Титиш-тозалаш жихозлари - To'qimachilik - Referatlar

Титиш-тозалаш жихозлари

Yuklangan vaqt:

20.09.2019

Ko'chirishlar soni:

0

Hajmi:

881.5 KB

Ko'chirib olish

Титиш-тозалаш жихозлари Режа: 1. Игна панжарали титиш машиналари 2. Автоматик той титувчи ва таъминловчилар 3. Аралаштириш жихозлари 4. Тозалаш машиналари 5. Тезюрар конденсерлар 6. Толаларни таксимлагич

Таянч сўз ва иборалар Титиш, тозалаш, аралаштириш, агрегат, поток линия, той титувчи, автоматик таъминловчи, игна панжарали, русумлар, аралаштирувчи, узлуксиз аралаштирувчи, тозалаш машинаси, қия тозалагия, горизонтал титувчи, конденсер, чангдан тозалаш. Игна панжарали титиш машиналари Пахта ва кимёвий толаларни титишда титиш-саваш агрегатининг дастлабки тола титувчи жихозлари сифатида игна панжарали титиб- таьминловчи ва аралаштирувчи машиналар ўрнатилади. Таьминловчи аралаштирувчи П-1 машинаси толаларни, ПУ-2 машинаси аралашмага қўшиладигон қайтимларни титиш ва аралаштиришга мўлжалланган. Агрегатда одатда тўртта П-1, битта ПУ-2 машиналари ўрнатилади. Ҳар бир П-1 машинаси олдига 6 дан 12 тагача той қўйилади. Бунда ставкадаги тойлар сони 48 тагача бўлади. 7 3 4 8 1 2 2

расм. Игна панжарали титиш машинаси Ишчи тойларни устидан маьлум қалинликдаги қатламни ажратиб олиб қўлда майдалайди ва сўнгра машинанинг таьминлаш панжараси 1 га (5.1-расм) ташлайди.Таьминловчи панжара толаларни қия ўрнатилган игнали панжара 2 га олиб боради. Панжара игналари толалар бўлакчасини узиб олиб, уларни текисловчи панжара 3 таьсирига олиб боради. Текисловчи панжара игналари панжара 2 игналарига қарама қарши томонга ҳаракатланади ва ундаги катта бўлакчаларни биргаликда титади. Ортиқча тола таьминловчи панжаралардаги толалар устига тушиб, улар билан аралашади. Текисловчи панжарани тўла тозалаш учун тозаловчи валик 7 ўрнатилган. +ия ва текисловчи панжаралар игналари орасидан ўтган бўлакчаларни ажратувчи валик 4 ажратиб колосник панжара 5 устига ташлайди. Бўлакчаларни колосникларга урилиши натижасида улардан хас чўп ва йирик нуқсонлар ажралиб чиқинди камераси 6 га тушади, толалар эса чиқариш қисмига узатилади. Камера толалар билан бир меьёрда тўлиб туриши учун вал 9 га махкамланган ростловчи шчит 8 ўрнатилган. Камерадаги толалар миқдори озайганда валга махкамланган елкадаги юк 10 шчитни игнали панжара томон суради. Тола кўпайса шчитга босим кучаяди ва у олдинга буралади.Елкага ўрнатилган мослама тола кўпайган ва меьёридан камайганда микроўчиргич орқали тегишли рангдаги чироқни ёқади ёки ўчиради. Шунга қараб машинага тола ташланади. П-5 русумдаги машина бош таьминловчи деб юритилади. У П-1 машинасидан игналар ўлчами ва зичлиги, унумдорлиги ва тезликлари билан фарқланади.

Автоматик той титувчи ва таъминловчилар Пахта ва кимёвий толаларни титишда титиш-тозалаш агрегатининг дастлабки жихозлари сифатида той титувчи ва таьминловчи машиналар ўрнатилади. Бундай жихозларнинг замонавий турларини автоматик той титувчи ёки таъминловчилар деб юритилади. Автоматик таъминловчи машиналар тойларни юқори қисмидан толалар бўлакчаларни титиб олиш ва уларни агрегатнинг навбатдаги машинасига узатиб бериш учун хизмат қилади. Тойларни устки қисмидан титиб олиш қулай ва ишончли ҳисобланади. Ҳозирги кунда бундай жихозларнинг бир неча русумлари ишлаб чиқаришга жорий этилган. Машинанинг асосий қисми каретка 2 бўлиб (5.2-расм) у айлантириш қурилмаси ва титувчидан иборат. расм. АП-18 автоматик таъминловчи машина Каретка рельс 1 бўйлаб илгариланма-қайтма ҳаракат қилади. Рельснинг ҳар иккала томонига 36 тагача пахта тойлари 7 қўйилади. Бир томондаги тойлар ишчи ставка, иккинчи томондагиси заҳира ҳисобланади.

Кареткада ўрнатилган иккита пичоқли барабанлар 6 айланиб пичоқлари билан тойларнинг юзасидан толалар бўлакчаларини титиб олади ва уларни чиқариш қувури 5га узатади. Конденсер юзага келтирилган ҳаво оқими ёрдамида бўлакчалар узатиш қувурлари 3 ва 4 орқали агрегатнинг навбатдаги машинасига узатилади. Титиш жараёнида ажралиб чиққан чанг конденсернинг тўрли барабани орқали фильтрга юборилади. Каретка бир томонга ҳаракатланиб тойларнинг охирига етиб борганда тўхтайди ва белгиланган баландликга (2,8;4,3; 5,6; 7,1 мм) пасаяди. Сўнгра каретка орқа томонга қараб ҳаракатлана бошлайди. Каретка ставканинг бошланишига етиб боргандан сўнг титувчининг пасайиши ва ҳаракат йўналишининг алмашиниши такрорланади. Навбатдаги машина бункери тўлганда каретка тўхтайди. Навбатдаги машинадан тола ҳажми камайганлиги тўғрисида сигнал олингандан сўнг каретка харакатлана бошлайди. Ўрнатилган тойларни титиб бўлингандан кейин айлантириш қурилмаси титувчи барабанлар билан биргаликда 180° га бурилиб, заҳирадаги тойларни титиш бошланади. расм. BDT машинасининг той титиш қисми

Тручлер фирмасининг BLENDOMAT туркумига кирувчи BDT 013 автоматик титувчи 15 тагача тойни титишга мўлжалланган. Унинг унумдорлиги 600 кг|с. BDT 019 русумли титувчи бир вақтда 180 тагача тойни титиш, унумдорликни 1500 кг|соатгача ошириш имкониятига эга. BDT 020 русумдаги автоматик таъминловчи аввалгиларга нисбатан катта техник имкониятларга эга. Биринчидан машина бир томонлама ва узлуксиз ишлайди. Тойларни сиртини горизонтал йўналишда титишни бурчак остида титишга алмаштирилиши ставкадаги тойни узлуксиз тўлдириб бориш имконини беради. Бу машинанинг унумдорлиги 1000 кг|с, бир вақтда титиладиган тойлар сони 60 тагача. расм. BDT автоматик таъминловчининг умумий кўриниши. Риетер фирмаси "Унифлок " номи билан бир неча русумдаги автоматик той титгичларни ишлаб чиқаради. Бу машиналар ишлаб чиқариш майдонига ўрнатилган тойларни устки кисмидан титиш, аралаштирувчи машинага узатиб бериш вазифасини бажаради. Машина бир вактда баландлиги ва

зичлиги бўйича турлича бўлган 4 хил тойларни титиш имкониятига эга. Тойларнинг умумий сони 100 тагача. Машинани бошқариш компьютер қурилмаси ёрдамида амалга оширилади. Бошқаришдаги параметрлар дисплейга 8 тилдан бирида чиқариб берилади. Бошкарув хотирасига 4 хил баландликдаги тойларни аралашмадаги фоизига қараб титиш, зарур бўлса, машинани икки томонига ўрнатилган турли толаларни белгиланган тартибда автоматик алмашиб титиш ва узатиш даврларини жойлаштириш мумкин. жадвал Машиналарнинг техник тавсифи Кўрсаткичлари Машиналар русуми АП-18 BDT 019 BDT 020 Унифлок Унумдорлиги, кг| соат Ишлатиладиган тола узунлиги, мм Тойлар сони, дона Пичоқли барабанлар сони Ташқи ўлчамлари, мм узунлиги кенглиги баландлиги Ўрнатилган электр қуввати, кВт 600 42 18-24 2 15000 3450 3000 8,65 1500 42 180 2 50270 6320 2900 12,6 1000 60 60 2 32945 3350 3200 11,9 1200 60 130 2 41500 5140 2750 9,33 Бошқарув хотирасига тойлар сони, той оғирлиги, аралашма таркиби ва соатли унумдорлик киритиб қўйилади. Машина титувчи барабани зонасига ёт жисмлар тушиб қолганда автоматик тўхтайди. Автоматик той титгичлар барча турдаги пахта ва кимёвий толаларни титишга мўлжалланган. Машина

бошқарув жавони, тойлар ўрнатилган майдон, титувчи қисм, айланма ҳаракатланувчи ва қўзгалувчи қурилма, тола чиқариш қувуридан иборат. Автоматик таъминловчиларнинг кўрсатиб ўтилган авфзалликлари билан биргаликда камчиликлари ҳам мавжуд. Булардан энг асосийси аралаштириш жараёнинг амалга оширилмаслиги ҳисобланади. Шунинг учун автоматик таъминлаш машиналаридан кейин агрегат таркибига толаларни аралаштирувчи машиналар ўрнатилиши лозим. Аралаштириш жихозлари Толаларни аралаштириш учун тўқимачилик корхоналарида ўрнатиладиган аралаштирувчи машиналар панжарали, ҳаво ёрдамида аралаштирувчи ва камерали турларга бўлинади. МСП-8 машинаси бир неча нав ва турдаги пахта толалари, пахта ва кимёвий толаларни аралаштириб бериш учун хизмат килади. Титилган толалар қувурлар 3 ва 6 орқали (15-расм) ҳаво ёрдамида аралаштириш камераси 1 га тушади. Ҳаво эса тўрли сирт ва қувур 5 орқали фильтрга юборилади. Камерага тушган толалар узатувчи барабанлар 8 устида қатлам ҳосил қилади.

расм. МСП-8 русумли аралаштирувчи машина. Камеранинг қайси қисмида тола қатлами оз бўлса ўша қисмга қувурларнинг бири орқали толалар юборилиши клапан 4 ёрдамида бошқарилади. Бунда сезгир датчиклар 2 ва 7 мос равишда камеранинг бош ва қуйи томонини тола билан тўлганлигини назорат қилиб боради. Узатувчи барабанлар 8 толалар қатламини тезлиги 30-600 марта катта бўлган чиқарувчи барабанлар сиртига узатади. Чиқарувчи барабан сиртига ўрнатилган парраклар толаларни бўлакчаларини ажратиб олиб остки панжара 10 га ташлайди. Бу панжара 3-5° қияликда ўрнатилган бўлиб бўлакчалар унинг сиртида чиқарувчи барабанлар ёрдамида титувчи барабан 11 томонга суриб борилади. Толалар бўлакчалари титувчи барабан ёрдамида титилиб чиқариш қувури 12 га узатилади. Ундан вентилятор ёрдамида агрегат таркибидаги навбатдаги машинага юборилади. Камерадаги толалар қатламининг баландлиги белгиланган меъёрдан камайиб кетганда сезгир элемент 13 машинадан тола чиқаришни тўхтатади.

Ушбу машинада толаларни аралаштириш мақсадида чиқариш қисми томонга қараб чиқарувчи барабанлар тезлиги ошиб боради. Унга мос равишда қатламни чиқариш тезлиги пасайиб бориши ҳисобига камера ичидаги толаларни айланиши натижасида аралаштириш амалга оширилади. Риетер фирмасининг Унимикс В 7|3 моделдаги толаларни аралаштирувчи машинаси тозаланган толаларни самарали аралаштириш учун хизмат қилади. В 7|3 машинаси юқори аралаштириш самарадорлигига эга. Толалар қувур орқали уюрма ҳаво оқими билан илгариланма ҳаракат қилиб тушади. Ажратувчи цилиндрлар ёрдамида тола турли узунликдаги олтита камерага тушади(5.6-расм). Камералардаги толалар конвейерр ёрдамида ён томонга сурилиш оқибатида 90°га бурилиб устма-уст тахланган қатламлар кўринишига келади ва зичланади. Йўналтирувчи валиклар махсулотни бир текисда ҳаракатланишини ва игнали панжара билан тартибли равишда вертикал бўйича илиб олинишини таъминлайди. Игнали панжарада толани қўшимча титишни амалга ошириш учун текисловчи барабан, ажратувчи барабан ўрнатилган. Барабан толаларни чиқариш қисмига узатиб беради. Аралаштириш камерасида юзага келган чанг ва момиқ сўриб олинади ва филтрга юборилади. Машинанинг унумдорлиги 600 кг|соат гача. Машинанинг чиқариш томонида қўшимча тозаловчи барабан ва чиқинди камераси ўрнатиш имконияти бор. Бу машина ўлчамини ўзгартирмайди.

расм. Такомиллашган аралаштириш машинаси Тозалаш машиналари Титиш таъминлаш ва аралаштириш машиналарида толалар қисман тозаланади. Уларни самарали тозалаш учун махсус тозаловчи жихозлар ўрнатилади. Шундай машиналардан бири бўлган қия тозалагичлар бир неча русумларда ишлаб чиқарилади. Жумладан ОН-6-1 ва ОН-6-2 машиналарининг барабанларида қозиклар ўрнатилган бўлса, ОН-6-3 ва ОН- 6-4 машиналарида пичоқли барабанлар ўрнатилган. ОН-6-2 ва ОН-6-4 машиналари таъминлаш бункерига эга бўлиб, уларда барабанлар сони 7 та. Олти барабанли ОН-6-4М русумдаги қия тозалагичнинг ўзига хос фарқланиши толаларни эркин ва тутиб турилган ҳолатларда тозалашдан иборат. Титилган толалар конденсер 1(5.7-расм) орқали бункер 2 га тушади ва ундан чиқарувчи валик 3, тутувчи валик 4, таъминловчи цилиндрлар 5 ёрдамида пичоқли барабан 6 таъсирига узатилади. Барабанлар остига колосник панжаралар ўрнатилган. Барабан титилган толаларни колосник панжара 7 га урали ва уни устидан судраб ўтади.

расм. ОН-6-4 русумли қия тозалагич. Бу ерда толалардан хор-хас ва нуқсонлар ажралиб чиқинди камерасига тушади. Толаларни эса навбатдаги барабанга узатилади. Барабанлар орасига юқори томонда пичоклар 8 ўрнатилган бўлиб, улар толани барабанлар атрофида айланишига йўл қўймайди. Навбатдаги пичоқли барабан таъсирида толаларни эркин ҳолда тозалаш давом эттирилади. Охирги - олтинчи пичоқли барабан тозаланган толаларни чиқарувчи қисмга ташлайди. Машинанинг унумдорлиги, 600 кг| соатгача бўлиб, талаб этиладиган электр қуввати 8,35кВт га тенг. Пахта толаларини янада титиш ва самарали тозалаш горизонтал титувчидадавом эттирилади. Машинани таъминлаш юқоридан, ёки ён томондан амалга оширилади. Юқоридан таъминланганда толаларга

пичоқларнинг таъсир самарадорлиги кам бўлади. Чунки колосник панжаранинг биринчи бўлими пичоқли барабандан юқорида жойлашгани учун момиқ ва толалар ўтириб уни тўсиб қолади. Янги конструкциядаги титувчиларда (5.8 - расм) тола қатлами горизонтал йўналишда таъминлангани учун зарба самарадорлиги ошади. Дстлабки титилган толалар конденсер орқали бункер 1га туширилади. Унинг тўлганлигини ростлаб туриш учун микроўчиргич билан боғланган илмоқлар 2 ўрнатилган. Улар толалар ҳажмини бункернинг белгиланган баландлигида ушлаб туради. расм. РГ-1М русумли горизонтал титувчи Бункердан толалар иккита чиқарувчи валлар 3 билан қатлам ҳолига келтирилиб, таъминловчи цилиндрлар 8 ёрдамида зичланган ҳолда пичоқли 5 барабанга келади. Барабан пичоқлари тутамни титиб беради. Пичоқлар

ва марказдан қочар куч таъсирида титилган бўлакчалар колосник 6 нинг ўткир қирраларига урилиши натижасида улардан хор-хас ва нуқсонлар ажралиб, чиқинди камераси 4 га тушади. Титилган ва тозаланган толаларни пичоқли барабан чиқариш қувурига 7 га ташлаб беради. Бу жихозда биринчи бўлимадаги колосниклар дастлабки зарба доирасидан пастда жойлашганлиги учун улар орасидаги масофа катта ўрнатилган. Бу эса ўз навбатида йирик нуқсонларни ажралиб чиқишини таъминлайди. Биринчи бўлимда тозаланган толалар пичоқлар таъсирида иккинчи ва учинчи бўлимларда янада тозаланади. Риетер фирмасида бир неча ўн йиллар давомида титиш тозалаш агрегатлари таркибида ўрнатиладиган тозаловчи машиналар сонини самарали минимумга етказиш мақсадига эришилди. Бунга эришиш учун сифатни сақлаган ҳолда дастлабки титишда минимал оғирликдаги бўлакчаларга ажратиб, хор-хасларни сиртга чиқаришга эришиш; биринчи босқичда юқори самара билан тозалаш; чангдан тозалаш; хас чўпларни майдаланишини олдини олиш; тозалаш жараёнида толаларни чиқиндига чиқишини камайтириш ҳисобиги эришилади. Фирмада ишлаб чиқарилган машиналар ва улардан тузилган агрегатлар барча турдаги пахта ва кимёвий толаларни, уларни аралашмасини қайта ишлашга мослашган. RIETER фирмаси толаларни тозалаш учун бир барабанли В 4|1, Униклин В 1, ЕRМ В 5|5, В 5|0 каби машиналар ишлаб чиқаради. Тозаловчи «Униклин» В1 одатда автоматик той титувчидан кейин ўрнатилади. Бу титилган майда бўлакчаларни тезда тозалаш имкониятини беради. Машинада тозаловчи барабан сиртига қозиқчалар ўрнатилган. Бу қозиқчалар махсус пўлат симдан тайёрланган ва винт чизиғи бўйича жойлаштирилган. Барабан остида уч қиррали чиқинди чиқарувчи панжара ўрнатилган. Барабан қозиқлари толаларни панжара қирраларига уриши оқибатида ундан хор-хас ва нуқсонлар ажралади. +озиқни кичик ва сийрак ўрнатилганлиги ҳисобига толага таъсир этадиган зарба кучи унча катта бўлмайди. Бу эса толаларни

зарарланмаслигини таъминлайди. Шу билан бир қаторда В 1 машинасида эркин ҳолда тозаланаётган толалар барабан атрофини бир неча марта айланиб ўтади. Ҳар бир айланиб ўтишда улар перфорацияланган сиртдан ўтади. Натижада толалардаги чанг, майда зарралар ва калта тола ажратилади. Машина унумдорлиги, 1000 кг|соат гача. Бир барабанли В 4|1 машинасининг асосий ишчи аъзоси қозиқли барабан ҳисобланади. Барабан сиртида қозиқлар винт чизиғи бўйлаб жойлаштирилган. Барабан устига ўрнатилган қопқоқ қисмида бурчак остида ўрнатилган йўналтирувчи бўлиб, у ҳаво оқими ҳисобига барабан узунлиги бўйича силжишга олиб келади. Оқибатда толалар барабан сиртини уч марта айланиб ўтиб самарали тозаланади. Ҳар бир ўтишда барабан ва колосник оралиғида тозаланади. Машина унумдорлиги 600 кг| соат гача. Одатда бир барабанли тозаловчидан чиққан толалар вентилятор ёрдамида қувурлар орқали ЕR M В 5|5 машинасининг таъминловчи камерасига туширилади. Дастлабки камерада толалар ҳаво оқимидан ажратилади. Бу мақсадда камера девори алоҳида пластинкаларадан иборат бўлиб, улар орасидан ҳаво ажралиб чиқади. Ҳаво ва чанг герметик камера орқали фильтрга узатилади. Камерага тушган толалар (5.9-расм) иккита валик ёрдамида чиқарилади. Уларни бири силлиқ, иккинчиси эса перфорацияланган. Валиклар толаларни қатлам кўринишда арра тишли барабан таъсирига узатади. Барабан остида бир нечта колосник ўрнатилган бўлиб улар орасида йўналтирувчи пластиналар ўрнатилган. Улар тозаланган толаларни чиқарувчи қисмга аниқ йўналтиришни таъминлайди. Тозалаш жараёнида ҳосил будган чиқиндилар камерага тушади.

расм. ERM тозалаш машинаси Машинанинг ўлчамлари кичик ва тозалаш самарадорлик юқори. Уни пахта ва кимёвий толаларни қайта ишлашда фойдаланиш мумкин. Унумдорлиги 500 кг| соатгача Тезюрар конденсерлар Пахта ва бошқа толаларни титилган ҳолда титиш-тозалаш машиналарининг биридан иккинчисига ҳаво ёрдамида узатиш, уларни ҳаво оқимидан ажратиш, қисман момиқ ва чангдан тозалаш учун тезюрар конденсерлардан флйдаланилади. Корхоналарда КБ-3, КБ-4 ва К-3 русумлардаги конденсерларда ўрнатилади. Конденсерларнинг асосий қисми тўрли барабан 1 бўлиб (5.10-расм), у минутига 105-137 марта айланади. Толалар бўлакчалари вентилятор 2 юзага келтирган ҳаво оқими тортиши натижасида барабан сиртига келиб ёпишади. Ҳаво барабаннинг икки ён томонидан сўрилгани учун унинг сиртидан

кирадиган оқим толаларни бир текисда ўрнашини таьминлайди. Момиқ ва чанг ҳаво билан сўрилиб, фильтрларга боради. расм. Тезюрар конденсерлар Тўрли барабан сиртидан толалар парракли барабан 4 ёрдамида ажратиб олинади ва машина бункерига ташланади. Барабан 4 иккита тўсиқ 3 орасида ўрнатилган. Барабаннинг парраклари чармдан тайерланган ва улар тўсиқга зич тегиб турганлиги учун ташқаридан ҳавонинг сўрилишига йўл қўймайди. КБ-3 конденсерини ишини ўрганиш натижасида толаларни эшилиб нуқсон пайдо бўлиши аниқланган. КБ-4 конденсери КБ-3 дан ажратувчи барабан ўрнатилмаганлиги билан фарқланади. Ажратувчи вазифасини тўрли барабан ичига радиал ўрнатилган экран-тўсиқ бажаради. Бу тўсиқ эгаллаган жойда барабаннинг ичига ҳаво кирмайди. Натижада толалар оғирлик кучи ва марказдан қочма куч таьсирида барабан сиртидан ажралиб бункерга тушади. К-3 конденсерида вентилятор 10 (21-расм,б) перфорацияланган барабан 7 нинг ён томонидан ҳавони сўриши натижасида барабан сиртида тортиш кучи юзага келади. Барабаннинг остки қисми вентилятор таьсиридан демпфер 9, зичловчи валик 5, зичлагичли тўсиқлар 6 ва 8 ёрдамида тўсиб

қўйилган. Шунинг учун барабаннинг остки қисмидан ҳаво тортиш кучи таьсир этмайди. Толалар барабаннинг устки қисмига ҳаво оқими билан келиб ёпишади ва чанг ҳамда момиқдан қисман тозаланади. Барабаннинг айланиши натижасида унинг сиртидаги қатлам валик 5 ёрдамида зичланади ва ажратувчи валик 11 ёрдамида ажратиб олинади. Толаларни таксимлагич Титиш-саваш агрегатларида одатда иккита саваш машинаси ўрнатилади. Титиб тозаланган толаларни саваш машиналарига бир хилда тақсимлаб бериш учун РВП -2 русумдаги тақсимлагичлар ўрнатилади. Тақсимлагич иккита бункер 7 (5.11-расм),иккита заслонкали тармоқ қувури 2, тақсимлаш қутиси 1, бошқариш қурилмаси 5 ва иккита конденсер 3 дан иборат. расм.Толаларни тақсимлаш тизими Бункери тола билан тўлган саваш машинасидаги конденсер тўхтаганда заслонка ўз оғирлиги билан тола йўлини тўсиб қолади. Иккинчи машина

конденсори юзага келтирган ҳаво бу заслонкани тортиши натижасида у қувурни маҳкам беркитади. Агарда иккала саваш машинаси бункерлари тола билан тўлса бошқариш қурилмаси тола етказиб берувчи машинани тўхтатади. Бунда конденсернинг бири узилиб, иккинчиси тўхтовсиз ишлаб туради ва қувурда қолган толаларни тиқилиб қолишини олдини олади.

Адабиётлар: 1. Ш.Р. Марасулов. Пахта ва химёвий толаларни йигириш. 1 қисм, Тошкент, 1979 й., 66-76 бет. 2. Ш.Р. Марасулов ва бошқалар. Толали материалларнинг механик технологияси. Тошкент, 1971 йил, 46-49 бет. 3. И.Г. Борзунов и др. Прядение хлопка и химических волокон. 1 часть, М.: 1982, стр. 123-127. 4. К.И. Бадалов и др. Лабораторнўй практикум по прядению хлопка и химических волокон. М.: 1978, стр. 77-84 5.В.И. Будинков. Обҳая технология хлопкопрядильного производства, М.: 1970, стр. 88-90

O'xshashlar

Пахта толасини титиш ва тозалаш

Толаларни титиш тозалаш ва аралаштириш

Пахта толасини титиш, тозалаш ва аралаштириш

Толаларни титиш ва аралаштириш, тозалаш машиналари

Толали материалларни титиш ва тозалаш машиналари