Erkaklar shim orqa bo’lagidagi qirqma cho’ntakka ishlov berish - To'qimachilik - Referatlar

Erkaklar shim orqa bo’lagidagi qirqma cho’ntakka ishlov berish

Yuklangan vaqt:

20.09.2019

Ko'chirishlar soni:

0

Hajmi:

473 KB

Ko'chirib olish

«Erkaklar shim orqa bo’lagidagi qirqma cho’ntakka ishlov berish» Shim orqa bo’lagi asosan cho’ntaklar listochkali, qirqma qopqoqli, qirqma qopqoqsiz, kantli, qirqma ramkali qoplama, shakldor qirqmali bo’ladi. Model qandayligiga qarab bu cho’ntaklar turli yo’nalishda: gorizontal, qiya va vertikal bo’lishi mumkin. Shim orqa bo’lagida cho’ntaklar turiga qarab ularni tikilish texnologiyasi ham bir-biridan farq qiladi. Quyidagi modulda shim orqa bo’lagida cho’ntaklarga ishlov berish haqqida umumiy ma’lumot va asosiy mavzu bo’yicha texnologik ishlanma keltirilgan. Qopqoqli qirqma cho’ntakni tikish Bunday cho’ntak qopqog’i yarimavtomat mashinada tayyorlanadi yoki universal mashinada tikiladi. Cho’ntak qopqoqni turg’unlashtirish uchun unga qotirmalar (elimli yoki yelimsiz) qo’yiladi. Yelim qotirma pressda yopishtiriladi, yelimsiz qotirma cho’ntak qopqoqni ag’darma chok bilan tikayotganda qo’shib tikiladi. Cho’ntak qopqoqni universal mashinada tikish uchun avra va astar gazlama bo’laklarining o’ngini ichkariga qaratib, aylana yoki uchli joylarida avradan 0,2- 0,3 sm soliqi hosil qilib, astar tomondan ag’darma chok solinadi. Bunda bo’lakning astari va avrasidan 0,4-0,6 sm ensiz bo’lishi kerak. Keyin burchak joyidan 0,2-0,3 sm chok haqqi qoldirib qirqib tashlanadi. Cho’ntak qopqoqni yarim avtomat mashinada tikish uchun bo’laklarni maxsus qisqichlar bilan qisib, belgilangan kanturi bo’ylab ag’darma chok solish bilan birga, ortiqcha chok haqqi qirqiladi. Cho’ntak qopqoqni o’ngiga ag’darib, maxsus qolip yordamida dazmollab, zarur bo’lsa bezak baxyaqator yuritiladi. Cho’ntak qopqoqni yelimlab yopishtiradigan apparatda ishlov berish uchun, avra va astar gazlamalarni qolip yordamida teskari tomonga burib presslanadi, avra qilib bukilgan ziyiga yelim plyonka qo’yiladi yoki kukun sepiladi. Bo’laklarni avradan kant hosil qilib shuftlanadi va presslab birlashtiriladi. Mag’iz cho’ntak xaltaga 0,7-1 sm kenglikdagi chok bilan ulanadi. Chokni cho’ntak xalta tomonga

qaratib to’g’rilanadi, ko’rinmani cho’ntak xaltaga universal mashinada bostirma chok bilan ulanadi. Cho’ntakni «D yurkopp» firmasining 746-7  e17 yarim avtomatida tikish mumkin. Bunda cho’ntak qopqoq, mag’iz ikkita parallel baxyaqator yuritib, bir vaqtning o’zida old bo’lakka ulanadi va cho’ntak og’zi qirqiladi. Cho’ntak qopqoq va mag’izni ulab olgandan keyin ko’rinma ulangan cho’ntak xalta cheti cho’ntak qopqoq ulangan chokka ulanib, cho’ntak xalta yonlari biriktirib tikiladi. Ayni vaqtda mag’izni tortibroq turib, cho’ntak va qiyalatib qirqilgan burchaklarini to’g’rilab, cho’ntak og’zining ikki uchini 2 ta qaytma baxyaqator bilan mahkamlanadi. Modulda mo’ljallangan bo’lsa, cho’ntakni yuqori ziyi bo’ylab cho’ntak qopqoq ulangan chokka parallel baxyaqator yuritiladi. Maxsus mashinada cho’ntak og’zi o’ngidan ikki uchi cho’ntak qopqoq yon ziylariga parallel baxyaqator yuritib puxtalanadi. Cho’ntak dazmol yoki pressda dazmollanadi. Kantli va ramkali qirqma cho’ntaklarni tikish Cho’ntak mag’zi va ko’rinmasi avra gazlamadan bichiladi. Ko’rinma va mag’iz 0,7 sm kenglikda chok solib, cho’ntak xaltasiga biriktirib tikiladi. Old bo’lak o’ngida cho’ntaklar o’rini belgilanadi; mag’iz yalang qavat bo’lsa, uchta chiziq bilan mag’iz ikki buklangan bo’lsa 4 ta chiziq bilan belgilanadi. Old bo’lakning teskarisiga bo’ylama qo’yiladi. Mag’iz o’ngi ustiga chiqarilib, uzunasiga bo’ylab, ramka enidan 0,5-0,7 sm ortiq kenglikda bukib dazmollab yoki dazmollamasdan qirqimi cho’ntak og’zi chizig’i tomon qaratilib, belgilangan chiziqlar bo’ylab old bo’lakka ulanadi. Bunda mag’izlarning baxyaqatorlari orasida masofa 2 ta ramka kengligida bo’ladi. Yalang qavat mag’izlari esa qirqimlarini bir – biriga zichlab turib, ikkalasiga alohida-alohida 0,3-0,4 sm kenglikda chok solib, old bo’lakka ulanadi. Ikki bukilgan mag’izlarning ham, yalang qavat mag’izlarning ham ustki va ostki choklari o’rtasida old bo’lak ko’ndalang qirqilib, cho’ntak xaltaning mag’izlari bilan birga ag’darib, old bo’lakning teskarisiga o’tkaziladi. Cho’ntak og’zi

burchaklari to’g’rilanadi. Yalang qavat mag’izli cho’ntaklarda mag’iz choklari yorib to’g’rilanadi va mag’izlarda modelga muvofiq kenglikda ramka hosil qilib, mag’iz ulangan chok ustidan baxyaqator yuritiladi. Ikki qavatli mag’izlarda esa bunday qilishning hojati yo’q. Ko’rinmaning yuqori qirqimi yuqoridagi mag’iz chokiga ulanadi va cho’ntak xalta yon tomonlarini 1 sm kenglikda chok solib tikish bilan bir vaqtda mag’izni tortibroq turib, cho’ntak og’zi uchlari ikkita baxyaqator bilan puxtalanadi. Cho’ntak dazmolda yoki pressda dazmollanadi. Shim orqa cho’ntagi, shim ort bo’laklarining vitochkasi tikilgandan keyin o’ng ort bo’lakning o’ngi ort bo’lakning o’ngi tomondan orqa cho’ntak o’rni belgilanadi. Cho’ntak xaltani bir uchiga astardan bichilgan ko’rinma qo’yib, uni kertimlarga to’g’rilab, cho’ntak xaltaga bostirib tikiladi. Bunda ko’rinma ostki qirqimini 0,7 sm kenglikda ichkariga bukib, shu bukilgan ziyidan 0,1 sm masofada baxyaqator yuritiladi. Cho’ntak xaltani, uning yuqori qirqimini cho’ntak og’zi chizig’idan 3-4 sm (1,5-2,0 sm ham mumkin) balandroq qilib, yon qirqimlarini esa cho’ntak og’zi ikki uchidan 2 sm dan uzunroq qilib ort bo’lak teskarisiga qo’yiladi. Shim ort bo’lagining o’ngiga cho’ntak qopqoqni, uning gullarini ort bo’lak gullariga to’g’rilab qo’yib ulanadi. Ushbu modul bo’yicha biz erkaklar shimi orqa bo’lagidagi qirqma cho’ntakni tikish texnologiyasini ko’rib chiqamiz. Bu moduldagi erkaklar shimi orqa bo’lagidagi qirqma cho’ntagi ramkali bo’lib, shim orqa bo’lagining o’ng tomonida joylashgan. Ramkali qirqma cho’ntakka ishlov berishning texnologik ketma-ketligi quyida keltirilgan.

1-rasm. Erkaklar shimining orqa bo’laklaridagi cho’ntaklar: a – kantli; b - ramkali. KERAKLI O’QUV-JIHOZ, ASBOB-USKUNA VA ASHYOLAR: - tikuv mashinalari: 1022 kl, maxsus mashinalar 746-7  e 17 yarim avtomat, 596 Mkl, 976 kl, Podolsk. - dazmol, press; - erkaklar shimidan namuna, cho’ntak ishlanmalaridan namunalar; - plakatlar; Bitta o’quvchi uchun: - texnologik xarita; - qo’l ishlari asboblaridan 1 ta to’plami; - W 40: W 30 – ip lardan 1 ta g’altak, turli raqamli iplardan 1 ta to’plam, 1 ta qaychi, 1 ta sm. lenta; - bo’r, to’g’nog’ichlar, angishvona, pichoqli halqa; - qirqma cho’ntakka ishlov berish uchun andoza; - mag’iz uchun yordamchi andoza; - ko’rinma uchun yordamchi andoza; - elimli qotirma, flizilin. «ERKAKLAR SHIMINING ORQA BO’LAGIDAGI QIRQMA CHO’NTAKKA ISHLOV BERISH » BO’YICHA TEXNOLOGIK XARITA Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV 1. Bo’laklarni tekshirish. Sm.lenta, qaychi bo’r. 1-asosiy bo’laklar (old bo’lak). 1 ta bo’lak; 2 ta mag’iz – avradan 2-ta

bo’lak. 3-ko’rinma avradan-1ta bo’lak; 4-cho’ntak xalta – 1ta bo’lak; Ikki bo’lakdan iborat 5- bo’ylama – 1 ta bo’lak. 2. Cho’ntak o’rnini belgilash Sm lenta, chizg’ich, bo’r. 1-cho’ntak o’rni belgilanadi. 2-3-chiziqlar bilan cho’ntak og’zi tugallanadigan joyi belgilanadi: 4-5- chiziqlar esa mag’iz ulash joyini belgilaydigan yordamchi chiziq. 3. Bo’ylama qo’yish Dazmol. Asosiy bo’lakni teskari tomonidan bo’ylamaning o’rtasida cho’ntak o’rnini belgilaydigan joyda o’rnini to’g’rilab, ko’klab ulanadi yoki yelim bo’ylama bir tomoniga yelim qoplangan gazlamadan bichilgan bo’lsa, dazmolda yopishtiriladi. 4. Mag’izlarni buklab dazmollash. Dazmol. Mag’izlar dazmollanadi. Ustki tomondagi mag’iz uzunasiga ikki bukib dazmollanadi. Ostki tomondagi mag’iz esa uzunasiga 1  3 kenglikda bukib tikiladi.

5. Mag’izlarni ulash. Universal mashina. Asosiy bo’lakning o’ng tomoniga mag’izlar qirqimini cho’ntak og’zi qirqimi tomon qaratib mag’iz bukilgan ziylarini yordamchi chiziqlarga to’g’rilab ulanadi. Ostki mag’izning kalta tomonini pastga qaratib qo’yiladi. Mag’izning yon tomonlari cho’ntak uchlaridan 15-20 mm bo’lishi kerak. Mag’iz bukilgan ziylar 5-7 mm oraliqda ulanadi. Baxyaqator uchlari qayta baxyaqator yuritib puxtalanadi. Mag’izlangan chok bo’ylama tomondan tekshirib ko’riladi. Baxyaqatorlar bir chiziqda parallel bo’lib, bir xil oraliqda tugallanishi kerak. 6. Cho’ntak og’zini qirqish. Qaychi. Asosiy bo’lakni (bo’lakni teskarisidan bo’ylama tomonidan) baxyaqatorlar orasida cho’ntak og’zining tugallanadigan chiziqqa 1,0- 1,5 mm yetkazmay 2 chetidan burchak hosil qilib, baxyaqatorga 1-2 mm yetkazmay qirqiladi. 2

chetidan yetkazmay burchak hosil qilib, baxyaqatorda 1-2 mm yetkazmay qirqiladi. Mag’izlar asosiy bo’lak teskarisiga ag’dariladi. 7. Cho’ntak ramkalari ziyini ko’klash. Angishovna, igna, ip. Cho’ntak og’zini qirqimdan hosil bo’lgan teshikdan mag’izlar shunday ehtiyotkorlik bilan o’tkazish kerakki, bunda mag’iz ziylari tutashtirilib to’g’rilanadi. Cho’ntakning yuqori va pastki tomonidagi ziylari 5-7 mm li yiriklikdagi sirma qaviq bilan ko’klanadi. 40 raqamli oddiy ip ishlatiladi. 8. Cho’ntakni dazmollash. Dazmol, press, dazmol mato. Cho’ntakning o’ng tomoniga namlangan mato qo’yib ramkalari dazmollanadi. 9. Cho’ntak uchlarini puxtalash. Ikki ipli universal mashina. Cho’ntak ramkasini uzunasiga tortib, burchaklari to’g’rilanadi. Cho’ntak uchlari mashinada qayta baxyaqator bilan puxtalanadi.

10. Cho’ntakka NII berish. Dazmol. Cho’ntakning og’zi o’ng tomondan namlangan mato qo’yib dazmollanadi. 11. Cho’ntak xaltaning ikkinchi bo’lagiga ko’rinmani bostirib tikish. Maxsus, universal tikuv mashinalari. Cho’ntak xalta ustiga ko’rinma qirqimini 5-7 mm ga bukib, bukilgan ziydan 1-2 mm oraliqda bostirib tikiladi. Cho’ntak xalta bilan ko’rinmaning yuqori qirqimlari bir-biriga to’g’ri kelishi kerak. Ziy to’qilgan gazlamadan tikiladigan kiyimlarni ko’rinmasi cho’ntak xaltaga kengligi 0,7-1,0 mm bo’lgan biriktirma chok bilan ulanadi. Chok cho’ntak xalta tomonga yotqizib dazmollanadi. 12. Cho’ntak xaltani mag’iz pastki uchiga ulash. Universal mashina. Cho’ntak xaltaning ko’rinmas tomoni mag’izning pastki tomoniga o’ngini ichkariga qilib, 7-10 mm kenglikdagi chok bilan ulanadi. 13. Cho’ntak xalta bilan ko’rinmani yuqori Maxsus, universal tikuv mashinalari. Cho’ntak xalta qiyilmaydigan qilib to’g’rilanadi va old bo’lak teskari tomonidan yuqori

tomonidagi mag’izga ulash. mag’iz ulangan joydan 1-2 mm oraliqda cho’ntak xalta bilan ko’rinma yuqori mag’izga ulanadi. 14. Cho’ntak xaltani biriktirib tikish. Maxsus, universal tikuv mashinalari. Cho’ntak xaltani uchta tomoni biriktirib tikiladi. Cho’ntak uchlari puxtalanadi. Chok uchun oddiy ip ishlatiladi. 15. Cho’ntak xaltani yo’rmash. Maxsus, universal tikuv mashinalari. Tayyor bo’lgan cho’ntak xaltaning ochiq qirqimlari va cho’ntakning qolgan qirqimlari maxsus mashinada yo’rmalanadi. 16. NII berish. Dazmol, press, dazmol mato, suv purkagich. Cho’ntak oldin teskari tomondan dazmollanadi keyin namlangan matoni qo’yib o’ngi tomondan dazmollanadi.

O'xshashlar

Erkaklar shimining old bo’lagidagi qiya cho’ntakka ishlov berish

Erkaklar shimining yuqori qirqimiga ishlov berish

Manjetli va manjetsiz erkaklar shimining pochasiga ishlov berish

Ustki kiyimlar chokidagi cho’ntaklarni tikish

Erkaklar shimini tikish ketma-ketligini tuzish va mayda bo’laklarini tayyorlash