Ilmiy tadqiqotda qisqartma, havola va bibliografik ma`lumotlarni berish - Tilshunoslik - Referatlar

Ilmiy tadqiqotda qisqartma, havola va bibliografik ma`lumotlarni berish

Yuklangan vaqt:

20.09.2019

Ko'chirishlar soni:

0

Hajmi:

64.5 KB

Ko'chirib olish

Ilmiy tadqiqotda qisqartma, havola va bibliografik ma`lumotlarni berish Reja: 1. Ilmiy ishda qisqartmalar. 2. Havola va bibliografik ma’lumotlarni berish usullari. 3. Ilmiy halollik va o’g’rilik (plagiat) nima?

Dastlab shartli qisqartmalar haqida. Tadqiqotda juda ko`p hollarda ayni bir manba (ilmiy adabiyot, tajriba-sinov ishlari natijasi, ayrim tushuncha va atama, hatto ta`rif va qonuniyat)larni juda ko`p marotaba, tez-tez takrorlab turishga to`g`ri keladi. Chunonchi, " Abdulla Qodiriy asarlarida eskirgan so`zlar " mavzusidagi ilmiy tadqiqotda tadqiqotchi bu adibning "O`tkan kunlar", "Mehrobdan chayon", "Obid ketmon", "Juvonboz" kabi asarlarini o`nlab marotaba tilga olishi, har bir fikrni asoslash uchun bu asarlardan yuzlab misol keltirishi lozim. Bundan tashqari, tadqiqotchi eskirgan so`zlar muammosini mufassal tahlil etgan, masalan, Ernest Begmatovning "O`zbek tilining leksik qatlamlari", E. Qilichevning "Badiiy tasvirning leksik vositalari" asarlari, Sh. Rahmatullayevning "ToshDU Ilmiy asarlari. Yangi sira. 211-chiqishi. Filologiya. 24-kitob. Toshkent, 1963" to`plamida chiqqan "Arxaizm va istorizm" maqolasini, har xil lug`atlarni - ikki jilddan iborat bo`lgan "O`zbek tilining izohli lug`ati"ni, 4 jildli "Alisher Navoiy asarlarining izohli lug`ati" v. h.ni tez-tez takrorlab turishi lozim. Ilmiy ishda, ixchamlik va tejamlik nuqtayi nazaridan, unda tez-tez takrorlanib turuvchi manba va tushunchalarni tadqiqotchi, odatda, qisqartma (shartli qisqartma)lar bilan beradi. Bundan tashqari, ilmiy tadqiqotlarda juda ko`p holda chizma, diagramma, qonuniyatlarni ixcham va yorqin aks ettiruvchi formula, jadvallar keng qo`llaniladi. Ularda ham, asosan, har xil shartli qisqartmalar qo`llaniladi. Manbalarga ishora qiluvchi qisqartmalar ham, formula va chizmalarda qo`llaniladigan qisqartmalar ham fanda ikki xildir. Ularning birinchi turi ma`lum bir fan sohasida umumiylik sifatida qabul qilingan shartli belgilardir. Kimiyoda H (vodorod), O (kislorod), NaCl (osh tuzi); matemtikada " + " (qo`shish), " - " (ayirish), "  " (ildiz), " a 2 " (istagan sonning kvadrati); fizikada F (kuch), V (tok kuchlanishi), W (tok kuchi) va h. shular jumlasidandir. Tilshunoslikda ham shunday shartli belgilar bor. Chunonchi, V - fe`l, V tr - o`timli fe`l, V in - o`timsiz fe`l, S - ega, P -kesim, P v - fe`l kesim. , P n - ot kesim. Tilshunoslikdagi bunday shartli qisqartmalar, odatda, "Tilshunoslikka kirish" o`quv qo`llanmalarida sharhlanadi. Muallif bunday qisqartmalardan foydalanganda qisqartma olingan manbani aniq ko`rsatishi lozim. Chunonchi, M. Saidovaning tadqiqotida shunday jumlani o`qiymiz:' Modellarda biz " Русская грамматика . Москва . Наука . 1980" kitobida berilgan shartli belgi va

qisqartmalar tizimini to`la-to`kis saqlaymiz. 1 Bunda tayanch manba ilmiy jamoatchilik orasida keng tarqalgan, mashhur, har bir ilmiy kutubxonada osongina topiladigan bo`lishi lozim. Ikkinchi turdagi qisqartmalar muallifning o`zi tomonidan yaratiladi. Bunday qisqartmalar qulay va to`liq sharhiga nima bilandir ishora qilib turadigan bo`lishi zarur. Chunonchi, Abdulla Qodiriyning yuqorida sanab o`tilgan uch romanida eskirgan so`zlarning qo`llanilish muammosini o`rganayotgan tadqiqotchi ularni RI (ya`ni birinchi roman), RII , R III deb ham, A 1 , A 2 , A 3 , deb ham, oddiygina I, II, III ` shartli qisqartma sifatida berishi mumkin. Lekin bunday qisqartma noqulay. Kitobxonni qiynaydi. Bu romanlarni O`K, MCh, ObK qisqartmalari bilan berish esa ancha qulay, chunki qisqartmada asarning to`liq nomiga ishora mavjud: O`K-"O`tkan kunlar", MCh-"Mehrobdan Chayon" v. h. Muallif o`z ishida foydalangan qisqartmalar alohida asarlarda (dissertatsiya, monografiya, darslik v. h. ) ishning kirish qismidan oldin, mundarijadan keyin, ilmiy maqolalarda esa maqola oxirida maxsus sarlavha (foydalanilgan qisqartmalar) ostida to`liq va aniq ochib berilishi shart. Yosh tadqiqotghilarga shu eslatib o`tish joizki, qisqartmalardan zarur bo`lgan hollarda foydalanish kerak:isqartmalar sononing ko`pligi, ularning o`rinsizligi ishni o`qish va uqishni murakkablashtidadi,qulaylik oqrnida chigallik tug`diradi. Endi ilmiy tadqiqda havolalar masalasiga o`tamiz. Ilmiy tadqiqotning muhim tarkibiy qismlaridan biri ilmiy havolalardir. Ilmiy havola tadqiqotchining qanday manbalarga tayanib tadqiqot olib borganligini ko`rsatib turadi. Tadqiqotda havola asosan, ikki turlidir. Bular: a) material, tadqiq hodisalari, tajriba-sinov ishlariga havola; b) ilmiy tadqiqotlarga, tadqiqotchilarning fikriga havola. Istagan ilmiy tadqiqot hamisha faktlarga (faktik materialga) tayanadi. Bu faktik material tilshunoslik tadqiqotlarida ma`lum bir manbadan - tilning voqelanish ko`rinishlari - nutqdan (jonli so`zlashuv, sheva, yozuvchilarning asarlari v. h. dan), o`tkaziladigan tajriba-sinov natijalaridan, zarur holatda ilmiy tadqiqotlardan olinadi. 1 Саидова М. Р. Сравнительно-типологическое исследование односоставных предложений в русском и узбекском языках. – АКД. Т.: ТашГУ, 1996. С.8.

Bularning barchasi tadqiqotchi va tadiqiqot uchun material manbayi dir. Ilmiy ishda keltirilgan har bir faktik materialning qaysi manbadan olinganligi aniq (tadqiqotni o`qiyotgan boshqa shaxs osonlikcha topa oladigan shaklda) ko`rsatilgan bo`lishi kerak. Material manbayi, odatda, faktik material keltirilgach, qavsda - juda ko`p holda shartli qisqartmalar bilan beriladi. Chunonchi: Qodiriy asarlarida moziy so`zi " o`tmish", "o`tgan zamon " ma`nosida qo`llaniladi: Moziyg`a qaytib ish ko`rish xayrlik (O`K-10). Faktik materialning tur va xususiyatiga ko`ra havolada uning manbayini ko`rsatish ham xilma-xil bo`lishi mumkin. Faktik material manbayi tadqiqot matni ichida ( chunonchi: "bir tilli" shevada r ma`lum pozitsiyalarda . . . . tushib qoladi. . . . . 2 ) berilishi mumkin. Tajriba-sinov ishlari natijalari faktik material sifatida keltirilganda, natijalar e`lon qilingan bo`lsa, nashr manbayi, e`lon qilinmagan bo`lsa, o`tkazilgan o`rni va vaqti, uni qayd etgan muassasa ko`rsatilishi zarur. Faktik material arxiv yoki muzey materiallaridan olinganda, arxiv (muzey), uning joyi, fond raqami (nomi), qayd raqami ko`rsatiladi. Faktik material havolasidan maqsad kitobxonning - zarur bo`lganda - shu ma`lumotni oson topishi va tekshira olishi ekanligini unutmaslik lozim. Ilmiy ishda havolaning ikkinchi turi boshqa tadqiqotchilarning ish va fikrlariga ishoradir. Bunday havolalar ilmiy tadqiqotda, asosan, uch usul bilan berilishi mumkin: a) sahifaosti izoh; b) matn ichida ajratilgan izoh; d) bob (bo`lim,  tadqiqot) oxirida keltirilgan izoh Ilmiy ishlar, fikrlar manbayi ham ilmiy tadqiqotlar(monografiya, maqola, ma`ruza v. h. )da 4 turda berilish mumkin: 1) muallif, asari, nashriyoti, nashr yili, zarur betlari to`liq ko`rsatilgan holda; 2) raqamlash usuli bilan; 3) muallif va bosilgan yilini ko`rsatuvchi qisqartma holida; 4) tadqiqotchi lozim ko`rgan qisqartma shakllaridan birida. 2 Мирзаев M . Ызбек тилининг бухоро группа шевалари. – Т.: Фан,1968. Б .35.

Birinchi turdan, asosan sahifaosti izohlarda foydalaniladi. Bu usul fikrlar manbayini kitobxonga yetkazishning eng qulay usuli, lekin, birinchidan, juda ko`p joyni egallaydi.Ikkinchidan, havolalarni bunday berish kitobxon diqqatini chalg`itib turadi. Ba`zan bu turdan bob ( yoki asar) oxirida beriladigan izohda ham foydalaniladi. Bu holda tadqiqot matni ichida boshqa tadqiqotlarga, fikr manbalariga havola o`rinlari arab raqamlari bilan batartib belgilab boriladi va bob (asar) oxirida har bir tartib raqamiga mos manba aniq va to`liq ko`rsatiladi. Bunda bir muallifning ayni bir tadqiqoti takror-takror keltirilganda, birinchi keltirilishda to`liq berilib, qolgan o`rinlarda faqat muallif ko`rsatiladi va "O`sha asar" havolasi beriladi va shu o`ringa aloqador betlarga ishora qilinadi. Havolalarni raqamlash usuli bilan berish eng tejamli usuldir. Bunda bob (asar) oxirida " Foydalanilgan adabiyotlar " sarlavhasi ostida manbalar qat`iy alifbo tartibida beriladi. Matn ichida havola zarur bo`lganda shu manbaning bu ro`yxatidagi tartib raqami, undan keyin vergul qo`yilib, zarur beti ko`rsatiladi, nuqta yoki nuqtali vergul qo`yiladi: Chunonchi: "Bog`lovchilar gap bo`laklari va ayrim-ayrim sodda gaplarni bog`lash uchun xizmat qiladigan yordamchi so`zlardir"  342, 501  . 3 Demak, R. Sayfullayeva bu fikrni shu shaklda "Foydalanilgan adabiyotlar ro`yxati"da 342-raqam ostida keltirilgan manbaning 501-betidan olgan. Matn ichida bir o`rinda bir necha manbaga havola etilganda, har bir manba raqami nuqtali vergul bilan ajratib boriladi. Havolaning bu tejamli usuli ham o`z noqulayliklariga ega. Birinchidan, fikr olingan manbani, tadqiqotchi kimlarning g`oyalari va materiallariga tayanib ishlayotganligini bilish uchun kitobxon bob (asar) oxiriga qayta-qayta murojaat etishi zarur. Ikkinchidan, bunday tizimdan foydalanish muallifdan katta ehtiyotkorlikni talab qiladi. Zeroki, bitta raqamdagi xato manbani tamoman o`zgartirib yuboradi. Ilmiy ishda esa bu nafaqat qo`pol xato, balki salaflarga hurmatsizlik deb ham sanaladi. 3 Sayfullayeva R. R. Hozirgi o'zbek tilida qo'shma gaplarning formal-funktsional talqini. – T.: Fan, 1994. – B.3 9. ( Kiril yozuvida )

Havolalarni uchinchi usulda (asar muallifi va uning bosilgan yiliga ishora etuvchi qisqartma bilan berish yo`li) ilmiy ishlarda eng qulay va tejamkordir. Bu usuldan havola berishning to`rtala turida ham bemalol foydalanish mumkin . Bu usuldan foydalanganda manbaning shartli qisqartmasi yo ishning boshida - shartli qisqartmalar bo`limida, yoki ishning oxirida "Foydalanilgan adabiyotlar va ularning qisqartmalari" - qismida to`liq ochib boriladi. Bunday qism ilmiy tadqiqlotda, xususan, dissertatsiyada "Adabiyotlar ro`yxati" zaruriy qismi o`rnini ham bosadi. Ilmiy ishda havolalar quyidagi hollarda beriladi: 1. Biror tadqiqotchi (muallif)ning asari, ma`ruzasidan ma`lum bir fikr, izoh yoki ma`lumot aynan keltirilganda. Bunda bu olinma ko`chirma gap sifatida imlo qoidalariga mos ravishda berilgani ma`qul va oxirida olinma manbayi ko`rsatilishi shart. Bunday olinma bitta atama, bir-ikki so`z birikmasi yoki gap hajmida ham, katta (ba`zan bir-bir yarim bet) band (yoki abzaslar)dan iborat bo`lishi ham mumkin. Bunday olinmada tadqiqotchi olinmaning ma`lum bir qismini tushirib qoldirsa, o`sha o`rin ko`p nuqta (. . . ) bilan belgilanadi; bir qismini alohida bo`rttirib (kursiv, ajratilgan harf, ostiga chizish v. h. usulda) ajratsa, olinma ichidagi izohda ko`rsatilishi lozim. 2. Tadqiqotchi o`z fikrini bayon qilayotganda boshqa tadqiqotchilarning ismi sharifini tilga olib, ularning materialiga tayanib tahlil olib borayotganligini eslatganda ham manbalarga havola berishi zarur. 3. Tadqiqotchi biror hodisa (voqea) tavsifini berayotganda o`zgalarning ishidan olgan (o`zlashtirgan) ma`lumotlarni alohida ta`kid bilan ajratmay, o`z nutqiga singdirib borgan hollarda o`zlashtirilgan ma`lumot manbayi shu ma`lumotdan keyin ko`rsatilishi zarur. Ilmiy havola ilmiy halollik belgisidir.Havolalar orqali tadqiqotchi o`z salaflari bilan bog`lanadi, ularning xizmatini tan oladi, kimlarning yelkasida turib tadqiq olib borayotganligini e`tirof etadi. Lekin havolalarning haddan tashqari ko`pligi ham ijobiy hodisa sanalmaydi. Ayrim hollarda bir fikr o`nlab tadqiqotchilarning ishlarida keltiriladi. Keyingi tarqiqotda bu manbalarning barchasini keltirish shart emas.Bunday holda shu fikrni birinchi bo`lib asoslagan olimning ishiga havola yetarlidir. Har bir fanda o`zining akseomlari - isbotsiz qabul qilinadigan, haqiqat deb

sanaladigan fikr va talqinlari mavjud. Chunonchi, Eganing kelishik shakli bosh kelishikdir Bunday ilmiy fikrga havola zarur emas,lekin bu fikr shubha ostiga olinsa, inkor yoki tanqid etilsa, havola zarur. Shuni esda tutish lozimki, boshqa tadqiqotchilar ma`lumot va talqinlaridan foydalanib, uni ilmiy ishda ko`rsatmaslik eng xunuk amaldir. Ilmiy ishda bunday o`rinlar bo`lsa (yoki atigi bir abzaslik material birovdan olinib, manbayi ko`rsatilmagan bo`lsa), bu ish plagiat - ilmiy o`g`rilik mahsuli sanalib, xalqaro qonunchilikka o`z aksini topgan mualliflik huquqi qoidalari asosida bekor qilinadi va O`zbekiston Respublikasining jinoyat kodeksi asosida plagiat ish muallifi jinoiy javobgarlikka tortiladi. "OAK Byulleteni" jurrnalining 20004-yil 6-soni bilan tanishsangiz, bunday xunuk ish hozir ham sodir bo`lib turayotganligini bilishingiz mumkin. Ilmiy ishda foydalanilgan, keltirilgan barcha manba, ilmiy adabiyotlar ishning "Foydalanilgan manba (adabiyot)lar" yoki Bibliografiya qismida to`la keltiriladi. Bu qism ikki turda tuzilishi mumkin: 1. Faktik material manbalari va ilmiy adabiyot (manba)lar ro`yxati alohida ajratib beriladi. 2. Har ikkala manba birgalikda beriladi. Har ikkala holatda ham manbalar alifbo tartibiga qat`iy rioya qilingan holda ro’yxatlashtiriladi. Manbaning ro`yxatdagi o`rni manba (asar) muallifining (muallif ko`p bo`lsa, birinchi muallifning) familiyasi, agar mualliflar ko`satilmagan bo`lsa, asar (to`plam, kitob v. h. ) nomining birinchi so`zi harflari asosida joylashtiriladi. Bibliografik material (manbalar ro`yxati)ni berishning kutubxonachilik va OAK, matbuot va poligrafiya boshqarmalari tomonidan qat`iy belgilangan O`zR Vazirlar Mahkamasi tomonidan tasdiqlangan qonun-qoidalari bor. Har bir tadqiqotchi ularga rioya qilishi lozim. Bular, asosan, quyidagilar: 1. Manbalar ularning muallifi asosida joylashtiriladi. Chunonchi, mualliflari (birinchi muallifi) 1) Asadov Y. M. 4) Abdullayeva R. A. 2) Abdurahmonov G`A. 5) Abusamadov S. U. 3)Abdullayev A. A. 6) Abdullayev A. B.

bo`lgan olti manba ro`yxatda quyidagi tartibda joylashtiriladi: 1) Abdullayev A. A. 4) Abdurahmonov G`. K. 2) Abdullayev A. B. 5) Abdusamadov S. U. 3) Abdullayeva D. A. 6) Asadov Y. M. Manba mualliflari ikki va undan ortiq bo`lsa, ularning barchasi manbada keltirilgan tartibda, bir-biridan vergul bilan ajratib beriladi va oxirida (agar ism bosh harfi nuqtasi bo`lmasa) nuqta qo`yiladi. 1. Tursunov U. , Muxtorov J. , Rahmatullayev Sh. 2. Koshg`ariy Mahmud. 2. Muallif familiyasi (familiyalari) va ismidan keyin bosh harf bilan (qo`shtirnoqsiz) maqola/ma`ruza/asar nomi kitobning muqovasi/mundarijasi asosida emas, balki birinchi titul varag`i (zarvarag`i/maqolaning boshlanishi) asosida to`liq yoziladi: 1. Tursunov U. , Muxtorov J. , Rahmatullayev Sh. Hozirgi o`zbek adabiy tili. Leksikologiya. Fonetika. Morfologiya. 2.Журавлев А. П. , Пaвлик Т. А. Язык и компьютер. Книга для учащихся старших класов средней школы. 3. Nurmonov A. Mahmudxo`ja Behbudiy va o`zbek tilshunosligi masalalari. 4. Shoabdurahmonov Sh. Antroponimik formantlarning tarkibiy-funktsional rivoji haqida. Asar nomi to`liq (manba imlosi va tilida) keltirilgach, nuqta qo`yiladi. Keyin a) manba alohida kitob ( risola) shaklida bosilgan bo`lsa, nuqtalar bilan ajratilib bosilgan o`rni korsatilib ikki nuqta bilan ajrftiladi va nashriyoti, nuqtadan song yili, umumiy sahifalar miqdori ko`rsatiladi: 1.Турсунов У., Мухторов Ж.,Рахматуллаев Ш. Щозирги ызбек адабий тили. Лексикология. Фонетика. Морфология. – T.: Ы=итувчи,1975.B.228.

2. Журавлев А. П., Павлик Н. А. Язык и компьютер. Книга для учащихся старших класов средней школы. – М.: Просве ще ние,1989. – 160 стр.. Manba ilmiy maqola, tezis, axborot bo`lsa, uni o`z ichiga olgan kitob (jurnal, to`plam v. h. )ga ishora qiluvchi J. yoki T. qisqartmasi / belgisidan keyin berilib, uning nomi qo`shtirnoqsiz va nashr joyi, nashriyoti, yili, shu maqola egallagan betlari "B. " belgisi bilan beriladi: 3. Nurmonov A. Mahmudxo`ja Behbudiy va o`zbek tilshunosligi masalalari. O`zbek filologiyasi masalalari. Ilmiy maqolalar to`plami. 3-chiqish – Samarqand.: SamDU. 2001 B.18-21. 4. Shoabduraxmoov Sh. Antroponimik formantlarning tarkibiy-funktsional rivoji haqida. /O’TA – 2003. 4-son.B. 20 –24. Manba sifatida mualliflari zarvaraqda ko`rsatilmagan to`plam, axborotnoma, monografiya v. h. keltirilganda asarning mas`ul muharriri (yoki tahrir hay`ati), qavsda nashr etgan muassasasi ham ko`rsatilishi zarur. 1) O`zbek tili tarixi masalalari. Mas`ul muharrir prof. A. Rustamov. (O’zFA TAI ) – T.:Fan,1977..184 b. Bibliografiya (Foydalanilgan adabiyotlar ro`yxati) ilmiy tadqiqning so`nggi qismi bo`lib, ilmiy tadqiq hajmi ichiga kiradi. Undan keyin ilmiy tadqiqotda, zarur bo`lganda, har xil ilovalar beriladi. Havolalarda keltirilgan adabiyotning manba tili va imlosida berilish zarurligini yana bir karra ta`kidlash foydadan xoli emas, chunki chet tillarida e`lon qilingan ishlarni kirilcha harflar bilan berish, mualiflarining ismi sharifini o`zbekcha o`qilishi asosida ko`rsatish kabi xatolar tez-tez uchrab turadi. Ishda manba imlosini saqlashga mutlaqo imkoniyat bo`lmagan taqdirda (iyeroglifik yoki boshqa bir nodir alifbodagi manba keltirilganda) manba oxirida qavs ichida izoh berilishi shart. Chunonchi: Alqur`onul karim. O`rta Osiyo va Qozog`iston musulmolari diniya nazorati tab`i. Toshkent. 1375. 568 b. (Arab yozuvida) Shu bois ushbu ma`ruza matnida yuqorida o`zbek tilidagi manbalar, masalan, ilmiy havolalarda bu yerda ketirilgan shaklida berilishi mumkin emas. Zarur bo`lganda, izohlanishi shart :

O`zbek tili grammatikasi. 1-tom. Morfologiya. Mas`ul muharrirlar A. Abdura щ monov, Sh. Shoabdura щ monov, A. P. Hojiyev. (O`zFA TAI). – T.:Fan. 1971. 612 b . (O`zbek kiril alifbosida )

O'xshashlar

Ilmiy tadqiq va uning tarkibiy qismlari, jarayoni

Grammatik ma`no. Umumiy grammatik ma`no (UGM), oraliq grammatik ma`no (OGM) va xususuy grammatik ma`no (XGM)

Axborotni kiritish va ishlov berish uskunalari

Tasvirli aslnusxalar va ishlov berish jarayonlari

Milliy g’oya va ma`naviy qadriyatlar