logo
  1. Bosh sahifa
  2. Referatlar
  3. Tilshunoslik
  4. Ravish turkumi tahlili

Ravish turkumi tahlili

Yuklangan vaqt:

20.09.2019

Ko'chirishlar soni:

0

Hajmi:

71 KB
Ko'chirib olish
Ravish turkumi tahlili Reja: 1. Ma`nosiga ko`ra turlari 2. Ravish darajalari 3. Tub yoki yasama ekanligi 4. Gapdagi vazifasi Namuna: birdan - holat ravishi, bosh daraja qay tarzda? so`rog`iga javob bo`ladi. Gapda tarz holi vazifasini bajargan. U yoq- bu yoqqa- o`rin ravishi bosh daraja, qayoqqa? so`rog`iga javob bo`ladi. Gapda o`rin holi vazifasini bajargan. 129-mashq. Gaplarni o`qing. Ravishlarni topib ma`no turlarini aniqlang. Qanday so`roqqa javob bo`lishinin ayting. 1.Birdan nimadir shitirlab ketdi. Yigit u yoq-bu yoqqa alangladi. (S.A.) 2.Uning ko`p yor-do`stlari, tanish -bilishlari orasida Saidiyning obro`si ketdi, ilgari ko`rganda ta`zim qiladiganlar endi o`zlarini ko`rmaganga solib o`ta boshladi. (A.Q.) 3. Keyin suyab sekin oldinga olib o`tdi. (M.I.) 4. Ro`parasidagi shamshir havola qilayotgan raqibining oti ham cho`chib, oldingi ikki oyog`ini ko`tarib ocmonga sakradi. (M.) 5. U hozir o`zida yurishga, harakat qilishga qandaydir kuchli ishtiyoq sezganidan, to charchab- horiguncha dalalarni kezgisi bor edi. (O`.U) 6. Kechagina ularning hayoliga bu narsalar kelmagan dunyo faqat quvonchlardan iboratday betashvish o`tirishgan edi. (T.Mal.) 7. Hozir esa, “dadang bilsa, nima bo`ladi, voy o`lmasam” ? deb jim yotgan ilonning boshini qo`zg`ab qo`yishi mumkin. (Sh.) 8. U eski, burun solingan bo`lsa ham , zamonga moslab isloh qilingan.(Sh.) 130-mashq. Gaplarni o`qing.Holat ravishlarni toping, ma`nosini izohlang gapda qanday vazifada kelganligini ayting. 1.Juvonning ko`zlari ola-bula bo`lib ketdi. (M.I) 2. U eshik tirqishidan sekin ko`chaga mo`raladi-da, darrov orqasiga o`girilib, yarim shipshi bilan pichirladi. (M.I.) 3.Uning gapiga chippa-chin ishonib, qo`rqib ketdi. (T.Mal.) 4.Bu tong quyosh beozorgina bosh ko`targan edi. (T.Mal.) 5. Eski shahar bilan yangi shaharning orasi yiroq edi.(Ch.) 6. Men tomonga tez- tez ko’z tashlab qo’yishlaridan, undan keyin buvijonimning ikkovlarini jerkib- jerkib tashlayotganidan sezdimki,gap mening to’g’rimda borayapti. ( X.T.) 7. Rano jon - jahdi bilan doppi tikardi. U Bashorning tizzasini sekin tuptdi...(O). 8 Mirzo Ulugbek qirmizi payondoz to’shalgan xiyobondan ohista yurib orqaga qaytarkan, darvozaning yonida oq ko’pikka cho’milgan bir necha otlarni ko’rdi.(O.Y.) 9. Shoirning bu hatti- harakati shunday tez va kulgili chiqdiki, Shahzoda be ixtiyor iljayib, uni kursiga taklif qildi.(O.Y.) 10. Men bunga asta- sekin erishayapman.(T. Mal). 11.U mayin ovoz bilan asta - sekin gapirar edi.(Sh.R). 12. U, oppoq ro’molchasi bilan ko’zlaridan dona- dona oqib tushayontgan yoshini artib, titroq ovoz bilan javob berdi.(Sh.R).13 Zinapoya oldida turgan soqchi yigit ota -bolaga yol berib o’zini darhol chetga oldi (P.Q. ) 14. Boshini bolishdan sekin ko’tarib Ikromjon yotgan tomonga qaradi .(S.A.) 131- mashq. Gaplarni o’qing Miqdor va daraja ravishlarini topib , manosini izohlang ,gapdagi vazifasini ayting. 1. Tavoqdagi oshning ko’pi eyilmay qilganligi ko’rilardi.(Ch.) 2. Sal o’tmay eshik qiyg`och ochilib beliga qilich osgan qora barzangi yigit ko’rindi. (O.Y) 3.Uy jihozga g`oyatda boy go’yo muzxona tusini berar edi (A.Qod.) 4.Salgina oldinga engashgan gavdaga parvoz qilishga tayyor turgan qushni eslatardi. (Sh.R.) 5. Men sizga ko’p Tashakkur qilaman aziz do’stim. (Ch.) 6-Qani, yuring ,-dedim charchagandirsiz... jindak dam oling.(CH.) 7.U anchagana qalin, kepak rangidagi muqovasi urungan. (Sh.) 8.U benihoya chanqaganligidan og`zi taxir bo’lib ketgan edi.(P.Q) 9. Siz bu gapni bekorga aytayotganingiz yo’q. Men ko’p marotoba sinab ko’rganman. (M.) 10. Belgilangan supaga etib kelib, andak hordiq chiqardilar.(M) 11. Osmon chamaniga suqlanib, supada bir oz o’tirdi. (M.Do’st.) 12. Bu Mirsalimning sal yarashishga ko’rgan tayyorligi edi.(Sh.) 13. Orqa safdagi qizlar chimmatni ko’tarib o’tirganlaridan ularning yuzlari sal -pal ko’rsa bo’lardi. (Ch.) 14. Ularning talablari juda o’rinli bo’lsa o’zi ilojini qilib qondiradi (Ch.) 15. Bundan ancha yillar oldin ish boshlab, o’sha dadil g`oyasini o’rtaga tashlab ulgurmasidanoq unga hamma shu savolni bergan. (O’.U.) 16. Bir ish ko’ngildagidek ado etilsa, ikkinchisini bajarish ancha engillashadi. (Sh.R.) 17. Umringda bir marta salgina, pichagina, qittakgina itlikni tashlash, odam bo’lish fursati topilibdi-yu, shunda ham mag`rur bo’yningni jindakkina ekging kelmaydimi? (Ch). 132-mashq. Gaplarni o’qing. O’rin va payt ravishlarini topib, ma’nosini izohlang, gapdagi vazifasini ayting. 1. Qo’rquv ichida ilonizi qilib, dam o’nga dam chapga burilib, otliqni chalgitmoqchi bo’lardi.(M.). 2. Ertalab bekorga qovog`ingga qog`oz yopishtirmagan ekansan.(O`.U.). 3. Kecha yoqqan qor ko’cha o’rtalarida erigan bo’lsa ham chetlarida bir- ikki enlik qalinlikda oppoq oqarib turardi.(Sh) 5. - Unday bo’lsa ish jo`n,-dedi. - Hozir kirib gaplashaman. Kechgacha xayriyatlik xabarni eshittirarman. (Ch.). 6. U u yoq -bu yoqqa borib o’zining xususiy ishlarini to’g`riladi. (Ch.) 7. Ishni bugun boshlaymizmi yoki ertagami?- deb so’rabdi. (X.T.) 8. So’ng, allaqanday mayus estaliklarga cho’mib, uzoq o’tirdi. (O.Y.). 9 Axir bugun odamlar cho`lga ketishadi. (S.A.) 10. Sahar paytida qal`a sukunatini buzib xazin surnay tovushi yangradi. So’ng unga qush naqora tovushi jo’r bo’ldi.(P. Q). 11. Sal nariroq o’tirib gapiravering. O’ylagan niyatingizga etasiz, janob. Hozir men gapni eshitishim kerak.(M). 12. Uydan oldinda Hayot, orqasidan bir nima ko’tarib onasi chiqdi.(M.I) 13. Tor ko’chaning oxiridagi ko’rimsizgina eshik oldida turgan norg`ul bir yigit oldinda borayotgan domlani tazim bilan qarshi oldi-da, chetlanib, yo’l berdi. (A.Q) 14. Pastlikga tushib soy bo’yida birpas otirdi. (Sh.) 15. Sodiq bugun ham, ertasiga ham kelmadi, bir xafta bir oy o’tgach ham kelmadi.(Sh.) 133 - mashq . Gaplarni o’qing. Payt ravishlari va payt manosini ifodalovchi otlarni belgilang, gapdagi vazifasini ayting. 1. Birpas eshitay deb yotib ko’ksiga boshimni qo’yganimcha ko’zim uyquga ketganini o’zim ham sezmay qolibman. (X. T.) 2. Bu kun ertalabki choydan so’ng Hasanali kechagi fikrini chinlab amalga oshirmoqchi bo’ldi. ( A.Qod.) 3. Ertaga bundan ham yaxshi bo’lishini istaymiz , ertadan keyin esa, yana va yana yaxshi bo’lishini orzu qilamiz. (Sh.R) 4. Ertagayoq so’rab berardim. Tushdan keyin xo’jayining tog` tomonga chiqib ketar ekan . (Ch.) 5. Kechqurun uning o’rin- boshlarini so’rab oldilar. (Sh.) 6. Ko’chadagi gap- so’zga hadeb kuyib- yonavermang, do’st kuyib gapirsa dushman oshirib gapiradi (Sh.) 7. - Hozir ayni tush chogi bo’lganidan Jannat jaketeni bilagiga solib olgan. Avvalgidan sal to’lishgan yuzlari bugriqqan ko’rinadi. (Sh.) 8. Keyinroq borarman. Hozir boray sizlarga tashvish bo’lishdan boshqa foydam tegmaydi. (S.A.) 9. Peshinga borib havo juda qizib ketdi. (M) 10. Mana hozir ham uning yoqimli, shinam ovozi jonlarga huzur berib turgan ertalabgi salqin sarin havo kabi ko’ngillarga rohat baxsh etmoqda. (M.I) 11. U qishloqqa kelganida dastlab yangi muhitga o’rganolmay ko’p qiynalgan edi, ammo o’rganganidan so’ng , tabi ochilib ketdi. (A.Q.) 12. Ketib qolmasin, men hozir etib boraman -dedi. (SH.) 134- mashq. O’rin ravishlari va o’rin -joy otlarini topib, manosini izohlang, gapdagi vazifasini ayting. 1. Xayyollarga berilib qishloqdan tog yo’liga burulganimizni ham bilmay qolibman. (X.T.) 2 O’sha erda, anhorning shundoqqina labida jindakkina mizg`ib olmoqchi bo’lib, uyqum qurib ketsin, tong otguncha dong qotib uxlab qolibman. (X.T.) 3. Oyqizning xayolida, go’yo ko’chaning u boshida ufqda chaqnab turgan yulduzcha unga hazil qilib, ko’z qisib qo’yganday tuyuldi. (SH.R) 4. Oqsaqol faqat hovlidagi ashtarxon gilos bilan oq o’rik pishib tugamaguncha uydan ko’chaga chiqmasdi.(S.A.) 5. To’qaydan botqoqlardan busiz ham o’tmish qiyin, yomgir quyib bersa otlarga jabr bo’lmasmikan? (S.A.) 6.Daricha tirqishidan ko’rilgan yoruglik mehmonxonada kishi borliqni bildirar edi. (A.Qod) 7. Tashqarida yomg`ir tingan, lekin osmon bulutli, qorong`ulikda hech narsani ko’rib bo’lmas edi.(P.Q.) 8. Ular otda Choriqdarronga etib, karvonsaroyga tushushlari asnosida keksa savdogar o’gli bilan birga yuklarini aravaga ortib, Xo’jandga jo’nadi. (M.) 9. Ko’pirikning har er- har erida katta yog`ochlar qoqilgan to boshidan- oxirigacha katta xodalar qirqib, poyteshada tekislanib, ko’ndalang yotqizilgan...(M.) 10. Yuz qadamcha narida, devorlari pasqam chorbog`da keksa bir odam qozon qaynatib, xo’rak tayorladi. (M.) 11. Qishloqdan yarim chaqirimcha yurgandan keyin chapga burildi.(M.I.) 135-mashq. Gaplarni o`qing. Sabab va maqsad ravishlarini topib, ma`nosini izohlang, gapdagi vazifasini tushuntiring. 1.Bilganlarimizni o`zingizga aytgani atayin keldik.(T.Mal.) 2. Nima ish qilgan ekan?- dedi. Jannat, ensasi qotib tursa ham jo`rttaga (Sh.) 3. Darvoza oldida ataylab to`xtab, deraza tagida tosh o`ynayotgan qo`shni bolakaylarga qattiq- qattiq dashnom bergan bo`ldi.(O`.U.) 5. O`zi bo`lsa qizlar oldidan atayin gerdayib, pisand qilmay o`tadi. (S.A.) 6. U istamasa ham noiloj borishga majbur bo`ldi.(O`.U.) 7. Olimjon jo`rttaga qattiq ovoz bilan gapirdi. (Sh.R.) 8. Dildor daladan qaytayotib yo`lni yaqin qilish uchun ataylab tutzor oralab kelardi. (S.A.) 9. Ular juda sekin yurishdi. (O.) 10. Bu ishingizga xalal beradi albatta. Lekin noilojmiz, uka. (O`.U.) 136-mashq. Gaplarni o`qing. Tub va yasama ravishlarni aniqlang.Yasama ravishlarni ko`chirib yasovchi qo`shimchalarni belgilang. 1.Xonalar yaxshilab tozalangan devorlarga har xil gullarning suratlari osilgan...(Ch.) 2. Og`ir odimlab mehmonxonani bir-ikki aylangach, ko`krak cho`ntagidan oltin soatini olib qaradi-da, shoshilib amirkon k о vushini kiyib, tez yurib hovliga chiqdi.(O.) 3.Kampir jahl bilan o`rnidan turdi-da, qaddini rostlab, oshxonaga ketdi.(O.) 4. Biz siz o`ylagancha xayolparast emasmiz. (Sh.R.) 5. U direktor bilan hech vaqt qamti kelmagan , faqat ko`rganidagina salom berib o`tardi.(Sh.) 6. Boshini quyi egib yoshini marjon qilib to`kayotgan yigitga otalarcha qarab qo`ydi.(Sh.) 7. U barvaqtroq turish uchun majburan uxlamoqchi bo`ldi, ammo qovog`iga xuddi qum qadalganday ko`zi yumilmadi. (O`.U.) 8. Avvaliga nimalar bo`layotganini bilolmay gangib yurdi. Keyin bu dahshatni odamlar ko`zida, muomalasida ko`rib birdan yuragi o`ynab ketdi.(S.A.) 9. Mashina tekis yo`ldan qushdek uchub borardi.(X.T.) 10. -Qimmatli vaqtingizni berganingizni va ko`rsatgan do`stona yordamingiz uchun rahmat (A.Q.) 11. Birpasdan keyin birov uyning derazasini asta -asta taqqillatdi.(Sh.) 12. Bir ozdan so`ng butun qishloq isyon holatida edi.(Ch.) 13. Xizrxo`jaxon chaqmoq mo`ylovini mamnun silab, bahodirona keng ko`kragini to`ldirib nafas oldi.(P.Q.) 137-mashq. Gaplarni o`qing. Ravishlarni toping. Modal shaklda qo`llangan ravishlarni aniqlab, modal shakl hosil qiluvchi vositalarni izohlang. 1. U faqat bir narsaga pushaymon qilardi: tezroq jang bo`lmadi-yu, shahzodani bir ko`rmadi.(O.Y.) Tog`lar yaqin, toshni ko`proq keltiramiz. (Sh.R.) 3. Eshikni sekingina ochdi.(Ch.) 4. Men ilgariroq bilmaganman, agar bilsam ilgari she`rlarimni pochta orqali yubormasdan o`zim olib kelar edim.(A.Q.) 5.Bu vaqtda oy anchagina yuqoriga ko`tarilib qolgan edi.(Ch.) 6. E - eh! Odamga judayam ko`p narsa kerak emas o`zi bu dunyoda.(O`.U.) 7. Shoshilganda hamisha shunday bo`ladi, vaqt juda sekin o`tadi! (Sh. R.) 8. Rais bu birgadirlarni ko`proq maqtab, kamroq talab qilardi, chunki ularni xafa qiladigan bo`lsa, barmoq bilan sanarli do`stlarni ham yo`qotishi mumkin edi.(Sh.R.) 9. Butun suhbat davomida jimgina turgan Umurzoq ota, oppoq soqollarini silab, atrofiga nazar tashladi va lo`nda-lo`nda qilib gapirdi.(Sh.R.) 10.-Pulni chiqaring, tezroq daf bo`la qolay, qistadi xotin.(O.) 11. Eshonxonning ensasi qotgan edi, juda sekin, shoshilmasdan kissasidan hamyonini chiqardi-da uch so`m sug`urdi.(O.) 12. - Yo`q... Man asli Qo`qong`a kelgan edim, ammo Marg`ilonda otam tanishlaridan bittasida ozroq olasimiz bo`lib, shu kishiga uchrashib ketayin, deb Marg`ilong`a o`tkan edim...(A.Qod.) 13. Uch kundan so`ng yuvilgan kirlarni keltirib, to`quv do`konimning yonida anchagina qarab o`ltirdi. (A.Qod.) 138-mashq. Gaplarni o`qing. Ravishlarni topib, tuzilishiga ko`ra turini aniqlang. Yasama ravishlarni tuzilishiga ko`ra alohida ustunlarda yozib chiqing. 1. Vaqt qalbidagi achchiq alam istroblarini asta - seken elga sovurib, o’rnini yashash ishtiyoqi bilan to’ldirib bormoqda edi.(Sh.) 2. Avval turgan shahrida qilgani etmaganidek, bu erga kelib ham ovni oldirgan ekan.( Sh. ) 3 Undan- bunda suzib yurgan oq bulut parchalari go’yo qishdan qolgan xiralik- guborni artib yuborganday. (A.Q. ) 4 Ikkalasi ham og`iz ochmay jim qolishdi. (Ch. ) 5. U sekin - sekin ogil tomiga yotqizilgan shotining ikkinchi pog`onasiga o’tirdi. (Ch.) 6. Hamida begim Akbarni kecha-yu kunduz yonudan qo’ymay parvarim qilar ekan, uning miqti va sho’x bola bo’lganini ko’rib quvonardi. (P. Q.) 7. Keyin o’ziga har xil yumishlar topib, bir necha bor ko’chaga chiqib, tashqariga alanglab qarasa ham, Aziz ko’rinmadi. (O’.U.) 8. Qaddini tiklab, ajablangancha bir dam o’ylanib qoldi. (O’.U.) 9. Rais shu yerda bir oz tin olib, kulimsiradi. Nevarangiz sal tumovga chalinsa, duxtirga chopasiz. Bular ham - duxtir. (O’. U.) 10. O’tgan va avvalgi yili menga oz muncha chuqur qazidilarmi? (Sh.R.) 11. - Yanga, hov yanga birpasga to’xtang, dardingizni olay.(T.Mal. ) 12. Terak bo’yi ko’tarilgan oftob ertalabki salqin havoni ilitib, olamni harir oqish tumanga chulg`agan. (O.Y.) 13. Qishin- yozin dalada ketmoni uyda - bola- chaqa tashvishi - bu dunyoga kelib ko’rgan baxt shu bo’libdi.(O.Y.) 14. Shu tobda to’satdan eshik g`irch etib ochilib, avval boshini suqub, keyin o’zi paydo bo’lgan bir begona xotin shoshilib boshidan paranjisini oldi. (O.) 139-mashq. Gaplarni o`qing. Ravishlarni topib to`liq morfologik tahlil qiling. 1. Ovqatdan so`ng bir-ikki choynak choy ichildi.(I.) 2. Bugun chorshanba bo`lgani uchun uzoq-yaqindan kelgan ziyoratchilarning hammasi o`sha tomonga qarab kelishayapti.(X.T.) 3. Chol qorong`i tushgan loy ko`chada qoqila-suruna asta yurib ketdi…(O.) 4. Ichkaridan gurs-gurs oyoq tovushlari eshitildi. (O.Y.) 5.Peshinga yaqin oldinda ipakday mayin pushti rang bog`larga ko`milgan Dimishq qishlog`i ko`rindi. Dimishqdan keyin, to Samarqandga etguncha bog`lar bir-biriga tutashib ketar, go`yo butun olam ulkan gulxan orasida lovillab yonardi. Dimishqdan sal o`tilsa, oftobda ajib bir manzara kasb etgan. Bibixonim maqbarasining lojuvard gumbazi ko`rinadi. Undan sal beriroqda o`sha harir qirmizi parda orasidan, Ulug`bek madrasasining yuksak peshtoqlari tovlanadi. Undan chaproqda esa, osmonga sanchilgan Go`ri Amir minoralarining tilla rang bo`yoqlari nozik jilolanadi… Mirzo Ulug`bek bog`lar orasidan elas-elas ko`ringan suyukli shahriga suqlanib tikilar ekan, beixtiyor ko`ziga yosh oldi. (O.Y.) 6. Boyag`iga qaraganda anchagina yengillanib ichkariga kirdi, harakatlari ham bir muncha o`zgargan edi.(A.Qod.) 7. Suhbat uzoq davom etdi. Quyosh salgina qaytsa ham, issiq sezilib turardi. (Sh.R.) 8. Kelsa, ertaga kechqurun keladi. Undan burun kelmaydi. (I.) 9. Erta bilanning sovuq shabadasi sur tuproq changlarini asta-sekin vagon derazasi orqali ichkariga tomon sura boshladi.(I.) 10. U erda hechnarsa yo`q, ertasiga ham, indiniga ham hech narsa chiqmadi. (Sh.) 140-mashq. Gaplarni o`qing. Mustaqil so`zlarni topib morfologik jihatdan to`liq tahlil qiling. 1.Bizga tanish hujra ko`rsatilishi bilan ular shu tomonga qarab yurdilar. (A.Qod.) 2. Oqshom paytida kichkina va nimjon ovoz ham uzoq-uzoqlarga yoyiladi. (Sh.R.) 3. Gap shu bilan tugadi-yu, otliqlar arkka qarab ketishdi. (P.Q.) 4. Nonushta tayyor bo`lguncha hamshira kelib, emlab ketdi. (T.Mal.) 5. Pastda, sharshara tagidagi tubsiz dara ostida esa, oq marmardan qurilgan va nimasi bilandir oppoq bulutni eslatuvchi ikki qavatli oq bino ko’zga chalinar! (O.Y.) 6. To ishni bitkazib qaytguncha qorong’i tushib qolgan edi.(S.A.) 7. Shu kundan boshlab bularni ko’p gapirmaslikka ,birga ketmaslikka majbur qilgan allaqanday kuch taslim bo’ldi. (A.Q.) 8. Bu achchiq kinoya, och biqinga urilgan mushtday mirshabning damini ichiga tushirib yubordi.(M.I.) 9.Mehmonlar shu kuni qo’rg’onga, bu yerda tayyorlangan xonalarga olib kelinib, hammomda yubintirildi. Yo’l kiyimlari yechilib, ozoda liboslar kiyildi. (M.) 10. Ona yurtini sog’inmaydigan kim bor! (M.) 11. U ko’ksini kergancha kimsasiz dalalar tomon yurdi.(O’.U.) 12.Yillar o’tar, balki asrlar o’tar, ammo hech kim, hech qachon ularning vatangado bo’lib qolishlarini sababini aniq ayta olmas.(T.Mal.) 13. Qalbida uyg’onib, jo’sh urgan bu faxrlanish va dadillik unga qanot bog’ladi.(SH.) Ravish turkumiga oid tayanch so’z va tushnchalar Holat ravishi, miqdor-daraja ravishi, o’rin ravishi, payt ravishi, sabab ravishi, maqsad ravishi. Test savollari 1. Ravishning asosiy grammatik belgilari to’g’ri ko’rsatilgan qatorni belgilang. A) ravish harakatining, belgining belgisini bildiradi. B) ravish mano va grammatik jihatdan bir necha turlarga bo’linad C) ravishlar maxsus so’z yasovchi affikslarga ega. D) ravishlar o’zgarmaydi, gapda hol vazifasida keladi. 2. Otlashgan ravish qatnashgan gapni aniqlang. A) do’stona suhbat uzoq davom etdi. B) hozir uning oldidan keldim. C) ko’pchilik unga so’z berilishini talab qildi. D) ko’pdan quyon qutilmas. 3. Ravish gapda qanday vazifalarda keladi? A) hol, to’ldiruvchi, ega, kesim. B) aniqlovchi, to’ldiruvchi, hol, kesim. C) hol, kesim, aniqlovchi, to’ldiruvchi. D) to’ldiruvchi, hol, ega, aniqlovchi. 4. Holat ravishi qatnashgan gapni belgilang. A) Mehnat kishini ulug’laydi. B) Aql insoning ma’naviy qurolidir. C) Buyuk ishlar tezda yuzaga chiqmaydi. D) Hamma kulib turardi. 5. Miqdor -daraja ravishi qaysi gapda qo’llanilgan? A) Boshidan hushi uchib ketdi. B) Noilojlikdan bu ishga qo’l urib turibdi. C)Vaqtni behudaga o’tkazmaslik ham ishbilarmonlikdir. D) Adolatning salga jig’i -biyroni chiqaveradi. 6. Payt ravishi qaysi gapda qo’llangan? A) Baribir bu ishdan foyda yo’q. B) Otasi ham tilla odam. Hozir yotib qolgan. C) Bu erda anchadan beri turibsanmi? D) Fidokor kishilar ko’p bu hayotdqa. 7. O’rin ravishi va o’rin oti qatnashgan gaplarni aniqlang. A) Iloji bo’lsa shu bugun uchrashsak. B) Bu yog’i qishloqqacha bir qadam joy. C) Kechasi u bog’ etagida bedazorda tong ottirdi. D) Bahavo xonada u yoqdan- bu yoqqa aylanardi. 8. Sabab ravishi qaysi gapda qatnashgan. A) Aqillilik inson fazilatlaridan biridir. B) Nomarddan mardlik tilama. C) Majburan qilingan ish ko’ngildagiday bo’lmaydi. D) Qancha ko’p bilsang, shuncha ko’p o’qi. 9. Maqsad ravishi qaysi gapda berilgan? A) Katta baxting vataningdir. B) Ota -onaga hurmat fazilat hisoblanadi. C) Rais uyoq-buyoqqa alangladi. D) Uni qutqarish uchun ataylab kelgan edi. 10.Fellarga qo`shilib ravish yasovchi qo`shimchalar qaysi qatorda berilgan. A)- cha, -lab B) -larcha, -ona C) -an, -layin. D) -cha, -n (-in) 11.Ko’rsatish olmoshi bilan birikkan yoq so’zi ishtirokida hosil bo’lgan qo’shma ravish qaysi gapda berilgan. A) Bu gapdan kattalar yoqa ushlab qoldi. B) Hammaning shu yoqqa o’tishi so’raldi C) Bolalarning har biri har yoqqa ketishgan D) Ko’pga yoqadigan ish bu

O'xshashlar

Ravish so‘z turkumi
Ravish - so'z turkumi
Sоn so'z turkumi ravish so'z turkumi
Ravish so`z turkumi
Sifat turkumi tahlili