Тикув буюмлар деталларига дастлабки ишлов бериш - To'qimachilik - Referatlar

Тикув буюмлар деталларига дастлабки ишлов бериш

Yuklangan vaqt:

20.09.2019

Ko'chirishlar soni:

0

Hajmi:

62 KB

Ko'chirib olish

Тикув буюмлар деталларига дастлабки ишлов бериш Режа: 1. Кийим тикиш жараёнини умумий принциплари. 2. Виточкаларни тури ва уларнинг тикилиши. 3. Кокеткаларни асосий деталга улаш. 4. Буюм сифатини назорат қилиш.

Хилма-хил кийим тикиш жараёнининг умумий принципиал схемаси қуйидагича: 1. Олд бўлакни тайёрлаш ва борт қотирмасига улаш. 2. Адипни тайёрлаш ва олд бўлакка улаш. 3. Олд бўлак билан орт бўлакка улаш. 4. Ёқани тайёрлаш ва ёқа ўмизига ўтқазиш. 5. Енгни тайёрлаш ва ўмизга ўтқазиш. 6. Иситувчи қатламни ва астарни тайёрлаш, уларни аврага улаш. 7. Кийимни сўнги тайёрлаш ва унга сўнги безак бериш. Кийим деталларига ишлов бериш. Кийим деталларига бошланғич ишлов беришга қуйидаги ишлар киради: 1. Қирқимларга ишлов бериш. 2. Деталларга елим қотирмалар ёпиштириш. 3. Виточкалар, киритмалар, қирқмалар ва кокеткаларни тикиш. Виточкаларни тикиш. Виточкалар қирқма, яхлит, бир томонлама ва бир-бирига қаратилган тахламаларга ўта борадиган, ўзи тахламадан иборат бўлиши мумкин. Қирқма виточкалар деталларни қирқимидан бошлаб 0,7-1 см кенгликда чок солиб тика бошланади. Бу чок тобора энсизланиб виточка қирқимидан 1-1,5 см нари ўтиб йўқ бўлиб кетади. Яхлит виточкалар уларнинг ён томонлари белгилаб қўйилган чизиқ бўйлаб тикилади. Бахяқатор виточка учи томон энсизланиб бориб, учига етгунча йўқ бўлиб кетади. Яхлит виточкаларнинг тагига аврадан қўшимча газлама қўйиб ёки қўшимча газлама қўйилмай тикилиши мумкин. Қирқма виточкаларнинг чоки ёриб дазмолланади. Яхлит виточкаларнинг чоки эса бир томонга ётқизиб ёки ёриб дазмолланади.

Газламанинг виточка учларидаги солқи жойлари кириштириб дазмолланади. Кириштирилган жойларини махкамлаб қўйиш учун виточка учларига елимли газлама парчаси ёпиштирилади. Кокеткаларни асосий деталга улаш . Асосий деталга кокеткалар бириктирма чоклар, бостирма чоклар билан уланади. Деталларда тахламалар, бўртма чоклар бўлса, олдин шулар тайёрланади. Кокетка асосий деталга бостирма чок билан уланадиган бўлса, кокеткани зийини буклаб дазмолланади, кокетка уланадиган чизиқ белгиланади. Кокеткани асосий деталга қўйиб, белгиланган чизиқ бўйлаб кўклаб чок бостирилади. Кокеткани елим пленка ёрдамида ёпиштирса ҳам бўлади. Бунинг учун кокеткани тескари томонидан дазмоллаб, шу томонга елим пленка қўйилади. Кокетка асосий деталга қўйилиб дазмолланади, кейин чок бостирилади. Кокетка асосий деталга бириктирма чок билан уланганда деталлар ўнгини ичкарига қилиб жуфтланади ва кокетка бўйлаб чок юритилади. Чокни кокетка томон ётқизиб дазмолланади. Мураккаб шаклли кокеткалар зийини авралик газламадан кокетка шаклида қирқиб олинган қўшимча парча қўйиб ағдарма чок билан тикиб олинади. Ҳар бир тикув корхонанинг асосий вазифаси-аҳолини сифатли буюмлар билан таъминлаш. Буюм сифатини назорат қилиш техник назорат қилиш бўлими томонидан амалга оширилади. Бу бўлим корхонага келиб тушадиган асосий ва қўшимча материаллар сифатини, махсулотни ишлаб чиқариш жараёнида асбоб - ускуналарни, инструментларни ва воситаларни ҳолатини ва иш режимларини назорат қилади. Техник назоратни бир неча тури мавжуд: -дастлабки назорат - газламалар ва ярим фабрикатларни ишлов беришдан аввал сифатини назорат қилиш;

-оралиқ назорат - технологик операцияларни бажариш вақти орасида бажарилади. Бу назорат тикиш вақтида бўладиган камчиликларни вақтида йўқотиш учун бажарилади; -якуний назорат - буюм навини (сортини) аниқлаш учун техник хужжатлар ёрдамида бажарилади. Орт бўлак тескари томонига андаза қўйиб, кесимни зийлари белгилаб олинади. Орт бўлак чок қисмидаги кесимга чиқарилган жойнинг қирқимидан 1,5-2 см қочириб елимли пленка қўйилади. Кесим зийларига қўйиладиган қотирмаларнинг остки томонига ҳам уларнинг ички қирқимлари бўйлаб елимли пленка қўйилади. Орт бўлак кесимининг зийларига қотирма ва елимли уқа белгиланган чизиқлар бўйлаб сал тортиброқ қўйилади. Бунда қотирмани 0,5 см қочириб, уқани чизиқ бўйлаб қўйилади, қотирма ва уқа этакнинг букилиш чизиғида тугаши керак. Кейин орт бўлак чоки 1 см кенгликда тикилади, бахяқатор кесимга чиқарилган жойнинг юқори қирқимида 1 см наригача ўтади. Кесим юқоисида чокни кертиб, уни моделда мўлжаллангандек ётқизиб ёки ёриб дазмолланади ва кесим зийларини белгиланган чизиқлар бўйлаб буклаб дазмолланади. Кесимни юқори томонини қия чизиқ бўйлаб пухталанади.

Адабиётлар: 1. М.Ш.Жабборова “Тикувчилик технологияси” 183-184, 188-193 бетлар, 1977 й. 2. М.Ш.Жабборова “Тикувчилик технологияси” 1989 й, 86-93 бетлар.

O'xshashlar

Тикув буюм қисмларига ишлов бериш

Кийим деталларига намлаб-иситиб ишлов бериш технологиясини такомиллаштириш

Тирик пиллаларни қабул қилиш ва уларга дастлабки ишлов бериш

Тикув махсулотларига шакл баркарорлик хусусиятлари бериш

Хом –ашёга бирламчи ишлов бериш