Паразитар касалликларнинг лаборатор ташхисоти - Tibbiyot - Referatlar

Паразитар касалликларнинг лаборатор ташхисоти

Yuklangan vaqt:

16.02.2024

Ko'chirishlar soni:

0

Hajmi:

62 KB

Ko'chirib olish

Паразитар касалликларнинг лаборатор ташхисоти Режа: 1. Содда жониворларни соф ва Люгол эритмасига бўялган суртмада текшириш ( нажасда ) усули . 2. Лейшманияларни тери инфильтратидан олинган суртмада текшириш.

Одам организмида паразитлик қилувчи ҳамма содда жониворлар ҳам касаллик чақиравермайди. Қўзғатувчи тури ва клиник ташхисни аниқлаш учун лаборатор текширишлар аҳамияти юқори. Одам организмидаги содда жониворлар турли ривожланиш босқичларида бўлиши мумкин. Замонавий усуллар. Содда жониворлар билан касалланиш беморларни яшаш жойи, жинси ва ёшига боғлиқ эмас. Олимларнинг фикрича, содда жониворлар билан 80% инсонлар касалланган. Фанда бундай ҳолатларни аниқ ташхисот усулларини изланаяпти. Бугунги кунда бир қанча ташхисот усуллари мавжуд. Серологик усуллар. Бу усулда қонда турли инфекцияларга қарши антитело ва антигенлар аниқланади. Инсон организми иммун тизими ҳар қандай ташқи таъсиротларга сезгир. Бундай реакциялар орқали зарарланиш борлиги ва чақирувчисининг антиген ва антителоси аниқланади. Асосий серологик усуллар: 1. Иммунофлюоресценция реакцияси (ИФР)да микроб ёки антигенларнинг махсус шароитда ультрабинафша нурларида нурланиш хусусияти аниқланади. Таҳлил икки босқичда ўтказилиб, кўп меҳнат талаб қилади. Аниқ хулоса олиш учун таҳлил ўтказувчи ходимлар малакали бўлиши керак. 2. Билвосита аглютинация реакцияси (БАР). Эритроцитларнинг турли зардоб ва антигенларга реакциясини аниқлаш. Чўкма ҳосил қилган эритроцитлар миқдорига қараб зарарланииш даражаси аниқланади. 3. Занжирли полимераз реакцияси (ЗПР). Тест ДНК таҳлилига асосланган. Биоматериал сифатида қон, сўлак, ажралмалар олиниши мумкин. Бу усул сезгирлиги ва аниқлиги билан ажралиб туради. Хулоса ижобий ёки салбий бўлиши мумкин. ЗПР чақирувчи турини аниқлайди. Тест одам организмидаги паразитнинг ДНК сини аниқлайди, лекин зарарланганлик даражаси бошқа усуллар билан аниқланади. 4.. Иммунофермент таҳлил (ИФТ)-қонда касалликка қарши махсус антителоларни аниқлаш усули бўлиб, 90% ҳолларда аниқ маълумот беради. Организм иммун тизими содда ҳайвонлар билан зарарланишнинг биринчи

ҳафтасидаёқ жавоб беради, шунинг учун бу усул касалликни бошланғич босқичларида ташхислаш, касаллик оғирлик даражаси ва шаклини аниқлаш имконини беради. Касалликка қарши антителолар одам организми қонида ойлаб, йиллаб сақланиши мумкин. Даволаш ижобий самара бергандан сўнг ҳам бу усул антителоларни аниқлаш имконини беради. Содда жониворлар 4 синфга бўлинади: 1. Саркодалилар- ( Rhizoda )-амёбалар кўринишида. 2.Киприксимон инфузорийлар (С iliate )-энг кўп тарқалган касаллик тарқатувчи тури балантидийлар кўринишида. 3.Хивчинлилар ( Flagellata )-асосан лейшманиялар кўринишида. 4.Споралилар-энг хавфли тури безгак палазмодийси бўлиб, одам организмига тушгач юмалоқ шаклга кириб, ҳимоя қобиғини ҳосил қилади. Содда жониворлар циста кўринишида ташқи муҳит таъсирига чидамли бўлади. Содда жониворлар одам организмининг турли орган ва тўқимасини зарарлаши мумкин. Шунингдек, текшириладиган биоматериал ҳам зарарланган аъзога қараб турлича бўлиши мумкин. Биоматериал сифатида қон, сўлак, сийдик, нажас, балғам, суяк кўмиги, плевра, қорин бўшлиғи, перикарда суюқлиги, шиллиқ, ичак экссудатлари олиниши мумкин. Ташхисот усуллари турлича бўлиб, биз қуйида энг кўп қўлланиладиган усулларини кўриб чиқамиз. Содда ҳайвонларни ташхислашда баъзан бир нечта турини бир вақтда аниқлаш мумкин. -Амёбаларни одам ичагида яшай оладиган 6 та тури аниқланган. Фақатгина дизентерия амёбаси клиник аҳамиятга эга бўлиб, вегетатив ва циста шаклида учрайди. Асосий аниқлаш усули ишлов берилмаган (натив) биоматериалда паразитни аниқлаш бўлиб, қўшимча иммунологик усуллардан ҳам фойдаланиш мумкин. Булар билвосита иммунофлюросценция, билвосита агглютинация, радиал иммунодиффузия усулидир. Серологик усуллар кам маълумот берганлиги туфайли қўшимча усул сифатида қўлланилиши мумкин. -Киприксимон инфузорийларни ташхислаш. Асосий касаллик тарқатувчи тури балантидийлар бўлиб, балантидиаз касаллигини чақиради. Бу касаллик йўғон ичак ярали жараён кўринишида кечади. Қўзғатувчи вегетатив шаклда

ва циста кўринишида соф суртмада аниқланади. Биоматериал (нажас ва шиллиқ) ректороманоскопия усулида олиниб, махсус муҳитга экилади. -Хивчинлилар (лейшмания, лямблия, трипаносома, трихомонада) ни ташхислаш. Лейшманиялар лейшманиоз касаллигини чақириб, қон суртмаси, суяк кўмиги, тери инфильтратларидан топилади. Айрим ҳолларда озуқа муҳитларда экиш усулидан фойдаланилади. Трипаносомалар- уйқу касаллиги (Америка, Африка трипонасомаси ёки Шагас касаллиги) ни чақиради. Африка трипонасомаси тури касалликнинг бошланғич босқичларида периферик қонда топилади. Касаллик ривожланганда лимфа тугунлар пункцияси, охирги босқичларида орқа мия суюқлигида топилади. Касаллик ўткир даврида хивчинли шаклида топилади. Кейинчалик хивчинсиз шаклида мушак тўқимаси, миокард, марказий асаб тизими нейронларида топилади. Шагас касаллигига шубҳа қилинганда суртма ва йўғон томчи текширилишдан олдин бўялиб, қўзғатувчи микроскоп остида кичик катталашишда аниқланади. Лямблиялар 12 бармоқли ичакда ўт суюқлигида ёки нажасда циста ёки вегетатив шаклда кўринишида аниқланади. Споралилар (безгак палазмодийси, коксидоз ва б.) ни ташхислаш. Энг кўп тарқалган тури безгак палазмодийси бўлиб, 4 хил тури аниқланади: 3 кунлик безгак, 4 кунлик безгак, тропик тури, уч кунлик безгакка ўхшаш тури. Безгак плазмодийсининг жинсий ривожланиши (спорогония) Анафелес чивинларида бўлиб, жинссиз (тўқима ва эритроцитар шизогония) одам организмининг жигар тўқимаси ва эритроцитларда содир бўлади. Безгакнинг бундай хусусияти ташхисотда муҳим аҳамият касб этади. Касалланган беморлар қонида спорогония циклидаги жинсий ҳужайраларни аниқлаш мумкин. Касаллик хуруж қилган пайтда қонда кўп миқдорда шизонтлар, хуружнинг турли фазаларида турли хил шакллари: қалтираш даврида шизонтларнинг бир тури-мерозоитлар, тана ҳарорати кўтарилганда эритроцитларда ҳалқасимон трофозоитлар, ҳарорат тушганда амёбасимон

трофозоитлар, бемор ҳолати мўтадиллашганда шизонтларнинг етилган шакллари топилади. Безгакка текшириш суртма ва йўғон томчи усулида ўтказилади. Қўзғатувчининг морфологик шаклларини аниқлаш махсус бўяшдан кейин ўтказилиб, бу усул қўзғатувчининг турли шаклларини морфологик хусусиятларини аниқлаш имконини беради. Безгакка текшириш суртма ва йўғон томчида ўтказиш баъзан хато маълумотлар ҳам бериши мумкин, қондаги тромбоцит ва лейкоцит каби элементлар қўзғатувчи деб адаштирилиши мумкин. Содда жониворларни соф ва Люгол эритмасига бўялган суртмада текшириш (нажасда) усули. Материал изотоник эритмадаги нажас эмульсиясидан тайёрланади. Буюм ойнасига икки томчи натрий хлор ва Люгол эритмаси томизилади. Ёғоч таёқча билан эритмаларга текшириладиган материал қўшилади ва буюм ойнаси билан ёпиб микроскоп остида текширилади. Аниқ натижа олиш учун 2-3 та прерапарат тайёрланади. Натижа аниқ бўлмаганда 2-3 ҳафтада такроран ўтказилади. Бу усул билан лмяблий, безгак, дизетерия амёбасинини вегетатив ва циста шакллари, нопатоген шакллари аниқланади. Соғлом ташувчиларда циста ва ривожланувчи шакллари топилади. Ташхисот натижасида қўзғатувчининг шакли аниқ кўрсатилиши шарт. Текшириладиган материал (суюқ нажас) дефекациядан 30 минутдан сўнг, шаклланган нажасда 2 соат оралиғида олиниши, аралашмалар (сув, сийдик, зарасизлантирувчи эритмалар) бўлмаслиги лозим. Материал билан ишлашда фақат ёғоч таёқчалардан фойдаланиш керак, шиша таёқчалар ноқулайлик туғдиради, иш тугагач таёқчалр ёқиб ташланади. Содда жониворларни консервасия усулида текшириш (нажасда). Текшириш содда ҳайвонларни консервант билан фиксация усулида олиб борилади. Бу усул бошқаларидан фарқи шундаки, консервантлар препаратни узоқ вақт сақлаш имконини беради. Асосан, Барроу консерванти қўлланилиб, таркибида 0,7 мл натрий хлор, 5 мл формалин, 12,5 мл 96% ли спирт, 2 гр фенол, 100 мл дистилланган сув. 0,01% ли тионини (азур) билан бўялади. Сафаралиев эритмаси препаратни бир ой муддатда сақлаш зарур бўлганда қўлланилади, таркиби: 1,65 гр рух, 10 мл формалин, 22,5 гр фенол кристали, 5 мл уксус кислота, 0,2 гр метилен

кўки, 100 мл сув. Бўш флаконларга 3:1 нисбатда консервант ва материал солинади, зарур бўлганда бўёқ қў шилади. Натижаларни баҳолаш 2-3 та препаратда олиб борилади. Эфир-формалин билан тўйинтириш усули. Бу усулда сода ҳайвонлар цисталари аниқланади. Қўлланиладиган моддалар: формалин 10 мл, 0,85 гр изотоник эритма, дистилланган сув, олтингугуртли эфир, Люгол эритмаси. Юқоридаги таркиб билан биоматериал аралашмасини аралаштириб, центрифуга қилинади. Ҳосил бўлган чўкмани Люгол эритмасида бўяб, циста ва вегататив шакллари топилишига асосланади. Лейшманияларни текшириш (Суяк кўмиги суртмаси) Лейшманиозни аниқлаш учун Никифоров аралашмаси (олтингугуртли эфир ва этил спирт), фосфатли буффер, Романовский бўйича азур-эозин керак бўлади. Суяк кўмиги суртмаси эҳтиёткорлик билан буюм ойнасига махсус тайёргарликдан сўнг олиниб, иммерцион тизимли микроскопда кўрилади. Касалликнинг ўткир даврида пунктатда кўп миқдорда лейшманиялар топилади. Лаборант эътибор билан текшириб, қон ҳужайралари билан лейшманияларни адаштирмслиги лозим. Лейшманияларни тери инфильтратидан олинган суртмада текшириш. Юқоридаги таҳлил усулида қўлланиладиган таркибдан фойдаланилади. Биоматериал яра ёки чандиқдан олинади. Қиринди олишда скалпел билан эҳтиёт бўлиб қонсиз олиниб, буюм ойнасида тайёрланади. Аниқ маълумот олиш учун бир вақтда бир нечта препарат тайёрланади. Биоматераилда макрофаглар, фибробластлар, лимфа тўқимаси ва лейшманияларни топилиши касалликдан далолат беради. Патологик тўқималардан олинган қириндидан лейшманияларни тоза культурасини ажратиб олиш усули. Бу усулда олинган қириндини махсус озуқа муҳитга экиб, кўпайиши текширилади. Қиринди олинишидан аввал терига спирт билан ишлов берилади, чандиқ кесилиб тубидаги сақланма олинади ва озуқа муҳитли

пробиркага солинади. Матераил бир неча марта олиниб, ҳар хил пробиркаларга солинади. Термостатда 22-24оС да экиш олиб борилиб, микроскопда текширилади. Бу усул бошқа арзон ва кам вақт сарфланадиган усуллар натижа бермаганда ўтказилади.

Адабиётлар: 1. Ахмедова М.Д., Облокулов А.Р., Мирзажонова Д.Б. Юқумли касалликларда ҳамширалик иши. Тошкент. 2018. 2. Бажора Ю. И., Тимченко А. Д., Чеснокова М. М.Атлас: медицинская паразитология. Учебное пособие — Одеса: Одес. держ. мед.ун-т, 2001. - 110 с. 3. Богомолов Б.П. Инфекционные болезни. -М.: Издательство Московского унивеситета, 2006. – 583 с. 4. Даминов Т.А. Инфекционные болезни с детскими инфекциями.1-2 часть. Тошкент 2011. 5. Даминов Т.А., Туйчиев Л.Н., Таджиева Н.У. Инфекционные болезни в деятельности врача общей практики Тошкент-2007. 6. Жаворонок С.В., Мицура В.М., Красавцев Е.Л и др. Тропические и паразитарные болезни. Учебное пособиеЛитагент Вышэйшая школа год 2014.

O'xshashlar

Диарея билан кечадиган касалликларнинг эрта ташхиси

Умумий бўлим паразитлар ва паразитар касалликлар ҳақида умумий маълумот

Паразитология асослари

Уткир ва сурункали холециститлар

Протозой инфекциялар. Амёбиаз