Тайёрлов цехларининг машина ва ускуналари - To'qimachilik - Referatlar

Тайёрлов цехларининг машина ва ускуналари

Yuklangan vaqt:

20.09.2019

Ko'chirishlar soni:

0

Hajmi:

39.5 KB

Ko'chirib olish

Тайёрлов цехларининг машина ва ускуналари Режа: 1. Тайёрлов цехининг вазифаси, материалларни тушириш, тахлаш ва сақлаш усуллари. 2. Нуқсон топиш-ўлчаш (БПМ-2 ёки РС-2) дастгоҳи. Уни тузилиши ва ишлаш принципи. 3. ЭМРТ -2, ИЛ -2, ВЛН -1, ВЛН -2, КЛС -1 машиналари , уларни қўллаш ва бошқариш ҳақида қисқача маълумот .

1.Тайёрлов цехининг вазифаси Тайёрлов цехларида тўқимачилик корхоналаридан келтирилган газламалар бирламчи текширувдан ўтказилади, яъни эни, умумий узунлиги, артикули, нави ва сифати текширилади. Шунингдек, бунда материаллар қабул қилинади, ташилади, ўлчаниб, нуқсонлари топилади ва сақлаш жовонларига жойланади. Бунда тикув корхоналарига материал ўрамлар ва тойлар холида келтирилади. Автомобилдан уларни электр таль ёки автоюклатгич ёрдамида олиниб, темир изларда юрувчи аравачаларда цехларга олиб борилади. Агар материаллар контейнерсиз келтирилган бўлса, улар конвейерлар ёки қия нов ёрдамида автомобилдан тушириб олинади. Материаллар тахланиб жовонларда ёки элеватор ва барабанларда сақланади. Тайёрлов цехида кўпинча ТШП-89 тахлагичидан фойдаланилади; бу тахлагич аравачадаги материал ўрамларини, бичик, қаватларини қутича ёки қаватлардаги буюмларни кўп қаватли токчали жовонларга жойлаб якка-якка сақлаш жойига ташиб боришга ва уларни бошқа транспортга ортиб беришга мослашган. Тайёрлов цехларида материалларнинг маълум қалинлиги ва кенглигига мослашган механизациялашган нуқсон топиш–ўлчаш дастгоҳларининг турли типлари қўлланилади. 2. Нуқсон топиш-ўлчаш дастгоҳи Бу дастгоҳни (БПМ-2 ёки айрим китобларда РС-2) Россиянинг Москва экспериментал механика заводи ишлаб чиқаради. БПМ-2 дастгоҳи икки механизмдан ташкил топган: полотнони силлиқ экран устидан тортиб ўровчи механизм, ҳамда ўлчовчи ва натижаларни ёзувчи механизм.

Дастгоҳ электродвигатели қуввати 0,6 кВт, полотнони ҳаракат тезлигини 9-20 м/мин гача ўзгартириш мумкин, экран 20  бурчак остида қияликка эга бўлиб, у органик шишадан тайёрланган, яна куввати 0,25 кВт бўлган қўшимча электр двигатели бўлиб, у полотнони орқасига қайтариш- суриш вазифасини бажаради. Текширилаётган ўрам дастгоҳни орқа тарафидаги новга солинади, у юқорига ташувчи ва қисувчи валиклар орқали назорат ойнаси устидан ўтказилиб, дастгоҳ олдидаги ва пастдаги скалка – валга ўралади. Назорат ойнаси орқасида люминисцент лампалар бўлиб, улар нуқсонларни яққол кўришни таъминлайди, бунда ишчи дастгоҳни тўхтатиб нуқсон устига бўр ёрдамида икс белгиси қўяди ва ўрам қоғозига неча метрда нуқсон кўринганини белгилаб қўяди. Материални эни, чизғичга биноан кўриш-кузатиш йўли билан, узунлиги эса ҳисоблагич ёрдамида назорат қилиб борилади. Баъзи тикувчилик корхоналарида материаллар усти силлиқ, бўйлама ва кўндаланг чизғичлари бор, бўйи 3 метрли ўлчаш столларида текширилади ва нуқсонлари аниқланади. Ўлчанадиган материал механик воситалар ёрдамида столнинг узунасига сурилади, бунда электромеханик белгилагич материалга ҳар 3 метрда бўр билан белги қўйиб боради. Материалнинг эни чизғич бўйича ҳар 3 метрда текширилади. Нуқсон топиш ва материал ўрамини ўлчаш натижалари ўрма пасортига ёзиб борилади ва бу паспорт тўшама қаватларини ҳисоблаб чиқувчиларга берилади. 3. ЭМРТ-2, ИЛ-2 машиналари ҳақида қисқача маълумот ЭМРТ-2 машинасида иккита панел бўлиб, осткиси берилган маълумотлар киритиш учун, усткиси эса ҳисоблаш натижасини олиш учундир.

Ґисобланаётган материал рулонининг бўйи, учта асосий тўшама қаватининг бўйи ва қолдиқ сифатида ҳисобга киритиладиган битта қўшимча тўшама қаватининг бўйи машина учун дастур бўлади. Машина тўшама қаватларининг ҳисобланаётган материал рулонининг бўйига касрсиз маротаба сиғадиган асосий узунликларининг энг рационал комбинациясини топиб беради. Машина оптимал ечимдан ташқари, айнан шу материал рулони учун ечим оптималлиги камайиб борадиган тартибда кейинги ҳамма ечимларни ҳам чиқариб бериши мумкин. Тикув корхоналарининг тажриба цехларида модел конструкциясини текшириб кўриш ва аниқлаш, лойиҳалаш ва моделлаш масалалари ечилади, янги моделларнинг намуналари, бу моделларнинг синов партиялари, андозалар тайёрланади: материаллар сарфи нормаланади, янги ускуна ва мосламалар синовдан ўтказилади. Андозалар РЛЗ-2 (Полтава тикувчилик ускуналари заводи), ВЛВ-1, ВЛО-1, ВЛН-2 (Полтава енгил машинасозлик заводи), КЛС-1 машиналари ёрдамида тайёрланади. Тайёр андозалар илгакларда осилган ҳолда икки қават қилиб сақланади. Моделнинг тежамлилиги андозалар орасидаги чиқилдилар миқдорига қараб белгиланади. Бу кўрсатгич андозаларнинг ўлчалган юзаси билан андозаларнинг экспериментал жойлашган юзаси орасида фарқ орқали аниқланади. Андозаларнинг юзасини контактсиз ўлчаш учун ИЛ-2 фотоэлектрон машинаси ишлатилади. Бу машина Санкт-Петербургнинг “Венеред” заводида яратилган. ИЛ-2 машинасини техник таърифи Андозалар ўлчами, мм: бўйи .................................................... 100-1500 эни .................................................... 100-750 Кареткани андоза билан сурилиш тезлиги, мм/с ........... 23,5

Андозанинг энг катта юзасини ўлчаш вақти, с ................ 60 Турелни айланиш частотаси, айл./мин. ........................... 235 Генератор ғилдирагини айланиш частотаси, айл./мин.... .. 1410 Генератор импулсини номинал частотаси, Гц................ .. 7520 Электродвигатель: типи ...................... АО-21-2 қўввати, кВт ...................... 0,27 электр кучланиши, в ..................... 220 Машина ўлчамлари, мм: узунлиги ................................. 3750 эни ................................ 1270 баландлиги .............................. 1140 Машина оғирлиги, кг. ............................... 650

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

O'xshashlar

Бичиш цехининг машина ва ускуналари

Гул босиш технологияси ва ускуналари

Гул босиш технологияси ва ускуналари

Матоларни буяш машина ва аппаратлари

Пардозлаш ишларида кулланиладиган машина ва жихозлар