишлатиладиган жиҳозлар. 3. Рул бошқармасида учрайдиган асосий бузуқлик ва носозликлар, уларнинг атроф муҳитга зарарли таъсири, уларни ташхислаш, созлаш, мойлаш ва маҳкамлаш ишларини бажариш технологияси. 4. Тўхтатиш тизими, унинг турлари, учрайдиган асосий бузуқлик ва носозликлари. Тўхтатишни ҳар хил тизимларига ТХКва ЖТ технологияси. Тўхтатиш тизимини ташхислаш усуллари, қўлланиладиган жиҳозлар. 5. Трансмиссия агрегатларига ва бошқариш механизмларига ТХК ва таъмирлашда техника ҳавфсизлиги.

Автомобил трансмиссиясининг асосий агрегатларига илашиш муфтаси, карданли узатма, шестерняли ёки гидромеханик узатмалар қутиси тақсимловчи қути ва орқа кўприк (асосий узатма ва дифференциал) киради. Трансмиссияни таъмирлаш ва унга ТХК умумий иш ҳажмини 10% ни ташкил этиди. Трансмиссия механизмларининг носозлиги аломатлари ИЛАШИШ МУФТАСИ - носозлиги аломатлари қуйидагилардан иборат: 1) юкланиш остида яхши кўшилмаслиги салт юриш йўлининг меъёридан камайиши, сиқиш пружиналарини бўшашиб кетиши, фрикцион қопламаларни мойланиши ёки едирилиши натижасида содир бўлади; 2) тўлиқ ажралмаслиги - салт юриш йўлининг кўпайиб кетиши, ричагларнинг қийшайиб кетиши, дискнинг бир текис едирилмаслиги оқибатида рўй беради; 3) бирданига қўшилиши - муфтани қўзғалмай ғолиши, сўндиргич пружиналарини синиши, етакланувчи ступича валидаги шлицаларни едирилиши натижасида содир бўлади; 4) қизиб кетиш, тақиллаш ва шовқин билан ишлаши подшипникнинг синиб кетиши, қопламани бриктириш парчинмихини бўшаб қолиши, улаш ричагларини ўрнидан чиқиб кетиши натижасида содир бўлади. Илашиш муфтасини жорий таъмирлаш-автомобилдан ечиб олинган ҳолда бажарилади. Уни ечиб олишдан олдин (йиғишда қисмларини жойлашиши ва завод томонидан мувозанатланлиги бузилмаслиги учун) унинг қобиғи билан маховигига белги қўйиб қўйилади. Илашиш муфтаси деталларга ажратилгандан сўнг, улар ювилади ва етакланувчи ҳамда етакловчи диск ҳолатларини (парчин михни бўшаб қолмаганлиги, букилмаганлиги, ейилмаганлиги, ёрилмаганлиги, узилмаганлиги) ва бошқа деталларнинг ҳолати текширилади. Етакланувчи диск фрикцион қопламасида ва буралиб тебранишнинг (фрикцион турини) йўқотгичида қизиш, ёриқ борлиги ва мойланиб қолгани аниқланса ҳамда парчин мих коллагидан

қоплама сиртигача бўлган масофа 0,2 мм дан кам бўлса, унда қопламани алмаштириш керак. Қопламани алмаштиришда латун ёки алюминий парчин (каллаксиз) михдан фойдаланиб, у пресс ёки махсус пуансон ёрдамида парчинланади (резвалцовка қилинади). Шундан сўнг, парчин михи каллаги устидан қоплама сиртигача бўлган масофача 1 мм дан кам бўлмаслиги керак. Етакловчи диск сиртида чизилган, қирилган, тирналган жойлари бўлса, токарлик дастгоҳида силлиқлаб шилинади. Илашиш муфтасининг гидравлик узатмаси деталлари БСК суюқлиги ёки спирт билан ювилади. Жипслаб турувчи резина манжет ейилса, йиртилган бўлса ёки шишиб кетса, уни алмаштириш зарур. Етакланувчи диск таъмирлангандан сўнг, уни тебраниб (биение билан) ишлаши текширилади, у 0,8-1,0 мм дан ошмаслиги керак. Илашиш муфтасини йиғиш Р-207 турдаги махсус мосламада бажарилади (бу карбюраторли двигателлар учун).Р-724 мосламаси дизел двигателлари илашиш муфтасини йиғиш учун мўлжалланган. Узатмалар ва тақсимлаш қутисининг носозликлари. Узатмалар қутиси ва тақсимлаш қутисининг ишламай тўхтаб қолишига: шестерня тишларининг (ишчи юзаси) ейилиши, яланиши, синиши, подшипниклар ва уларнинг уяси, шлицали валлар ва кулачокли муфтанинг ейилиши сабаб бўлади. Ҳаракатни қўшиш ва ажратиш механизмининг носозликларига: валларининг эгилиши ва яланиб кетиши, фиксаторнинг ейилиши, фиксатор пружинасининг синиши кабилар мисол бўла олади. Бундан ташқари, сальник ва мойтўсгичнинг ейилиши, подшипник қопқоғини маҳкамлаш гайкасининг, тишини ва бошқа болтларнинг бўшаб қолиши ҳам носозликларни келтириб чиқаради. Узатмалар қутисининг носозлигини: шовқинли ишлашидан, шестерняларнинг ўз-ўзидан ҳаракатни узиб қўйишидан, узатманинг қийин улашидан ёки бир вақтнинг ўзида икки узатма уланиб қолишидан билиш мумкин. Сальникларнинг ейилиши ва қопқоғи тиқинининг жипс маҳкамланиш жойларининг бўшаб қолиши мойнинг картердан сизиб оқишига сабаб бўлади. Механик узатмалар ва тақсимлаш қутиси шовқинли, люфтли, тебраниб ишлаши ва қизиб кетиши орқали ташхисланади.

Узатмалар қутисининг шовқин билан ишлаши стетоскоп асбоби ёрдамида ташхисланади. Люфти бўйича ташхислашда люфтометр диномометр асбобидан фойдаланилади. Карданли узатманинг носозликлари Асосий камчилик ва нуқсонлари: шовқин билан ишлаши (автомобилнинг ҳаракатида бир узатмадан бошқасига ўтишда ва тирсакли валнинг айланишлар сонини ошишида ҳамда автомобилни тормозлаб, тезлик оширилаётганда), 100  С дан юқори ҳароратга қизиб кетиши, тебраниб айланиши ва бошқалардан иборат. Юқоридаги носозликлар кардан айриси (вилкаси) тешиклари, игнасимон подшипник, крестовина ва кардан вали шлицали бирикмаларининг ейилишидан ҳосил бўлади, натижада кардан валининг мувозанатлиги бузилади ва игнасимон подшипникда ўқ бўйлаб зарбли таъсир (зўриқиш) кучаяди. Кардан валининг крестовинаси салнигининг ишдан чиқиши, игнасимон подшипник ва маҳкамлаш тирноғининг (шипа) ейилишига олиб келади. Карданли узатмани ТХК пайтида ташхислаш-бунинг учун махсус асбоб ёрдамида кардан валини қўл билан икки томонга кескин бураб айлантириб, люфти аниқланади. Кардан валини эркин буралиш катталиги бўйича кардан ва шлицали бирикмасининг ейилиш даражаси аниқланади. Ҳар 8-10 минг км масофадан сўнг узатмалар қутиси ва орқа кўприк орасидаги кардан вали фланеци болтли бирикмаларининг маҳкамланиши текшириб турилади. ТХК пайтида кардан вали фланецини орқа кўприкка ва узатмалар қутисининг етакловчи валига маҳкамловчи ҳамма болтлари (80- 100 Нм куч билан) бураб қотирилади. Кардан валининг игнасимон подшипниги тансмиссия агрегатларини мойлашда ишлатиладиган (ТАп-10, ТАп-15, ТАп-15В, МТ-16п) суюқ мой билан крестовинанинг мойлаш жўмракчасидан (ҳимоя клапанидан мой чиққунча) босим билан юбориб мойланади. Шлицали бирикмалар (УС-1 ва УСС-1) қуюқ мойни босим орқали юбориб мойланади.

Бош узатма ва дифференциалнинг носозликлари. Асосий камчилик ва нуқсонлари: шестерня тишларининг нотўғри тишлаши ҳисобига тишлари ейилиши, синиши, тишларни туташиш сиртининг камайиши; подшипникларнинг ейилиши ва ростланишининг бузилиши натижасида етакловчи шестерня вали подшипнигидаги оралиқчанинг ортиб кетиши, ҳамда шестерня тишларининг уваланиб кетиши ва бошқалардан иборат. Шестерналар маҳкамланишининг бўшаб қолиши, мой сатҳининг камлиги, ярим ўқлар подшипникларининг ейилиши ҳам қўшимча бўла олади. Ишламай қолиши ва носозликларининг белгилари, сабаблари. Бош узатма ва дифференциал механизмининг у ёки бу носозликлари белгиси: ҳар хил оҳангдаги (алоҳида-алоҳида товушлар, баланд овозли шовқин, узилиб- узилиб, вақти-вақти билан) товушларнинг чиқишидир. Дифференциал ва бош узатмага техник хизмат кўрсатиш. Вақти- вақти билан назорат-кўрик ишларини ўтказиб, картерга мой (қуйиш тешиги зийи билан баробар қилиб) қуйилади ва 10-18 минг км дан кейин мой алмаштирилади, агар ТС-14 мойига ХЛОРЭФ-40 қўшимчаси қўшилган бўлса, мойни 35-50 минг км дан сўнг алмаштириш керак. Бундан ташқари, сапунни тозалаш, етакловчи шестерня вали фланецини ва бош узатма картерининг гайкаларини бураб, маҳкамлаш зарур. Гипоидли бош узатмада ТАД-17 ёки ТАДп-мойи ишлатилади. Рул бошқармасининг асосий носозликлари: Рул механизмининг картери махкамланишини бўшаб кетиши, механизм деталларининг ейилиши, рул чамбараги ва колонкасининг бўшаб қолиши, червяк жуфти деталларининг едирилиб кетиши ва бошқа носозликлардир. Гидрокучайдиргичли рул бошқармаларида, юқоридаги нуқсонлардан ташқари, насос идишида мойнинг меъёридан кам ёки ошиқ бўлиши, тизимда ҳаво ва сувнинг йиғилиши, насоснинг ишламай қолиши, мойнинг сизиб чиқиши, фильтрнинг кирланиб қолиши, насоснинг ҳимоя ва ўтказиш клапанларининг носоз ишлаши, насос узатмаси тасмасининг меъёр билан тортилмаслиги ва бошқалардан иборат.

Рул бошқармасини ташхислаш кўрсатгичлари: рул чамбарагини салт юриши ва уни бураш учун керакли куч. Рул чамбарагининг салт юриши, енгил автомобиллар учун 7-12 градус (ЗИЛ-130 да 15, ВАЗ ва NEXIA автомобилларида 5  , КАМАЗ ва МЕРСЕДЕС БЕНЦ учун 15  ), автобуслар учун 10-15  ни ташкил қилади. Рул чамбарагини бураш учун сарфланадиган куч 40-60 Н ни ташкил этиши керак. Рул бошқармасини созлашда, тортгичлардаги шарнир ва рул механизми бирикмаларидаги тирқишлар йўқотилади. Рул механизмидаги червяк подшипнигининг ўқ бўйича силжишини прокладкалар ёрдамида созланади. Рул сошкасининг ўқ бўйича силжиши, таянч болт ёрдамида созланади ва махкамлаш ишлари бажарилади. Рул механизм картеридаги гидрокучайтиргич бачогидаги мой сатҳи навбатдаги ТХК пайтида текширилади ва меъёригача мой қуйилади. Гидро кучайтиргич бачоги, фильтрларни ҳамда картерни (йилда камида 1 марта ёки мавсумда, баҳор ва кузда) бензин билан ювиб, мойи алмаштирилади. Гидрокучайтиргичга двигател салт ишлаб турганда мой қуйилади. Рул механизмига узатмалар қутиси учун мўлжалланган Тап-10,Тап-15Л ва 3 мойлари ёки трансмиссион мой қуйилади. Гидрокучайтиргичли рул механизмига ёзда турбина мойи (маркаси 22), қишда АУ-веретён мойи қуйилади. МАЗ-500 рул механизмига ТМ-16П ва гидрокучайтиргичига ёзда индустриал 20 ва қишда 12 мойи қуйилади. КамАЗ автомобилининг гидрокучайтиргичига  Р  маркали мой қуйилади. Рул тортқиларининг шарнирли бирикмалари 1200  1800 км йўлни босиб ўтгандан сўнг, навбатдаги ТХК пайтида УС-2 ёки УС-3 шунинг дек УС с-1, Усс-2 ёки Усс солидоли билан мойланади. Ҳозирги вақтда ишлаб чиқарилаётган НЕКСИЯ, ЭСПЕРО, МЕРСЕДЕС-БЕНЦ ва бошқа турдаги автомобилларнинг рул мехнизмининг гидрокучайтиргичига ДЕКСРОН-  мойи қуйилади. Рул бошқармаси механизмларини жорий таъмирлаш деталларини алмаштириш ҳисобига амалга оширилади. Деталларнинг ейилган жойлари,

масалан, сошка вали бўйинлари хромлаш йўли билан тикланади, сошка вали охиридаги резба йўниб ташланиб, сирти пайвандланади ва (проточка билан) янги резба чиқарилади. Рул механизми картеридаги подшипник ўрнатиладиган уянинг ейилган жойлари йўнилади ва пўлат ҳалқа пресслаб ўрнатилади. Таранглиги пасайган ва синган пружиналар, шарсимон бармоқларнинг ейилган вкладишлари ва бўйлама, кўндаланг тортқилар бармоқлари алмаштирилади. Эгилган рул тортқилари совуқ ёки 800  С ҳароратгача қиздириб, тўғриланади. Тормоз тизимига хизмат кўрсатиш. Тормоз тизимига хизмат кўрсатишдаги ишлари тормоз суюқлигини оқиб кетишини олдини олиш, суюқлик юритмали тўхтатиш тизими даги ҳавони чиқариш, тормоз босқичининг салт юриш йўлини созлаш, колодка ва тормоз барабанлари орасидаги тирқишни созлаш, тормоз қопламлари юзасидаги мойларни тозалашдан иборатдир. Ҳаво юритмали тўхтатиш тизимида, тизим герметиклигини таъминлаш, максимал босмни созлаш, ҳаво фильтрини тозалаш, баллонлардан конденсатни тўкиш, ҳаво юритма аппаратларини созлаш, тўхтатиш босгичини салт юришини созлаш, штокнинг юриш йулини, барабан ва колодка орасидаги тирқишни созлашдан иборат. Тормоз эффективлиги бўйича автомобилларни ташхислаш. Автомобилнинг тормозланиш ҳусусиятларини (тормоз йўли, секинланиш, тормозлаш кучи, тормоз педалига босиш кучи, тормоз механизмини ишга тушиш вақти, педални салт юриши, компрессор ишлаб чиқариш қобилияти) аниқлаш қуйидаги усулда амалга оширилади: - йўл шаротида юриб текшириш - экспулатация қилиш даврида текшириш (автомобилдаги ўрнатилган жиҳозлар ёрдамида) - тормоз жиҳозлари ёрдамида текшириш.

Йўл шароитида текшириш - бу юраётган автомобилни бир зумда тормозлаб тўхтатиб, ерда қолдирган изини ўлчаш, ёки деселерометр ёрдамида секинланишни аниқлашда иборатдир. Тормоз системасини йўлда текшириш текс, қуруқ ва горизонтал бўлган майдонда бажарилади. Тормоз йўли назарий жихатдан қуйидаги ифода орқали аниқланади:м q V K S а э T , 26 2     бу ерда: V а - тормозлашдан аввалги автомобил тезлиги,км  соат K э - экспулатация шароитини ҳисобга олувчи коэфицент (енгил автомобил учун -1.44, юк автомобили учун-2.0-2.44) q - эркин тушиш тезланиши, 9.81 м  сек 2  - шинани ер билан илашиш коэффиценти Тўхташ йўли енгил автомобиллар учун (30 км  соат) - 7.2 м, юк автомобиллари ва автобуслар учун юк кўтариш қобилятига қараб 9.5-11.0 м бўлади. Тормоз тизимини қўзғалмас жихозлар ёрдамида текшириш Бу усулда тормоз тизимининг барча кўрсаткичлари бўйича ташхислаш. Бу жиҳозлар автомобилнинг тормоз тизимини текшириш билан бир қаторда, уни созлаш ва яна бир бор текширишга имкон беради. Тормоз жиҳозлари инерцияли ва кучли турларига бўлинади. Инерция тормоз жиҳозлари - баробанли ва платформали бўлиши мумкин. Автомобилнинг тормозини баробанли жиҳозда ташхислаш, унинг ишлашини жиҳоздаги айланувчан юклар кинетик энергиясига тенглаштириш йўли билан аниқланади. Платформали жиҳозларда эса, автомобилнинг илгариланма-қайтма харакатини кинетик энергиясини тенглаштириш йўли билан аниқланади. Kучли жиҳозлар автомобилни ишлаш шароитини ҳосил қилиб, унинг тормозлаш хусусиятларини аниқлайди. Тормоз тизимига техник хизмат кўрсатиш. Тўхтатиш самарадорлигини ташхислаш ва ростлашдан аввал тормоз тизимида қотириш

ишлари бажарилади ва деталларнинг техник -ҳолати аниқланади. Бунда фрикцион қопламанинг ейилиши, тормоз барабанлари, колодкани аввалги ҳолатига қайтариш пружинасининг эластиклиги, тормоз дискаси ва колодкасининг маҳкамлиги, уларни ўқларида эркин айланиши текшириб чиқилади. Гидроузатмали тормоз тизимида бош тормоз цилиндридаги суюқлик сатҳи текширилади, у қуйиш тешигининг қиррасидан 10-15 мм пастда бўлиши керак. Агарда тизимга ҳаво кириб қолган бўлса, дамлаб чиқариб юборилади. Тизимга ҳаво кириб қолганлиги педални тўла йўлининг 2  3 қисмгача ёки полга тақалгунча босиб текширилади. Ҳозирги вақтда БСК (ТУ-6-10-1553-75) ва НЕВА (ТУ 6-09-550-73) туридаги, янги турдаги автомобиллар тормоз тизимларига хорижий фирмаларда ишлаб чиқарилаётган тормоз суюқликлари (ДОТ-2,ДОТ-3 ва боқалар) дан кенг фойдаланилмоқда. БСК суюқлиги канакунжут мойи(47 %) ва бутил спирти (53 %) дан, ҳамда қизил ранг берувчи органик моддадан тайёрланади. Унинг камчилиги -15 градусдан паст ва 25 градусдан юқори ҳароратда оқувчанлигини йўқотишидадир. НЕВА туркумидаги тормоз суюқликлари этилкарбитол суюқли-ги асосида бўлиб, қуюқлаштирувчи ва занглашга қарши қўшимчалардан таркиб топган бўлади. Бу суюқликларни бир бирига қўшиб ишлатиш ман қилинади. Пневматик узатмали тормоз тизимида ҳавонинг босими ва унинг герметиглиги текширилади, кейин эса ростлаш ишлари бажарилади. Двигател тирсакли вали ўртача айланишлар сони билан ишлаганда, соз ҳолдаги компрессорни ишга тушишдаги босим 0.62-0.65 МПа бўлиши, 5-6 дақиқа мобайнида тизимдаги босм нолдан максимал қийматгача (..070-0.74 МПа) ортиши аниқланади. Тизим герметиклиги текширилган, ҳавонинг сизиб чиқиши компрессорнинг носозлигини билдиради. Компрессор тасмаси 40 Н куч билан 5  8 мм га эгулгунча ростланади. Тормоз педали босилмаганда ва двигател ишламай турганда тизимнинг герметиклиги текширилади. 0.70-0.74 МПа даги босим 10-12 дақиқа давомида 0.01 МПа дан кўп миқдорда

камаймаслиги керак. Тормоз крани ва камераси оралиғидаги герметиклик, ишламаётган двигателда, тормоз педалини охиригача босилган ҳолда, манометр орқали аниқланади. Шунда босим 0.10-0.15 МПа га кескин пасайиб, кейин пасаймаслиги керак. Босмнинг узлуксиз пасайиши тизимда герметиклик бузилганлигини билдиради. Тормоз тизимини жорий таъмирлаш Тормоз тизимини ЖТ ни талаб қиладиган носозликларига: тўхтатгич қопламаларининг кўпроқ мойланиб қолиши ёки қоплама, барабанлар, таянч бармоқ остидаги тешик, пневматик тўхтатгичларда кериш мушти, манжет, поршен, цилиндрларнинг ейилиб кетиши ва колодкаларни тортиб турадиган пружина эластиклигининг пасайиши ҳамда, синиши мисол бўла олади. Мойланиб қолган тўхтатгич колодкалари этилсиз бензинли ваннага 20-30 дақиқа солиб қўйиб, кейин ювилади ёки металл чўтка билан тозаланади. Агарда қоплама парчинмих каллагига нисбатан 0.5 мм дан кўпроқ ейилган бўлса, қопламани ёки колодкани алмаштириш зарур. Гидроузатмали тўхтатгичларда бош ва ишчи цилиндрларнинг манжети шишиб қолиши ва ёрдамчи тешикларнинг кирланиб қолиши, бош цилиндр клапанларини ейилиши каби нуқсонларни бартараф этиш учун таъмирлаш ишлари бажарилади. Пневмоюритмали тўхтатгичларни таъмирлашда тўхтатгич крани ва камерасининг носозлиги бартараф этилади, диафрагма йиртилса, алмаштирилади. Бошқариш механизмларига ТХК ва ЖТ ишлари кўтариш-кўриш жиҳозлари ўрнатилган, автомобилни кўтарилган ҳолда бўлишини таъминловчи постларда бажарилиши керак. Бу постлар пневмоузатмали тўхтатгичларни ростлаш учун мўлжалланган бўлиб, бу жараёнда двигател ишлатиб қўйилади ва ишлаб чиқарилаётган газни чиқариб юбориш учун чиқариш қувурчасига уланадиган шланга билан жиҳозланган бўлиши керак. Бошқариш механизмларидан тўхтатгич барабани, пружина ва бошқа деталларни ечиб олишда хавфсизликни таъминловчи махсус ечгичлардан

фойдаланиш зарур. Автомобилни юргазиб тўхтатгични синаш ва назорат қилиш учун махсус жойлардан фойдаланилиши зарур. АТК ҳудудида тўхтатгични синаш майдончаси жойлашиши мумкин, лекин унинг ўлчами автомобил тўхтатгичи носоз ҳолатида бўлса, авария вазиятини содир қилмаслигини таъминлаши керак.

Адабиётлар 1. Ўзбекистон республикасида халқ хужалигини , шу жумладан автомобил саноатини бозор иқтисодиёти шароитларида ривожлантириш ва уларни эксплуатациясини ташкил этиш юзасидан Ўзбекистон Республикаси президенти И . А . Каримовнинг маърузалари , хукумат қарорлари , етук олим ва мутахассисларнинг фикрлари , чиқишлари ва илмий мақолалар (1991 йилдан шу кунгача . 2. Техническая эксплуатация автомобилей. под редакцией проф. Е.С.Кузнецов М: Транспорт,1991 г. 3. Техническая эксплуатация автомобилей. под ред. проф. Е.С.Кузнецова М: Т.,1991 г. 4. Ҳамрақулов О., Магдиев Ш. Автомобилларни техник эксплуатацияси, Жиззах, ЖизПИ, 2005й. 5. «Ўзбекистон Республикаси автомобил транспорти ҳаракатдаги таркибининг техник хизмати ва таъмири хақидаги Низом» Т., “Ўзавтотранс” коорпорацияси 1998-йил. 6. Крамаренко Г.В.,Николяев В.А., Шаталов А.И. Безгаражное хранение автомобилей при низких температурах. М:Транспорт 1984 г. 7. Лабезников М.Е.,Букеревич Ю.Л.Эксплуатация автомобилей в условиях жаркого климато и пустўнно-песчанной местности.М:Транспорт 1969г. 8. Ўқитишнинг техник воситаларини қўллаш учун мавжуд материаллар рўйхати. 9. Ҳамрақулов О ва бошқалар. Транспортвоситаларида ишлатиладиган эксплуатацион материаллар. Жиззах. ЖизПИ. 2004й. 10. Ҳамрақулов О ва бошқалар. Автотрнаспорт воситалаарини лойиҳалаш. Битирув малакавий ишини бажариш учун ўқув қўлланма. Жиззах. ЖизПИ. 2005й.

O'xshashlar

Автомобил юриш қисмига тхк ва т технологияси.

Автомобил кузови ва кабинасига ТХК ва Т технологияси.

Двигателнинг совутиш ва мойлаш тизимига тхк ва т технологияси.

Двигателнинг таъминот тизимига ва электр жиҳозларга тхк ва т технологияси

Автомобилларга тхк ва т технологик жараёни.