Эпилепсия ва тутқаноқ синдромлари - Tibbiyot - Referatlar

Эпилепсия ва тутқаноқ синдромлари

Yuklangan vaqt:

17.11.2022

Ko'chirishlar soni:

0

Hajmi:

29.1806640625 KB

Ko'chirib olish

Эпилепсия ва тутқаноқ синдромлари Режа: Тутқаноқ ва эпилептик хуружларни этиологик таснифи  Бош мияда қон айланишини бузилиши.  Марказий нерв тизими ўсмалари.  Эпилепсия ва тутқаноқлар таснифланиши.  Эпилепсия клиникаси. Парциал тутқаноқлар.

Эпилепсия ва эпилептик синдромларни ҳалқаро таснифи. 1. Фокал эпилепсия ва эпилептик синдроми: Идиопатик; Симптоматик; Криптоген; 2. Генераллашган эпилепсия ва эпилептик синдром. Идиопатик; Криптоген; Симптоматик; 3. Фокал ва генераллашган эпилептик хуружлар 4. Махсус синдромлар: Ўткир токсик энцефалопияда кузатиладиган тутқаноқ хуружлар; Ўткир метаболик ўзгаришлар натижасида кузатиладиган тутқаноқ хуружлари; Физик факторлар натижасида энцефалопатиядаги тутқаноқ хуружлари Фебрил тутқаноқ хуружлари. Тутқаноқ ва эпилептик хуружларни этиологик таснифи 1. Пре ва перинатал зарарланиш: чақалоқ гипоксияси, асфиксияси, туғилиш травмаси, хромосом касалликлари, пренатал давридаги инфекция ва дорилар таъсири. 2. Инфекциялар: менингит, абцесс, энцефалит, гранумма ва бош мияни паразитар касалликлари. 3. Захарланиш: ноорганик моддалар (ис гази, қўрғошин, симоб), органик (этапан) дори-дармонлар ва аллергик реакция оқибати. Шикастланиш таъсирида: бош миянинг шикастланиши, субдурал ва эпидурал гематома, мия пардаларида шикастланиш оқибатида чандиқни пайдо бўлиши. Бош мияда қон айланишини бузилиши.

Метаболик бузилишлар (гиппонатрима, гипокальцимия, дегидратация, гипогликемия, гликогенезлар, фенилкетонурия, линузлар, витаминлар етишмовчилиги (пиридоксинбиотинидозалар)). Марказий нерв тизими ўсмалари. Ирсий касалликлар Дегенератив касалликлар Фебрил-гипертоник хуружлар Сабаби аниқланмаган касалликлар. Эпилепсия (epilepsia - ушлаб олиш ) - бу полиэтиологик касаллик бўлиб, бош мия жароҳатланиши ва қайта талвасалар ва тутқаноқлар билан характерланиб шахснинг ўзгариши билан кечади. Эпилепсия нерв тизими касалликлари ичида тарқалган бўлиб, ҳамма ёшда учраши мумкин. (бир неча ойдан то қариликгача). Этиология ва патогенези. Этиологияси - ҳозирги вақтда охиригача ўрганилмаган. Биринчи тутқаноқ вақтидаги беморнинг ёши бевосита касалликнинг пайдо бўлиш сабаби билан боғлиқ. Янги туғилган чақалоқлар ва эмизикли болаларда оғир гипоксия, бош мия ривожланиш нуқсонлари ва метаболик генетик нуқсонлар (гипогликемия, гипокалиемия, вит В6 етишмовчилиги) кўп учрашига сабаб бўлади. Эпилепсия этиологиясида туғруқ травмалари (қисқич ишлатиш сабабли, хомила бошчаси ва чаноқ ўлчамларини тўғри келмаслиги) катта аҳамиятга эга. Кам ҳолларда эпилепсия бўлган беморларни онаси хомиладорлик вақтида қизилча, оғир грипп ёки бош мия травмаларини ўтказган, алкоголь, наркотик ёки тератоген таъсирга эга дориларни (резерпин, ремантадин) қабул қилгани аниқланган. Болалик даврида эпилепсия инфекцион, паразитар ва аллергик касалликлар, нерв тизимини (менингит, энцефалитлар, менингоэнцефалитлар, арахноидитлар, мия абсцесси) жароҳатланиши натижасида келиб чиқиши мумкин. Эпилептик кўринишлар болаларда фебрил талвасалар, яъни юқори температурада ҳам пайдо бўлиши мумкин.

Ёшлик даврида эпилепсияни ривожланишида асосий сабаб бўлиб, бош мия шикастланиши, кам ҳолларда бош мия ўсмалари, нейроинфекция, токсик моддалар, аллергиялар бўлиши мумкин. Ўрта ва кекса ёшдаги шахсларда, юқорида айтилган сабаблардан ташқари, эпилепсия ривожланишида бош мия қон томир касалликлари киради. (ўтказилган инсультдан кейин). Эпилепсияни патогенези қийин ва охиригача ўрганилмаган. Турли хил этиологик факторлар ва уларнинг таъсири талвасани чақариши мумкин: 1. алоҳида нейронларнинг ички қўзғалиши; 2. функционал боғланган системали нейронларнинг қўзғалиши ёки тормозланиши; 3. бош миянинг энергетик ҳолати; 4. айрим аминокислоталар метоболизмини бузилиши; Ҳар қандай ҳолларда ҳам мия ярим шарларининг дисфункцияси пайдо бўлиб, унинг асосида нейронлар активлигининг ўзгариши ётади. Эпилепсия учун тўсатдан бош мия нейронларининг деполяризацияси характерли бўлиб, бу локал ёки қўшни соҳаларга тарқалиши ва генераллашган тутқаноқ ривожланишига олиб келади. Ҳозирги вақтда эпилепсия патогенезида янги концепция, яъни калий (К+) каналларининг блокадаси бўлиб, бу эса нейронлараро халқа циркуляциясидаги импульсларни ўтишини қийинлаштиради. Тутқаноқлар асосида, нейротрансмиттерларнинг тормозловчи функциясининг пасайиши устунлик қилади. Қўзғатувчи трансмиттерлар (аспартат ва глютамат) тутқаноқ ривожланишида асосий механизм бўлиб, тормозловчи (гамма- аминомой кислотаси) - унинг тугашини таъминлайди. Эпилептик тутқаноқни пайдо бўлиш механизмида асосан 3 та фактор иштирок этади: 1. Талвасага тайёрланишнинг юқорилиги; 2. Эпилептик ўчоқ; 3. Ташки эпилептик қўзғатувчи;

Бирламчи эпилепсия асосида тутқаноқни пайдо бўлишида пароксизмал тайёргарликни юқорилиги бўлиб, нерв хужайралари қўзғалувчанлик нуқсони пасайиши аниқланади. Бу тайёргарлик наслий, туқма ва орттирилган бўлиши мумкин. Бунда эпилептик ўчоқ турли эндо ва экзоген таъсирлар натижасида фаоллашади. Аутоиммун жараёнлар, иммунопотологик механизмлар эпилепсия патогенезида катта аҳамиятга эга. Эпилепсия ва тутқаноқлар таснифланиши. Ҳозирги вақтда Ҳалқаро таснифланиш (1989й) қабул қилинган, унга кўра касаллик бирламчи (идиопатик) ва иккиламчи (симптоматик) эпилепсияга бўлинган. Тутқаноқ таснифи: 1. Парциал: 1.1. Оддий 1.2. Мураккаб 1.3. Иккиламчи генераллашган 2. Генераллашган: 2.1. Тонико-клоник 2.2. Тоник 2.3. Клоник 2.4. Миоклоник 2.5. Абсанс 2.6. Атоник Эпилепсия клиникаси. Парциал тутқаноқлар. Уларнинг пайдо бўлишини нейронларнинг ҳаддан ташқари фокал разрядлари билан боғлайдилар: улар оддий, мураккаб ва иккиламчи генераллашган тутқаноққа бўлинади. Оддий парциал тутқаноқларнинг бошланиши локал, хушнинг йўқолиши кузатилмайди. Уларнинг клиникасида турли белгилар (мотор, сенсор, вегетатив ёки психик) бўлиши билан характерланиб, эпилептик

ўчоқнинг локализацияси ва эпилептик системанинг морфункционал хусусиятига боғлиқ. Мотор тутқаноқлар - мотор пўстлоқнинг қайсидир қисмининг разрядидан пайдо бўлади. (мотор Джексон тутқаноғи) ва эпилептик ўчоқ жойлашган жойга нисбатан қарама-қарши томонда гуруҳ мушакларнинг талваса тутқаноғи билан характерланади. Бу талвасалар махаллий ёки бир қатор қўшни гуруҳ мушакларга тарқалиши мумкин, пўстлоқнинг проекцион ҳаракат соҳасини соматотопикасини ўзига хослиги билан белгиланади. Масалан, юзда пайдо бўлган талвасалар кафт бармоқларига, кейинчалик билак, елкага (джексонли «марш») ўтиши мумкин. Парциал мотор тутқаноқлар учрайди: окулоклоник (эпилептик нистагм), кўзни ҳаракатлантирувчи (кўз, бошини ва баъзида танани тоник букиш) айланма (бошланиши адверсив танани ўз ўқи атрофида айланиши). Бу тутқаноқлар кўпроқ премотор пўстлоқнинг разряди билан пайдо бўлади (6-8 майдон). Эпилептик разрядларда, мотор нутқ соҳасидан пайдо бўлувчи, ихтиёрсиз сўз ёки сўз бўғинларни қайтариши (полилалия), ихтиёрсиз вокализм, нуқтнинг тўхташи «фонатор» тутқаноқ кўринишида кечади. Сенсор тутқаноқлар элементар ёки мураккаб сезувчанлик белгилари билан характерланиб, бошланғич ёки алоҳида кўринишида бўлиши мумкин. Буларга сомотосенсор, кўриш, эшитиш, таъм билиш, ҳид билиш пароксизмалари ва бош айланишидаги эпилептик тутқаноқлар киради. Соматосенсор Джексон тутқаноқлари тананинг айрим қисмларининг парестезияси (увишиш, ачишиш, чумоли юрганга ўхшаш сезги) билан кечади. Улар чегараланган ёки тананинг қўшни қисмларига тарқалган, пўстлоқнинг проекцион соҳасида сомотосенсор локализацияга мос келган ҳолда бўлиши мумкин. Кўпчилик ҳолларда пароксизмалар, соматосенсор бошланиб, сўнг парестезия соҳасидаги мушакларга ўтади ва уларда тоник талвасалар кўринишида бўлиши мумкин (сенсомоторли тутқаноқ).

Кўриш тутқаноқлари фотопсия, скотома, амавроз ва кўришни қабул қилишни бузилиши: иллюзия, макро ёки микропсия, галлюцинация билан характерланади. Эшитиш тутқаноқлари элементар эшитиш галлюцинациялари (шовқин, товуш, хуштак), иллюзия - макро ва микро акузия (товушларни кучайиши ёки секинлашиши), микротелеакузия (товушларнинг тушиб қолиши). Ҳид билиш тутқаноқлари кўпинча ёқимсиз бадбўй ҳидларни сезиш кўринишида юз беради, таъм билиш пароксизмалари ёқимли, ёқимсиз ҳидларни сезиш орқали, баъзида оғизда металл таъмини сезиш ҳиссиёти пайдо бўлади. Вестибуляр тутқаноқлар йиқилиш, системали бош айланиш кўринишида бўлади, аммо эшитиш бузилмайди. Вегето висцерал тутқаноқлар пўстлоқдаги орбита-оролчатепа соҳалар разрядидан пайдо бўлади. Улар кўнгил айниш, юзнинг оқариши ёки қизариши, гипергидроз, қорачиқ кенгайиши, оғизда қуруқлик сезиш, қоринда оғриқлар, томоқда ачишиш, ҳаво етишмаслик ҳисси, юрак уриши каби ҳиссиётлар билан кечади. Мураккаб парциал тутқаноқлар хушнинг бузилиши билан кечади. У кейинчалик бўлиб ўтган воқеаларни умуман эсламайди. Бу тутқаноқлар кўпинча аура билан бошланади. Аура - бу эпилептик тутқаноқнинг пайдо бўлишида бевосита олдиндан хабарчиси бўлиб ҳисобланади. Бу ҳар хил сезиш бўлиши мумкин: кўнгил айниш, бехоллик, бош айланиши, лаб уюшиш, юракда ёки кўкрак соҳасида оғриқ, нафас олишни бузилиши, оғизда ёқимсиз сезгини сезиш. Беморларда тутқаноқнинг бошланиши ўзида (деперсонализация) ёки атрофдаги ҳаётда бўлаётган (дереализация) воқеани «нореаллик» ҳолатини ҳис этади. Бошқа ҳолларда «кўриб бўлган» ёки «умуман кўрмаган» ҳиссиёт пайдо бўлади. Баъзида беморларда эшитиш ва кўриш галлюцинациялари пайдо бўлади.

Типик ҳолларда мураккаб парциал тутқаноқларнинг локализацияси чакка соҳасида бўлса орал автоматизм (чайнаш, лабларини ялаш, ихтиёрсиз ютиниш) ривожланади. Беморларда вербал, амбулатор автоматизмлар пайдо бўлиши мумкин. Кам ҳолларда турли кўринишдаги автоматизмлар бир- бирига қўшилган бўлади (масалан, амбулатор ва мимик). Мураккаб парциал тутқаноқлар аффектив белгилар билан пайдо бўлиб, эмоционал бузилишлар билан характерланади: ҳавотирланиш, қўрқиш ваҳимадан то яққол агрессиягача. Баъзи беморларда тескариси: бахтиёрлик сезиш, хурсандлик, ички тинчлик пайдо бўлади ва бошқалар. Хушнинг йўқолиши, оғир парциал тутқаноқларга характерли бўлиб, бир неча секунддан бир неча минутгача давом этиши мумкин. Бемор кўзини очган ҳолда ётган ёки ғалати сўзларни айтиши мумкин. Генераллашган тутқаноқлар. Патологик жараён иккала ярим шарларига тарқалиб, тутқаноқнинг бошланиши, хушнинг йўқолиши, ауранинг бўлмаслиги билан характерланади. Тоник-клоник (ёки катта талвасалар) эпилепсия учун (кўпинча) типик бўлиб, ҳисобланади. Тоник-клоник тутқаноққа характерли белги кўпинча пубертат даврда пайдо бўлиб, бошқа эндоген ва экзоген омиллар (менструация, алкоголизм, ўта чарчаш) уйқу ва уйғоқ циклига боғлиқ. Тутқаноқнинг бошланишида бемор тўсатдан хушини йўқотади, йиқилади, қорачиқлари кенгаяди. Кейин тутқаноқнинг тоник фазаси бошланади, 10-20 секундгача давом этади. Ҳамма гуруҳ мушакларининг тоник қисқариши пайдо бўлади. Кўзлари катта очилган, кўз олмалари юқорига кетган, қорачиқлари кенгайган, ёруғликка реакцияси йўқлиги билан кечади. Спазмлашган товуш ёриқларидан ҳаво ўтганда эпилептик қичқириш пайдо бўлади, бу бир неча секунд давом этади. Кейинчалик мушакларнинг тоник ригидлиги қалтирашга ўтади ва клоник фазаси бошланади. Бу 1-5 минут давом этади. Бу фазада клоник хириллаш ва тилини тишлаши мумкин. Оғир вегетатив бузилишлар бўлиши мумкин: саливациянинг кучайиши (оғиздан кўпик) терлаш, трахеобронхиал, бронхиал шиллиқ ажралишининг кучайиши,

тоник фазада нафас олганда ҳавонинг ушлаши, клоникда эса - нафас юзаки бўлиб, бу узоқ гипоксияга олиб келади. Бунақа эпилептик тутқаноқдан кейин ухлаш ёки мудраш пайдо бўлади. Бунда ихтиёрсиз сийиш, қорачиқ ва шох парда рефлексининг бўлмаслиги кузатилади. Хушига келгандан кейин бошни ва мушакларни оғриғига шикоят қилади. Тутқаноқ даврида тўлиқ амнезия кузатилади. Тоник тутқаноқлар фақат тоник фаза билан характерланади. Улар ёшлик даврида кузатилади. Клоник тутқаноқлар фақат клоник фаза билан характерланади. Бу тутқаноқлар эмизикли болаларда кўпроқ кузатилади. Бунда хушнинг йўқолиши ва вегетатив бузилишлар билан бирга икки томонлама ритмик клоник тутқаноқлар пайдо бўлади. Бу тутқаноқлар 1- 5 минут ва ундан кўпроқ чўзилиши мумкин. Миоклоник тутқаноқлар. Улар тўсатдан кутилмаган ҳолда мушакларнинг қисқариши билан характерланади. Миоклоник қисқаришлар ҳамма мушакларни ёки айрим мушакларни қамраб олиши мумкин. Икки томонлама массив эпилептик миоклониялар ва миоклоник спазм, миоклоник абсанслар, миоклоник тутқаноқлар учун характерли. Улар (юқори) қўлларда, букувчи қисқаришлар кўринишида кечади. Миоклоник тутқаноқлар ЭЭГ да эпилептик активлик билан тўғри келади. Абсансли тутқаноқлар кичик эпилептик тутқаноқлар деб аталади. Абсанс тўсатдан ёки қисқа муддатга (2-30 с) хушини йўқолиши билан характерланади. Бу кечаётган жараённинг тўхтаб қолиши, юзининг қизариши ёки оқариши, мидриаз билан кечади. Баъзида кўз олмаларининг юқорига кетиши мумкин. Тутқаноқ тўсатдан тугайди, худди бошланганидек. Жуда қисқа вақтли абсансларда (2-3 с) эс хушини тўлиқ йўқолиши ривожланишига улгурмайди ва атроф-муҳит билан қисман контактда бўлиши мумкин. Бу тутқаноқлар кўпинча, эътиборга олинмайди ва бир неча йил давомида ташхисланмайди. Абсансли тутқаноқлар жуда кам ёки жуда кўп учраши мумкин. Тахминан 50% беморларда генераллашган тоник-клоник тутқаноқлар учрайди. Абсанс учун характерли: 1. уларда олдиндан аура бўлмайди

2. улар кичик давомийликка эга. 3. тўсатдан бошланиши ва тугаши. 4. ЭЭГ комплекс Пик тўлқин 3 Гц тезлиги ўзгариши характерларига эга. Бу ЭЭГ разрядлар гипервентиляция ва тутқаноқлар даврида кузатилади. Атоник (кичик мотор) тутқаноқлар клиник кўриниши постурал тонуснинг тўсатдан пасайиши, бошнинг ушлай олмаслиги, тўсатдан полга йиқилиши мумкин. Тутқаноқлар эрта ёшдаги болаларда (2-5 ёшгача), одатда улар тез-тез (кунига 50-60 марта) пайдо бўлади. Баъзи эпилептик беморларда касалликнинг давомийлиги психик бузилишлар ва характерни ўзгариши билан кечади. Улар ўжар, шилқим бўлиб қоладилар. Буни «эпилептик характер» деб аталади. Касалликни оғирлиги шайтонлашни ҳисобига эмас, балки руҳий бузилишларга қараб аниқланади. Касаллик тезда эпилептик ақл заифликка олиб келиши мумкин. Шахс деградациясига олиб келувчи рухий бузилишлар кўпинча абсансларда, мураккаб порционал тутқаноқларда кузатилади. Эпилептик статус. Талваса билан кечадиган эпилептик статус генераллашган тонико-клоник (талваса билан) тутқаноқларнинг асорати, талвасасиз кечадиган эпилептик статус абсанс ёки мураккб парциал тутқаноқларнинг асорати бўлиб ҳисобланади. Кўпинча тонико-клоник тутқаноқларнинг статуси ҳаёт учун катта хавф туғдиради. Диагностика. Эпилептик тутқаноқлар пайдо бўлганда беморларни неврологик клиникаларда чуқур текшириш зарур. У ўз ичига қуйидагиларни олади: яхши йиғилган анамнез, неврологик текширув, бошқа мутахассис шифокорларнинг маслаҳати билан (айниқса окулист ва ЛОР), қоннинг клиник, иммунологик, биохимик таҳлили, ликворни текшириш, кала суягини обзор рентгенограммаси, электроэнцефалография, эхоэнцефалографиялар киради. Бош мияни КТ ёки МРТ, мия қон томирларида ангиография имконият бўлганда ўтказилади. Эпилепсияни ташхислашда ЭЭГ катта аҳамиятга эга бўлиб, бош мияни биоэлектрик активлигини қайд қилиш билан амалга оширилади. ЭЭГ

да патологик ўзгаришлар, ўткир тўлқинлар, комплекс пик-тўлқинлар, секин тўлқинли пароксизмалар кўринишида кечади. Эпилептик активлик эпилепсия касаллигига дучор бўлган беморларда 30-40% да аниқланади. (соғ одамларда 3% аниқланади). Келтириб чиқарувчи омилларга катта аҳамият берилади: Гипервентиляция ва фотостимуляциядан сўнг ЭЭГ да эпилептик активлик кўп ҳолатларда аниқланади. Айрим беморларда келтириб чиқарувчи омиллар бўлиб, махсус овозлар, мусиқа, ўқиш, овқатланиш, ҳисоблаш ва бошқалар бўлиши мумкин. Даволаш. Кўпинча эпилептик беморлар, неврологик касаллар ҳисобланади, невропатологда даволаниши керак. Психик нуқсон айрим беморларда (25-30% ҳолларда) турли даражада яққол намоён бўлиши мумкин. Даволашни бошланишида, шифокор церебрал жараёнлар (ўсма, энцефалит ва бошқа) ёки экстрацеребрал касалликлар (инсулома, гипопаратиреоз) йўқлигига ишонч ҳосил қилиши керак. Эпилепсияни даволаш комплекс, индивидуал, узлуксиз ва узоқ давом этиши керак. Даволашни узлуксизлигини таъминлаш ва кўрсатмаларга кўра хирургик аралашувларни белгилаш. Даволаш эпилептик тутқаноқ турини ҳисобга олган ҳолда препаратдан (монотерапиядан) бошланади. Тонико-клоник, тоник, клоник, миоклоник, генераллашган тутқаноқларда қуйидаги препаратлар: фенобарбитал, бензонал, глюферал, дифенин (фенитоин), карбомазепин (финлепсин, тегретол, мелепсин), гексомидин (примидон), вальпроат натрий (депакин, конвулекс, ацедипрол) қўлланилади. Абсансларда суксилеп (этосуксемид), вальпроат натрий, клоназепам (антелепсин) қўлланилади. Миоклоник, акинетик абсансларда клоназепам, вальпроат натрий, этосуксемид, нитразепам (радедорм), диазепам (сибазон), фенобарбитал қўлланилади.

Оғир гиперкинетик абсансларда клоназепам, вальпроат натрий, этосуксемид, нитразепам, диазепам, фенобарбитал қўлланилади. Оддий парциал тутқаноқлар ва мураккаб тутқаноқларда енгил хушнинг хиралашиши «кўриб бўлган» ёки «умуман кўриб бўлмаган» ҳиссиёт эпилептик дориларга резистент ҳисобланади. Бунда корбамазепин, дифенин, фенобарбитал, бензонал, вольпроат натрий препаратлари қўлланилади. Препаратнинг дозаси тутқаноқларни сўндириши ва ножўя кўринишлар чақирмаслиги керак. Препарат дозаси эмпирик танланилади, унинг қондаги концентрацияси 2-3 соатдан кейин чўққига етади. Болаларда суткалик доза тана массасига катталарга қараганда нисбатан юқори бўлади, бу метаболизмни интенсив кечиши билан боғлиқ айниқса 6 ойдан 3 ёшгача бўлган болаларда. Ёш ўтган сари метаболизм секинлашади ва катта ёшли одамлар учун препарат дозаси камайтирилади: 60 ёшдан кейин - 20-25% га, 70 ёшдан кейин - 30-50% га. Ҳомиладорлик пайтининг иккинчи ярмида дори дозаси оширилади. Даво эффектив бўлмаганда препарат бошқа препаратга алмаштирилади ёки бир нечта препаратлар комбинацияси қўлланилади. Генераллашган талваса ҳуружлари энг биринчи қўлланиладиган препарат фенабарбитал ёки бошқа барбитурат кислота унумлари: гексамидин, бензонал ҳисобланади. Фенобарбитал парциал тутқаноқларда ҳам қўлланилади (катталарда 2-4 мг/кг/сут, болаларда- 3-8 мг/кг/сут ). Фенобарбитал эффективлиги етишмовчилигида карбомазепин (финлепсин, тегретол) унумлари қўлланилади. Қуйидаги препаратлар парциал ва иккиламчи генераллашган талваса тутқаноқларда қўлланилади. Абсанс мавжуд бўлган беморларда карбомазепин эффекти тахминан 2/3 ҳолларда кузатилади. Монотерапия ўтказилганда препаратни ва дори воситасини 2 маротаба қўллаш мумкин (эрталаб ва кечқурун) ва эффект бўлмаганда 3 ва ҳатто 4 чи маротаба тавсия этиш мумкин. Карбомазепин 15- 20 мг/кг/суткасига қўлланилади. Агар эффект етарли бўлмаса, бир вақтда гексомидин ёки фенобарбитал қўлланилади.

Гидантолен унумлари: дифенин, метоин, дельтоин, этотоин, альбутоин генераллашган тутқаноқларда қўлланилади. Улар седатив ва уйқучанлик таъсирга эга эмас, кам ҳолларда миоклония ва абсансларда ёрдам беради. Дифенин 5-10 мг/кг/суткасига берилади, гипертрихоз, юз қирраларининг дағаллашиши, милкларнинг гиперплазияси узоқ қабул қилганда кузатилади. Генераллашган (клонико-тоник ва абсансларда) тутқаноқларда, тепа абсансларда, абсансли миоклонияларда, миоклонусли-эпилепсияларда вольпроат кислотанинг унумлари (депакин, конвулекс) қўлланилади. Улар бош мияда ГАМК миқдорини оширади. Абсансларни даволашда биринчи навбатда этосуксемид, дозаси 15-25 мг/кг/суткасига қўлланилади. Лекин юқорида берилган препарат катта талвасали тутқаноқни келтириб чиқаради, унда фенобарбитал қўлланилади. Уни эффекти бўлмаганда, вольпроат натрий, диакарб тавсия этилади. Вольпроат кислота атипик абсансларда яхши ёрдам беради, баъзида этосуксемид ёки ламиктал қўшимча бериш мумкин. Миоклоник тутқаноқларни даволашда вольпроат натрий (10- 50 мг/кг/сут) қўлланилади. Уни эффективлиги бўлмаганда клоназепам (0,05-01 мг/кг/сут) ва сибазон (2-4 мг/сут болаларга ва катталарга 5-10 мг/сут) қўшилади. Агар даволашда ижобий эффект бўлмаса дифенин ва фенобарбитал қўллаш мумкин. Чақалоқлардаги спазмни даволашда биринчи навбатда вольпроат кислота, ламиктал, кортикостероидлар, нитрозепам, диакарб, АКТГ препаратлари (синоктен-1мг ёшга м/ичига №1015) қўлланилади. Клонозепам узоқ қўлланганда препаратга толерантлик ривожланади, бу эса препаратни танаффус билан қабул қилишни талаб қилади. Диакарб - эпилептик тутқаноқлар, гидроцефалияда, менструал эпилепсияда, гипервентиляция тавсия этилади. Диакарб организмдан калийни чиқаришини назарда тутиб, албатта калий тутувчи препарат билан бирга тавсия этилади.

Препаратнинг дозаси - 0,25×1 дан 0,3×2 марта ва унга толерантлик тезда ривожланмаслиги учун курслар орасида танаффуслар буюрилади. Охирги йилларда эпилепсияга қарши янги препарат қаторидан - ламиктал (ламо-триджин) кенг қўлланилаяпти. Оддий ва мураккаб порциал тутқаноқларда, абсансларда, иккиламчи - генераллашган, тонико-клоник тутқаноқларни тўхтатади. Ламиктал 50 мг кунига (2 ҳафтага) кейин дозани астасекин 200 мг гача суткасига ошириш мумкин. Қўшимча терапия сифатида катталарда турли хил тутқаноқларда нейротин (габапентин) 100 мг дан 1000 мггача кунига, ГАМК (пантогам, натрий оксибутират, прогагиб, вигабатрин) препаратлари қўлланилади. Айрим ҳолларда кальций каналларини блокаторлари (нимодипин, нифедипин, флукаризон) қўлланилади. Даволашни ҳар доим битта препаратдан бошлаб, дозани аста-секинлик билан ошириш керак. Агар тутқаноқлар тезлиги ўзгармаса, препарат ўзгартирилади ва бошқа препаратлар тавсия этилади. Препаратларни алмаштирганда витаминотерапия курси тавсия этилади (поливитаминлар). Агар қисман терапевтик эффектга эга бўлганда, унда биринчи препаратга 2-чиси қўшилади. Ножуя эффектлари эпилепсия қарши препаратларни узоқ қабул қилганда - катта бўлмаган нистагмдан то яққол энцефалопатия бўлиши мумкин, бу эса ҳар доим врач назорати остида бўлишни талаб қилади. Бундан ташқари, анемия ва буйрак жароҳатланиши ривожланмаслиги учун беморни сийдиги ва қони доимо (1 ойда 1 марта) текширилади. Даволашни компенсация вақтида узилиши ва тартибни бузилиши (даволаш тўхтатилганда, алкогол қабул қилганда, кўп чарчаганда, гиперинсоляция, уйқу етишмовчилиги), препаратни дозаси камайтирилиши, қайта травмаларда, инфекция, соматик касалликларда, эндокрин ўзгаришларда (ҳомиладорлик вақтида ёки пубертат даврда) психик травмалар касалликнинг қайталанишига олиб келади. Ҳомиладорликнинг 2-чи ярмида

препаратнинг дозаси оширилади (дифенин, вольпроат кислота, гексомидиндан ташқари). Резидуал эпилептоген жароҳатланишнинг декомпенсация белгиларида курсдан ташқари дегидратацион, сўрдирувчи, қон томир давоси олиб борилади. ЭЭГ натижаси ва терапевтик ремиссия клиникасининг кўзда тутиб эпилепсияга қарши давони 3 йилдан кам бўлмаган ҳолда тўхтатиш мумкин. Препаратни тўхтатилиши 1-2 йил ичида астасекинлик билан олиб борилади. Агар тутқаноқ даволанмаса ва тез-тез қайтарилса, унда бемор нейрохирургик текшириш ва даволашга ётқизилади. Хирургик давони методлари эпилептик ўчоқни олиб ташлаш, эпилептик (разрядли) тарқалган разрядли йўлларни бузиш ёки тормозланишни активлаштириш. Эпилептик статусни даволаш: эпилептик статус фиксацияланган эпилептик ҳолат бўлиб, тутқаноқларнинг тез-тез такрорланиб туриши, 30 минутдан кам бўлмаган хушнинг йўқолиши ёки битта эпилептик тутқаноқнинг ўзи 30 минут давом этиши тушунилади. Талваса турли хил бўлиб, кўпинча генераллашган тонико-клоник характерга эга. Эпилептик статусда ўлим 4 дан 25% гача етади. Эпилептик статус давомида тезкор чоралар кетма-кетлиги қуйидагилар: 1. Танани ва бошни жароҳатланишдан сақлаш. 2. Нафас йўлларини ўтказувчанлигини тиклаш. 3. Талвасага қарши терапия. Госпитал олди этапда нафас ўтказувчанлигини таъминлаш, тилни орқага кетишига йўл қўймаслик, тиш протезларини олиш воздуховод киритиш, халқум ва бурун бўшлиғидан шиллиқни олиб ташлаш. Оғир ҳолларда трахеяни интубацияси ўтказилади. Биринчи даражали муҳим препаратларга бензодиазепин унумлари киради: Диазепам (седуксен, сибазон, реланиум) 0,050,1 мг/кг дозада вена ичига 20 мл 40% глюкоза эритмаси

(максимал дозаси-10 мг) юборилади. Киритиш интервалини 1520 минутда қайтариш мумкин. Умумий дозаси 0,3- 0,5мк/кг (максимал суткалик дозаси-100-120 мг) етказиш мумкин. Юқори доза берилганда апноэ ёки нафас етишмовчилиги ривожланади, бу эса интубация ўтказишига эхтиёж туғдиради. Лоразепам (бензодиозепин қисқа даврдаги ярим парчаланиши) кўп ҳолларда қўлланилади. Бошланғич дозаси - 0,05 дан 0,2 мг/кг массасига берилади. Диазепин дозаси каби дозада қўлланилади. Натрий оксибутират ҳам (10 мл 20% эритмаси вена ичига секин, умумий дозаси - 250мг/кг массасига) юборилади ёки натрий тиопентал (1г эритмани 10 мл натрий хлор изотоник эритмаси). Диазепам билан биргаликда фенобарбитал ёки дифенин юборилади. Эрта ёшли болаларга фенобарбитал 20 мг/кг доза буюрилади. Эсда тутиш лозим, қонда 40-50 мг/кг дан препаратнинг миқдори ошса, унда миячанинг ўткир дегенерацияси кузатилиши мумкин. Тутқаноқлар давом этаверса диазепам вена ичига томчилаб 100 мг препаратга 500 мл 5% глюкоза эритмаси ҳисобдан 40мг/с тезликда юборилади, бу эса қондаги терапевтик концентрацияни ушлаб туришга кафолат беради. Катта беморларга глюкоза билан биргаликда 2 мл тиамин (витамин В1) юборилади, бу эса Вернике энцефалопатия ривожланмаслигини олдини олиш мумкин. Агар талваса бутунлай йўқотилмаса, унда закис азот билан узоқ дозали наркоз ўтказилади. Бундан ташқари, нафас йўлларининг дренажи ўтказилиб, керак бўлса юрак фаолиятини яхшиловчи воситалар қўлланилади. Метаболитик ацидозни йўқотиш учун вена ичига 8% натрий бикорбонат эритмаси томчилаб юборилади (кислота-ишқор мувозанатини назорат қилиб). Дегидратация (лазикс, маннитол) айрим ҳолларда орқа мия пункциясини қилиш мумкин.

Тўқималарда алмашинув жараёнларини яхшилаш учун протеолитик ферментлар (трасилол, контрикал) 25.000-50.000ЕД, 300-500 мл натрий хлорни изотоник эритмаси вена ичига томчилаб юборилади. Беморнинг гипертермиясида муз халтачалари қўйилади, бунда литик коктейл вена ичига юборилади. Эпилептик статусда ДВС синдроми ривожланганда гепарин 5000ЕД қорин сохасига тери остига қилинади, қон қуйилишини суткасига бир неча марта назорат қилиш билан юборилади. Бемор эпилептик ҳолатдан чиққандан кейин хуружни олдини олишга, астеник синдромни йўқотишга, респиратор асоратларни йўқотишга қаратирилган бўлиши керак.

Адабиётлар: 1. Герасимова М.М. «Нервные болезни». Дарслик. - Тверь. Триада. 2003й. 2. Жан Айкарди «Заболевания нервной системы у детей» в 2-х томах. Дарслик. – Москва. Бином. Лаборатория знаний 2013 й. 3. Маджидова Ё.Н. «Хусусий неврология».Дарслик. -Тошкент. Sharq. 2012 й. 4. Бадалян Л.О. «Детская неврология». Дарслик. - Москва. Медицина. 2001 й. 5. Маджидова Ё.Н. «Соматоневрология». Ўқув қўлланма. - Тошкент. Навруз. 2018 й. 6. Маджидова Ё.Н., Трошин В.Д., Погодина Т.Г., Хрулев А.Е. «Неотложная неврология». Дарслик. - Тошкент. Навруз. 2018 й. 7. Маджидова Ё.Н., Содиқова Г.К., Нурмухамедова М.А «Катталар ва болалар неврологик статусини қадамма-қадам текшириш бўйича амалий кўникмалар». Ўқув қўлланма. - Тошкент. ТАМАДДУН. 2017 й. 8. Маджидова Ё.Н., Усманова Д.Д. «Тунельные синдромы». Монография. - Тошкент. Baktria press. 2017 й. 9. Маджидова Ё.Н., Нурмухамедова М.А., Хайдарова Д.К., Прохорова А.Н. «Умеренные когнитивные нарушения у больных с дисциркуляторной энцефалопатией». Ўқув қўлланма. - Ташкент. ТАМАДДУН. 2015 й. 10. Маджидова Ё.Н., Нурмухамедова М.А., Азимова Н.М., Ким О.В., Хамидова Н.А. «Частная неврология». Ўқув қўлланма. - Тошкент. Узбекистон миллий энциклопедияси. 2014 й.

O'xshashlar

Марказий нерв тизимининг пренатал ва перинатал зарарланишлари

Вегетатив нерв тизимининг тузилиши ва физиологияси

Координатор доира - тузилиши, вазифаси, текшириш усуллари, патологияси ва зарарланиш синдромлари

Сезги доираси - тузилиши, вазифаси, текшириш усуллари, патологияси ва зарарланиш синдромлари

Ҳаракат доираси - тузилиши, вазифаси, текшириш усуллари, патологияси ва зарарланиш синдромлари