Толали махсулотларни тойлаш жараёни - To'qimachilik - Referatlar

Толали махсулотларни тойлаш жараёни

Yuklangan vaqt:

20.09.2019

Ko'chirishlar soni:

0

Hajmi:

242 KB

Ko'chirib olish

Толали маҳсулотларни тойлаш жараёни Режа: 1.Пахта толасини, линтини ва толали чиқиндиларни тойлашдан асосий мақсад. 2.Пресслаш тўғрисида умумий тушунчалар, гидравлик пресснинг ишлаш усули. 3.Гидропресс қурилмасининг тузилиши, ишлаш жараёни ва иш унумдорлиги. 4.Гидропресснинг шиббалаш қисми ва гидронасос системалари, уларни ишлатиш. 5. Пресслаш цехининг технологик жараён схемаси.

1. Пахта толасини, линтини ва толали чиқиндиларни тойлашдан асосий мақсад Пахтани дастлабки ишлаш технологик жараёни тола, линт ва толали чиқиндиларни тойлаш билан тугалланади. Конденсордан чиқаётган толанинг зичлиги 12-15 кг/м 3 атрофида бўлади. Конденсордан чиққан толани бу ҳолда (яъни тойламасдан) сақлаш ёки ташиш ноқулай ва ёнғин чиқиш хавфи бўлади. Бундан ташқари прессланиб тойланмаган тола ёки линт тез ифлосланади ва унинг сифат кўрсаткичларига салбий таъсир этади. Тойланмаган толани ёки линтни сақлашда омборлар ҳажмидан ва транспорт воситаларидан самарали фойдаланилмайди, шунингдек ортиш, тушириш ва ташиш механизмларидан тўлиқ фойдаланиш мумкин бўлмайди. Шунинг учун пахта тозалаш заводларида махсус прессларда тола, линт ва толали чиқиндилар зичланади ва той ҳолатига келтирилади. Тойлар матоларда ўралиб, сим ёки пўлат лентали тасма билан боғланади. Бундай тойланган толани (линтни) узоқ вақт сақлаш ва тўқимачилик фабрикаларига юбориш қулайдир. 2. Пресслаш тўғрисида умумий тушунчалар, гидравлик пресснинг ишлаш усул. Ҳозирги вақтда пахта пахта тозалаш заводларида ишлатиладиган ДА- 8237 ва ДБ-8237 маркали гидравлик прессларда тойланган толанинг зичлиги 550-600 кг/м 3 бўлиб, тойнинг оғирлиги 215-230 кг гача бўлади. Тойлар темир йўл вагонларига ортилганда, уларнинг юк кўтариш кучидан 95% гача фойдаланилади. Аррали жинлар қатори (батареяси) учун бир комплект (шиббалагич, пресс, гидронасослар), линтерлар қаторлари ва толали чиқиндиларни пресслаш учун эса яна битта комплект пресс алоҳида ўрнатилади. Пресслаш цехи жинлаш ва линтерлаш цехларининг бир қисми бўлиб, пресс

қурилмалари комплектдаги, шиббалагич (трамбовка) гидропресс, гидронасос, трубалар, электродвигателлар, иш суюқлиги сақланадиган баклар, шунингдек тола ва линт конденсорлари, тойлаш цехига жойлаштирилади. Пресснинг габарит ўлчамлари катта бўлгани сабабли пресслаш цехи икки қаватли қилиб қурилади. Биринчи қаватида гидронасослар, трубалар ва иш суюқлиги сақланадиган бак ўрнатилса, иккинчи қаватида пресс ускуналаридан ташқари конденсорлар, тола узатгич, шиббалагичлар ва пресс ускуналари, марказий колонна ва рамаларнинг юқори қисми, пресс яшикларини айлантирувчи механизм жойлаштирилган. Бинонинг биринчи қаватида устун, рама ва марказий колоннанинг остки қисми, уларнинг пойдевори, гидронасос ва уларни ҳаракатга келтирувчи электродвигателлари ва суюқлик баклари жойлаштирилган. Гидравлик пресс унинг цилиндрига гидронасос ёрдамида суюқлик юбориб ишлатилади. Маълумки, суюқлик қуйидаги хоссаларга эга: оғирлик кучи таъсирида идиш ҳажмини осон эгаллайди; босим таъсирида ўз ҳажмини ўзгартирмайди. Гидравлик пресслар Паскаль қонуни, яъни “Ёпиқ идишдаги суюқликнинг босими идиш деворини барча томонга бири хил куч билан таъсир қилади” деган қонунга асосан ишлайди. Масалан: юзаси F бўлган поршенга Р куч таъсир этса, суюқлик Q куч билан юқорига итаради (Расм 37) суюқлик босими Паскаль қонунига мувофиқ барча томонга бир хил миқдордага куч билан тарқалгани учун система ичидаги босим қуйидагича ифодаланади: P f Q F H cм ; / 2 бунда: F ва f-катта ва кичик плунжерлар юзалари, см 2 ;

Расм. Босим узатиш схемаси. Q ва P-катта ва кичик плунжерларга қўйилган кучлар, Н. Бундан:Q PF f H  ; Демак, F нинг қиймати f дан нечта марта катта бўлса, Q куч ҳам P кучдан шунча марта катта бўлар экан. Бу усулда озгина P кучи таъсирида катта босим ҳосил қилиши мумкин. Лекин кичик плунжер Н йўлини ўтса, катта плунжер фақат f йўлини ўтади. Шунга асосланиб қуйидаги тенгламани ёзамиз: P*H=Q*h ёки h=H*f/F Демак, гидравлик пресслар ишида йўлдан қанча ютқазсак, кучдан шунча ютар эканмиз. Бу хулоса энергиянинг сақланишга асосланган. Толани пресслашда ишлатиладиган гидравлик пресснинг ишлаш усулини тушиниш учун ДБ-8237 маркали прессни мисол қилиб оламиз. Бу пресс плунжерининг диаметри Д=45 см. Унинг қирқим F d    2 4 1590 см 2 , гидронасос юқори босимли плунжерининг диаметри d=4,5 см, қирқим юзаси f=15,9 см 2 . Шундан кўринадики, ДБ-8237 маркали пресс плунжеринингP Q F fН h

юзасиданF f   1590 15 9 100 , марта катта экан. Суюқликдан 32 Мпа (320 кг/см 2 ) босим олиш учун плунжерга таъсир қилувчи куч Р миқдорини қуйидагича топилади: Р=р*f=32*10 6 *15,9*10 -4 =50,8 кН; Q = p *( F / f )=50,8*100=5080 кН; 3. Гидропресс қурилмасининг тузилиши, ишлаш жараёни ва иш унумдорлиги Пахта толасини ва линтни тойлашда ишлатиладиган гидравлик пресс қуйидаги асосий ускуналардан иборат: - шиббалагич (трамбовка) - пресс - гидравлик насослар системаси. 38 - расмда кўрсатилган гидравлик пресс қуйидаги қисмлардан ва иш органларидан: шиббаловчи (1), пресс плитаси (2), ўрнатилган юқориги тарверс (3), айланувчи икки яшикли пресс (4), цилиндр (5), плунжер (6), гидранасос системаси (7), ишчи суюқлик идиши (8), пастки траверс (9), марказий колонна (10), ён колонналар (11) ва пресс камералардан (12) иборат. Пресс ускуналари қуйидагича ишлайди: шиббалагич (1) конденсордан яшикка (қутига) (4) бир оз зичланиб тушаётган толани шиббалайди. Яшикни тўлдирган тола массаси 215  220 кг атрофида бўлиши керак. Шиббалаш тугандан сўнг яшик айлантирилади. Шунда шиббаланиб тола тўлдирилган яшик пресс цилиндри (5) дан чиқиб турган плунжер (6) устига, бўш яшик эса шиббалагичнинг остига келиб тўхтайди, яъни яшикларнинг жойи алмашади.

Дастани иш ҳолатига қўшиб, гидранасос системаси (7) ёрдамида пресс цилиндри ичига суюқлик бериш натижасида плунжер кўтарилади ва яшикдаги тола прессланиб той холатига келтирилади. Пресслаш жараёни тугугандан сўнг плунжер тўҳтатилади, пресс камерасининг (12) икки томонидаги эшикларини очиб той мато билан ўралади ва лента тасмаси ёки сим билан боғланади. Кейиш плунжер “тушириш” ҳолатига қўйилади, тайёрланган той бир оз бўшагандан кейин махсус механизм билан яшикдан чиқарилади ва плунжер бутунлай пастга тушгандан сўнг яшиклар яна айлантирилиб, пресслаш жараёни қайтарилади. Гидравлик прессларни иш унумдорилиги, шу прессни самарали ишлашига боғлиқ. Бунинг учун асосан гидронасос системасининг ишлашини доимо назорат қилиш, толани пресслаш даврида тойни мато билан ўраш, сим яъни лента билан боғлашда, пресс яшик ичига керакли массада тола билан тўлдириш, шиббалашда, плунжерни кўтаришга сарф қилинадиган вақтни камайтириш усулини қўллаш керак. Лекин битта той толани, тойлашда қанчалик вақт камроқ сарф қилсак, пресснинг иш унумдор лиги кўпайиши мумкин. Буни қуйидаги келтирилган формуладан кўриш мумкин: П G T  60 кг/соат.

Расм. Пахта толасини ва линтни тойлашда ишлатиладиган гидропресснинг технологик схемаси. 1. Шиббаловчи, 2. Пресс-плита, 3. Юқориги траверс, 4. Пресс- яшик, 5. Цилиндр, 6. Плунжер, 7. Гидронасос системаси, 8. Суюқлик идиши (бак), 9. Пастки траверс, 10. Марказий колонна (устун), 11. Ён колонна (устун), 12. Пресс камера, 13. Гидронасос системаси. бунда G-прессланадиган толали массанинг оғирлиги, кг (тойнинг оғирлиги). Т-прессланадиган толали массани пресслашга кетадиган вақт, минут. Пресс қуввати деб пресслаш жараёнида плунжер ҳосил қиладиган кучга айтилади. Бу куч (Р) бир плунжерли прессда қуйидагича бўлади: Р=  *  *0,785D 2 Н.

Бунда:  -цилиндр ичидаги суюқликнинг пресслаш охиридаги босими, Па  -плунжер ва унинг устидаги плита массаси ва манжет ҳамда сальникларнинг ишқаланиш кучларини енгишга сарф бўлган куч коэффициенти  =0,92  0,98; Нисбий босим деб, тола ёки линтни пресслашда бериладиган ва прессланаётган тойнинг плунжер остидаги сирти юзасининг бирлигига тўғри келадиган босимга айтилади. Нисбий босим (  ) қуйидаги формула билан топилади. P F Бунда: Р-плунжер кучи (қуввати), Н; F-пресс яшикнинг кесим юзаси, м 2 . Пресслаш зичлиги деб зичланган тола ёки линтнинг ҳажмий бирлигидаги массага айтилади. Пресслаш зичлиги кг/м 2 ҳисобида аниқланади. Пресслаш зичлиги пресснинг асосий сифат кўрсаткичи ҳисобланади ва унинг қиймати тола учун 1000 кг/м 3 дан ошмаслиги керак. Акс ҳолда толанинг физик-механик хусусияти ёмонлашади. Ўтқазилган тажрибаларнинг кўрсатишича, тола 1500 кг/м 3 гача қисилганда ёрила бошлайди. Эшиклари очилган пресснинг юқори плитаси ўртасида қисилган пўлат белбоғлар билан боғланган той плунжер пастга туширилиб, пресслаш цилиндри ичидаги босим камайгач, қисилган толанинг эластик кучи таъсирида кенгаяди, натижада тойнинг зичлиги пресслаш охиридаги зичлигига нисбатдан паст бўлади, ўлчамлари эса ўзгармайди.

4. Гидропресснинг шиббалаш қисми ва гидронасос системалари, уларни ишлатиш Пресс яшигига узатиладиган толани олдиндан қисман зичлаш ва уни тик нов ёрдамида яшикка узатиш учун махсус тола узатгич (ППВ) мосламаси конденсор билан пресс ўртасига ўрнатилади. Бундай тола узатгичлардан фойдаланиш толани пресс яшигига бир текисда тушишини таъминлайди ва шиббалагичнинг ишини тезлатади. Тола узатгичдан тушиб келаётган толанинг бир оз зичланган бўлишига қарамасдан, унинг бошланғич зичлиги анча кам бўлади. Агар тола бундай ҳолда прессланса ҳажмий массаси жуда кам бўлган тойлар чиққан бўлар эди. Шунинг учун шиббалагичда толалар дастлабки зичлиги 200 кг/м 3 гача зичланади. Гидравлик прессларда шиббалаш жараёни шиббалагич поршенининг доим бир хил йўл босиб ҳаракат қилиши натижасида бажарилади. Бунда шиббалаш жараёни бошланишида кам куч сарф қилинади. Шиббалаш давом этган сари кўпроқ куч талаб қилиниб, охирги ҳаракатида maxsimum куч сарф қилинади. яшикдаги тола миқдоир мўлжалланган бир той оғирлигига етганда шиббалаш тўхтатилади. Шиббалагич поршенининг йўли ўзгармас бўлгани учун яшик ичидаги зичланаётган тола ҳажми ҳам ўзгармас бўлади, лекин унинг зичлиги аста- секин орта боради. Хозирги вақтда пахта тозалаш заводларида фақат йўли ўзгармас бўлган гидравлик ёки бўлмаса механик шиббалагич ишлатилади. Шиббалагич плитасининг йўлини мумкин қадар қисқартириш керак, шунда унинг конструкцияси ихчамланади ва шиббалаш учун сарфланадиган энергия камаяди. Ҳажмий зичлик (  тр ) маълум бўлса, бу ҳолда шиббалагичнинг солиштирма босими (Р тр ) қуйидагича бўлади: Р тр =(  тр -25):1,8 Па

бунда:  тр - тола ёки линт шиббалаш охиридаги ҳажмий зичлиги, т K T P G V р ; кг/м 3 бунда: G к -тола ёки линт тойининг массаси,кг V тр - трамбовка камерасининг (пресс яшикнинг) тола ёки линт билан тўлатилган қисмнинг ҳажми, м 3 . Шиббалагич поршеннинг шиббалаш жараёни охиридаги кучи Р тр =р тр *F бунда: р тр -шиббалагичнинг солиштирма босими, Па; F- шиббалаш камерасининг кўндаланг кесим юзаси, м 2 . Шиббалагичнинг иш унумдорлиги, умуман пресснинг иш унумдорлигига боғлиқ бўлиб қуйидаги шартни қондириши лозим: П тр  П пр 39-расмда Б 374-маркали 40 кН куч ҳосил қилувчи механик шиббалагичнинг кинематик схемаси кўрсатилган. Шиббалагич қуйидагича ишлайди: Понасимон тасмали узатма(1), редуктор (2) ва бармоқ рейка (илашма) (3) воситасида шиббалагич поршенига (4) ҳаракат узатилади. Бу поршень йўналтиргичларда (5) илгариланма-қайтма ҳаракат қилиб, пастга қайтганда пресс яшигидаги толани зичлайди. Редуктор жуфт шестернялар Z 1 ва Z 2 ; ҳамда Z 3 ; Z 4 орқали электродвигатель ҳаркатини камайтириб поршенга узатади. Тола ушлагичлар шиббаланиб зичланган тола ёки линтни яшик ичида керакли баландликда тутиб туради ва кейин келадиган тола бўлагининг (порциясининг) тушиши учун яшик ичида бўш жой ҳосил қилади. Бундан бошқа пресс яшигини айлантирганда пресс ва унинг юқори траверси билан яшик ўртасида тола қисилишига йўл қўйилмайди. Тола ушлагичлар пўлат илгаклардан иборат бўлиб, ҳар бир прес камераси эшигига махсус тирқиш орқали яшик ичига кириб туради.

Пахта толасини ва линтни зичлаш учун қўлланиладиган гидронасос комплексига иккита уч плунжерли бир босқичли горизонтал ГА-347 ва ГА- 364 маркали гидронасослар ҳамда МВН-10 червяк-винтли насослар киради. Расм . Б374 - маркали механик шиббалагичнинг кинематик схемаси. 1.Тасмали узатма; 2. Редуктор; 3.Бармоқ рейка; 4. Шиббалагич прошении; 5. Йўналтиргичлар; Га-347, ГА-364 ва МВН-10 насослари ишлатилганда гидросистема уч босқичда бўлади: -Биринчи босқич-паст босим (2,5 МПа)да пресс цилиндрига суюқлик учта плунжерли ГА-347 ва ГА-364 маркали иккита ва червяк-винтли МВН-10 насосларидан берилади. -Иккинчи босқич-ўрта босим (10,0 МПа)да пресс цилиндрига суюқлик фақат ГА-347 ва ГА-364 насосларидан берилади. -Учинчи босқич-юқори босим (320 МПа)да пресс цилиндри ичга суюқлик фақат битта ГА-364 насоси билан берилади. Цилиндрдаги босим 320 МПа га етказилганда пресс камераси ичида, бизларга керакли ҳажмдаги той ҳосил бўлади. Шундай қилиб паст босимда учта насос, ўрта босимда иккита насос ва юқори босимда битта насос ишлар экан. Ўртача пресс цилиндри ичидаги

плунжерни маълум баландликка (той ҳосил бўладиган жойгача) кўтариш учун бир минут вақт керак, тойни мато билан ўраш, махсус симлар билан боғлаш ва пресс яшикларнинг ўрнини алмаштириш учун қўшимча икки минут вақт сарф қилинади, яъни битта тайёр той олиш учун умумий 3 минут вақт керак (расм). Расм. К 20.801 гидравлик шиббалагичнинг умумий кўриниши. 1. Шиббаловчи плита; 2. Йўналтириш валиги; 3. Гидроцилиндр; 4. Асос (станина); 5. Шток; 6. Суюқлик узатиш трубаси; 7. Оққан суюқликни қайта қуйиш шлангаси;8 Рама; 9.Гидроузатгич;10. Бак; 11. Бошқариш пульти. 41-расмда пахта тозалаш корхонаси бош биносида жойлашган пресслаш цехининг умумий технологик жараён схемаси берилган. Схемадан кўриниб турибдики, бош бинода охирги технологик жараён-яъни тойлаш

жараёни бажарилади. Толали материалларни тойлаш жараёнига толани, момиқни (линт) ва толали чиқиндиларни тойлаш киради. Тола. Линт-А Линт-Б Тозаланган толали чиқинди. КВ-5 КЛ КВМ УВШМ ОВМ-А К20.801 УТВ ДБ-8238 ДА-8237 ВМ Расм . Пресслаш цехининг технологик жараён схемаси .

Адабиётлар: 1. Джаббаров Г.Д. ва бошқалар. "Чигитли пахтани дастлабки ишлаш технологияси", дарслик, Т."Ўқитувчи" 1987й. 197-254 бетлар. 2. НПО "Хлопкопром", “Справочник по первичной обработки хлопка" (книга- 1) Ташкент,"Мехнат" 1994 г. стр. 3.Э. Зикриёев «Пахтани дастлабки қайта ишлаш» Т. 2002 й.

O'xshashlar

Толали махсулотларни тойлаш жараёни

Толали махсулотларни титиш жараёни

Толали махсулотларни аралаштиришнинг назарий асослари

Толали махсулотларни саваш жараёнининг назарий таҳлили

Толали махсулотларнинг нотекислиги