Буюм ишлаб чиқариш жараёни - To'qimachilik - Referatlar

Буюм ишлаб чиқариш жараёни

Yuklangan vaqt:

20.09.2019

Ko'chirishlar soni:

0

Hajmi:

64.5 KB

Ko'chirib olish

Буюм ишлаб чиқариш жараёни Режа : 1. Буюм ишлаб чиқариш босқичлари . 2. Буюм техник хужжати. 3. Буюм ранги, оғирлиги ва кийиш вақтида деталларнинг деформацияси. 4. Буюм деталларига ишлов бериш усуллари.

Тажриба цехида модел яратилади. Яратилган модел конструкцияси чизилади. Ҳамма янги моделлар корхонанинг бадиий кенгаши томонидан тасдиқдан ўтказилади. Тасдиқдан ўтган моделларга техник хужжат тўлғизилади. Унда қуйидагилар кўрсатилади: - модел ташқи кўриниши(расми) - модел таърифи - тавсия этиладиган газламалар - тавсия этиладиган ўлчамлар - буюмни тикиш технологияси - андазалар ва тайёр буюм деталларининг ўлчамлари - буюмни тахлаш, ўраш ва ташиш усуллари - буюм маркировкаси - тайёр буюм техник хужжат бўйича қабул қилинади ва нави аниқланади. Кийим маълум талабларга жавоб бериши лозим. Булар гигиеник, эстетик ва техник талаблардир. Оммавий тарзда тикиладиган кийимлар эса, бундан ташқари тикиш технологиясига мос конструкцияли (тикишбоп конструкцияли) ва тежамли бўлиши керак. Ҳар қандай кийим гигиеник ва техник жиҳатдан унинг нимага мўлжалланганига мос бўлиши зарур. Ҳар қандай кийим маълум даражада енгил ва майин бўлиши лозим. Кийим теварак-атрофдаги муайян иқлим шароитида одамнинг меҳнат қилиши, дам олиши, спорт билан шуғулланиши учун қулай бўлиши керак. Қулай кийим деганда одам бадани атрофида ҳаво таркиби атмосферага яқин келадиган оптимал сунъий иқлим ҳосил қила оладиган кийим тушунилади. Кийим вазнининг ҳам жуда катта аҳамияти бор. Кийим оғир бўлса, у одамни тез чарчатади, елкаларни оғритиб қўяди, кишини иш қобилиятини камайтириб юборади.

Кийимга эстетик ва техник жиҳатлардан ҳам жуда катта талаблар қўйилади. Кийим нима учун мўлжалланганидан қатъий назар у чиройли бўлиши керак. Ясаниш учун кийиладиганми, жомакорми, плашми эканидан қатъий назар кийим одамга ярашиб туриши лозим. Кийиб юрилганда кийим хилма-хил таъсирларга учрайди ва турлича деформацияланади. Чўзиладиган кичик-кичик кучлар кўп марталаб таъсир этиб, материални уринтириб қўйиши натижасида кийимнинг тирсак ва тизза атрофидаги жойлари, чўнтаклари ва бошқа жойлари бўртиб қолади. Бундай деформация натижасида кийимнинг ташқи кўриниши бузилади, хатто ўша жойлари йиртила бошлайди. Шунинг учун кийимнинг энг кўп деформацияланадиган жойларга шу ерга таъсир этадиган кучнинг бир қисмини сўндирадиган қўшимча деталлар қўйилади. Кийим олд бўлаги адип, адип қотирмаси, шимнинг астари, чўнтакдаги бўйламалар шулар жумласидандир. Кийим ва унинг турли жойлари маълум даража физика-механикавий хусусиятларга эга бўлиши керак. Масалан, кийимнинг кўп жойлари ҳаракат қилишга халақит қилмайдиган бўлиши шарт. Бундай жойлар кўпроқ эгилувчан ва чўзилувчан бўлса, киши гавдасининг ҳаракати натижасидаги деформацияловчи куч таъсири тўхтагандан кейин кийим ўзининг дастлабки шаклига тезроқ қайта олади. Киймнинг бошқа жойлари эса мумкин қадар қаттиқроқ, яъни деформацияловчи кучларга кийимнинг дастлабки кийим шаклини сақлаб қоладиган даражада қаршилик кўрсата оладиган бўлиши керак. Тикувчиликдаги технологик жараёнлар асосан газлама бичишдан, кийим тикишдан, пардозлашдан ва сифатни текширишдан иборат. Технологик жараёнда кетма-кет, параллел ва аралаш ишлов бериш мумкин. Кетма-кет ишлов беришда операциялар бирин-кетин бажарилади, кийимнинг ҳамма жойларига ҳам бир вақтда эмас, балки бирин-кетин битта ёки бир нечта асбобда ишлов берилидаи.

Кетма-кет усулда операцияларнинг бажариш ҳаракатлари мураккаб ва унга кетадиган вақт кўп бўлади. Кетма-кет усулда асбоблар тезроқ ишдан чиқади. Параллел ишлов бериш усулида биринчи операциядан иккинчисига ўтишларнинг барчаси бир вақтда бажарилиб, унда чала фабрикатнинг барча ишлов бериладиган жойларига бир ёки бир неча асбоб ёрдамида бир вақтда баравар таъсир этилади. Аралаш ишлов бериш усули иккала усулнинг аралашмасидан иборат. Бунда операцияларга ўтишнинг бир қисми кетма-кет, қолган қисми параллел бажарилади.

Адабиётлар: 1. М.Ш.Жабборова “Тикувчилик технологияси” 1977 й 5-15, 98-100 бетлар. Кийимни ишлаб чиқариш бир нечта босқичларда амалга оширилади: 1. Модел яратиш ва конструкциясини тикиш. Бу босқич тикув корхонасининг тажриба цехида амалга оширилади. 2. Газламаларни бичишга тайёрлаш. Тайёрлов цехида амалга оширилади. 3. Газламаларни бичиш. Бичиш цехида бажарилади. 4. Буюм тикиш. Тикув цехида тикилади. 5. Буюмни пардозлаш. Пардозлаш ёки тикув цехида бажарилади.

O'xshashlar

Тикув буюмларини ишлаб чиқариш технологик жараёни

Касбий таълим тизимида ўқув ишлаб чиқариш технологик жараёни

Мўйна ишлаб чиқариш

Ёғоч целлюлозасини ишлаб чиқариш

Картон ишлаб чиқариш технологияси