Касбий таълим тизимида ўқув ишлаб чиқариш технологик жараёни - To'qimachilik - Referatlar

Касбий таълим тизимида ўқув ишлаб чиқариш технологик жараёни

Yuklangan vaqt:

20.09.2019

Ko'chirishlar soni:

0

Hajmi:

67.5 KB

Ko'chirib olish

Касбий таълим тизимида ўқув ишлаб чиқариш технологик жараёни Режа: 1. Касбий таълим тизимини замонавий техника ва технология билан таъминланганлиги. 2. Касбий таълим тизимида ўқув ишлаб чиқариш технологик жараёнини ташкил қилиш. 3. Касбий таълим тизимида назарий ва амалий дарсларни ўтиш методикаси. 4. Ўқувчиларни касбий махоратини оширишни ташкил қилиш.

Ўзбекистонда бозор муносабатларига асосланган иқтисодий структураларяратилаётган ҳозирги кунда кенг, чуқур билим ва билимларни амалда қўллай оладиган шахсларга талаб кучайиб бормоқда. Билимдон ва тадбиркор, ижтимоий фаол шахс жамият ҳаётида, меҳнатда ўзининг ўрнини топади. Ўзининг буюк келажагини ижтимоий йўналишдаги бозор иқтисодиётига асосланган очиқ демократик давлат барпо этишдан иборат, деб қатъий қарор қилган халқимиз бугунги кунда ўз маданияти ва анъаналарини, дини ва эътиқодини она тили ва қадимий маданиятини қайта тиклаб, жаҳон ҳамжамиятидан ўзига мос ўрин эгалламоқда. Тўғри йўлни танлаганимиз, ислоҳотларнинг асосий тамойилларини тўғри белгилаб олганимиз, янгиланиш ва тараққиётнинг ўзбек модели ўзини тўла-тўкис оқламоқда. Бу барча янгиланишларнинг тамал тоши таълим тизимидир. Узлуксиз таълим тизимининг ҳар бир бўғинида амалга ошириладиган таълим-тарбия жараёни мураккаб тузилмага эга бўлиб, тизимли ёндашувни талаб этади. Бу фикр касб-ҳунар таълимини такомиллаштиришга ҳам бевосита тегишлидир. Кадрлар тайёрлаш миллий дастурининг амалга жорий этишнинг биринчи босқичи таҳлили кенг кўламдаги ишлар бажарилганлигидан далолат беради. Ўзбекистон Республикасида касб-ҳунар таълимини асосий мақсади ёшларни меҳнат ва касб-ҳунар кўникмаларига ўргатиш, ишчи ходимлар тайёрлаш, уларнинг малакасини ошириш ва қайта тайёрлашдан иборат. «Кадрлар тайёрлаш миллий дастури»да кўзда тутилган бош мақсадни рўёбга чиқаришда ҳал қилиниши лозим бўлган устувор вазифалардан бири – таълим ва кадрлар тайёрлаш тизимини жамиятда амалга оширилаётган янгиланиш, ривожланган демократик-ҳуқуқий давлат қуриш жараёнларига мослашдан иборат. Коллеж дастурига асосан ўқувчилар турли хил буюмларни тикиш технологиясини назарий ва амалий ўрганишади. Назарий дарс ўтиш учун анъанавий ва ноанъанавий усуллардан фойдаланиб ўтишади. Тажрибалар

шуни кўрсатадики, ноанъанавий дарс ўтиш ўқувчиларнинг дарсга қизиқишини оширади ва дарс давомида фаол иштирок этади ва чуқур билимларга эга бўлади. Ўқувчиларнинг назарий олган билимларини мустаҳкамлаш, касбий маҳоратини ошириш ва амалий малака кўникмасини шакллантириш мақсадида Республикамиздаги бир қатор касб-ҳунар коллежлари замонавий техника билан таъминланган. Тошкент шахар С и р ға ли тумани Политехника касб-ҳунар коллежи , Яккасарой енгил саноат касб-ҳунар коллежи ва Миробод енгил саноат касб-ҳунар коллежлари тикув машиналари билан Польшанинг JUKI фирмаси томонидан қайта таъмирланган бўлиб унда замон талабига жавоб берадиган кўп функцияли тикув машиналари шартнома асосида келтирилган. Ўқув дастурида берилган мавзулар бўйича ус т ки ва енгил кийимлар тикилади. Масалан, Тошкент шахар Сирғали тумани Политехника касб-ҳунар коллежи тикув цехида JUKI фирмасининг 8 та универсал, яъни 1 игнали 1 та тўғри чокли машинаси, 2 дона йўрмаш, 1 дона тугма қадаш, 1 дона изма очиш машинаси 2 дона (вишевка) кашта тикиш машинаси, 1 дона электр пичоқли дискли бичиш машинаси ҳамда 1 дона пухталаш машинаси, 2 дона “Elna” маркали 500 дан ортиқ шаклли чок тикиш машинаси мавжуд. Бир дона пресс, 2 дона ман е кен ва 2 дона дазмол столи фойдаланишга топширилган. Бу Польша давлатидан келтирилган JUKI фирмасининг машиналарининг ишлаш принц и пи қуйидагича: DL – 5410 JUKI универсал тикув машинаси (тўғри чок 22 классга ўхшаган) 8 та. Ўнг томондаги яшил тугмачани босиб ишга туширилади, газламани лапка остига қўйиб, тепкини босилади, машина тикишни бошлайди, тикишни тўхтатиш, оёқни тепкидан олиб қизил тугма босилади. 360 Волтда ишлаёди. Афзаллик томонлари: енгил ишлайди, машина бочкачасига қуйилган мойни автоматик тарзда керакли жойларга етказиб беради, чоклар пухта тикилади.

Камчиликлари: мойи кам бўлса машина тикишдан тўхтайди. LZ – 22904 – SS – 7 (5 та) Яримавтомат дастурлаштирилган. Кўп функцияли бўлиб тўғри, зигзаг, ойсимон ва яна бир нечта чокларни тикишга мўлжалланган. Машина тепасида компьютер бор унда чоклар расмлари кўриниб туради, ҳар бир чок тепасидаги тугмани босиш орқали бошқа чокка ўтқазиш мумкин. Флешка ёрдамида қўшимча программалар киритиш мумкин. Машина ўзини – ўзи махсус мойлайди. Бунда машинанинг тагида махсус бочкаси бор шу бочкага мой қуйилади ва махсус уланган симлар орқали мой айланади. Машина юзасида мойнинг мавжудлик шкаласи кўриниб туради. Мой етарли бўлса машина ишлайди, аксинча бўлса ишламайди. Машина маховикидаги қизил белги тўғри келса машина юради, аксинча бўлса ишламайди. Яна бир томони ипни ўзи узиши ёки олиб ташлащи мумкин. Ва тезлигини ошириши ёки пасайтириши мумкин. Афзалликлари: яхши ишлайди, игна синиши мумкин бўлганда, ёки бошқа ҳолатларда тикмай, компьютер экранида ўша жойни кўрсатиб туради, автоматик мойланади. Камчиликлари: баъзи бир деталлари елимдан. Elna – 6600 маркали 540 та чок тикадиган, компьютерлаштирилган тикув машинаси (2 та). Петля, курживо ва бошқалар учун ҳар хил чоларга ўтишда лапкаларни алмаштирилади. У машинанинг махсус қутисида сақланади. Машина тагидаги қутида керакли мосламалари туради. Чокдан чокка ўтишда « model » тугмаси босилади, чок номери берилади ва яна « model » тугмасини босиб, шу чокка мос лапка жойлаштирилади. ,Лапка ўзгартирилмаса чок ўзгармайди. 540 та чокдан ташқари қўшимча зиг-зак, петля каби чокларни тикади. Автомат равишда ип ўтказади, узади. Машинани ёритиш учун махсус чироғи бор. Енгил, ихчам бўлиши билан биргаликда, кўп операцияларни бажаради, аверлокга ўхшаш чокларни ҳам тикади.

Камчилиги: қалин матолардан икки қаватдан юқорисини тикмайди. Баъзи нозик элементлари елимдан. МВ – 377 ярим автомат тугма тикишга мўлжалланган. Бу машина қўлда мойланади. Тугма тешикларини бериш, яъни махсус мосламага киритиш керак. Тугма қўйилади ва тикилади, ипини автоматик равишда узади. Тугма оралиғи диаметрлари ҳам белгиланади. Ҳимоя ойнаси тугма ёки игна синганда зарарланишдан ҳимоя қилади. Ҳар хил тугмаларни тикади. Камчилиги: мойлаш ва тугмаларни қўйиш қўлда бажарилади. Бошқа тугмаларни ўтказишда лапкаларни алмаштириш керак. С E JC – 9330-0 brother яширин баҳяқатор тикувчи ярим автомат машинаси. Газлама букиб машинага қўйилади ва тикилади. Газлама қалин, юпқалигига қараб чок кенглиги ва чуқурлиги ўзгартирилади, ҳимоя воситаси бор, қўлда мойланади (2 та). LW – 102 A дазмол шит орқали ёқилади. Сув солиш қурилмасига сув солинади ва сув қайнаганда ишлайди. Пастдан тепки босилса, буюмни тортиб ушлаб туради. Афзаллиги: ўзи пар чиқаради, газламани ушлаб туради ва газлама куйиш эҳтимоли кам. Камчилиги: сув қайнаганда пар чиқаради. LW 90/ LY 169 Пресс компрессор ёқилгач, 40-45 минут давомида ишлашга тайёр бўлади. Стрелка қизилга келганда пресс ишлашга тайёр бўлади. Сув ток ҳаволар билан тенг таъминлаб берувчи қурилмаси бор. Пресс бошқа пресслар сингари вакумда ишлайди. Газлама ёки дублирин сақаш муддатига қараб бошқарилади. Пресс икки томонлама пар чиқаради. Пресс ишлаган вақтда ҳимоя воситаси бўлади. Тепа қисми тугмалар ёрдамида бошқарилади, паст қисми педаль ёрдамида бошқарилади. Компрессор вишивка машиналар учун ҳам ҳаво етказиб беради. МО – 6704 S – ярим автомат бир игнали йўрмаш машинаси. Йўриқнома:

1. Қўлланмани ўқиб, ипни машинага ўтказинг. 2. ON тугмасини босинг. 3. Лапкани қўтаринг. 4. Лапка остига газламани жойлаштиринг. 5. Лапкани туширинг. 6. Тепкини босинг (машина тикишни бошлайди). 7. Тепкидан оёғингизни олинг. 8. Ортиқча ипларни махсус пичоқ ёрдамида кесинг. Машина мураккаблиги шундаки: ип ўтказиш бироз мураккаброқ. Бу машина тўрт ипли ҳисобланади. Тўртта ип ўтказиб тиккан вақтда тўғри чок ҳам тикади. LK 1930 кашта тикиш машинаси. 1. ON тугмасини босинг. 2. Дискни киритинг. 3. № тугмасини босинг. 4. Номерини киритинг. 5. тугмасини босинг. Шундан сўнг, лапка тушади ва индикатор ёнади. Машина тикишга тайёр. Аввал компрессор ёқилади, шланкалардан ҳаво келиб туриши керак. Машина делталлари ишлаш жараёнида қизиб кетмаслигини олдини олади ва нормаллаштириб туради. Компрессор 40 минут давомида қизийди. Ишни бошлашдан олдин компьютер программасига дискни киритиб, буйруқ асосида машинага тугмалар орқали программа киритилади. Бунда нафақат дискни хотирасига, балки машина ҳотирасига ҳам ёзиш мумкин. Лекин машина хотирасидаги программа ишлаш жараёнида чироқ бехосдан ўчиб қолса хотирдаги программа ҳам ўчиб кетиши мумкин. Шунинг учун диска ёзиб олган маъкул. Компьютер программаси экранида ишлаш жараёнидаги хатоликлар махсус белгилар ёрдамида кўриниб туради (масалан, ип узилса, ип тўғри келмаса, ипни чайнаса ва ҳ..к).

Диск киритилгач игна атрофидаги қўйилган гардиш оралиғига газлама тўғирлаб қўйилиб, тугма босилади ва машина автомат равишда ишга тушади. Гардишлар алмаштирилиши сиз тикаётган кашта гули ёки газлама ҳажмига қараб созланади. Афзаллиги: қўл меҳнати тежалади, машина ўзини-ўзи мойлайди ва озода тикилади. Камчилиги: ип тўғри келмаса тез ип узади. Ип танлашда қийинчиликлар туғилиши мумкин (1 та). LBH 1709 S juki маркали бир игнали изма очиш ярим автомат тикув машинаси. Йўриқнома: 1. Дисплейдаги рангли кўриниши уч режимда ўзгариши мумкин.  Кўк: маълумот киритиш режими, маълумотларни ўзгартириш мумкин.  Яшил: тикиш режими, тики шиши бажарилади.  Сариқ: хато кўрсатиш режими, хатоликлар ҳақида маълумот беради. 2. ON тугмасини босинг. 3. Керакли номерни танланг. 4. Ready тугмасини боссангиз дисплейдаги кўк рангдан яшил рангга ўтади, шундан сўнг тикиш мумкин. 5. Лапка остига газламани қўйинг ва керакли тепкини босинг. 6. Изма очилади, автоматик равишда тўхтайди. Машина программалаштирилган. Экранда хатоликлар кўриниши таъминланган. Бу қуйидагича бўлиши мумкин (петляни размери нотўғри танланган бўлса, тўғри келмаса ип узади) машинадан фойдаланишни ўрганувчи китобчасида петля турлари, размерлари берилган, номерлар ёрдамида терилади. Кейин тикишни бошлайсиз. Афзаллиги: ҳар хил размердаги петляни тика олади. Камчилиги: автоматик равишда мойланмайди (1 та).

LK 1900 ASS бир игнали пухталаш ярим автомат тикув машинаси. Йўриқнома: 1. ON тугмасини босинг. 2. Фигура танлаш учун унга номер киритинг. 3. Ready тугмасини босинг, дисплей ёнади, лапка кўтарилади. 4. Агар фигура мос бўлса, тикишни бошлаш мумкин. 5. Ҳар сафар тикишни тугаллагандан сўнг, ҳаммаси бошидан бошланиши мумкин ва бир неча бор тикса бўлади. Қўлланмадан керакли номер танланиб, компьютердан терилади. Бунда лапкалар размери алмаштирилади. Афзаллиги: барча турдаги газламаларда пухталаш чокини бажара олишда ва бундан ташқари турли шаклли чокли пухталаш имконияти мавжуд. НҒ – 195 S 230 V Билан ишлайди. Электр пичоқли бичиш машинаси. ИНВ. N – 13000864 Brother фирмасининг универсал машинаси. 8 та чок тикади.Ташқари қўшимча лапкалари бор. Замок, петля учун лапкалар алмаштирилиши мумкин. Секин бир маромда ишлайди. Тикишни энди бошлаганлар учун қулай. Машина тўғри созланса, барча иплардан фойдаланиш мумкин. Чокларни машина юқори қисмидаги тугмалар ёрдамида ўзгартирилади. Машина ишлаш вақтида ёритиш чироғидан фойдаланиш мумкин. Камчилиги, автоматик мойланмайди. INV № 13000861 brother фирмасининг 4 ипли аверлок машинаси. Аверлок ишини тикади қўлда мойланади. Ипларни қўлда ўтказилади. Ип қўлда узилади. 4-ип ўтказилганда тўғри чок ҳам тикиши мумкин. 3 та ип ўтказилганда фақат аверлок ишини тикади. Юқорида қайд этилган техника ва технологиялар асосида дарс ўтиш касб-ҳунар таълим тизимида билим олаётган ўқувчилар касбий маҳоратини оширишга кенг имконият беради. Ишлаб чиқаришдаги технологик жараённи ўзлаштиришига шароит яратади.

O'xshashlar

Тикув буюмларини ишлаб чиқариш технологик жараёни

Буюм ишлаб чиқариш жараёни

Тикувчилик материаллари хусусиятларининг кийим ишлаб чиқариш технологик жараёнларига таъсири

Мўйна ишлаб чиқариш

Ёғоч целлюлозасини ишлаб чиқариш