Ingliz tilida o’qishni o’rgatish - Tilshunoslik - Referatlar

Ingliz tilida o’qishni o’rgatish

Yuklangan vaqt:

20.09.2019

Ko'chirishlar soni:

0

Hajmi:

52.5 KB

Ko'chirib olish

Ingliz tilida o’qishni o’rgatish Reja: 1. Ingliz tilida o’qishni o’rgatish 2. O’qishni o’rgatishda uchraydiga qiyinchiliklar 3. O’qish turlari va shakllari 4. O’qishni o’rgatishda rioya qilinishi lozim bo’lgan tamoyillar 5. Xulosa

Ingliz tilida o’qish nutq faoliyati turi. O’qish – ko’z bilan ko’rayotgan harf, harf birikmalari, so’zlar, gaplarni ovoz chiqarib, chiqarmay o’qish va o’qiganning mazmunini tushunish, o’qib ma’lumot olishdir. O’qish yozma nutqda berilgan matndan ma’lumot olish nutq turidir. O’qish – tanish til materiallari asosida notanish mazmunli matnni o’qib ma’lumot olish, mazmunni tushunishdir. O’qish aloqa (kommunikasiya) qilishning bir turidir. O’qish orqali o’quvchi, talaba ingliz tilida gaplashadigan mamlakatlar tili, madaniyati, hayoti, tarixi, urf-odati bilan tanishadi. O’qish ma’lumot olish manbaidir. O’qish kishilarning kommunikativ-ijtimoiy faoliyat sihasiga taalluqli bo’lib, unda u yozma shakldagi so’z orqali muomalani ta’minlaydi. Kishilarning turmush, ta’lim va ishlsb chiqarish sohalardagi faoliyatlarida o’qishdan keng foydalaniladi. O’qish orqali ma’lumot olish turli faoliyatlarni amalgam oshirishga xizmat qiladi. O’qishda boshqa har qanday faoliyatdagi kabi mazmun va jarayon rejalari mavjud bo’lib, birinchisiga doimo katta ahamiyat beriladi. Faoliyatning predmet mazmunini tashkil qiluvchilar o’qishning mazmun rejasi sanaladi. Faoliyat jarayonining elementlari o’qishning jarayon tomoni hisoblanadi. O’qish doimo tayyor holdagi nutq axborotini idrok qilishga, ma’lumot olishga yo’nalgan bo’ladi, shuning uchun uni nutq faoliyatining resiptiv turiga kiritishadi. O’qishning o’ziga xos xususiyati shundan iboratki, uning muvaqqiyatli amalgam oshirilganligi haqidagi baho kitobxonning olingan ma’lumotdan qoniqish hosil qilganligida o’z ifodasini topadi. O’qish murakkab resiptiv aqliy faoliyat hisoblanib, uning jarayon tomoni analitik-sintetik xarakterga egadir. O’qish orqali biz ma’lumot olamiz, bilimimizni, dunyoqarashimizni kengaytiramiz, shuning uchun o’qish nutq faoliyatining turidir. Hozirgi davr metodika o’qishni ingliz tilini o’qitish usuli, yo’li deb qaralmay,uni til materiallarini o’zlashtirishga yordan beruvchi, uni asosida

(matndan) nutqni rivojlantirish uchun qo’llaniladigan material manbai, ma’lumot olish manbai deb qaralmoqda. Shu sababdan o’qiyotganda asosiy diqqat matn mazmuniga qaratiladi. Dasturda o’qish bo’yicha umumiy talablar va har bir kurslar uchun tlablar belgilanib beriladi. O’rta maktabda o’qishni o’rgatish ham maqsad, ham vositadir, ya’ni o’qish chte tili o’rgatishda ham maqsad, ham vosita vazifasini bajaradi. Agar bitiruv chiquvchilarning o’qish ko’nikmasi mukammal bo’lsa, ular o’zlari egallagan ana shu ko’nikmadan amaliy ravishda mustaqil foydalanish imkoniga ega bo’ladilar. O’qishning etuklik darajasi har-xil bo’lishi mumkin, shuning uchun o’rta maktab oldida o’qishning minimal rivojlanish darajasiga erishish vazifasi turadi. O’qishning amaliy maqsadi o’qib ma’lumot olishdir. Amaliy maqsaddan tashqari o’qishni o’rgatish umumta’lim va tarbiyaviy maqsadlarini ham nazarda tutadi. Bulardan tashqari o’qishni o’rgatish rivojlantiruvchi maqsadni amalga oshiradi. O’qish paytida o’quvchi, talabaning o’rganilayotgan ingliz tili matni bilan uning kuzatuvchanligi rivojlanadi va ularning til materiallari, matn mazmunini analiz va sintez qilish qobiliyatlari takomillashadi. Endi o’qishning vosita sifatidagi vazifasi ustida to’xtaymiz. O’qish til materialini egallab olishda muhim vosita hisoblanadi. Shu narsani alohida ta’kidlash kerakki, matnlarni o’qishni o’rgatish, lug’atni boyitish usullaridan biri sifatida muhim ahamiyatga ega. O’qish gapirish ko’nikmasini shakllantirishda mihim vosita hisoblanadi. O’qilgan matnlarning mazmuni bo’yicha savol-javob mashqlarini bajarish, hikoya qilib berish, suhbat va muhokamalar qilish ko’p mashqlarga asos bo’ladi. O’qish orqali gapirish uchun ma’lumot, material to’planadi. Ularni ingliz tilida gapirishga tayyorlaydi. Ovoz chiqarib o’qish esa to’g’ri talaffuzga o’rgatishda va yangi til materiallarini tushunishda muhim bosqich sanaladi.

Bundan tashqari ovoz chiqarib o’qish ovoz chiqarmay o’qishning etuk ko’nikmasini shakllantiradi ham muhim vosita rolini o’ynaydi. O’qish nutq faoliyatining psixologik xususiyatlaqri. O’qish reseptiv nutq faoliyatihisoblanib, u yozma nutqni idrok qilish va tushunishdan tarkib topadi. Ko’rib qabul qilinadigan matnni tushunish uchun so’zlarning yozuv tasvirini, ularning tovush harakat obrazlari bilan, tovush- mator obrazlarni esa ularga mos keladigan tovushlar bilan muvofiq keltirish kerak. O’qish paytida ikkita asosiy o’zaro bog’liqlik jarayolarini ajratib ko’rsatish mumkin: 1. Bosmadan chiqarilgan yoki yozilgan matnni idrok qilish. 2. O’qilgan matnni anglash (tushunish) Ko’rsatib o’tilgan ikkala jarayon biri ikkinchisidan ajralmagan holda bir vaqtda va o’zaro bog’liq ravishda namoyon bo’ladi. Boshqa nutq faoliyati turlari singari, o’qish uchun ham antisipasiya (oldindan bilish yoki sezish) mexanizmi ayrim so’zlarga, kontekstga qarab so’zni to’g’ri fahmlsh, keyingi so’zlar, jumlalarni oldindan ko’ra bilish, tushuna olish ko’nikmasidir. Boshqacha qilib aytganda bu mexanizm taxminiy oldindan sezish yoki oldindan aytib berish deb atalishi mumkin. O’qish psoxologiyasi masalalari bilan shug’ullanuvchi barcha tadqiqotlar antiqipasiyani shakllantirish va rivojlantirish zarurligini ta’kidlaydilar. O’qish texnikasini shakllantirish – uzoq davom etadigan jarayon bo’lib, u sifat jihatdan farq qiladigan qator bosqichlarga bo’linadi. Bu bosqichlar tovushni talaffuz qilishdan tortib, matnni tovush chiqarib o’qishgacha bo’lgan bosqichlarni o’z ichiga oladi. Bu bosqichlarni har bir o’ziga xos xususiyatlari va ularni egallash usullari bilan farq qiladi. Matnni tushunish bosqichma-bosqich tushunish xarakteriga egadir. Ayrim mualliflar tomonidan matnning ikkitadan ettitagacha bo’lgan mazmunini tushunish bosqichlarini ajratishadi. Bu bosqichlarning asosiylari quyidagilar hisoblanadi:

1) alohida so’zlar, gaplar va mtn qismlarini tushunish bosqichi, ya’ni matnni qisman tushunish bosqichi; 2) matn tili va uning birikmalari, ma’nolarini tushunish bosqichi, ya’ni ma’nolar bosqichi; 3) matnning mazmun tomonini tushunish bosqichi, mazmun bosqichi, ya’ni mazmun bosqichi. O’qish psixologiyasi bilan bog’liq bo’lgan masalalar o’qish nutq faoliyati sifatida shakllanishda metodik ishni tashkil qiluvchi o’qish mexanizmlari yoki operasiyalarini aniqlash imkonini beradi. Bu narsa tilning yozuv tizimini egallashni, harf va tovush o’rtasida aniq bog’lanilishini ishlab chiqishni, so’zlarning o’qish qonunlarini egallashni, uni ma’no va Grammatik shakl bilan muvofiqlashtirishni, so’zlarni so’z birikmasi, gap va matn bilan biriktirishni o’z ichiga oladi. Psixologik tadqiqotlarning guvohlik berishicha o’qish paytida ko’rish-yozuv va nutq-harakatsezgilari o’rtasida bevosita aloqa paydo bo’ladi. O’qishning psixofiziologik mexanizmi ko’rish-yozuv va nutq-harakat sezgilarini o’z ichiga oladi. Ularning o’zaro birga nutq faoliyatida ishtirok etish o’qish paytida ma’lumot olishni ta’minlaydi. Inglizcha matnni o’qib tushnishda 2 ta jarayon sodir bo’ladi: 1. qabul qilish 2. tushunish Insonda ikkita signal tizimi bor. Birinchi signal harakatga predmetlarni ta’siri natijasida, predmet qo’zgatuvchilar asosida qarashiga tutadi, ikkinchi signal tizimi so’z qo’zgatuvchilar asosida harakatga tushadi. Psixologik nuqtai nazardan matnni to’g’ri talaffuz qilib mazmunni tushunmay o’qish bu o’qish emasdir. O’qish malaka ko’nikmalarini hosil qilish, ko’rish, qabul qilish, talaffuz, tinglash, tushunish jarayonlarini bir-biri bilan to’g’ri chambarchas bog’lab bir jarayon hosil qila olishdir.

Адабиётлар : 1. Тили ўрганилаётган мамлакатлар щақидаги географик , сиёсий - маданий расмлар ва плакатлар . 2. Ўрта мактабда чет тили ўқитишнинг умумий методикаси А.А.Миролюбов, И.В.Ращмонов, В.С.Цутлин тахрири остида М.Просвешение 1967. 199-248 б. 3. Н.И.Гез, М.В.Ляковицская, А.А.Миролюбов. Методика обучения иностраннўм язўкам в средней школе. 4. www . ziyonet . uz

O'xshashlar

Ingliz tilida yozuvni o’rgatish

Savod o’rgatish jarayonida yozuvga o’rgatish

Savod o’rgatish jarayonida yozuvga o’rgatish

Leksikani o’rgatish

Savоd o’rgatish jarayonida хusni хatga o’rgatish