Илик ҳужайраларининг морфологик таърифи - Tibbiyot - Referatlar

Илик ҳужайраларининг морфологик таърифи

Yuklangan vaqt:

20.09.2019

Ko'chirishlar soni:

0

Hajmi:

62.5 KB

Ko'chirib olish

Илик ҳужайраларининг морфологик таърифи Режа: 1. Ўзак ҳужайралар ҳақида тушунча. 2. Эритропоэз ёки қизил таначаларининг тараққиёти. 3. Лимфонитопоэз.

Вояга етган организмда қон яратувчи асосий органлар суяк кумиги, талоқ, лимфа тугунлари ва букок бези (айрисимон без) ҳисобланади. Барча қон шаклли элементлари учун ягона бошланғич ҳужайра қоннинг ўзак ҳужайраларидир. Ўзак ҳужайраларнинг мавжудлигини канадалик олимлар Мак Куллох ва Тилл 1960 йилда исбот килдилар ва бу билан рус олими А. А. Максимовнинг асримиз бошида барча қон ҳужайралари учун ягона бошланғич ҳужайра мавжуд эканлиги тўғрисидаги фикрни тасдикладилар. Ўзак ҳужайралар қоняратилишининг барча йўналишларида, яъни эритропоэз, гранулоцитопоэз, лимфоцитопоэз, моноцитопоэз ва тромбоцитопоэз йўналишларида ривожлана оладиган ҳужайралар синфига киради. Уларнинг асосий хусусиятлари ўз-ўзини сақлаб қолиш қобилиятининг борлиги, кўпайиш имҚониятига эгалиги ва турли йўналишларда ривожлана олиши ҳисобланади. Ўзак ҳужайралар маълум бир миқдорда бўлиб, бўлинганда ҳам уларнинг сони ўзгармай доимий қолади, яъни ўзак ҳужайра бўлиниши натижасида ҳосил бўлган икки ҳужайранинг фақат биттасигина такоминлашишни давом эттириб, иккинчиси ўзгармай, ўзак ҳужайралигича қолади. Бу ҳужайралар тузилиши бўйича майда корамтир лимфоцитларга ўхшаб кетади. Ҳужайралар диаметри ўртача 8 – 10 мкм бўлиб, йитоплазмаси тор. Ҳужайра органеллалари ва полисомалар кам, эркин рибосомалар эса кўп. Ўзак ҳужайраларни ўрганиш уларнинг колониялар (маълум бир йўналишда такомил этувчи ҳужайралар тўплами) ни ҳосил қилиш хусусияти билан чамбарчас боғлиқдир. Бир ўзак ҳужайра фақат бита колония ҳосил қилади ва уни колония ҳосил килувчи бирлик деб аталади. Ўзак ҳужайралар асосан икки йўналишда диференциалланиши аниқланган. Биринчи йўналишда ярим ўзак ҳужайра ёки миелопоэзнинг бошланғич ҳужайраси (МБХ) ҳосил бўлади. Иккинчи йўналишда бошқа ярим ўзак ҳужайра ёки лимфоцитопоэзнинг бошланғич ҳужайраси (ЛБХ) ҳосил бўлади. У ўз навбатида Т – ва В – лимфоцитопоэзлар йўналишида дифференциалланиш қобилиятига эга. Ярим ўзак ҳужайралар (МБХ, ЛБХ) дан ташқари гемоцитопоэзнинг ҳар – бир қатори учун хос бўлган бошланғич унипотент ҳужайралар ҳам мавжудлиги аниқланган. Масалан, эритроцитларнинг (ЭБХ), нейтрофилларнинг (НБХ), базофилланинг (ББХ), эозинофилларнинг (ЭОБХ), моноцитларнинг (МНБХ), мегакариоцитларнинг (МГБХ), Т- ва В- лимфоцитларнинг (ТлБХ, ВлБХ) ўз бошланғич ҳужайралари бор. Улардан ўз навбатида морфологик жиҳатидан идентификация қилиниши мумкин бўлган бласт ҳужайралар – эритробластлар, монобластлар, миелобластлар, мегакариобластлар, Т- ва В- лимфобластлар дифференциаллашади.

Шундай қилиб, гемоцитопоэз жараёнида турли ҳужайралар синфлари мавжудлиги кўрилади: ўзак (ёки полипотент) ҳужайралар, ярим ўзак ҳужайралар (МБХ ва ЛБХ), унипотент ҳужайралар (ЭБХ, ЭОБХ, НБХ, ББХ, МНБХ, МГБХ, ТлБХ, ВлБХ), бласт ҳужайралар, етилувчи ҳужайралар, етук ҳужайралар. Ўзак ҳужайралардан бошлаб то етук қон шаклли элементлари ҳосил бўлгунча кечадиган жараён қон яратувчи аъзоларда мавжуд бўлган микромухит таъсирида бўлади. Микромухитни ҳосил килувчи асосий элементлар бўлиб, ретикуляр, интердигитик, дендритик ҳужайралар ва макрофаглар ҳисобланади. Букок бези ёки тимусда эса бу жараёнда ретикулоэпителиал ҳужайралар асосий рол ўйнайди. Микромухит ҳужайралари ўзак ёки ярим ўзак ҳужайраларининг қон шаклли элементларига дифференциалланишини таъминловчи биологик актив моддалар ишлаб чиқаради. Бу моддаларга эритропоэзда актив иштирок этувчи эритропоэтин, мегакариоцитопоэзда қатнашувчи тромбопоэтин ёки Т- лимфоцитларнинг хосл бўлишида актив рол ўйнайдиган тимопоэтин ва бошқалар мисол була олади. Гемоцитопоэз жараёни тўғрисида кўп назариялар яратилган. Уларни полифилетик (яъни бир неча ўзак ҳужайралари борлигини тан олувчи), дуалистик (икки ўзак ҳужайраси мавжуд деювчи) ва унитар (ягона ўзак ҳужайраси борлигини тан олувчи) назарияларга бўлиш мумкин. Ҳозирги пайтда барча талабларга жавоб берадиган қон яратилиши назарияси унитар назария ҳисобланади. Бу назария рус олимлари А. А. Максимов, А. Н. Крюков, И. А. Кассирскийларнинг ишлари ва нихоят, охирги 15 – 20 йиллар ичида олиб борилган экспериментал ишлар натижасида ривожланди ва мустаҳкамланди. Унитар назария бўйича барча қон элементлари учун ягона полипотент ўзак ҳужайраси мавжуд. Бу ҳужайра қоннинг барча шаклли элементлари учун бош ҳужайра ҳисобланади. Гемицитопоэз жараёнини шартли равишда икки тўқимада – миелоид ва лимфоид тўқималарда кечади деб ҳисобланади. Миелоид тўқимада асосан эритро-, грануло-, моно- ва мегакариоцитопоэзлар содир бўлади. Бу тўқимага асосан суяк кумиги

киритилади. Лимфоид тўқимага эса тимус, талоқ, лимфа тугунлари ва бошқа лимфоид тузилмалар кириб, бу ерда лимфоцитлар ва плазматик ҳужайралар ҳосил бўлиши кузатилади. Аммо бу икала тўқиманинг ажратилиши жуда шартли бўлиб, улар ички мухит тўқимасининг фақат бир қисмидир. Эритроцитопоэз ёки кизил қон ҳужайраларининг тараккиёти. К изил қон таначалари ёки эритроцитлар вояга етган организмда суяк кумигида тараккий этади. Улар учун барча қон ҳужайралари каби, бошланғич ҳужайра бўлиб, ўзак ҳужайраси ҳисобланади. Ўзак ҳужайралар ўз навбатида миелопоэзнинг бошланғич ҳужайралари томон дифференциаллашиб, бу ҳужайралардан кейинчалик гранулоцитопоэз, эритропоэз, ва мегакариоцитопоэз бошланади. Морфологик жиҳатидан аниқланган эрироцитопоэзнинг дастлабки ҳужайраси эритробластлардир. Эритропоэз процесси схематик тарзда қуйидагича ифодаланиши мумкин: ўзак ҳужайра – миелопоэзнинг бошланғич ҳужайраси – эритробласт – пронормоцит – базофил нормоцит – полихроматофил нормоцит – оксифил нормоцит – геморетикулоцит – эритроцит. Эритробласт – эритроцитлар тараккиётининг морфологик жиҳатдан аниқланиши мумкин бўлган энг ёш ҳужайраси. Одатда, эритробласт ҳужайраси анча йирик бўлади (20-25 мкм), аммо баъзида майда ҳужайраларни (12-15 мкм) учратиш мумкин. Эриробласт ядроси текис тур шаклида жойлашган нозик хроматин ипчалардан иборат бўлиб, цитолазмасида гемоглобин хам, доначалар ҳам бўлмайди. Романовский усули билан буялган цитоплазма тўқ кук рангни олади. Электрон микроскоп остида эритробласт цитолазмаси ўз тузилиши билан дифференциаллашмаган бласт ҳужайрасини эслатади, бироқ ундан фарқли улароқ кўпроқ электрон зичликка эга бўлади. Эритробластларда ҳужайра органеллалари кам сонли бўлиб, эркин жойлашган рибосома ва полисомалар жуда кўп учрайди. Улар митотик йўл билан бўлиниб кўпаяди ва кейинги такомиллашиш босқичига – пронормоцитларга ўтади.

Пронормоцитлар эритробластларга нисбатан кичикроқ (12-18 мкм) бўлиб, уларнинг ядроси зичроқ тузилишга эга. Пронормоцит цитоплазмаси интенсив базофил буялиш хусусиятига эга. Электрон микроскоп остида пронормоцит цитоплазмаси эритробластларга нисбатан зичроқ бўлиб, бу зичлик ҳужайра цитоплазмасида синтез қилина бошлаган гемоглобин ҳисобига бўлади. ўта катталаштирилганда цитоплазмада эркин ҳолда ёки майда пуфакчалар ичида жойлашган ферритин заррачаларини кўриш мумкин. Ферритин юқори молекулали темир сақловчи оқсил бўлиб, гемоглобин синтезида иштирок этади. Такомиллашиш давомида цитоплазмада гемоглобининг кўпайиб бориши пронормоцитларнинг кейинги тараккиёти босқичи – нормоцитлар босқичига ўтганидан дарак беради. Нормоцитлар – 8-12 мкм катталикка эга бўлган ҳужайралар бўлиб, ўз цитоплазмаларида гемоглобининг кай даражада тўпланганлиги ва ядро тузилишининг ўзгаришига қараб, бирин - кейин келадиган уч босқичга – базофил, полихроматофил ва оксифил нормоцитларга бўлинади. Базофил нормоцит хали бўлиниш қобилиятини сақлаган, аммо кичрайган ва дағал тузилишга эга ядроли ҳужайра. Цитолазмада гемоглобин ҳосил бўлиши ядро атрофидан бошланиб, аста – секин бутун цитоплазмага таркалади. Полихроматофил нормоцит босқичига келиб цитоплазма ўзида гемоглобин тўпланганлиги туфайли полихромазия хусусиятига эга бўлади. Романовский усули билан буялганда полихроматофил нормоцитлар цитоплазмаси ҳаворанг – пушти тусни олади. Ядро радиал тузилишга эга бўлиб, унда тўқ ва зич тузилишга эга хроматин тузилмалари очроқ парахроматинли жойлар билан бир – биридан ажралиб туради. Гилдираксимон ядро деб номланувчи бу хилдаги ядронинг бўлиши нормоцит ҳужайралари учун типик хол ҳисобланади. Оксифил нормоцитлар жуда ҳам зичлашган ядрога эга бўлиб, бу ядро ўзининг типик гилдираксимон кўринишини йўқотибуз тузилиши жиҳатидан кўпроқ пинкотик ядрога яқинроқ туради. Ҳужайралар цитоплазмаси ўзида

гемоглобин сақлаши туфайли Романовский усулида буялганда эритроцитларга ўхшаб пушти ранга эга бўлади. Эритропоэз жараёнида ҳужайралар цитоплазмаси ва ядросида маълум бир ўзгаришлар рўй беради. Ядро кичраяди, юмалок шаклни олади, шу билан бирга хроматиннинг зичлашуви ва ядрочанинг йўқолиб кетиши кузатилади. Цитоплазмада гемоглобин моддасининг тўпланиши туфайли унинг электрон зичлиги ошиб боради ва гомоген тусни олади. Митохондриялар кичраяди ва уларнинг сони камаяди. Гольжи комплекси кичрайиб боради ва оксифил нормоцитларда жуда ҳам кам учрайди. Оксифил нормоцит босқичига келиб, ядро ҳужайра чеккасига қараб сурилади. Кейинчалик ядро ингичка цитоплазма қавати (калинлиги тахминан 30 нм) билан биргаликда ҳужайрадан чиқиб кетади. Итариб чиқарилган ядро дархол суяк кумигидаги макрофаглар томонидан қамраб олиниб, фагоцитозга учрайди. Ўз ядросини йўқотган оксифил нормоцит ёш эритроцитга ёки геморетикулоцитга айланади. Электрон микроскопда кўрилганда геморетикулоцитларда оз миқдорда ҳужайра органеллаларининг – митохондриялар, вакуолалар ва рибосомаларнинг сақланиб қолганлигини кўриш мумкин. Улар гемиретикулоцитларни субравитал буялганда кўринадиган доналар – ипли тузилмаларни берувчи элементлар ҳисобланади. Кейинги такомиллашиш давомида гемиретикулоцитлардаги ҳужайра органеллаларининг қолдиқлари йўқолиб кетади ва улар эритроцитларга айланади. Ривожланаётган ҳужайраларда гемоглобин синтез қилиниши мураккаб жараён бўлиб, бунда нормоцитларнинг ҳужайра органеллалари, хусусан митохондриялар фаол иштирок этади. Гемоглобин ҳосил бўлиши учун лозим бўлган пластик материаллардан муҳими темир ҳисобланади. Темир атомлри ривожланаётган ҳужайраларга темирнинг бетта глобулин билан ҳосил қилган бирикмаси – трансферрин шаклида етказиб берилади. Бундан ташқари электрон микроскопик текширувлар натижасида суяк кумиги макрофагларидаги ферритин шаклидаги темир бирикмаси

эритроцитопоэз ҳужайраларига рефеоцитоз ёки пиноцитоз йўли билан ўтиши топилган. Суяк кумиги макрофаглари, кари, емирилаётган эритроцитлардаги гемоглобинни ютиб, сунгра уни ферритин шаклида ёш, тараккий этувчи нормоцитларга етказиб беради. Суяк кумигида макрофаг ҳужайрасининг атрофида жойлашган ривожланаётган нормоцитларни кўриш мумкин. , улар биргаликда «эритробластик оролчалар» деб номланган ҳужайра группаларини ташкил этади. Бу оролчаларда марказда жойлашган макрофаг нормоцитлар учун ўзига хос «энага - ҳужайра» вазифасини ўтайди. Эритроцитопоэтик элементлар жуда тез бўлиниб кўпайиш хусусиятига эга. Дастлабки морфологик жиҳатдан бошқа элементлардан ажралиши мумкин бўлган эритропоэз ҳужайра – эритробластдан бошлаб, то геморетикулоцит босқичигача бўлган ҳужайралар эритрон термини билан юритилади. Эритробластлар, пронормоцитлар ва базофил нормоцитлар митоз йўли билан кўпайиш қобилиятига эга бўлган ҳужайралар бўлиб, полихроматофил ва оксифил нормоцитлар эса ўз бўлиниш қобилиятини йўқотган ҳужайралардир. Эритробластлардан то оксифил нормоцит ҳужайрасигача бўлган такомиллашиш даври тахминан 24 – 48 соатга тенг. Нормоцитлардан гемиретикулоцитлар ҳосил бўлиши учун эса 48-72 соат вақт кетади. Гемиретикулоцитлар дархол қон айланиш доирасига тушмай, 48 – 72 соатгача суяк кумигида етилишни давом эттиради ва етук эритроцитларга айланади. Эритроцитопоэз мураккаб процесс бўлиб, эритробластик элементларнинг кўпйиши ва уларда гемоглобин синтезининг бориши эндокрин ва гуморал йуллар билан бошқарилади. Эритроцитопоэзни бошқарувчи муҳим факторлардан бири буйракда, меъдада ва бошқа органларда ишлаб чиқариладиган эритропоэтин моддасидир. Эритроцитлар такомиллашишининг нормал кечиши учун организмда витамин В 12 , темир, мисс ва бошқа элементларнинг етарли даражада бўлиши муҳим аҳамиятга эга.

O'xshashlar

Невропатология таърифи oрқа мия

Нейрон ва нерв тизимининг ёшга боғлиқ хусусиятлари

Бачадон бўйни прекансероз касалликлари. Бачадон бўйни касалликларини даволаш усуллари

Қон тизими қон айланиш тизими ва унинг ёшга боғлиқ хусусиятлари

Юқори молекулали бирикмалар (ЮМБ) таърифи, таснифи, эритмаларнинг ўзига хос томонлари