Инъекцион эритмалар тайёрлаш технологияси. Инъекцион эритмаларни турғунлаштиришни назарий ва амалий асослари - Tibbiyot - Referatlar

Инъекцион эритмалар тайёрлаш технологияси. Инъекцион эритмаларни турғунлаштиришни назарий ва амалий асослари

Yuklangan vaqt:

20.09.2019

Ko'chirishlar soni:

0

Hajmi:

89.5 KB

Ko'chirib olish

И нъекцион эритмалар тайёрлаш технологияси. И нъекцион эритмаларни турғунлаштириш ни назарий ва амалий асослари Режа. 1. Инъекцион эритмани тайёрлаш босқичлари. 2. Эритмаларни турғунлаштиришдан мақсад: а) турғунлаштирувчи қўшилмайдиган препаратлар. б) кислота қўшиб тайёрланадиган эритмалар. в) ишқор қўшиб тайёрланадиган препаратлар. г) буфер қўшиб тайёрланадиган эритмалар. 3. Осон оксидланадиган препаратлардан эритма тайёрлаш усуллари. 4. Эритмани ампулага қўшиш усуллари. 5. Ампулани капиллярини кавшарлаш. 6. Эритмани баҳолаш, ёрлиқлаш, қадоқлаш.

Инъекцион эритмаларни (ИЭ) тайёрлаш ва ампулаларга қўйиш қуйидаги босқичлардан иборат: эритмани тайёрлаш, турғунлаштириш, ёт моддалардан тозалаш, ампулаларга тўлдириш, кавшарлаш, стериллаш, тозалигини текшириш, ёрлиқлаш, қадоқлаш. ИЭ лар оғирлик ҳажм нисбатида икки қават деворли, аралаштиргичли реакторларда тайёрланади. Кўпинча ИЭ ларни турғунлаштиришга тўғри келади, чунки кўпчилик препаратлар сувда гидролизга учраб ўзининг биофаоллигини йўқотади. 1. Агар доривор препарат кучли кислота ва кучли асосдан ташкил топган бўлса, турғунлаштирилмайди, чунки улар ион ҳолда бўлиб, гидролизланмайди ва эритмадаги [H + ] ўзгармайди (NaCl, CaCl 2 , MgSO 4 , кальций глюконати ва ҳ. лар). 2. Агар препарат кучли кислота ва кучсиз асосдан ташкил топган бўлса, гидролизга учрайди ва эритмада [H + ] кўпаяди. Гидролизни орқага қайтариш учун массалар таъсири қонунига биноан бир номли ионлар концентрациясини кўпайтириш керак, яъни 0,1 н НСl эритмаси қўшилади. Агар ампулалар шишасидан ишқор ажралиб чиқса бу реакцияни ўнгга силжиши янада кучаяди. (стрихнин нитрат, атропин сульфат, морфин * HCl, новокаин * HCl ва ҳ.). Қўшиладиган кислота миқдори тажриба йўли билан топилади, яъни шундай миқдорда миқдорда қўшиладики, унда гидролиз деярли кетмаслиги керак. 3. Агар препарат кучсиз кислота ва кучли асосдан иборат бўлса, улар ҳам гидролизга учраб, эритмада кўпаяди, гидролиз кетишини тўхтатиш учун 0,1 н NaOH ёки NaHCO 3 эритмаси қўшилади. Ампуладаги эритма ишқорий муҳитга эга бўлиши, хавфли, чунки шишани нордон қисми эрийди ва эритмага SO 4 ўтиб, уни ифлослантиради. Масалан: кофеин бензоат натрий, натрий тиосульфат, никотинамид ва ҳ. лар. 4. Баъзан эритмада турғун ушлаб туриш учун буфер эритмалар ҳам қўшилади (цитрат натрий).

М: Диколинни 1% ли эритмаси 2,5 г/л натрий цитрат қўшилади. Инъекцион эритмаларни баъзан осон оксидланувчан препарарталардан тайёрлашга ҳам тўғри келади. Бунда вазифа препаратларни оксидланишдан сақлаган ҳолда ампулаларда чиқариш. Бундай препаратлар асосан ҳаво кислороди таъсирида оксидланиб, эритмани ранги ўзгаради, ёки чўкма тушиб, дорини таъсири йўқолади ва заҳарли моддалар ҳосил бўлади. Препарат молекуласида қўзғалувчан водород атоми бўлса ва улар ҳарорат, ёруғлик таъсирида молекуладан узулиб чиқса, молекулада озод радикал ҳосил бўлиб қолади ва бу ҳаво О 2 билан оксидланади. Оксидланиш тезлиги эритмани рН, кислород миқдорига, ҳароратга, ёруғликка ёки катализаторлар борлигига боғлиқдир. Эритмага турғунлаштирувчи қўшиб, шундай рН ҳосил қилингки, унда оксидланиш секинлашади ёки тўхтайди. Салқин жойда сақлаш ва рангли ампула ишлатиш билан ҳам оксидланишни секинлаштириш мумкин. Кислородни физикавий ёки кимёвий усуллар билан йўқотиб, препаратни оксидланишдан сақлаш мумкин. Физикавий усулда эса эритма кислородсиз муҳитда тайёрланади ва бу эса эритувчини қайнатиш ёки инерт газ билан ишлов бериш 2 атм. босимда газ оқими юборилади, бунда кислород эриши ёмонлашиб, сув инерт газ билан тўйинган бўлади ёки эритмани тайёрлаш, фильтратлаш ампулани тўлдириш, кавшарлаш ҳам инерт газ оқимида олиб борилади (вакуум тўлдиргич ёки Кутателадзе асбобларида ампула тўлдирганда). Кислородсиз муҳитда ампуладаги эритмаларни ишлаб чиқаришни энг мақбул усули ХНИХФИ усулидир. Бунда ампула эритма билан тўлдириб корпуси қиздирилади токи 1 томчиси эритмани буғда айлангунча, натижада ампуладаги ҳаво ўрнини сув буғи эгаллайди ва иссиқ ҳолда кавшарланади. Натижада ампулада 98-99% кислородсиз муҳит ҳосил бўлади.

Кимёвий усул . билан оксидланишдан сақлашда эритмага кучли қайтарувчилар қўшилади, натижада препаратдан олдин улар оксидланиб, дори моддани оксидланишдан сақланади. Катализатор таъсиридан сақлаш. Одатда инъекция учун ишлатиладиган дори препаратларда рухсат этилган миқдорда оғир металл тузлари бўлиши мумкин. Бу оғир металл ионлари препаратни оксидалинишига каталитик таъсир қилади, шунинг учун бу оғир металларни боғлаб қўйиш учун этилендиаминтетрасирка кислотаси (Тринон Б), қўшилади. У 0,001-0,05% миқдорда қўшилади. Сўнгра эритма фильтрланади ва ампулаларга қўйилади. АМПУЛАЛАРНИ ЭРИТМАЛАР БИЛАН ТЎЛДИРИШ. Эритмаларни ампулаларга қўйиш автоматик ёки ярим автоматик усуллар ёрдамида, вакуумда ва пароконденсация усули ёрдамида амалга оширилади. ШПРИЦ усулида ампулаларга эритма қўйиш махсус ярим автомат ёрдамида (Штрунк - Германия, Аутонан - Англия, Понпер - АҚШ) олиб борилади. Бу усулда ампулаларга қуйиладиган эритма миқдори аниқлиги (2%), ҳамда ампула капилляр қисмида эритма қолмаслиги каби афзалликларга эга. Иш унумдорлиги соатига 9000 дона ампула бўлиб, эамон талабига жавоб бермайди. ВАКУУМ УСУЛИ. Бу усулда ампулаларни эритма билан тўлдириш вакуум усулида ювишга мўлжалланган асбобларда олиб борилади. Фарқи ҳосил қилинадиган вакуум чуқурлиги аниқ бўлиши керак, чунки у керакли ҳажмдаги суюқликни ампулага киришини таъминлайди. Ампула капиллярида қолган суюқликни йўқотиш учун ампулалар кассета билан капиллярини юқорига қаратиб бошқа вакуум асбобга жойлаштирилади ва фильтрланган ҳаво юборилади, бунда суюқлик ампулани корпусига ўтади. Бу усул корхона шароитида кенг қўлланилади ва соатига 30-50 минг ампулани эритма билан тўлдириш мумкин.

КАМЧИЛИГИ: . дозировкасидаги аниқлик - 15% ни ташкил қилади, ампула капиллярлари эритма билан ифлосланади ва уни йўқотиш алоҳида вақт талаб этади. Ампулани тўлдириш керак бўладиган эритмадан 3-4 марта кўп эритма қайтадан фильтрлашга юборилади. М.А.Селецкий ва В.А.Ривкиналар таклиф қилган ярим автоматда эритмани дозаларга бўлиш ва вакуум даражаси электрон бошқарувчи ва вакуум контактор ёрдамида амалга оширилади. Натижада ампулани аниқ белгиланган миқдордаги эритма билан тўлади. ПАРОКОНДЕНСАЦИОН УСУЛ. Бу усулда ампулаларни эритма билан тўлдириш мумкинлигини проф. Ф.А.Конев амалда кўрсатди. Бунда ампулани эритма билан тўлдириш қуйидагича амалга оширилади: ампула пароконденсацион усулда тўла ювиб бўлгандан сўнг сув буғи билан тўлган ампулалар капилляри битта ампулага мўлжалланган эритма сақлаган дозаторга туширилади ва корпуси сувитилади. Бунда ампула эритма билан тўлади. Бу усулда ампулани эритма билан тўлдириш шарт-шароитлари аниқланган. Масалан, 1 мл ли ампуладан сувни тўла сиқиб (выдавливание) чиқаргандан сўнг қиздириш зонасида (300 о С) 25 о С гача бу зонадан ташқари (25 о С) эритма билан тўлдиришдан олдин 30 с гача эритма билан тўлдириш вақти 3 с гача. Пароконденсацион усул билан фақат сувли эритмалар тўлдирилади. Соатига 30-50 минг ампула тўлдириш мумкин. Ампулаларни тўлдириш аниқлиги - 1%. Идишларда инъекцион эритмалар миқдори кўрсатилганга нисбатан кўпроқ бўлиши керак, чунки шприц ёрдамида олаётган бир қисм эритма идишни ички деворини ҳўллаш (намлаш) учун сарфланади. Ампулаларга солинадиган эритма меъёри XI ДФ да келтирилган. АМПУЛАЛАР КАПИЛЯРЛАРИНИ КЕСИШ. Бу жараён қўлда ёки автоматлар ёрдамида амалга оширилади. Қўлда кесишда асосан қайроқтошдан фойдаланилади. Қайроқтош махсус ёғоч ёки

металдан ясалган ўриндиққа мустаҳкамланган бўлади. Корхоналарда бу мақсадда П.И. Резепин фойдаланилади. Бунда бункердаги палкалар айланиб турадиган дўмбира чўнтакларга тушади. Дўмбира айланиш давомида пулкалар кесувчи пичоққа тегиб ўтади. Шу вақтда тескари томонга айланадиган тишли резина диск пулкани ўз ўқи атрофида айлантириб, унинг юзида из ҳосил қилади. Сўнгра синдиргич диск ёрдамида ампула капилярлари синдириб олинади. Бу автоматда соатига 12,5 минг пулкани кесиш мумкин. Ҳозирги вақтда шиша заводларда қўшалоқ ампулалар ишлаб чиқарилмоқда. Уларниннг капилярларини ўртасидан кесиш ва кассетага жойлаштириш 3113-00-00ПС автоматида амалга оширилади. ЭСЛАТМА: Бу жадвалдан эритма солишдан олдин ампулалар қуритилганда фойдаланилади, агар ампулалар қуритилмасдан эритма қуйиладиган бўлса, эритма тайёрлаш вақтида унинг концентрацияси кўрсатилган концентрациядан кучлироқ бўлиши керак ва белгиланган ҳажмдаги эритма солинади. КАВШАРЛАШ. Ампулаларни кавшарлашдан олдин, унинг капилляридаги суюқлик йўқотилади. Акс ҳолда ампула юпқалашиб, стерилизацияга бардош бера олмайди. Ампулалар аланга, электр токи ва пластмасса ёрдамида кавшарланади. Корхона шароитида кўпроқ алангада кавшарлаш усулидан фойдаланилади. Алангада кавшарлаш капилляр учини эритиш ва уни ўртасидан эритиб чўзиш орқали амалга оширилиши мумкин. Кичик ҳажмдаги ампулалар асосан Резипин П.И. таклиф қилган автоматда капиллярлар учини эритиш роқали кавшарланади. Бу автомат кавшарланадиган ампула билан тўлган бункер, чўнтаклари бўлган тасма, бир нечта ёнғичлар ва йиғгичдан иборат. Ампулалар биттадан бункердан тасма чўнтагига келиб тушади ва тасма билан ҳаракатланиб ёнғичларга келганда, ҳар бир ампула ўз ўқи атрофида ҳам ҳаракатланади ва кавшарланиб қолади. Кавшарланган ампулалар йиғгичда йиғилади. Кавшарлаш сифати капилляр

диаметрига, унинг узунлигини бир хиллилигига ва шишанинг кимёвий таркибига боғлиқ бўлади. Ҳажм катта бўлган ампулалар капилляларини ўртасидан қиздириб, ингичка "ип" ҳосил бўлгунча чўзилади, сўнг аланга ёрдамида кесиб учи эритиб кавшарланди. Олов таъсирида алангаланадиган ва портлайдиган моддалар электр токи ёрдамида кавшарланади. Бу мақсадда электр токи ёрдамида қиздириладиган горизонтал печлардан фойдаланилади. Кавшарлангани ампуланинг капиллярларини учи печга кириб туради ва ампула тасма (транспортер) ёрдамида ҳаракатланиб, маълум йўлни босгунча учи эриб кавшарланиб қолади. Ампулаларни пластмасса поливинилбутирол ёрдамида кавшарлаш келажаги порлоқ усуллардан ҳисобланади. Одатда кавшарланадиган ампулани капиллярлари пластмасса эритмасига ботирилиб ўз ўқи атрофида айлантирилади ва олиб совутилганда ампула герметик беркилади, лекин бу усулни бир қатор камчиликлари борлигидан ҳозирча ишлаб чиқаришга жорий қилингани йўқ. Осон оксидланадиган препаратлардан тайёрланган ампуладаги эритмаларни кавшарлаш махсус қурилма ёрдамида шиддат билан инерт газ ва буғ юбориб кавшарланади. Бунда кавшарланадиган муҳит ҳаводаги кислород сиқиб чиқарилади ва ўрнини инерт газ оқими эгаллайди. Ампуладаги эритмаларни стериллаш. Кавшарланган ампулаларнинг сифати қуролланмаган кўз билан текширилиб кўрилади ва яроқликлари стерилизацияга узатилади. Дориларни стериллаш физик, кимёвий ва механик усулларда олиб борилади. Физик усул. Ҳароратга чидамли дорилар автоклавда 120 0 С ҳарорат, 1,1 атм. босимда 8-15 дақиқа ёки 110 0 С ҳарорат, 0,5 атм. босимда 30-60 дақиқа, буғ оқимида эса 100 0 С да 15-60 дақиқа, юқори ҳароратга чидасиз моддаларни эса тиндализация усули билан 60-65 0 С ҳароратда бир соатдан 5 марта, ёки 70-80 0 С ҳароратда ҳар куни 1 соатдан 3 кун стерилизация қилинади. Корхоналарда кўпинча стерилизация Крупин камерасида олиб

борилади. Бу камера 2 та хона ўртасида жойлашган бўлиб, ҳар икки томонда эшиклари бўлади. Бир томондан ампулалар жойлаштирилиб, стерилизация тугагач, иккинчи томондан олинади. Аввал камеранинг илонсимон найларига буғ юборилиб иситилади, сўнг буғ камеранинг ўзига юборилади. Камерадаги ҳарорат, босим ва стерилизация вақти автоматик усулда олиб борилади. Стерилизация даврида синган, дарз кетган ёки кавшарланмаган ампулалардаги суюқлик чиқиб кетади ва ампула буғ билан тўлиб қолади. Бундай ампулаларнит ажратиб олишни осонлаштириш мақсадида стерилизация вақти тугагач, камера хона ҳароратидаги рангли сув билан тўлдирилади. Ампулалар совигач босимлар фарқи ҳисобига дарз кетган ёки ёмон кавшарланган ампулаларга суюқлик кириб, уларни рангга бўяйди. Сўнг суюқлик камерадан насос ёрдамида қайтариб идишига ўтказилади. Автоклавни очиб ампулаларни олгач, уларни қайноқ сув билан ювилади ва рангга бўялган ампулалар териб ташланади. Ҳар бир марталик стерилизацияга олинган ампулалар сони стерил серия деб юритилади. Кимёвий усул. Ҳароратга чидамсиз бўлган дорилар кимёвий усулда стерилланади. Бу мақсадда оксибензой кислотанинг метил ва пропил эфирлари 0,03-0,1% гача хлорбутанол, крезол феноллар 0,5% миқдоригача қўшилади. Бу моддалар организм учун бефарқ бўлмаганлиги учун кам миқдорда ишлатилади, лекин кўрсатилган дозада эритмадаги микроорганизмларни ўсишдан тўхтатади. Фильтрлаш орқали стериллаш. Эритмаларни механик усулда стериллаш "Миллипор", "Владипор", "Бактериал шамчалар" орқали сузиш билан амалга оширилади. Газ ёрдамида стериллаш. Бу мақсадда этилен оксиди, метил бромид, карбонат ангидрид, хладон (фреон)лар аралашмаси ишлатилади. Стерилизация газогенератор ёки микроаэростатларда амалга оширилади. Бунда ҳарорат 18-55 5о 0С, нисбий намлик 80%, стерилизация вақти 4-16 соатгача, газлар аралашмасининг дозаси 1200-2000 мг/дм 53 0 ни ташкил

этади ёки норматив техник ҳужжатда кўрсатилган бошқа шароитда стериллаш мумкин. Радиацион усулда стериллаш. Бу усулда стериллаш гамма- қурилмаларда, электронлар тезлашгичида ёки бошқа радиацион манбалар ёрдамида амалга оширилади. Бунда ишлатиладиган доза 15-25 кг (2,5 м/рад) ёки шароитга қараб бошқача дозалар бўлиши мумкин. Ҳар бир буюм ёки дори тури инструкциясида кўрсатган доза ва вақтга мувофиқ стерилланади. Инъекцион эритмаларнинг стериллигини бактериологик лаборатория томонидан назорат қилиб турилади. АМПУЛАЛАРДАГИ ЭРИТМАЛАРНИНГ ТОЗАЛИГИНИ ВА СИФАТИНИ ТЕКШИРИШ Ампуладаги эритмаларнинг тозалигини 100% текширилади. Бу қоронғилаштирилган уйда қора ва оқ фонда 40-60 ваттли рефлектор лампа ёрдамида текширилади. 5-10 та ампула капиллярини пастга қаратиб яхшилаб чайқатилади, лампа нурида қуролланмаган кўз билан кузатилади. Эритмадаги сузиб юрган заррачалар ўзида нур синдириши натижасида кўзга кўригади. Бу усул кўзни тез чарчатади ва ҳар бир ишнинг қобилиятига боғлиқ. Шунинг учун 1,54-4 марта катталаштирадиган линзали солюциоскоп орқали кўриш амалиётга татбиқ этилган. Бунинг ёрдамида 8 мкм гача, қўшимча мосламалар эса 2 мкм гача катталикдаги заррачаларни кўриш имконияти яратилди. "Байер" фирмаси (Германия) томонидан электрон-автоматик қурилмаси яратилди. Бунинг ёрдамида эритмадаги ёт модда сақлаган, тўлмай қолган ва ёмон кавшарланган ампулалар чиқариб ташланади. Автомат бир киши томонидан бошқарилади. Иш унумдориги бир соатда 8,5-9 минг ампула. Иш натижаси диаграмма шаклида ҳисоблаб чиқариб берилади. Бунда умумий текширувдан ўтган, ёт модда сақлаган, тўлмаган ва ёмон кавшарланган ампулалар сони кўрсатилади. Бунга ўхшаш электрон қурилма Болгарияда ҳам ишлаб чиқарилган ва амалиётга татбиқ

этилган. Унинг ишлаш жараёнлари қуйидагича: ампулалар центрифугага ўхшаш мослама дискига 10 донадан жойлаштирилади, диск дақиқасига 4000 марта айлантирилиб, бирдан тўхтатилади. Бунда мапула ичидаги суюқлик ҳали айлантиришда давом этади. Ампула нур билан ёритилади. Таққослаш учун эритма билан ёнма-ён тоза дистилланган сув тўлдирилган ампула жойлаштирилади. Ампулалардан ўтаётган нур электрон қурилмаси ёрдамида таққослаб кўрилади. Агар эритмаларда ён моддалар бўлса, ампуладан ўтаётган нур узлуксиз бўлмай, узилиб-узилиб ўтади ва бу фотоэлемент ёки электрон қурилма орқали ҳисобга олинади. Санкт- Петербургдаги "Прогресс" илмий ишлаб чиқариш бирлашмаси шу принципда ишлайдиган асбоб яратди. Унинг ёрдамида 5 мкм дан ҳам кичик заррачаларни кўриш мумкин. Лекин Давлат Фармакрпеяси рухсат этиладиган заррачаларнинг миқдори ва катта кичиклиги кўрсатилмаган. Амалиётда эса энг кичик қон томирлари (капиллярлар) диаметри 10 мкм гача тенг бўлганидан эритманинг таркибида шундан катта заррачалар бўлмаслиги текширилади. Буни қуроланмаган кўз билан кўриш мумкин. Ҳозирги замон талаби заррачалар катталиги 2-5 мкм дан ошмаслигини таққозо этади. Инъекция эритмалардаги ёт моддаларнинг миқдори ва катта- кичиклиги Австрия соғлиқни сақлаш вазирлигининг 1966 йилда чиқарган биринчи расмий давлат стандартида келтирилган. Шу стандартга биноан 1 мл эритмада 250 дан ортиқ 3,5 мкм катталикдаги заррача бўлмаслиги керак. Кейинчалик шундай таклифлар АҚШ, Англия, Япония, фармакопеяларига киритилди. 1982 йилдаги Япония фармакопеялари талабига биноан бегона заррачаларни аниқлаш микроскоп ёрдамида амалга оширилади. Бунда мембранали фильтрдан ўтказилган 1 мл эритмада диаметри 10 мкм ли 50 тадан ортиқ ва 25 мкм ли 5 тагача заррача бўлиши рухсат этилади. Буюк Британия фармакопеясига биноан кондуктометрик усулда аниқланган 1 мл эритмада 2 мкм лик заррачалардан 1000 дан ва 5 мкм ликлардан 100 тадан ортиқ бўлмаслигиталаб қилинади.

Ампуладаги инъекцион эритмалар пирогенликка ва заҳарликка XI ДФ да келтирилган усулларга мувофиқ текширилади (XI ДФ, I жуз, "Медицина", 1989). Эритмаларнинг pH ини НТҲ га мувофиқ текширилади, ранги эса тегишли андоза (эталон) эритмага солиштириб кўрилади. Таъсир қилувчи модданинг миқдори ДФ, ФМ ёки ВФМ бўйича текшириб кўрилади. ҚУРУҚ ДОРИ МОДДАЛАРНИНГ ЎРТАЧА ОҒИРЛИГИНИ АНИҚЛАШ. Бу XI ДФ да биринчи марта киритилган расмий усулдир. Инъекция учун ишлатиладиган дори моддалардаги қуруқ моддаларнинг ўртача оғирлигини аниқлаш учун 20 та оғзи очилган идишлар 0,001 г аниқлик билан алоҳида-алоҳида тортилади. Идишлардаги моддалар сув билан ёки бошқа мос келадиган эритувчилар билан ювилади ва 100-105 50 0С ҳароратда 1 соат давомида қуритилади. Идишлар ва тиқинлар қайтадан тортилади. 20 та идишни ҳар бир идишдаги модда оғирлигини ўртачав оғирликдан фарқи "Битта идиш учун таркиб" бўлимида кўрсатилдгандек жадвал 10 га мос келиши, лекин + 15% ошмаслиги керак. Агар иккита идишдаги модданинг ўртача оғирликдан фарқи меъёридан кўп бўлса, лекин 15% ошмаса, аниқлаш яна 40 идишда такрорланади. Бунда ҳар бир идишдаги модданинг ўртача оғирликдан фарқи жадвал 7 да рухсат этилгандан кўп бўлмаслиги керак. 20 та идишдаги модданинг ўртача оғирликдан фарқи хусусий моддада кўрсатилган миқдор 5% дан ошмаслиги керак. БИТТА ИДИШДАГИ МОДДАНИНГ ЎРТАЧА ОҒИРЛИКДИН ФАРҚИ Идишдаги модда миқдори,г Рухсат этилган фарқ,% 0,1 ва ундан кўп бўлса 10 0,1 дан катта ва 0,3 дан 7,5 кичик бўлса

0,3 ва ундан катта бўлса 5 Инъекция учун ишлатиладиган стерил холидаги қуруқ ва суспензия дори воситаларини битта идишдаги миқдори 0,05 г ва ундан оз бўлса, дори моддалар миқдорини бир хил тақсимланганлиги текширилади. 10 та идишдаги модда миқдори хусусий моддаларда кўрсатилган таъсир қилувчи модда миқдорини аниқлаш усулидагидек аниқликда текширилади. Таъсир қилувчи модданинг миқдори кўрсатилганидан фарқ қилмаслиги керак. Агар биттадан кўп бўлмаган идишдаги фарқ + 15% дан кўп, лекин + 25% ошмаса қўшимча 20 та идишдаги текшириш олиб борилади. Бунда таъсир қилувчи моддасининг фарқи 20 та идишни бирортасида + 15% ошмаслиги лозим. Агар биттадан кўп бўлмаган идишдаги фарқ 15% кўп, лекин + 25% ошмаса қўшимча 20 та идишда текшириш олиб борилади. Бунда таъсир қилувчи моддасининг фарқи 20 та идишдан бирортасида + 15% ошмаслиги лозим. Инъекция учун ишлатиладиган суспензиялар чайқатилганда, хусусий моддаларда бошқа кўрсатмалар бўлмаса, 5 дақиқадан кам бўлмаган вақтда қаватларга бўлмаслиги керак. Хусусий моддаларда бошқа кўрсатмалар бўлмаса, суспензия шприцга N 00840 игна орқали осон ўтиши лозим. Суспензиялар қон ва лимфатик томирларга ва орқа мияга юборилмайди, эмульсиялар ҳам орқа мияга юборилмайди. Ёрлиқлаш. Ҳар бир ампула (идиш) га дори модданинг номи, концентрацияси ёки фаоллиги, ҳажми (оғирлиги) ёзилади. Бу жараён Симхович-Кислин дастгоҳи ёрдамида олиб борилади. Дасгоҳ юқори қисмида ампулалар жойлаштирилган идиш (бункер) бўлиб, у чўнтакчалари (ҳар бир ампула жойлашадиган мослама) бўлган дўмбирага ампулаларни тушириб беради. Бу дўмбирадан ампулалар иккинчи дўмбира юзасига жойлашган қўшалоқ ғилдиракчалар ўртасига тушади. Қўшалоқ ғилдиракчалар сони 8 та бўлади. Иккинчи томондан ранг бир нечта ғилдиракдан ўтиб юпқалашиб нихоят охирги тамғали ғилдиракдан устига резина кийдирилган ғилдиракка ўитб, ўз аксини қолдиради. Қўшалоқ

ғилдираклар орқали келаётган ампула, мана шу резинали ғилдираклар остидан ўтаётганида унинг устига керак ёзув ўтади. Ампулаларни қадоқлаш учун тегишли автомат ёки ярим автоматлар мавжуд бўлиб, улар ёрдамида ампулалар қоғоз ёки пластмасса қутичаларда жойлаштирилади. АМПУЛАЛАРДАГИ ЭРИТМАЛАРНИ ҚАЙТАДАН ТИКЛАШ (РЕГЕНИРАЦИЯ). Ампула таёрлаш жараёни кўп босқичли, мурракаб бўлганлигидан маълум миқдор ампулалар текширувдан ўта олмайди (дарз кетган, ярим тўлган, стерил бўлмаган ва х. к.). Бунда тиклаш иқтисод жихатдан мақбул бўлса ёки дори ноёб бўлса, эритмалар қайта тикланади. Бунинг учун ампулаларни тегирмонда майдаланади, фаоллаштирилган кўмир билан ишланади, сузилади ва меъёрига теказилади. МОЙЛИ ЭРИТМАЛАР ТАЙЁРЛАШНИНГ ЎЗИГА ХОС ТОМОНЛАРИ. Мойларнинг қовушқоқлиги юқори бўлганлигидан дори моддалариниг эриши қийин бўлади. Шу сабабли дори моддалар олдиндан майдаланган мой эса маълум хароратгача иситилган бўлиши лозим. Ундан ташқари дорилар эришини яхшилаш мақсадида этилолеат, бензил-бензоат каби ёрдамчи эритувчилар қўшилади. Мойли мухитда микроорганизмларнинг вегетатив шакллари ва споралари сувдагидан кўра узоқроқ муддат сақланиб қолади. Шу сабабли мойли эритмаларни стериллаш юқори хароратда ва узоқ давом этиши керак. Шунинг учун мойларни автоклавда 120 0 С да 2 соат стерилизациялаш керак. Мойли эритмалар шиша билан мулоқотда бўлмаганлиги сабабли, уларни тайёрлаша турғунлаштирувчилар қўшилмайди. Эритмани фақат қуритилган ампулаларга шприц усулида қуйиш лозим. ТУРҒУНЛАШТИРУВЧИЛАР БИЛАН ТАЙЁЛАНАДИГАН ЭРИТМАЛАР.

Моддаларни гидролиз ва оксидланишдан сақлаш мақсадида XI ДФ кўрсатмасига биноан аскорбин, хлорид, лимон, узум кислоталари, натрий карбонат ва натрий гидрокарбонати, натрий ишқори, натирий ва калий сульфити, бисульфити ва метабисульфитлари, натрий тиосульфат, натрий цитрати, бирламчи ва иккиламчи натрий фосфати, натрий хлориди, ронгалит, трилон Б лар ишлатилади. Ишқор ва кислоталар эритмада маълум рн хосил қилиб, таъсир қилувчи моддаларнинг гидролизини олдини олади. Антиоксидантлар эса кучли қайтарувчилар бўлиб, таъсир қилувчи моддалардан илгарироқ оксидланиб, уларни оксидланишдан сақлайди. Трилон Б эритма таркибидаги оғир металлар ионлари билан бирикиб, уларнинг катализаторлик хусусиятини йўқотади. Осон оксидланадиган препаратлардан тайёрланган эритмалар барқарорлигини ошириш қуйидаги усуллар билан амалга оширилада: - ампула ичидаги хавони сўриб олиш; - эритмани фильтирлаш, ампулаларга қуйиш ва кавшарлашни карбонат ангидриди ва инерт газлар оқимида олиб бориш; - кавшарлаш жараёнида ампула ичидаги хавони эритманинг буғи ёрдаимда хайдаб чиқариб юбориш ва ҳ.к. Бу жараёнлар Конев Ф.А. ва унинг шогирлари таклиф қилган усуллари ёрдамида амалга оширилади. Ампула чи қ ариладиган инъекцион эритмаларга мисоллар жадвалда келтирилган. ШПРИЦ ТЮБИКЛАРИДАГИ ИНЪЕКЦИОН ЭРИТМАЛАР Инъекцион учун ишлатиладиган эритмаларнинг келажаги порлоқ тури шприц - тюбиклардир. Улар П-20-20Т маркали донадорланган полиэтилендан босим остида қолиплаб тайёрланади ва 3 қисмдан иборат бўлади: тана (ампула), қалпоқча ва нина билан мандрен. Шприц-тюбиклар ультратовуш ёрдамида ювиб, карбол кислотаси билан чайилади. Сўнг йиғилгач этилен оксиди билан стерилланади. Уларни тўлдириш махсус автоматда боксларда асептик шароитда олиб борилиб, 290-

300 0 С ҳароратда кавшарланиб, номи тамғаланади. Тайёр маҳсулот кун оралаб, 60 0 С ҳароратда 30 дақиқа давомида 2 марта стерилланади. Шприц- тюбикларнинг зич беркитилганлиги 6 кг юк таъсирида текширилади. Инъекцион эритмаларни шприц-тюбикларда чиқариш бир қанча афзалликларга эга бўлишига қарамай, уларда дориларни сақлаш муддати нисбатан қисқа. Ҳаводаги кислород пластмассадан ўтиши натижасида дориларнинг сақланиш муддати камаяди. Лекин шунга қарамасдан фавқулотда ҳодисаларда дори дармон етказиб бериш мақсадида энг керакли дориларни шприц-тюбикларда чиқарилади. Жумладан, атропин сульфатнинг 0,1% ли эритмаси, димедролнинг 1% ли, промедолнинг 1-2% ли эритмаси, эфедриннинг 5% ли эритмаси, лобелин гидрохлоридининг 1% ли, омнопоннинг 2% ли эритмалари чиқарилади. Шприц-тюбиклар тайёрлаш учун полиэтиленнинг талабга жавоб берадиган таркиби ишлаб чиқилса, келажакда бу дори турининг кўп миқдорда ишлаб чиқарилиши учун имконият яратилади.

Адабиётлар 1. ГФ ХI, вып. 2.- М., 1990.- С. 149. 2. Маҳкамов С.М., Усуббоев М.У.,Нуритдинова А.И. Тайёр дорилар технологияси (дарслик).- Тошкент, 1994.- 425 б. 3. Иванова Л.А. Технология лекарственных форм.- М., 1991.-542 с. 4. Маҳкамов С.М., Усуббоев М.У., Нуритдинова А.И. Практикум по технологии лекарственных форм.- Тошкент, 1989.- 248 с.

O'xshashlar

Инфузион эритмаларга қўйилган замонавий талаблар

Инъекцион эритувчилар тавсифи ва таснифи. Сувни сифатини баҳолаш

Инфекцион дори турларини тайёр дорилар орасида тутган ўрни. Инфекцион дори турлари учун ишлатиладиган шиша ва полимерлар

Кўз томчилари технологиясини такомиллаштириш

Замонавий антиоксидантлар ва консервантлар фармацевтик технологияда