Ип йигириш корхоналарида техникавий назорат. Ишлаб чиқариш лабораторияларининг - To'qimachilik - Referatlar

Ип йигириш корхоналарида техникавий назорат. Ишлаб чиқариш лабораторияларининг

Yuklangan vaqt:

20.09.2019

Ko'chirishlar soni:

0

Hajmi:

51.5 KB

Ko'chirib olish

Кириш. Ип йигириш корхоналарида техникавий назорат. Ишлаб чиқариш лабораторияларининг вазифаси Режа: 1. Ў збекистонда йигириш саноатининг муста қ иллик йилларидаги юксалиш одимлари . 2. Ип ишлаб чиқаришда техникавий назорат фанининг мақсади ва вазифалари. 3. Йигириш корхоналаридаги лабораториянинг вазифаси. 4. Йигириш корхоналаридаги лабораториянинг тузилиши. 5. Йигириш корхоналаридаги лабораторияни асбоб- ускуналари ва мосламалари.

Ўзбекистонда йигириш саноатининг мустақиллик йилларидаги юксалиш одимлари Тўқимачилик саноати ҳалқ хўжалигининг энг муҳим тармоқларидан биридир. Мустақиллик йилларида Ўзбекистонда тўқимачилик саноати, жумладан йигириш саноати ривожланиб кетди. 1990 йилга қадар етиштирилган пахта толасини 5% гина Республикамизда қайта ишланар эди. 1999 йилларда бу кўрсаткич 25 % га етди. Бу кўрсаткич 2010 йилга бориб устивор ривожланиш режаларига кўра 50 % ташкил этиши керак. Шу мақсадларда Республикамизда кўплаб қўшма корхоналар қурилмоқда. Бу қўшма корхоналар қуриш учун чет эл инвестрлари кўплаб жалб этилмоқда. Юқорида қайд этилганидек тармоқ олдига яқин 5 йил ичида пахтани қайта ишлашни кўпайтириш, етиштирилган пахта толасининг 50 % ни қайта ишлаш ва экспорт ҳажмини ошириш вазифаси қўйилган. Бу вазифани бажариш учун сифатли, рақобатбардош маҳсулот ишлаб чиқариш керак. Техник назорат фанини мақсади шу вазифаларни бажарадиган магистрларни етказиб беришдир. Ип ишлаб чиқаришда техникавий назорат фанининг мақсади ва вазифалари Пахта толасидан юқори сифатли газламалар ишлаб чиқариш учун юқори сифатли ип ишлаб чиқариш лозим. Чунки тўқимачилик, трикотаж ва бошқа енгил саноат маҳсулотларининг сифати йигирилган ипнинг сифатига чамбарчас боғлиқдир. Юқори сифатли ип олишнинг бирдан-бир йўли бу йигириш саноатида техникавий назоратни яхши йўлга қўйилганлигига боғлиқдир. Айниқса ҳозирги Мустақил Ўзбекистон Республикасининг маҳсулотларини жаҳон бозорига олиб чиқиш, халқ хўжалигини бозор иқтисодиётига ўтказиш даврида сифатга, ишлаб чиқарилаётган маҳсулотларни жаҳон стандартларига жавоб бера оладиган қилиб ишлаб чиқаришга катта аҳамият бериш керак.

Чунки, агарда корхона сифатсиз халқ талабига жавоб бера олмайдиган маҳсулот ишлаб чиқарса, маҳсулотини сота олмай инқирозга учрайди. Шунинг учун фақатгина маҳсулот миқдорига эмас, балки сифатига ҳам катта аҳамият беришингиз ишлаб чиқараётган маҳсулотингиз жаҳон стандартларига жавоб бера оладиган қилиб ишлаб чиқаришимиз керак. Техникавий назоратни фабрикада инженер-техник ходимлар амалга оширадилар. Фабрикаларда ишлаб чиқариш лабораториялари ва техникавий назорат бўлимлари (ОТК) мавжуддир. Бу бўлимлар маҳсулот сифатини текшириш билан бирга технологик жараённи тўғри кечаётганлигини ҳам назорат қилиб борадилар. Ишлаб чиқаришни ҳар бир босқичида лаборатория ва техникавий назорат бўлимлари доимий ва даврий текширишлар ўтказадилар. Домий текширишга - хомашё сифати, ипнинг сифати четга сотиладиган чиқинди сифатини текшириш киради. Даврий текширишга - бунда йигириш фабрикаларида ишлаб чиқарилаётган ярим маҳсулотлар сифати технологик карталарда курсатилган ускуналардан фойдаланиш шартларини бажарилиши ва уларни ишлатиш бўйича қоидаларни (ПТЭ) бажарилишини текширишлар киради. Бу текширишлар «Техконтроль» китобида келтирилган инструкция ва услублар бўйича, ҳамда ГОСТ ва ОСТ кўрсатмалари бўйича амалга оширилади. Юқорида қайд этилган вазифаларни асосан ишлаб чиқариш лабораториялари вазифалари билан танишиб чиқамиз. Йигириш корхоналаридаги лабораториянинг вазифаси Йигириш корхонасидаги ишлаб чиқариш лабораторияси корхонанинг бир бўлими бўлиб, бош инженер раҳбарлиги остида иш олиб боради. Лабораториянинг иши – андозалар талабига жавоб берадиган маҳсулотлар ишлаб чиқариш, маҳсулот сифатини ошириш, янги ассортиментларни ишлаб чиқаришга тадбиқ этиш, хом ашё сарфини яхшилаш, ишлаб чиқариш ва машина унумдорлигини оширишдир.

Лаборатория алоҳида хонада жойлашган бўлиб, доимий намлик ва температурани ушлаб туриш учун махсус мосламалар ўрнатилган бўлиши лозим. Лаборатория майдонига ҳамма асбобларни ва лаборатория мебелини эркин жойлаштириш керак. Лабораториянинг вазифалари Лабораториянинг асосий вазифалари қуйидагилардир: 1. Фабрикада йигириш режасини ҳар бир ўтимида тўғри бажарилаётганлигини, ишлаб чиқарилаётган ярим маҳсулот ва ипнинг ГОСТ талабига мувофиқлигини текширади. Нормадан оғиш бўлса бош инженерга хабар беради. 2. Жадвал асосида ускуналарнинг ҳолатини ва технологик жараён кўрсаткичларини текширади. 3. Ишлаб чиқарилаётган маҳсулот сифатини ёмонлашиш сабабларини аниқлайди ва уни яхшилаш тадбирларида иштирок этади. 4. Технологик жараённи такомиллаштириш бўйича тажриба ва текширишлар ўтказишда иштирок этади, янги маҳсулот ассортиментини яратишда қатнашади ва янги хом ашё турини ишлаб чиқаришга тадбиқ этиш тадбирларини тузади ва уни амалга оширади. 5. Фабрика ходимлари ва тармоқ илмий текшириш институт ишчилари билан биргаликда янада такомиллашган технологик жараёнларни ва янги ускуналарни ўзлаштириш ишларида иштирок этади. 6. Хом ашё, ярим маҳсулот ва ипларни сифатини текширишни янги услубларини ишлаб чиқиш бўйича илмий текшириш ишларини олиб боради ва замонавий текшириш усулларини ишлаб чиқади ва уни корхонага тадбиқ этади. 7. Бош муҳандис топшириғи асосида цех бошлиқлари билан биргаликда янги ТУ (техник шартлар) лар яратади, эскиларини қайта кўриб чиқади.

8. Лаборатория ускуналарини ишлатиш бўйича қоидаларни бажарилишини, йўриқнома ва илмий текшириш ишлари режасини бажарилишини назорат қилади. Лаборатория ходимлари ҳар бир текшириувни маълум цех бошлиғи, ишлаб чиқариш раҳбарининг журналларига қайд этади. Улар ўз навбатида натижалар бўйича маҳсулот сифатини яхшилаш тадбирини кўрадилар. Лаборатория қилган ҳар бир иши бўйича ҳисобот ёзади. Бу ҳисобот фабрикани йиллик ҳисобига қўшилади ва бир йилда қилинган ишларга баҳо беришда эътиборга олинади. Йигириш корхоналаридаги лабораториянинг тузилиши Лабораторининг тузилиши ишлаб чиқарилаётган ассортимент турига ва уни ҳажмига қараб корхона директории томонидан тузилади. Лаборатория тезкор ва тажриба гуруҳларидан иборатдир. Агарда корхонада мустақил илмий текшириш муассаси бўлса, у ҳолда тажриба гуруҳи тузилмайди. Оператив гуруҳ- иш ҳажми ва ишлаб чиқарилаётган маҳсулот турига қараб қуйидаги гуруҳларга бўлинади: 1. Хомашё гуруҳи 2. Тайёр ва ярим маҳсулот сифатини текшириш гуруҳи 3. Технологик жараён ва йигириш режасини бажарилишини текширувчи гуруҳ - Хомашё гуруҳи тола ва чиқиндини сифатини текшириб, уларни тасдиқланган миқдор билан солиштиради. - Тайёр ва ярим маҳсулот сифатини текшириш гуруҳи ип ва ярим маҳсулотларни текширадилар ва уларни ГОСТ ва ТУ талабига жавоб бериш бермаслигини аниқлайди. - Учинчи гуруҳ технологик жараён ва йигириш режасини бажарилишини, ярим маҳсулот сифатини ва цехлардаги t о ва W (намликни) миқдорини нормадагига тўғри келиш келмаслигини текширади.

Тажриба гуруҳлари бош муҳандис томонидан тасдиқланган режа асосида илмий текшириш ишларини олиб боради. Лаборатория ишини лаборатория мудири бошқаради, унинг хуқуқи асосий цех бошлиқлари хуқуқи билан тенгдир. Намуналарни тажриба қилиш учун керак бўлган иссиқлик ва намлик даражаси. Тола, ярим маҳсулот ва ип намуналарини физик-механик хусусиятларини текшириш учун ГОСТ 1068-75 да Ҳавони намлиги )%2 65(   W , темпратураси C t 0)2 20(   бўлиши кўзда тутилади.

Адабиётлар: 1. К.И. Бадалов и др. “Лабораторный практикум по прядению хлопка и химических волокон” М. 1978 г. 1. С.С.Иванов ва О.А. Филатова «Технический контроль в хлопкопрядений». М.,1978 г. 68-71, 102-104 стр. 2. В.Н. Шириков и др. «Справочник по хлопкопрядению». М., 1985 г. 400-408 стр. 3. Ш.Р.Марасулов «Пахта ва кимёвий толаларни йигириш». II -қисм, Т., 1979й. 169-171 бет.

O'xshashlar

Ип ишлаб чиқариш технологияси. Йигириш системалари

Пилик цехида техникавий назорат

Тикувчилик корхоналарида ишлаб чиқариш самарадорлигини ошириш йўллари

Тараш цехидаги техникавий назорат турлари

Қайта тараш цехидаги техникавий назорат