Кашта тикиш машиналари - To'qimachilik - Referatlar

Кашта тикиш машиналари

Yuklangan vaqt:

20.09.2019

Ko'chirishlar soni:

0

Hajmi:

51 KB

Ko'chirib olish

Кашта тикиш машиналари Режа: 1. ВМ-50 машинасини қўллашдан мақсад. 2. Машинанинг техник таърифи. 3. Бир ипли занжирсимон попопп баҳяқаторининг хосил бўлиш жараёни. 4. Машинанинг механизмлари хақида маълумот. 5. ВМ-50 машинасида бажарилувчи баҳяқаторлар тури. 6. Машинада ишлаш усуллари. 7. Кашта тикиш ярим автоматлари.

1. ВМ-50 машинасини қўллашдан мақсад Машина аёллар ва қиз болалар кийимларига, бош кийимларга, кўрпа- ёстиқ жилдларига, дастурхон-сочиқларга, безак газламаларга, байроқларга ва турли бошқа буюмларга занжирсимон попопп баҳяқатор юритиб безашга мўлжалланган. 2. Машинанинг техник таърифи Асосий валнинг аланиш частотаси, айл/мин 600-1200 Баҳяқаторнинг узунлиги, мм 0-3,0 Игналар 21-А, № 75-130 Машинанинг ўлчамлари, мм: Узунлиги 520 Эни 200 Баландлиги 50 Оғирлиги, кг 21 3. Бир ипли занжирсимон попопп баҳяқаторининг хосил бўлиш жараёни Машинада халқа хосил қилиш жараёнида илгакли игна, капсуль ва игна пластинасининг тагида жойлашган айлантиргич иштирок этади. Баҳяқатор қуйидаги кетма-кетликда хосил қилинади. Бунда игна пастга тушиб, буюмни теша бошлаганида, капсуль хам пастга тушиб, буюмни игна пластинасига босади. Игна энг пастги холатга етганида айлантиригич, игна атрофида 180 ° бурчакка бурилиб, ўз ипини игнанинг илгагига илади. Сўнгра игна айлантиргичнинг ипини юқорига олиб чиқади ва аввалги халқа ичига

киритади. Бу пайтда капсуль хали хам пастки холатда бўлиб, буюмга аввалги халқани босиб туради. Натижада игна буюмдан чиқаётганида унинг илгаги халқани илиб кетаолмайди. Игна кўтарилганидан кейин капсуль хам кўтарилади, тепки пастга тушиб, материални белгиланган йўналишда суради. Газламанинг сурилиши охирлаб қолганда, игна яна пастга туша бошлайди ва газламани тешиб ўз халқасини уни юзасида қолдиради. Капсюль пастга тушиб, шу халқани буюмга босади. Сўнгра жараён яна такрорланади. 4. Машинанинг механизмлари хақида маълумот Машина ясси платформа ва ичида бош вал айланиб турадиган машина танасидан иборат. Валнинг ўнг томони маховик ғилдиракни тутиб туради, бу ғилдирак айни вақтда юритиш шкиви ролини ўйнайди. Машина танасининг устки сатхида ипли бобина учун кронштейн ўрнатилган. Машина танасининг чап томонида игна, капсуль, безак ўрагич ва материалларни суриш механизмлари бор. Машина платформаси тагида айлантиргич механизми ва машинани ишга туширишга ва буюмларни исталган томонга суришга хизмат қилувчи бошқариш дастаги бор. 5. ВМ-50 машинасида бажарилувчи баҳяқаторлар тури Турлича ростлаб ва баъзи бир деталларни алмаштириб, машинада баҳяқаторлар турларини 10 тагача етказиш мумкин. 1. Бир йўлли занжирсимон попопп баҳяқатори. Бу баҳяқатор хамма кашта турларида мустақил баҳяқатор сифатида, шунингдек бошқа баҳяқаторларнинг элементи сифатида қўлланилади. Бунда безак ўрагич механизмини тўхтатиб қўйилади ёки олиб қўйилади. 2. Занжирсимон икки йўлли баҳяқатор. Бу баҳяқатор иккита параллел баҳяқатордан иборат бўлиб, мустақил баҳяқатор сифатида камдан кам

ишлатилади, у кўпинча безак ўрамли қилиб ишлатилади. Бунда безак ўрагич механизми тўхтатиб қўйилади, иккита шомпол, қўшалоқ айлантиргич, икки тешикли игна пластинаси ва иккита игна ишлатилади. 3. Бир йўлли сийрак ёки зич безак ўрамли баҳяқатор. Бунда безак ўраш механизми ишга туширилади. Бир йўли безак ўрами баҳяқатор ингичка шнур шаклида бўлиб, кўзга жуда чиройли кўринади. Бунда оддий капсуль ўрнига, конуссимон каллакли капсуль ишлатилади, бундай капсюльдан безак ўрам ипи осонгина пастга сирпаниб тушади. 4. Икки йўлли зич ёки сийрак безак ўрамли баҳяқатор. Уни кескин кўзга ташланиб турадиган йирик баҳяқатор бўлгани учун кўпинча кашта гулига асос қлиб олинади. 5. “Ингичка шнур” баҳяқатор у айлантиргич ипидан, безак ўрамидан ва каркас ипидан иборат бўлади. “Ингичка шнур” баҳяқатор мустақил бўртма сифатида хам бошқа баҳяқаторлар билан биргаликда қўлланилади. Бундай баҳяқатор чиқариш учун ғовак игна тутгич ишлатилади. 6. “Јалин шнур” баҳяқатор. Бу баҳяқатор кўпинча бошқа баҳяқаторлар билан биргаликда ишлатилади, чунки агар кашта фақат шу баҳяқаторнинг ўзидан иборат бўлса, уни кўриниши қўполроқ чиқади. 7. “Солқи безак” баҳяқатор. Бундай баҳяқаторга мўлжалланган кашта гули буюмлар билан тўлдириб қоплаш кўринишида тузилган. Бу баҳяқатор битта айлантиргич ипидан иборат бўлиб, материал устида солқи халқалар қолдиради. Бунда цилиндрик каллакли капсуль ўрнига босиш юзаси камроқ бўлган конус каллакли капсуль ишлатилади. Резина халқали суриш тепкиси ўрнига, баҳяқаторни эзмайдиган тишли тепки ишлатилади. Безак ўрагич механизми тўхтатиб қўйилади. Игна илгагидан солқи халқа енгил тушиб қолиши учун, игна учини ташқари томонга букилиб кесиб ташланади ва силлиқлаб қўйилади. “Солқи безак” баҳяқатор юритишда кўпинча жун ип ишлатилади, чунки у жуда қайишқоқ бўлиб, каштани ниҳоятда сифатли ва салобатли

қилиб кўрсатади. Бунда ипнинг таранглиги анча кам бўлиши керак. Баҳя йириклиги ипнинг қалинлигига қараб 1-1,5 мм га тенг қилиб созланади. 8. “Айқаш баҳяқатор”. Бундай баҳяқатор билан тикилган гулнинг хусусияти шундан иборатки, уни фақат эгри чизиқ бўйлаб юритиш мумкин. Шунинг учун “айқаш” баҳяқатор юритишга мўлжалланган кашта гулларини маълум кетма-кетликдаги бирикмалари турли ўлчамдаги ёйлардан иборат қилинади. “Айқаш” баҳяқаторнинг безак ўрами билан ўралган занжирсимон баҳялари буюмни игна тешган жойларидан анча нари тортилиб туради. Тикиш вақтида баҳялар тортилиб қолмослиги учун игна тутгич бир мунча юқорироқ ўрнатилади. “Айқаш” баҳяқаторни чиқариш учун безак ўрагичи ипининг таранглигини оширилиб, айлантиргич ипи бўшатилади. Айниқса ипакдан тикилган “айқаш” баҳяқаторнинг кўриниши жуда чиройли ва ихчам чиқади. 9. Сутаж тикиш. Сутаж машинада бир йўли занжирсимон баҳяқатор юритилиб, турли эгри чизиқ бўйлаб тикилади. Сутажнинг таранглиги унинг тагидаги материал тортилиб қолмайдиган қилиб ростланган бўлиши керак, бўш тарангланган сутаж буюм устида илон изи бўлиб тушади ,бу эса кашта сифатини пасайтирилиб юборади. 6. Машинада ишлаш усуллари Тикув машинада ишлаётганда дастакни бошқараётган қўлнинг харакатлари билан буюмнинг расм чизиқларига мувофиқ силжиши мос бўлиши керак. Хар бир янги кашта гулини тика бошлашдан олдин тикувчи унинг тузилиши билан танишиб чиқади, баҳяқаторлар қандай кетма-кетликда юритилишини аниқлаб олади. Агар кашта гули бир неча баҳяқаторлардан иборат бўлса, уларни маълум кетма-кетликда бажариш тавсия қилинади: олдин бир йўлли ёки икки йўлли баҳяқатор юритилади, кейин бир йўлли ёки икки йўлли безак ўрамли баҳяқатор, сўнгра “айқаш” “ингичка шнур” ёки

“қалин шнур” баҳяқаторлари ва нихоят “солқи безак” баҳяқаторлар юритилади. Каштани тикишдан олдин суриш тепкисини кўтариб, унинг тагига материал билан тортилган ипларни қўйиб, кейин тепки туширилади. Агар кашта юпқа материалга тикиладиган бўлса, унда материал эзилмаслиги учун унинг тагига папирос қоғози ёки юпқа қоғоз қўйилади. Агар цехда бир нечта ВМ-50 машинаси бўлса, мураккаб нусхали кашта гулини машинани бир баҳяқатордан иккинчисига қайтадан созламай туриб, бошқа-бошқа машиналарда бирин-кетин тикиш лозим. 7. Кашта тикиш ярим автоматлари 8630 синф “Текстима” (Германия) фирмасини тўртта бош қисмли ярим автомати аёллар ва қиз болалар, эркаклар кўйлакларини, кўрпа-ёстиқ жилдларини ва дастурхон-сочиқларни безашда икки ипли моки баҳяқатори юритиб, хар хил рангдаги иплардан кашта гули тикишда ишлатилади. Машина бош валининг айланиш частотаси 300 айл/мин, тўғри йўналишдаги баҳя йириклиги 0,1-4 мм, диоганал бўйича баҳянинг максимал йириклиги 5,64 мм, тикиладиган кашта юзаси 300х200 мм, керги (чамбарак) диаметри 150 мм, кашта тикиш машинаси бош қисмларининг оралиғи 450 мм, игналар 0277 № 75-90 (ДАВСТ 2249-82). Яна 6 та ва 8 та бошли кашта тикиш ярим автоматлари маълум. Жараённи бажаришда игна, моки, ип тортгич ва кўзғалувчан тепки механизмлари иштирок этади. 8630 синф ярим автоматида мережкали текис гул тикиш, ўйма гул тикиш, ироқи гул тикиш, қўланкали кашта тики, сутажли кашта тикиш, ришелье ва бошқа турли кашталарни тикиш мумкин. Яна қуйидаги кашта тикиш машина ва ярим автоматлари маълум 249 ка ПМЗ, 8631, 8632, 8633 “Текстима” (Германия), АЕ-10-Д, ДЕ-15-Д “Хираока” (Япония), BESR -8, BESR -12,

BEAT -800, BELM -4 “Барудан” (Япония), ТМСЕ-110, ТМЕ F -612 “Таджима” (Япония), 172-174 ZSK (Германия).

Адабиётлар: 1. Э.Б.Рубинов. “Технология шёлка”, Москва, “Легкая и пищевая промышленность”, 1981. 2. Справичнок. «Шелк сырец и кокономотание» М., Легпромбытиздот. 1986г. 3. Хўл ва қуруқ пиллалар учун Давлат стандарти УзРСт 631-95, УзРСт 630-95

O'xshashlar

Кашта тикиш технологияси

Тагликларга рант тикиш машиналари

Чунтак тикиш

Кашта тикишда ранглар танлаш

Куйлак такилмасини тикиш