Ип ишлаб чиқариш технологияси. Йигириш системалари - To'qimachilik - Referatlar

Ип ишлаб чиқариш технологияси. Йигириш системалари

Yuklangan vaqt:

20.09.2019

Ko'chirishlar soni:

0

Hajmi:

58.5 KB

Ko'chirib olish

Ип ишлаб чиқариш технологияси. Йигириш системалари Режа: 1. Тўқимачилик саноатининг ривожланиши ва унинг тармоқлари. 2. Йигириш системалари. 3. Карда (оддий) системаси ва ундаги босқичлар, маҳсулот турлари. 4. Қайта тараш системасидаги технологик жараёнлар. 5. Аппарат системасидаги босқичлар, маҳсулот турлари.

Тўқимачилик саноатининг ривожланиши ва унинг тармоқлари. Тўқимачилик саноати халқ хўжалигининг энг мухим тармоқларидан биридир. У ҳар хил хом-ашёдан ип, жун ипи, ипак, пишитилган ип, газламалар, трикотаж шунинигдек халқ хўжалигининг бошқа тармоқлари учун зарур махсулотлари ишлаб чиқаради. Тўқимачилик саноати ўзининг ахамияти, мохияти инсон учун зарурияти нуқтаи назардан озиқ овқат сноатидан кейин иккинчи ўринда туради. Саноатда ишлайдиган ишчилар сони жихатидан эса машинасозликдан кейин иккинчи ўринда туради. Тўқимачилик саноати анча мураккаб ва хилма-хилдир. Шунинг учун у бир неча тармоқлар ва корхоналарга бўлинади. Аммо бу саноатнинг асосий вазифаси ип-газлама ишлаб чиқаришдир. Ип асосан йигириш корхоналарида, газлама тўқувчилик корхоналарида, трикотаж буюмлари, трикотаж корхоналарида, пардозлаш ва гул босиш пардозлаш фабрикаларида бажарилади. Бундан ташқари пишитилган ип, момиқ ва бошқа буюмлар ишлаб чиқарадиган корхоналар хам тўқимачилик саноатига киради. Кўпинча фабрикалар бир-бирига қўшилган холда қурилиб комбинат ташкил қилади. Ишлаб чиқариладиган махсулот тури, ишлатиладиган толаларнинг турига қараб тўқимачилик саноати қуйидаги тармоқларга ажралади. 1. Пахта толасиги ишлов берадиган корхоналар салмоғи - 75 %. 2. Жун толаларига ишлов берадиган корхоналар салмоғи - 15 %. 3. Зиғр поя ва каноп толасига ишлов берадиган корхоналар салмоғи - 3- 4 %. 4. Ипак толасига ишлов берадиган корхоналар салмоғи - 5 %. 5. Cоф сунъи толаларга ишлов берадиган корхоналар салмоғи - 2-3 %. Пахта толаси тўқимачилик саноатининг асосий хом ашёси. Бошқа табий толаларга нисбатан пахта толасининг йигирувчанлик хоссаси юқори. Ундан ип йигирув фабрикаларида ҳар хил йўғонликдаги иплар йигириб

олинади, бу иплардан эса пишиқ, нафис ва чиройли , ранг-баранг газламалар тўқилади. Маълумки, йигирув машиналари ва уларда бажариладиган процесслар бошқа соҳаларда ишлатиладиган машиналарга нисбатан анча мураккаб ва хилма-хилдир. Бу машиналарда аъло сифатли махсулотлар ишлаб чиқариш ва уларнинг иш унумини ошириш учун уларда бажарилаётган босқичларни чуқур ўрганиш, тахлил қилиш, технологик процессларнинг муқобилини аниқлаш лозим. Бунинг учун пахта толаси ва химиявий толаларни йигириш назариясини яхши билиш керак. Йигириш системалари Маълум йўғонликдаги ип йигириш учун махсус йигириш системасидан фойдаланилади. Танланган машиналар ва механизмлар хамда уларда бажариладиган босқичлар йиғиндиси йигириш усулли ёки системаси дейилади. Пахтадан ип йигиришда асосан уч хил система кўлланилади. Карда (оддий) системаси: № Бажариладиган ишлар Олинадиган махсулот 1. Титиш-саваш холст 2. Тараш пилта 3. Пилталаш 1 ўтим пилта 4. Пилаталаш 2 ўтим пилта 5. Пиликлаш пилик 6. Йигириш ип Бу системада асосан ўрта толали пахтадан йўғонлиги Т=15,4-100 тексгача N=65-10 гача бўлган иплар олинади. Бу системада йигирилган ип пишиқ, бир текис тоза чиқади: ундан чит, суруп, мая, сатин газламалари тўқилади. Бу системанинг салмоғи - 60 % кўпини ташкил қилади.

Қайта тараш системаси: № Бажариладиган ишлар Олинадиган махсулот 1. Титиш-саваш холст 2. Тараш пилта 3. Пилталаш “0” ўтим пилта 4. Пилта қўшиш холстча 5. Қайта тараш пилта 6. Пилталаш 1 ўтим пилта 7. Пилаталаш 2 ўтим пилта 8. Пиликлаш пилик 9. Йигириш ип Бу системада асосан ингичка толали пахтадан йўғонлиги Т=3-11,8 текс, N=340-85 гача бўлган иплар йигирилади. Бу системада йигирилган ип карда системасида йигирилган ипга қараганда анча пишиқ, бир текис, тоза, силлиқ ва чўзулувчан бўлади. Ундан сатин, мал- мал, майя, вольта, батист, марказет ва бошқа енгил ёзлик газламалар, тикувчилик, пойабзал саноати учун ингичка, пишиқ, чўзулувчан иплар, ғалтак иплари тайёрланади. Аммо махсус машиналар ёрдамида маҳсулотга қўшимча ишлов бериш зараурлигидан, калта толалар ва тугунакларни чиқинди сифатида ажратиб ташланиши туфайли қайта тараш системасида олинадиган ипнинг чиқиши камайиб кетади, шу сабабли бу система унча кенг қўланилмайди. Шунинг учун бу системанинг салмоғи 20-25% ташкил қилади. Аппарат системаси: № Бажариладиган ишлар Олинадиган махсулот 1. Хом-ашёдан аралашма тайёрлаш (Титиш-саваш) титилган толали махсулот 2. Аралаштириш босқичи аралаштирилган, титилган толалар массаси 3. Тараш ва пилик тайёрлаш пилик 4. Йигириш ип

Бу системада асосан (V-VI сорт) пахта толаларидан йигириш корхоналари чиқиндиларидан ва жун толалари аралашмасидан йўғонлиги Т=500-41,7 текс, N=2-24 гача бўлган ип йигиришда фойдаланилади. Аппарат системасида йигирилган ип бўш, нотекис, чўзилмайдиган, момиқдай майин ва тукли бўлади. Бундай ип асосан арқон сифатида ишлатилади ва ундан ҳар хил юмшоқ-майин бумазей, байка, фланель ва бошқа тукли, юмшоқ, иссиқ газламалар тўқилади. Бу системанинг салмоғи 10-15 % ташкил қилади.

Адабиётлар: 1. Ш.Р. Марасулов. Пахта ва химёвий толаларни йигириш. II қисм, Тошкент, 1979 й., 43-65 бет. 2. Ш.Р. Марасулов ва бошқалар. Толали материалларнинг механик технологияси. Тошкент, 1971 йил, 32-45 бет. 3. И.Г. Борзунов и др. Прядение хлопка и химических волокон. II часть, М.: 1982, стр. 87-121. 4. К.И. Бадалов и др. Лабораторный практикум по прядению хлопка и химических волокон. М.: 1978, стр. 62-80 5. Х. Ибрагимов, М.Қулметов, Қ. ўафуров. Йигириш машиналари. Тошкент “Ўқитувчи 1985й. 9-112 бетлар. 6. Будников И.В. и др. «Основы прядения.». Часть-1. 1948 г. (стр.3-12).

O'xshashlar

Ип йигириш корхоналарида техникавий назорат. Ишлаб чиқариш лабораторияларининг

Йигириш системалари

Картон ишлаб чиқариш технологияси

Йигириш технологияси

Тўқимачилик саноатининг аҳамияти, йигириш системалари