logo
  1. Bosh sahifa
  2. Referatlar
  3. Tibbiyot
  4. Трихинеллез

Трихинеллез

Yuklangan vaqt:

16.02.2024

Ko'chirishlar soni:

0

Hajmi:

40 KB
Ko'chirib olish
Трихинеллез Режа: 1. Этиологияси. 2. Эпидемиологияси . 3. Патогенези. 4. Профилактикаси . Трихинеллёз перорал биогельминтоз ва зооноздир Этиологияси. Қўзғатувчиси- Trixinella spiralis - ки чик нематодаларга мансуб паразит (урғочиси 3мм, эркаги -2мм). Паразитнинг кўпайиши организмда юз беради ва ривожланиш босқичларининг ҳеч бири ташқарига чиқмайди. Трихинелла балоғатга етган пайтда ингичка ичак ва йўғон ичакнинг бошланғич қисмида паразитлик қилади. Эпидемиологияси . Бу касаллик одамга уй ҳайвонлари ёки ёввойи чўчқа, айиқ, бўрсиқ ва бошқа йиртқич ҳайвонлар гўштини истеъмол қилиш натижасида юқади. Бу ҳайвонларнинг гўштида трихинеллаларнинг личинкалари бўлиши мумкин. Трихинеллёз кўплаб мамлакатлакатларда кенг тарқалган (АҚШ, ГФР, Полша, Болтиқ бўйи давлатлари, Украина ва бошқа давлатлар). Патогенези. Патогенези асосида трихинелла ҳаёт фаолиятининг натижасида ажратадиган моддаларга нисбаттан организм сенсибилизацияси ётади. Салмоқли даражада юқиши биринчи кунлардан ичак деворида катарал- гемморагик яллиғланиш чақиради. Личинка 4 кун ичида ичакнинг шиллиқ пардасига кириб улгуради. Кейинчалик бу паразит ўз навбатида личинка чиқара бошлайди. Бу ёш личинкалар лимфа тизимига, ундан қонга тушади. Қон орқали ҳар турли тўқималарга, асосан мушакларга ўрнашиб олади. Личинкалар мушаклар орасида буралиб, худди спирал шаклини олади ва парда билан ўралади. Личинкалар мушаклар орасида 40 йилгача сақланиши мумкин. Ўзгаришлар фақат мушакларда эмас, балки қаерда личинка паразитлик қилса, ўпками, жигарми ёки миокардми шу органлар ҳам зарарланади. Битта организмда трихинеллалар яна янгидан кўпаймайдилар. Трихинелладаги модда алмашинув жараёни натижасида пайдо бўладиган ва улар парчаланганда чиқадиган моддалар бемор организмини сенсибилизация қилади. Клиникаси . Касаллик кўпинча аста-секин бошланади. 2-3 кун давомида беморни бош оғриғи безовта қилади, бутун бадани қақшаб оғрийди, кўнгил айнийди, иштаҳаси бўғилади, кўз қовоқлари ва юзи шишади, қимирлатганда кўз соққалари, мушаклари оғрийди. Касалликнинг 3-4 кунидан бошлаб ҳарорат 38,5- 39оC даражага кўтарилади. Ҳарорат 10 кундан 40 кунгача давом этади. Қонда лейкоцитоз ва эозинофиллия кузатилади. Беморнинг аҳволи оғир бўлади боши оғрийди, уйқуси бузилади, қорни оғрийди, кўнгли айнийди, баданида тошма пайдо бўлади. Касаллик 1-2 ҳафтадан 5-6 ҳафтагача давом этади. Трихинеллёз оғир ўтган ҳолларда миокардит, менингоэнцефалит, гепатит, нефрит, тромбофлебит ривожлниши мумкин. Баъзан бемор ҳалок бўлади. Кортикостероидлар билан даволанганда трихинеллёз сурункали шаклда давом этади. Асоратлари . Миокардит, пневмония, тромбоэмболия, инфекцион- токсик карахтлик, энцефалопатия Ташхисоти . Эпидемиологик ва клиник далиллардан ташқари диагностикада беморлар истеъмол қилган гўштдан трихинеллалар топилиши муҳим аҳамиятга эга (трихинеллоскопия). Серологик усуллардан преципитация реакцияси, паст ҳароратда қўйиладиган КБР, микропреципитация реакцияси қўлланилади. Булардан ташқари АР ва антителоларни флюоресцентлаш усулларидан ҳам фойдаланилади. Иккинчи ҳафтадан бошлаб аллергия реакцияси текширилади. Ниҳоятда мушаклардан биоптат олиб, трихинеллалар изланади (трихинеллоскопия). Давоси . Мебендазол (вермокс) билан даволаш касалликнинг 2-3 ҳафталарида бошланса, яхши таъсир қилади. Мебендазол катта ёшдаги беморларга кунига 300- 400 мг дан 7-10 кун босим берилади. Касалликнинг оғир шаклида (касалликнинг оғир шаклида 14 кунгача). Тиабендазолнинг самараси камроқдир (у кунига 25 мг/кг ҳисобидан 5-10 кун ичирилади). Бу дорилар таъсирида личинкалар парчаланади ва токсик- аллергик аломатлар кўпаяди. Шу сабабдан глюкокортикоидлар тайинланади (бир кунда 30-90 мг дан 10-14 кун преднизалон берилади). Беморнинг аҳволига қараб умумий заҳарланишга қарши ва симптоматик дорилар тайинланади. Трихинеллёздан соғайган беморлар 6 ой диспенсер назоратида бўлади. Профилактикаси . Асосий-чора тадбирлар трихинеллаларнинг ривожланиш йўлларини тўсишдан иборат. Чўчқаларга трихинеллаларнинг юқмаслигининг бирдан- бир йўли дератизация ва чўчқахоналарни озода сақлашдир. Гўштларни сотишдан олдин трихинеллалар бор ёки йўқлигини аниқлаш керак. Трихинеллалар бор гўштни истеъмол қилиш мумкин эмас. Адабиётлар: 1. Ахмедова М.Д., Облокулов А.Р., Мирзажонова Д.Б. Юқумли касалликларда ҳамширалик иши. Тошкент. 2018. 2. Бажора Ю. И., Тимченко А. Д., Чеснокова М. М.Атлас: медицинская паразитология. Учебное пособие — Одеса: Одес. держ. мед.ун-т, 2001. - 110 с. 3. Богомолов Б.П. Инфекционные болезни. -М.: Издательство Московского унивеситета, 2006. – 583 с. 4. Даминов Т.А. Инфекционные болезни с детскими инфекциями.1-2 часть. Тошкент 2011. 5. Даминов Т.А., Туйчиев Л.Н., Таджиева Н.У. Инфекционные болезни в деятельности врача общей практики Тошкент-2007. 6. Жаворонок С.В., Мицура В.М., Красавцев Е.Л и др. Тропические и паразитарные болезни. Учебное пособиеЛитагент Вышэйшая школа год 2014.

O'xshashlar

Юқумли касалликларда юқори ҳарорат билан кечадиган касалликларнинг эрта ва қиёсий ташхиси
Альтерация ткани. Мезинхимальные дистрофии (белковые, жировые, углеводные, смешанные)
Асосий аъзоларининг анатомияси ва физиологияси
Ички юқумсиз касалликлар
Хирургик касалликлар