Замонавий миллий либосларни моделлаш - To'qimachilik - Referatlar

Замонавий миллий либосларни моделлаш

Yuklangan vaqt:

20.09.2019

Ko'chirishlar soni:

0

Hajmi:

55 KB

Ko'chirib olish

Замонавий миллий либосларни моделлаш Режа: 1. Ўзбек миллий кийимининг тарихий шаклланиши. 2. Ўзбек миллий кийимининг иқлим шароити ва табиатга монандлиги. 3. Замонавий моданинг миллий кийимга таъсири. 4. Миллий кийим учун ишлатиладиган газламалар. 5. Миллий кийимларни моделлашнинг ўзига хос хусусиятлари.

Кийим-кечаклар ўзбек халқи тарихи билан узвий боғлиқ бўлиб, моддий-маданий ёдгорликлар ичида халқларнинг миллий ўзига хослигини акс эттириб,этник белгилари билан ажралиб туради. Кийимларда эл-элат тарихига бориб тақаладиган анъаналар, ижтимоий муносабатлар, маърифий, дин ва эстетик шаклларнинг айрим унсурлари ифодаланади. Жамият турмуши, иқтисодиёти ва сиёсатида бўлаётган ўзгаришлар билан баравар кийим шакллари ҳам ўзгариб боради, унда халқнинг моддий аҳволи, кишиларнинг диди, гўзаллик тўғрисидаги идеаллари, хўжалик юритишнинг ўзига хос жиҳатлари ҳамда оилавий турмушнинг баъзи томонлари ҳам кўзга яққол ташланади. Халқимизнинг хилма-хил, ранг-баранг ва жозибали либослари тарихини ўрганишдан мақсад – ёшларга миллий ўзлигини англатиш, ўзбек халқининг қадимдан то ҳозирги давргача бўлган анъанавий, бетакрор кийимларини кўрсатиш, халқимиз орасида сақланиб келаётган маданий меросимизни акс эттириш ва давомийлигини англатишдан иборатдир. Аёллар кийими. Ушбу либос XIX аср охирларига тааллуқли бўлиб, кўйлак, лозим, нимча ва рўмолдан иборат. Кўйлак қизил рангли гулдор шойи матодан тикилган, тўғри бичимли, кенг ва узун, этаги бироз кенгайган, енглари тўғри ва узун. Кўйлакнинг олди қирқимли, тик ёқали (бу ёқа «нўғай ёқа» ёки «ит ёқа» деб ҳам аталган),олд қирқимининг юқорисида боғич билан боғланади. Устидан нимча (пешмат) кийилган. Нимчанинг узунлиги тиззадан пастроққача тушиб туради, астарли, авраси кимхоб ёки парча матодан, астари ип газламадан тикилган. Рўмол ипак толали, тўртбурчак шаклида, четлари попукли – «фаранг рўмол», диоганалига буклаб ўралган ва устидан «тиллақош» тақилган. Тиллақош – пешона безаги бўлиб, юпқа тилла ҳал юритилган кумуш пластинкадан ясалиб, пастки зийлари қош шаклида бўлган, пастида худди баргакники сингари осилчоқлари бўлган, тиллақош чиройли нақшлар ҳамда феруза ва бошқа кўплаб ранг-баранг қимматбаҳо тошлар («кўзлар») билан безатилган.

Келинчак либоси. ХХ аср бошларига хос бўлган бу либос кўйлак, лозим, камзул ва рўмолдан ташкил топган. Кўйлак тўғри бичимли, кенг ва узун енгли тўпиқларни ёпиб турадиган даражада узун бўлиб, атлас матодан тикилган. Камзул кўк гулдор қалин шойидан тикилган, этаги томонга кенгайган, енглари тўғри ва узун, олди қисмида белигача тушган кенг қайтарма ёқалари бор. Бош кийим – шойи рўмол ва устидан «баргак» тақинчоқ тақилган. «Баргак» (тожик.-барг, япроқ) энг қадимий безаклардан саналади, у кумушдан ясалган ва бир-бирига нозик кумуш иплар билан бириктирилган майда квадрат шаклидаги япроқчаларданиборат бўлиб, феруза ва маржонлар билан безатилган, япроқчаларнинг устида беш ёки еттита рангли тошлар (ёки шишалар) ўрнатилган. Пастки томонида калта шокилалардан иборат попуги – «шингила» бўлиб, уларнинг ҳар бирининг учига кичкина тилла суви юритилган баргчалар осиб қўйилган. Баргакни пешонабоғ устидан тақиб юрилган. Келинчак либоси яна «зебигардон» ва сирғалар билан тўлдирилган. Сирғалар кичкина қуббача шаклида бўлиб, 5-6 та осилчоқлари бўларди, «зебигардон» (форс. - кўкрак безаги) беш қатор кумуш занжирларга илиб қўйилган 7 та безакдан иборат бўлиб, марказий безаги катта бўларди. Юпқа кумуш тангачалар тошчалар билан безатилиб, пастида шокилалари бўлган. Оёқ кийими – махси-кавуш. Янги тушган келинчак либоси. ХХ аср бошларида Янги келинлар кийган ушбу либос атласдан тикилган кўйлак, лозим ва рўмолдан иборат. Кўйлак тўғри бичимли узун ва кенг қилиб тикилган, олдида тик қирқими бўлиб, тепаси тугмаланган. Бошида кашта билан безатилган, четлари попукли катта шойи рўмол. Келинчак узуклар, сирға ва кўкрак безаги бўлган «жевак» таққан. Жевак беш қатор маржондан иборат бўлиб, орасида тангачалар ва шокилалари бўларди, шокилалари майда марваридлардан (арпа доналари каби) иборат бўлгани учун ҳам шундай аталган ( форс. жав – арпа ). Қ излар кийими. Бу либос ХХ аср бошларида кийилган. Қиз болалар кўйлаги «кипти» ёки «киптакли» кўйлак деб аталган. Атлас матодан тикилган кўйлакнинг узунлиги болдиргача тушган ва лозим билан бирга кийилган, ёқа

ўмизи кўндаланг кесилган бўлиб, зийига жияк билан ишлов берилган, енглари узун. Қадимда қизлар 9 – 10 ёшга тўлгунларича ўғил болаларники каби дўппи кийиб юришган, ундан кейин эса рўмол ўраш мажбурий ҳисобланаган. Улар унча катта бўлмаган гулдор рўмоллар ўрашган, рўмол тагидан майда ўрилган кокиллари кўриниб турган. Ўрта ёшлардаги аёлнинг кишилик либоси. Бу либос ХХ аср бошларида кийилган, кўйлак, лозим, камзул, дурра, паранжи ва чачвондан иборат. Кўйлак узун, тўғри бичимли, кенг бўлиб гулдор шойи матодан тикилган, тик ёқали, енглари узун. Кўйлак устидан йўл-йўл беқасамдан тикилган камзул кийилган. Дурра диоганалига бир неча марта тахлаб ўралган. Тақинчоқлари сирға, узуклар ва зебигардондан иборат. Кўчага чиқилганда паранжи ва чачвон ёпиниш мажбурий ҳисобланган. Ушбу паранжи муҳайяр (товланувчан) нимшойи газлама – банорасдан тикилган, паранжи ва чачвоннинг четлари нақшли жияклар билан безатилган. Оёқ кийими махси-кавуш бўлган. Хонпешанабоғ. XIX – XX асрларда Аёллар бош кийими сифатида асосан рўмоллар ишлатилган. Қиз болаларга 9-10 ёшидан бошлаб рўмол ўратишган. Рўмоллар сифати, материали, ранги ва ўралиш услубига қараб хилма-хил бўлган. Энг кўп ишлатиладиган мато – дока бўлган. Аёллар рўмоллари бурчакларига кашталар тикилган. Келинлар сепида 30-40 талаб каштали рўмоллар бўлган, улар билан келиннинг уйини ясатишган. Тошкентлик аёллар 2-3 нафар фарзандлик бўлгунларича кашталталик рўмол ўраганлар, ундан кейин эса каштасиз оқ рўмол ўраб юришган. Аёллар бош кийимлари 2та рўмолдан иборат эди. Катта рўмол диоганалига икки букланиб, бошга ташланган, учларини олд томонга ташлаб қўйилган, ёши каттароқ аёллар рўмол учларини чалиштириб елкаларига ташлаб қўйганлар. Катта рўмол устидан кичик рўмолни диоганалига бир неча бор буклаб ўралган, бу рўмол «дурра», «дуррача», «пешонабоғ»деб аталган. Эркаклар кийими. Эркаклар миллий кийими таркибига кўра ички ва устки кийимларга бўлинади. Ички кийимлар кўйлак ва иштондан иборат эди. Эркаклар кўйлаги асосан бир тусдаги оқ матодан тикилган, тўғри бичимли,

этагига қараб бироз кенгайган, узунлиги тиззагача бўлган. Ёқаси икки турда бичилган: олди ёпиқ, кесимсиз, елкадан елкагача кўндаланг ўмизли - «муллача кўйлак», баъзан уларнинг ёқа ўмизига жияк ҳам тикилган. Иккинчи тур кўйлаклар тик ёқали, олди қирқимли кўйлаклар бўлиб, қирқимига икки букланган планка тикилган. Эркакларнинг устки кийимлари бир неча хил бўлган: пахтали қавима тўн ёки чопон, қавиқсиз яхтак ёки авра тўн, мовутдан тўқилган чакмон, аврасиз пўсти, поча пўстин ва ҳ.к.з. Одатда кўйлак устидан олди очиқ чопон кийиб юрилган. Чопонлар сидирға газламадан, йўл-йўл беқасамдан, гулдор нимшойи газламадан ва адрасдан тикилган. Эркаклар кийим-кечаклари таркибида белбоғ алоҳида аҳамиятга эга бўлган. Маҳаллий газламалардан тикилган белбоғ, белқарс ва кашталар билан безатилган чорсилар жуда расм бўлган. Бош кийимлари – дўппилар кишиларнинг ёшига ва мавқеига қараб турлича бўлган: чўққи. ярим қубба ва тўртбурчак шаклдаги дўппилар алоҳида ёки салла билан бирга кийилган. Саллалар ип газлама, ип аралаш жун матолар, дока, баъзан қимматбаҳо матолардан тайёрланган. Аҳолининг ҳар бир ижтимоий табақаси саллани ўзига хос ўраши билан ажралиб турган. Кекса ёшдаги кишилар одатда оппоқ, ўрта ёшдагилар – кулранг, ёшлар эса рангдор сала ўраганлар. Эркаклар пойафзали махси-кавуш, «амиркон» этиклар ва чориқлардан иборат бўлган. Куёв либоси . ХХ аср бошларига хос бўлган либос яхтак, шим, «зарбоф» чопон ва салладан иборат. Яхтак оқ матодан тикилган, олди очиқ, ёқасиз, ёқа ўмизи икки букланган планка билан тикилган ва зич қилиб бахяқатор юритилган. Яхтак устидан белбоғ бойланган. Чопон тўғри бичимли, этак томонга қараб бироз кенгайган бўлиб гулдор нимшойи газламадан тикиган, четлари қора рангли матодан мағиз қилинган. Дўппи устидан йўл-йўл шойи газламадан салла ўралган, салла укпар билан безатилган. Оёқ кийими – амиркон этик.

ФОЙДАЛАНГАН АДАБИЁТЛАР ВА МАНБААЛАР РЎЙХАТИ. 1. Сомов Ю.С. Композиция в технике. – М.: Машиностроение, 1987. 2. Основ ы теории проектирования костюма. – М. : Легпромбытиздат, 1988 . 3. Козлова Т.В. Основы художественного оформления изделий из кожи – М.: Легпромбытиздат, 1987. 4. Композиция костюма – М.: Academia, 2003 . 5. Горина Г.С. Моделирование форм одежды – М.: Легкая и пищевая промышленность, 1981. 6. Художественное конструирование. Проектирование и моделирование промышленных изделий – М.: Высшая школа, 1986. 7. Борисоглебский Г.Б. Эстетика и стандарт – М.: Издательство стандартов , 1990. 8. Казаринова В.И. Красота, вкус и экономика – М.: Экономика, 1985. 9. Рытвинская Л.Б., Смородина И.Г. Проектирование и производство головных уборов – М.: Легпромбытиздат, 1987. 10. Художественное оформление текстильных изделий – М.: Легпромбытиздат, 1987. 11. Мода журналлари. 12. www-mode.ru 13. stile.asra.ru 14. kroyka.ru 15. www. glamurneko.ru 16. htt : // nasebya.ru/womtns-fashion 17. sarafan.ru 18. osinka. ru 19. htt : // modellar.fashiontime.ru/

O'xshashlar

Болалар кийимини моделлаш

Техник моделлаш жараёни

Техник моделлаш жараёни

Математик модел. Моделлаш турлари. Математик андоза. Математик моделлаш усуллари.

Техник моделлаш жараёни ҳақида маълумот