Кенг имкониятли тикув машиналарининг игна механизмлари - To'qimachilik - Referatlar

Кенг имкониятли тикув машиналарининг игна механизмлари

Yuklangan vaqt:

20.09.2019

Ko'chirishlar soni:

0

Hajmi:

2124 KB

Ko'chirib olish

Кенг имкониятли тикув машиналарининг игна механизмлари Режа: 1. Механизмларни қўллашдан мақсад. 2. Механизмларни турлари. 3. 1022-М синф машинасини игна механизми. 4. 97-А синф машинасини игна механизми. 5. 597 синф машинасини игна механизми. 6. 862 синф (852 синф) машинасини игна механизми. 7. Игна механизмларидаги созлашлар.

1. Механизмларни қўллашдан мақсад Игна механизми буюмларни тешиб ўтиш, унга юқориги ипни ўтказиш ва ипдан солқи (халқа) ҳосил қилиш вазифасини бажаради. 2. Механизмларни турлари Машинани қўллашга қараб игна оддий (тўғри ёки эгри чизиқли), мураккаб (бир ёки икки текисликда) ва фазовий мураккаб харакатлар қилиши мумкин. Игна механизмлари кривошип-ползун, кривошип-кулиса, кривошип- кулачокли, олтибўғинли, фазовий тўртта бўғинли ва кўп бўғинли механизмларга турланади. Кўпроқ кривошип-ползун турли механизмлар қўлланиб, улар содда, керакли харакат қонуниятини таъминловчи, яхши динамик белгиларга ва ишлашда маромлидир. Бу механизмлар уч тузилишли бўлиши мумкин: марказий ёки аксиал, номарказий ёки дезаксиал, шатуни бош валдан юқорида жойлашган. Марказий игна механизми кенг қўлланилади, унда игнани ишчи ва салт харакатлар вақти ўзаро тенг. Дезаксиал механизмда игнани ишчи йўли кўп бўлиб, салт йўли камроқдир. Бундай механизмлар синиқ баҳяқатор билан тикувчи 26-А, 75, 331, 335 синф машиналарида ишлатилади. 3. 1022-М синф машинасини игна механизми Бу машинада кривошип-шатун типли игна механизми қўлланилган бўлиб, у қўйидагича тузилган. Икки юмалаш подшипнигига бош вал эркин жойлаштирилган бўлиб, унинг ўнг тарафига шкив (маховик, гардиш) кийгазилган ва икки қадалувчи винт ёрдамида махкамланган (Расм 1). Бош

вални чап тарафига бир жойлаштирувчи винт ёрдамида кривошип махкамланган. Кривошипга икки елкали бармоқча кийгазилиб, у икки винт ёрдамида махкамланган. Икки елкали бармоқчани ташқи елкасига шатунни игнали подшипниги бўлган юқориги боши кийгазилган ва чап резбали винт билан бармоққа эркин махкамланган. Расм Расмда: 1. Бош вал. 2. Юмалаш подшипниклари. 3. Шкив. 4. Кривошип. 5. Икки елкали бармоқча. 6. Игнали подшипниклар. 7. Шатун. 8. Хомут бармоғи. 9. Сирпангич. 10. Вертикал йўналтиргич. 11. Игна юритгич (игна стержени). 12. Тортувчи винт. 13. Йўналтирилгичлар. 14. Игна. 15. Јадалувчи винт. Шатуннинг пастки боши орқали хомутикни бармоғи ўтказилган, унинг охирига вертикал йўналтиргич ичидаги сирпангич кийгазилган. Хомутнинг тешиги ва икки вертикал йўналтиргич орқали ичи бўш игна юритгич

ўтказилган ва тортувчи винт ёрдамида хомутга махкамланган. Игна юритгични пастига ўқи бўйлаб тешилган ариқчага игна колбаси киргазилган ва қадалувчи винт ёрдамида махкамланган. Бош вал айланганда кривошип икки елкали бармоқ ёрдамида шатунни юқориги бошини юқорига кўтарса унинг пастки боши игна юритгични ҳам юқорига тортади, бунда игна материалдан чиқади, аксинча кривошип бармоқча ёрдамида шатунни юқориги бошини пастга босса, унинг пастги боши ҳам пастга босилади ва ўз навбатида у хомут ёрдамида игна юритгични пастга босади, натижада игна материални тешиб ўтади. Демак, бош валнинг айланма харакати кривошип ва шатун ёрдамида игна юритгични илгарилама- қайтма харакат қилишига олиб келар экан. 4. 97-А синф машинасини игна механизми Бу машинани игна механизми тузилиши бўйича 1022-М синф машинасидагидекдир. 5. 597 синф машинасини игна механизми Бу машинани игна механизми 97-А машинасини игна механизми каби бўлиб, унда қўшимча игнани машина платформаси эни бўйлаб тебранма ҳаракат қилиш узели бор. Бу узел тикилаётган буюмлар қаватларини бир- бирига нисбатан силжишини олдини олади. Шунингдек, бунда игнани машина платформаси эни бўйлаб харакати, игна материални тешиб ўтганда ва тишли рейка билан бир вақтда рўй беради (Расм 2). Бу харакатни игна горизонтал харакат валидан олади. Агар горизонтал харакат вали соат стрелкасига қарши айланса, у кетинги коромисла ёрдамида тортгични юқорига кўтаради, бунда юқориги игна вали соат стрелкаси бўйича бурилади, у айрисимон ричагни ўша тарафга буради, натижада сирпангич, бармоқ ва шатун ёрдамида игна юритгич роми соат стрелкаси

йўналиши бўйича бурилади ва игна материални ишчидан қарама-қарши тарафга суради. Расм Расмда: 1. Горизонтал харакат вали. 2. Коромисла. 3. Тортгич. 4. Коромисло. 5. Тортувчи винт. 6. Игна вали. 7. Айрисимон ричаг. 8. Сирпангич. 9. Бармоқ. 10. Бирлаштирувчи бўғин. 11. Ўқ. 12. Игна юритгич роми. 13. Игна юритгич. 14. Игна. 15. Јадалувчи винт. 6. 862 синф машинасини игна механизми Бу механизм ҳам 597 синф машинасининг игна механизми каби бўлиб, тузилиши бўйича сал фарқ қилади ва қуйидаги кўринишга эга (Расм 3).

Расм. 7. Игна механизмидаги созлашлар: Игнани моки бурнига нисбатан вертикал бўйлаб холати 12 винтни бўшатилиб (Расм 1) 11 игна юритгични юқорига ёки пастга суриш йўли билан амалга оширилади, бунда игна энг пастки холатга келганда унинг кўзчасини ярими ғалчак ушлангич деворидан кўриниб туриши керак. Агар кўринмаса машина тикмайди (игна юритгични пастга тушириш керак), тўлиқ кўринса игна синади ҳамда машина ташлаб-ташлаб тикади (игна юритгични юқорига кўтариш керак). 597 ва 862 синф машиналарида игнани тишли рейка ўйиғига нисбатан холати 1 горизонтал харакат валидаги (Расм 2) 2 коромислани винтини бўшатиб, уни соат стрелкаси бўйлаб ёки унга қарши буриш йўли билан амалга оширилади.

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

O'xshashlar

Кенг имкониятли тикув машиналарининг ип тортгич механизмлари

Тикув машиналарининг ёрдамчи механизмлари

Тикув машиналарининг буюмни суриш механизмлари

Тикув машиналарини моки механизмлари

Тикув машиналарини классификацияси. Тикув саноати хақида умумий маълумотлар