Иссиқлик жараёнлари - Tibbiyot - Referatlar

Иссиқлик жараёнлари

Yuklangan vaqt:

20.09.2019

Ko'chirishlar soni:

0

Hajmi:

94.5 KB

Ko'chirib olish

Иссиқлик жараёнлари Режа 1. Иссиқлик процессларининг турлари. 2. Сув буғи ва иссиқ сув билан иситиш. 3. Юқори температурали моддалар билан иситиш.

Иссиқлик процессларининг турлари Кимё саноатида суюқлик ва газларни иситиш ва совитиш, буғларни конденсациялаш каби иссиқлик процесслари кенг тарқалган. Бундай процесслар иссиқлик алмашиниш аппаратларида амалга оширилади. Иссиқлик алмашиниш процессларида қатнашувчи моддалар иссиқлик ташувчи агентлар деб юритилади. Юқори температурага эга бўлиб, ўзидан иссиқликни иситилаётган муҳитга берувчи моддалар иситувчи агентлар деб юритилади. Совитилаётган муҳитга нисбатан паст температурага эга бўлган ва ўзига муҳитдан иссиқликни олувчи моддалар совитувчи агентлар деб аталади. Кимёвий технологияда кўпинча бевосита иссиқлик манбаи сифатида ёқилҲиларнинг ёнишидан ҳосил бўлган газлар ва электр энергияси ишлатилади. Бундай бевосита иссиқлик манбаларидан иссиқлик олиб, ўзининг иссиқлигини аппаратларнинг деворлари орқали иситилаётган муҳитга берувчи моддалар оралиқ иссиқлик ташувчи агентлар деб аталади. Оралиқ иссиқлик ташувчи агентлар қаторига сув буғи, иссиқ сув ва юқори температурали иссиқлик ташувчи моддалар (қиздирилган сув, минерал мойлар, органик суюқликлар ва уларнинг буғлари, суюлтирилган тузлар, суюқ металлар ва уларнинг қотишмалари) киради. Оддий температурагача (10...30 0 С) совитиш учун сув ва ҳаво каби совитувчи агентлар кенг ишлатилади. Иссиқлик ташувчи агентларни танлашда уларнинг қуйидаги хоссаларига аҳамият бериш керак: 1) керакли муҳитни иситиш ёки совитиш даражаси ва уни бошқариш; 2) минимал массавий ва ҳажмий сарфларда юқори иссиқлик алмашиниш тезлигига эришиш; 3) қовушқоқлиги кам, зичлик, иссиқлик сиҲими ва буғ ҳосил бўлиш иссиқлиги юқори; 4) ёнмайдиган, заҳарсиз, иссиқликка чидамли бўлгани маъқул; 5) иссиқлик алмашиниш аппарати тайёрланган материални бузмаслиги керак; 6) камёб бўлмаслиги ва арзон бўлиши зарур.

Кўпчилик шароитларда иситувчи агентлар сифатида ишлаб чиқаришдан чиқаётган маҳсулотлар, ярим маҳсулотлар ва чиқиндиларнинг иссиқликларидан фойдаланиш иқтисодий жиҳатдан мақсадга мувофиқдир. Сув буғи ва иссиқ сув билан иситиш. Саноатда иситувчи агент сифатида тўйинган сув буғи кенг ишлатилади. Сув буғи бир қатор афзалликларга эга. Буғнинг конденсацияланишида катта миқдорда иссиқлик ажралади, чунки буғнинг конденсацияланиш иссиқлиги 9,8 * 10 4 Н/м 2 босимда 2,26 * 10 6 Ж/кг га тенг. Конденсацияланган буғ орқали иссиқлик бериш коэффициенти юқори бўлганлиги сабабли буғда исиқликнинг термик қаршилиги ҳам бўлади. Натижада иситиш учун жуда кам юза талаб қилинади. Тўйинган сув буғи маълум бир босимда бир хил температурада конденсацияланади, бу унинг катта афзаллиги ҳисобланади. Натижада тегишли иситиш температурасини жуда аниқ ушлаб туриш имконияти пайдо бўлади. Керак бўлган шароитда буғнинг босимини ўзгартириш йўли билан иситиш даражасини бошқариш мумкин. Буғ конденсатидан фойдаланиш натижасида ҳам иситувчи қурилмаларнинг фойдали иш коэффициенти анча юқори бўлади. Сув буғи ёнмайди ва ундан фойдаланиш анча қулай. Сув буғининг температураси ортиши билан унинг босими ҳам ортади. Бу ҳол сув буғининг асосий камчилигидир. Шу сабабли амалда тўйинган сув буғи ёрдамида фақат 180...190 0 С гача иситиш мумкин (бунда босим 1...1,2 Мпа га тенг бўлади). Катта босимли буғни ишлатиш учун қалин деворли ва қимматбаҳо аппаратлар керак бўлади. Айрим шароитларда иситувчи агент сифатида иссиқ сув ҳам ишлатилади. Аммо бу усул билан иситиш камчиликлардан ҳоли эмас.

ґткир буғ билан иситиш. Бунда сув буғи тўғридан-тўғри иситилаётган суюқликка киритилади. Буғнинг конденсацияланишида ажралиб чиқаётган иссиқлик суюқликка ўтади, ҳосил бўлган конденсат эса суюқлик билан аралашади. Суюқликни бир пайтнинг ўзида иситиш ва аралаштириш учун барботёр (майда тешиклари бўлган труба) орқали сув буғи юборилади ( - расм). ґткир буғ билан иситиш процессида иситилаётган суюқлик конденсат ҳисобига анча суюлтирилади. Шу сабабли одатда ўткир буғ сув ва сувли эритмаларни иситиш учун ишлатилади. Суюқликларни иситиш учун керак бўлган ўткир буғнинг сарфи қуйидаги иссиқлик баланси орқали топилади: бу ерда G - иситилаётган суюқлик миқдори, ;С к - конденсатнинг солиштирма иссиқлик сиҲими, кЖ/(кг*К); с- суюқликнинг солиштирма иссиқлик сиҲими, кЖ/(кг*К); t 1 ва t 2 -суюқликнинг иситишдан олдинги ва кейинги температуралари, К( 0 С); D - иситувчи буғнинг сарфи, кг/с; I б-

буғнинг энтальпияси (иссиқлик ушлаш), кЖ/кг; Q й-аппаратнинг атроф- муҳитга йўқотган иссиқлиги. Бундан ўткир буғнинг сарфи: К учсиз буғ билан иситиш. Бунда иссиқлик буғдан суюқликка бирор ажратувчи девор (масалан, қобиқли ва змеевикли аппаларда) орқали ўтади. Иситувчи буғ тўла конденсацияланади ва у аппаратнинг иситиш бўшлиҲидан конденсат сифатида чиқарилади ( - расм). Конденсат температурасини буғнинг тўйиниш температурасига тенг деб олиш мумкин. Кучсиз буғнинг сарфи қуйидаги иссиқлик балансидан топилади: ёки бу ерда I к - конденсат энтальпияси. Иситиш бўшлиҲида буғ ушланиб қолган ҳолатда кондетсатни чиқариш учун конденсат узатувчилар ишлатилади. Конденсат узатувчилар ёпиқ ва очиқ қалқовичли, биметалл текис пружинали бўлиши мумкин. Бундан ташқари, конденсат узатувчилар сифатида махсус шайба ва фильтрлар ҳам ишлатилади, -расмда ёпиқ қалқовичли конденсат узатувчининг схемаси берилган. Ёпиқ қалқовичли конденсат узатувчилар буғнинг абсолют боиси 1 Мпа дан юқори бўлганда ишлатилади. Қурилманинг ичига конденсат кирганида қалқович юқорига силжийди, бу пайтда клапан очилиб конденсат

чиқарилади. Конденсат чиқиб бўлгандан сўнг қалқович пастга тушади ва клапан чиқариш тешигини беркитади. Қалқовичнинг вертикал ҳолати стержен ва йўналтирувчи стакан ёрдамида ушлаб турилади. Агар конденсат маълум меъёрдаги сарф билан қурилмага узлуксиз равишда киритиб турилса, бунда клапан ҳам маълум даражада доим очиқ бўлади. Кучсиз буғ ишлатилганда иситиш бўшлиҲида конденсацияланишга учрамайдиган газлар (кўпинча ҳаво) йиҲилиб қолади. Бундай газлар одатда сув буғи билан бирга қурилманинг исистиш бўшлиҲига кириб қолади. Газларнинг йиҲилиб қолиши буғнинг конденсацияланиши пайтидаги иссиқлик бериш коэффициентини кескин камайтириб юборади. Шу сабабли исистиш бўшлиҲида йиҲилиб қолган газлар қурилмадан даврий равишда чиарилиб турилиши шарт. Бу мақсад учун аппаратда вентилли штуцер ўрнатилган бўлади. Иссиқ сув билан иситиш. Иссиқ сув ёрдамида одатда 100 0 С гача иситиш мумкин. 100 0 С дан ортиқ температурада иситиш учун юқори босимли иссиқ сув ишлатилади. Айрим шароитларда иситиш учун сув буғининг конденсатидан фойдаланилади. Иссиқ сув тутун газлари билан

иситиладиган сув иситувчи қозонларда ва буғ ёрдамида ишлайдиган иситкичлар (бойлерлар) да олинади. Иссиқ сув билан иситиш бир қатор камчиликларга эга. Иссиқ сув орқали иссиқлик бериш коэффициенти конденсацияланаётган буғ орқали иссиқлик бериш коэффициентига нисбатан анча кам. Иссиқлик алмашиниш юзаси бўйлаб иссиқ сувнинг температураси ўзгариб боради, бу ҳол эса бир текис иситишни ташкил қилиш ва иситиш процессини бошқаришни қийинлаштиради. Юқори температурали моддалар билан иситиш. Кимё саноатида кўпинча иситиш процесслари юқори температурали иссиқлик ташувчи агентлар ёрдамида олиб борилади. Юқори температурали иссиқлик ташувчи моддалар (ўта қиздирилган сув, минерал ёҲлар, юқори температурада қайновчи органик суюқликлар ва уларнинг буғлари, суюлтирилган тузлар, симоб ва суюқ металлар) иссиқликни тутунли газлар ёки электр токидан олади ва бошқа материалларга беради. Шу сабабли бундай моддалар оралиқ иссиқлик ташувчи агентлар деб юритилади. ґта қиздирилган сув билан иситиш. Бундай сув иситувчи агент сифатида критик босимларда (22,1 МН/м 2 ) ишлатилади. Бундай критик босимга 347 0 С температура тўғри келади. Шу сабабли ўта қиздирилган сув ёрдамида материалларни тахминан 350 0 С гача иситиш мумкин. Бундай сув ёрдамида иситиш юқори босимларни ишлатиш билан боғлиқ бўлганлиги сабабли иситиш қурилмаси мураккаблашади ва у қиммат туради. ґта қиздирилган сув ёки бошқа суюқ ҳолдаги иссиқлик ташувчи агентлар ёрдамида иситиш табиий ёки мажбурий циркуляция билан ишлайдиган қурилмаларда олиб борилади. Табиий циркуляция билан ишлайдиган қурилма ( -расм, а) тутун газлари билан исийдиган змеевик, иссиқлик сарфлайдиган аппарат ва суюқликни кўтариш ва туширишга мўлжалланган трубалардан ташкил

топган. Змеевик ўтхонада ёқилҲининг ёнишидан ҳосил бўлган газлар ёрдамида қиздирилади. Змеевикнинг ичида қиздирилган суюқлик кўтариш трубаси орқали иссиқлик сарфлайдиган аппаратга тушади ва ўз иссиқлигини иситилиши лозим бўлган суюқликка беради. Натижада иссиқлик ташувчи суюқлик совийди. Температураси пасайган суюқлик тушириш трубаси орқали ўтхонада жойлашган змеевикка қайтади. Шундай қилиб, берк системада совуқ ва иссиқ суюқликлар зичликларининг фарқи таъсирида табиий циркуляция юз беради. Трубалар коррозиясини камайтириш ва конденсацияланмайдиган газларнинг ажралишини йўқотиш учун иситиш системаси дистилланган сув билан тўлдирилиши зарур. Табиий циркуляцияли қурилмаларнинг яхши ишлаши учун иссиқлик сарфловчи аппарат ўтхонага нисбатан энг камида 4...5 м баландликда жойлашган бўлиши керак. Натижада иситиш қурилмасининг умумий баландлиги анча катта қийматга эга бўлади. Аммо бу шароитда ҳам суюқликнинг тезлиги анча кичикдир, шу сабабли табиий циркуляцияли иситиш қурилмаларининг иш унумдорлиги юқори эмас. Мажбурий циркуляцияли қурилмада ( -расм, б) ўтхона ва иссиқлик сарфловчи аппарат ўртасидаги суюқлик насос ёрдамида ҳаракатга келтирилади. Мажбурий циркуляция ёрдамида суюқликнинг тезлиги 2...2,5

м/с ва ундан каттароқ бўлиши мумкин, натижада иссиқлик алмашиниш процессининг самарадорлиги ҳам кўпаяди. Бундай схемада иссиқлик сарфловчи аппаратни ўтхонадан юқорига кўтариш керак эмас. Бу қурилмада битта ўтхона бир неча аппартни иссиқлик билан таъминлаши мумкин. Бироқ циркуляция учун насоснинг ишлатилиши қурилмани ва уни ишлатишни қимматлаштиради. Минерал мойлар билан исистиш. Минерал мойлар ёрдамида иситиш ўта қиздирилган сув билан иситишга нисбатан оддий ва арзондир. Бундан ташқари, системада юқори босим ишлатиш шарт эмас. Минерал мойлар ёрдамида материалларни энг кўпи билан 250...300 0 С температурагача иситиш мумкин. Минерал мойлар энг арзон органик суюқликдир. Аммо улар бир қатор камчиликларга эга: иссиқлик бериш коэффициенти кичик иссиқлик алмашиниш юзасида ифлосланишлар пайдо бўлади, юқори температураларда мойлар оксидланиши мумкин. Иситиш аппарати етарли даражада яхши ишлаши учун мой ва иситилаётган маҳсулот температураси орасидаги фарқ ками билан 15...20 0 С бўлиши шарт. Шу сабабли ҳозирги кунда минерал мойлар билан иситиш жуда кам ишлатилади. Юқори температурали органик суюқликлар билан иситиш. Юқори температурали органик иссиқлик ташувчи агентлар қаторига органик моддалар (глицерин, этиленглюкол, нафталин), ароматик углеводородларнинг айрим ҳосилалари (дифенил, дифенил эфир, дифенилметан, диталилметан ва бошқалар), дифенил ва полифенолларнинг хлорлаш маҳсулотлари ҳамда кўп компонентли органик моддалар (масалан, дифенил ва дифенил эфирнинг аралашмаси) киради. Кимё саноатида 26,5% дифенил ва 73,5% дифенил эфирдан ташкил топган дифенил аралашмаси кенг ишлатилади. Бу аралашманинг қайнаш температураси 258 0 С. Суюқ холдаги бу аралашма билан (Р=0.1 Мпа) маҳсулотларни тахминан 250 0 С гача иситиш мумкин.

Дифенил аралашмасининг асосий афзаллиги шундаки, бу иссиқлик ташувчи агент ёрдамида кичик босим билан юқори температура олиш имкони бор. Ифенил аралашмаси бошқа органик иссиқлик ташувчи агентлар каби айрим камчиликларга эга: аралашманинг буғ ҳосил қилиш иссиқлиги кичик; аралашманинг ёниб кетиш хусусияти бор. Буғ ҳолидаги дифенил аралашмаси ёрдамида 380 0 С гача қиздириш мумкин. Бундан ҳам юқори температураларда дифенил аралашмасида парчаланиш процесси юз беради. - расмда суюқ ҳолдаги дифенил аралашмаси билан ишлайдиган мажбурий циркуляцияли истиш қурилмасининг схемаси кўрсатилган. Аралашма электр токи билан ишлайдиган қозонда қиздирилади ва сўнгра иссиқлик сарфлайдиган аппаратга юборилади. Схемада циркуляция марказдан қочма насос орқали амалга оширилади. Аралашманинг ҳажми қиздириш пайтида кеенгаяди, шу сабабдан иссиқлик сарфлайдиган аппартадан сўнг махсус идиш жойлаштирилган. Аралашма ўз иссиқлигини бериб, температураси пасайгандан сўнг насос ёрдамида қайтадан қиздириш қозонига юборилади. Системага боришдан олдин аралашма қабул қилувчи идишга сув буғи ёрдамида қиздирилади. Аралашма қабул қилувчи идишга фильтр орқали ўтади. Иш давомида аралашманинг жуда оз қисмигина йўқотилиши мумкин. Бунда системага қабул қилувчи идишдан керакли миқдорда аралашма ўтказилади. Дифенил аралашмасининг ҳаво билан контактлашган пайтидаги оксидланишини йўқотиш мақсадида ҳамма идишлардаги суюқликнинг устки юзасига инерт газ (азот) юборилади. Қозонннинг электр иситгичлари камерасига ҳам азот берилади, бу билан портлаш хавфининг олди олинади, натижада иш пайтидаги хавфсизлик таъминланади.

Суюлтирилган тузлар билан иситиш. Кимёвий технологияда ўта юқори температурагача иситиш учун анорганик суюқ холдаги иссиқлик ташувчи агентлар (суюлтирилган тузлар ва суюқ металлар) ишлатилади. Амалда натрий нитрат аралашмасидан кенг фойдаланилади. Бу аралашма 40% (масса бўйича) натрий нитрит, 7% натрий нитрат ва 53 % калий нитратдан ташкил топган бўлиб, атмосфера босимида 500 ...540 0 Ст температурагача қиздириш учун ишлатилади. Уч компонентли бу аралашма билан иситишда мажбурий циркуляция ишлатилади. Циркуляция учун махсус пропеллерли ёки марказдан қочма насослардан фойдаланилади. Натрий нитрат аралашмаси билан маҳсулотларни 450 0 С гача қиздирилганда углеродли пўлатдан тайёрланган аппаратлар коррозияга учрамайди. Бундан юқори температурагача иситиш учун аппарат ва трубалар хромли ва хромникелли пўлатлардан тайёрланган бўлиши керак. Натрий нитрат аралашмаси кучли оксидловчи ҳисобланади. Щу сабабли юқори температурада бу аралашма органик моддалар ҳамда қора ва айрим рангли металлар (алюминий, магний) нинг қипиқлари ва кукунлари билан контактда бўлмаслиги зарур.

Симоб ва суюқ металлар билан иситиш. 400...800 0 С температурагача қиздириш учун симоб ҳамда натрий, калий, қўрҲошин каби осон суюқланадиган металлар ва уларнинг қотишмалари ишлатилади. Бу иссиқлик ташувчи гентлар бир қатор афзалликларга эга: зичлиги катта, юқори температуралар таъсирига чидамли, иссиқлик ўтказувчанлиги яхши, иссиқлик бериш коэффициенти катта. Суюқ металлар ва уларнинг қотишмалари учун Прандтл критерийси жуда кичик қийматга эга ( Pr >0,07). Шу сабабли суюқ металлар орқали иссиқлик бериш коэффициентини ҳисоблаш учун махсус тенгламалардан фойдаланилади. Кўпчилик суюқ металлар ёниш ва портлаш хусусиятларига эга эмас ҳамда кам углеродли кам лигерланган пўлатларга салбий таъсир кўрсатмайди. Булар ичида фақат калий ва натрий кучли химиявий активликка эга бўлиб, тезлик билан портлаб ёниши мумкин ҳамда зангламайдиган пўлат ишлатишни талаб қилади. Симоб буғ ҳолида ишлатиладиган ягона иссиқлик ташувчи металлдир. Симоб буғлари жуда кичик босимга эга (масалан, 400 0 С учун 0,2 МПа ) тўғри келади. Саноатда симоб буғлари ёрамида табиий циркуляцияли ва юқори фойдали иш коэффициентига эга бўлган қурилмалар ишлатиладию Аммо симобнинг буғи жуда заҳарлидир. Шу сабабли бундай қурилмалардан исман фойдаланилади. Осон суюқланадиган металлар (симоб, натрий, калий ва унинг қотишмаларидан ташқари) асосан иситувчи аппаратларда оралиқ иссиқлик ташувчи агентлар сифатида ишлатилади. Айрим вақтларда эса улардан табииий ва мажбурий циркуляцияли иситиш қурилмаларидан ҳам фойдаланилади.

O'xshashlar

Иссиқлик алмашиниш жараёнлари

Иссиқлик жараёнлари. буғлатиш ва қуритиш

Микробиологик жараёнларда иссиқлик алмашинуви. Иссиқлик алмашинуви жихозлари

Иссиқлик алмашиниш асослари

Хужайранинг хаётий жараёнлари