Davlat tilida ish qog‘ozlari yuritish tarjimayi hol tavsifnoma tavsiyanoma - Tilshunoslik - Referatlar

Davlat tilida ish qog‘ozlari yuritish tarjimayi hol tavsifnoma tavsiyanoma

Yuklangan vaqt:

20.09.2019

Ko'chirishlar soni:

0

Hajmi:

26.5341796875 KB

Ko'chirib olish

Davlat tilida ish qog‘ozlari yuritish tarjimayi hol tavsifnoma tavsiyanoma Reja : 1. Tarjimayi hol. 2. Tavsifnoma. 3. Tavsiyanoma.

Qo‘llaniladigan taq’lim texnologiyalari: dialogok yondashuv, muammoli ta’lim, Venn diagrammasi, baliq skeleti chizmasi. O‘quv mashg‘ulotining texnologik xaritasi. Ish bosqichlari va vaqti. Faoliyat mazmuni Ta’lim beruvchi Ta’lim oluvchilar 1 - bosqich. O‘quv mashg‘ulotiga kirish(10 daq . ) 1.1. Mavzuning nomi, maqsad va kutilayotgan natijalarni yetkazadi. Mashg‘ulot yangi innovatsion texnologiyalar asosida amaliy bo‘lishini ma’lum qiladi. Tinglaydilar, yozib oladilar. 2-bosqich. Asosiy (60 daqiqa) 2.1.Talabalar bilimini suhbat shaklida faollashtiradi. Bilimlarni faollashtirish jarayonida o‘quv muammosini yechish bo‘yicha izlanuvchilik faoliyatida faol ishtirok etishlari uchun talabalarning egallagan bilimlari yetarliligini aniqlaydi. 2.2. Faollashtirilgan bilimlar asosida talabalarni mashg‘ulotda o‘rganiladigan mavzuga olib kiradi. Savollarga javob beradilar. Mavzu bo‘yicha o‘z fikrlarini bildiradilar. 3-bosqich. Yakuniy (10 daqiqa) 3.1. Davlat tilida ish qog‘ozlari yuritish ning ahamiyati, o ‘ zbek tili, uning tarixi, unda yaratiligan badiiy, ilmiy, tarixiy meros, f an oldiga qo‘yilgan maqsad va vazifalar, Tarjimayi hol, tavsifnoma, tavsiyanoma, ularning vazifasi, zaruriy qismlari, turlari, bu hujjatlarning namunalari ustida ishlash ning ahamiyatiga e’tiborni qaratadi. 3.2. Mustaqil bajarib kelish uchun topshiriqlar beradi, keyingi darsda o‘tiladigan Tinglaydilar. Topshiriqlarni yozib oladilar.

mavzusi bo ‘ yicha tayyorgarlik ko ‘ rib kelish topshiriladi. O‘quv mashg‘ulotining ta’lim texnologiyasi modeli Vaqt: 2 soat Talabalar soni: 25 ta. O‘quv mashg‘lotining shakli va turi: Amaliy mashg‘ulot. Dars rejasi (o‘quv mashg‘lotining tuzilishi): 1. Davlat tilida ish qog‘ozlari yuritish ning ahamiyati. 2. Tarjimayi hol, tavsifnoma, tavsiyanoma, ularning vazifasi, zaruriy qismlari, turlari . 3. Tarjimayi hol, tavsifnoma, tavsiyanomalarning namunalari ustida ishlash. O‘quv mashg‘uloti maqsadi: Talabalarda d avlat tilida ish qog‘ozlari yuritish ning ahamiyati, t arjimayi hol, tavsifnoma, tavsiyanoma, ularning vazifasi, zaruriy qismlari, turlari haqida tushunchalarni shakllantirish, avvaldan mavjud bo‘lgan bilim va ko‘nikmalarni va shu orqali ona tiliga bo‘lgan qiziqishlarini orttirish, ona tili va uning so‘z boyliklari bilan faxrlanish tuyg‘ularini tarbiyalash, o‘stirish. Tarjimayi hol, tavsifnoma, tavsiyanomalarning namunalari ustida ishlash. pedagogik vazifalar: – d avlat tilida ish qog‘ozlari yuritish ning ahamiyati haqida mahlumot berish ; – t arjimayi hol, tavsifnoma, tavsiyanoma haqida ma’lumot berish; – t arjimayi hol, tavsifnoma, O‘quv faoliyati natijalari: – talabalar d avlat tilida ish qog‘ozlari yuritish ning ahamiyati ni misollar bilan ko‘rsatadilar, izohlaydilar; – t arjimayi hol, tavsifnoma, tavsiyanoma ni tavsiflaydilar; – t arjimayi hol, tavsifnoma,

tavsiyanoma, ularning vazifasi, zaruriy qismlari, turlari ni tushuntirish; –t arjimayi hol, tavsifnoma, tavsiyanomalarning namunalari ustida ishlash. tavsiyanoma, ularning vazifasi, zaruriy qismlari, turlari aytib beradilar; – t arjimayi hol, tavsifnoma, tavsiyanomalarning namunalari ustida ishlaydilar. Ta’lim usullari: Amaliy, aqliy hujum. Ta’lim shakli: Frontal, jamoaviy, guruhlarda ishlash. Ta’lim vositalari: Ma’ruzalar matni, doska, bo‘r, tarqatma materiallar. Ta’lim berish sharoiti: Dekanat tomonidan belgilangan auditoriya. Monitoring va baholash: Og‘zaki so‘rov: tezkor so‘rov. TARJIMAYI HOL Shaxsning butun hayoti va mehnat faoliyati bilan bog‘liq muhim sanalar, ijtimoiy kelib chiqishi, oilaviy ahvoli bayon etiladigan rasmiy hujjat. Tarjimayi holning rasmiy va badiiy turlari mavjud. Rasmiy tarjimayi hol o‘qish yoki ishga kirayotganda har qanday shaxs tomonidan yozilishi mumkin. Badiiy tarjimayi hol esa mashhur so‘z san’atkorlari – shoir va yozuvchilar, olmlar tomonidan yozilishi mumkin. Bunday tarjimayi hollar sirasiga Zahiriddin Muhammad Boburning “Boburnoma”, Sadriddin Ayniyning “Esdaliklar”, Muso Toshmuhammad o‘g‘li Oybekning “Bolalik”, Abdulla Qahhorning “O‘tmishdan ertaklar”, Nazir Safarovning “Ko‘rgan-kechirganlarim” kabi biografik-memuar asarlarini misol qilib keltirish mumkin. Shuningdek, umumta’lim maktablarning o‘quv qo‘llanmalari, darsliklari, majmualari uchun taniqli shoirlar, yozuvchilar tomonidan taqdim etilgan tarjimayi hollarni ham bu hujjatning badiiy turiga kiritish mumkin. Tarjimayi holning qat’iy bir andozasi belgilanmagan. Tarjimayi hol talabga ko‘ra to‘liq yoki qisqacha tarzda yozilishi mumkin. Shunga qaramasdan tarjimayi holda qayd etilishi lozim bo‘lgan shunday ma’lumotlar borki, o‘z tarjimayi holini yozayotgan har bir kishi ulardan xabardor bo‘lishi kerak. Quyidagilarni tarjimayi holning zaruriy qismlariga kiritish mumkin: · Hujjat nomi – tarjimayi hol.

· Shaxs hayoti va ish faoliyatini qamrab oluvchi matn: – shaxsning familiyasi, ismi, otasining ismi; – uning tug‘ilgan yili, kuni, oyi va manzili; – ijtimoiy kelib chiqishi, milliati; – ota-onasi, aka-ukasi, opa-singlisi (ularning familiyasi, ismi, tug‘ilgan yili, ma’lumoti, ish joyi, lavozimi); – o‘zining ma’lumoti (o‘qigan maktabi, o‘quv yurti, tahsil olgan yillari, mutaxassisligi); – ish faoliyatining turlari, oxirgi ish joyi, lavozimi; – rag‘batlantirilganligi va olgan mukofotlari haqida ma’lumot; – ish, o‘qish yoki yashash joyidagi jamoatchilik ishlari; – oilaviy ahvoli (xotini yoki eri, bolalari, familiyasi, ismi, tug‘ilgan yili, mashg‘uloti); – yashash joyi (viloyat, shahar, tuman, ko‘cha, hovli yoki xonadoni, telefoni). – Yozilgan sana, muallifning imzosi va familiyasi. Tarjimayi hol ko‘pincha oddiy qog‘ozga qo‘lda yoziladi. Ba’zan o‘qishga yoki ishga kirayotganda maxsus ish qog‘oziga to‘ldiriladi. Matn birinchi shaxs nomidan bayon etiladi. Unda yil, oy, kunlarga doir ma’lumotlar qat’iy davriylik asosida yoritiladi. Tarjimayi holda keltirilgan ma’lumotlar aniq, bayon etilayotgan fikrlar esa barchaga tushunarli va ravon uslubda bo‘lishi lozim. NAMUNA TARJIMAYI HOL Men, Ortiqov San’at Qudratovich, 1960-yil 20-fevralda O‘zbekiston Respublikasining Samarqand viloyati Jomboy tumanidagi Jo‘yimulk qishlogida ziyoli oilasida tug‘ilganman.

Otam – Ulug‘ov Qudrat, 1936-yil Samarqand viloyati Kattaqo‘rg‘on tumanida tug‘ilgan, Samarqand davlat chet tillar instituti professori. Onam – Ulug‘ova Shohsanam Muhammadaliyevna, 1938-yil Narpay tumanining Mirbozor qishlog‘da tug‘ilgan, uy bekasi. Oilamizda ikki akam, bir opam, bir singlim va bir ukam bor. Ularning barchasi oilali. Men 1968-yidan 1975-yilgacha Samarqand shahridagi 9-o‘rta umumta’lim maktabida, 1975-yidan 1978–yilgacha Jizzax shahridagi 5-o‘rta umumta’lim maktabida o‘qidim. 1978–yilda Samarqand davlat universitetining huquqshunoslik fakultetiga o‘qishga kirib, uni 1983–yili imtiyozli diplom bilan tamomladim. 1983-1984-yillarda Jizzax viloyat ijroiya qo‘mitasining adliya boshqarmasida devonxona mudiri, 1984-1987-yillarda Jizzax shahar sudining sud ijrochisi, stajor– sudyasi, sudyasi, 1987-1990-yillarda G‘allaorol tuman ichki ishlar bo‘limi operativ xodimi, 1990-1991-yillarda Samarqand viloyat agrasanoat kapital qurilishi birlashmasida bosh huquqshunos–maslahatchi, 1991-1992-yillarda Jizzax viloyat hokimligi adliya boshqarmasining katta maslahatchisi, 1992-1999-yillarda Samarqand viloyat hokimligi adliya boshqarmasining katta va bosh maslahatchisi, 1999-2001-yillarda Samarqand viloyat Tayloq tuman sudining sudyasi, 2001- yildan hozirgacha Samarqand viloyat Bulung‘ur tuman jinoiy ishlar bo‘yicha sudi raisi lavozimida ishlab kelyapman. O‘z soham va Bulung‘r tumani miqyosidagi jamoat ishlarida qatnashib boraman. Partiya a’zosi emasman. Oilaliman. Uchta farzandim bor. Xotinim – Shomurodova Shoira, 1961-yilda Samarqand viloyati Past Darg‘om tumanida tug‘ilgan, oily ma’lumotli, Samarqand shahridagi 9-o‘rta umumta’lim maktabida tarix fanidan dars beradi. O‘g‘lim – Qudratov Abdusaidbek, 1983-yil tugilgan, Toshkent davlat axborot texnologiyalari universitetining Samarqand filiali talabasi. Qizim – Qudratova Durdona, 1987-yilda tug‘ilgan, Samarqand davlat universiteti iqtisodiyot fakulteti talabasi.

Qizim – Qudratova Mastona, 1990-yilda tugilgan, Samarqand shahridagi 37- o‘rta umumta’lim maktabining 9-sinf o‘quvchisi. Mening hozirgi turar joym: Samarqand shahri, Firdavsiy ko‘casi, 129-uy. Telefon: 25656562. 2007.10.01. imzo ORTIQOV S.Q. TAVSIFNOMA Tavsifnoma muayyan shaxsning o‘qish, mehnat jarayonidagi, yashash joyidagi ijtimoiyjamoatchilik faoliyati, erishgan muvafaqqiyatlari, o‘ziga xos xislatlari, fazilatlarini aks ettiruvchi rasmiy hujjatdir. Bu hujjat korxona, tashkilot, muassasa, o‘quv yurti rahbariyati tomonidan o‘z xodimi, talabasi, o‘quvchisi o‘qishga yoki ishga kirayotganda, chet elga o‘qishga, ishga, tajriba almashishga yoki sayohatga ketayotganda, yangi lavozim, ish yoki mansabga tayinlanayotganda, erishgan muvaffaqiyatlari uchun rag‘batlantirilayotganda berilishi mumkin. Hujjatda tavsiflanayotgan shaxsning o‘qish, ish, jamoatchilik faoliyati, ishchanligi, ijodkorligi, axloqiy, ma’naviyma’rifiy, siyosiy saviyasi, oilaviy ahvoli o‘z ifodasini topadi. Tavsifnoma uchinchi shaxs nomidan bayon etiladi. Bu hujjatning “Tavsifnoma”, “Ishlab chiqarish tavsifnomasi”, “Xizmat tavsifnomasi” kabi turlari ish qog‘ozlari yuritishda qo‘llaniladi. Barcha turdagi tavsifnomalar uchun umumiy bo‘lgan zaruriy qismlarga quyidagilarni kiritish mumkin: · Tavsifnoma berilayotgan shaxs haqidagi asosiy ma’lumotlar: – tavsiflanayotgan shaxsning o‘qish yoki ish joyi nomi; – lavozimi; – tug‘ilgan yili; – millati; – ma’lumoti; – familiyasi, ismi, otasining ismi. · Hujjat nomi – tavsifnoma.

· Matn (o‘quvchi, talaba yoki xodimning o‘qish, ish faoliyati, muhim sanalari, alohida yutuqlari, ishchanligi, ijodkorligi, tashabbuskorligi, jonkuyarligi, g‘amxo‘rligi, jamoatchiligi, ma’naviy-ma’rifiy, siyosiy saviyasi, axloqiy fazilatlari, rag‘batlantirilganliklari, oilaviy ahvoli va boshqalar). · Tavsifnoma yuborilayotgan joy nomi. · Tasdiqlovchi rahbarlarning lavozimlari, imzolari, familiyalari. · Tavsifnoma yozilgan sana va muhr. Tavsifnoma matnini unda bayon etilgan fikr-mulohazalardan kelib chiqib, shartli ravishda uch qismga bo‘lish mumkin. Dastlabki qismda shaxsning hayoti yoki ish faoliyati haqida ma’lumotlar keltirilsa, keyingi qismda uning shaxsiy tavsifi, lavozimiga munosabati, mahorati, ma’naviy-ma’rifiy, siyosiy saviyasi, ijodkorligi, jamoatchiligi, tashkilotchilik qobiliyati, xulq-atvori, oilaviy ahvoli, taqdirlanishlari haqidagi ma’lumotlar aks ettiriladi. So‘nggi qismda esa bayon etilganlardan xulosa qilinib, tavsifnomaning berilishidan ko‘zda tutilgan maqsad yoritiladi. NAMUNA Alisher Navoiy nomidagi Samarqand davlat universiteti devonxonasi ish yurituvchisi, 1980-yilda tug‘ilgan,“Kamolot” YIH a’zosi, o‘zbek, oliy ma’lumotli Oxunova Zulfiya Boboxonovnaga TAVSIFNOMA Oxunova Zulfiya Boboxonovnaga Samarqand shahrida xizmatchi oilasida tug‘ilgan. U 1990-yildan 1999-yilgacha Samarqand shahridagi 48-o‘rta umumta’lim maktabida o‘qidi. 1999-yildan 2001-yilgacha 48-o‘rta umumta’lim maktabida tahsil olib, maktabni “yaxsi” va “a’lo” baholar bilan tugatdi. Oxunova Z.B. 2001-2002-yillarda Samarqand shahridagi futbol maktab- internatida tikuvchi, shahar “Kamolot” YIH tashkilotida yetakchi-mutaxassis lavozimlarida ishlagan. Ish jarayonida OITS va giyohvandlikka qarshi kurash

bo‘yicha kurslarda o‘qidi hamda Samarqand shahri va viloyatidagi bir qancha maktablarda asrning dolzarb muammosiga bag‘ishlangan targ‘ibot–tashviqot ishlarida faol ishtirok etdi. Oxunova Zulfiya Boboxonovna 2002-yil SamDUning rus filologiyasi fakultetiga o‘qishga kirib, uni imtiyizli diplom bilan tugalladi va 2006-yil yanvar oyidan boshlab universitet devonxonasida ish yurituvchi lavozimida faoliyat ko‘rsatib kelmoqda. U ishchan, o‘z vazifasini sidqidildan bajaradi, yangi xodimlar bilan tez til topishadi, har qanday ko‘ngilsiz holatda ham o‘zini tuta oladi va yo‘qatib qo‘ymaydi, mulohazali, xushchaqchaq, xushmuomala, muloyim fe’l-atvorli, o‘zidan kattalarga hurmat bilan, kichiklarga mehribonlik va g‘amxo‘rlik bilan munosabatda bo‘ladi. Jamoat ishlarida ishtirok etishni yaxshi ko‘radi. Sportning yengil atletika turi bilan muntazam shug‘ullanadi. Samarqand shahar va viloyat miqyosida o‘tkaziladigan musobaqalarda ishtirok etib keladi. Bir necha bor sovrinli o‘rinlarni ham egallagan. Oxunova Zulfiya Boboxonovna o‘zbek, rus, ingliz, tojik tillarida erkin muomala qila oladi. U universitet professor-o‘qituvchilari, xizmatchi-texnik xodimlari orasida olib borilayotgan ma’naviy–ma’rifiy, siyosiy-tarbiyaviy tadbirlarda ham faol ishtirok etib keladi. O‘z dunyoqarashi, ma’naviy–siyosiy saviyasini oshirish uchun kundalik matbuot, INTERNET ma’lumotlaridan doim xabardor bo‘lib boradi, badiiy kitolar va filologiyaga doir ilmiy asarlarni muntazam o‘qib boradi. Tavsifnoma talab qilingan joyga taqdim etish uchun berildi. SamDU rektori: prof. SHIRINOV T.Sh. “Kamolot” YIH tashkiloti raisi: ABDUAZIZOZ T.R. Devonxona mudiri : PARDAYEVA H.N. 2007.12.01. TAVSIYANOMA

Tavsiyanoma ham ma’lum bir jihatlari bilan tavsifnomaga o‘xshab ketadi. Tavsiyanoma biror shaxsni muayyan lavozimga, yangi o‘rin, vazifaga yoki ijtimoiy–siyosiy, ijodiy jamoatchilik tashkilotlariga a’zolikka tavsiya etish uchun beriladigan rasmiy hujjatdir. Tavsiyanomalar odatda muassasa, tashkilot, korxona, o‘quv yurti ma’muriyati, ijodiy uyushmalar yoki alohida bir shaxs tomonidan ham berilishi mumkin. Tavsiyanoma ham qat’iy bir andozaga ega emas. U ham talab va ehtiyojga qarab yoziladi. Tavsiyanomada shaxsning butun hayoti, o‘qish, ish yoki jamoatchilik faoliyati qamrab olinmaydi. Balki bu hujjatni berayotgan rahbar yoki boshqa kishi uchun ma’lum bo‘lgan davr bayon etiladi, xolos. Tavsiyanomada ham shaxsning o‘z sohasida erishgan yutuqlari, malakasi, ishchanligi, ijodkorligi, tashabbuskorligi, axloqiy, ma’naviy-ma’rifiy, siyosiy saviyasi, ijtimoiy foaliyati, oilaviy ahvoliga qisman baho beriladi. Tavsiya etilayotgan nomzodning yangi lavozim, o‘rin, vazifaga munosibligi yoki ijtimoiy– siyosiy tashkilot, ijodiy uyushma, jamoatchilik ishiga qanchalik loyiqligi ta’kidlanadi. Tavsiyanoma shaxsning taklif etilayotgan lavozim, vazifa, ish yoki a’zolikni bajara olishligiga ishonch bildirish va uning nomzodini tavsiya etish bilan yakunlanadi. Tavsiyanomaning zaruriy qismlari: Hujjat nomi – tavsiyanoma. Tavsiyanoma berilayotgan shaxs haqida matn (shu shaxsni qachondan bilishi, ish joyi, lavozimi uning o‘z ishini qay darajada bajarishi, erishgan yutuqlari, ishchanligi, atrofdagilarga munosabati, jamoatchiligi, ma’naviy– ma’rifiy, siyosiy saviyasi, axloqiy sifatlari, obro‘-e’tibori, oilaviy ahvoli, yangi lavozim, vazifa, o‘rin, ish yoki a’zolikka qay darajada mos ekanligi va unga bildirilgan ishonch hamda tavsiya). Tavsiyanoma beruvchilarning ish joyi lavozimi, imzolari, familiyalari, berilgan sana va muhr. NAMUNA Alisher Navoiy nomidagi Samarqand davlat universiteti filologiya fakulteti o‘zbek

filologiyasi bo‘limi bitiruvchisi Sohibova Gulchehra Do‘stmurodovnaga TAVSIYANOMA Sohibova Gulchehra filologiya fakultetiga o‘qishga kirgan paytdan (2003-yil) boshlab tirishqoq, qiziquvchan, intiluvchan, jamoatchi talaba sifatida tanildi. Men G.Sohibovani fakultet talabalar kasaba uyushmasi byurosi hamda “Kamolot” YIH universitet tashkiloti faollaridan biri sifatida 2004-yildan beri bilaman. U fakultet “Kamolot” YIH tashkiloti, murabbiylar kengashi, guruh rahbari, fakultet xotin- qizlar kengashi, fakultet ma’muriyati, o‘zi tanlanma fanlar tinglaydigan amaliy tilshunoslik, o‘zbek tili va adabiyoti o‘qitish metodikasi kafedrasi professor- o‘qituvchilari, ilmiy rahbari tomonidan beriladigan topshiriqlarni o‘z vaqtida bajarib keladi. U har yili universitet talabalarining an’anaviy anjumanida iqtidorli talabalar qatorida o‘zbek tilshunosligining dolzarb mavzulari bo‘yicha ma’ruzalar qilib kelmoqda. Shuningdek, xabar va lavhalari bilan shahar, viloyat va respublika vaqtli matbuoti sahifalarida ham qatnashib turadi. Hozir u professor I.K.Mirzayev rahbarligida “Alisher Navoiy ijodining o‘rta umumta’lim maktablarida o‘rganilishi” mavzusida malakaviy-bitiruv ishi yozmoqda. O‘tgan shu qisqa davr ichida u o‘zining ilmiy kuzatishlar olib borishga layoqatli ekanligini ko‘rsatdi. Men yuqorida bayon etilganlardan kelib chiqib, bitiruvchi G.Sohibovaning o‘z ixtisosligi bo‘yicha o‘qishini muvaffaqiyatli davom ettira olishiga ishinch bildiraman hamda uning nomzodini magistraturada o‘qishga tavsiya etaman. Fakultet “Kamolot” YIH tashkiloti yetakchisi: MARDONOV B.M. 2007.16.05.

O'xshashlar

O`zbеk tilida ish yuritish

O`zbеk tilida ish yuritish qоidalar bilan tanishish

Hujjatchilik va uning tarixi haqida davlat tili va yangi alifboda ish yuritish masalalari hujjatlar tili.

Rasmiy ish yuritish uslubi

Hol