Консервалашда кўлланиладиган материаллар ва тўзлукли эритмаларни регенерациялаш - To'qimachilik - Referatlar

Консервалашда кўлланиладиган материаллар ва тўзлукли эритмаларни регенерациялаш

Yuklangan vaqt:

20.09.2019

Ko'chirishlar soni:

0

Hajmi:

53 KB

Ko'chirib olish

Консервал ашда қўлланиладиган материаллар ва тўзлукли эритмаларни регенерациялаш Режа: 1. Консервалашда қўлланиладиган материаллар 2. Консерваловчи аралашмани тайёрлаш 3. Консерваловчи эритмани тайёрлаш 4. Тўзлукли эритмаларни регенерациялаш

Таянч иборалар: Консерваловчи материаллар, антисептиклар, консерваловчи аралашма, консерваловчи эритма, тузлук, регенерация, қайнатиш билан регенерациялаш, хлорли охак билан регенерациялаш, ишлатилган тузни регенерациялаш. Консервалашда қўлланиладиган материаллар. Натрий хлорид (ош тўзи) ҳозирги вақтда чарм ва мўйна хом ашёсини турли усуллар билан консервалашда асосий консерваловчи материал ҳисобланади. Консервалашда натрий хлорид кўпчилик чирикли бактерияларнинг ривожини тўхтатади, осмотик ва диффўзион ходисалар натижасида тери тўқимасининг ичига сингиб, хом ашёни сувсизлантиради. Кимёвий таркиби бўйича ош тўзи натрий хлорид ва бир оз миқдордаги аралашмалар, жумладан хлоридлар ҳамда кальций ва магний сульфатларидан иборат. Консервалашда қўлланиладиган ош тўзида қуйидаги аралашмаларнинг бўлишига рухсат этилади, %: магний хлорид -1; кальций ва магний сульфатлари -1,5; темир оксидлари – излари. Ош тўзининг намлиги 5%дан ошмаслиги лозим, чунки қуруқ ош тўзи, ҳўл тўзга нисбатан тезроқ сувсизлантиришга кўмаклашади. Консервалаш учун тўзни ҳавонинг намлиги 70% дан ошмаган қуруқ хонада сақлаш зарур, бундай шароитда тўз нам тортмайди. Тўз кристалларининг ўлчамига қараб уч тортишда бўлади: №1 – кристалларнинг диаметри 1,2 мм дан катта эмас; №2 – 2,5 мм ва №3 – 4,5 мм. Кристалларнинг ўлчамлари ҳам консервалаш жараёнига таъсир этади. Агар ёйиб тўзлашда №1 ва №2 тортишдаги тўзлардан фойдаланилса, жараён тезроқ кечади. Катта шохли моллар терисини ёйиб тўзлашда тўз кристалларининг ўлчамлари 3мм атрофида, кичик хом ашё учун 1-2 мм бўлиши зарур.

Ишлатилган тўз ўзида кўп миқдорда ифлосликлар ва микроорганизмлар сақлайди. Булар терида қизил доғлар хосил қилади, шунинг учун уни қайта ишлатиш, хатто тоза тўз билан аралаштириб ишлатиш ҳам тавсия этилмайди. Тўзни қайта ишлатиш учун мувофиқ равишда тозаланиши ва намлиги 5% дан ошмаслиги лозим. Регенерациялашнинг энг яхши усули уни қайнатиш ва қуритиш ҳисобланади. Ош тўзи тоза шилинган тери массасига нисбатан 40%, тўзланган тери массасидан – 15-20% миқдорда сарфланади. Консервалаш самарасини кучайтириш мақсадида натрий хлориддан ташқари антисептиклар – микроорганизмларни парчалаш қобилиятига эга (формалин, фенол ва унинг ҳосилалари) ёки уларнинг ривожланиши ва таъсирини тўхтатадиган (натрий ёки аммоний гексофторсиликат, натрий карбонат, нафталин ва бошқалар) кимёвий бирикмалар ишлатилади. Консервалаш жараёнида антисептиклар сифатида нафталин, парадихлорбензол, гексафторсиликат натрий, натрий карбонатни қўллаш мақсага мувофиқ. Нафталин - ароматик қатор углеводороди бўлиб, тошкўмир смоласини қайта ишлаш жараёнида олинади. Кимёвий тоза нафталин оқ, ялтироқ кристаллар кўринишида бўлиб, махсус кучли ҳидга эга. Сувда эримайди, аммо спирт, ацетон ва бошқа органик эритувчиларда яхши эрийди. Қиздирганда осонгина газ ҳолатига ўтади. Одатда тўзламасдан қуритиб консерваланган хом ашёни куя ва терихўр қўнғизлардан ҳимоялаш учун қўлланилади. Ҳўл тўзлаб консервалашда натрий хлоридга қўшимча сифатида қўшилади. Нафталиннинг натрий карбонат билан аралашмаси терини чиришдан самарали сақлайди. Нафталин хом ашё массасидан 0.5- 0.8% миқдорда сарфланади. Парадихлорбензол – оқ кристалли кукун, бодом хидини эслатувчи кучли ҳидга эга. Сувда эримайди, аммо спиртда, эфир, керосин ва бошқа органик эритувчиларда осонгина эрийди. Нафталинга нисбатан 10 марта

тез буғланади, унинг буғлари ҳавога қараганда 5 марта оғир. Ҳашаротлар учун унинг буғлари заҳарли, одам ва ҳайвонлар учун зарарсиз, аммо заҳарли химикат сингари сақланади. Парадихлорбензол таъсирида хўл тўзлаш жараёнида баъзи микроблар ўлади, баъзиларнинг ривожланиши тўхтатилади. Қизил доғлар билан зарарланган терилар парадихлорбензолнинг буғлари таъсирида қайта нормал кўринишга эга бўлади. Парадихлорбензол билан консерваланган хом ашёни сақлашда, унинг оғир буғлари терилар орасидаги бўшлиқларни тўлдириб, микробларнинг ўсишини тўхтади. Парадихлорбензол хом ашё массасидан 0.3-0.5% миқдорда сарфланади. Одатда парадихлорбензол антисептик сифатида натрий хлор билан мос равишда ишлатилади. Шунингдек уни, нафталин сингари тўзламасдан қуритиб консерваланган хом ашёни куя ва терихўр қўнғизлардан ҳимоя этиш мақсадида қўллаш мумкин. Тўғри жойлаштирилган штабелларда парадихлорбензолнинг буғлари узоқ вақт сақланади, шунинг учун штабелни йил давомида бўзмаслик мумкин. Штабелда ҳарорат 25-28 0 С бўлса, парадихлорбензол хом ашёни узоқ вақт сақлаш имконини беради. У хом ашёни ортиқча қуришдан сақлайди. Гексафторсиликат натрий - оқ рангли майда кристалли кукун, баъзан қўлранг ёки сариқ тусли бўлади. Сувда кам эрийди. Натрий хлориднинг тўйинган эритмасида эса янада камроқ эрийди. Консерваловчи аралашма таркибида хом ашё массасидан 1% киритилади. Аралашма диққат билан аралаштирилиши зарур. Олиб борилган текширишлар шуни кўрсатадики, ош тўзи ва натрий гексафторсиликат аралашмаси билан 30 0 С ҳарорат ва 85% нисбий намликда консерваланган терилар 6 ой мобайнида сақлангандан сўнг ҳам, янги тўзланган кўринишга эга бўлган. Натрий гексафторсиликат заҳарли, шунинг учун у билан ишлашда ҳамма техника хавфсизлик қоидаларига риоя қилиш зарур.

Кальцинирланган сода - қиздирилган сувсиз натрий карбонат – юпқа кристалли кукун, жуда гигроскопик, сувда осон эрийди. У хом ашёда тузли доғлар ҳосил бўлишидан сақлайди. Ош тузи ва парадихлорбензол аралашмасига қўшиб упука, бузоқ ва яримчармликларни (ош тузи массасидан 3%) консервалашда қўлланилади. Консерваловчи аралашмани тайёрлаш. Консерваловчи аралашмани тайёрлаш учун қуйидаги компонентлар, тоза шилинган тери массасидан % ҳисобида олинади: ош тузи – 40, антисептиклардан парадихлорбензол – 0.4 ёки нафталин - 0.5 ёки натрий гексафторсиликат 1-1,2. Упука, бузоқ ва яримчармликни консервалаш учун аралашмага 0.8-1.2% кальцинирланган сода қўшиш тавсия этилади. Кичик хом ашёни консервалаш учун №2 тортишдаги туз ёки №2 ва №1 тортишдаги тузларнинг бир хил миқдордаги аралашмаси, катта хом ашё учун №3 тортишдаги туз олинади. Консерваловчи аралашманинг ҳамма компонентлари диққат билан аралаштирилади, аралашма бир жинсли ва бир текис рангда бўлиши керак. Аралашмани тайёрлаш учун махсус барабан – қоргичлардан фойдаланиш мақсадга мувофиқдир. Ош тузи, парадихлорбензол ёки нафталинли аралашма фақат бир кунлик фойдаланиш учун тайёрланади, чунки антисептиклар тезда буғланиб кетади. Консерваловчи эритмани тайёрлаш. Хом ашёни тузлукли усулда консервалаш учун маълум конуентрацияли тузлук талаб этилади. Тузлук олдиндан суюқлик коэффициентини ҳисобга олиб тайёрланади. Суюқлик коэффициенти хом ашё ва аппаратлар турига қараб 2,5-4 гача бўлиши мумкин. Тузлук 100 л сувга 30-35 кг натрий хлорид ҳисобидан тайёрланади. Натрий ёки аммоний гексафторсиликат 100 л сувга 70-100 г миқдорида, дастлаб эритиб, сўнгра қўшилади. Упука, бузоқ ёки яримчармликни консервалашда тузлукка ош тузи массасидан 2-3% натрий

карбонат қўшиш мақсадга мувофиқ. Тузлукни тайёрлаш учун тоза туз олинади. Эритманинг ҳарорати 12-20 0 С. Тузлукнинг тўғри тайёрланганлиги, унинг зичлигини аниқлаб текширилади. Зичлик 1.19-1.2 г/см 3 бўлиши лозим. Зичлик ареометр ёрдамида текширилади. Тузлукли эритмаларни регенерациялаш. Териларни консервалашда ишчи эритмалар қон, навал, оқсиллар ва уларнинг парчаланиш махсулотлари билан ифлосланади. Бир неча марта фойдалангандан сўнг, бу эритмаларни канализацияга оқизишга тўғри келади. Катта шохли молларнинг терисини консервалашда бир тузлук эритмасининг ўзини – 7 марта, чўчқа терилари учун - 5 марта ва қўй терилари учун – 3 марта фойдаланилади. Эритма қайта фойдаланишдан олдин ҳар сафар тўйинтирилади, чунки тери ичига сарфланадиган тузнинг 40%и ёки ўртача 1 кг хом ашёға 140 г туз диффўзияланади. Тузлуклашдан сўнг эритмага қолган туз миқдори 1 кг хом ашёға 200 г атрофида ёки тоза шилинган тери массасига нисбатан 20% ни ташқил этади. Бир тузлукни ўзини қўллаганда унинг зичлиги 0.175-1.180 гача пасаяди. Қуруқ ош тузини чан ёки баркасларга қўшиш, керакли самарани бермайди, чунки эритма ҳароратининг пастлиги туфайли тузнинг каттагина қисми эримасдан чан тубига чўкади. Бундан ташқари тузнинг эришига чан ёки баркаслар парракларининг механик таъсирига учрамайдиган ўлик зоналари ҳам таъсир қилади. Консерваловчи аппаратларни юқори зичликдаги тоза эритма билан таъминлаш учун намакоблар регенерацияланади ва бир вақтнинг ўзида тўйинтирилади. Тоза эритмалар қўлланилганда териларни ишлов бериш технологияси, уларнинг сифати ва ўз навбатида чарм яриммахсулотининг сифати ҳам яхшиланади.

Косерваловчи эритмалар қайнатиш, оҳакли хлор, алюминий сульфат ёки алюминий-калийли аччиқтош эритмалари, фильтрлаш, шунингдек флотация усуллари билан регенерацияланади. Тузлукли эритмаларни қайнатиш билан регенерациялаш. Бу усул билан регенерациялаш ёғоч ёки темир-бетонли чанларда амалга оширилади. Чанларнинг тубида зангламайдиган пўлатдан тайёрланган илонсимон мослама ўрнатилган. Чанга ишлатилган тузлук эритмаси қўйилади, сўнгра илонсимон мослама орқали буғ ўзатилади. Қайнатиш 15-20 минут (эритма қайнаш вақтидан бошлаб) давом этади. Шундан сўнг эритма иссиқлик алмаштиргичларга юборилади, у ерда совутилади ва тиндирилади. Совуган эритма зич мато орқали филтрланади ва тоза туз билан 1,2 зичликгача тўйинтириш учун чангга юборилади. Тиндиргич бўшагандан ва филтрлаш тугагандан сўнг, тиндиргич ва филтр яхшилаб ювилади. Эритмаларни хлорли оҳак билан регенерациялаш. Ишлатилган тузлукли эритма қувур орқали йиғгичга оқизилади, у ердан насос билан тортиб тиндиргичга ўзатилади. Хлорли оҳак аралаштиргич билан таъминланган махсус бочкада 30-50% оҳакли сут кўринишида тайёрланади. Бочкадан оҳакли сут тиндиргичнинг биринчи бўлимига юборилади, у ерда оҳакли сут ва ишлатилган тузлукли эритма 2- 3 дақиқа давомида сиқилган ҳаво билан аралаштирилади. Ҳосил бўлган кўпикни тиндиргич тубига чўкмаслиги учун узоқ муддат аралаштириш тавсия этилмайди. Тузлук ва оҳак аралашмаси 1 соат тиндирилади, натижада ивиб қолган оқсил ва ифлосликлар юзага чиқади. Тиндирилган тоза тузлук тиндиргичнинг иккинчи бўлимига фильтр орқали қўйилади. Тозаланган ва тўйинтирилган тузлукли эритма консервалаш учун аппаратга қайта ўзатилади. Фаоллиги – 25% бўлган оҳак 1 л га – 10 г ёки консерваловчи эритма ҳажмига нисбатан 1% миқдорда сарфланади.

Ишлатилган тузни регенерациялаш. Териларни туз билан консервалашда унинг каттагина миқдори ифлосланади, шунинг учун уни тозаламай қайта ишлатиш мумкин эмас. Туз икки усулда: уни сувда эритиб, сўнгра эритмани тузлукни регенерациялаш каби регенерациялаш йўли билан, ёки иссиқ тузлукли эритма, 0.1% натрий кремнийфтор қўшилган иссиқ ёки иссиқ сувда ювиш йўли билан тозаланади. Ювишдан сўнг туз 5-8% намликгача қуритилади. Ишлатилган тузли эритма кўпроқ оҳакли хлор билан регенерацияланади. Оҳакли хлор билан аралаштирилган тузли эритма тиндиргичда 1 сутка давомида тиндирилади.

Фойдаланилган адабиётлар: 1. А.Ф.Кост ы лёв и другие “Товароведение и технология первичной обработки кожевенного с ыр ья” М. Легпромбытиздат, 1988. 396 с. 2.Е.В.Гаевой «Обработка кожевенного сырья меховой и шубной овчины на мясокомбинатах» М. Пищевая промышленность. 1987. 196 с.

O'xshashlar

Чарм ва мўйна хом – ашёсини консервалашнинг физик кимёвий асослари ва консервалаш

Нотукима материаллар ишлаб чикариш учун кўлланиладиган хом ашё

Констркцион материаллар

Материаллар ва кийим-кечакнинг таснифи

Хром чикиндиларидан унумли фойдаланиш