Юқори молекулали бирикмалар (ЮМБ) таърифи, таснифи, эритмаларнинг ўзига хос томонлари - Tibbiyot - Referatlar

Юқори молекулали бирикмалар (ЮМБ) таърифи, таснифи, эритмаларнинг ўзига хос томонлари

Yuklangan vaqt:

20.09.2019

Ko'chirishlar soni:

0

Hajmi:

59 KB

Ko'chirib olish

Юқори молекулали бирикмалар (ЮМБ) таърифи, таснифи, эритмаларнинг ўзига хос томонлари Режа 1. Ю қ ори молекуляр бирикмалар таърифи. 2. Ю қ ори молекуляр бирикмаларнинг таснифи. 3. Ю қ ори молекуляр бирикмалар эритмаларини тайёрлашнинг ў зига хос томонлари. 4. Чекли б ў кувчи ЮМБ эритмаларини тайёрлаш. 5. Чексиз б ў кувчи ЮМБ эритмаларини тайёрлаш. 6. Экстрактлар эритмаларини тайёрлаш.

ЮМБ деб, молекуляр оғирлиги бир неча мингдан миллионгача ва ундан ҳам ортиқ бўлган табиий ва синтетик моддаларга айтилади. ЮМБ таркиби қутбли ҳамда қутбсиз гуруҳлардан иборат. Улар кўпроқ қутбли гуруҳларга эга бўлгани учун бошқа эритувчиларга нисбатан сувда яхши эрийди. Юмб эритмалари ўзига хос хусусиятларга эга, юқори ёпишқоклик, нур тарқатиш қобилияти натижасида эритмани лойқаланишга олиб келиши мумкин, ярим ўтказувчи мембранадан ўтиш қобилияти йўқ. Шу юқорида келтирилган хусусиятлар макромолекуляр тизмасининг қайишқоқлиги ва катта молекуляр массасига боғлиқ. ЮМБ эритмаларидаги заррачаларни ҳатто ультра микроскопда ҳам кўриб бўлмайди, катта -кичиклиги 1-100 нм, шу эритмаларни хусусияти коллоид эритмаларникига ўхшаш. Улар эришидан олдин албатта бўкади ва ёпишқоқлиги юқори бўлди. Демак, эритувчи билан ўзаро таъсирини 3 босқичга бўлиш мумкин: 1. Ҳўлланиш, 2. Бўкиш, 3. Пептизатия – ўз- ўзидан эриш. Бўкиш ҳодисаси ҳамма ЮМБ га хос бўлиб, у қуйидагича: Эритувчининг молекулалари ЮМБ ичига сингиб, макромолекулалар орасидаги бўшлиқларни тўлдиради. Шунингдек, уларни юмшатади ва жуда кўп миқдорда эритувчини ўзига шимиб оладилар ва ЮМБ хажмининг катталашиши юз беради. Молекулаларнинг боғланиш иплари узилиб, улар ҳаракатга келиши натижасида тўлиқ моддани эритувчига ўтиши намоён бўлади. Шундай қилиб бўкиш босқичи эриш босқичига айланади. I. Юқори молекуляр бирикмалар тузилишига қараб қуйидагича таснифланади: Табиий ЮМБ, Синтетик ЮМБ, Ярим синтетик ЮМБ. Табиий ЮМБ ларга оқсил, желатин, коллаген; ферментларга: пепсин, трипсин, химотрипсин, панкиратин; Пектинларга: камедлар, полисахаридлар, ўсимлик шилимшиқлари, қуюқ ва қуруқ экстрактлар

Ярим синтетикларга : метилцеллюлоза, натрий карбоксил метилцеллюлоза, ацетил фтолил целлюлоза. Синтетик ЮМБ ларга: поливинил спирт, поливинил ацетат, поливинил пролидон, полисилоксан, полиэтилен оксид. II . ЮМБ ларнинг бўкиш ва эрувчанлигига қарабчекли ва чесиз бўккувчи эритмаларга бўлинади. Чекли бўкувчиларга: желатин. Крахмал, целлюлоза хосилалари киради. Чексиз бўкувчиларга: пепсин, экстрактлар, ферментлар киради. III. Қўлланилишига қараб қуйидагиларга бўлинади: Доривор ҳамда ёрдамчи моддаларга бўлинади. Доривор модда сифатида пепсин, трипсин, панкреатин ва бқ. Ёрдамчи модда сифатида эмульсия, осилма, суртма дорилар, кўзга томизиладиган ва бқ. тур дорилар тайёрлашда ёрдамчи модда сифатида қўлланилади. Чекланган бўкувчи ЮМБ лардан эритма тайёрланганда, улар эришидан олдин эритувчини шимиб олиб албатта бўкади ва неча вақт туришига қарамай гель хосил қилади. Чексиз бўкувчи ЮМБ ни эритилиши. Медицинада қўлланиладиган чексиз бўкувчи ЮМБ га пепсин, трипсин, елимлар, экстрактлар, ўсимлик шиллиқлари ва бқ. ларни киритиш мумкин. Пепсин эритмаларини тайёрлаш.

Пепсин оқсил маҳсулоти бўлиб, таркибида протеолитик фермент сақлайди. Молекуляр хажми 35000. Бу фермент юқори даражада гидрофил модда, сувда яхши эрийди, кучли кислоталар таъсирида ўз кучини йўқотади (рН 1.8–2.0 да актив ҳисобланади). Пепсин эритмасини тайёрлашда, аввал сув олиниб, устига хлорид кислота 8.3% қўшиб, тўлиқ эригунча чайқатилади, сўнг пепсин қўшилади. Фильтр қоғозидан пепсин ўтказилмайди, чунки у адсорбцияга учрайди, тайёрланган эритма пахта орқали сузилади ёки шиша фильтр орқали ўтказилади. Rp: Pepsini 2.0 Acidi hydrochlorici 4.0 Aquae destillatae 200 ml MDS : кунига 1 ош қошиқдан 3 марта Экстракциялардан эритма тайёрлаш. Эритмалар таркибига қуруқ экстрактлар кирса, уларни сувнинг бир қисмида ховончада эзиб эритилади. Таркибида қуюқ экстрактлар бўлган эритмалар қуйидагича тайёрланади: Рецептда кўрсатилган қуюқ экстрактни фильтр қоғозида олиб, уни хавонча дастасининг бош қисмига ёпиштирилади ва орқа томонига бир неча томчи сув ёки 70 % спирт томизилиб, фильтр қоғоз ажратиб олинади. Дастадаги экстракти хавончада эритувчи билан қолган сувни оз–оздан аралаштириб қуйилади. Эритмалар таркибига экстрактлар кам миқдорда кирган бўлса, уларни эритилган экстракт 1:2 ҳолида қулланилади. Rp: Natrii benzoates Natrii hydrocarbonatis ana – 2.0

Extracti Glycyrhizae – 4.0 Aquae purificate – ad 150 ml MDS: кунига 1 ош қошиқдан 3 марта Чекли бўкувчи ЮМБ эритмалари. Бу гуруҳга кенг қўлланадиган желатин, крахмал, коллаген, натрий альгинат, янги синтетик полимер моддалар: ПВС, ПВП, ПАА, МЦ, Na–КМЦ ва бқ.ларни киритиш мумкин. Желатиндан эритмалар тайёрлаш. Rp: Sol.Jelatinae 5% –200 ml S: 1 ош қошиқдан ҳар 1–2 соатда ичилсин. Желатин оқсил модда бўлиб, чекли бўкувчи ЮМБ дир. Шунинг учун эритма ҳосил бўлишидан олдин желатин бўкади, қуюқлашиб, қотиш холига ўтади. Желатин батамом эриши учун сув ҳаммомида қиздирилади. Бунинг натижасида макромолекулаларни чекланган ҳаракати активлашиб, ўзаро боғланиш кучлари сусаяди. Желатин эритмасини юқоридаги рецепт бўйича тайёрлаш учун чинни идишга майдалаб қирқилган желатинни солиб, 4–5 баробар ортиқ сув қуйиб, 1–2 соат бўктириб қуйилади. Сўнг қолган сувни қушиб, сув ҳаммомида 40 0 –50 0 С да желатин батамом эригунча иситилади. Эритмани зарурат бўлса, икки қават докадан ўтказилади. Дори турлари тайёрланганида желатин оғир метал тузлари билан бир–бирига аралашиб бўлмайдиган дорилар аралашмаларини ҳосил қилади. Шуни эсда тутиш лозим. Желатин эритмасини кўп қон кетиш (ошқозон ичак) касалликларига юқори концентрацияларда ишлатилади.

Крахмалдан эритма тайёрлаш. Rp: Mucilaginis Amyli 100.0 Natrii bromidi 2.0 MDS. Клизма учун Одатда 2%ли эритма (1:50) тайёрланади. Бунинг учун 2г крахмални 8 мл сокуқ сув билан аралаштириб, ҳосил бўлган қотишмани 80 мл қайноқ сув устига қуйиб, қайнагунча қиздирилади. Сунгра, 10 мл сувда натрий бромид 2.0г эритилиб, совуган эритмага қўшилиб, аралаштирилади. Тайёрланган эритма дока орқали сузилади. Коллаген эритмасини тайёрлаш. Коллаген ҳайвонларнинг суяк ва тоғайида учрайдиган оқсил модда бўлиб, унинг тузилиши уч спирал макромолекуладан иборат. У биополимер асосан шикастланган тўқималарни тузалиб кетишида катта аҳамиятга эга. Шу туфайли коллаген жароҳатларни тузатиш қобилиятига эга бўлиб, яна у доривор моддаларнинг танада секин аста сурилишига таъсир этади. Бу таъсирни узайтириш ҳусусиятига эга. Суртма дори ва шамчалар тайёрлашда коллаген сувли эритма холатида ишлатилиши лозим. Rp: Sol. Collageni 2%–100ml DS. Боғлаб қўйиш учун Коллаген эритмасини тайёрлаш учун чинни идишга ½ қисм сув солиб устига юпқа қилиб коллаген порошоги сепилади ва идишни чайқатмасдан 20–30 мин. қўйиб қўйилади. Коллаген олдин бўкиб, кейин эриб кетади. Сўнгра қолган сувни

оз–оздан қўшиб, электр аралаштиргич билан аралаштирилади. Тайёр қотишмани яна 1 суткага қолдирилади. Натрий алгенат эритмасини тайёрлаш. Rp: Sol.Natrii alginate 3%–100ml DS.боғлаб қўйиш учун Натрий алгенат олиниб, устига 60–70 0 С гача қиздирилган сув солинади ва бўктириш учун 30 мин. қўйиб қўйилади. Сўнгра эритма ҳосил бўлгунча шиддат билан аралаштирилади. Сунъий ЮМБ. Сўнгги йилларда амалий фармайияда янги ёрдамчи моддалар сифатида ( эмульгатор турғунликни оширувчи, таъсирни узайтирувчи, солюбилизатор, пролонгаторлар) ишлатилади. Сунъий ЮМБ: МЦ, Na–КМЦ, ПВС, ПВП, ПАА ва бқ. Метилцеллюлоза (МЦ). Целлюлоза хосилалари МЦ оддий группасига қараб, оқ ёки сариқ рангли модда. Уй харорати ва сувда яхши эриб, тиниқ, ёпишқоқ эритма хосил қилади. Агар 50 0 С дан юқорида қиздирилса, эритма коагуляцияга учрайди, лекин гел совуганидан кейин яна эритма холатга ўтади ( тиксотропия хусусияти). МЦ юмшоқ дори турларида стабилизатор, кўзга томизиладиган осилмалар ҳамда стабилизатор ва прологатор сифатида аҳамиятлидир. Улар 0.5 –1% ли эритма холида ишлатилади. МЦ эриш хусусиятини кучайтириш учун аввал унга 80 –90 0 С қайноқ сув билан ишлов бериш мумкин, сўнгра 40 –60 мин. қўйиб қўйилади. Қайноқ сувнинг миқдори эритманинг хажмига кўра 0.5 қисм бўлиши керак. Rp: Sol. Methylcellulozae 2% –100 ml DS. боғлаб қўйиш учун

Тайёрланган МЦ эритмасига совуқ сув қўшиб аралаштирилади ва албатта музнинг устига ёки холодильникка қўйилади. МЦ эритмаси вакуум остида шиша фильтр орқали ўтказилади. МЦ эритмалари резорцин, танин, аммиак эритмаси, йод, оҳак суви ва бқ. билан бир –бирига зид дорилар аралашмасини ҳосил қилади. Na–карбоксиметилцеллюлоза (Na–КМЦ ) . Na–КМЦ целлюлоза кислотасининг натийли тузи. Совуқ ва иссиқ сувларда бўкиб гель ҳосил қилади. Rp: Natrii carboxymethylcellulozae 2% –100 ml DS. боғлаб қўйиш учун Na–КМЦ эритмасини тайёрлашда, у эритманинг умумий хажмидан ярмича сув билан аралаштирилади ва 30 –40 мин. бўктириб қўйилади. Сўнгра қолган сувни қўшиб аралаштирилади. Na–КМЦ амалий фармайияда юмшоқ дориворлардан эмульгатор, таблеткаларда боғловчи моддалар сифатида ишлатилиши мумкин, кўзга томизиладиган дориларда эса 1.5% гача қўшилиб таъсир кучини узайтириш мақсадида ишлатилади. Поливинил спирти (ПВС ). ПВС поливинил ацетатнинг гидролизланишидан ҳосил булган маҳсулот у порошок бўлиб, оқ ёки сарғиш рангга эга , сувда қиздириш натижасида яхши эрийди, сувли эритмаси ёпишқоқ бўлади. Дори технологиясида у эмульгатор, стабилизатор, қуюлтирувчи, таъсирини узайтирувчи сифатида ишлатилиши мумкин. ДФ XI да 10% ли эритма таъсирини узайтирувчи деб кўрсатилган. Rp:Sol.Spiritus polyvinylici 10% –100 ml DS. боғлаб қўйиш учун

ПВС эритмасини керакли сув 80 –85 С гача иситилиб, сўнгра аралаштирилади. Тайёрланган эритма совутилади. Поливинилпирролидон (ПВП). ПВП – винилпирролидон полимери. У паст, ўрта ва юқори молекулали бўлиши мумкин. Молекуляр оғирлиги 126000 –27000, ранги оқ ёки сарғиш порошок, ўзига ҳос ҳидли, сувда эрийди. Қон ўрнини босувчи препарат “Гемодез” таркибига киради. Ўрта молекулали ПВП молекуляр оғирлиги 3000 –4000 га тенг, ҳидсиз , оқ ёки сарғиш порошок. Пилюля ва таблеткалар тайёрланишида бо0ловчи сифатида ишлатилади. ПВП пролонгатор таъсирини резорпин, салицил кислота, сульфотиазол, аминофеназин ва бқ. билан кузатиш мумкин. Rp:Sol.Polyvinylpirrolidoni 10% –100 ml DS. боғлаб қўйиш учун ПВП эритмаси уй хароратида тайёрланади, унга ҳисобланган сув билан қўшиб то эритма ҳосил бўлгунча аралаштирилади. Полиакриламид (ПАА) . Кўзга томизиладиган дориларда таъсирини узайтирувчи сифатида ПАА нинг 1 –2% ли эритмаси ишлатилиши мумкин. Rp:Sol. Polyacrylamidi 3% –100 ml DS. боғлаб қўйиш учун Кўз касаллигини даволаш учун ПАА нинг 10% ли эритмаси қўлланади. ПАА эритмасини тайёрлашда ПАА ни сувга солиб 60 –70 С даражада қиздирилади ва 60 мин. қолдирилади. Сўнгра аралаштирилиб эритма совитилади.

ЮМБ ЭРИТМАЛАРИНИНГ СИФАТИНИ ТЕКШИРИШ. Тайёрланган эритмалар сифатини текширишда аввал ҳужжатлардан бошлаш керак. Ҳужжатларга: рецепт, паспорт, қадоқлаш, расмийлаштириш ва огоғлантирувчи “Совуқ жойда сақлансин”, “Ишлатишдан олдин иситилсин!” ёрлиқларини киритиш мумкин.

O'xshashlar

Суюқ дори турларини таърифи, таснифи. Эритмаларни умумий технологияси. Эритмаларни ызига хос тайёрланиши

Янги туғилган чақалоқлар учун мўлжалланган дори турлари. Педиатрия амалиетида юмшоқ дори турлари

Инфузион эритмаларни технологиясини такомиллаштириш йўналишлари

Педиатрик дори турларини технологиясини такомиллаштириш

Инфузион эритмаларга қўйилган замонавий талаблар