Tikuv buyumlariga issiqlik va namlik bilan ishlov beruvchi jixozlar - To'qimachilik - Referatlar

Tikuv buyumlariga issiqlik va namlik bilan ishlov beruvchi jixozlar

Yuklangan vaqt:

20.09.2019

Ko'chirishlar soni:

0

Hajmi:

574 KB

Ko'chirib olish

Tikuv buyumlariga issiqlik va namlik bilan ishlov beruvchi jixozlar Reja: 1 Nam-issiqlik bilan ishlov berishning vazifalari 2 Dazmollash presslarining turlari 3 PGU-2, PP-2 (Rossiya) dazmollash presslari 4 Ss-311, Ss-313 (Vengriya) presslari

Nam-issiqlik bilan ishlov berishning vazifalari Nam-issiqlik bilan ishlov berish kiyim detallariga va tayyor buyumlarga muayyan shakl berish va uni xaridorgir mahsulot ko`rinishli qilish uchun kerak. Nam-issiqlik bilan ishlov berish jarayonlari juda xilma-xil. Turli choklarni yorib dazmollash va bukib dazmollash, yarimfabrikatlar chetini (chuntaklar, xlyastiklar va xokazo chetini) bukish, kiyim detallari ezilgan joylarini dazmollash, kirishtirib dazmollashning turli xillari (kostyumlar, paltolar old bulagini, bort kotirmasini kirishtirib dazmollash) va xokazo nam-issiqlik bilan ishlov berish ishlariga kiradi. Nam-issiqlik bilan ishlov berish vaqtida materialni namlash, kizitish, kerakligicha deformatsiyalash kerak, keyin esa kuritiladi va materialni sovitishga qo`yiladi. Demak, materialning qanchalik namligi, uning kizitilish temperaturasi, bosim, ishlashning va nam surilishining davomiyligi nam-issiqlik bilan ishlov berish natijalarini ko`rsatadigan asosiy omillar hisoblanadi. Ana shu ko`rsatkichlarning eng muvofiq qiymatlarini tanlab olish nam- issiqlik bilan ishlov berishning ratsional rejimini belgilaydi. Turli tolalardan tukilgan materiallar uchun nam-issiqlik bilan ishlov berish rejimlari ham turlicha bo`ladi. Nam-issiqlik bilan ishlov berish jarayonlari Tikuvchilik ishlab chiqarishida nam-issiqlik bilan ishlov berishning uch turi ishlatiladi: dazmollash, presslash va bug`lash. Dazmolning ish qismini namlangan yarimfabrikat ustida 14700 Pa gacha bosim bilan birin-ketin surib nam-issiqlik bilan ishlov berish dazmollash deb ataladi. Dazmollash uchun qo`l dazmollari va mexanizatsiyalashgan dazmollar, dazmol stollari ishlatiladi. Ishlov berishning ratsional rejimiga rioya qilish qiyinligini va mehnat unumdorligi kamligi dazmollashning kamchiliklari hisoblanadi. Presslashda yarimfabrikat bug`lanadi, press yostiqchalarida muayyan bosim hosil qilinadi, namlik suriladi. Berilgan parametrlarni ta`minlash uchun kerakli

presslash vaqti 60 sekundgacha bo`ladi. Yarimfabrikatlar va buyumlar xilma-xil konstruktsiyali presslarda dazmollanadi. Bug`lashda material tolalarida oldingi ishlovlar natijasida hosil bulgan kuchlanish yukotiladi, shuningdek ba`zi bir yaltirab qolgan joylar (yaltiroq dog`lar) yuqotiladi. Bug`lash buyumga ishlov beriladigan joylarga bug` oqimini yuborish yo`li bilan bajariladi. Bug`lash uchun bug`lagichlar, bug`li havo manekenlari, maxsus bug` qurilmalari ishlatiladi. 13.2. Dazmollash presslarining turlari Tayyor buyumlarga issiqlik va namlik bilan ishlov berishda juda ko`p xil dazmollash presslari ishlatiladi. Tikuvchilik korxonalarida presslardan samaradorli foydalanish, ishlov berish va tayyor kiyimlar sifatini yaxshilash, shuningdek normal ish sharoiti yaratish uchun tayyor kiyimlarni nam-issiqlik bilan ishlov berish va pardozlash aloxida bulimda bajariladi. Bu erkaklar va ayollar paltolari, erkaklarning jun kostyumlari, erkaklar kuylaklari va xokazo muayyan buyum turlarini dazmollash uchun doimiy press tizimlari barpo etish imkonini beradi. Hamma dazmollash presslari presslash kuchiga qarab yengil presslar (10kN gacha), o`rta presslar (15 dan 20 kN gacha) va og`ir presslar (30 kN dan ortik) ga bo`linadi. Yuritmasiga qarab elektromexanik, pnevmatik va gidravlik dazmollash presslari bo`ladi. Dazmollash presslarining mexanizatsiyalashtirilganiga va avtomatlashtirilganiga qarab uch guruhga bo`lish mumkin. 1. Mexanizatsiyalashtirilmagan presslar. 2. Elektromexanik, gidravlik va pnevmatik yuritmali pressslar. 3. Mexanizatsiyalashtirilgan uzatish mexanizmli va texnologik ishlov berish dasturlashtirilgan presslar. Presslarning ko`p konstruktsiyalarida ostki yostiqcha bug` bilan, ustkisi esa elektr manbai bilan kizitiladi. Ustki yostiqchalar sirpanuvchan xususiyatli

alyuminlar, ostki yostiqchalar esa chuyan metallardan tayyorlanadi. Dazmollash presslariga quyidagi asosiy talablar qo`yiladi: a) minimal energiya va kuvvat sarflab kerakli presslash kuchini ta`minlash; b) dazmollovchi yuzalarga nisbatan materialning siljishini yuqotish; v) ishlov beriluvchi yuzalarga tekis bosim berish; g) dazmollash yuzalarining tekis qizishini ta`minlash; d) yuqori darajali avtomatlashtirish va ish xavfsizligini ta`minlash. Texnologik jarayonlarda bug` (elektrda kizitish bilan birga) yarimfabrikatlarni namlash va qizitishga, vakuum-surib olish esa ularni kuritish va sovitishga xizmat qiladigan vatanimizda va chet ellarda chiqarilgan yangi presslar ishlatiladi. Bunday presslar eski konstruktsiyalarga karaganda ancha unumlirok bo`lib, ularda dazmollash ishlari yuqori sifatli bajariladi. Texnologik bug` va vakuum-surgichlarini ishlatish uskunalarning ish unumini o`rta hisobda 50%, ayrim dazmollash ishlarida esa 2-3 baravar oshiradi. Presslarda ishlashda xavfsizlik texnikasi. Tegishli instruktajdan utgan va bu uskunani ishlatish qoidalarini o`zlashtirib olgan kishilargina presslarda ishlashga ro`xsat beriladi. Press ishonchli yerga ulangan bo`lishi kerak. Odatda, pressning asosiga bolt burab kiritilgan bo`lib, uni yerga ulab qo`yiladi. Yerga ulanmagan pressda ishlash man etiladi. To`siqlari olib qo`yilgan pressda ham ishlash mumkin emas. Agar ishga tushirish dastalari bosilganda press ishlamasa, ishni to`xtatib, chilangarni chaqirish kerak, yuritish tugmachalarini qayta-qayta bosib, pressni ishlatishga o`rinmaslik kerak. Ishga tushirish dastalarini ishlatish uchun boshqa predmetlardan foydalanish yoxud chet kishilar xizmatidan foydalanish man etiladi. Pressni elektr tarmog`idan va pnevmotarmokdan uzmay turib, ta`mirlash qat`iy man qilinadi. Ish zonasini sintetik materiallar destruktsiyalaridan va shimdirilgan eritmalar tarkibidagi qoldiqlardan tozalab turish uchun ish o`rinlari suruvchi zontlar bilan jihozlangan bo`lishi kerak.

Presslar qo`yilgan binolarda havo kirituvchi-suruvchi ventilyatsiya o`rnatilgan bo`lishi kerak. 13.3. PGU-2, PP-2 (Rossiya) dazmollash presslari . Bu presslar tikuvchilik buyumlarini jarayonlar ichidagi va uzil-kesil nam- issiqlik bilan ishlov berishga muljallangan bo`lib, ularni Gorkiy (Rossiya) yengil mashinasozlik zavodi ishlab chiqaradi. PGU-2 pressi - gidravlik universal, PPU-2 esa - pnevmatik universal. Ularning maksimal presslash kuchi 20 kN. Ustki yostiqchasining qizish temperaturasi (TENlar yordamida) 100 dan 200 S gacha, ostki yostiqchasining (bug` bilan) qizish temperaturasi esa 80 dan 110 S gacha rostlanadi. Avtomatik ish davrining (bug`lash, presslash va surib olish) davomiyligi 0 dan 90 S gacha. Ikkala press ham markazlashgan bug` tarmog`iga va vakuum tarmog`iga, PPU-2 pressi esa, bundan tashqari, markazlashgan pnevmo-tarmoqqa ulanadi. Presslar avtomatik rejimda, shuningdek kulda yoki oyokda boshqarib ham ishlatiladi. Shu bilan birga qo`shimcha bug`lash, vakuum sistemani qo`shimcha ulash, presslash davomiyligini uzaytirish, vakuum sistemani uzish, ustki yostiqcha orkali qo`shimcha bug`lash ham mumkin. 13.4. Ss-311, Ss-313 (Vengriya) presslari Bu ikkala press ham elektromexanik yuritmali urtacha kuch bilan presslovchi presslarga kiradi. Ularning bir-biridan farki shundaki, Ss-311 pressi bug`ni markazlashgan tarmoqdan olsa, Ss-313 pressining individual bug` generatori bor. Bu presslar kostyumbop va paltobop materiallar guruhi yarimfabrikatlari va tayyor buyumlarni jarayonlar ichida va uzil-kesil ishlashda ishlatiladi hamda 20 kN gacha kuch bilan presslaydi. Presslash, bug`lash, surish davomiyligi alohida-

alohida rostlanadi va 0-40 S ni tashkil etishi mumkin. Ustki yostiqchaning qizish temperaturasi 80 dan 250 S gacha rostlanadi. 13.1-rasm. Ss-311 pressi . Pressda bug`dan va TEN lardan qiziydigan ustki qo`zgaluvchan yostiqcha 13 (13.1-rasm) hamda buyumdagi bug` va namlik surib olinadigan ostki qo`zg`almas yostiqcha 14 bor. Press avtomatik rejimda ishlaydi, shuning uchun uning panelida biron jarayon boshlangani xaqida signal beradigan yoritgichlar bor. Pressning elektr avtomatikasi ajratgich 5 ni burib, uning dastasini 1 raqamiga to`g`ri keltirish yuli bilash ishga tushiriladi. Pressning mexanik qismini ikkita tugmacha 8 va 15 ni bosib ishga tushiriladi. Ustki yostiqcha 13 kizib olgandan keyin, pressni kondensatdan tozalash uchun ikki-uch marta salt ishlatiladi va shundan keyingina buyum ostki yostiqcha 14 ustiga qo`yiladi. Keyin ikkita tugmacha 8 va 15 bosiladi, ustki yostiqcha 13 pastga tushadi, yoritgich 11 yonadi. Press ishga tushganda ustki yostiqcha 13 ning qiziganligi xakida ma`lumot beruvchi yoritgich 12 ham yonadi. Ustki yostiqcha pastga tushgandan keyin presslanayotgan buyumga ustki yostiqcha 13 ning dazmollash plitasidagi teshikdan

bug` berilgani haqida signal beradigan lampochka 7 yonadi. Keyin presslash davri boshlanadi. Bu davr tugagandan keyin bug` va namni suruvchi ventilyator ishga tushgani xaqida ma`lumot beradigan yoritgich 10 yonadi. Surish tugagandan keyin ustki yostiqcha 13 ko`tarilib, buyumni presslash tugaydi. Pressning panelida xavfsizlik tugmachasi 6 bo`lib, u bosilsa ustki yostiqcha kutariladi, shu bilan bir vaqtda yoritgich 9 yonadi. Bundan tashqari, panelda tumblyor 3 bo`lib, uni yuqoriga burilganda, buyumdan bug` bilan namning surilish vaqti ortadi; tumblyor 3 ostki holatdaligida surgich avtomatik rejimda ishlaydi. Elektr avtomatik qurilmasiga tok kelmay qolganda qopqoq 2 bilan yopilgan teshikka kiritib qo`yilgan dastani qo`lda burib, ustki yostiqcha 13 yuqoriga ko`tariladi. Ustki yostiqchaning qizish temperaturasi manometrik termorostlagich 16 ning dastasini burib o`rnatiladi. Nam va issiqlik bilan ishlov berishning belgilangan rejim va uning davomiyligini o`rnatish uchun elektron vaqt relelari ishlatiladi. Ularga kul etishi uchun vintlar 4 burab chiqarilib, old shchit 1 olinadi. Nam issiqlik bilan ishlov berishning turli jarayonlari uchun Ss-311 va Ss- 313 presslarida har xil dazmollash yostiqchalari bor. 13.2-rasm. Ss-311 va Ss-313 pressining yostiqlari.

13.2-rasmda shaklidagina emas, balki issiqlik eltuvchilarning turi va qizdiruvchilarning quvvati bo`yicha bir-biridan farq qiladigan yostiqcha turlari ko`rsatilgan: 1-ustki kiyimlar bort qotirmasini, shimlarning yon va odim choklarini, palto bortini va xokazoni presslaydigan universal urtacha yostiqcha; 2- palto avrasini, palto astarini presslash, ayollar kuylaklarini jomakor va trikotaj buyumlarni uzil-kesil namlab-isitib ishlaydigan universal katta yostiqcha; 3-bolalar paltolari bilan pidjaklari astarini, bolalar shimlarini, qiz bolalar kuylaklarini va xokazoni presslaydigan universal kichik yostiqcha; 4-shim yuqori qismini presslaydigan, pidjaklar, paltolar va xokazoni presslashda ham ishlatsa bo`ladigan yostiqcha; 5-shimning ziylarini, paltoning chetlarini, to`g`ri detallarni presslaydigan yostiqcha; 6- palto old bulagidagi kukrak kismiga shakl beradigan va tayyor paltolarni uzil-kesil presslaydigan yostiqcha; 7 va 8 - erkaklar paltosi avrasini presslaydigan o`ng va chap yostiqchalar (ularni bort qotirmasini va xokazoni presslashga ham ishlatsa bo`ladi); 9 va 10 - ayollar paltosi avrasini presslaydigan ung va chap yostiqchalar; 11- to`g`ri shakldagi turli detallar ziylarini presslaydigan yostiqcha. CS-311 pressining texnikaviy ko`rsatkichlari. Presslash kuchi, N 20000 Ustki yostiqchaning qizish temperaturasi, S 80-250 Presslash davomiyligi, sek 0-40 Bug`lantirish davomiyligi,sek 0,75 Qizdirish elementlari quvvati 256 Bug`lantirish bosimi, mN/m (mPa) 0,4 Press gabarit o`lchamlari, mm 1450x1200x1265 Press massasi, kg 450 Kiyim press staninaning ustki plitasida o`rnatilgan ostki dazmollash yostiqchasiga joylashtiriladi. Mashina ishga tushirilgandan sung ustki yostiq pastga harakatlanib, materialni presslaydi.

Yostiq ishchi yuzasidagi teshiklardan material bug`lantiriladi. Ishlov berilgandan keyin namlik surib olinadi. Ustki yostiq kutarilib mahsulot chiqarib ochinadi. Ishlov berish davomiyligi avtomatik ravishda ta`minlanadi (13.3-rasm). Kutarish va tushirish mexanizmi richaglar sistemasidan tuzilgan bo`lib, ustki yostiqning surilishini ta`minlaydi. Ustki yostiq 4 prujinalar 5 va flants 6 bilan birgalikda richag 7 ga mahkamlangan. Bu richag stanok uqi 14 ga o`rnatilgan. 13.3- rasm. SS-311 dazmollash pressi kinematik sxemasi Rezbali tortkich 11, gayka 12, prujina 9 va sozlovchi maxoviklardan tuzilgan richag 13 ustki qismi richag 7 bilan bog`langan, richag 13 ning ostki kismi 15 barmoq orqali 17 richag bilan bilan birikkan. Richag 20 barmoq 22 ga o`rnatilgan bo`lib, uning o`rta qismi shatun 21 bilan birikkan. Val 27 ga o`rnatilgan kirmak g`ildiragi 26 va krivoshipi 23 bilan shatunlar 21 sharnirsimon bog`langan. Kirmak g`ildiragi 29 elektyuritgichdan tasmali uzatma 28 orqali oladi. Tasmali uzatma uzatishlar soni iq2:1, reduktorniki esa iq40:1 ga teng. Shunday qilib 29 elektr yuritgichi ishga tushirilganda, kirmak 26 g`ildiragi soat mili yo`nalishi bo`yicha bo`ralib, krivoship 23, shatunlar 21, richaglar 20,17 orqali ustki yostiqchaning tushishini ta ta`minlaydi. Mahsulotni presslash bosimi 9 prujina va maxovik 10 yordamida sozlash mumkin. Avtomatik boshqarish sistemasi press sistemasi va alohida elementlarining o`z vaqtida qushilish va ajratilishini ta`minlaydi. Avtomatik boshqarish sistemasi, rele, rele boshqaruvchisi, texnologik jarayon parametrlarini nazorat qiluvchi qurilmalardan tuzilgan.

13 .4- rasm. Zamonaviy namlab-isitib ishlov berish uskunalari

O'xshashlar

TIKUV MASHINALARIDA ISHLATILADIGAN MOSLAMALAR VA TIKUV MASHINASINI TA`MIRLASH

Quritish uskunalarini issiqlik bilan ta`minlash

Tikuvchilik korxonalari jihozlari haqida ma’lumot. Mdx va chet mamlakatlarida tikuv sanoati mashinalarini ishlab chiqaruvchi firmalar va korxonalar

YASHIRIN BAHYALI TIKUV MASHINALARI

TIKUV MASHINALARINI TA`MIRLASH