Синхрон таржиманинг ўзига хос хусусиятлари - Tilshunoslik - Referatlar

Синхрон таржиманинг ўзига хос хусусиятлари

Yuklangan vaqt:

20.09.2019

Ko'chirishlar soni:

0

Hajmi:

119.5 KB

Ko'chirib olish

Синхрон таржиманинг ўзига хос хусусиятлари Режа: 1. Синхрон таржиманинг ўзига хос хусусиятлари. 2. Синхрон таржиманинг тилшунослик, психолингвистика фанлари билан боғлиқ жихатлари. 3. Оғзаки таржиманинг куринишлари: синхрон, кетма-кет. 4. Синхрон таржиманинг бошқа таржима турларидан фарци. 5.Синхрон таржимага тайёрлаш методлари.

Синхрон таржиманинг ўзига хос хусусиятлари. Синхрон таржима бир тилдан иккинчи тилга ахборот угиришнинг бир тури сифатида XX асрнинг 60-йилларида махсус тадқиқот объекти сифатида ўрганила бошланди. 70-йилларнинг бошларида эса эшитиб таржима қилишнинг нутқий, психологик механизмлари, оригинал тилдан эшитилган нутқий ахборотни бир пайтнинг ўзида иккинчи тилга таржима қилиб га пириш, унинг лисоний, психологик асослари ҳақида тадқиқотлар пайдо бўла бошлади. Шундай қилиб, таржимашунослик илмига «синхрон таржима» атамаси кириб келди. Бу таржима тури бошқаларидан таржима жараёнининг бир пайтнинг ўзида содир булиши билан фарқланади, у бевосита чет тилида эшитилаётган ахборотнинг лингвистик, семантик хусусиятларини тўғри англаш, нутқ содир бўлаётган вазиятдаги психолингвистик ўзига хосликларни хисобга олиш, уларни таржима тилидаги нутқ механизмлари орқали ифодалай билишни талаб қилади. Синхрон таржима таржиманинг лингвистик назариясига, нутқ вазиятининг психолингвистик ва коммуникатив асосларига таяниб, бир пайтнинг ўзида ҳам эшитиб, ҳам тушуниб таржима қилишнинг қонунқоидаларини ўрганади. Синхрон таржима эшитиб таржима қилишнинг бир тури сифатида Г. В. Черновнинг «Теория и практика синхронного перевода» (М.,1978), «Основы синхронного перевода» (М.,1987), А. Ф. Ширяевнинг «Синхронный перевод» (М.,1979) номли асарларида махсус ўрганилган. Бундан ташкари, таржимашуносларнинг махсус илмий тўплами - «Тетради переводчика»да синхрон таржиманинг турли сохаларига оид кўплаб мақолалар эълон қилинди. Афсуски, чет тилидан ўзбек тилига ва, аксинча, чет тилларига синхрон таржима қилишнинг лисоний, коммуникатив, психолингвистик асослари ёки уларни ўргатишга оид илмий тадқиқотлар ўзбек таржимашунослигида кам кузатилади.

Синхрон таржима, асосан, мажлис, учрашув ҳамда анжуманларда фойдаланилиши билан кетма-кет таржимага ўхшашдек туюлади. Бирок кейинги йилларда синхрон ва кетма-кет таржимадан фойдаланишда ихтисослашув аломатлари тобора сезиляпти. Масалан, синхрон таржима, асосан, кўп тилли халқаро симпозиумлар, халқаро ташкилотлар иштирокчиларига нотиқ нутқини эшитиш жараёнида уни икки ва ундан ортик тилларга таржима қилиш лозим бўлган вазиятларда шу соха буйича махсус тайёрланган синхрончи таржимонлар томонидан амалга оширилса, кетма-кет таржима таржимон ва сўзловчи (нотиқ)нинг бевосита мулоқоти жараёнида икки томонла ма учрашув ва конференцияларда, дипломатик сўзлашувларда кўпроқ амалга ошириляпти. Бундан ташкари, синхрон таржима кетма-кет таржимадан қуйидаги жихатлари билан ҳам фарқ қилади: 1. Синхрон таржимада нотиқ нутқи нутқ тугаши, гап якунланиши кўтилмасдан таржима қилинади. Кетма-кет таржимада эса таржимон нотиқнинг хар бир жумласини таржима қилишга уринади. Бунда нотиқ таржима амалга оширилгунча нутқини тўхтатиб туради. 2. Синхрон таржимада таржимон ўзини коммуникация иштирокчиларидан ажратиб турувчи турли-туман техник аппаратуралардан фойдаланади. У нотиқ нутқини махсус хонада қулоққа тақиладиган наушник орқали эшитиб, таржима қилади ва уни микрофон орқали шу тилни тушунадиган тингловчиларга етказади. Бу таржима махсус каналлар орқали фақат шу тилда эшитиб тушунадиган иштирокчи-тингловчиларнинг наушникларига етказилади. Фараз қилинг, конференция залида чет тилида, масалан, францўз тилида гапираётган нотиқнинг маърузасини синхрончи ўзбек ёки рус тилини тушунадиган иштирокчилар учунгина ўзбек ёки рус тилига таржима қилиб ўзатади. Агар нотиқ ўзбек ёки рус тилида гапираётган бўлса,синхрончи уни француз тилини тушунадиган иштирокчилар учун французчага таржима қилиб узатади. Агар конференция залида бир неча, масалан, инглиз, француз,

немис миллатига мансуб вақиллар иштирок этаётган бўлса, махсус аппаратуралар олдида ана шу тилларда синхрон таржима қиладиган учта синхрончи иш олиб бориши керак. Бу холда турли тилларда сўзлашувчи иштирокчилар наушникларни ўзлари тушунадиган таржима тили каналларига улайди. Демак, синхрончидан эшитилган ахборотни шу ондаёк таржима тилига ўгириш, нотиқнинг нутқ тезлигига мослашишга улгуриш талаб қилинади. Кетма-кет таржима қилувчи таржимон эса бевосита чет тилида гапирувчи шахс ёнида туриб, унинг гапларини кетма-кет, муайян гап ёки фикрнинг тугашини кутиб таржима қилади. Синхрон таржимага ургатиш тинглаб таржима қилиш механизмини шакллантириш, шу орқали ихтисослашган синхрончи фаолиятини шакллантиришни кўзда тутади. Хар қандай фаолиятга ургатиш дастлаб кўникма, малакаларни хосил қилиш орқали амалга оширилади. Бундай кўникма ва малакани, яъни синхрончи фаолиятини шакллантириш учун, биринчи навбатда, ундан диккатни жамлашни талаб қиладиган фаолият турларини ўзлаштириш ва уларни ишга тушириш механизмларини шакллантириш талаб қилинади. Хар қандай фаолиятни шакллантириш бирламчи ва икқиламчи кўникмаларни ривожлантириш орқали амалга оширилади. Бирламчи кўникма ўзлаштириладиган фаолиятнинг элементар асослари, уларни бажариш йўллари, усулларини секинлик билан, кетма-кет харакатларни амалга ошириш орқали хосил қилинади. Иккиламчи кўникма турли вазиятларда амалиёт усулларидан фойдаланишни кўзда тутади. Бирламчи ва икқиламчи кўникмалар аста-секин автоматлашган малакаларга, иш жараёнида бемалол фойдаланса бўладиган қобилият (тажриба)га айланади. Синхрон таржима малакаларининг такомиллашуви ностандарт таржималар қилиш, секин ва тез уқилган нутқни таржима қилиш, янги лексик, грамматик конструкциялардан фойдаланиш жараёнида рўй беради.

Олий ўқув юртларида синхрончи таржимон тайёрлаш чегараланган мавзулар (сохалар) асосида ташкил қилиниб, кейинчалик ўз касбларини янада такомиллаштириш учун асос яратилади. Масалан, адабиёт ва санъат, тиббиёт, экология, маълум бир давлатнинг тарихи, саноати, кишлок хужалиги ва хоказо сохалар бўйича алохида, махсус синхрончилар тайёрлаш режалаштирилади. Бунда бўлажак мутахассисларда мавзуни умумлаштириш, онгли ва мантикий баён қилиш каби кўникма ва малакаларни шакллантириш мақсад қилиб куйилади. Бу мақсадни амалга ошириш жараёнида синхронист таржимон нутқ фаолиятининг алохида бир тури сифатида эгалланиши билан боғлиқ кўплаб психолингвистик қийинчиликларни енгиб ўтишига тўғри келади. Чунки бўлажак мутахассисларда перцептив (қабул қилиш), диққатни жамлаш, хотирада саклаш, фараз қилиш, фикрлаш ва бошқа қобилиятларни шакллантирмасдан туриб, синхрон таржимага ўргатиш мумкин эмас. Бу ўринда перцептив қобилиятнинг асосий кўрсаткичлари: диққат, хотира, фикрлаш, тез фахмлашни такомиллаштирмай, ақлий харакатларни бошқарув тезлигига ўргатмай синхрон таржимани ўргатиш мумкин эмас. Синхрон таржимага ўргатишнинг иккинчи мақсади таржимонни эшитиладиган нутқни шу ондаёк тушуниб таржима қилишнинг психолингвистик асосларига ўргатишдир. Бу ўринда гап: - Синхрон таржима жараёнида нотиқ нутқини тушунишга йўналтирилган махсус кўникма ва малакаларни шакллантириш; - қисқа вакт ичида эшитилган нутқ асосида керакли сўз ва жумлаларни кидириб топиш кўникмаларини шакллантириш; - нотиқ нутқини қабул қилиш жараёнининг ўзида унда бошка тилда гапириш кўникма ва малакаларини шакллантириш; - юқоридаги уч жараённи синхронлаштириш малакаларини шакллантириш; - нотиқ нутқини трансформация қилиш малакаларини эгаллаш ҳақида кетаяпти.

Синхрон таржимадан кўзатиладиган учинчи мақсад бўлажак мутахассисларда ижтимоий-иктисодий фанлар, тили ўрганиладиган мамлакат маданияти буйича билимларни кенгайтириш ва мустахкамлашдир. Синхрон таржимадан кўзатиладиган хусусий мақсад синхрончининг лингвистик, психолингвистик, психологик билимларини амалда намоён қила олишини таъминлашдир. Шунингдек, таржимондан юксак маънавий, маданий, ахлокий, гоявий сифатларни эгаллашни ҳам талаб қилади. Шундай қилиб, синхрон таржимага ургатишнинг мақсадларини қуйидагича ифодалаш мумкин: 1) бўлажак мутахассисда нотиқ нутқини перцептив, хиссий, ақлий фахмлаш кўникма ва малакаларини шакллантириш ва ривожлантириш; 2) бўлажак мутахассисда нутқий ҳамда таржима кўникма ва малакаларни таржимага оид амалиётларга, малакаларга айлантириш кобилиятини шакллантириш; 3) унинг умумтаълим билимларини кенгайтириш ва мустахкамлаш; 4) ўқув-тарбия жараёнида эгаллаган назарий билимларини амалиётда намоён қила олиш; 5) 5) ўз шахсида гоявий-ахлокий сифатларни шакллантириш. 6) Одатда, таржимонлик факультетларининг 1-боскич талабаларидан махсус синхрончи таржимонлар гурухлари тузилади. Бу гурухга тилдан, таржимадан, улкашунослик фанларидан юкори даражали билимларни эгаллаган, чет тилининг лексик, грамматик, фразеологик меъёрларини чукур ўзлаштирган, аклан зийрак, эшитиш кобилияти яхши ривожланган талабалар танлаб олинади. 7) Синхрон таржимага ургатишнинг мазмуни деганда, бўлажак мутахассис қандай фаолият турлари, юқоридаги мақсадларни амалга ошириш учун қандай кўникма ва малакаларни эгаллашлари лозимлиги тушунилади. 8) Маълумки, синхрон таржима оғзаки ва ёзма таржима, кетма-кет таржима, таржима назарияси ва тарихи курслари ўтилганидан сўнг, таржима

илми ва амалиётига оид маълум куник-ма ва малакалар шакллантирилганидан кейин укитилади. 9) Бу фанни чукур ўрганишга киришган талабалардан, биринчи навбатда, кўплаб психик кўникмаларни ўзлаштириш, таржима амалиётларини тез суръатларда амалга ошириш усулларини ўрганиш талаб қилинади. Шу боис синхрон таржимага ургатишнинг мазмуни талабалар эгаллаган билимларни янада такомиллаштиришни, ўзига хос кўникма ва малакаларни эгаллашни такозо этади. 10) Синхрон таржима мазмуни катор компонентлардан ташкил топган бўлиб, уларнинг хар бири таълимнинг аниқ мақсадини амалга оширишга йўналтирилган бўлади. 11) Синхрон таржима мазмунининг биринчи компоненти - талабанинг перцептив кобилияти: диккати, хотираси ва фикрлашини тизимли равишда ривожлантириш, уни интенсив аклий фаолиятга чиниктиришни кўзда тутади. Бу, ўз навбатида, эшитиб тушуниш маданиятини юксалтириш, сўз, сўз бирлиги ҳамда стилистик конструкцияларни билиш (тушуниш) тезлигини ошириш, таржимада сўз танлаш ишларини тўғри йуналтиришни талаб қилади. Синхронси эшитилаётган нутқни турли тезлик ва охангда, тембрда, талаффузда фарқлай олишга, тушунишга ўрганиши лозим. 12) Сўз, сўз бирикмаси ва синтактик структураларни эшитиб фарқлаш, тушуниш, уларни нутқ намуналари орасидан танлаб олиш, билиш орқали амалга оширилади. Бу ўринда сўзларнинг талаффузи, уларнинг маънолари ўртасидаги боғлиқлик, таржимадаги эквивалентларни билиш мухим урин тутади. 13) Синхрончининг сўз танлаш стратегияси деганимизда, нутқ занжирининг асосий унсурларини фарқлаш орқали унинг маъносини тушуниш назарда тўтилади. Сўз ва иборалар нутқ занжирининг бошида, ритмик-интонацион белгилар орқали тезрок англашилади. Нутқ мазмунини англаш учун таянч сўзлар (яъни асосий маънони ташувчи сўзлар) ҳам мухим аҳамиятга эга. Улар бир жумла ичида битта ва бир нечта булиши лозим.

14) Диккатни такомиллаштириш ҳам, ўз навбатида, диккат хажмини аниқлаш, уни кенгайтириш, таксимлаш ва мустахкамлаш орқали амалга оширилади. 15) Диккатни самарали таксимлаш малакасини шакллантириш нотиқ нутқининг умумий ғояси, айрим шаклларни эсда сақлаб колиш, уларда таржима тилидаги мос эквивалентларни қидириш малакасини шакллантиришни кўзда тутади. 16) Синхрончи ўз фаолияти давомида ўзок муддатли ва қисқа муддатли хотирани ривожлантиришга алохида эътибор бериши зарур. 17) Узоқ муддатли хотира, унинг хажмини кенгайтириш ва хотирада тупланган ахборотни тезкор усулда кайта ишлаш (яъни бошқа тилга ўгириш) жараёнида шаклланади. Узоқ муддатли хотира синхрончидан катта хажмдаги лексик бирликларни, бир неча минг лексик-грамматик ўхшашликларни, сиёсат, иктисод, маданият, фан ва техника тараккиётига оид кўплаб маълумотларни эсда саклашни талаб қилади. Бундай маълумотлар хотирада оператив сақланиши, яъни эшитилган пайтнинг ўзидаёк кайта тикланиши лозим. Қисқа муддатли хотира ҳам маълум маънода такомиллаштиришни талаб қилади. Бунда, биринчидан, эшитилган лексик бирликларнинг товуш рамзини, уларнинг ритмик ва интонацион хусусиятларини, синтактик структураларни эслаб колиш, уларни 1-2 сонияда хотирада саклаб, иккинчи тилда кайта тиклаш талаб қилинади. Демак, қисқа муддатли хотира хажми гап (фикр)нинг тугалланиши билан белгиланади. Бундай хотирани такомиллаштиришда мавзуга оид маълумотларни билиш, нотиқнинг мақсадини тушуниш, айтилаётган фикрнинг асосий мазмунини хотирада саклаш мақсадга мувофиқ. Синхрон таржима мазмунининг иккинчи компоненти нутқ ва таржима кўникмаларини, малакаларини кайта ташкил қилиш, таржима амалиётларини бажариш кобилияти, тезлигини оширишни кўзда тутади. Таржима кўникма ва малакаларини шакллантиришда сегментациялаш малакасини

шакллантириш алохида аҳамиятга эга. Бу малака ёзма таржима, кетма-кет таржима ва матнга караб таржима қилишда маълум микдорда шаклланган бўлади. Масалан, ёзма таржимада таржимон фикрнинг график ифодаланиши, ундаги гап бўлаклари, ритмик гурухларини тиниш белгилари орқали фарқлайди. Кетма-кет таржимада эса таржимон уни сегментация қилиб утирмасдан, ахборотнинг асосий мазмунини таржима қилади ёки ёзиб олади. Синхрон таржимада сегментация таржимондан нотиқ гапидаги таянч сўзларни ёдда саклаб колиш ва улар орқали гап мазмунини баён қилишни кўзда тутади. Сегментациялаш малакасининг ўзига хос хусусияти шундаки, унда хажми ва характери турлича бўлган маъно ташувчи сўзлар, интонацион бирликлар, синтактик структуралар аниқлиги, албатта, эшитилаётган нутқнинг мураккаблигига, нотиқнинг гапириш тезлигига ҳам боғлиқ. Шу сабабли хар бир синхрончининг ўзига хос сегментациялаш кулами бўлади. Синхрончига кул келадиган сегментация усулларидан бири синтактик структурани тез аниқлаш малакасидир. Бундай малакага эга таржимон гап структурасидаги бош ва иккинчи даражали бўлакларни тез аниқлай олади. Синхрончи таржимон тайёрлашнинг яна бир мухим жихати - сўз ёки иборанинг контекстуал маъносини аниқлаш малакасини шакллантиришдир. Бу малака ёзма таржима, кетма-кет таржима, оғзаки таржима жараёнида анча шаклланган бўлади. Энди бу малакани синхрон таржима шароитига мослаштириш, уни янада такомиллаштириш, тезлаштириш вазифаси қўйилади. Синхрон таржиманинг мазмуни яна қуйидаги кўникма ва малакаларни шакллантиришга ҳам боғлиқ. 1) таржима ечимини излаб топиш кўникма ва малакаси бу вакт бюджетига боғлиқ бўлиб, бундай сифатлар йиллар давомида шаклланиб боради; 2) эшитиладиган жумладаги лексик-фразеологик ва синтактик бирликларни ўзок муддатли хотирада сақлашни машқ қилиш;

3) ахборотни компрессия (қисқартириш) қилиш. Бу синонимларни ишлатиш, гап бўлакларини ташлаб кетган холда, асосий мазмунни сақлаб қолиш орқали амалга оширилади; 4) кабинада туриб товушнинг паст - баландлигига , нотиқнинг нутқ тезлигига мослашиш , нотиқ интонациясига риоя қилиш , рўй бериши мумкин бўлган тўхташларда нотиқ айтиши мумкин бўлган сўз , ибора ва гапларни аввалдан сезиш ; 5) таржимани нотиқ нутқи тезлигида амалга ошириш. Буларнинг барчаси пировард-натижада синхрончининг касбий махоратини белгиловчи хусусиятлар хисобланади. Л. С. Бархударов таржима жараёнини илмий тахлил қилар экан, уни «тиллараро трансформация ёки таржима жараёнини қолиплаш» дея талқин қилади (Язык и перевод. - М., 1975). XX асрнинг 60-70-йилларида бу жараён инвариантлик, эквивалентлик таржима жараёни коммуникатив акт нуқтаи назардан қаралган илмий тадқиқотларда ўз аксини топди. Эшитилган матн мазмунини иккинчи бир тилда оғзаки қайта тиклаш масаласи дастлаб машина таржимаси билан шуғулланувчи тадқиқотчиларнинг текшириш объекти бўлди. Бундай ёндашув лингвистик трансформациялар, яъни матнни интерпретация қилиш билан чекланиб қолди. Бирок бу ёндашув орқали матнни анализ ва синтез қилишни қолиплаш, матндаги стилистик, семантик жихатларни эътиборга олиш каби назариялар яратилдики, улар, шубхасиз, кейинчалик синхрон таржима назариясининг юзага келишига муносиб хисса қўшди. Таржима жараёнини коммуникатив акт сифатида тадқиқ қилган олимлар бу жараённинг қуйидаги жихатларига эътибор беришади: 1) таржима жараёни иккита ўзаро боғлиқ бўлган жараёндан: ахборотни узатувчи ва таржимон, таржимон ва ахборотни кайта қабул қилувчи (тингловчи) ўртасидаги коммуникатив актдан иборат; 2) таржимон бу жараённинг иштирокчиси сифатида навбати билан ахборотни қабул қилувчи ва узатувчи вазифасини бажаради ва бу вазифа

таржима жараёнининг қандай бўлишлигида мухим роль ўйнайди (Швейцер А. Д. К проблеме лингвистического изучения процесса перевода // Вопросы языкознания. 1970-№4; Перевод и лингвистика. - М., 1973). Шундай қилиб, синхрон таржиманинг бошқа таржима турларидан фарқи шундаки, таржимон бу жараёнда ўзи эшитган ахборотни шу лахзанинг ўзидаёк, бошқа тилга ўгиради ва турли тилда сўзлашувчи кишилар уртасида алоқа-аралашувни таъминлайди. Таъкидлаш жоизки, таржиманинг лингвистик муаммолари билан шуғулланган тадқиқотчилар бу хил таржиманинг ўзига хос хусусиятларини чуқур ўрганмасдан, уни оғзаки таржиманинг бир тури сифатида тадқиқ қилишдан нарига ўтмаяпти. Масаланинг психолингвистик муаммолари билан шуғулланувчи олимлар томонидан синхрон таржиманинг темпорал (замон билан) тавсифи чуқурроқ ўрганилди. Масалан, чет тилида сўзлаётган кишининг нутқ тезлиги бир дакикада 100-120 сўз бўлсагина, синхрон таржима юқори даражада ташкил қилинган, 150-200 сўздан иборат бўлса, синхрончининг иши қийинлашган, айрим фикрларни тушириб қолдирган, хатоларга йўл қўйган ҳисобланади (Ширяев А. Ф. Синхронный перевод. -М., 1979). Шунингдек, синхрон таржима жараёнига салбий таъсир қилувчи нутқнинг эшитилиш даражаси, шовкин, тўхтамнинг ўрни, таржимон диққатининг таксимланиши каби масалалар ҳам атрофлича ўрганилиб, синхрон таржиманинг назарий асосларини ишлаб чиқишни тезлаштиради. Синхрон таржима жараёнини қолиплаш асослари Д. Гер-вер (1975), Г. В. Чернов (1973, 1978), А. Ф. Ширяев (1979)нинг асарларида назарий жихатдан ўз аксини топган ва улар, асосан, психологик ва психолингвистик таҳлилларга асосланган. Масалан, Д. Гервер ишлаб чиққан қолипда таржимада синхрончининг хотираси ва унинг турлари, уларнинг синхрон таржимадаги ўзаро муносабати, синхрон таржима жараёнида диққат, ўз нутқини назорат қилиш, хотирада сақлаш каби муаммолар ўрганиб чиқилган. Бу моделнинг камчилик томонларидан бири шуки, синхрончи томонидан қабул қилинган ахборотни англаш, уни иккинчи тилда қайта тиклаш

босқичлари етарлича ўрганилмаган. Шунингдек, бу қолипда синхрон таржиманинг лингвистик муаммоларига ҳам етарли ўрин берилмаган. Б. Мозер (Moser; 1978) ўз тадқиқотида қабул қилинган акустик сигналнинг синхрончи мияси томонидан боскичма-боскич ишлаб чикиш моделини яратди. Унга биноан, қабул қилинаётган ахборотнинг боскичма-боскич кенгайтириб бориши кўзда тўтилади. Бу ўринда қабул қилинаётган ахборотнинг акустик, фонологик, вербал жихатлари, ахборотни иккинчи тилда кайта тиклаш жараёнида сўзларнинг кетма-кетлигига, синтактик ва семантик жихатларига таъсири, гапнинг асосий маъно ташувчи унсури - феълга этибор бериши алохида таъкидланади. Г. В. Черновнинг фикрича (1987), мазкур колипда ҳам синхрон психологик асосларга таянган холда синхрон таржима жараё-нида нутқнинг харакатлантирувчи механизмларига деярли эътибор берилмаган. Юқоридаги тадқиқотларнинг аксариятида психология фани доирасида амалга оширилган синхрон таржиманинг лингвистик муаммолари эътибордан четда колган. Шунга карамай, уларда синхрон таржиманинг катор психологик механизмлари, жумладан, ахборотни кайта ишлашнинг кўп каналлиги, бу жараёнда хотира турларининг ўрни каби масалалар назарий жихатдан исботланган. Синхрон таржиманинг назарий асосларининг яратилишига Сарбонна (Париж) университетининг олимлари «Мазмун назарияси» мактаби тадқиқотлари билан катта хисса қўшди. Бу назариянинг асосий мағзи шундаки, унда таржимоннинг асосий вазифаси эшитилган нутқ мазмунини кайта тиклаш эканлиги қайта-қайта таъкидланган. Бу назария асосчиси Д. Селесковичнинг фикрича, синхрончи нотиқ нутқини эшитаётиб сўзларни эмас, балки гап маъно-мазмунини таржима тилига угириб гапириши лозим. Албатта, бу ўринда унинг хотираси, гапирилаётган нутқ мавзуси билан танишлиги, нутқ вазиятида ўзини тутиш холати, чет тилини мукаммал билиши мухим роль уйнайди ва у нотиқ нутқини иложи борича тўлиқ беришга харакат қилади. Бу жараёнда «эшитиш-тушуниш-кайта тиклаш» жараёни амалга оширилади.

Г. В. Черновнинг фикрича, бу назариянинг асосий камчиликларидан бири - синхрон таржимадаги бир пайтда содир бўладиган эшитиш ва кайта тиклаш жараёнининг назарий жихатдан асосланмаганлиги, синхрон таржима жараёнини ташкил қилиш механизми тўлиқ ишлаб чиқилмаганлигидир. Г. Чернов синхрон таржиманинг бошқа турлардан фарқини курсатган холда, унинг қуйидаги хусусиятларини алохида таъкидлайди: 1) таржима тилига ахборот оғзаки етказилади (эшиттирилади); 2) иштирокчилар бу ахборотни эшитиб қабул қилади; 3) ахборот бир мартагина эшиттирилади; 4) ахборотни эшитиш ҳам, уни таржима тилига ўгириш ҳам бир пайтнинг ўзида содир бўлади; 5) нутқ тезлиги ва таржима тезлиги белгиланмаган бўлади; 6) таржима қилиш учун хеч қандай вакт белгиланмайди; 7) таржима қиладиган нутқ хажми ҳам белгиланмайди; 8) синхрон таржима орқали оммавий коммуникация акти амалга оширилади; 9) шахслараро мулоқот амалга оширилмайди. Шундай қилиб, синхрон таржима сифатини таъминловчи омиллар - бу чет тил ахборот мазмунини олдиндан фараз қилиш ва ахборотни бошқа тилга угириб гапиришда унинг асосий маъносини синтез қилиш механизмини шакллантиришдир. Синхрон таржима нотиқ нутқини чет тилида эшитиб, уни она тилига ўгириш ёки она тилидаги нутқни чет тилида баён қилиш орқали амалга оширилади. Синхрон таржима фавкулодда (экстремал шароитда) амалга ошириладиган фаолият тури сифатида қуйидаги хусусиятларга эга: 1) эшитиш ва гапиришнинг бир пайтда содир булиши; 2) вактнинг тигизлиги; 3) таржима тезлигини нотиқ томонидан бошқарилиши;

4) синхрон таржиманинг нотиқ нутқи билан спонтан (ўз-ўзидан) содир бўлиши. Эшитилган нутқ мазмунини ўша лахзанинг ўзидаёк бошқа тилга ўгириш, узатиш синхрон таржиманинг ўзига хос хусусиятларини, унинг экстремал вазиятда содир бўладиган фаолият эканлигини белгилайди. Бу ўринда хорижий тилда гапираётган нотиқ нутқи синхрончи томонидан мазмунан сиқиқ холда, қисқартириб баён қилиниши, нотиқ нутқидаги тўхтамлардан фойдаланиши, нотиқ нутқи мавзуи билан у ишлатаётган сўзлар маъносини яхши тушуниши, у нима демоқчилигини олдиндан фараз қилиш орқали амалга оширилади. Олимларнинг фикрича, нотиқ нутқидаги 50 миллисекундгача йўл қўйилган тўхтамлар синхрончи томонидан тўхтам сифатида фарқланмай эшитилади. Шунга кўра, нотиқ нутқида рўй берадиган 200-250 миллисекундли тўхтамларгина синхрончига эшитилган нутқ мазмунини кайта ишлаб, бошқа тилда баён қилиш имконини берадиган тўхтам дея қабул қилинган. Бундан ташкари, эшитиладиган гап бўлагининг узунлиги ҳам синхрончи таржимасига салбий таъсир қилувчи омиллардан хисобланади. А. Ширяев ва Г. Черновнинг тадқиқотларига кўра, синхрончи нотиқ нутқидан 1900 миллисекунд (1,9 сек) дан 6000 миллисекунд (6 сек)гача оркада колиб таржима қилади. Бу вакт жараёнида у эшитилаётган нутқ мазмунини англаши ва баён қилиши лозим. Синхрон таржиманинг вакт кўрсаткичларини чуқур ўрганган тадқиқотчилар экстремал вазиятда рўй берадиган бундай фаолиятнинг икки жихатини аниқладилар: 1) эшитилаётган нутқ мазмунини англаш ва бошқа тилда гапириш бир неча миллисекундлар билан ажралиб туради; 2) синхрончи эшитилаётган нутқ мантикан тугалланмаган бўлса-да, уни таржима қилишга мажбур. Синхрон таржима айнан мана шу икки жихати билан бошқа таржима турларидан фарқ қилади.

Синхрон таржимадавакттиги з лиги масаласи. Синхрон таржиманинг экстремал шароитда рўй берадиган фаолият эканлиги унинг қуйидаги хусусиятлари билан белгиланади: 1) чет тилида эшитилган нутқни тезлик билан бошқа тилга ўгириб гапириш. Бошқача айтганда, таржима жараёни вактнинг жуда тиғизлиги шароитида рўй беради; 2) таржима жараёнининг тезлиги нотиқ нутқи тезлиги билан белгиланади; 3) бундай вакт тиғизлиги нотиқ аввалдан тайёрланган ёзма матнни ўқиб бераётганда яна ортади. Психолог олимларнинг фикрича, инсон миясининг эшитилган ахборотни қайта ишлай олиш қобилияти вакт бирликлари билан чегараланган. Ж. Миллернинг хисоб-китобларига кўра, инсон мияси бир секундда 25 дан 100 гача ахборот мазмунини қайта ишлаши мумкин. Гервер эса янада аниқрок қилиб, нутқнинг меъёрий тезлигида инсон мияси бир минутда 120 тагача сўз маъносини эшитиб, кайта ишлаши мумкинлигини таъкидлайди. Демак, синхрончи фаолияти нафақат нотиқ нутқи тезлигига, балки унинг қисқа муддатли хотирасининг ахборотни қайта ишлаш тезлигига ҳам боғлиқ. Бу эса, ўз навбатида, синхрончидан нафақат нотиқ гапираётган тилни, шунингдек, мавзуни ҳам яхши билиши, нотиқ нутқидаги асосий мазмунни иложи борича тўлиқ тингловчиларга узатиш малакасини эгаллаган бўлиши талаб қилинади. Синхрончи фаоли ятитезлигининг нутқ тезли ги билан бошқарилиши . Синхрончи фаолияти тезлиги нотиқ нутқи тезлиги томонидан бошқарилиши унинг фаолияти нотиқ фаолиятидан бир неча секунд кейин рўй бериши билан изоҳланади. Бундай пайтда нотиқдан ортда қолиш хар бир синхрончида турлича вакт кўрсаткичига тўғри келиши мумкин. Бу хотиранинг хажмига, яъни синхрончи миясининг қанча ахборотни эслаб қолишига боғлиқ. Дархакикат, бу жараёнда ахборотнинг айрим қисмлари қайта ишланмаслиги, айрим гапларнинг таржимада тушиб қолиши ҳам кузатилади ва бу холатда синхрончи нутқининг тезлиги юзага

келади. Бу масалани махсус ўрганган олимларнинг фикрича, нотиқ ўз нутқида дақиқасига 102 дан 170 гача сўз ишлатса, таржимон уни 89 дан 130 гача сўз билан таржима қилади. Шундай қилиб, синхрончи фаолиятининг тезлиги нотиқ нутқи тезлиги билан бошқарилиши синхрон таржиманинг таржимачиликнинг бошқа турларидан фарқловчи мухим омиллардан хисобланади. С инх рон чи фа о ли ят ини нг н ут қ ўқ иб бери л а ё тг ан п ай т га ни сба та н спон т ан лиг и . Синхрон таржима жараёнида синхрончи нотиқ нутқини эшитиб, уни ўзга тилга таржима қилади. Бу спонтанлик нотиқ нутқидаги асосий мазмунни илғаб олиб, уни бошқа тилда ифодалаш орқали рўй беради. Кўпчинча, нотиқ ўз нутқини илгаридан тайёрланган ёзма матндан ўқиб беради. Бу, биринчи навбатда, нотиқ нутқи тезлигининг ошишига ва синхрончи фаолиятининг янада мураккаблашишига сабаб бўлувчи омилдир. Маълумки, нотиқ ўз нутқини минбарда оғзаки баён қилаётганда фикрлашга, айрим жумлаларни ўйлаб гапиришга ва, табиийки, нутқ тезлигини пасайтиришга мажбур бўлади. Нутқни тайёр матндан ўқиб берганда эса, нотиқ фақат синтактик тўхтамларгагина риоя қилади. Матнни укиётган нотиқ синхрончи унинг нутқ тезлигига куника оляптими, йўқми, таржима қилишга улгуряптими, йўқми - бунга эътибор бермайди. Оғзаки нутқда эса нотиқ кушма гапнинг хар бир эргашган кисмини ифодалаш, ўз фикрини баён қилиш учун сўз излаганда пауза қилишга мажбур. Айникса, фикрни лўндарок, ифода-лирок ифодалаш учун нотиқ узок муддатли пауза қилиши мумкин. Бундай паўзалар, э-э-э, м-м-м каби сўзлар билан бошланади ва 1-1,5 секунд давом этади. Тадқиқотчилар буни синхрон таржимага фикрни жамлаб олишга имкон берувчи хезитацион тўхтамлар деб атайди. Табиийки, бундай тўхтамлар таржимонга маълум маънода ёрдам бериши ҳам, эшитилаётган нутқ маъносини англашга халақит қилиши ҳам мумкин.

Бундан ташкари, нотиқ нафас олиш билан боғлиқ тўхтамлар ҳам қилиши мумкин. Буларнинг барчаси синхрончига ахборотни қайта ишлаш, гап тузиш, уни маъноли қилиб қайта сўзлаб бериш учун маълум имкониятлар туғдиради. Бу жараёнда синхрончи йигилган ахборотни хотирага жойлайди. У ўз хотирасида еттитагача ахборотни жамлаши мумкин. Нотиқнинг ўз нутқини ўқиб бериши таржима жараёнида синхрончига оғзаки баён қилгандагидан кўра кўпроқ қийинчилик туғдириши аниқланган. Жумладан, эркин баён қилинган нутқда синхрончига асосий мазмунни англатувчи кўплаб қўшимча сўзлар қўшилиши аниқланган. Масалан : Ёзма нутқ баёни Hong de Paris, de l'anancienne ville de la banlieue, a une longer 177 km, le metro urbain comprend 16 lignes et 347 stations. Оғзаки нутқ баёни He reseau urbain, contenu a l'interieur de la ville de Paris, c'ast a dire qui ne comporte pasde 177 km, il comporte 16 lignes de metro et 347 stations. Бундан ташкари , ёзма нутқ ўзининг мураккаб синтаксиси ва жумлаларининг ўзунлиги билан ҳам фарқланади . Бу ҳам синхрон таржима экстремал вазиятда содир бўлишини кўрсатувчи омиллардан биридир .

Фойдаланилган адабиётлар: 1. Рахимов Ғ. Таржима назарияси ва амалиёти. Ўзбекистон милий энсиклопедияси. Давлат илмий нашриёти. Тошкент-2016. 176 б. 2. Алимов В. В. Теория перевода. Перевод в сфере профессиональной коммуникации. - Москва: УРСС, 2004. 3. Бархударов Л. С. Язык и перевод. - Москва: МО, 1975. - 190 с. 4. Виссон Линн. Практикум по синхронному переводу с русского на английский. - Москва, 2000. - С. 200. 5. Казакова Т . А . Translation Techniques. Практические основы перевода. Санкт-Петербург, 2001. - 320 с. 6. Комиссаров В. Н. Лингвистика перевода. - Москва, 1980. - 167 с. 7. Комиссаров В. Н., Коралова Д. Л. Практикум по переводу с английского языка на русский. - Москва, 1990. - 112 с. 8. Комиссаров В. Н. Современное переводовение. - Москва: ЭТС, 2002.

O'xshashlar

Телевидениенинг ўзига хос хусусиятлари

Таржима назариясининг шаклланиш босқичлари ва унинг турлари

Махорат – таржиманинг “жони”

Таржиманинг стилистик муаммолари

Таржиманинг лексик муаммолари