ЯГОНА БУЮМ, КОМПЛЕКТ, АНСАМБЛЬ ВА КОЛЛЕКЦИЯНИ ЛОЙИҲАЛАШ АСОСЛАРИ - To'qimachilik - Referatlar

ЯГОНА БУЮМ, КОМПЛЕКТ, АНСАМБЛЬ ВА КОЛЛЕКЦИЯНИ ЛОЙИҲАЛАШ АСОСЛАРИ

Yuklangan vaqt:

20.09.2019

Ko'chirishlar soni:

0

Hajmi:

100 KB

Ko'chirib olish

ЯГОНА БУЮМ, КОМПЛЕКТ , АНСАМБЛЬ ВА КОЛЛЕКЦИЯНИ ЛОЙИҲАЛАШ АСО С ЛАР И Режа : 1.Ягона буюмлар лойиҳалаш заруриятига сабаблар. 2. Ансамбль атамасининг моҳияти. 3. Ансамбл нинг яхлитлиги. 4. Комплект атамасининг моҳияти. 5. Комплект яхлитлиги. 7. Коллекциянинг бирлигини барпо этилиши. 8. Костюм коллекцияси турлари. 9. Коллекция яратилишда тартиб. 10.Саноатга оид оммабоп коллекцияни ишлаб чиқариш жараёнинг босқичлари. 11.Истеъмолчиларнинг гуруҳлари. 12.К.Диор тавсия этган коллекцияни яратиш босқичлари. 13.Перспектив коллекцияни лойиҳалашда асосий вазифалар. 14.Коллекциянинг таркиби.

Костюм дизайни – буюм муҳитини ечимларидан бири, яъни костюмни лойиҳалашдир. Костюмни лойиҳалаш объекти – ягона бўюмлар, комплект, ансамбль ва коллекция бўлиши мумкин. Турли ассортиментли ягона буюмларни лойиҳалаш заруриятини келиб чиқишига қуийдаги сабаблар бўлган: - тикув буюмларини ишлаб чиқариш корхоналарнинг тор ихтисослашганлигидир (устки кийим, ички кийим, енгил кўйлаклар); - замонавий истеъмолчи ўз гардеробини асосан бир-бирига мос алоҳида буюмлардан ташкил этиши; - замонавий мода ни демократизацияланиши , мода да кўп функционалли кийимни ва истеъмолчи эркин кийим танлашни тавсия эти лиши ; - замонавий истеъмолчининг психологик тури индивидуаллиги, турмуш тарзини тез ўзгариши сабабли замонга мос бўлишни, ташқи кўринишини вазиятга биноан тез ўзгартириш имкониятини таъминлашни талаб қилиши. Одатда, саноат корхоналарида катта ёки кам серияда ишлаб чиқариладиган алоҳида буюмлар лойиҳаланади. Буюмнинг лойиҳаси истеъмолчининг типик қоматига мўлжалланади, умумий конструкциялаш усули бўйича чизилади ва оммабоп талабларга мос бўлиши назарда тутилади. Ягона буюмлар лойиҳаланганда уларинг услубий ечимлари, материаллари, ранги, фактураси, композицион ечимлари ва ҳ.к. бир бирига мослиги назарда тутилиши лозим, чунки улардан истеъмолчи ўз ҳоҳишига биноан комплектни барпо этади. Ягона буюмлар инсоннинг дидига кўра буюмларни танлашига ва ўзига ҳос бадиий сиймони яратишга имкон беради. Ансамблни лойиҳалаш . Ансамбль (фр. ensemble – бирга, бараварига) – муайян бадиий ғояга бағишлаб яратилган, элементларининг ўзаро боғлиқлигини, кийим ва қўшимчаларининг бир-бирига бўйсунганлиги эътиборга олинган, маълум инсон ва мўлжал учун яратилган бадиий сиймо акс этган алоҳида буюмлар тўпламидир. Ансамбль костюм қисмлари, силуэти, пропрциялари, ранги ва безагининг ўзаро мослиги ва органик бир-бирига боғлиқлиги бўйича бирлигини назарда тутади. У кийим, пойабзал, бош кийим, соч турмаги, безаклар, қўшимчалар ва гримдан иборат яхлит бутунлик бўлиб, хеч қандай ўзгаришларни кўзламайди. Ҳар қандай элементни қўшиш ёки бирортасини олиб қўйиш унинг яхлитлигини барбод этади. Ансамбль кўпқаватлик, унинг барча қисимларини бир йўла кийилиши мужассамдир. Улар ўзаро боғланган ва бир бирига бўйсунган. Ансамбль тизимига қуидагилар киради: башанг либослар, туй либоси, махсус мўлжал учун костюм, саҳна кйими ва б. Яхлитлик ва ниҳоясига етказилган, замонавий костюмда доимо эстетик критерий бўлган. Маълум мўлжал учун яратилган костюм барча қисмларининг ранги, нақши, безаги ва б. хоссалари бир-бирига мос бўлишига интилади. Масалан, XVI асрда Англияда сарой хонимлари кўлагининг енги

ва ички юбкаси бир хил газламадан қилинарди. Аммо соф ансамбль XIX асрнинг охири – ХХ аср бошларида “Модерн” даврида (1890-1900 йй.) барпо этилган. ХХ асрда ансамбль кутерьелар учун ўзига ҳос “чўққи” бўлди. Улар шахсий буюртма бўйича костюмни бутунлай яратишган. Анъанавий моделлашда кийим ансамблининг лойиҳалаш сиймони бадиий ифодалигига эришишга энг юқори нуқта деб ҳисобланади. Аммо ХХ аср давомида ансамбль тўғрисида тасаввур ўзгарди. Маслан, 1920 йй. ансамбльнинг ечими костюмда ранг бирлигини назарда тутади: кўйлакни ранг тонига шляпа, қўлқоп, туфли, сумка, соябон ва б. танланади; кўйлак безагининг ранги қўшимчаларнинг рангида такрорланади. 1930 йй. “Буюк турғунлик” шароитида шундай исрофгарчиликка имкон бўлмади, қачонки ҳар бир кўйлакка махсус шляпа, туфлини ва б. талаб қилинарди. Бу даврда костюмнинг яхлитлигини қўшимчалар бирлиги ёрдамида ечишган: сумка, туфли, қўлқоплар, шляпа бир хил рангда бўлиши лозим, аммо бу гарнитурни ҳар қандай кўйлак билан кийиш мумкин эди. Масалан, қора туфли, шляпа ва қўлқопни оч рангли кўйлак билан кийиш мумкин эди. Ҳаттоки, иккинчи жаҳон уруши даврида ҳам ансамбль ўрнини сақлаган, масалан, тюрбанни блузка ёки сумкани матосидан қилишга ишлатишган. Ансамблнинг ҳақиқий триумфи “New look” давридан бошланган. К.Диор яхши дидни аниқ қоидаларини элегант аёл сиймосини қайтириб белгилади. Кўйлакка муносиб шляпа, қўлқоплар, сумка ва бижутериялар билан кийилиши лозим бўлган. К.Диорнинг фикри бўйича “шляпасиз аёл тўлиқ кийинмаган”. 1960 йй. модасида ҳам ансамбль сақланган. Масалан, А.Куррежнинг модаларида қўлқоплар ва бош кийимлар кўпинча бир хил газламадан ишланган. Аммо 1960 йилнинг иккинчи ярмидан кўча модасида, айниқса ёшлар субмаданиятларида, ансамблдан воз кечиш сезилди. Масалан, хиппилар ҳар хил услублардаги кийимларни эркин аралаштириб, астойидил орасталик ва пухта ўйланган костюмлардан воз кечишган. 1970 йй. ансамблнинг ўрнини комплект эгаллай бошлади. Замонавий модада ансамбль ғояси кўпроқ реал ҳаётда эмас, фақат подиумда қолди. Кийимда қўлайлик, комфорт ва функционалликни талаб қилиниши, ансамбль тўғрисида аввалги тасаввурини эскиртиради. Комплектни лойиҳалаш. Комплект (лот. completes – тўлиқ) – муайян мўлжал ва бадиий ечимга мосланган бир бирига мос костюм элементларнинг тўплами. Комплект костюм элементларини ўзаро алмаша оладиган очиқ тизим, унда ҳар бир буюм мустақил бўлган ҳолда, кўпқаватлик ҳос. Вазиятга биноан комплект костюмни ўзгаришига имкон беради. Костюм алоҳида буюмлар: жакетлар, юбкалар, шимлар, нимчалар, бош ва оёқ кийимлар, аксессуарлар ва тақинчоқлардан иборат. Комплектнинг алоҳида буюмлари ўз мўлжалини ўзгартиради (кундаликни башангга, кундаликка оидни сафарга кийилиадиганга айланади

ва ўзгача). Шунинг учун комплект лойиҳаланганда айрим буюмларнинг қўлланиш чегарасини кенгайтириш лозим. Илк бор ансамблга альтернатива сифатида комплект 1920 йй саҳна костюмида қўлланган. Конструктивистларнинг кийим лойиҳалашда комбинатор услубни ўқллаи комплект ғоясини пайдо бўлишига мантиқий хулоса бўлди. 1929 йилда модельер Э.Скапьярелли олти буюмдан иборат комплектни тавсия этди, кун давомида уларни ўзаро комбинация қилиш мумкин эди. Оммабоп модада комплектлар фақат 1970 йй. тарқалди. 1972 йилда инглиз модельерлари Люк ва Дж.Таллис мода коллекцияларида бир-бирига мос юбкалар, шимлар, нимчалар, блузкаларни намойиш этдилар. 1970 йй. иқтисодий инқироз даврида шундай йўл кўпчиликка манзур бўлди, чунки алоҳида буюмлар ассортиментидан “оқилона” ёки “базавий” гардеробни барпо этиш мумкин эди. Ҳозирги замонда комплектлар модадан ансамблни мутлақо сиқиб чиқарди. Энди замонавий инсонинг гардероби комплектлардан иборатдир. Истеъмолчи ўз ҳоҳишига биноан костюм элементлари комбинациялаб, ўз индивидуаллигини костюм яратишда намойиш этиши мумкин эди. Комплект айрим қисмларининг бирлигига, одатда, ранги, шакли, безаги, услубнинг бир-бирига мослиги билан эришилади. Бу сифат коллекцияни лойиҳалаш босқичида инобатга олиниши лозим. Ҳозирги истеъмолчининг кийимига нисбатан асосий талаби – комбинациялашга имкон бериш. Масалан, “Eskada” немис фирмасининг мавсумий коллекциялари ранги, шакли, нақш ва бошқа хоссалари бўйича бир-бирига мос келадиган алоҳида буюмлар ассортиментидан иборат, шунингдек, ўтган мавсум коллекциясидан буюмларни янги коллекция буюмлари билан бемалол қўшиш мумкин. Коллекциянинг барча қисмлари услуб бўйича бир-бирига мос бўлиши мумкин, аммо 1970 йй. костюмда “ диффуз услуби ” пайдо бўлди. Бу услубга биноан костюмда ҳар хил услублар аралашиб кетди: масалан, классик пиджак “фольк” услубидаги қўш бурмали юбка билан, классик шимни эса спорт услубидаги куртка ва романтик блузка билан қйилди. Замонавий комплектларда кўпинча ҳар хил услубдаги, турли рангли, нақшли материаллардан ишланган буюмлар қўланади. 1990 йй. бошида шундай аралашмаларга “ бирикмайдиган бирикмалар” деган ном берилди. 1990 йй. комплект тизимида кийим кийшнинг янги усуллари пайдо бўлди: у композицияни пала-партишлиги, буюмнинг қоматда эркин ўтириши, буюмни бир томонга силжиши, тақилмаси ёнига ёки орқасига силжиши ва ҳ.к. билан фарқланади. Одатда, комплектлар ҳар хил фактурали материаллардан қилинади. Комплектлар қуйидаги қисмлардан тузилади: пальто (узундан калтагача), турли шаклли шимлар, свитерлар, кўйлаклар ва ҳ.к. 1998-1999 йй. комплектни барча элементлари бир хил ёки ўхшаш рангларда қилинган.

2000-2002 йй. қарама-қарши ранг ва ҳар хил буюмларнинг бирикмалари пайдо бўлди ва 1970 йй. “пиёз” услубни эслатадиган кўпқаватлик тенденцияси намойиш этилди. Аммо, одатий костюм элементларини янги усулда кийиш учун қидирув тенденцияси сақланиб қолган эди. Коллекцияни лойиҳалаш. Коллекция (лот. collektio – тўплам) – илмий, тарихий ёки бадиий қизиқишни ифодалайдиган, ўхшаш буюмларни тизимга солинган тўплпмидир. Костюм дизайнда коллекция қуйдаги бирликни барпо этадиган ҳар хил мўлжал учун моделлар серияси: муаллиф коцепцияси; сиймо; коллекцияда қўлланган материаллар; ранг ечими; шакл; базавий конструкциялар; услубий ечим; ва ҳ.к. Коллекцияда тури ва мўлжалига мос ҳар хил хоссалар устунлик қилади. Масалан, муаллифлик ижодий концепциясида услуб, сиймо ва концепция бирлиги муҳим бўлиб, бу ҳолда базавий кострукциялар қўлланмаслиги мумкин. Ҳар қандай коллекцияда унинг яхлитлиги муҳим хосса бўлиб ҳисобланади, чунки у коллекцияни ҳар хил моделларининг механик тўпламидан фарқлайди. Яхлитлик услубнинг ижодий усулини, ранг гаммаси, материаллар таркиби, шакл, сиймолар умумийлиги билан таъминланади. Ундан ташқари тўғри яратилган коллекциянинг белгиси динамикададир, яъни мазкур коллекцияда марказий ғояни ривожланиши. Шу тарзда коллекция бир хил ёки деярли бир хил моделлар серияси эмас. Коллекциянинг ажойиб томони бўлган қизиқарли конструктив ёки декоратив ечим ҳар бир янги моделда унинг янги қиррасини кўрсатиши керак, коллекцияда ғояни имконий нюансларини намойиш этилиши лозим. Коллекция турли элементлардан ташкил топиши, яъни, бу ансамбллар, комплектлар, алоҳида буюмлар, қўшимчалар ва безаклар бўлиши мумкин. Костюм коллекциясининг турлари. Коллекцияда бир неча турлари яратилади: - перспектив коллекцияларда келажак моданинг концепцияси кўрсатилади, одатда, келажак мавсумда янги услублар ва рағбатлар тақдим этилди. “Юқори мода”лар коллекцияси (етакчи Мода Ўйларники) ва дизайнерлар яратган “прет-а-порте” коллекциялари перспектив коллекцияларига киради. Бу коллекцияларга ноёб шакл ва силуэтлар, ажойиб сиймолар, материаллар технология ва конструкциялар билан тажриба ўтқазилиш хосдир. Истиқбол коллекциялар келажак инсонларнинг сиймосини тақдим этишади, шунинг учун уларни лойиҳалашда моданинг прогнози, турмуш тарзини тараққиёти, иқтисодий вазиятни прогнози ва б. бўйича маълумотлар инобатга олинади. “Прет-а-порте” коллекцияси конкрет фирманинг базавий санотига оид коллекциси ҳам бўлади; - базавий саноатга оид коллекциялари бевосита тадбиқ этиладиган ассортимент концепциясини тавсия этади. Уларда модани актуал йўналишлари кўрсатилади ва омабоп ишлаб чиқаришга мўлжалланади. Шундай коллециялар мода ярмаркаларида совда ходимлари учун намойиш этилади (масалан, Париж салонида ёки Дюссельдорф мода ярмаркасида). Саноатга оид коллекцияларга синовдан ўтган “мўтадиллаштирилган”

шакллар хос. Бу коллекцияларда модага оид рағбатлар муайян таркибли ва рангли материалларда ўз аксини топади; - муаллиф коллекция дизайнерларнинг ижодий концепциясини акс этади. Шахсий буюртма ёки оммабоп имстеъмолчига мўлжалланган махсус модельерлар яратган “Юқори мода ва Прет-а-порте” коллекциялар халқаро кўргазмаларида ва ярмаркаларида, кечки клублар, презентацияларда, ижодий конкурсларда намойиш этилади; - махсус мўлжал учун коллекциялар, масалан, форма кийими коллекциялари, мактаб фомаси коллекциялари. Юқорида барча кўрсатилган коллекциялар қуйидаги хоссалари билан дифференцияланади: - ассортимент – фирманинг ихтисосига биноан пальто, костюм, бош кийим; - мавсумга оид; одатда мавсумий коллекциялар икки марта (баҳор-ёз ва куз- қиш мавсумлари учун) намойиш этилади. Аммо, Дюссельдорфдаги йирик саноатга оид мода ярмаркаси янги мода коллекцияларини йилда тўрт марта намойиш этишга ўтди: куз, қиш, баҳор ва ёз учун; - ёш категорияси: болалар, тинейжерлар ва б. учун коллекциялар; - маълум мўлжал учун: уйда, спорт учун, дам олиш учун ва б. учун коллекциялар. Бундан ташқари кимга мўлжалланганлигига қараб коллекциялар қуйидаги гуруҳларига бўлинади: - шахсий гардероб (шахсий буюртмачи учун); - оммабоп (муайян истеъмолчилар тури учун); - гуруҳларга оид (муайян инсонлар гуруҳи учун): а) формали кийим коллекцияси – ўқувчилар учун форма, ҳарбий форма коллекциялар ва б.; б) фирмага оид кийим коллекциялари - аэрофлотда ишлайдиганлар учун, савдо фирмалар учун ва б.; в) вакиллар ва делегациялар учун коллекциялар – Олимпия миллий терма жамоалари учун ва б. Янги коллекциялар устида ишлаш. Янги коллекциялар яратиш учун қуидаги тартиб назарда тутилади: - моданинг прогнози асосида перспектив мода концепцияси тузилади, яъни материаллар коллекцияси, уларнинг таркибида тенденциялар ва модали ранг гаммаси мавсумдан бир ярим йил олдин материаллар саланида намойиш этилади (масалан, “Premer Vision” Париж салонида ва Frankfurt-Maynda “Intershtoff” материаллар ярмаркасиида); - юқори модани перспектив коллекциялари яратилади, улар мавсумдан ярим йил олдин намойиш этилади; баҳор-ёз мавсуми учун – январда, куз-қиш учун – июлнинг охири августнинг бошида (гарчи унда тавсия этилган услублар ва оммабоп модадаги тенденциялар анга кечроқ амалга ошиши мумкин), ва шунингдек “pret-a-porte” коллекциялари мавсумдан етти-саккиз ой олдин намойиш этилади: баҳор-ёзги - сентябрь-октябрнинг бошида, куз- қишги – февралда яратилади ва ишлаб чиқарилади; - саноатга оид оммабоп коллекцияларини юқори модада “pret-a-porte” коллекцияларида тақдим этилган перспектив тенденциялари ривожлайди. Янги услублар оммабоп ва перспектив коллекцияларида тақдим этилагандан

сўнг, тахминан 1,5-2 йилдан кейин ишланади, баъзи ундан ҳам кечроқ. Эркаклар модасининг тенденциялари тўғрисида шуни ҳам айтиш мумкин-ки, у аёллар модасига нисбатан 1,5-2 йилга “кечикади”. Саноатга оид оммабоп коллекцияни ишлаб чиқариш жараёни бир неча босқичлардан иборат. Ишлаб чиқаришнинг биринчи босқичида (лойиҳалашда дастлабки тадқиқотчилар босқичи) қуйидаги ишлар қилинади: - истеъмол ва талабнинг объектив омилларини ўрганиш: аҳолининг даромадини, чакана савдони, тўлов оборотини, аҳолининг жон бошига даромад даражасини ва б. динамикаси; - истеъмолчининг типологик хоссаларини аниқлаш (маркетинг тадқиқотлари); - истеъмолчининг аниқланган талабларини ва истеъмолчилар гуруҳининг баҳоли ориентацияси билан ўзаро боғлиқлиги. Йирик компанияларда дизайн стратегиясининг тадқиқот этиш учун махсус ташкилотлари мавжуд, улар истемочиларнинг талабларини ва хулқини таҳлили билан шуғулланади ва фирмага оид услубни, муаммоларни аниқлашади. Бу тадқиқотлар ижрочилар учун лойиҳалаш жарёнига асос бўладиган тавсияларни беришади (истеъмолчилар гурухи, таблаб қилинган коллекция услуби, ассортиментнинг афзал турлари, буюмларга тавсия этилган баҳолари ва б.). Истеъмолчиларнинг типологик хоссаларини аниқлашда қуйидаги омилларига эътибор берилади: жинс ва ёши; размери ва бўйи; тўлалиги; мода ориентацияси; эстетик истакларнинг шаклланиш даражаси. Истеъмолчилар шартли равшда тўрт гурухга бўлинади. Истеъмолчиларнинг кўпчилиги биринчи гуруҳга киради, яъни улар буюмларни стереотип усули асосида солиштиради ва уларда дизайн тўғрисида ўз таассуроти шакланмаган бўлади. Бундай ҳаридорларнинг хулқига буюмнинг маркаси ёки муайян имиджни ташкил этиб, осон таъсир этиш мумкин. Истеъмочиларнинг иккинчи гуруҳига янгиликни пайдо бўлишига, буюм муҳитини аста-секин ўрганишга тайёр ва танлаш критериялари тўғрисида ўз тасаввурлари борлари киради. Истеъмолчиларнинг учинчи гуруҳида дизайн тўғрисида ўз индивидуал, муайян асосланган тасаввурлари мавжуд бўлади. Уларниг хулқига ҳаттоки реклама ёрдамида ҳам таъсир этиш қийин. Уларнинг талабларини лойиҳалаш босқичда инобатга олиш керак. Тўртинчи гуруҳ – “истеъмолнинг пешқадамлари” бўлиб, улар энг новаторлик таклифларни қабул қилишга тайёр. Коллекцияда моделлар сони уларнинг баҳосига қараб яратилади: тахминан 65% моделлар – арзон гуруҳига, 30% - ўрта баҳоли ва 2-5% - қимматларга киритилади. Қиммат моделлар “юқори мода” услуби, конструкциянинг ноёблиги, силуэтнинг ажойиблиги, сўнгги мода тенденциялари, юқори сифатли материаллари ва безаги билан фарқланади.

Бу гуруҳга “pret-a-porte” ва “pret-a-porte”-люкс туркумидаги коллекциялар киради. Ушбу гуруҳни моделлари жуда кам серияда 5-10 дона ишланади. Коллекция қанчалик қиммат бўлса, унга шунча кўп моделлер киритилган бўлади. Ўрта гуруҳ моделлари қулай фасонлари, модали силуэтларни оддийроқлиги, модали материаллар ва ишончли навлари билан фарқланади. Арзон моделларнинг ташқи кўриниши кўркам бўлиши, ушбу гуруҳнинг аввалги моделларига нисбатан янгилиги билан фарқланиши, ёқимли фактурали, нақшли ва модага оид рангли материаллар қўлланиши лозим. Дизайнер ўзи учун қуйдагиларни аниқ тасаввур этиши лозим: модел конкрет ассортимент гуруҳи ёки кўпфункцияли бўлиши керак. Бу бичим тури, газлама ва ранг танланиши билан боғлиқ. Коллекция яратилганда, дизайнер ҳаридорларда савдо маркасининг обрўсини ҳам инобатга олиши лозим. Шундай дифференциациянинг зарурлиги ва потенциал ҳаридорларни кўпайтириш истаги 1980 йй. коллекциянинг сонини кўпайтиришга олиб келди. Асосий эркак ва аёллар кийимлари коллекцияларига ёш истеъмолчига мўлжалланган ва арзонроқ нарҳда сотиладиган “параллел” коллекцияларни ва бошқа ассортимент ва мўлжалга оид коллекциялар билан мода бозори қўшимча тўлдирилади. Италиялик дизайнер Дж.Армани бу йўналишда биринчи бўлиб ўз “мода империя”сини кенгйтира бошлади. “Giorgio Armani” маркали қимматбаҳо аёллар ва эркаклар кийимлари коллекцияларидан ташқари у ҳозир “Маnu”, “Emperio Armani”, “Armani Exchange”, “Вorgonouvo/21”, “Armani jeans” ва “Armani golf” (қимматбаҳо спорт кийими) параллел коллекцияларини ишлаб чиқармоқда. Амалда бу йўлдан барча машҳур дизайнерлар кетди. Ҳар бир шундай коллекцияни ўз конкрет ҳаридори бор, уларнинг талабларини ва психологик қиёфасини коллекция яратувчилари аниқ тасаввур этишади. Потенциал ҳаридорларнинг сонини кўпайтириш учун кўп фирмалар ҳар хил истеъмолчилар гуруҳларига мўлжалланган (консерваторлар ва пешқадамлар) моделлар коллекциясини яратишади. Масалан, юқори сифатли престиж эркак кийимлари билан машҳур бўлган таниқли немис фирмаси “Hugo Boss” ҳар бир мавсумда уч коллекцияни тайёрлайди. Ҳар бир йўналиши маълум истеъмолчига мўлжалланган: - “Boss” - мувафақиятли яхши кийинадиган, мода билан қизиқадиган аммо кўзбуямачиликка интилмайдиган ишбилармон учун; - “Baldessarini”-“Boss” фирмасининг кийимини киядиган бошқаларга ўхшамасликка интилиб, деталларга, матоларга эътибор беради ва яна унинг кийими “зерикарли” бўлмаслигини ҳоҳлайди; - “Hugo” – мода билан ҳақиқтдан ҳам қизиқадиган ёшлар учун, улар модани яхши билишади ва бошқалардан кескин фарқланиш учун, қандайдир ўзига ҳосликни қидиришади. Иккинчи босқичда (лойихалаш ва моделлаш) шакллантириш усулларни аниқлашда тадқиқотларнинг натижасини амалга оширилади. Бу босқичда

коллекциянинг ғояси материалда ифодаланади. Коллекциянинг ғояси юқорида кўрсатилган талабларга биноан конкрет моделларда амалга оширилади. Бу ҳолда юқори мода, “pret-a-porte” ва саноатга оид коллекциялар яратилганда албатта уларни ўзига ҳос спецификациялари инобатга олинади. Француз кутюрьеси К.Диор “Кристиан Диор ва мен” номли ўз асарида юқори мода коллекция яратиш кетма-кетликни баён этган. Бу китоб чоп этилган вақтда юқори мода яратишда К.Диорннинг усули анаънавий бўлмаган. У моделлашни газламадан эмас, эскиздан бошлагнан. Аммо, кейинчалик юқори мода уйларида янги ғояга қизиқиш етакчи роль ўйнайдиган бўлди ва коллекция яратишда К.Диор тавсия этган босқичлар анаънага айланди. К.Диор коллекция яратиш учун кетма-кетликни тавсия этган босқичлари анаънага айланди. “ Студия” деб номланган биринчи босқичда: - табиий ва бошқа шаклларнинг ассоциациялари асосида бўлажак коллекциянинг илк ҳомакилари ишланади ва моделлар эскизлари яратилади - бўлажак коллекциянинг ғоялари муҳокама қилинади, энг яхши эскизлар танланади ва коллекциянинг асосий ғоясига биноан қўлдан чиқарилади, танланган эскизлар асосида моделлар макетлари ишлаб чиқарилади, безак турлари танланади. Битта эскиз бўйича газламадан бир неча макет яратиш мумкин ва уларнинг ичидан энг яхшиси танлаб линади; - коллекциянинг моделлари макетлари муҳокама қилинади ва энг сўнгги танлов қилинади. “ Устахона” деб номланган иккинчи босқичда: - коллекция намойиш этиш учун режа тузилади; - моделларни намойиш тартиби аниқланади; - намойиш режиссураси аниқланади. “ Салон” деб номланган учинчи босқичда моделлар коллекцияси истеъмолчиларни назорат гуруҳида синаб кўрилади. Тўртинчи босқичда янги коллекциянинг рекламасининг асоси лойиҳаланади. Саноатга оид оммабоп коллекцияни лойиҳалаш. Эскизларни яратиш аввал коллекциянинг коллекциянинг концепцияси , ассортименти, ҳом ашёси, моделларни нимага мўлжалланганлиги аниқланади. Бириринчи босқич –“яратиш”. Бу босқичда бўлажак коллекциянинг муайян ранг гаммаси, конкрет матога, етакчи силуэт (силуэтлар) ва коллекция услубига мос эскизлари ишланади. Иккинчи босқич - коллекцияларни режалаштириш. Коллекцияда моделлар сони аниқланади, улар муайян фирманинг баҳолаш сиёсати, тақсимлаш усуллари, бир йилда чиқарилган коллециялар сони билан боғлиқ, кейн матода қилинадиган моделларнинг дастлабки танлови ўтқазилади. Учинчи босқич - моделларни ишлаб чиқиш. Эскиз асосида коллекция учун газлама танланади моделнинг конструкцияси текширилади, нуқсонлари тузатилади. Моделнинг конструкцияси кўпинча конструктив моделлаш усули

ёрдамида бажарилади. Кейин манекеншчицалар учун матодан модел тикилади. Тўртинчи босқич – моделларни танлаш ёки коллекцияни “ўтоқ” қилиш – расмий намойишдан аввал моделлар танланади. Одатда танловда компания директори, сотув бўлимлимнинг ҳодимлари ва асосий буюртмачи қатнашади. Талаб тенденциялари бўйича маълумотлар асосида энг фойдали ва мувафақиятли моделлар танланади. Шу билан бирга манекеншчицаларнинг фикри албатта инобатга олиниши керак. Танлаш усуллари фирмани сиёсатига боғлиқ, аммо ҳар қандай ҳолда коллекциядан бир неча моделлар қолади, улар ҳам баҳоланади. Бешинчи босқич – андозаларни ишлаб чиқиш. Андазларни ишлаш қиммат бўлгани боис, улар коллекция батомом ишлаб чиқилгандан сўнг қилинади. Компьютер технологияларни қўлланиши бу босқичда ҳаражатларни анча камайтиради. Олтинчи босқич – корхонада ишлаб чиқариш. Дизайнерлар коллекциясининг серияси тикилади, моделлар серияси сони фирманинг баҳолаш сиёсати билан боғлиқ. Еттинчи босқич - коллекцияни тақсимлаш ва рекламаси. Бунда нафақат савдо муассасасининг ҳодимларигина эмас, балки саноатга оид кўргазма ва ярмакаларда, фирма реклама ва оммавий ахборот воситалар ҳодимлари фаол қатнашишлари лозим. “Рret-a-porte” саноатга оид коллекциясини яратишда бир неча тафовутлар мавжуд. Бу ҳолда ишлаб чиқариш босқичига коллекцияни дастлабки намойишдан сўнг киришлади. Дизайнда моделлар намойиши рекламанинг илк ва асосий шаклларидир, модали мансабга эришиш учун дизайнерлар орасидаги рақобат курашида кучли реклама воситадир. “Рret-a- porte” хафтаси доирасида ўтказиладиган моделлар намойишида (Париж, Нью-Йорк, Милан, Лондон, Барселона, Дюссельдорф, Москва, Санкт- Петербург) энг аввало матбуот ҳодимлари (атоқли фотосуратчилар, мода журналлари муҳаррирлари, мода шарҳловчилари) ва савдо ҳодимлари таклиф этилади. Намойишдан сўнг байерлар (йирик универмаг ва бутиклар учун моделларни сотиб оладиган мутахассислар) фирмалар билан шартномалар тузади. Бундан сўнг келгуси мавсумга танланган моделларни ишлаб чиқарадиган тиражи аниқланади. Ундан ташқари “Рret-a-porte” коллекцияси перспектив коллекция бўлиб, саноатга оид оммабоп коллекциялар учун “прогноз” ва “дастур” бўлади. Перспектив коллекцияни лойиҳалашда қуйдаги асосий вазифалар бажарилади: - бўлажак истеъмолчиларнинг ўзига ва модага муносабатини инобатга олиб, янги сиймони яратиш (уч компонентлик ўзгартириш қонунинга биноан учдан кўп етакчи коллекциянинг сиймоси тақдим этиш тавсия этилмайди); - анаънавий ва ноанаънавий ассортиментни ранг ва пластик ечимини яратиш; - янги материаллар ва фурнитураларни коллекцияларда қўллаш; - коллекцияни фазовий шаклларини белгилайдиган етакчи силуэтларни аниқлаш;

- янги технолгияларни ва услубни ифодалайдиган бош кийимларни, пойабзални ва аксессуарларни лойиҳалаш; - моданинг янги тамйиларини ифодалайдиган коллекциянинг базавий шакллари учун конструктив асосларини ишлаш; - моделларни ишлашда прогрессив технологияларни қўллаш; - реклама, янги коллекцияни намойиш этиш учун сценарий тузиш, моделларни танлаш, намойиш сиймоларини яратиш (соч турмаги, грим ва б.), мусиқа танлаш, намойиш учун жой танлаш ва б. Саноатга оид коллекция бир қатор ассортимент коллекцияларидан иборат, чунки замонавий оммабоп модада комплектлар устунлик қилади, алоҳида ассортиментнинг оммабоплиги сақланган ҳолда. Ассортимент коллекциясини устидан ишлаш ўзига ҳослигига эга ва қуйидаги босқичларидан иборат: - эҳтиёжларни қондириш учун муайян ассортиментнинг меъёрини аниқлаш; - муайян ассортимент коллекциянинг истеъмолчиларнинг ёш ва размери, тўлалик гуруҳларини кўрсаткичларини аниқлаш; - перспектив коллекциянинг етакчи силуэтларига биноан истеъмолчиларни мода эҳтиёжларига мос силуэтларни аниқлаш. Бунинг учун тақдим этиладиган коллекцияларда янги моделлар қаторида классик ва ҳорижий моделлар бўлиши лозим; - тавсия этилган силуэтларига материалларни танлаш; - силуэт шаклларнинг конструкциясини ишлаб чиқиш; - базавий таркибнинг модел элементларини билан тўлдириш натижасида конструктив асосини ишлаш. Натижада битта конструктив асосида мини-коллекция барпо этилади. Бир неча шундай мини-коллекциялар қўшилишидан ассортимент коллекцияси пайдо бўлади. Саноатга оид коллекцияни лойиҳалаш босқичида унификация ва стандартизацияни қўллаб, кийимнинг элементларини конструктив- технологик узеллари ва деталлари каталогини тузиш керак. Бу янги моделларни ишлаб чиқариш жараёнида вақт ва воситаларни тежайди. Ўрта ва кичик бизнеснинг мобиллиги қўшимча устунликни яратади, чунки бозор коньюктураси тез ўзгаради. Кичик корхоналарда янги моделги потокка киритиш икки ҳафта вақт олади: бир ҳафта ишлаб чиқаришга ва яна бир ҳафта назорат ишларини олиб боришга (кичик партияда тикилган моделлар ёрдамида истеъмолчилар реакцияси текширилади). Коллекциянинг таркиби. Коллекциянинг яхлитлигини таъминлаш учун қуйидаги қоидаларни эътиборга олиш керак: - услубий ечимнинг яхлитлиги; - коллекция сценарийсини тузиш, яъни коллекцияни композицион тузилиши; Коллекция яхлитлигининг зарурий шарти - коллекциянинг кульминацияси, яъни композицион марказнинг мавжудлиги. Умумий қойида бўйича уч композицион марказ бўлиши керк:

- бош (намойишни очадиган биринчи модел ёки моделлар блоки), кульминация (намойишни ўртаси) ва якуний (намойишни якунлайдиган модел ёки моделлар блоки); - қаторни тонал риволанишини тузиш; - тонли ва колористик композицион марказларни бир-бирига тўғри келадиган ҳолда рангли ривожланишини тузиш; - қаторнинг таркибий тузилишини аниқлаш: 1) стабил элементларни таҳлил этиш (силуэт, пропрциялар, ритм, вазнлар); 2) мобил элементларни таҳлил этиш (безак, фактура, конструктив ва конструктив-декоратив чизиқлар, қўйма деталлар); - буюмларни ишлаб чиқаришга технологик принципларини ўхшаши. Кўпинча коллекция мўлжал, силуэт ва ранг бирлиги билан бирлашган моделлар блокидан иборатдир. Анаънада юқори мода коллекцияси қуйидаги “чиқиш” - блокларидан иборат: устки кийим (пальто, плашч, костюмлар мавсумга биноан), костюмлар, кундузги кўйлаклар, калта кечки кўйлаклар, узун кечки кўйлаклар, тўй либослари. Аммо К.Диорнинг дастуридагидек замонавий модада шундай аниқ ассортимент гуруҳлари мавжуд эмас. Баъзи дизайнерлар умуман коллекциянинг анаънавий блок такркибидан воз кечишади, ижодий концепциясидан ташқари ўзаро боғлиқ бўлмаган алоҳида моделларни намойиш этиб (бу айниқса костюм дизайнида деконструктивизм тарафдорларига таълуқли). Аммо, дизайнерларнинг кўплари коллекциянинг анаънавий таркибига риоя қилишади: устки кийим; кундалик кийим; дам олиш, спорт, туризм ва б.; башанг, байрамга оид, кечки кйим; махсус тантанали кийим, тўй либослари; тантанали воқеалар учун кийим.

ФОЙДАЛАНГАН АДАБИЁТЛАР ВА МАНБААЛАР РЎЙХАТИ. 1. Сомов Ю.С. Композиция в технике. – М.: Машиностроение, 1987. 2. Основ ы теории проектирования костюма. – М. : Легпромбытиздат, 1988 . 3. Козлова Т.В. Основы художественного оформления изделий из кожи – М.: Легпромбытиздат, 1987. 4. Композиция костюма – М.: Academia, 2003 . 5. Горина Г.С. Моделирование форм одежды – М.: Легкая и пищевая промышленность, 1981. 6. Художественное конструирование. Проектирование и моделирование промышленных изделий – М.: Высшая школа, 1986. 7. Борисоглебский Г.Б. Эстетика и стандарт – М.: Издательство стандартов , 1990. 8. Казаринова В.И. Красота, вкус и экономика – М.: Экономика, 1985. 9. Рытвинская Л.Б., Смородина И.Г. Проектирование и производство головных уборов – М.: Легпромбытиздат, 1987. 10. Художественное оформление текстильных изделий – М.: Легпромбытиздат, 1987. 11. Мода журналлари. 12. www-mode.ru 13. stile.asra.ru 14. kroyka.ru 15. www. glamurneko.ru 16. htt : // nasebya.ru/womtns-fashion 17. sarafan.ru 18. osinka. ru 19. htt : // modellar.fashiontime.ru/ 20. htt : // www. stylemania.ru/ 21. htt : // www.mode centrum.ru/

O'xshashlar

Ягона буюм, комплект, ансамбл ва коллекцияни лойиҳалаш асослари

Кийимни лойиҳалаш асослари

Костюмни лойиҳалаш асослари

Кийим ҳақида маълумот

Буюм ишлаб чиқариш жараёни