Бичиш цехининг машина ва ускуналари - To'qimachilik - Referatlar

Бичиш цехининг машина ва ускуналари

Yuklangan vaqt:

20.09.2019

Ko'chirishlar soni:

0

Hajmi:

39 KB

Ko'chirib olish

Бичиш цехининг машина ва ускуналари Режа : 1. Бичиш цехида бажарилувчи жараёнлар таърифи . 2. Ясси пичоқли ЭЗМ -3 (CS-529) электр бичиш машинасини техник таърифи , тузилиши , ишлаш принципи ва созлаш йўллари . 3. Гардишсифат пичоқли ЭЗДМ -3 электр бичиш машинасини техник таърифи , тузилиши , ишлаш принципи ва созлаш йўллари . 4. Машиналарнинг бир-биридан фарқлари ва афзалликлари.

1. Бичиш цехида бажарилувчи жараёнлар таърифи Бичиш цехида асосий газламаларни тўшаш, тўшама қаватларини четини қирқиш, тўшамани устки қаватини бўр билан белгилаш, тўшамани қирқиш ва бўлакларга ажратиш, деталларни майда бўлакларгача қирқиш, уларни саралаш, бичилган деталларни номерлаш ва тикув цехларига жўнатиш ишлари бажарилади. Бунда материал 700х18000 ҳамда 17000х920 мм ўлчамли тўшама столларига тўшалади. Стол станина ва рамадан иборат бўлиб, унинг устига юпқа текстолит ёки бакелит фанер ва усти эпоксид смола билан қопланган фанер плиталари жойлаштирилган. Стол қопқоғинининг ёнига иккита чизиғич маҳкамланган. Стол устида тўшаманинг бир учини бостириб қўйиш учун механик чизиғич маҳкамланган. Столнинг олдига эса тўшаманинг иккинчи учини қисиб турадиган ва уни қирқадиган КЛ-2 (Пензалегмаш) машина-мосламаси маҳкамланган. Шунингдек, стол танасида қутичалар бўлиб, уларда хужжатлар, бўр захираси, асбоблар сақланади. Јарама-қарши тарафда эса жовонча бўлиб, унда андоза ва трафаретлар сақланади. Стол устидан электр-бичиш машиналари ток ўтказгич симларини ушлаб турувчи дор ўтган. Стол сатхида қувур-йўлларда харакатланувчи столча бўлиб, у қирқилган деталларни йиғиш ва лентали бичиш машиналарига узатиб бериш вазифасини бажаради. Турли заводлар томонидан ишлаб чиқилган тўшаш ва материал четини тўғирлаш машиналари мураккаблиги, ишни хато билан бажариши сабабли саноатда кенг қўлланилмайди. Аммо айрим механизациялашган тўшаш машиналари саноатда кенг кўламда ишлатилади, улар газламани тўшаш столи устида тортиш ва тахлаш, тўшамани бир тарафида полотноларни текислаш ҳамда материал четларини қисиб туриш вазифаларини бажарадилар. Буларга МНТ-2-00-000 ва ПНК машиналари мисол бўла олади.

МНТ-2-00-000 машинасида тўшаш тезлиги 0,4 м/с, тўшамани максимал узунлиги 7 метр, тўшама қаватининг баландлиги 150 мм бўлса; ПНК комплексида тўшама қаватининг баландлиги 120 мм, тўшаш аравачасининг тезлиги эса 37 м/мин бўлиб, унда иш унумдорлиги 50% атрофида ошади. Тўшамани тайёрлангач ва газламалани тўшамага хақиқий сарфини ҳисоблангач буюмларнинг деталлари кесилади. Деталларни кесиш икки этапда бажарилади: аввал тўшама қўзғалмас лента-пичоқли машиналарда кесиб бўлакларга бўлинувчи қисмларга қирқиб ажратилади, кейин деталлар бутунлай кесиб бўлакларга бўлинади. Тўшамани бўлакларга кесиб бўлиш қўлда бошқарилувчи ЭЗМ-2, ЭЗМ-3, ЭЗДМ-3 (Куйбишев механика заводи) ёки CS-529, CS-530 (Венгрия “Паннония” фирмаси) машиналарида амалга оширилади. Тўшамани бутунлай кесиб бўлакларга ажратиш РЛ-2, РЛ-3, РЛ-4, РЛ-5, РЛ-6 (Санкт-Петербург “Вперед” заводи) машиналарида амалга оширилади. 2. Ясси пичоқли ЭЗМ-3 электр бичиш машинасини техник таърифи, тузилиши, ишлаш принципи ва созлаш йўллари Пичоқнинг харакат тезлиги 0-4 м/с, машина электродвигатели валини айланишлари сони 2800 айл/мин, пичоқнинг харакат йўли узунлиги 40 мм, кесиладиган тўшаманинг баландлиги 130 мм гача, пичоқнинг ўлчамлари: узунлиги 180 мм, эни 20 мм, қалинлиги 0,6 мм, электродвигатель қуввати 0,25 кВт. Машинанинг ўлчамлари: баландлиги 437 мм, эни 185 мм, бўйи 330 мм, машинанинг оғирлиги 15 кг. Машина платформадан, унга махкамланган таянчдан ва таянчга қўзғалмас жойлаштирилган электродвигателдан ташкил топган. Таянч олдида тепки бўлиб, у электродвигателга нисбатан қўзғалувчан махкамланган. Тепки тўшамани платформага сиқиб туриш в тўшамани юқориги қисимларини сурилиб кетишини олдини олади. Платформа остида

тўртта ғилдираклар бўлиб, улар машинани қўлда юргазилишини ва бошқарилишини осонлаштиради. Платформа олдида пружиналаштирилган пластина бўлиб, у тўшамани стол сатхидан кўтариб, пичоққа рўпара келтириш вазифасини бажаради. Машина электродвигателга махкамланган дастак ёрдамида бошқарилади. Электродвигатель валига кривошип махкамланган бўлиб, унга юқориги бошига юмалаш подшипниги жойлаштирилган шатун кийгазилган, шатуннинг пастки подшипникли боши орқали ушлагични бармоғи ўтказилган бўлиб, у бармоққа сирпангич кийгазилган, сирпангич йўналтиригичлар орасида вертикал бўйлаб қўзғилувчан жойлаштирилган, сирпангичга ясси пичоқни ушлагичи маҳкамланган, унга ўз навбатида иккита сиқувчи винт ёрдамида таянчнинг вертикал ариқчасида жойлашган пичоқ маҳкамланган. Электродвигателни айланма ҳаракати кривошип ва шатун ёрдамида пичоқни илгарилама қайтма ҳаракат қилишни таъминлайди. Пичоқ 15-20  бурчак остида чархланади. Иш унумдорлиги пичоқни тиғини ўткирлигига ва ишчини малакасига боғлиқ. Ўртача бикирликка эга бўлган материалларни кесишда силлиқ тиғли пичоқлар, оғир материалларни кесишда – тиғи аррали пичоқлар, синтетик материалларни кесишда – тиғи тўлқинсифат пичоқлар ишлатилади. Созланиши: пичоқ энг пастки холда турганда, платформа текислигидан пастга а=1-2 мм тушиб туриши лозим, агар бу масофа кам бўлса тўшамани остки қисми кесилмайди, кўп бўлса пичоқ синади. “а” масофа пичоқни ушлагичга маҳкамланган жойидан винтни бўшатилиб, уни пастга тушириш ёки юқорига кўтариш йўли билан амалга оширилади. Сўнга винтлар махкамланади.

3.Юмолоқ (гардишсифат) пичоқли ЭЗДМ-3 бичиш машинасини техник таърифи, тузилиши, ишлаш принципи ва созлаш йўллари Бу машина баландлиги 50 мм гача бўлган тўшамаларни кесиш ва бўлакларга бўлиш учун қўлланилади. Юмолоқ пичоқнинг диаметри 120 мм, уни қалинлиги 1,5 мм, электродвигатель қуввати 0,22 кВт, уни валини айланишлари сони 1400 айл/ мин. Пичоқнинг айланиш тезлиги с м Дn V / 9 60 1400 12,0 14,3 60       Машина платформадан, таянчдан, таянчга махкамланган электродвигателдан ташкил топган. Платформа олдида тўшамани пичоққа кўтариб берувчи пружиналаштирилган пластина жойлаштирилган. Таянчга машинани бошқарувчи дастак ҳамда пичоқ ўтмаслашганда уни тиғини чархловчи икки қайроқтошли мослама жойлаштирилган. Платформа остида тўртта силлиқ роликлар бўлиб, улар машинани бошқаришни енгиллаштиради. Харакат электродвигател валидан коник илашмалар орқали пичоқ валига ўтади, пичоқ соат стрелкасига қарши тарафта айланади, бунда тўшамани столга босиб кесиш таъминланади. 4. Машиналарнинг бир-биридан фарқлари ва афзалликлари ЭЗМ-2 машиналарида кесиш сифати, аниқлиги ва иш унумдорлиги анча юқори. Бу машиналарни бошқариш ҳам анча енгил. ЭЗДМ-3 машиналарини имкониятлари чекланган, иш унумдорлиги паст, кесилган деталлар ўлчамида хатоликлар мавжуд.

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

O'xshashlar

Тайёрлов цехларининг машина ва ускуналари

Газламаларни бичиш жараёни

Андазаларни газлама устига қўйиш ва бичиш

Андазаларни газлама устига қўйиш ва бичиш

Гул босиш технологияси ва ускуналари