Ўпка юрак ва мия реанимацияси - Tibbiyot - Referatlar

Ўпка юрак ва мия реанимацияси

Yuklangan vaqt:

20.09.2019

Ko'chirishlar soni:

0

Hajmi:

24.8955078125 KB

Ko'chirib olish

Ўпка юрак ва мия реанимацияси Режа: 1. Ўпка-юрак ва мия реанимацияси 2. Ўпкани сунъий нафас олдириш 3. Юракнинг ички массажи

Ўпка-юрак ва мия реанимацияси 1985 йил замонавий ўпка-юрак реанимацияси ўзининг 25 йиллигини нишонлади. 50-йилларгача шошилинч реанимацион ёрдам атиги бир неча холатлардагина эффектив бўлган. Замонавий нафас реаниматологияси эндигина, 60-йилларда кон айланишнинг реанимацияси, церебрал реанимация эса 70-йилларда ривожлана бошлади. Циркулятор шокда замонавий инфузион терапия 30-йилларданок бошланган. 61-йилларда Америкалик олим Питсбург университетнинг профессори Петер Сафар инглиз алифбосига асосланиб, реанимацион чора-тадбирларни боскичма- боскич килиш усулини таклиф килган. Петер Сафар ўпка-юрак ва мия реанимацияси жараёнини ўрганишда кулай бўлиши максадида 3 боскични фарклади. I -хаётни элементар ушлаб туриш (элементарное поддержание жизни). II - хаётни кейинчалик ушлаб туриш (дальнейшее поддержание жизни). III - хаётни давомли ушлаб туриш (продолжительное поддержание жизни). Ўз навбатида хар бир боскич 3 та даврга бўлинади. I боскич – хаётни элементар ушлаб туриш тезкор оксигенация ўтказишни ўзида мужассамлаштиради ва куйидаги даврлардан иборат: А- airways (хаво) – нафас йўллари ўтказувчанлигини тиклаш. В- breathing (нафас бериш) – ўпкани шошилинч сунъий нафас олдириш ва оксигенация. С- circulation (айланиш) – кон айланишни ушлаб туриш, яъни кон айланиши тўхташини диагностикаси ва шок холатидаги беморни ўзига хос холатда саклаш, кон кетишни тўхтатиш ва юракни ташки массаж килиш йўли билан сунъий кон айланишини хосил килиш. II боскич – хаётни кейинчалик ушлаб туриш, яъни сунъий кон айланишни тиклаш ва тўкимага кислороднинг адекват транспорти ва гемодинамикани нормаллаштирган холда нафас олиш ва кон айланиш курсаткичларини стабиллашни ўз ичига олади. У куйидаги даврлардан иборат:

D - drugs (дори-дармон) – медикаментоз воситалар ва суюкликларни вена ичига киритиш. E - EKG – электрокардиография. F - fibrillation (фибрилляция) – юрак коринчалари фибрилляциясини йўкотиш, одатда электрик контршок ёрдамида амалга оширилади. III боскич – хаётни давомли ушлаб туриш – мия фаолиятини тиклашга каратилган постреанимацион интенсив терапияни ўзида мужассамлаштиради ва куйидаги даврларни ўз ичига олади: J - jug – беморнинг ахволини, яъни юрак тўхташининг сабабини аниклаш ва уни бартараф этиш хамда хаётини саклаб колиш эхтимоллигини бахолаш. H - hypothermia - мия фаолиятини тиклаш максадида янги чора- тадбирлар ёрдамида нормал фикрлашни тиклаш. I - intensiv therapia -постреанимацион даврда бошка аъзо ва тизимларнинг фаолиятини тиклашга йўналтирилган интенсив терапия. Энди хар бир боскич ва даврларни алохида кўриб чикамиз: I -боскич. А-давр , нафас йўлларини назорат килиш. Нафас йўллари ўтказувчанлигини тезкор усулда тиклаш борган сари замонавийлашмокда. Нафас йўлларини тиклаш чора-тадбирлари авваламбор хушсиз бўлган беморларга мўлжалланган, кайсики уларни даволаш тезкор кетма-кетликда обтурация бартараф бўлгунча олиб борилади. 1963 йил коронар кафе-синдром аникланган: овкат вактида кўп гапирадиган кишиларда тўсатдан ўлим «внезапная смерть» аникланган, уларнинг кўпчилигининг мурдасини ёриб кўрилганда юкори нафас йўлларини овкат колдиклари билан обструкцияси аникланган. H . J . Heimlich маълумотларига кўра, унинг усулидаги диафрагмани кескин краниал силжиши, ўртача ўпка ичи босими 4,13 кПа ( 31 мм сим. уст.) ни хосил килади. Агар бу усул нафас чикаришнинг охирида килинса, нафас йўлларидан кўшимча 0,35 л, агар нафас чикаришнинг бошида бўлса 0,94 л

хаво, шунингдек ёт жисм,авторнинг айтишича, шампань идишидан копкоги отилгандек чикади. I . S . Redding (1979) фикрича, бу усулнинг эффективлиги бўрттирилган ва статистик жихатдан исботланмаган. Ёт жисмларни бармок ва асбоб- ускуналар ёрдамида сўриш ёки олиб ташлашнинг эффективлиги хам кам эмас. Нафас йўллари учлик услуби (бошни оркага эгиш, огизни очиш, пастки жагни олдинга силжитиш). Юкори нафас йўлларини кўл билан тозалаш. Ёт жисм билан обтурация бўлганда елкадан уриш, коринни компрессияси. Юкори нафас йўлларини сўргич - «отсос» ёрдамида тозалаш. Хаво ўтказгичлар «воздуховод» ни киргизиш. Кизилўнгач обтуратори - хаво ўтказгичини киритиш. Трахеяни интубация килиш. Интубацияни бошка усуллар билан алмаштириш мумкин, уларга крикотиротомия, халкум оркали кислородни инжекцион инсуффляция килиш. Шунингдек шошилинч холатларда юкори нафас йўллари-трахеотомия, бронхоскопия, бронходилатация ва плевра бўшлигини дренажлаш керак. Ўпкани сунъий нафас олдириш В-давр . Ўпкани сунъий нафас олдириш. Хаммага маълумки, соглом одам чикараётган нафас таркибида 16-18% кислород бўлиб, бу ўз навбатида шикастланганларда коникарли газ алмашинувини таъминлайди. Шунинг учун критик холатларда СНО 1 минутига 12 марта, чакалокларга огиздан - огиз ва бурунга 1 минутига 20 марта частота билан СНО берилади. Эстетик ва гигиеник жихатдан юкорида айтиб ўтилган усулларни дока ёки дастрўмол оркали ўтказилади. Шу максадда реанимация учун воситалар арсеналида Т- ёки S - симон найлар, нафас халтаси, “Амбу” типидаги халта, ларингоскоп билан эндотрахеал найлар мавжуд. С-давр. Circulation (айланиш) – бу атама кон айланишни ва юрак фаолиятини тиклаш маъносини англатади. Юракни тўхташи бирламчи ёки икки ламчи характерда бўлиши мумкин. Коринчалар фибрилляцияси (ёки асистолия) келиб чикишида бирламчи характерда кўпинча юрак

касалликлари,дори воситаларини киритиш, чакмок ёки электр токининг уриши сабабчи бўлади. Юракнинг тўхташини иккиламчи характери одатда асфиксия ёки кон кетиши билан боглик. Юракнинг ташки массажи. Юрак массажи ёрдамида кон айланишини тиклашга уриниш XIX асрнинг ўрталарида бажарила бошлаган. Юракнинг биринчи самарали массажи ХХ асрнинг бошида хлороформ билан захарланган беморнинг юраги тўхтаганда бажарилган.Бу усулнинг мохияти юракни тўш суяги ва умурткалар орасида юракни кисиш натижасида катта ва кичик кон айланиш доираларининг йирик кон томирларига конни хайдашга асосланган. Бунда тўш суягини пастки ва ўрта учликлари орасидаги нуктага босилади, катталарда икки кафт билан, болаларда битта кафт, чакалокларда икки бармок билан босилади. Харакатлар сони 60-80 та, кичик болаларда 120-100 тагача бўлиши керак. Юракнинг ички массажи Юракнинг ички массажи куйидаги холатларда бажарилади: а) агар кўкрак кафаси очик бўлса (операция вактида), б) юрак тампонадаси, плевра ичига кон кетганда ёки пневмоторакс бўлганда, в) агар кўкрак кафасининг кескин ривожланган ригидлиги ёки умуртка погонаси ва кўкрак кафаси патологияси натижасида юракнинг билвосита массажи ноэффектив бўлганда, г) гипотермия холатида бўлган беморларда дефибрилляциянинг кетма-кет уринишлари натижасиз бўлиб, юракни иситиш керак бўлганда. Юракни ташки массажини СНО билан бирга олиб борилади, бунда агар битта реаниматор бўлса 1:15 нисбатда, иккита реаниматор бўлганда 1:5 нисбатда килинади. Drags -дори-дармон. Юкорида келтирилган даврлар касалхонадан ташкарида килинсада. Бундан кейинги даврлар шифохонада ёки стационарда амалга оширилиши керак. Кейинги даврларда миянинг ва бошка мухим аъзоларнинг гипоксик шикастланишини олдини олиш максадида мустакил кон айланишни тиклаш керак. Бунинг учун конга хар хил дорилар ва суюкликларни киритиш лозим.

Бунда куйидаги киритиш йўлларидан фойдаланилади: а) периферик веналарга киритиш. б) ўпка ичига киритиш-айрим медикаментоз препаратларни венага киритиб бўлмаганда трахеяга киритилади. Бу усулда киритилган дори препаратлари альвеолалар оркали, асосан интубацион найга киритилган аспирацион катетер оркали трахеобронхеал дарахтга препаратни инъекция килинганда тез сўрилади. Бу препаратларни эслаб колиш учун: АЛКА : атропин, лидокаин, кислород, адреналин. ЛАДАН : лидокаин, адреналин, диазепам (талвасаларда), атропин, налоксан (наркотик моддаларни кўп микдор кабул килганда). Юкоридаги дорилар трахеал най оркали 1-2 марталик вена ичи дозаси 10 мл стерилланган сувда эритиб юборилади. Аммо натрий гидрокарбонат альвеола ва бронхларнинг шиллик каватини шикастлаши хавфи бўлгани учун трахея ичига киритилмайди. в) юрак ичига киритиш-ўпка-юрак реанимациясини ўтказишда, кўкрак кафаси очик бўлмаганда, дори воситаларини кўр-кўрона юракка киргизиш тавсия килинмайди, чунки бунда пневмоторакс, коронар артериянинг шикастланиши ва юрак массажини тўхтатиш хавфи ривожланади.Бундан ташкари агар препаратлар юрак бўшлигига эмас, балки мушагига тушса, кучли аритмия сабабли юракнинг спонтан кискаришларини тиклашга халакит беради.Адреналинни юрак ичига киритиш, вена ичига ёки ўпка ичига киритиш иложи бўлмагандагина рухсат этилади. Узун ингичка игна (масалан.№ 22) оркали V ковурга оралигига парастернал нуктага киритилади. Шприц оркали юрак бўшлигидан кон эркин тортилгандагина препаратни киритиш керак. Юракнинг очик массажида дори препаратларини чап коринча бўшлигига киритиш хавфсиз ва эффективдир. Одатда вена ичига киритиладиган дозанинг ярми кўлланилади(адреналин, кальций хлорид, антиаритмик воситалар). Натрий гидрокарбонатни юрак бўшлигига киритиш мумкин эмас.

г) мушак ичига киритиш – тезкор реанимацияда мушак ичига киритиш тавсия этилмайди. Периферик адекват кон айланиши шароитида вена ичига киритиш иложи бўлмаганда, мушак орасига ритм бузилиши профилактикаси учун лидокаин (300 мг) ва атропин (2 мг) каби препаратлар кўлланилади. д) тил илдизига – бу усулда иякни бўйинга ўтиши жойидан игнани кадаб, ичкарига 2 см киритиб дорини юбориш даркор. е) марказий веналар оркали киритиш. ж) ўпка артериясини катетеризацияси. з) билак артериясини катетеризацияси. и) сон артериясини катетеризацияси. Хозир асосий препаратлар ва уларнинг дозалари устида тўхталиб ўтамиз: ♣ адреналин: оптимал дозаси карор топмаган, биз куйидагича тавсия этамиз: - авваламбор адреналиннинг стандарт дозаси кўлланилади ( 1 мг вена ичига бир лахзада). - биринчи дозадан эффект бўлмаганда 3-5 мин. дан шу дозада бир лахзада киритилади, сўнгра зудлик билан юкори дозагача оширилади (в/и га бир лахзада 3,5 дан 10-15 мг гача) ёки ушлаб турувчи инфузияга ўтиш (100-200 мкг/мин дан бошлаб, эффектига эришгунча ошириш) керак. - агар вена томирига кириш иложи бўлмаса киритишнинг эндотрахеал усулини кўллаш (дозаси 2-2,5 мг). - адреналинни стандарт дозаларда инфузияси: ♠ 1мг адреналинни (1 мл 1:1000 нисбатда ёки 10 мл 1:10000 нисбатда ёки 10 мл 1:10000 нисбатда бўлганда) 5% ли 250 мл глюкозада эритиш. ♠ 1-2 мкг/мин (15-30 мл/соат) дан бошлаб. 2-10 мкг/мин гача олиб бориш. - катта дозаларда адреналиннинг инфузияси: ♠ 50 мг адреналин (50 мл 1:1000 нисбатдаги эритма) 5% ли 250 мл глюкозада эритиш

♠ 30-60 мл/соат (100-200 мкг/мин) тезликда бошлаб, зарур бўлганда ошириш керак. ♣ атропин- 0,5-1,0 мг вена ичига зарур бўлганда хар 3-5 мин.да умумий дозагача 0,04 мг/кг (ёки 2-3 мг) такрорланади. Анча юкори дозалари (бир марталик дозаси 1 мг) анч огир брадикардияда, шунингдек асистолияда кўлланилади. ♣ натрий бикарбонат- эмпирик дозаси- 50-100 мэкв (кон айланиши тўхтагандан 5-10 минутдан кейин киритилади). Кўпчиликни айтишича, натрий бикарбонатни кон айланишнинг тўхташида кўлланилмайди. Кон айланиши тўхтаганда ацидозни коррекциялаш учун СНО ўтказиш максадга мувофик. ♣ натрий гидрокарбонат – ацидоз ривожланмаган юрак тўхташи бўлиши мумкин эмас, шунинг учун хар кандай реанимацияда натрий гидрокарбонат кўллаш керак. Уни кислота ишкор холатини текшириш натижаларига кўра дозалаш керак, агар бунинг иложи бўлмаса бошлангич доза 1 ммоль/кг тавсия этилади. Сўнгра кон айланиши тиклангунча хар 10 минутда 0,5 ммоль/кг юборилади. ♣ лидокаин: коринчалар фибрилляциясида авваламбор 1,5 мг/кг (одатда 75-100 мг) бир лахзада киритилади. Агар коринчалар фибрилляцияси сакланиб турса, шу дозада лидокаинни такроран киритиш мумкин, бошка усуллар (бретилий, магнезий сульфат) ни кўллаш яхширок бўларди. - коринчалар экстрасистолияси ёки коринчалар тахикардиясида бошлангич доза 50-100 мг(1-1,5 мг/кг гача), киритиш тезлиги 2 мг/мин. Зарур бўлганда хар 5-10 минутда 50-75 мг вена ичига бир лахзада (умумий доза 3 мг/кг ёки 225 мг гача). - вена ичи инфузияси. 1 г ни 5% ли 250 мл глюкозада эритиш, 30 мл/соат (2 мг/мин) дан бошлаш; инфузия тезлигини 1-4 мг/мин да тадбик килиш. ♣ СаС l - 0,5-1,0 г вена ичига секин (5-10 мин давомида). ♣ кислород - концентрацияси 100 % гача. Шошилинч холатда хар доим зарур.

Шунингдек, куйида шошилинч тиббий ёрдамда ишлатиладиган дори- дармонлар рўйхати келтирилган: 1. Кон томирларни кенгайтирувчилар: а) норадреналин; б) метараминол. 2. Инотроп воситалар: а) допамин б) добутамин в) изадрин (изопртеренол) г) кальций хлорид. 3. Кальций каналининг блокаторлари: а) верапамил ёки дилтиазем б) нифидипин ёки нимодипин в) лидофлазин. 4. Лидокаин, прокаинамид, бретилиум. 5. Анаприлин (пропранолол). 6. Атропин. 7. Нитропруссид, нитроглицерин. 8. Морфин ёки мепердин (демерол, петидин). 9. Фуросемид ва хоказо. Е давр . Электрокардиографик диагностика (аритмиялари аниклаш ва даволаш). Ўпка - юрак реанимациясининг А, В, С даврларии ўтказгандан сўнг иложи борича зудлик билан ЭКГ килиш керак, бундан максад куйидагиларни бир- биридан дифференциал диагностика килиш керак: 1) коринчалар фибрилляцияси (ёки коринчалар тахикардияси); 2) электрик асистолия ва 3) электромеханик диссоциация деб номланувчи ЭКГ даги атипик комплекслар билан пульснинг бўлмаслиги (механик асистолия). Бу даврда бемор доимий ЭКГ мониторинг кузатуви остида бўлиши керак.

Fibrillation (фибрилляция)-коринчалар фибрилляциясини йўкотиш максадида доимий ёки узлукли токли электрик дефибрилляторлар кўлланилади,чунки мустакил дефибрилляция камдан-кам холатда юзага келиши мумкин. Ташки дефибрилляцион ўтказиш учун диск шаклига эга бўлган электрод беморнинг чап кураги остига куйилади, иккинчи изоляцияланган дасталисини эса кўкрак кафасининг юрак сохасига босилиб, токка уланади. Шунингдек изоляцияланган дастали иккита бир хил электродлар хам кўлланилади. Бу холатда электродларнинг бири кўкрак кафасининг олд юзасида тўш суяги дастаси устига, иккинчиси эса – юрак чўккиси сохасига куйилади. Электродлар махсус электр ўтказувчи паста ёки натрий хлориднинг изотоник эритмасига намланган бир неча кават дока билан ўралган бўлиши керак. Куйишларнинг олдини олиш ва яхши контакт учун электродлар беморнинг танасига, очик дефибрилляция холатида эса юракка зич ёпишган бўлиши керак. Дефибрилляция вактида атрофдагилар беморга ёки операцион столга тегмаслиги керак. Агар коринчалар фибрилляцияси пайдо бўлганлиги кайд килинган бўлса, уни бошланганидан сўнг 30-60 секунд давомида дефибрилляция килиш мумкин. Агар фибрилляциянинг бошланиш вакти кайд килинмаган бўлса, ўпка-юрак реанимациясидан сўнг 2 минут ўтгач дефибрилляция килиниши керак. Агар дефибрилляциянинг биринчи уриниши самарасиз бўлса, иккинчиси яхши йирик тўлкинли дефибрилляция шароитидагина кучланишни 10-15 % га ошириб килинади. Акс холда адреналин ва натрий гидрокарбонат киритиб, юрак ташки массажи ва СНО йирик тўлкинли хосил бўлгунча давом эттирилади, шундан сўнггина дефибрилляция килинади. Агар бу холатда самарали дефибрилляция бўлмаса, вена ичига лидокаин (1 мг/кг) килинади, зарур бўлганда такрорланади. Мустахкам фибрилляцияда тез-тез серияли, бирин-кетин дефибрилляция, дефибрилляторнинг кайта зарядланиш даврида юрак массажи билан бирга килинади.

III боскич . Хаётни узок вакт ушлаб туриш. Мия фаолиятини тиклашга каратилган постреанимацион интенсив терапияни ўз ичига олади. Jug - беморнинг ахволини бахолаш. Маълум синамалар ёрдамида беморнинг мия пўстлоги зарарланган ёки зарарланмаганлиги хакида билиш мумкин. Мия ўлими ривожланганлик белгиларидан асосийлари кўз корачигининг катталашиши, корачикнинг ёругликка реакцияси бўлмаслиги хисобланади. Совук сув синамаси – агар кулокка бир неча томчи совук сув томизилганда беморнинг кўзида нистагм бўлса, демак мия пўстлоги тирик бўлади. Вена ичига бемегрид киритилиб, ЭЭГ туширилганда биопотециаллар пайдо бўлса, мия пўстлоги тириклигидан далолат беради. Шу нарсани ёдда тутиш керакки, реанимацион чора-тадбирларни тўхтатиш учун бош хаким ўринбосари, бўлим мудири хамда даволовчи врачларнинг розилиги ва имзоси бўлиши керак. Hipotermia - тана хароратни тушириш. Бу холатни мия хужайраларини химоя килиш деб тушунтириш мумкин. Организмда бўйрак, жигар, ўпка, юрак фаолияти тўхтаса хам ўлим тезда юзага келмайди, аммо мия фаолияти бўлмаса организмда ўртача 5 дакикагача клиник ўлим оркали биологик ўлим содир бўлади. Маълумки, юрак ва ўпка кислородни мия хужайраларига етказиб беради, аммо буларнинг фаолияти бўлмаса мия хужайраларининг кислородга бўлган талабини, мувозанат ва модда алмашинуви тезлигини хамда мия фаолиятини пасайтириш максадида hipotermia ўтказилади. Шу усул билан биз 5 дакикани 30 дакикагача узайтиришимиз мумкин. Intensiv therapia - мия фаолиятини тиклашга йўналтирилган постреанимацион интенсив терапияниг вазифалари куйидагича: 1) бутун организмни тирик колиши максадида нафас олиш, юрак-кон томир, метаболик, бўйрак ва жигар-ошкозон-ичак фаолиятларини оптималлаштириш;

2) мия нейронларини тиклашга йўналтирилган усулда унинг фаолиятини оптималлаштириш бўйича чора-тадбирларни ўтказиш (мия фаолиятини ушлаб туришга каратилган стандарт чора-тадбирлар); 3) марказий асаб тизимини тиклаш учун кўшимча реанимацион чора- тадбирларнинг камчиликлари ва устунликларини беморларда текшириш, уларнинг кўпчилиги тортишув остида ва халигача тажриба боскичида кўлланилмокда.

Адабиётлар: 1.Аваков В.Е. "Интенсивная терапия и реанимация неотложных сос - тояний". Ташкент.1992. 2.Бунатян А.А. ва бошкалар "Анестезиология и реаниматология"- М.1984.Б.347-356 3. А.П.Зильбер.«Клиническая физиология в анестезиологии и реаниматологии». Москва. 1984. 4.В.А.Неговский ва бошкалар "Основы реаниматологии" Тошкент.1977.

O'xshashlar

Бош мия нервлaри

Юрак блокадалари

Юрак ва қон томирлар тизим

Шикастланиш. Травматик шок. Травматик токсикоз. Терминал холатлар

Невропатология таърифи oрқа мия