Инъекцион эритувчилар тавсифи ва таснифи. Сувни сифатини баҳолаш - Tibbiyot - Referatlar

Инъекцион эритувчилар тавсифи ва таснифи. Сувни сифатини баҳолаш

Yuklangan vaqt:

20.09.2019

Ko'chirishlar soni:

0

Hajmi:

72 KB

Ko'chirib olish

И нъекцион эритувчилар тавсифи ва таснифи. С увни сифатини баҳолаш Режа: 1. Инъекцион эритувчиларга қўйиладиган умумий талаблар. 2. Сувни тузсизлантиришдан кузатиладиган мақсад. 2.1. Ионалмаштиргич колонкаларда тузсизлантириш. 2.2. Электродиализ усулида тузсизлантириш. 3. Инъекцион сувга қўйиладиган талаблар. 4. Инъекцион сувни иссиқ усулда олиш. 4.1. Уч босқичли колонкали дистилляторлар. 4.2. "Миллипор" қурилмаси. 5 . Инъекцион мойлари, уларга қўйиладиган талаблар. 6. Таснифи ва тавсифи. 7. ХI ДФ ишлатишга рухсат этган мойлар тавсифи. 8. Инъекцион мойларга қўйиладиган талаблар. 9. Ёрдамчи эритувчиларни ишлатишдан мақсад. 10 . Ёрдамчи эритувчилар таснифи ва тавсифи.

ХI Давлат Фармакопеясига биноан, эритувчи сифатида инъекция учун ишлатиладиган сув, ўсимлик мойлари ва этилолеат ишлатилади. Ёмон эрийдиган моддаларнинг эрувчанлигини яхшилаш ва турғунлигини ошириш мақсадида ёрдамчи эритувчилар сифатида спирт, глицерин, пропиленгликол, ПЭО-4000, бензилбензоат, бензил спирти ва бошқалар ишлатилади. Эритувчиларга қуйидаги умумий талаблар қўйилади: тиниқ, тоза, барқарор, апироген ва заҳарсиз бўлиши керак. Булардан ташқари ўзига хос талаблар ҳам қўйилади, заҳарли бўлмаслиги, аллергия чақирмаслиги, тўқималарни қитиқламаслиги, биологик фаол бўлмаслиги, рН биосуюқлик рН га яқин бўлиши лозим. Инъекция учун ишлатиладиган дориларда эритувчининг таъсир этувчи модда миқдоридан бир неча марта ортиқлиги унинг заҳарлилик кўрсаткичи дори модданинг заҳарлилигидан бир неча марта кам бўлишини тақозо этади. Физик хусусиятлари. Эритувчининг қўзғалувчанлиги катта аҳамиятга эга бўлиб, у ҳарорат таъсирида ўзгармаслиги керак. Музлаш ҳарорати 5 0 С дан юқори бўлмаслиги керак. Тиниқлиги. Эритманинг тиниқлиги дори турининг сифатини белгилашда катта аҳамиятга эга. Қайнаш ҳарорати. Эритувчининг қайнаш ҳарорати 100 0 С дан юқори бўлгани маъқул. Бу эритмаларни стериллашда катта аҳамиятга эга. Осмотик босими. Дори тўқима мембранасидан ўтиши учун эритувчи етарли даражада осмотик босим ҳосил қила оладиган даражада бўлиши керак. Қовушқоқлиги. Қовушқоқлик дори модданинг эриши, эритмани сузиш, ампулаларга қуйиш жараёнларини секинлаштиради. Лекин организмга дорининг сўрилишини секинлаштирганлиги сабабли дориларнинг таъсирини узайтиради. Эрувчанлиги. Бу хусусияти бўйича эритувчилар гидрофил ва гидрофобга бўлинади. Кўп ҳолларда эритувчиларнинг аралашмасидан фойдаланилади. Гидрофил эритувчиларга бутиленгликол, глицерин,

гликофурол, глицероформал, диметилацетамид, солькетал, метилацетамид, пропиленгликол, полиэтиленгликол, изопропил спирти, сульфоланлар; гидрофобларга эса бензилбензоат, изопропилмиристат, ўсимлик мойлари, бензил спирти, этилолеат ва бошқалар киради. ИНЪЕКЦИЯ УЧУН ИШЛАТИЛАДИГАН СУВ ВА УНИНГ ОЛИНИШИ (Aqua pro injctionibus) Корхонада ҳар хил техник мақсадлар учун буғ ишлаб чиқариш қозонларининг ва дистилляторларининг узоқ муддат ишлашини таъминлаш учун сув олдиндан минералсизлантирилган бўлиши керак. Чунки шаҳар тармоқларидан келаётган водопровод сувининг ҳар литрида 10-15 мг гача тузлар эриган бўлади. Минералсизлантириш ион алмаштиргич смолалар (ионитлар) ва электродиализ ёрдамида амалга оширилади. Ион алмаштиргич смолалар катионитлар ва анионитларга бўлинади. Катионитлар ишқорий ва ишқорий-ер металлар билан ўрин алмаштира оладиган ҳаракатчан водород ионли карбоксил ёки сульфон гуруҳини сақлайди. Анионитлар кўпинча аминларни формальдегид билан ҳосил қилган полимерлари бўлиб, гидроксил ионлари анионлар билан ўрин алмашади. Анионитлар кучли ва кучсиз бўлиши мумкин. Ишлаб чиқаришдакўпинча арзон бўлгалиги сабабли кучсиз анионитлар ишлатилади. Махсус колонкалар катионит ва анионитлар билан тўлдирилади. Фильтрланган водопровод суви аввал катионитдан, сўнг анионитли колонкалар орқали ўтказилади. Битта колонкада катионит ва анионитлар бўлиши мумкин. Демак, сув катионитли колонка орқали ўтган сўнг юмшайди ва мухит кислотали бўлади. Сув рН нинг ошиши ва сувда катионларнинг пайдо бўлиши колонканинг тўйинганлигидан далолат беради ва уни хлорид

кислотаси ва сув билан ювиб регенерация қилиш лозим. Бу сув анионитли колонкадан ўтгандан сўнг, мухит нейтрал бўлади. Сув рН ининг пасайиши ва анионларнинг сувга ўта бошлаши анионитлардаги ОН гуруҳининг камайганини кўрсатади. Колонкани қайта тиклашсув ва ишкор ёрдамида амалга оширилади. лекин сувни ион алмаштиргич смолалар ёрдамида минералсизлантирилганнда ионитлар СО 2 , SO 2 ларни ушлай олмайди. Уларни йукотиш учун дегазация усулидан фойдаланилади. Сув махсус колонкага урнатилган вининпласт панжарасига пуркалади ва унинг пастки кисмидан фильтрланган хаво юборилади. Бунда СО 2 ва SO 2 .газларининг эриши ёмонлашади ва колонкадан чикиб кетади. Ионитли колонкаларнинг куввати соатига 100 л ни ташкил килади. Электродиализ усулида сувни минералсизлантириш махсус курилмада амалга оширилади. Асбоб икки томонига электродлар урнатилган обзандан иборат булади. Сув обзанга юборилади ва электродлар узгармас электр токига уланади.Бунда катионлар анод электродига, анионлар катод электродига томон харакатланади ва чап ҳам ўнгдаги бўлинмаларга йиғилади. Бу усулда соатида 200-750 л сув минералсизлантирилади. Давлат фармакопеясининг талабига биноан инъекция учун ишлатиладиган сув тозаланган сувга (вода очищенная) қўйиладиган ҳамма талабларга жавоб бериши, таркибида пироген моддалар бўлмаслиги, сақланиш муддати 24 соатдан ошиаслиги керак. Хусусий моддалар талабига биноан, эритма карбонат ангидридсиз сувда тайёрланиши лозим бўлса, сув 30 дақиқа қайнатиб тозаланади. инъекция учун ишлатиладиган сув апироген, яъни пироген моддалар сақламаслиги керак. Пироген моддалар ўлик микроорганизмлар танаси ва уларнинг захарлари бўлиб, липополифосфат полисахаридлар синфига киради ва улар сув буғи билан хайдалмайди. Сувни хайдаш жараёнида улар томчилар билан бирга сувга ўтиб қолиши мумкин. П ироген модда сақлаган сувда тайёрланган инъекцион эритма тана хароратини ошириди. Чунки улар организм учун бегона модда хисобланади.

Сувнинг апирогенлиги биологик усулда текширилади (XI ДФ 1-том. 183-бет М. 1990 й.). Корхона шароитида инъекция учун ишлатиладиган сув иссиқ ва совуқ усулларда олиниши мумкин. Иссиқ усулда олиш 3 босқичда ва термокомпрессион асбобларда амалга оширилади. Совуқ усулда эса “Миллипор” фирмаси ишлаб чиққан қурилма ёрдамида олинади. ЎСИМЛИК МОЙЛАРИ (Olea pinguia) Мойлар глицеринни ҳар хил юқори молекулали ёғ кислоталари билан ҳосил қилган мураккаб эфирларидир. Инъекция учун ишлатиладиган мойлар янги йиғилган мағизлар ва мевалардан совуқ усулда сиқиб олинади. Улар тиниқ, осон қўзғалувчан, сақланиш вақтида чўкма ҳосил қилмайдиган, стеарин фракциясидан ва сув юқидан тозаланган, кислота сони 2,5 дан ортиқ бўлмаслиги керак. Бизда инъекцион эритмалар тайёрлаш учун бодом, ўрик ва зайтун мойлари рухсат этилган. Халқаро фармакопея талабига биноан инъекция учун ишлатиладиган мойларни кислота сони 0,4-0,2 дан, йод сони 79-128 дан, совунланиш сони 185-200 дан ошмаслиги керак. Улар таркибида минерал ёғлар сақламаслиги, уй шароитида қотадиган бўлмаслиги ва таркиби барқарор бўлиши керак. Хорижий мамлакатларда оксидланиш жараёнини секинлаштирадиган сезамин ва сезамолин ферментлари сақлаган кунжут мойи нисбатан кўп ишлатилади. Кўпчилик дори моддаларнинг мойда ёмон эриши, мойли эритма инъекциясининг оғриқ бериши, мойларни осон оксидланиши уларни кенг миқёсда ишлатишга имкон беради. Дори моддаларнинг мойда эрувчанлигини яхшилаш мақсадида бензил-бензоат, полиэтиленгликол, бензил спирти, изопропил миристат каби ёрдамчи эритувчилар қўшилади. Саноатда шафтоли (ўрик), бодом, зайтун ва соя мойлари дезоксикортикостерон ацетат, диэтилстилбэстрол пропионат, кризанол, йодолипол, камфора, синэстрол,

прогестерон, тестостерон, ретинол ацетат, токоферол ацетат, фолликулин, хлорофиллит, эстрадион бензоат каби дори турлари ишлаб чи қ арилади. Э Т И Л О Л Е А Т Бу этил спиртни олеин кислотаси билан ҳосил қилган мураккаб эфир бўлиб, оч сариқ, мойсимон нейтрал муҳитли суюқлик, ҳавода оксидланмайди, термик стерилизацияга яхши чидайди, сув билан аралашмайди, спирт ва мойлар билан яхши аралашади. Мойларга нисбатан С 2 H 5 )O(- С H 2 -) 7С HС H(- С H 2 -) 7( С H 3 OС

қовушқоқлиги кам, тўқималарга осон сўрилади ва дорилар таъсирини узайтиради (тестостерон пропионат). Этилолеат биринчи марта ХI ДФ га эритувчи сифатида киритилган бўлиб, дезоксикортикостерон ацетат, прогестерон, тестостерон пропионат, камфора каби эритмаларни тайёрлашда ишлатилади. Асосий эритувчиларга қўшиб ишлатиладиган ёрдамчи эритувчилар хозирги вақтда кенг кўламда ишлатилмоқда. Улар ёмон эрийдиган моддаларни эрувчанлигини яхўилайди, эритмани гидролитик парчаланишидан сақлайди, дорини турғунлигини оширади, улар спиртлар, эфирлар ва амидларга бўлинади. Спиртлар. Бир атомли ва кўп атомли бўлиб, сув билан яхши аралашади, сувда ёмон эрийдиган моддаларнинг эрувчанлигини оширади. Лекин буларни ишлатишда оксидловчилар иштрокида заҳарли альдегид, кислота ва эфирлар ҳосил бўлишини ҳисобга олиш керак. Этил спирти. (С 2 Н 5 ОН) Этил спирти дигитоксин, дигоксин, целанид, строфантин, конваллотоксин, эризимин, олиторизид каби сувда эримайдиган моддаларни эритиш мақсадида 2-50% гача эритмага қўшилади, сўнг сув билан керакли хажмгача суюлтирилади. Пропиленгликоль. (СН 3 -СНОН-СН 2 ОН) Бу икки атомли спирт бўлиб, тиниқ, рангсиз суюқлик, хона ҳароратида барқарор, лекин 140 0 С дан юқори хароратда пропион альдегиди, сут, узум ва сирка кислоталаригача оксидланиши мумкин. Шунинг учун уни 140 0 С да 3 соатдан ортиқ стериллаш мумкин эмас. Пропиленгликоль нисбатан кам заҳарли бўлиб организмдан тез чиқиб кетади. У ёрдамчи эритувчи ва турғунлаштирувчи сифатида сув ва этил спиртли эритмаларга 40-70% қўшилиши мумкин. Масалан, пропиленгликол бошқа спиртлар билан биргаликда антибиотиклар, сульфаниламидлар, барбитуратлар, алкалоид асосларини, А ва Д витаминларнинг эришини таъминлайди ва турғун эритма ҳосил қилади. Масалан, эритромициннинг

сувли эритмасига 40%, лантозидга 40% пропиленгликол қўшилади. Хинидин гидрохлорид эритмаси эса 100% пропиленгликолда тайёрланади. 50% гача пропиленгликол сақлаган эритмалар венага, ундан ортиқ сақлаганлари мушакка юборилиши мумкин. Глицерин. (СН 2 ОН-СНОН-СН 2 ОН) . Бу уч атомли спирт. У гигроскопик хоссага эга бўлиб, ҳаводан 40% гача сувни шимиб олиши мумкин. Тиббиётда ишлатиладиган глицерин 13% сув сақлайди. 150 50 0 С да бир соат стерилланади. Глицерин сувли ва спиртли эритмаларга қўшимча эритувчи сифатида 30% гача қўшилади. Хорижий давлатларда у левомицетин, гидрокортизон, глюкоза, фенобарбитал, морфинларни инъекцион эритмаси таркибига киради. Бизда целанид, мезатон, випрокаинларни эришини яхшилаш мақсадида қўшилади. Глицерин дориларни организмда тез сўрилишга ёрдам беради. Полиэтиленоксид. Н(-ОСН 2 -СН 2 -СН 2 -) n -ОН, (n=2,85). ПЭО-200, 300, 400, 600 лар рангсиз, мойсимон қовушқоқ суюқлик бўлиб, спирт ва сувда яхши эрийди, физиологик индифферент, гидролизга учрамайди. Инъекцион эритмаларга барқарор ҳисобланган ПЭО-400 қўшилади. ПЭО-400 сувда ёмон эрийдиган ва гидролизланишга мойиллиги бўлган сульфаниламидлар, барбитуратлар, антибиотиклар, натрийаскорбинатларни эрувчанлигини яхшилаш ва турғунлигини ошириш мақсадида асосий эритувчига 70% гача қўшилади. Масалан, дигоксин, левомицетин, пенициллин, серколизин каби дориларнинг эритмаларини тайёрлашда ишлатилади. Лекин ПЭО-400 айрим дори моддалар билан комплекс бирикма ҳосил қилади ва стериллаш вақтида улар биологик фаоллигини тўла йўқотиши мумкин. Уларга таркибида фенол гуруҳини сақлаган бирикмалар киради. ПЭО-400 таркибида паст молекулали фракцияларни сақламаслиги керак, чунки улар оксидланиб заҳарли бирикмалар ҳосил қилади. М У Р А К К А Б Э Ф И Р Л А Р

Эфирларни қовушқоқлиги мойларга нисбатан кам бўлганлиги ва дориларни эритиш хоссаси юқори бўлганлигидан инъекцион эритмалар тайёрлашда кўп ишлатилади. Лекин уларнинг кислотали ва ишқорий муҳитда гидролизланиб тегишли кислота ва спиртларга парчаланишини ҳисобга олиш керак. Ҳарорат қўтарилиши билан бу жараён янада тезлашади. Дори моддаларнинг мойда эришини яхшилаш мақсадида кўпинча бензил- бензоат ва изопропил миристатлар иўлатилади. Бензил-бензоат. (С 6 Н 5 -С-СН 2 -С 6 Н 5 ) О Рангсиз, мойсимон суюқлик, сувда эримайди, спирт ва мой билан яхши аралашади, кам заҳарли, лекин ўзи фармакологик таъсирга эга. У юрак ва нафас олиш органларига депрессион таъсир кўрсатади. Прогестерон, гидрооксипрогестерон, димеркаптон мойли эритмаларини тайёрлашда 20- 46% гача қўшилади. Изопропилмиристат. Кимёвий турғун модда бўлиб, кам заҳарли, сувда эримайди, мой билан яхши аралашади. Тўқималарни қитиқламайди. Фенол, кокаин, резорцин ҳамда эстроген препаратларнинг мойли эримталарини тайёрлашда ишлатилади. Сульфоксид ва сульфонлар. Бу гуруҳга кирувчи эритувчилардан диметилсульфоксид ва сульфоланларни айтиб ўтиш мумкин. Диметилсульфоксид. 20 0 С ҳароратда 70% гача сув тортиш қобилиятига эга бўлиб, кам заҳарли ҳисобланади. Итларга вена орқали юборилганда қисқа вақт қон босимнинг пасайиши, қуёнларда юрак қон томирининг нотекис уриши кузатилган. Сульфолан.

Иссиққа чидамли, кам заҳарли ва кўп моддаларни эритиш хусусиятига эга бўлганлиги учун инъекция эритмаларини тайёрлашда кўп ишлатилади. МОЙЛИ ЭРИТМАЛАР ТАЙЁРЛАШНИНГ ЎЗИГА ХОС ТОМОНЛАРИ Мойларнинг қовушқоқлиги юқори бўлганлигидан дори моддаларнинг эриши қийин бўлади. Шу сабабли дори моддалар олдиндан майдаланган, мой эса маълум ҳароратгача иситилган бўлиши лозим. Ундан ташқари дорилар эришини яхшилаш мақсадида этил олеат, бензил бензоат каби ёрдамчи эритувчилар қўшилади. Мойли муҳитда микроорганизмларнинг вегетатив шакиллари ва споралари сувдагидан кўра узоқроқ муддат сақланиб қолади. Шу сабабли мойли эритмаларни стериллаш юқори ҳароратда ва узоқ давом этиши керак. Шунинг учун мойларни автоклавда 120 0 С да 2 соат стериллаш керак. Мойли эритмалар шиша билан мулоқотда бўлмаганлиги туфайли уларни тайёрлашда турғунлаштирувчилар қўшилмайди. Эритмаларни фақат қуритилган ампулаларга шприц усулида қуйиш лозим (ампула капиллярлари ифлосланмаслиги учун, акс ҳолда кавшарлаш вақтида мой куйиб, эритмани ифлослантиради).

Адабиётлар: 1. ГФ Х.- Москва: Медицина, 1968.- С. 1080. 2. ГФ ХI, вып. 2.- М.: Мед., 1990.- Б.140. 3. Маҳкамов С.М., Усуббоев М.У., Нуритдинова А.И. Тайёр до рилар технологияси. Тошкент,1994.-425 бет. 4. Иванова Л.А. Технология лекарственных форм.- М.: Мед., 1991.- 523 с. 5. Маҳкамов С.М., Усуббаев М.У., Нуритдинова А.И. Тайёр дорилар технологияси (практикум).- Тошкент, 1991.- 263 б.

O'xshashlar

Органопрепаратлар.уларнинг тавсифи ва таснифи.теҳнологик босқичлари,сифатини баҳолаш

Тиббиёт эритмалари. Тавсифи ва таснифи

Настойкалар. Настойкаларнинг тавсифи ва таснифи

Настойкалар ва суюқ экстрактлар сифатини баҳолаш

Биоген стимуляторлар тавсифи ва таснифи, технологияси