Автомобил двигателининг совитиш ва мойлаш тизимига техник хизмат кўрсатиш ва таъмирлаш технологияси - Transport - Referatlar

Автомобил двигателининг совитиш ва мойлаш тизимига техник хизмат кўрсатиш ва таъмирлаш технологияси

Yuklangan vaqt:

20.09.2019

Ko'chirishlar soni:

0

Hajmi:

318.8935546875 KB

Ko'chirib olish

Автомобил двигателининг совитиш ва мойлаш тизимига техник хизмат кўрсатиш ва таъмирлаш технологияси Режа: 1. Автомобил двигателининг совитиш тизимига техник хизмат кўрсатиш ва таъмирлаш технологияси 2. Техник хизмат кўрсатиш 3. Совитиш тизимини жорий таъмирлаш 4. Мойлаш тизимига техник хизмат кўрсатиш.

Автомобил двигателининг совитиш тизимига техник хизмат кўрсатиш ва таъмирлаш технологияси. Совитиш тизимининг носозликларини қуйидаги ташқи аломатларидан билса бўлади: -двигател узоқ муддатда, зўриқиб ишламаганда ҳам қизийди, агар таъминот ва ўт олдириш жиҳозлари нотўғри созланган бўлса, радиатор суюқлиги қайнаб кетади. -термостат клапани аста-секин очилса ёки мутлақо очиқ бўлса (двигател юргизилгандан кейин) аста-секин қизийди, борди-ю клапан кеч очилса, двигатель тезроқ қизиб кетади. Совитиш тизимининг носозликлари : зичликнинг бузилиши, яъни сув насоси сальнигидан, патрубка ва бошқа жойларидан суюқликнинг сизиб оқиши, тасма таранглигининг бўшашиб қолиши, унинг узилиши, термостат қопқоғининг берк қадалиб ёки очиқлигича қолиши, насос паррагининг синиши, радиатор қопқоғининг жипс ёпилмаслиги, тармоқ деворларида суюқлик чўкинди (қуйқа)си ҳосил бўлиши ҳисобланади. Двигател совитиш тизимини диагностикалашда тизимни қизиш ҳолати ва зичлигини, тасманинг таранг тортилиши ва термостатнинг ишлаши текширилади. Двигател меъёрида ишлаганда совитиш тизими суюқлигининг ҳарорати 80-95  С чегарасида бўлиши керак, радиаторнинг юқори ва пастки қисмидаги суюқлик ҳароратининг фарқи 8-12  С оралиғида бўлади. Совитиш тизими суюқлигининг сизиб оқишини сув насосининг ва бошқа бирикиш жойларининг остки қисмларидаги суюқлик изларидан пайқаш мумкин. Буни назорат қилиш двигателнинг совуқ ҳолатида бажарилади. Тизимнинг зичлиги, радиаторнинг устки суюқлик билан тўлмаган қисмига киритилаётган ҳаво (0,06 Мпа) босими билан текширилади (28-расм) 

Термостат клапанининг дастлабки очилиш пайтида суюқлик ҳарорати 65- 70  С ва тўла очилишида 80-85  С бўлади. Носоз термостатни алмаштириш зарур. Ечиб олинган термостат, қизитилган сувли ваннага ботирилиб, клапаннинг очилишидаги бошланғич ҳарорат ва клапаннинг очилиш йўли аниқланади. Двигателининг термостати қуйидаги тартибда текширилади (29-расм): 1. Термостат олиниб, у қуйқумлардан тозаланади ва электр плиткага (6) қўйилган сувли ваннага (5) туширилади. 2. Сувни аралаштириб турган ҳолда киздирилади ва унинг ҳолати, бўлинмасининг қиймати 1  С дан катта бўлмаган симобли термометр ёрдамида назорат қилиб турилади. 3. Индикатор (3) билан клапан очилишининг бошланиши текширилади, яъни клапан 0,1мм га очиладиган ҳарорат (80±2)°С аниқланади. қайнаётган сувда клапан камида 8,5 мм га тўлиқ очилади. Техник хизмат кўрсатиш. Кундалик хизмат кўрсатишга, тизимни зичлигини кўриш ва совитиш суюклигининг сатҳини меъёрига келтириш киради. Агар совитиш тизими сув билан тўлдирмаган бўлса, у ҳолда қишки вақтда автомобил гараждан ташқарида, яъни очиқликда сақланганда совитиш тизимидаги, юргизиб юбориш иситкичидаги, шунингдек пешойнани ювиш учун мўлжалланган бакчадаги сув тўкиб ташланади. Двигателни юргизишдан олдин тизим иссиқ сув билан тўлдирилади ёки двигател иситиш тизимига уланади.

28-расм. Совитиш тизими зичлигини 29-расм. Термостатни текшириш текшириш чизмаси: 1-кронштейн, 2-термометр, 3-индикатор, 4-термостат, 5-сувли ванна, 6-Электр плитка Даврий ТХК ўтказилганда юритма тасмаларининг таранглиги текширилади, лозим бўлса ростланади, шамолпаррак радиатор ҳамда жалюз текширилади ва керак бўлса махкамланади. Юритма тасмалар таранглиги ростланади, сув насосининг ҳамда шамолпаррак тасмасини тарангловчи қурилманинг подшипниклари мойланади. Мавсумий хизмат кўрсатишда совитиш ва иситиш тизимининг, шунингдек юргазиб юбориш иситгичининг зичлиги текширилади, совитиш тизими ювилади, қишки мавсумга тайёргарлик кўрилаётганда юргазиб юбориш иситкичининг ишлаши текширилади. Зичлик назорат қилинади, шланглар юзаларидаги ёриқлар, шишган жойлар ва қатламларда ҳалқоб бўлмаслиги керак. Бундай текширишлар учун ҳаво насоси, манометр ва радиатор бўғзи билан бириктириладиган қурилмадан ташкил топган асбобдан фойдаланган маъқул. Насос ёрдамида радиаторнинг юқори қисмида 60 кПа атрофида босим хосил қилинади Агар тизим зич бўлса, у ҳолда кран беркитилгандан сўнг манометр стрелкаси ўрнидан қимирламайди, зичлик йуқолган бўлса стрелка босимнинг пасайишини кўрсатади. Радиатор ёки кенгайтириш бачоги қопқоғидаги ҳаво ва буғ клапанлари қўл бармоқлари билан босиб кўриб текширилади. Совитиш тизимини ювиш қуйидаги тартибда бажарилади: совитиш суюқлиги тўкилади; тизим сув билан тўлдирилади; двигател ишга

туширилади ва қиздирилади; сув тўкиб ташланади; тизим шу тартибда яна бир марта ювилади; сўнг совитиш суюқлиги билан радиатор тўлдирилади, радиатор қопқоғини ўрнига қўйиб кенгайиш бакчасига, «MIN» белгисидан 30-50 мм баландликкача суюқлик қуйилади. Конструкциянинг ўзига хос томонларини ва материалларнинг хоссаларини ҳисобга олган ҳолда тайёрловчи заводлар ўз кўрсатмаларида, совитиш тизимини ювиш тартибини ҳамда ювиш учун ишлатиладиган суюқликлар таркибини белгилаб қўйган. Масалан, КамАЗ-740 ва ОТАЙЎЛ двигателининг радиатори ечиб олинади ва унга 5 фоиз каустик сода ҳамда 95 фоиз сув ёки 2,5 фоиз кучсизлантирилган сульфат кислота ҳамда 97,5 фоиз сувдан иборат эритма қуйилади. Эритманинг ҳарорати 60-80°С бўлиши керак. 30-40 дақиқадан сўнг эритма тўкиб ташланади ва радиатор иссиқ сув билан ювилади. Совитиш суюқлигининг яхлаб қолишини ва тизимнинг занглаб ейилиши ҳамда унда қуйқа ҳосил бўлишини олдини олиш мақсадида, замонавий автомобилларнинг барчасида антифризлардан фойдаланилади. Антифризнинг яхлаб қолишини олдини олиш мақсадида, унинг зичлиги назорат қилиб турилади. А-40 антифризининг 20  С даги зичлиги 1,067- 1,072 ва Тосол А-40 антифризиники эса 1,075-1,085 г  см 3 бўлиши керак. Юқори концентрациядаги совитиш суюқликларини автомобилнинг ишлаш шароитига мослаштириш қуйидаги 1-жадвал бўйича амалга оширилиши мумкин. 1-жадвал Совитиш суюқликларини автомобилнинг ишлаш шароитига мослаштириш Ташқи муҳит ҳарорати Аралашманинг таркиби(ҳажмда) Антифриз Дистилланган сув -15  С 35 65 -25  С 40 60 -35  С 50 50 -45  С 60 40

Совитиш тизимидаги суюқлик двигателни меъёрий иссиқлик режимида ушлаб туради ва занглашнинг олдини олади. Шунинг учун суюқлик сатҳи пасайган тақдирда мутлақо сув қуйиш мумкин эмас. Тизимдаги суюқлик 2 йилда алмаштириб турилади. Вентилятор узатмаси, тасмасининг таранглиги шкивларнинг ўртасидаги масофада, тасмани 30-40Н куч билан босиб кўриб текширилади. Тасманинг меъёрдаги таранглиги (турли хилдаги двигателлар учун) 10-20 мм бўлиши керак. КамАЗ-740 ва Исузу автомобилининг (30-расм,а) двигателларида генератор ва сув насоси юритма тасмасининг таранглиги генераторни(1), ўрнатиш планкасидаги (2) ариқчасимон тешик бўйлаб суриб ростланади. Тасма тўғри ростланганда, унинг эгилиши узун тармоқнинг ўртаси 40-45 Н куч билан босилганда КамАЗ-740 двигателида 15-22 мм ни ва Исузу двигателида 8-12 мм ни ташкил қилиши керак. ЗМЗ-53 двигателидаги сув насоси ва шамолпарргк юритмаси тасмасининг (30-расм, б) таранглиги, ричаг(5) дастасини суриб таранглаш ролиги(4) ёрдамида ростланади. 30-40 Н куч таъсирида тасма эгилиши 1015мм бўлиши лозим. Генератор юритмасининг тасмаси эса, ўрнатиш планкасидаги ариқчасимон тешик бўйлаб генераторни суриш орқали тарангланади. а )

30-расм. Двигателлардаги юритма мосламаларининг таранглигини ростлаш: а-Исузу, б-ЗМЗ53, в- ЗИЛ-130 1-генератор, 2ўрнатиш планкаси, 3-гайка, 4таранглаш ролиги, 5-ричаг, 6тирсакли вал шкиви, 7-генератор шкиви, 8- ростлаш болти, 9, 10, 11компрессор, шамолпаррак ва сув насоси, рул бошқармасидаги гидрокучайтиргич насосининг шкивлари, 12-таранглаш кронштейни. ЗИЛ-130 двигателида 3 та тасмани туғри тарангланишини кузатиб бориш лозим (30-чизма, в). Рул бошқармасидаги гидравлик кучайтиргич насоси юритмасининг тасмаси, насосни таранглаш кроштейнида (12) суриб тарангланади, генератор юритмасининг тасмаси эса генераторни планкага (2) маҳкамловчи гайкани бўшатиб, сўнг генераторни суриб тарангланади. Бу тасмаларнинг эгилиши 40 Н куч таъсирида 8-14 мм дан ошмаслиги керак. Компрессор юритмасининг тасмаси ростлаш болти (8) ёрдамида компрессорни кронштейн томон силжитиб тарангланади. Бу тасманинг 40 Н куч остидаги эгилиши 5-8 мм бўлиши лозим. ТИКО ва ДАМАС русумли автомобилларига даврий ТХК да совитиш тизимидаги суюқликнинг сатҳи текширилади (двигателнинг совуқ ҳолатида), унинг сатҳи "FULL" ва "LOW" белгиларининг оралиғида бўлиши зарур. Агар сатҳ "LOW" белгисидан пастда бўлса, суюқлик сатҳи меъёрига келтирилади. НЕКСИЯ ва ЭСПЕРО автомобилларида суюқлик сатҳи "COLD" белгисидан юқорида бўлиши керак.

Совитиш тизимини жорий таъмирлаш . Совитиш тизимининг зичлиги шикастланган мис ўтказгичларни кавшарлаш, зарурат туғилса алмаштириш йўли билан таъмирланади. Радиаторларнинг таъмирлашда, уларнинг яроқсиз ҳолга келган ўтказгичларини 5% гача беркитиб қўйилишга ва 20% гача янгисига алмаштирилишига рухсат этилади. Жез қоришмасидан тайёрланган радиаторларни кавшарлаш қийинчилик туғдирмайди. Алюминий қоришмасидан тайёрланган радиаторларни кавшарлаш жуда мушкул. Бунинг учун диаметри 3-5 мм ли СВАК сими, 34А маркали кавшарлаш қотишмаси, Ф-34А маркали кукунсимон флюс ишлатилади. Кавшарлашга тайёрланган юза 400-560  С ҳароратда аланга билан қиздирилади. Агар юза бир текис қиздирилмаса, кавшар юзага бир текис ёйилмайди ва қумоқ-қумоқ бўлиб қолади. Амалда кавшарлаш юзасини бир текис қизиганлигини аниқлаш учун ёғоч стержендан фойдаланилади. У бир текис қиздирилган юзага текказилганда, кўмирсимон тусга киради ва юзада қора из қолдиради. Радиаторни автомобилга ўрнатишдан аввал 0,1 МПа босим остидаги сиқилган ҳаво билан 3-5 мин мобайнида текширилади. Сув билан текширилганда босим 0,1-0,15 МПа ни ташкил этиши керак. Двигателнинг мойлаш тизимига техник хизмат кўрсатиш ва таъмирлаш технологияси. Двигателнинг ишлаш жараёнида, унинг картеридаги мой сатҳи камайиб, сифати ўзгаради. Булар двигателнинг бузилишига ва бошқа носозликларни келтириб чиқаришга олиб келади. Двигателнинг ишлаш жараёнида мой сифати ёмонлашишига сабаб, уни металл заррачалари ва ёнилғи қўшилиб ифлосланиши ҳамда оксидланишидир. Шунингдек, мойга унинг мойлаш сифатини яхшиловчи қўшимчаларнинг миқдорини мой таркибида камайиб бориши, мой сифатини пасайтиради. Мой таркибидаги механик аралашмалар, металл заррачаларидан иборат бўлиб, булар икки ишқаланувчи сиртнинг бир-

бирига нисбатан сирпанишидан ҳосил бўлади. Минерал аралашма (қум, чанг)лар, ҳаво билан мойга қўшилиб, унинг мойлаш хусусиятини камайтиради. Мой таркибида, механик аралашманинг миқдори 0,2% дан ошмаслиги керак. Шу билан бирга ҳаводаги кислороднинг таъсири билан мой оксидланиб қолади ва картерга тушиб, қизиган ва кирланган мой билан аралашиб кетади. Кислоталар оксидловчи модда ҳисобланиб, цилиндрлар деворини, поршен ҳалқасининг емирилишида ва занглашга учрашида асосий омил ҳисобланади. Шунингдек, бу модда подшипникларда ишқаланишга қаршилик кўрсатувчи муҳит яратади. Смолалар эса поршенда ва поршен ҳалқасида локсимон қатлам ҳосил қилади, ҳамда уларни қўзғалувчанлигини кескин камайтиради. Майда коллоид ҳолда ва эриган ёки қуйқа кўринишида картерга тушувчи (қаттиқ аралашмалар, яъни: карбон, карбоид ва кокслар) мой каналлари ва найчаларидан ўтиб (мой айланиб ўтишини сустлаштириб) ишқаланувчи сиртга таъсир этиб, уларда қирилган, чизилган юзали (абразив) ейилиш ҳосил қилади. Карбюраторли двигателларни совуқ ҳолатда юргизиш натижасида, цилиндрлар девори орқали, картерга бензин ўтиб кетиши ёки редукцион клапан плунжерининг ейилиши, кирланиб қолиши ва очиқ қолиши натижасида тизимдаги мой босими камайиб кетади. Мой насоси редукцион клапанининг плунжери ейилиб ёки кирланиб қолса (беркилиб қолиб), тизимдаги мой босимининг ошиб кетишига сабаб бўлади. Таркибида 4-6% дан ошиқ ёнилғи бўлган мойлар тўкиб ташланиб, янгисига алмаштирилади. Двигател картерида мой сатҳининг камайишига зичликнинг бузилиши, мой ушлагич ва бошқа бирикмалардан мойнинг сизиб чиқиши ва куйиши сабаб бўлади. Поршен ҳалқасининг ейилиши туфайли, ёниш камерасига ўтиб кетадиган мой, ёнилғи билан қўшилиб, куйиб ёнади. Бундан ташқари, двигателнинг иш жараёнида, майин ва дағал мой фильтрлар ифлосланиб қолиб, мойни тозалаш қобилияти камаяди, бунинг натижасида тирсакли валнинг елкаларини ва вкладишларини ейилиб кетиши жадаллашади. Мойлаш тизимининг носозликлари қуйидагилардан иборат:

- картердаги мой сатҳи мой ўлчаш шчупидаги "МIN" белгиcидан кам; - мойнинг босими тирсакли валнинг ўртача айланишлар сонида 0,1- 0,15МПа дан кам; - двигателни салт ишлашида(500 об  мин) босим 0,05МПа дан кам. Бундан ташқари, мой таркибига ёнилғининг қўшилиб бориши мой қовушқоқлигини ва мой босимининг камайиб кетишига сабаб бўлади. Мойнинг сифати, ҳамда қорайиб кетганлиги, босма қоғозга томизиб аниқланади. Бундан ташқари (жипс маҳкамланган жойни бўшаб қолишидан), мой сизиб оқса ҳамда майин ва дағал фильтрлар тез-тез кирланиб қолса, бу ҳам мойлаш тизими носозлигидан дарак беради. Мойлаш тизимига техник хизмат кўрсатиш. Бунда картердаги мой сатҳи ва сифати текширилади, зарур бўлса, унинг сатҳи меъёрига етказилади. Шунингдек, фильтрлар тозаланади ёки алмаштирилади, хизмат муддатини ўтаб бўлган мой алмаштирилади. Дағал мой тозалаш фильтри, устидаги дастасининг айланиши текширилади. Бундан ташқари (маълум даврдан кейин) алоҳида мойлаш қурилмалари ва механизмларни мойлаб туриш зарур. Шабадалатгич паррагининг вали ва сув насосининг подшипниги (консистент, пластик 1-13 ёки ЯНЗ-2 мойи билан) ҳамда генератор подшипниги ва электр жиҳозларининг мойланиш жойлари мойланади. Бундан ташқари, яна ҳаво фильтрининг сиғимидаги мой алмаштирилади. Двигател картеридаги мой сатҳи, автомобил текис майдонда турганда, двигател ишлашдан тўхагандан кейин 3-5 дақиқа ўтгандан сўнг текширилади. Двигателнинг мойлаш тизими энг асосий тизимлардан ҳисобланиб, у ишчи деталларни ейилиши ва ишқаланишини камайтириш, бирикмалар орасидаги тирқишларни жипслаштириш, ишчи қисмлар юзасидан иссиқлик ва ейилиш қолдиқларини йўқотиш, ишчи юзаларни занглашдан сақлаш, паст

ҳароратларда двигателни ўт олишини таъминлаш ва техник хизмат кўрсатиш харажатларини камайтиришни таъминлайди. Бу хусусиятларни ўз навбатида, мойнинг таркибида мавжуд бўлган қовушқоқлик, ёйилиш, кўпириш, занглаш ва бошқаларга қарши қўшимчалар таъминлайди. Мотор мойининг юқорида келтирилган ҳусусиятларини бажаришини таъминлаш мақсадида даврий хизмат кўрсатиш вақтида картердаги мойнинг сатҳи назорат қилиб турилади ва белгиланган вақтдан сўнг у янгисига алмаштирилади, дағал мой тозалагич ювиб тозаланади ва картонли майин фильтр янгисига алмаштирилади. ГОСТ 21624-85 га асосан I-тоифадаги йўл шароитида ишловчи юк автомобилларига 2-ТХК ишлари бажарилганда (14000 км да) картердаги мойни алмаштириш тавсия этилади. Аммо бу ерда автомобилларнинг ишлаш шароити ва матор мойининг ҳолати ҳақида гап юритилмаган. Олиб борилган илмий тадқиқот ишларининг натижаси шуни кўрсатдики, Ўзбекистон Республикасининг тоғли шароитида экссплуатация қилинаётган МАЗ автомобилларининг мотор мойларини оқилона алмаштириш даври 10500 км ни ташкил этар экан. Ҳулоса қилиб айтганда, картер мойларини алмаштиришнинг оқилона даврларини қабул қилиш, ишлатиладиган мотор мойининг турига, двигателнинг тузилишига ва унинг техник ҳолатига, автомобилнинг ишлаш шароитига, табиий иқлим шароитига, ҳаво тайёрлаш турига, мой таркибидаги қўшимчаларнинг сифатига боғлиқ бўлиб, мойлаш тизимига хизмат кўрсатиш даврини оқилона танлаш бўйича илмий тадқиқот ишлари олиб борилиши зарурлиги таъкидлайди. Ҳозирда хорижий фирмалар (КОСТРОЛЛ, ШЕЛЛ, МОБИЛ, ТЕКСАКО ва ҳ.к.) томонидан ишлаб чиқарилаётган мойларнинг ресурслари 10-50 минг км ни ташкил этади. Мойни двигател қизиган вақтда алмаштириш тавсия этилади. Янги мойни танлаш автомобил ишлаб чиқарган завод кўрсатмасига биноан ёки қуйида келтирилган 2-жадвал асосида амалга оширилиши мумкин.

2-жадвал Автомобил двигателлари учун мотор мойини танлаш SAE классификацияси бўйича мой турларини ташқи ҳароратга кўра танлаш Ташқи ҳарорат,  С -30 -20 -10 0 10 20 30 40 50 Бензинда ишловчи двигателлар учун SAE 20 W 50 SAE 15 W 40 SAE 10 W 30 SAE 5 W 20, SAE 5 W 30 Дизел двигателлари учун SAE 15 W 40 SAE 10 W 30 SAE 5 W 30 SAE 0 W 30 КамАЗ-740, NEXIA, DAMAS ва бошқа турдаги двигателларининг картерларига 6 л дизель мойи ва 10 л дизел ёнилғисидан иборат аралашма тайёрланиб, бу аралашма керакли миқдорда (картерга қуйиладиган 2  3 мой хажмида) қуйилиб, мойлаш тизими ювилади. Замонавий автомобилларнинг мойлаш тизимини ювиш учун Россияда-«ВНИИНП-113  3», ФИАТ фирмаси «Олиофиат Л-20» ва Шелл фирмаси «Шелл Донакс» ювиш мойларини тавсия этади. Махсус қурилма ва ювиш мойи (20-индустриал мой) ёрдамида двигателнинг мойлаш тизимини ювиш яхши самара беради. Баъзи бир ҳолларда енгил автомобилларга ўрнатилган мой фильтрини ечиб олиш жуда мушкул бўлади. Шунинг олдини олиш учун махсус ечгичлардан фойдалинилади (31-расм).

7. 31-расм. Нексия ва ВАЗ автомобил двигателларининг мой фильтрини ечиб олиш шакли. Марказдан қочма куч билан ишловчи фильтрда мойни тозалаш сифати, роторнинг айланишлар сонига боғлиқ бўлиб, буни назорат қилиш учун, двигателни тўхтатиб (ишлатмай) қўйиб, роторнинг шундан сўнгги эркин айланиши кузатилади. Марказдан қочма фильтрнинг яхши ишлаётганлигини аниқлашда, унинг роторини двигател ишдан тўхтагандан кейин 2,5-3 дақиқа мобайнида эркин айланиб туришини кузатиш кифоя. Фильтрнинг қониқарсиз ишлаши аниқланса, у қисмларга ажратиб тозаланади ва ювилади. Дағал тозалаш фильтрида йиғилган қуйқа (двигателни мойини навбатдаги алмаштиришда) тўкиб юборилади ва фильтрловчи дискда йиғиладиган смолали қолдиқлар, ҳар куни двигателнинг иссиқ ҳолатида, фильтр устки дастагини икки-тўрт марта айлантириш билан тозалаб турилади. Шунингдек, қуйқа тўкилиб, корпусдан фильтрловчи диска блоки чиқариб олиниб, (қисмларга ажратмай) жунли чўткада, керосинли ваннага ботириб ювилади ва қисилган ҳаво билан пуркаб қуритилади.Белгиланган муддатда (5-6 минг км дан сўнг), картернинг шамоллатиш йўлларини, деталларининг маҳкамланиши, клапанлар ва найчаларда қуйқанинг йўқлиги текширилади ва қуйқалар ҳар 10-12 минг км дан сўнг тозаланади. Двигател картерининг шамоллатиш йўллари кирланиб, ифлосланиб қолганда, босим ортиб кетади, натижада картер сальник (қистирма) ларидан мой сизиб чиқа бошлайди. Двигател мойини алмаштиришда, картернинг шамоллатиш тизимидаги ҳаво фильтрининг корпуси керосин билан ювилади, сўнгра фильтр ваннасига маълум кўрсатилган сатҳгача мой қуйилади. НЕКСИЯ русумидаги автомобилларнинг моторидаги мой ҳар 10000 км да ёки 1 йилда бир марта алмаштириб турилади. Доимий равшда мойнинг сатҳи назорат этилиб, агарда мойнинг сатҳи "MIN"белгидан пастда бўлса, у

меъёрига келтирилади. Завод кўрсатмасига мувофиқ SG 5W  30, SAE 10W  40, SAE 15W  40, SF  CC туридаги мотор мойларидан фойдаланиш мақсадга мувофиқдир. Мойлаш тизимидаги мойни алмаштириш даври автомобил ва мойнинг турига боғлиқ бўлиб, унинг сатҳи алмаштирилгандан 2-3 минут ўтгач текширилади.

Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т.: Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори. 4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675- сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

O'xshashlar

Автомобил двигателининг ёнилғи таъминлаш тизимига техник хизмат кўрсатиш ва таъмирлаш технологияси

Автомобил двигателига техник хизмат кўрсатиш ва таъмирлаш ишлари технологияси

Автомобилларнинг электр жиҳозларига техник хизмат кўрсатиш ва таъмирлаш технологияси

Бошқариш механизмларига техник хизмат кўрсатиш ва таъмирлаш ишлари технологияси

Автомобилларнинг трансмиссиясига техник хизмат кўрсатиш ва таъмирлаш ишлари технологияси