Tilshunoslikka kirish fani predmeti, vazifalari - Tilshunoslik - Referatlar

Tilshunoslikka kirish fani predmeti, vazifalari

Yuklangan vaqt:

20.09.2019

Ko'chirishlar soni:

0

Hajmi:

174.5 KB

Ko'chirib olish

Tilshunoslikka kirish fani predmeti, vazifalari Reja: 1. “TILSHUNOSLIKKA KIRISH “ FANI PREDMETI, VAZIFALARI. 2. TILLARNING SHAKLLANISHI VA TARAQQIY QILISHI 3. TILNING IJTIMOIY TABIATI 4. TIL VA JAMIYAT. SOTSIOLINGVISTIKA 5. TIL –RAMZLAR TIZIMI

“ TILSHUNOSLIKKA KIRISH “ FANI PREDMETI, VAZIFALARI. “Tilshunoslikka kirish” fani tilshunoslikning asosiy masalalarini, tilning paydo bo’lishi va til taraqqiyotidagi umumiy qonuniyatlarni, til tavsifi borasigi muhim jihatlarni o’rganadi. Til kishilar o’rtasidagi munosabatning eng muhim quroli bo’lib, jamiyat taraqqiyoti jarayonida shakllangan va umuminsoniy manfaatlarga xizmat qiladi. Tilning paydo bo’lishi va rivojlanishi jamiyat tatraqqiyoti bilan bog’liq ekan, inson kamoloti haqida fikr yurituvchi barcha fanlarning o’rganish manbai tilga aloqador hisoblanadi . Tilning tabiati, mohiyati kishilik jamiyatida bajaradigan vazifasi, strukturasi va bu strukturani tashkil etgan elementlarning o’zaro munosabati, uning ichki mexanizmi, ishlash principlari kabi muhim masalalarni ilmiy o’rganishni, tilni har taraflama tadqiq qilishni talab qiladi. Til kishilik jamiyati mahsulidir. Tilsiz hech bir voqelik va hodisani, insonning tabiatda, jamiyatda tutgan o’rnini, jamiyat taraqqiyoti yo’llarini bilish, o’rganish mumkin emas. Tilshunoslik fanining asosiy problemalaridan biri tilning ushbu fanning predmetu sifatidagi ta'rifidir. Ma'lumki, tabiiy inson tili faqat tilshunoslikda emas, balki yana bir qator fanlar tomonidan o’rganiladigan murakkab obyekt bo’lib, har bir fanning tilga bergan ta'rifi ham turlicha bo’lishi mumkin. Hattoki, tilshunoslik fanining o’zida ham tilning yagona ta’rifi yo’q. Tilning ta'rifi masalasi tilshunoslik fani tarixidagi eng muhim masalalardan biri bo’lib, fan tarixida turlicha talqin qilingan va hozirgi kunda ham turli ilmiy maktablar va oqimlar orasida keskin bahslarga sabab bo’lmoqda. Darhaqiqat, tilshunoslikda mavjud bo’lgan har bir nazariya, avvalo tilni qanday tushunishga asoslanadi. Tilni qanday tushunishning til haqidagi nazariyani yaratishda ahamiyati katta. Tilshunoslik fanining ob yekti, predmeti va tilni ilmiy o’rganish metodlari kabi masalalar ma'lum darajada tilni qanday tushunishga bog’liqdir. Tilshunoslik tarixida tilni turlicha ta'riflash fanning predmetini ham turlicha tasavvur

qilishga sabab bo’ldi. Shuning uchun bu masalaning tilshu noslik tarixi asosiy etaplarida qanday hal etilganligini ko’rib chiqish maqsadga muvofiqdir. Tilshunoslik fanining pridmeti, o’rganish manbai o’z ichki qonuniyatlariga ega bo’lgan murakkab tizim –tildir. Tilning o’ziga xos xususiyatlarini, taraqqiyot qonuniyatlarini o’rganish mazkur ijtimoiy hodisaga har tomonlama to’liq ta’rif berish imkonini yaratadi . Til umumiy qonuniyatga bo’ysunuvchi o’ziga xos ramzlar tizimi bo’lib, kishilik jamiyatidagi aloqa - munosabatning eng muhim quroli, fikr ifodasi hamda fikr yuritish asosi , voqelikni avloddan avlodga yetkazuvchi , insoniy kechinmalarni, his – tuyg’ularni ifoda etuvchi vositadir. Tilshunoslik tarixida tilga turlicha yondashuvlarni kuzatish mumkin . XX asrdan boshlab tilshunoslik fanining predmetini aniqlashda yangi davr boshlandi. Hozirgi zamon til shunoslik fanining asoschisi mashhur shveysariyalik olim F. de Sossyur (1857-1913) nazariyasi ta'sirida tilshunoslik fanining predmeti masalasi ham yangicha tus oldi. F. de Sossyurning fandagi asosiy xizmati shundan iboratki, u birinchilar qatori tilning murakkab hodisa ekanligini aniqlagan holda, yangi mukammal va aniq, shakllangan umumiy tilshunoslik nazariyasini yaratib berdi. Tilshunoslik fanining predmetini aniqlash va uni ta’riflashga intilgan F.de Sossyurning qarashlari tilshunoslik tarixidagi muhim masalalarni hal etishda sezilarli ta’sir ko’rsatdi . F.de Sossyur fikricha , til kishilik jamiyatida bajaradigan vazifasiga ko’ra aloqa quroli , fikr ifodalash vositasidir; ijtimoiy tabiati jihatidan til madaniy –tarixiy va ijtimoiy hodisa , ichki tuzilishiga ko’ra sof belgi - ishoralar tizimidir . Boshqa bir qator olimlar (A.Shleyxer, G. Paul, M. Myuller), tilshunoslik maktablari (“Yosh grammatikachilar“ maktabi, Praga strukturalizmi, Kopengagen strukturalizmi, Amerika strukturalizmi) tilning asl mohiyatini ochib berish masalasiga o’z nuqtayi nazarlaridan yondashdilar. Ularning fikr - mulohazalari tilshunoslik sohasida erishilgan yutuqlardan hisoblansa–da, mazkur qarashlarning ba’zi jihatlari cheklangan edi.

Tilshunoslikning umumiy va xususiy tilshunoslik ; nazariy tilshunoslik, amaliy tilshunoslik kabi qator bo’limlari mavjud bo’lib, tilning ayrim jihatlari asosida umumiy qoidalar chiqariladi. Til - ijtimoiy hodisa. Til jamiyat taraqqiyoti jarayonida yuzaga kelgan. Til - tabiiy, biologik hodisa emas ; tilning mavjud bo’lishi va uning taraqqiyoti tabiat qonunlariga bo’ysunmaydi. Til butun jamiyat tarixi jarayonidagi tadrijiy davrlarning mahsuli sifatida umuminsoniy manfaatga xizmat qiladi . TILLARNING SHAKLLANISHI VA TARAQQIY QILISHI Til kishilar o’rtasidagi munosabatning eng muhim quroli bo’lib , jamiyat taraqqiyoti jarayonida shakllangan va umum insoniy manfaatlarga hizmat qiladi . Tilning paydo bo’lishi va rivojlanishi insoniyat jamiyati bilan mustahkam bog’liq . Til insoniyat tarixi qadar qadimiydir . Xalq qardosh qabilalar ittifoqi sifatida shakllangan murakkab tarixiy uyushmadir. Xalqning asosiy belgilari: umumiy til , umumiy hudud , madaniyat va ma’naviyat muhitning umumiyligidir . Xalqning asosiy belgilaridan biri bo’lgan milliy til o’zaro farqlanuvchi , yetakchi , iqtisodiy va madaniy markaz tili sifatida namoyon bo’ladi . Tilning paydo bo’lishi masalasi insoniyatni qadimdanoq qiziqtirib keladi . Tilning paydo bo’lishi juda murakkabdir . Bu masala faqat tilshunoslikning emas , boshqa ko’p fanlarning: antropologiya , psixologiya va etnografiya kabi fanlarning ham o’rganish obyektidir. Tilning paydo bo’lishi masalasi – til qachon va qayerda paydo bo’lgan , dastlab nechta til bo’lgan , u yoki bu tillar qanday tuzilishda bolgan va shu kabi savollarga hali ilmiy asoslangan mukammal javob topilgan emas. Ba’zi olimlarning fikricha, til taxminan besh yuz ming yillar ilgari paydo bo’lgan . Ma’lumki, til boshqa narsa va hodisalar singari o’zgaruvchandir. Shunday ekan , besh yuz ming yil ichida tillarda qanday o’zgarish sodir

bo’lganini tasavvur qilish , uni ilmiy , ham amaliy , ham nazariy nuqtayi nazardan o’rganish mumkin emas . Til taraqqiyotining yozuv paydo bo’lishidan avvalgi holati biz uchun qorong’idir . Biz faqat yozuv paydo bo’lgandan keyingi davrda ro’y bergan til taraqqiyoti to’g’risida yozma yodgorliklardan foydalanib , fikr yuritishimiz mumkin . Lekin yozuv tilni o’rganish, tilning paydo bo’lishi to’g’risidagi muammoni yoritishga to’liq imkon bermaydi. Shunday bo’lsa ham , ba’zi olimlar bu masalaga o’z munosabatlarini , fikrlarini bildirib o’tishgan. Qadimgi Yunonistonda faylasuflar tilning qay tarzda kelib chiqqanligi ustida uzoq davr qizg’in bahs olib borganlar. Tilshunoslik tarixidan ma’lumki , bu masalada grek faylasuflari bir-biriga zid ikki xil farazni o’rtaga tashlashgan. Demokrit va boshqalar tilda narsa nomi bilan narsa orasida hech qanday bog’lanish yo’q , bu nomlar mazkur tilda gaplashuvchi odamlar tomonidan yaratilgan , demak , til inson tomonidan yaratilgan, degan fikrni ilgari surishgan . Bu guruh olimlar anomalistlar deb nom olgan. Platon boshliq boshqa bir guruh olimlar “narsa bilan uning nomi orasida muayyan bog’lanish bor. Bu bog’lanish narsalarning xususiyatlaridan, tabiatidan kelib chiqqan va bu bog’lanish ilohiy kuch tomonidan o’rnatilgan” degan fikrni ilgari surishgan . Tarixda bu oqim anologistlar deb nom olgan. Hozirgi tilshunoslik nuqtayi nazaridan qaralsa, narsalar bilan ularning nomi orasida , umuman olganda hech qanday bog’lanish yo’q. Bu ko’pchilik olimlar tomonidan qayd etilgan. Chunki narsa bilan uning nomi orasida bog’liqlik bo’lganda tillarning soni 5000 dan ortib ketmasdi . Shuni aytib o’tish kerakki , ayrim tillarning kelib chiqishini, masalan o’zbek , rus , hind , tojik va boshqa tillarning qachon paydo bo’lganini , qanday tarkib topganligini aniq bilish mumkin. Ammo, biror bir aniq tilning kelib chiqishi masalasini umuman tilning , insonlar nutqining paydo bo’lishi masalasi bilan tenglashtirib bo’lmaydi . Hozir dunyoda mavjud bo’lgan jonli tillarning ham , ba’zi bir o’lik tillarning ham kelib chiqish tarixini o’rganish u qadar qiyin masala emas. Anchagina tillarning qachon paydo bo’lganligi , qachon tarkib

topganligi aniqlangan . Biroq, yer yuzida umuman insoniyatga xos tilning qachon paydo bo’lganligi , dastlabki tillarda qanday so’zlar bo’lganligi , uning grammatik xususiyatlari nimalardan iborat ekanligi hal qilingan emas va hal qilinishi ham mumkin emas . Chunki bundan bir necha yuz ming yillar burun paydo bo’lib, keyinchalik nom – nishonsiz yo’qolib ketgan tillar ham bo’lgan. Bundan bir necha yuz ming yil burun paydo bo’lgan tillarning fonetik tizimi, so’z boyligi , grammatikasi va boshqa muayyan xususiyatlaridan qat’i nazar , umuman tilning kelib chiqishi o’rganilar ekan, eng avvalo , tilning kelib chiqishidagi shart – sharoitlarni tadqiq qilish, ya’ni insonlar qanday sharoitda so’zlay boshlaganliklarini o’rganish va bu masalani umuman tilning kelib chiqishi masalasi bilan bog’lagan holda tahlil qilib, xulosa chiqarish lozim . Tilning kelib chiqishi masalasini aniqlashdagi qiyinchilik shundan iboratki, birinchidan, hozirgi til tarixi fani dunyoda umuman tilning qanday paydo bo’lganligi to’g’risida hech qanday dalillarga ega emas . Chunki hozir bizga ma’lum tillarning yozuv tarixi 10 -15 ming yildan oshmaydi . Olimlarning faraz qilishicha , inson bundan bir necha yuz ming yil avval so’zlasha boshlagan . Ammo, o’sha davrdagi tillar to’g’risida hozirgi vaqtda hech qanday ma’lumot yo’q . Shuning uchun ham tilshunoslik fani bu masalani to’g’ridan – to’g’ri o’rganish imkoniyatiga ega emas. Dunyoda eng avval paydo bo’lgan tilning fonetik tuzilishi , so’z boyligi qanday ekanligini , grammatik shakllari nimalardan iboratligini bilish mumkin emas. Umuman, tilning qanday sharoitlarda paydo bo’lishi masalasini ilmiy farazlarga asoslanib o’rganish mumkin bo’ladi. Tilshunoslik ilmi bir – biriga yaqin bo’lgan psixologya , fiziologiya , etnografiya , arxeologiya , tarix va shunga o’xshah fanlarning dalillariga suyanib , tilning kelib chiqishi masalasiga yondashishi mumkin . Turli nutq tovushlarini biriktirib , so’zlar hosil qilish va so’zlar vositasida gap tuzib , istak va maqsadni ifodalash kishilik jamiyatining boshlang’ich davrlarida yashagan odamlarni o’ylantirib kelgan . Shuning uchun tilning

paydo bo’lishi to’g’risida qadimgi kishilar turli rivoyatlarni to’qiganlar. Bu rivoyatlarning ba’zilarida til ma’budlar, ba’zilarida Alloh tomonidan yaratilib , kishilarga taqdim qilinganligi , ayrimlarida esa tilni ajoyib bir donishmand yaratganligi talqin qilingan . Yuqorida ta’kidlanganidek, antik zamonlardan beri tilning kelib chiqishi to’g’risida bir qancha nazariyalar yaratilgan . Antik faylasuflar tilning kelib chiqishini bir – biriga qarama – qarshi bo’lgan ikki xil nazariya bilan tushuntirishga harakat qilganlar . Ba’zi faylasuflar til tabiiy yo’l bilan paydo bo’lgan , ya’ni so’z va predmetlar o’rtasida to’g’ ridan – to’g’ri tabiiy bog’lanish bo’lganligi uchun kishilar predmet va narsalarni tabiiy holda bilib olishgan , deb isbotlamoqchi bo’lganlar . Ba’zi faylasuflar esa til kishilarning bir-biri bilan o’zaro kelishihsi natijasida vujudga kelgan , deb hisoblaganlar , Ana shu bir-biriga qarama – qarshi ikki nazariyaning o’zaro kurashi natijasida yana bir qancha nazariyalar vujudga kelgan. Fanda tilning kelib chiqishi to’g’risida bir-biriga qarama-qarshi nazariyalar mavjud bo’lib , ular bir-biri bilan kurashib kelmoqda . Bu nazariyalarning ba’zilari til insonlarning bir-biri bilan munosabatda bo’lishi ehtiyoji natijasida kelib chiqqan deb hisoblasa , boshqalari ayrim shaxslarning o’z fikrini avval o’zi uchun , keyin boshqalar uchun bildirishi natijasida kelib chiqqan , deb hisoblaydi . Shu tariqa tilning paydo bo’lishi va shakllanishi haqida turlicha qarashlar , nazariyalar , farazlar yaratildi . Ushbu nazariyalar tanqidiy tahlil asosida o’rganilishi lozim . Bu nazariyalar asosan 4 ta : Ovozga taqlid nazariyasi kishilarning o’z atrofidagi predmetlarning chiqargan ovoziga taqlid qilishi natijasida dastlabki so’zlar , predmetlarning nomlari paydo bo’lgan, deb hisoblaydi . Bu nazariya qadimgi Yunonistonda - Demokrit va Platon davrida o’rtaga tashlangan bo’lib , unga ko’ra ibtidoiy odamlar yo ongli , yo ongsiz tarzda turli – tuman tovushlar , ya’ni hayvonlarning baqiriqlari , qushlarning sayrashi , shamol va sharsharalarning ovozlariga taqlid qilishga harakat

qilishgan . Masalan : chumchuq , kaklik , qarg’a , shir-shir , taq-tuq , kuk-ku , gumbur-gumbur kabilar. Ammo bu so’zlar hamma tilda mavjud bo’lsa ham , ular juda ozchilikni tashkil qiladi . Tabiatda tovush chiqarmaydigan narsalardan tovush chiqaradiganlari kam . Shunday ekan , tovush chiqarmaydigan narsalarning nomi qanday shakllangan, degan savol tug’iladi . Bu nazariya to’g’ri bo’lsa , unda ibtidoiy jamiyatda yashagan qabilalar tilida bunday usulda yasalgan so’zlar soni fan va texnikasi rivojlangan xalqlar tilidagiga nisbatan ko’proq bo’lishi kerak . Lekin so’nggi yillarda Janubiy Amerika va Avstraliyada topilgan, ibtidoiy tuzumni boshidan kechirayotgan qabilalar tilida o’tkazilgan tajribalar bu tillarda tovushga taqlid qilish yo’li bilan yasalgan so’zlar rivojlangan tillardagiga qaraganda birmuncha kamchilikni tashkil qiladi . Undan tashqari, tabiatdagi tovushlarga taqlid qilish uchun nutq organlarining o’ta rivojlangan bo’lishi ham aniqlangan. Shuning uchun taqlidiy so’zlar tilning paydo bo’lishi masalasini hal qilishda asosli ahamiyatga ega emas. Demak , ovozga taqlid nazariyasi tilning kelib chiqishi masalasini to’g’ri hal qilib berolmaydi. Undovlar nazariyasi ham tilning paydo bo’lishi masalasini talqin qiluvchi nazariyalardan biri bo’lib , bu nazariya tarafdorlari tildagi barcha so’zlar kishilarning ichki tuyg’ulari, qahr-g’azablari, his-hayajonlari, ixtiyorsiz baqirishlari natijasida paydo bo’lgan , deb da’vo qiladilar . Bu nazariya ham qadimiy bo’lib, uning asosida ham hayvonlarning baqiriq-chaqiriqlari yotadi. Mazkur nazariya asoschilarining fikricha, ibtidoiy odamlar hayvonlarning baqiriq-chaqiriqlarini o’rganib , ular orqali o’zlarining ichki kechinmalari , g’am-alamlarini ifodalashgan: oh , uh , joy, ing kabi so’zlar bunga misol qilib ko’rsatiladi. Tildagi boshqa so’zlar esa ana shunday so’zlarning birikuvidan kelib chiqqan , deb tushuntiriladi . Taniqli faransuz olimi J.J.Russo ham shu fikrni quvvatlagan. Dunyodagi barcha tillarda bunday birliklar mavjud. lekin bunday so’zlarning miqdori shu qadar kamki , tildek murakkab hodisa ana shu yo’l

bilan paydo bo’lgan , deyish bu masalani juda soddalashtirib yuborgan bo’lar edi . Ma’lumki , tilning asosiy vazifasi kishilar orasida fikr almashinuvini ta’minlashdir . Binobarin , mazkur nazariyani qabul qilish tilning asosiy vazifasini , tilning ijtimoiy hodisa ekanligini rad etishga olib keladi . Ichki kechinmalarni izhor qilish doimo ham jamiyatning bo’lishini taqozo qilmaydi . Tilning yashashi va rivojlanishi esa jamiyat bilan uzviy bog’liq : jamiyat bor joydagina til bor , til bor joyda jamiyat bor . Demak , bu nazariya ham tilning kelib chiqish masalasini to’g’ri yoritishga ojizlik qiladi . Mehnat hayqiriqlari nazariyasi tarafdorlari tildagi barcha so’zlar ibtidoiy kishilarning birgalashib mehnat qilish jarayonida mehnat qilishga undaydigan Ixtiyorsiz qiyqirishlar natijasida paydo bo’lgan , deb da’vo qiladilar . Bu nazariyani XIX asrning 70 – yillarida fransuz faylasufi L. Nuare yaratdi . Uning qayd qilishicha , til instinktiv hayqiriqlardan paydo bo’lgan. Nemis olimi Karl Byuxer ham ushbu nazariyani quvvatlaydi. Bu nazariya bir qarashda haqiqatga birmuncha yaqin nazariyadek ko’rinsa ham , mantiq jihatdan asossizdir . Chunki mehnat qilishdagi qiyqiriqlar , hayqiriqlar mehnat jarayonidagi bir maromga , bir qolipga solish uchun bir vosita bo’lgan , xolos . uy , oh , voh , viq , oho, ehe kabi hayqiriqlar kishilar o’rtasida aloqa vositasi bo’lganligi ehtimol. Mehnat hayqiriqlari undov nazariyasiga o’xshab ketadi . Lekin bu nazariya ham tilning kelib chiqish sabablarini , tilning paydo bo’lishini jamiyatning paydo bo’lishi , so’zlash va fikr yuritish qobiliyatiga ega bo’lgan insoniyatning paydo bo’lishi bilan uzviy bog’lay olmaydi . Ijtimoiy kelishuv nazariyasi . Bu nazariya XIX asrning ikkinchi yarmida paydo bo’lib , uni ilgari suruvchi olimlar ba’zida bir-biriga zid xulosalarga kelishgan , ularning tilning kelib chiqishi to’g’risidagi asosiy fikrlari bir xil. Bu nazariyaga asosan, narsalarni qanday atashni odamlarning o’zlari kelishib olishgan. Biror narsani nomlashda kelishib olish uchun , tabiiyki , kelishuv

vositasi , ya’ni til kerak bo’ladi . Ushbu nazariya tilning paydo bo’lishini emas , balki til rivojlanishining bir yo’nalishini yoritishi mumkin . Hozirgi vaqtga kelib u yoki bu fanga taalluqli atamalar yoki so’zlar o’zaro kelishib olinadi . Lekin buning til shakllanishiga aloqasi yo’q. Yuqorida ko’rsatib o’tilgan nazariyalarning hammasi ham tilning kelib chiqishi masalasini to’g’ri yoritishga ojizlik qiladi . Chunki bu nazariyalar tilning kelib chiqishi masalasini insoniyatning paydo bo’lishi , dastlabki kishilar jamoasining vujudga kelishi masalasidan ajratib olgan holda qaraydi . Jamiyatdan tashqarida yashagan inson bolasi qancha umr ko’rmasin , u gapirmaydi . Chunki til nasldan naslga , avloddan avlodga o’tmaydi , ya’ni uni irsiyatga bo’lab qo’yish to’g’ri bo’lmaydi. Irsiyat qonuniga binoan , bolaning biologik , antropologik xususiyatlari avloddan avlodga o’tadi , lekin o’zbek oilasida tug’ilgan bola faqat o’zbek tilida gapiradi deyish noto’g’ridir. U qaysi tilda gapira boshlashi qaysi oila , qaysi ijtimoiy muhitda tarbiyalanishiga bog’liq. Qayd etilgan nazariyalarda, birinchidan , til go’yo jamiyat tarixi taraqqiyotidan chetda , o’z holicha taraqqiy etadigan hodisa, deb qaralgan. Shuning uchun ham tilning kelib chiqishi masalasi ibtidoiy davrdagi kishilarning mehnat faoliyatidan ajratilgan holda qaralgan. Ikkinchidan, bu nazariyalarda tilning kelib chiqishi masalasi tafakkurning paydo bo’lish masalasi bilan birgalikda , o’zaro bog’langan holda emas , balki ajratilgan holda talqin qilingan. Uchinchidan , odamning paydo bo’lishi jarayonidagi barcha biologik asoslar hisobga olinmagan. Sharq tilshunosligida ham tilning paydo bo’lishiga oid mulohazalar bildurilgan. Jumladan, Alisher Navoiyning “Muhokamat-ul lug’atayn” asari muqaddimasida o’sha davr dunyoqarashiga mos bo’lgan tilning paydo bo’lishiga doir qarashlar bayon qilingan. Alisher Navoiy tilning paydo bo’lishini Nuh alayhissalom avlodlariga bog’laydi:

“Mundin so’ngra uch nav tildurkim , asil va mo’tabardur va ul tillar iborati gavhari bila koyilining ( aytuvchi , so’zlovchi ) adosig’a zevar va har qaysining furu’i (shox , daraxtning shoxi ) bag’oyat ko’ptur . Ammo turkiy va forsiy va hindiy asl tillarning manshaidurki (bir narsaning chiqib kelgan o’rni , kelib chiqish joyi , boshlanishi), Nuh payg’ambar... ning uch o’g’lig’akim , Yofas va Som va Homdur , etishur . Va bu mujmal tafsili budurki , Nuh... to’fon tashviridin (to’lqin , falokat) najot va aning mahlakasidin ( xavf – xatar joyi va vaqti , halokat , xavf – xatar) hayot topti , olam ma’murasida bashar jinsidin osor va inson navidin namudor qolmaydur erdi . Yofasniki , tavorix ahli Abu – t – turk bitirlar , Xito mulkiga yibordi va Somniki , Abu – l – furs bitirlar , Eron va Turon mamolikining vasatida ( o’rta , o’rtaliq ) voliy (hokim , hukumdor ,podshoh qildi va Homniki , Abu – l – hind depturlar , Hindiston bilodig’a (shaharlar , mamlakatlar uzatti . Va bu uch payg’ambarzoda avlod va atbo’i (tobelar , fuqarolar, qaramlar , izdoshlar ) mazkur bo’lg’an mamolikda yoyildilar va qalin bo’ldilar. Va Yofas o’g’loniki , Abu – t – turkdur , tarix ahli ittifoqi(bir fikrga kelish, hammasi degan ma’noda )depturlarki , nubuvvat (payg’ambarlik) toji bila sarafroz va risolat ( payg’ambarlik , rasullik ) mansabi bila qarindoshlaridin mumtoz (saralangan , ajratilgan ) bo’ldi . Va uch tilki , turkiy va forsiy va hindiy bo’lg’ay . Bu uchovning avlod va atbo ‘i orasida shoe bo’ldi . (“Muhokamat ul – lug’atayn”dan) . Olimlarning faraz qilishicha , mehnat , ibtidoiy mehnat qurollarini yasash odamlar a’zolarini asta-sekin juda uzoq davrlar davomida takomillashtirib , til hamda tafakkurning rivoj topishida beqiyos rol o’ynagan . `Demak, mehnat qilish, mehnat qurollarini yasash jarayonida odamlar borgan sari uyushib boradi , natijada kishilik jamiyati vujudga keladi. Hayvonot dunyosidan ajralib chiqqan odamlarda jamoa bo’lib mehnat qilish jarayonida bir-biriga nimadir deyish ehtiyoji tug’iladi . Bu zaruriy ehtiyoj esa tilni yaratadi . Til bilan ayni bir vaqtda tafakkur paydo bo’ladi . Mehnat bilan bir vaqtda muhim ehtiyoj talabi bilan til va tafakkurning paydo bo’lishi

natijasida bu uch omil bir-biriga ta’sir qilib , rivojlanish imkoniyati yazaga kelgan. Buning natijasida mehnat qilish yo’llari , mehnat qurollari , til va miya asta-sekin takomillasha boshlaydi . Ilgari tosh hech qanday ahamiyatga ega bo’lmagan bo’lsa , endi kishilar undan foydalanishni o’rgana boshlaydilar va uning xususiyatlarini bilib oladilar . Endi odam toshni yorib yoki sindirib , undan har xil shakldagi turli mehnat qurollari yasay boshlaydi va ana shu mehnat qurollaridan foydalanish jarayonida boshqa narsalarning ham turli xususiyatlarini bila boradi. Bu esa narsalarni bir-biriga solishtirib , ularning xususiyatlarini aniqlashni o’rgatadi. Oqibatda tafakkurning rivoj topishiga imkoniyat tug’iladi. Odamlar mehnat qilishini bilganlaridan keyin , oziq-ovqat topish uchun zarur narsalar haqida, ya’ni mehnat qurollari tayyorlash , undan qanday foydalanish , qaysi tarafga borish , oziq-ovqat topish harakatini jamoa bo’lib bajarish va boshqalar to’g’risida ozmi-ko’pmi fikr yurgizadigan bo’ladilar . Ular guruh-guruh bo’lib , birgalikda harakat qila boshlaydilar. Bu esa insonlar tili va tafakkurining borgan sari o’sishiga , ularda mavhum tushunchalarning paydo bo’lishiga asos bo’ladi. Endigina mehnat qilish qobiliyatiga erisha boshlagan , eng ibtidoiy mehnat qurollarini yasashni o’rgana boshlagan odamlardan bir necha bosqich yuqori darajada yashayotgan Afrikadagi qabila jamoasi holatidagi xalq tillarining so’z boyligi , grammatik tuzilishi hamda tafakkurining rivojlanish farqlari qiyoslab bo’lmaydigan darajada ekanligini , rivoj topganini faraz qilish mumkin. Shu tariqa Afrika , Amerika qit’alarida qabila bo’lib yashayotgan xalqlarning rivojlanish darajasi , so’z boyligi , grammatik tuzilishi , tafakkur qilish qobiliyati eng taraqqiy topgan ingliz , rus , nemis , arab kabi xalqlar tillarining so’z boyligi , grammatik tuzilishi va boshqa til hodisalaridan , tafakkur etish darajasidan juda katta farq qiladi. Yuqoridagi fikrlar til va tafakkurning rivojlanib borishi kishilik jamiyati taraqqiyoti bilan uzviy bog’langanining yorqin dalilidir.

Jamiyat tarixida tillarning keyingi taraqqiyoti milliy tillarning vujudga kelishi bilan bog’liq. Milliy til mahalliy shevalar bilan o’zaro bog’langan holda taraqqiy qilib boradi . Bu jarayonda ba’zi shevalar milliy tilga qo’shilib, uni boyitadi ; ba’zi shevalarni esa milliy til asta-sekin siqib chiqaradi. Milliy tilning yagonaligi shuni ko’rsatadiki , til shu millatning barcha tabaqalar , guruhlar va sinflariga tushunarli va bab-baravar xizmat qilib , ularning hammasi uchun birdan bir aloqa vositasi bo’lib qoladi . Chunki til ayrim sinf , ayrim tabaqa , ayrim guruh tomonidan yaratilmagan , balki jamiyatning barcha a’zolari – umumxalq tomonidan yaratilgan. Xullas , til birligi uning erkin rivojlanishi millatning asosiy belgilaridan biridir . Milliy tilning xalq tilidan farqi uning adabiy yozuv shakliga egaligidir . Milliy tilning bu shakli mazkur millatning har bir a’zosi , har bir sheva uchun umumiydir. Har bir millatning madaniy merosi ana shu tilda o’z aksini topadi. TILNING IJTIMOIY TABIATI Til kishilik jamiyatida yaratilgan bo’lib, aloqa vositasi sifatida xizmat qiladigan ijtimoiy hodisadir. Uning ijtimoiy tabiati ayrim shaxsga emas, balki jamiyat uchun xizmat qilishda namoyon bo’ladi. Til insoniyatning tarixiy taraqqiyoti jarayonida yaratgan barcha madaniy va ilmiy boyliklarini ifodalaydigan va avloddan avlodga meros qoladigan asosiy vositadir.

Til jamiyat taraqqiyoti jarayonida ijtimoiy hodisa sifatida paydo bo’ladi ( boshqacha aytganda , «tug’iladi », taraqqiy etadi, « o’sadi»), bir jamiyat yo’q bo’lishi bilan til ham asta – sekin iste’moldan chiqa boshlaydi va davrlar o’tishi bilan o’lik til bo’lib qoladi. Masalan, lotin, sug’d, qadimiy Xorazm tillari kabilar bunga misol. Biroq tilninng paydo bo’lishi (“ tug’ilishi”) taraqqiy etishi (“ o’sishi”) va iste’mol qilinmay qolishi (“ o’lishi”) biologik jarayon emas, balki jamiyat taraqqiyoti bilan bog’liqdir. Shuning uchun til qonunlarini, uning taraqqiyot yo’llarini jamiyat tarixi bilan va shu tilni yaratgan xalqning tarixi bilan bog’liq holda o’rgangandagina masalani to’g’ri hal qilish mumkin. Demak, jamiyatning eng muhim aloqa vositasi bo’lgan tilning bir butunligiga asoslanib, uni tirik organizmga o’xshatish noto’g’ridir. Til o’zining tuzilishi bilan, ayrim unsurlarining o’zaro munosabati bilan butun bir tizimni tashkil etadi. Umumiy tilshunoslik fanining asoschisi V. fon Gumboldt (1767-1835) tilshunoslik fanining asosiy masalalarini, predmetini va chegarasini belgilab berishga harakat qilgan mashxur olim edi. V. Gumboldt tilshunoslikni inson o’rganadigan tarixiy, falsafiy, etnografik fanlar qatoriga qo’shishga harakat qildi. V. Gumboldt ta'rificha, til murakkab, bir-biriga qarama-qarshi bo’lgan sifat va xususiyatlarni o’zida mujassamlashtirgan hodisadir, shuning uchun ham tilni il miy o’rganishda, uning haqiqiy mohiyatini tushunishda antinomiya qarama-qarshilik) metodini qo’llash maqsadga muvofiqdir. Til tabiatiga xos asosiy antinomiyalar quyidagilardir: Birinchi antinomiya: til bilan tafakkurning ajralmas birligi va ichki qarama- qarshiligidir. Til bilan tafakkur bir-birini taqozo etadigan ajralmas hodisadir. Tilsiz tafakkur bo’lmaganidek, tilning ham tafakkurdan ajralib qo’yilishi mumkin emas. Ikkinchi antinomiya: til har doim rivojlanib turadigan dinamik hodisadir. Bir tomondan, til faoliyat bo’lsa, ikkinchi tomondan, faoliyat mahsulidir. Tilda so’zlovchi har bir kishi o’zining nutq faoliyati jarayonida tilning rivojlanishi uchun o’z hissasini qo’shadi. Shu bilan birga til insoniyat jamiyatining tarixiy taraqqiyoti jarayonida

yaratgan barcha tarixiy boyliklarini mujassamlantirgan va avloddan-avlodga o’tib boradigan aniq tarixiy me’yordir. «Aslida til» «eg г o н » (faoliyat mahsuli) emas, balki «e нер giy а » (fao liyat) ning o’zginasidir». Bu antinomiyadan ko’rinib turibdiki, V. Gumboldt til bilan nutqning tilshunoslik fanining ob'ektlari, sifatida ajratib o’rganish masalasini ilgari surgan. Demak, ikkinchi antinomiya til bilan nutqning o’zaro munosabati masalasidan iborat. Uchinchi antinomiya : nutq va tushunish antinomiyasidir. V. Gumboldt ta'rifiga ko’ra nutq bilan nutqni tushunish inson nutq faoliyatining ikki tomonini tashkil etadi. To’rtinchi antinomiya: tildagi ob'ektiv va sub'ektiv xususiyatlarni o’z ichiga oladi. V. Gumboldtning fikricha, har bir individ insoniyat kollektivi tomonidan yaratilgan tildan foydalanadi va ushbu tilning qonun qoidalariga rioya qiladi. Sub'ektiv hodisa sifatida esa har bir so’zlovchi o’zining nutqiy faoliyati jarayonida tilning rivoji uchun o’z hissasini qo’shadi. Beshinchi antinomiya: tildagi kollektiv va individual xususiyatlardir. Ma'lumki nutq ayrim shaxslarning mahsulidir, ammo ayrim shaxslar o’zlaridan oldingi avlod tomonidan yaratilgan kollektiv mahsulotidan foydalanadilar. Nutq faoliyati o’z navbatida so’zlovchini va tinglovchini taqozo qiladi. Shuning uchun tildagi kollektiv va individual xususiyatlarni o’rganish zarur. Demak, V. fon Gumboldt fikricha, til nihoyat darajada murakkab va ko’p aspektli hodisa bo’lib, uni ilmiy o’rganish esa tilning barcha aspektlarini tekshirishni talab qiladi. V. fon Gumboldt ta'kidlashicha, tilning har doim, rivojlanib o’zgarib turishi uning eng asosiy xususiyatidir. Tilshunoslik fanining asosiy masalasi- tilning ana shu xususiyatini o’rganishdan iboratdir. Yuqorida ko’rsatib o’tilgan masalalar tilshunoslik fanining predmeti masalasi bilan bevosita aloqadordir. Garchi V. Gumboldtning nazariyasi idealistik falsafaga asoslangan bo’lsa ham, uning ilmiy faoliyati, ayniqsa til bilan nutq antinomiyasi xususidagi ta'limoti tilshunoslik fanining taraqqiyoti uchun juda katta hissa bo’ldi. V. Gumboldtning til haqidagi falsafiy nazariyasi, o’zidan keyingi tilshunoslik fanining takomillashuvida, turli ilmiy maktablar va oqimlarning shakllanishida asosiy omil bo’ldi.

Tilshunoslik fani tarixida muhim o’rin tutgan «Yosh grammatikachilar» maktabi vakillari tilning tarixiy hodisa ekanligini tilning eng asosiy xususiyati deb bildilar. Ularning fikricha, til avvalo uzoq tarixga ega bo’lgan kishilik jamiyati madaniyatining mahsuli bo’lib, uni tarixiy jihatdan o’rganish zarur. Shunga binoan, tilshunoslik tarixiy fan bo’lib, tilning o’ziga xos tabiatini, tilning o’zgarish sabablarini o’rganishi lozim. «Yosh grammatikachilar» maktabining eng yirik namoyandasi G. Paulning fikricha, tilshunoslik fani bilan til tarixi fani tushunchasi bir.«Yosh grammatikachilar» til hodisalarini ayrim (atomizm) holda o’rganishni tavsiya qiladilar. Ular til va tafakkur, tillarning grammatik qurilishi turlicha bo’lishi sabablari, tilning ijtimoiy tabiati kabi masalalar bilan qiziqmadilar. Ular o’sha davrda hukm surgan psixologik nazariyalarning ta'sirida bo’lib, tildagi barcha hodisalarni individual psixologiya prinsiplari asosida hal qilishga intildilar. F. de Sossyurning ilmiy g’oyasi tilning murakkab ziddiyatlarga boy, ko’p tomonlama hodisa ekanligiga asoslangan. F. de Sossyur fikricha, til kishilik jamiyatida bajaradigan funksiyasiga ko’ra aloqa quroli, fikrni ifodalaydigan vositadir. Ijtimoiy tabiati jihatidan-qaralganda til madaniy-tarixiy va ijtimoiy hodisadir. Ichki tuzilishiga ko’ra til sof belgilar sistemasidir. F. de Sossyurning ta'rificha, tilshunoslik faniniig obyekti shartli belgilar sistemasi bo’lgan tilni o’rganishdir. Shuning uchun ham tilshunoslik belgilarni o’rganadigan semiotik fanlar qatoriga kiradi.F. de Sossyurning ta'kidlashicha, insonning nutq faoliyati ko’p tomonlama hodisa bo’lib, falsafa, psixo logiya, fiziologiya, antropologiya, filologiya kabi turli fanlar tomonidan o’rganilishi lozim. Shuning uchun nutq faoliyatini o’rganishda F. de Sossyur ham V. fon Gumboldt kabi antinomiya metodidan foydalandi. Tilshunoslik fanining chegarasini, predmetini aniqroq ta'riflash maqsadida F. de Sossyur til bilan nutqni ajratib, bir-biriga qarama-qarshi qo’ydi. Uning fikricha, til nutq faoliyatining faqat bir tomonini tashkil etadi. Til bilan nutqning asosiy farqi - til ijtimoiy, nutq esa individual hodisadir. Til bilan nutqning o’zaro munosabatini F. de Sossyur quyidagi sxemada ko’rsatadi: (Ijtimoiy tabiati jihatidan-qaralganda til

madaniy-tarixiy va ijtimoiy hodisadir. Ichki tuzilishiga ko’ra til sof belgi lar sistemasidir). I Garchi F. de Sossyur til bilan nutq o’rtasidagi o’za ro bog’lanishni e'tirof etsa- da, ikkala hodisani alohida - alohida o’rganishni taklif qildi. Fanning bu ikkala tomonini o’rganish uchun F. de Sossyur til lingvistikasi va nutq lingvistikasi degan nom ham berdi. F. de Sossyur fikriga ko’ra, tilshunoslik fanining asosiy vazifasi va predmeti til lingvistikasini o’rganishdan iboratdir. Nutq lingvistikasi esa tilshunoslik uchun ikkinchi darajali masala bo’lib, boshqa fanlar tomonidan o’rganilishi mumkin. F. de Sossyur ichki va tashqi lingvistikani ajratib, ularni bir-biriga qarama-qarshi qo’ydi. Uning fikri cha, tilshunoslik fanining asosiy vazifasi tilning ichki qurilishi (strukturasi)ni o’rganadigan ling vistika, tashqi lingvistika esa tilning xalq madaniyati, tarixi bilan aloqasini o’rganadigan lingvistika bo’lib, tilshunoslik fani uchun ikkinchi darajali hodisadir. Tilshunoslik fanining predmetini yanada aniqroq tasavvur etish maqsadida F. de Sossyur tilni o’rganishda sinxronik (bir vaqtda) va diaxronik (ketma-ket, tadrijiy suratda yuz beradigan yoki tarixiy) aspektlarni ajratib, bir-bi riga qarama-qarshi qo’ydi va ko’proq sinxronik aspektga ahamiyat berdi. F. de Sossyur fikricha, sinxronik aspekt bilan dia xronik aspektlar o’zaro bog’liq bo’lib, ma'lum aspektni tanlash o’z oldiga qo’yilgan ilmiy maqsadlarni nazarda tutadi. Sinxronik aspekt til sistemasini o’rganadi, ammo diaxronik aspekt o’rganadigan obyekt esa sistemani tashkil qilmaydi.

F. de Sossyur nazariyasida asosiy antinomiya - til va nutq antinomiyasidir. Yuqorida ko’rib o’tilgan tashqi va ichki lingvistika, sinxroniya va diaxroniya antinomiyalari til va nutq aitinomiyasining natijasidir. Shunday qilib, F. de Sossyur nazariyasi tilshunoslik fanining predmetini o’rganishga qo’shilgan katta hissa bo’ldi. F. de Sossyur nazariyasi ta'sirida XX asrda «Strukturalizm» nomi bilan atalgan yangi lingvistik oqim vujudga keldi. Tilnnng ijtimony tabiatnni talqin qilishda jahon tilshunosligi dialektik taraqqiyot prinsplariga asoslanadi. Xususan, tilni jamiyat taraqqiyotining mahsuli deb tushunish tilshunoslik faniga qo’shilgan eng buyuk hissalardan biridir. Tilnnng asosiy va muhim xususiyati shundan iboratki, til kishilik jamiyati tomonidan yaratilgan bo’lib, eng muhim aloqa vositasi sifatida xizmat qiladigan ijtimoiy hodisadir. Tilning ijtimoiy tabiati uning ayrim shaxsda emas, balki jamiyatda mavjudligini taqozo etadi. Til jamiyat tomonidan yaratilgan bo’lib, uning taqdiri ham jamiyat taqdiri bilan cham barchas bog’liqdir. Insonning butun hayoti til bilan bog’liq bo’ lib, til yordamida kishilar obyektiv borliqni o’rganadilar, o’zaro fikr almashadilar, jamoa bo’lib birlashadilar va mehnat qiladilar. Til ijtimoiy hodisa sifatida tabiiy hodisalardan ajralib turadi. Masalan, kishilarning tabiiy -biologik va fiziologik xususiyatlari (ovqat yeyishi, nafas olishi, rivojlanishi va hokazo) tabiat qonunlariga muvofiq, jamiyatga bogliq bo’lmagan holda rivojlanib boradi. Ammo tilda so’zlashish na fikrlash uchun kishilik jamiyati (sotsial muhit) bo’lishi shart. Chunki til kishilarning bir-biri bilan aloqa qilish va fikr almashish ehtiyojlari natijasida paydo bo’lgan. Shuning uchun ham til tabiiy hodisalardan farqli o’laroq, kishilik jamiyati tomonidan yaratilgan va unga xizmat qiladigan ijtimoiy hodisadir. Til nasldan naslga, avloddan avlodga o’tadigan irsiy hodisa emas, aksincha, til jamiyat taraqqiyotining mahsulidir. Bolaning qaysi tilda so’zlay boshlashi uni o’rab turgan til muhitiga bogliq. Misol uchun, fransuz bolasi go’daklikdan yaponiyaliklar orasida tarbiyalansa, u faqat yaponcha so’zlab, o’z ona tilini bilmasligi mumkin. Ammo bolaning biologik belgilari (yuz tuzilishini, sochining rangi va hokazolar) o’zgarmagan holda shakllanib boradi. Boshqa bir misol:

1920 yilda Hindistonda ovchilar bir uyada ikki bo’ri bolasi va ikki qizchaga duch kelganlar. Ular (ayniqsa ularning kattasi-Kamola) o’zlarini bo’ri sifatida tutganlar. Kamola bo’rilar bilan 15 yil birga hayot kechirgan. Lekin u gapirishni butunlay bilmagan. Uni «odamlashtirish» juda sekinlik bilan amalga oshgan. Faqat o’rgatishning uchinchi yilida ikki oyoqda turishni (shunda ham orqasidan ushlab turilsa) o’rgangan. Yetti yildan keyingina ikki oyoqda yura boshlagan. Lekin, baribir, yugurish zaruriyati tug’ilsa, emaklab chopgan. Nutqqa o’rgatish yana ham qiyin bo’lgan. To’rt yil davomida faqat olti so’zni bilib olgan. Yetti yil davomida Kamolaning lug’atidagi so’zlar ellikka ham bormagan. 16 yoshida bu qiz o’zini 4 yoshli qiz holida tutgan. Bu misol ham tilning jamiyat bilan bog’liqligini, uni jamiyatdan ajratish mumkin emasligini, tilning ijtimoiy hodisa ekanligini ko’rsa tib turibdi. Ma'lumki, jamiyatga xizmat qiladigan njtimoiy hodisalarning turlari nihoyatda ko’p. Bazis, ustqurma, ideologiya kabi ijtimoiy hodisalar yoki ayrim tabiiy hodisalar (yog’ayotgan yomg’ir, quyosh nuri va hokazolar) ham jamiyatga xizmat qiladi. Ammo bu hodislarning jamiyatda bajaradigan funksiyalarining o’ziga xos xususiyatlari va qo’llanish doirasi bor. Masalan, bazis jamiyatning iqtisodiy tuzilishini, ustqurma esa jamiyatning siyosiy, yuridik, ideologik normalarini belgilab beradi. Har bir tuzumning o’z bazisi va ustqurmasi bo’lib, ijtimoiy-iqtisodiy formatsiyalarining o’zgarishi bilan bazis va ustqurma ham o’zgarib turadi. Til esa na bazis va na ustqurma tarkibiga kirmaydigan o’ziga xos ijtimoiy hodisadir. Tilning boshqa ijtimoiy hodisalardan ajralib turadigan eng asosiy xususiyati shundan iboratki, til jamiyat faoliyatining barcha sohalariga xizmat qiladi. U kishilik jamiyatining tarixiy taraqqiyoti jarayonida yaratilgan konkret-tarixiy norma sifatida jamiyat a'zolarining hammasiga teng xizmat qiladigan asosiy aloqa vositasidir. Shuning uchun ham til sinfiy xarakterga ega emas. So’zlovchi insoniyat jamoasi tomonidan yaratilgan tildan foydalanadi va ushbu tilning qonun- qoidalariga rioya qiladi. Shu bilan bir qatorda, har bir so’zlovchi ayniqsa adiblar, olimlar o’zlarining nutq faoliyati jarayonida tilning rivoji uchun ma’lum hissalarini qo’shadilar. Kishilar o’zaro aloqa qilish, fikrlashishda tildan boshqa

vositalardan ham foydalanadilar. Bular ovozli va grafik shaklda bo’ladi va odatdagi so’zlashuv nutqidan boshqa turli tovush signallari: zvonok, gudok kabilardan foydalaniladi. Grafik yozuv ko’rinishlari turlichadir: 1. Yozuv- kishilik aloqasida muhim vositadir. Yozuvninig eng afzal tomoni unga vaqt va masofaninig ahamiyatsizligidir. Yozuv jamiyatning madaniy taraqqiyotida muhim faktordir. 2. Yordamchi vositalar - qo’l alifbesi va ko’rlar alifbesi. Qo’l yozuvi barmoqlar yordamida harflarni tasvirlash bo’lib, eshitish qobiliyatini yo’qotganlar uchun xizmat qiladi. Ko’rlar alifbesi Lui Brayl’ tomonidan ishlangan bo’lib, ko’rish qobiliyatini yo’qotganlar uchun mo’ljallangan. Bunda harflar 6 nuqtaning turli kombinatsiyasi orqali ko’rsatiladi. TIL VA JAMIYAT. SOTSIOLINGVISTIKA Til va jamiyatning o’zaro uzviy munosabatini sotsiolingvistika fani o’rganadi. Tilning paydo bo’lishi va rivojlanishi insoniyat jamiyati bilan mustahkam bog’liq. Til insoniyat tarixi qadar qadimiydir. Umumiy til tushunchasining shevadan farqi bor: til butun bir xalqqa xizmat qiladi, sheva esa xalqning bir guruhigagina taalluqlidir. Til ko’p vazifali, hamma uchun umumiy bo’lgan aloqa-munosabat vositasidir; sheva esa, vazifa nuqtai nazaridan chegaralangan bo’lib, tilning nutqiy ko’rinishini tashkil etadi. Masalan, o’zbek tiliga qarluq-chigil-uyg’ur dialekti asos bo’lgan. Bu sheva Farg’ona, Toshkent, Samarqand-Buxoro shevalarini o’z ichiga oladi. O’zbek tili —ko’p dialektli til. Bu hol o’zbek tilining o’ziga xos murakkab tarixiy rivojlanish sharoiti va o’zbek millatining o’tmishdagi xilma-xil etnik tarkibi bilan izohlanadi. Ta’kidlanganidek, til jamiyat taraqqiyoti bilan birga rivojlanadi, tilning grammatik qurilishi takomillasha boradi. Til taraqqiyoti jamiyat taraqqiyoti bilan

uzviy bog’langan. Kishilik tarixidan shu narsa ma’lumki, avval urug’dosh tili, keyin qabila tili, elat, xalq va millat tili shakllangan. Dialektlar urug’chilik davridan boshlab, jamiyat taraqqiyotining keyingi bosqichiga qadar son jihatdan ko’payib boradi. Bu qabilalarning yashash tarzi bilan bog’liq. Avval bir qabila ittifoqiga kirgan tillar markazdan uzoqlashgan sari ulardagi dialektal farq orta boradi va bu dialektal farqlar oxir-oqibatda yangi til paydo bo’lishi uchun asos bo’ladi. Dialektlar sonining ko’payishi va ular asosida yangi-yangi tillarning vujudga kelishi til taraqqiyotining differensiatsiya jarayonini tashkil qiladi. Differensiatsiya tillarning dialektlarga parchalanishidir. Har bir millat o’z adabiy tilining mustahkamlanishi uchun harakat qiladi. Jamiyat taraqqiyotining keyingi bosqichlarida dialektlar kamayib, adabiy tilga yaqinlasha borishi kuzatiladi. Buni adabiy til ta’sirining kengayishi bilan izohlash mumkin. Til taraqqiyotidagi bu jarayon integratsiya deb yuritiladi. Integratsiya bir tilga mansub shevalarning adabiy til me’yorlariga yaqinlashuvidir. Bunday jarayonlar tasodifan yuz bermaydi, balki jamiyat taraqqiyotiga, ijtimoiy hayotning taraqqiyot jarayonlariga bog’liq tarzda sodir bo’ladi. Til va jamiyat o’rtasidagi munosabatlarni, tilning falsafa, ijtimoiy psixologiya, etnografiya bilan bog’liq jihatlarini o’rganuvchi soha sotsiolingvistka (ijtimoiy tilshunoslik) dir. Sotsiolingvistika quyidagi masalalarni o’rganadi: 1) jamiyat va til o’zaro bog’liq, mutanosib tarixiy jarayon, hodisadir. 2) jamiyat taraqqiy eta borgan sari tilning ijtimoiy vazifalari ham takomillashib boradi. 3) adabiy tilning, shevalarning lug’at boyligi kengayadi, ortib boradi. 4) yashash muhiti yaqin, turmush tarzi o’xshash hamda o’zaro iqtisodiy munosabatlari shakllangan xalqlarning tillari bir-biriga ta’sir ko’satadi. Tillar leksik jihatdangina emas, balki grammatik jihatlariga ko’ra ham ta’sirlashadi. Dunyo tillarining, ma’lum ma’noda, o’ziga xosligini yorituvchi, muayyan tilning boshqa tillardan farqli jihatlarini ko’rsatuvchi tadqiqotlar yaratilgan.

Mazkur tadqiqotlarning bosh masalasi til va jamiyat munosabati talqinidir. Tilning jamiyat bilan bog’liq tomonlarini o’rganish tilning o’ziga xos ichki qurilishi, imkoniyatlarini yoritishda ahamiyatlidir. Kishilik jamiyati taraqqiyoti davomida aloqa-munosabat vositasi bo’lgan tilning jamiyatga bo’lgan nisbatini turlicha izohlashgan. Har xil fikrlar, turli nazariyalar vujudga kelgan. Ba’zi guruhlar tilni tirik organizm sifatida tushunishgan. Ba’zilari o’zgarmas voqelik sifatida qarashgan. Bunday qarashlarni tanqidiy-tahliliy ravishda o‘rganib, quyidagicha umumlashtirish mumkin: 1.Til tabiiy-biologik hodisa emas. 2.Tilning mavjud bo’lishi va uning taraqqiyoti tabiat qonunlariga bog’liq emas. 3.Til kishilarning tabiatiga, irqiga, nasliga aloqador emas. 4.Jamiyat bo’lib uyushgan kishilargina aloqa-munosabat vositasi bo’lgan tilga ega. Til kishilik jamiyatining asrlar davomidagi tarixiy-ijtimoiy tajribasi asosida yuzaga kelgan ijtimoiy hodisadir. Til va jamiyat taraqqiyoti uzviy bog’liqdir. Jamiyatda ro’y beradigan har qanday voqelik, ma’lum ma’noda tilda o’z ifodasini topadi. Tilning ijtimoiy tabiati uning janiyatda mavjud bo’lishi hamda jamiyat manfaatlariga xizmat qilishida namoyon bo’ladi. Sotsiolingvistika tilning ijtimoiy tabiatini tahlil qiluvchi asosiy soha hisoblanadi. Sotsiolingvistika tilning ijtimoiy tabiatini yoritishda tarixiylik, hayotiylik, me’yoriylik, hududiylik kabi qator mezonlarga amal qiladi. Avvalo, til voqelik sifatida mavjud bo’lishi uchun muayyan tarixiy taraqqiyot bosqichini o’tishi kerak. Tilning paydo bo’lishi, yaxlit tizim tarzida shakllanishi, ijtimoiy hodisa sifatida mavjudligi uning tarixiyligi bilan bog’liq. Tilning hayotiyligi uning aloqa-munosabat vositasi sifatida mavjuligidir. Til hayotiyligini yo’qotsa, o’lik tilga aylanadi. Til hayotiy bo’lishi uchun shu tildan foydalanadigan jamiyat zarur bo’ladi. Ba’zan o’lik tillar qaytadan tirik tilga aylanishi mumkin, degan fikr ham mavjud va buning isboti sifatida ivrit tilini misol qilib keltirish mumkin. Bu qarashni nisbiy deb baholash kerak. Negaki, til

aloqa munosabat vositasi sifatidagi ahamiyatini yo’qotdimi, uni sun’iy ravishda tiklab bo’lmaydi. Sotsiolingvistikadagi me’yoriylik mezoni deyilganda tilning muayyan me’yorlar asosida muvofiqlashtiriluvi tushuniladi. Til grammatikasiga oid qonun-qoidalarning yaratilishi me’yorlashtirishning muhim omillaridan hisoblanadi. Me’yorlashtirilgan til muayyan jamiyatning ehtiyoji uchun xizmat qiladigan, muayyan qonun-qoidalar asosida muvofiqlashtirilgan milliy-adabiy tildir. Hududiylik tilning ma’lum hudud bilan bog’liqligini ifoda etadi. Hududiylik millat, elatga xos urf-odat, an’analar, tarixiy-etnik birlik va yagona davlat tizimining shakllanganligi bilan bog’liq. Millatning, hududning, tarixiy- etnik asos va taraqqiyotning boshqa-boshqaligi tillar o’rtasidagi farqlar uchun asos bo’ladi. Millat va etnik asosning bir xil bo’lishi hududning farq qilishidan qat’i nazar, aloqa-munosabat vositasining bir xil bo’lishini ta’minlaydi. Masalan, o’zbek va tojik tillarida har bir tilning o’ziga xosligi ko’zga tashlanadi. Bir xil etnik asosga ega bo’lgan o’zbek va qirg’iz tillari o’rtasida fonetik, leksik, grammatik farqlar bor. Adabiy til va shevalar o’rtasida ham tilning ichki tuzilishi bilan bog’liq farqlar kuzatiladi. Ijtimoiy tabiati va o’ziga xos xususiyatlaridan kelib chiqib, tillarni quyidagicha guruhlash mumkin. Me’yorlashtirilgan tillar adabiy til me’yoriga ega bo’lgan tillardir. Bunday tillarga adabiy shakliga ega bo’lgan barcha tillar kiradi. Adabiy til tarixiy taraqqiyot jarayonida takomillashib, o’zgarib boradi. Qadimiy tillar tillarning dastlabki taraqqiyoti davrida shakllangan, takomiliga yetgan, eng qadimiy madaniy-ma’naviy yodgorliklar yaratilgan tillardir. Bu tillar keyingi davrlarda shakllangan bir qator tillar uchun asos bo’lib xizmat qilgan. Qadimiy tillar kishilik jamiyatining umumiy taraqqiyoti uchun katta ahamiyat kasb etgan. Ma’lum davrda aloqa-munosabat vositasi sifatida mavjud bo’lib, keyingi davrlarda iste’moldan chiqa borgan. Natijada o’lik tilga aylangan. Lotin tili qadimiy tilning yaqqol namunasidir.

Mahalliy tillar kam sonli aholiga xizmat qiladigan tillardir. Mahalliy tillar o’z yozuviga ega emas. Bunday tillar faqat og’zaki shaklda mavjud bo’lib, aholining kundalik aloqa-munosabat ehtiyoji uchun xizmat qiladi. Kreol tillar Yevropa mustamlakachilarining afrikaliklar, Sharq mamlakatlari xalqlari va Amerika hindulari bilan muloqoti natijasida mahalliy aholi tillariga Yevropa tillari (fransuz, ingliz, portugal) xususiyatlarining singishidan hosil bo’lgan tillardir. Masalan, Amerikadagi Gaiti oroli mahalliy aholisi tilining fransuz tili bilan aralashuvi natijasida giti-kreol, Lotin Amerikasidagi mahalliy aholi tili bilan ispan tilining aralashuvidan ispan-nauatal kreol tili hosil bo’lgan. Kreol tillarning har biri o’ziga xos xususiyatlarga ega. Ularda birdan ortiq tilning o’ziga xos xususiyatlari yaxlit holda namoyon bo’ladi. Pijin tillar ham Yevropa tillari bilan mahalliy tillarning aralashuvidan yuzaga keladi. Lekin pijin tillarida so’zlashadigan jamiyat yo’q (kreol til jamiyat uchun aloqa-munosabat vositasi sifatida xizmat qiladi). Pijin tillardan port shaharlarida ikkinchi til sifatida foydalaniladi. Sun’iy tillar maxsus yaratilgan xalqaro tillardir. Polyak olimi L. Zamengof tomonidan yaratilgan esperanto tili sun’iy til hisoblanadi. Bu tilning lug’aviy asosi Yevropa tillaridan olingan, grammatikasi agglyutinativ xarakterda, grafikasi lotin yozuvi asosida. Bu tilda mashhur asarlar tarjima qilingan. Radio eshittirishlar ham tashkil qilingan. Bu tilning keyingi taqdiri muayyan davr bilan bog’liq. Sotsiolingvistika til va jamiyat munosabatlarini tahlil qilar ekan, umumiy va xususiy qonuniyatlarga tayanadi. XIX asrning o’rtalarida tabiiy fanlarning rivojlanishi, Charlz Darvin ta’limotining vujudga kelishi bilan tilni tirik organizm deb tushunish kuchayadi. Chunonchi, nemis tilshunoslari M. Myuller va A. Shleyxerlar shu nazariya tarafdori edilar. To’g’ri, fiziologik jihatdan til umurtqali hayvonlarning, shu jumladan, kishilarning og’iz bo’shlig’ida joylashgan harakatchan bir qismi. Lekin hayvonlar tili faqat ovqat yeyish, uning ta’mini aniqlash kabi ishlar uchun xizmat qiladi. Kishilar tili esa hayvonlarga xos xususiyatlardan tashqari, nihoyatda muhim

vazifalarni, ya’ni kishilik jamiyatining aloqa vositasi—kommunikativ ijtimoiy vazifani bajaradi. Shuni uqtirib o’tish kerakki, insonning tabiiy-biologik xususiyatlari kishilik jamiyatidan tashqari, jamiyatga bog’liq bo’lmagan holda, masalan, yangi tug’ilgan go’dak hayotining takomili (nafas olishi, korishi, ovqat yeyishi, asta-sekin yurib ketishi va hokazolar) tabiat qonunlariga muvofiq holda taraqqiy etaveradi, o’saveradi. Ammo til bunday tabiiy hodisa emas. So’zlashish, fikrlash uchun kishilik jamiyatining bo’lishi shart. Demak, aytilgan fikrlardan shunday xulosa chiqarish mumkin: birinchidan , til tabiiy biologik hodisa emas; ikkinchidan , tilning mavjud bo’lishi va uning taraqqiy qilishi tabiat qonunlariga bog’liq emas; uchinchidan, til kishilarning tabiiy belgilariga (oq-qoraligi va boshqa irqiy belgilariga) bog’liq emas; to’rtinchidan, faqat jamiyat bo’lib uyushgan insonlargina aloqa vositasi bo’lgan tilga ega. Binobarin, til tabiiy-biologik hodisa bo’lmay, kishilik jamiyatining eng muhim aloqa vositasi sifatida jamiyatga xizmat qiladigan, subyektga bog’liq bo’lmagan ijtimoiy hodisadir. Dastlabki davrlarda, jamiyatning qarama-qarshi guruhlarga bo’linishiga qaramay, til birgina guruh ehtiyojini qondirish uchun xizmat qilmadi, u jamiyat a’zolarining hammasiga bab- baravar xizmat qildi. Ishlab chiqarish jarayoni jamiyatdagi turli guruh odamlari bir-biri bilan aloqada bo’ladilar, til esa ishlab chiqarishni uyushtirishda jamiyatning hamma sohalari rivojlanishida muhim aloqa vositasi bo’lib xizmat qiladi. Til kishilik jamiyatining asrlar davomidagi butun tarixiy jarayonida ma’lum bir guruh tomonidan emas, balki butun jamiyat va jamiyatning a’zolari tomonidan shakllantirilgan ijtimoiy hodisadir. Shu bilan birga, til biror davrning, biror ijtimoiy-iqtisodiy jamiyatning mahsuli bo’lmay, balki butun jamiyat tarixi jarayonidagi bir qancha davrlarning mahsuli bo’lib, jamiyatdagi turli tabaqa vakillari uchun bab-baravar xizmat qiladi. Faqat bir sinfga yoki bir guruhga xizmat qiluvchi til bo’lmagan va bo’lishi ham mumkin emas.

Shunday qilib, til guruh va tabaqalardan qat’i nazar, butun jamiyatga xizmat qiladi. Til fikr ifodalashning muhim vositasidir. Tafakkur bilan tilning munosabati murakkab jarayondir. Til fikr ifodasi sifatida mavjud, o’z navbatida fikr til asosida yuzaga keladigan murakkab jarayon. Til ham tafakkur ham mehnat jarayonida kishilik jamiyatida shakllangan. Til birliklari – fonema, morfema, so’z, gap bir butun holda, mantiqiy tushunchalar (his-tuyg’y, idrok, tafakkur) bilan uzviy bog’liqdir. Til alohida tizim sifatida quidagi vazifalarni bajaradi : 1 . Aloqa – munosabat vazifasi . Tilning mazkur vazifasi jamiyatda aloqa – munosabat vositasi sifatida xizmat qilishdan iborat. Bu tilning asosiy ijtimoiy vazifasi hisoblanadi. Til belgilari uni aloqa - munosabatning boshqa vositalaridan farqlash, tilni ijtimoiy hodisa sifatida talqin etish imkonini beradi . Til aloqa – munosabatning muhim vositasi sifatida jamiyat bilan, uning madaniyati, turmush tarzi va mehnat faoliyatidagi har bir jarayon bilan muntazam bog’liq. Kishilar o’z fikrlarini, sezgi va ruhiy kechinmalarini ifoda qilib, bir – birlariga ta’sir ko’rsatadilar . 2. Tilning hissiy ta’sir vazifasi. Tilning muayyan ma’lumotni ifoda etib, tinglovchiga ta’sir ko’rsatishi uning hissiy - ta’siriy vazifasi hisoblanadi . Xabar, sezgi va hayajon , xohish ifoda qilish hissiy ta’sir vazifasining asosini tashkil etadi. Bunda turli tasviriy til vositalaridan, jumladan, modal so’zlar , javob talab qilmaydigan so’roq , tartibni o’zgartirish kabilardan foydalaniladi. 3. Tilning to’plash vazifasi . Til aloqa – munosabat vositasi, hissiy ta’sir ifodasi bo’lib qolmay , to’plash vazifasini bajaruvchi muhim manba hamdir . Til millatlararo aloqa - munosabat vositasi, to’plangan bilim va tajribalarni avloddan avlodga yetkazish vositasi hisoblanadi. Tilning ushbu vazifasi bilish jarayonidagi asosiy vositalardan hisoblanadi . Bevosita aloqa - munosabat davomida tilning nomlash va fikr ifodalash vazifalari

namoyon bo’ladi. Mustaqil so’zlar , qo’shma nomlar , iboralar ,atama nomlovchi birliklar hisoblansa, turli gap ko’rinishlari fikr fodalovchi birlik hisoblanadi. Tilning kishilik jamiyatidagi o’rnini , madaniy – ma’naviy soha taraqqiyotidagi ahamiyatini belgilash tilning asosiy vazifalarini to’g’ri ta’riflashga asoslanadi . Bevosita aloqa – munosabat davomida tilning nomlash va fikr ifodalash vazifalari namoyon bo’ladi. Mustaqil so’zlar, qo’shma nomlar, iboralar, atamanomlovchi birliklar hisoblansa, turli gap ko’rinishlari fikr ifodalovchi birlik hisoblanadi. TIL –RAMZLAR TIZIMI Har qanday til fonetik tuzilish , grammatik qurilish va lug’at tarkibidan tashkil topadi. Tilning ushbu tarkibiy qisimlari muayyan qonuniyatlar asosida o’zaro bog’lanib , butun bir tilni hosil qiladi, til mazkur birikmalar negizida uzviy bog’langan tizimni tashkil etadi. Tilning rivojlanishi, ichki qurilishi, tilning murakkab tizim ekanligi I . A . Boduen de Kurtene , H . B . Krushevskiy , F . F . Fortunatov , V. A. Bogoroditskiy , A .A . Potebnya , A.A. Shaxmatov , S .P. Obnorskiy , V .V . Vinogradov ,A . M . Peshkovskiy , L. V. Shcherba kabi tilshunoslarning asarlarida yoritilgan . Ichki qurilishi jihatidan til ma’lum miqdordagi o’zaro chambarhas bog’liq bo’lgan til birliklarining yig’indisi va ana shu birliklardan foydalanish qoidalaridan tashkil topgan murakkab tizimdir . Til inson hayotida muhim rol o’ynaydigan hodisadir. Kishining butun hayoti til bilan bog’langan bo’lib, til yordamida kishilar o’zaro fikr almashish imkoniyatiga ega bo’ladilar. Shu bilan birga, inson tili nihoyat darajada murakkab, bir-biriga qarama-qarshi bo’lgan sifatlarni o’zida mujassamlashtirgan hodisadir. Til kishilik jamiyatida eng muhim aloqa quroli bo’lib, insoniyatning uzoq davom etgan tarixiy taraqqiyoti jaroyinida yaratilgan barcha madaniy va ilmiy boyliklarni saqlaydigan va avloddan-avlodga yetkazib beradigan asosiy vosita bo’lib xizmat

qiladi. Tilning tabiati, mohiyati, kishilik jamiyatida bajaradigan vazifasi kabi muhim masalalar ilmiy o’rganishni talab qiladi. Tilshunoslik fanining tarixida tilning tabiati, ijtimoiy mohiyati kabi eng muhim masalalarni o’rganishda turli nazariyalar va oqimlar mavjud bo’lgan. A.Shleyxer tilning tabiati, tilning biologik tabiati to’g’risida, G.Paul til faqat individga xos hodisa ekanligi haqida, Vundt xalq psixologiyasi bilan til o’rtasidagi munosat to’g’risida ilmiy ishlar olib borishgan va bir qancha asarlar yozishgan. Tilning belgilari uni aloqaning boshqa vositalaridan farqlash, tilni ijtimoiy hodisa sifatida xarakterlash imkonini beradi. Umuman, til kishilik aloqa- munosfbatining eng muhim vositasi sifatida jamiyat bilan uning madaniyati, turmush va mehnat faoliyatida tildan keng va har tomonlama foydalanib kelayotgan barcha a’zolari bilan uzviy aloqada bo’lib kelmoqda. Tilning jamiyatdagi bu vazifasini uning jamiyat, kishi ongi va fikrlash qobiliyati bilan aloqasini aniqlamay turib, til sistemasi, uning birliklari va kategoriyalarini chuqur anglab bo’lmaydi. Kishilar o’zaro aloqada o’z fikrlarini, istaklarini, sezgi va ruhiy kechinmalarini ifoda qilib, bir-birlariga ta’sir qiladilar, bir-birlarini tushunadilar. Tilning jamiyatda aloqa quroli vazifasini bajarishi uning kommunikativ funksiyasidir. Bundan tashqari til ekspressiv va akkumlyativ funksiya bajaradi. Til boshqa kishilar bilan muomala qilish ehtiyoji tufayli paydo bo’lgan. Bu ehtiyojning kishilar jamiyat sohalari va inson faoliyatida yuz beradigan o’zgarishlar bilan bog’liq bo’lishi tilda, birinchi navbatda, tilning lug’at qismida o’z aksini topadi. Demak, til tabiiy va biologik hodisa emas, tilning paydo bo’lishi va rivojlanishi tabiat qonunlariga bo’ysunmaydi. Tilning ijtimoiy tabiati uning ayrim shaxsda emas, balki jamiyatda mavjudligini taqozo etadi. Til jamiyat tomonidan yaratilgan bo’lib, uning taqdiri ham jamiyat taqdiri bilan chambarchas bog’liq. Til ijimoiy hodisadir. Ijtimoiy hodisa sifatida tabiiy hodisalardan ajralib turadi. Masalan, kishilarning tabiiy-biologik va fiziologik xususiyatlari(ovqat yeyishi, nafas olishi, rivojlanisi va hokazo) tabiat qonunlariga muvofiq, jamiyatga bog’liq bo’lmagan holda rivojlanib boradi. Ammo tilda so’zlashish va fikrlashish

uchun kishilik jamiyati bo’lishi shart. Shuning uchun ham til tabiiy hodisalardan farqli o’laroq, kishilik jamiyati tomonidan yaratilgan va unga xizmat qiladigan ijtimoiy hodisadir. Ko’rinadiki, til o’z tabiatiga ko’ra ijtimoiy hodisadir. Tilshunoslik fanining asosiy muammolaridan biri tilning ichki qurilishini o’rganishdir. Har qanday til fonetik tuzilishi, grammatik qurilish va lug’at tarkibidan tashkil topadi. Tilning ushbu tarkibiy qismlari muayyan qonuniyatlar asosida o’zaro bog’lanib, butun tilni hosil qiladi, til mazkur birikmalar negizida uzviy bog’langan tizimni tashkil etadi. Ichki qurilishi jihatidan til ma’lum miqdordagi o’zaro chambarchas bog’liq bo’lgan til birliklarining yig’indisi va ana shu birliklardan foydalanish qoidalaridan tashkil topgan murakkab tizimdir. Til tizimini tashkil etuvchi birliklarning o’zaro munosabati va bog’lanish qonuniyatlari murakkab hamda ko’p qirralidir. Garchi til yaxlit tizim bo’lsa-da, bu tizim o’ziga xos jihatlarga ega bo’lgan, til tizimining tarkibiy qismlari hisoblangan sathlar birligan iborat. Har bir sathning o’z birliklari va tushunchalari bo’lib, ular bir- biridan farqlanib turadi. Masalan, fonetik-fonologik sath lug’at sathidan, lug’at sathi grammatik sathdan farqlanadi. Ammo, ushbu sathlar o’zaro bog’liq ravishda butun til tizimini tashkil etadi. Til tizimini tashkil etgan asosiy sathlar quyidagilar: 1. Fonetik-fonologik sath. 2. Lug’at sathi. 3. Grammatik sath. Fonetik-fonologik sath. Tilning bu sathi til tizimidagi nutq tovushlarini o’rganadi. Fikr almashish uchun foydalaniladigan so’zlar va gaplar, albatta, tovush lar tizimi da o’z ifodasini topadi. Tilning tovush tizimini turli tomondan o’rganish mumkin, chunki nutq tovushlari o’z tabiatiga va til tizimida bajaradigan funksiyasiga ko’ra murakkab hodisadir. Inson nutqining tovushlari fizik xususiyatlariga ko’ra tabiatda paydo bo’ladigan tovushlarning bir turidir. Shuning uchun tovushlar tizimini o’rganishda akustik nuqta y i nazardan ham yondashiladi. Ammo, inson foydolanadigan tovushlar, tabiatdagi boshqa tovushlardan farqli o’laroq, kishining nerv sistemasi

tomonidan boshqarilib turadigan nutq organlari mahsulidir. Shuning uchun, tovushlar fiziologik nuqtayi nazardan ham o’rganiladi. Nihoyat, tovushlarni tildagi bajaradigan funksiyasi nuqtayi nazrdan ham o’rganish mumkin, chunki tovushlar tilda o’z holicha mavjud bo’lmaydi. Ular so’zlarni yasashda va fikr almashish vositasini ta’minlab berishda muhim rol o’ynaydi. Tovushlarning fizik va biologik xususiyatlarini fonetika fani o’rganadi. Tovushlarning til tizimida bajaradigan funksiyalarini esa fonologiya o’rganadi. Fonetikaning bir necha ko’rinishlari bor: nazariy fonetika, amaliy fonetika, segmental, supergmental fonetika va fonologiya. Fonetikaning to’rtinchi asosiy soha s i hisoblanmish fonologiya alohida fan sifatida qaraladi. Fonetika tilning boshqa qismlari va sathlari bo’lgan morfologiya va sintaksis, leksika va uslubiyat bilan uzviy bog’liqdir. Nutq fonetik jihatdan fraza, takt, bo’g’in va nutq tovushlari ga ajraladi. Fraza nutqning eng katta fonetik birligi bo’lib, ikki tomondan pauza bilan chegaralanib, o’ziga xos ohangga ega bo’ladi. Frazalar taktdan tashkil topgan bo’ladi. Frazaning ikki kichik pauza orasiga joylashgan va yagona urg’u bilan talaffuz qilinadigan bir yoki bir nechta bo’g’inning yig’indisiga takt deyiladi. Frazada nechta urg’u bo’lsa shuncha takt bo’ladi. Takt bo’g’inlardan tashkil topadi. Bo’g’in bir yoki bir nechta tovushdan tahkil topib, bir zarb bilan talaffuz qilinadigan fonetik birlikdir. Bo’g’in ta’rifiga aloqador bir qancha nazariya mavjud. Shulardan ikkitasi: fonologik bo’g’in nazariyasi va fonetik bo’g’in nazariyasi keng tarqalgan. Tovushlar fonetika birligi sifatida o’rganilganda “nutq tovushlari” yoki “fonlar” deb yuritiladi. “Fon” hozirgi tilshunoslikda keng tarqalgan atama bo’lib, nutqning eng kichik, ma’no anglatmaydigan birligidir. Nutq tovushlarining o’rganilishidagi aspektlardan biri fonologiya deb yuritiladi. Nutq tovushlarining vazifaviy qiymatini fonologiya o’rganadi. Fonologiyaning o’rganish manbai fonemadir. Fonema so’z, so’z shakllari va morfemalarni tashkil etuvchi, ma’no farqlash uchun xizmat qiluvchi eng kichik,

boshqa bo’laklarga bo’linmaydigan til birligidir. Masalan, tup-tub; quy-qo’y; sut- sud so’zlari fonemalar yordamida farqlanadi. Tarkibidagi birgina fonema bilan farq qiluvchi so’zlar kvaziomonimlar deb yuritiladi. Tildagi barcha fonemalar bir- biriga nisbatan ma’lum ko’lamda bo’ladi. Fonemalarning bog’lanishi, o’zaro munosabati fonologik tizimni tashkil etadi. Lug’at sath i Tilning lug’at sathi tilda mavjud bo’lgan so’zlarning yig’indisidan iborat. Lug’at sathi tilning fonetik-fonologik va grammatik sathlar i dan har doim o’zgarib va rivojlanib turishi bilan ajralib, farqlanib turadi. Fan, texnika, madaniyatning rivojlanish jarayoni lug’at sathining doimiy o’zgarib turishini taq o zo etadi. Shunga ko’ra, tilning lug’at sathi paydo bo’lishi va qo’llanilishi doirasi jihatdan bir-biridan farqlanadigan bir necha qatlamlardan tashkil topadi. Lug’at sathining asosiy birligi hisoblangan so’z yordamida kishilar predmet va hodisalarni ifodalaydilar; gapda esa so’zlar o’zaro birikib fikr ifodalash imkoniyatini yaratib beradi. Lug’at sathini leksikologiya o’rganadi. So’zning ta’rifi, so’z va predmet, so’z va tushuncha, lug’atning o’zgarishi, so’zlarning bir-biri bilan munosabati, lug’atning qatlamlari kabi muammolar leksikologiya o’rganadigan asosiy masalalar hisoblanadi. So’zlarning boshlang’ich ma’nosi va shaklida bo’lgan o’zgarishlarni etimologiya , lug’at va uning tuzilishini leksikografiya , so’zning ma’nosi va uning taraqqiyotini semasiologiya o’rganadi. Frazeologizmlar leksikologiya bilan bog’liq holda o’rganiladi. Tilning lug’at tarkibi bir nechta nuqtayi nazardan o’rganilishi mumkin. Tilning lug’at qatlamini tarixiylik nuqtayi nazaridan o’z va o’zlashgan so’zlarga ajratish mumkin. Har bir tilda o’z qatlam so’zlari bilan bir qatorda o’zlashgan so’zlar qatlam so’zlari ham uchraydiki, bu tilning mavqeyi, ijtimoiy-tarixiy jarayon, xalqlar va tillar o’rtasidagi turli munosabatlar ta’siri bilan izohlanadi. Lug’at qatlamining ma’lum qismi sheva so’zlaridan iborat. Sheva so’zlari asosiy aloqa-munosabat vositasi sifatida xizmat qiladi. Sheva so’zlarining adabiy til lug’atini boyitishda alohida o’rni bor. Tilning lug’at tarkibi iste’mol darajasi nuqtayi nazaridan ham turlichadir. Bu jihatdan faol va kam ishlatiladigan so’zlar

farqlanadi. Bu borada quiroqda, “Tilshunoslik va uning bo’limlari” da (o’zbek tili misolida) batafsil to’xtalamiz. Tilning lug’at boyligini oshiruvchi asosiy manba so’z yasalishi, shevalardan so’z olish, so’zning ma’no taraqqiyotidagi o’zgarishlar va ma’no ko’chirishlar hisoblanadi. Grammatik sath Har bir tilning grammatik sathi so’zlarnibg grammatik formasi, so’z birikmalari va gaplardan tashkil topadi. Tilning boshqa sathlari kabi grammatikaning ham o’z birliklari bor. Eng kichik grammatik birlik morfema bo’lib, morfemalardan so’zlar yasaladi, so’zlar esa o’z navbatida so’z birikmalari va gaplar qurilishida qatnashadi. Gap grammatikaning yirik va mustaqil birligidir. Gapdan katta birliklar ham mavjud: murakkab sintakik (birlik) butunlik, abzats va matn. Til grammatik strukturasining o’ziga xos xususiyatlari bor. Birinchidan , tilning grammatik qurilishi: so’zning strukturasi , tuslanish va turlanish qoidalari, so’z birikmari va grammatikaning turlari tarixiy taraqqiyotining mahsuli sifatida juda sekin o’zgaradi. Ikkinchidan , grammatika umumlashtirish xususiyatiga egadir. Masalan, arava , maktab, tosh, bola kabi so’zlarning o’z leksik ma’nosi bor, ammo, grammatik nuqtayi nazardan bu so’zlar predmetlik tushunchasini ifoda qilib, ot turkumini tashkil qiladi. Bu so’zlarni ularning leksik ma’nosi emas, grammatik ma’nosi umumlashtiradi. Tilning grammatik strukturasini morfologiya va sintaksis o’rganadi. Morfologiya so’zning turkumlari va ularning grammatik formalarini tekshiradi. Sintaksis esa nutqning grammatik strukturasini o’rganadi. Bunda gap asosiy birlikdir. Gapdan katta birliklar ham sintaksisda o’rganiladi. Til tizimi til birliklari -fonema, morfema, so’z, gap va til sathlarining bir butunligidan iborat. Yuqoridagilardan ko’rinadiki, aloqa-munosat vositasi bo’lgan tilning fonetik, leksik, grammatik jihatlari muayyan ichki qonuniyat asosida o’zaro

mutanosiblikni tashkil etuvchi tizimdir. Tizimni tashkil qiluvchi mutanosiblik o’ziga xos bo’lgan alohida qoidalarda namoyon bo’ladi. Muayyan tildagi gaplar so’zlardan, so’zlar bo’g’inlarning birikuvidan, bo’g’inlar nutq tovushlaridan hosil bo’ladi. Jumlani, gapni tashkil etuvchi so’zlar o’zaro til qonuniyatlari asosida birikadi. Istalgan har qanday so’zlar yig’indisi gap bo’la olmaydi. Tartibsiz suratda yig’ilgan so’zlar mazmun ifodalash uchun xizmat qilmaydi. So’zlarning ketma- ketligi ma’lum tartib va umumiy qoidaga muvofiq bo’lishi talab etiladi. Shu holatning o’ziyoq tilning tizim ekanligini ko’rsatadi. Ma’lum bir tilga xos tovushlar shu tilning fonetik tizimini, so’zlar leksik tizimini tashkil etadi. Bir tildan ikkinchi tilga o’zlashgan so’z shu tilning fonetik tizimiga-talaffuz me’yorlariga bo’ysunadi. Masalan: o’zbek tiliga rus tilidan kirgan ayrim so’zlar o’zbek tili talaffuz me’yorlariga moslashadi: чайник-choynak, поднос-patnis. Aksincha o’zbek tilidan rus tiliga o’zlashgan so’zlar rus tilining talaffuz me’yorlariga bo’ysungan: qorovul-караул, karvon-караван, bozor-базар. Umuman, tilda tovushlar, lug’at tarkibi, grammatik t a rtib birikib, tizim sifatida bir butunlikni tashkil etadi. Til tizimini tashkil etuvchi sathlar o’zaro mutanosib holda bir-birini taqozo qiladi. Ular orasidagi bog’liqlik tilning umumiy qoyidalari va qonuniyatlariga asoslangan.

ASOSIY ADABIYOTLAR 1. Azizov O. “ Tilshunoslikka kirish ” T., 1996 2. Abduazizov A.A. Tilshunoslikka kirish. –T.,1999 3. Акшина А . А . Пособие по курсу « Вв e дение в языкознание » - М .,1969. 4. Амирова Т.А., Ольховиков Б.А., Рождественский Ю.В. Очерки по истории лингвистики., -М.,1975 5. Baskakov N.A., Sodiqov A.S. “Umumiy tilshunoslik ”.-T., 1979 6. Баранникова Л.И. Введение в языкознание. Издательство Саратовского университета,-М.,1973. 7. Berdiyorov X., Xo’jayev P., Yo’ldoshev B. Umumiy tilshunoslik.-Samarqand, 1974. 8. Бондарко А.В.Принципы функциональной грамматики и вопросы аспектологии.-Л.,1983. 9. www.ziyonet.uz

O'xshashlar

Tilshunoslikka kirish fani predmeti, vazifalari 2

Tilshunoslikka kirish kursining maqsad va vazifalari

Turkiy filologiyaga kirish kursining predmeti, maqsadi, vazifalari. Turkiy xalqlar tillarini o’rganishning ilk davri

Punktuatsiyasi, uning predmeti va vazifalari

Turkiy filologiyaga kirish kursining predmeti va mazmuni