Taqilmalarni tikish - To'qimachilik - Referatlar

Taqilmalarni tikish

Yuklangan vaqt:

20.09.2019

Ko'chirishlar soni:

0

Hajmi:

204.5 KB

Ko'chirib olish

« Taqilmalarni tikish» Taqilmalar bostirma chok bilan ulangan qopqoqli, o’tkazma qopqoqli, kant chiqarib tikilgan, «Molniya» tasma qo’yib tikilgan bo’lishi mumkin. Kiyim turiga va modeliga qarab, izmalar maxsus mashinada yo’rmalangan, qo’lda halqa qaviqlar bilan yo’rmalangan, maxsus moslamada payvandlangan, ag’darma chok bilan tikilgan va shnurdan yasalgan to’g’ri burchakli yoki ko’zli bo’lishi mumkin. Izmalar faqat bezak uchun mo’ljallangan bo’lsa, ular o’yilma yo’rmalanadi. Bunday izmalar erkaklar va ayollar pidjak, jaketlarining adip qaytarmasi va yeng kesimlarida bo’ladi. Izmalarning kiyim bo’laklariga nisbatan joylashishi asosan modelga bog’liq. Uzunligi tugma diametridan 0,2-0,5 sm uzunroq bo’lishi lozim. Maxsus mashinada yoki qo’l qaviqlari bilan yo’rmalangan izmalar hamma kiyimlarda bo’lishi mumkin. Payvandlab tayyorlanadigan izmalar polimer tola gazlamalardan tikiladigan erkaklar ko’ylaklari, plashlar, yopinchiqlar va shu kabi kiyimlar izmalariga ishlov berishda qo’llaniladi. Ular ag’darma chok bilan tikiladigan maxsus apparatda yoki universal mashinada tikiladi. Bunday izmalar asosan ayollar ko’ylagi, plashi, paltosi va boshqa kiyimlar izmalarini tikishda qo’llaniladi. «Ko’zli» izmani tikish Ko’zli izmani tikish uchun asosiy bo’lak teskarisiga izma o’rni uchta chiziq bilan belgilanadi. Bitta chiziq uzunasiga, ikkita chiziq izma uzunligiga teng qilib ko’ndalang belgilanadi. «Ko’zli» izma mag’izi yalang qavat bo’ladi. Mag’izning o’ngini asosiy bo’lak o’ngiga qaratib qo’yiladi va uzunasiga belgi chiziqdan 0,2- 0,3 sm oraliqda bahiya qator yuritib mag’izni asosiy bo’lakka ag’darma chok bilan tikiladi. Izma «Ko’zli» bo’lishi uchun uch tomoni aylanma qilib tikiladi. Asosiy bo’lak bilan mag’iz bahiyaqatorlar orasida qirqiladi, asosiy bo’lak izma oxirida bahiyaqatorlar uchi tomoni qiyalatib kertiladi, mag’iz esa oxirigacha to’g’ri

kesiladi. Mag’iz ag’darilib asosiy bo’lak teskarisiga o’tkaziladi va 0,2-0,3 sm kenglikda kam hosil qilib izma ziylari qiya sirma qaviq bilan ko’klanadi. Izma oxiridagi uchlari universal mashinada ikki-uchta qaytarma yuritib puxtalanadi. Izma ziylari ko’zli joygacha iroqisimon qaviq bilan ko’klab qo’yiladi, mag’iz chetalirdan sm chok haqqi qoldirib qirqib tashlanadi. Qolgan hamma operatsiyalar ikki qavat mag’izli izma tikishdagidek bajariladi. Ag’darma chokli izmani tikish Ag’darma chokli izmani tikish uchun bo’lak o’ngida 4 ta chiziq bilan izma o’rni belgilanadi. Ikkita bo’ylama chiziq izma kengligini, ikkita ko’ndalang chiziq izma uzunligini belgilaydi. Bo’ylama chiziqlar o’rtasidagi oraliq 2 ta izma kantiga teng bo’ladi. Asosiy bo’lak o’rniga izma mag’iz o’ngini pastga qaratib qo’yiladi. Mag’iz qirqim tomonini teskari tomonga bukib, bukilgan ziylar bilan to’g’ri keltirib, mag’izni asosiy bo’lakka 2 tomondan bostirib tikiladi. Izma uchi qaytma bahyaqator bilan puxtalanadi. Bahyaqator izma uchini belgilab turgan ko’ndalang belgi chiziq oldida tugatiladi. Bahyaqator orasidagi asosiy bo’lak bilan mag’iz materiali bahyaqator orasida teskari tomondan bahyaqator uchlariga 0,5-0,6 sm yetkazmay qirqiladi, bu qirqim uchlarini bahyaqatorlar tomonga (ularga 0,1 sm yetkazmay) qiyalatib kertiladi. Mag’izni ag’darib bo’lak teskarisiga o’tkaziladi, choklar to’g’rilanadi, izma uchlari qaytama bahyaqator yuritib puxtalanadi. Asosiy bo’lak astarni yoki adipni izma atrofida 2,5-3 sm oraliqda asosiy bo’lakka ko’klanadi va izma ustida qirqiladi. Qirqimlar 0,3 sm kenglikda ichkari tomonga bukib, qiya yashirin qaviq bilan izma mag’izga tikiladi. Izma atrofidagi ko’klangan qaviq iplari so’kib tashlanadi va izma dazmollanadi. Molniya taqilmasini tikish

«Molniya» tasmani asosiy bo’lakka ko’rinmaydigan qilib ulash mumkin. Taqilma molniyasining tishlari ich kiyimni ilmasligi uchun kiyim teskarisiga ehtiyot ko’rimi ulanadi. Ehtiyot ko’rimi asosiy materialdan bichiladi. Uni eni 8- 9 sm, uzunligi taqilma uzunligiga teng bo’ladi. Ko’rinmaning o’ngini ichkariga qaratib uzunasiga ikki bukiladi va yuqori tomoni ag’darma chok bilan tikiladi. Keyin o’ngiga ag’dariladi va 2 ta ochiq qirqimli tomoni maxsus mashinada yo’rmalanadi. Tayyor ehtiyot ko’rinma dazmollanadi. «Molniya» tasmani asosiy bo’lak teskarisiga qo’yib, asosiy bo’lak o’ngidan bostirib tikiladi. 1. ko’zli izma; 2. ag’darma chokli izma; 3. molniya taqilmasi. Keyin asosiy bo’lakni qaytarib turib ort bo’lak chok haqqiga ehtiyot ko’rinmani uning qirqimlarini old bo’lak tomonga qaratib qo’yib, chok haqqiga biriktirib tikiladi. Taqilma pastki uchi old bo’lak teskarisidan 2 ta qaytma bahyaqator yuritib puxtalanadi. Yubka yoki boshqa kiyim turida molniya tasmani biriktirma chok bilan tikishda, kiyim choklari biriktirib tikilgandan va yorib dazmollangandan keyin tasma chetidan 4-7 sm masofada bahyaqator yuritiladi. Molniya tasmasining yuqorigi qirqimlari kiyim yuqori chetidan 0,5 sm narida tikiladi. Taqilma oxirida molniya oxirgi tishlaridan 5 mm masofada kesimga perpendikulyar qilib bahyaqator yurgazilad «TAQILMALARNI TIKISH» BO’YICHA TEXNOLOGIK XARITA

Texnologiy a asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV 1.Ko’zli izmani tikish 1.1. Izma o’rnini belgilash Chizg’ich, sm.lenta, bo’r. 1-chiziq izma o’rni; 2-3 chiziqlar izma uzunligini belgilaydi. 4-5 chiziqlar-yordamchi chiziq bo’lib uni birinchi chiziqdan yuqori va past tomoniga tayyor izmani ikkita ramkasiga teng bo’lgan chiziq chiziladi. Bir yo’la izma «ko’zi» ham belgilab olinadi

1.2. Mag ’ izni asosiy bo ’ lakka bostirib ko ’ klash Nina, angishvona Asosiy bo’lakka o’ngini o’ngiga qaratib mag’iz qo’yiladi, uning o’rtasi izma chizig’iga to’g’ri keltiriladi, mag’iz uchlari izma uzunligidan (har qaysi tomonda) 15-20 mm uzunroq bo’lishi kerak. Mag ’ iz 7-10 mm yiriklikdagi to ’ g ’ ri sirma qaviq bilan bostirib ko ’ klanadi . W 40 oddiy ip ishlatiladi 1.3. Izmani ag’darma chok bilan tikish O’zSHM 97kl PMZ 1022 kl tikuv mashinasi Izma asosiy bo’lakni teskari tomondan belgi chiziq bo’ylab ag’darma chok bilan tikiladi.

1.4. Izmani qirqish Qaychi Izma to’g’ri chiziq bo’ylab o’rtasidan to ko’zigacha qirqiladi, keyin bir nechta joydan kertib qo’yiladi. Izma ichiga 1 mm yetkazmay tugatiladi. Keyin izmaning uchi qirqiladi. Izma uchiga 3-4 mm yetkazmay kertib qo’yiladi, u bahyaqatorga 1 mm yetkazmay tugatiladi. 1.5. Izmaga NII berish Dazmol, dazmolmato, suvpurkagich Tayyor izma ustiga nam mato qo’yiladi, tekislab dazmol yordamida issiqlik ishlovi beriladi. II. Ag’darma chokli izmalarni tikish (2 mag’izli usul bilan tikish) 2.1. Nazorat andozalari bo’yicha gazlama parchasini tekshirish. Bo’r, nazorat andozasi Bo’r chiziqlarining qalinligi 1-2 mm dan oshmasligi kerak.

2.2. Qirqim- larni tekislash Qaychi Bo’r chizig’i o’rtasidan qirqiladi, qaychi stolga nisbatan perpendikulyar qilib ushlanadi. 2.3. Mag’izlar ni bukib dazmollash Dazmol Mag’izlarni uzunasiga ikki bukib dazmollanadi. 2.4. Izma o’rnini belgilash. Bo’r, chizg’ich Izmalarni bo’lakni o’ng tomoniga qo’shimcha andoza yordamida 4 ta chiziq bilan belgilanadi. 1-2-izma o’rnini belgilovchi bo’ylama chiziqlar; 3-4-izma uzunligini cheklaydigan ko’ndalang chiziqlar 2.5. Mag’izlar ni ulash Universal tikuv mashinasi Mag’izlar bo’lakning o’ngiga qo’yilib, bukilgan kant eniga ichkaridan ulanadi. Bahyaqatorlar parallel bo’lishi va izma o’lchamini bildiradigan ko’ndalang chiziqlar yaqinida bir joyda tugashi zarur.

2.6. Izmani qirqish Qaychi Bahyaqatorlar orasida izmaning o’rtasidan boshlab ikki tomonga chiqariladi. Izmaning uchlariga 5 mm qolganda bahyaqatorlarning uchlari tomon ularga 1-2 mm yetkazmay qiya qirqiladi. Mag’izlar asosiy bo’lakning teskarisiga ag’darilib kantlar ma’lum yo’nalishda to’g’rilanadi. 2.7. Izma uchlarini puxtalash Universal tikuv mashinasi Izmaning uchlarida asosiy bo’lak o’ngiga qayriladi. Mag’izlarning uchlari tortiladi. Burchaklari tekislanadi va izmaning uchlari burchaklar asosi bo’yicha mashinada qaytma bahyaqator yuritib puxtalnadi. 2.8. Mag’izlar ni birktirib ko’klash Igna, angishvona Mag’iz bir-biriga yaqinlashtirilib qiya sirma qaviqlar bilan vaqtincha ko’klanadi.

2.9. Izmaga NII berish Dazmol, dazmol mato Jun gazlamalari uchun dazmolning qizish harorati 130  S dan 150  S gacha. Izma namlangan dazmolmato qo’yib quriguncha dazmollanadi. III . Molniya 3.1.Taqilma qirqimiga molniya taqilmasini ko’klash Igna, angishvona Taqilma o’rni belgilangan chiziq bo’ylab molniya taqilmasi mag’zi qirqimga ochiq holatda o’ngga qaratib qo’yiladi va qaviqqator bilan ko’klab ulanadi.

3.2. Molniya taqilmasini biriktirib tikish. Maxsus universal mashina Buning uchun asosiy bo’lakning o’ngiga mag’izning o’ngini qaratib qo’yib qirqimlarni bir-biriga to’g’ri keltirib modelga binoan 0,5-0,8 sm kenglikda chok bilan mag’iz asosiy bo’lakka ulanadi. Mag’izni asosiy bo’lak teskarisiga ag’darilib o’tkaziladi, chok to’g’irlanib asosiy bo’lakdan 0,1-0,2 sm kenglikda kant hosil qilib dazmollanadi 3.3 Molniya taqilmasiga bezak ishlov berish Maxsus universal mashina Biriktirib tikilgan molniya taqilmasi o’ngi tomonidan 0,4-0,7 sm kenglikda bostirma bezak bahyaqator yuritib tikiladi.

3.4. Molniya taqilmasida gi qaviqqator iplarini olib tashlash qaychi Molniya taqilmasini ko’klashdagi vaqtincha qaviqqatorlar oralatib qirqiladi va qaviqqator iplari sug’irib olib tashalanadi. 3.5. Molniya taqilmasiga NII berish Dazmol, dazmolmato, suvpurkagich Tayyor taqilma ustiga dazmolmato qo’yib qurigunga qadar tekislab NII beriladi.

O'xshashlar

Kashta tikish

Ayollar yubkalarini tikish

Erkaklar shimini tikish

YO`RMASH-TIKISH MASHINALARI

Ustki kiyimlar yenglarini tikish