Анемия касаллиги этиологияси патогенези ва фармакотерапияси - Tibbiyot - Referatlar

Анемия касаллиги этиологияси патогенези ва фармакотерапияси

Yuklangan vaqt:

20.09.2019

Ko'chirishlar soni:

0

Hajmi:

100.5 KB

Ko'chirib olish

Анемия касаллиги этиологияси патогенези ва фармакотерапияси Режа: 1. Қондаги эритроцитлар микдорининг ёки эритроцитлардаги гемоглобин микдори 2. Гипохромли анемияда эритроцитлардаги гемоглобин микдори 3. Лейкопоэзга таъсир этувчи дори воситалари

Қондаги эритроцитлар микдорининг ёки эритроцитлардаги гемоглобин микдорининг камайишига камконлик дейилади. Анемиянинг қуйидаги хиллари бор: 1. гипохром анемия 2. гиперхром анемия 3. постгеморрагик анемия 4. гемолитик анемия. Гипохромли анемияда эритроцитлардаги гемоглобин микдори камайиб кетади, чунки маълум сабаблар натижасида гемоглобинни нормал синтези учун темир моддаси етишмай колади. Шунинг учун хам бу анемияни темир етишмовчилигидан келиб чиккан анемия деб хам юритилади. Бунда организмда кислород етишмовчилиги (гипоксия) билан боғлик турли хил хасталиклар (кўкрак сикиш касаллиги ─стенокардия, юрак ишемик касаллиги, холсизланиш, тез чарчаб колиш, бош айланиши ва оғриши, нафас сикиши ва бошкалар) юзага чикади. Гиперхромли анемияда эритроцитлардаги гемоглобин микдори нормага нисбатан ошиб кетади, аммо лекин эритроцитларнинг микдори жуда камайиб кетган бўлади ёки етилмаган холда бўлади. Гиперхромли анемияни захарли камконлик деб хам юритилади. Бу анемия Аддисон ─ Биримера, спру, ичакдаги инвазия ─ глистларнинг токсик ─захарли формаси каби касалликларда юзага чикади. Икки оғиз бу анемияларни келиб чикиш механизми хакида: Умуман анемия жуда кенг таркалган касалик. ВОЗ ─ Умумжахон соғликни саклаш ташкилотининг берган маълумотига караганда Жахон бўйича анемия билан оғриган беморлар сони 1 млрд 500 млн. дан ошиб кетади. Бу жаҳон аҳолисининг 1/3 га яқини деганидир. Анемия касали Ўзбекистон Республикасида хам жуда кенг таркалган. Кўзга кўринган олимлар (У.А.Аскаров, С. М.Бахромов, Э.К.Қосимов, Ф.Файнштейн, Ю.К.Джабборова, Д.Н.Абдуллаев) нинг берган маълумотига караганда хар 4 та одамнинг 2 тасида анемиянинг у ёки бу тури турли

формаларда учрайди. Анемия айникса ёш болаларда, аёлларда (айникса хомиладор ва кўп болали аёлларда) жуда кенг таркалган. Айрим район ва туманларда ахолининг 65-90%-ида анемия кайд этилади. Бутун анемия касаллигини 75-80%-ини гипохром─темир етишмовчилигидан келиб чиккан анемия ташкил этади. (Экологиянинг бузилиши, Орол фожиаси, фасл, температура ва сувдаги ош тузи миқдори ҳақида тухталади). Хуш, бу касаллик кандай юзага чикади? Нормал холдаги организм 2,5- 5,0 г. темир саклайди. Бунинг 60%-и гемоглобин таркибида, колганлари эса турли орган ва тўкималардан иборат (кўмик, жигар, кора талок ва лимфа тугунлари) деполарда мушак оксиллари ─ миоглобулинларда бўлади. Маълум бир кисми эса миоглобин ва ферментлар таркибида бўлади. Гемоглобин 2 кисмдан иборат: оксилли ─ глобинли ва темир сакловчи-гемли кисмлар. Турли организмларда глобинлар турлича бўлиши мумкин, лекин гемлар доим бир хил бўлиб, темирни порфин билан бириккан комплексидан иборат. ҳр бир гемоглобин 1 молекула глобин ва 4 та гемлардан ташкил топган. Нормал одам конида хар куни 25 триллион эритроцитлар айланиб юради. Эритроцитлар 3-4 ой яшаб сўгра парчаланадилар. ҳр куни соғом организмда 200 миллиард эритроцитлар етишиб чикади. 1-та эритроцитда 200 млн. гемоглобин молекуласи бор. Ҳар куни темир сакловчи хамма орган ва тўкималар ўртасида доимий алмашиниш, темир запасларини янгилаб туриши, хамда темирни организмдан бутунлай чикиб кетиши (кон кетиши, авитаминоз, радиация ва бошкалар) кайд этилади. Шунга караб хар куни организм 0,5-1мг темир йўкотади. Организмни соғлом ушлаш учун хар куни шунча (0,5-1мг) актив темир моддасини ўзлаштириб олиши керак. Агар шу жараён нормал холда олиб борилмаса турли формадаги анемиялар келиб чикади. 0,5-1 мг актив темирни ўзлаштириб олиш учун бир кунда организмга 20-80 мг темир овқат билан тушиши керак. "Ўзбекистон маданияти ва адабиёти" газетасида келтирилган маълумотда. К.Маркс Ф.Энгельсга ёзган хатида:"... агар маданият онгли

равишда бошкарилмай, стихияли ривожланадиган бўлса... ўз ортида чўл колдиради..." деган экан. Хозирги кунда туз тузонлари Тошкентгача етиб келди, хаттоки Памир ва Тянь-Шань тоғ ва музикларида хам бор. Ерга солинаётган кимёвий дориларнинг 40% сув оркали ўсимликка ўтади. Қолгани эса турли йўллар билан дарёларга ўтади. Бу сувларни эса биз истъемол киламиз. Чимкентда хар 1000 та бир ёшгача бўлган боладан 33-35 таси ўлаётир, баъзи ерларда эса уларнинг сони 47-50 тагача етмокда. Ашхабад областида текширилган 368 та 14 ёшгача бўлган боладан 3 таси соғлом деб топилган, колганлари эса турли касалликларга чалинган болалардир. Қораколпоғистонда аёлларнинг 90% анемияга учраган. Уларнинг болалари хам камконликка учраган холда туғиладилар. Шу ерда Қуръони каримдаги сузлар келтирилади –«она қиз бола туғилса 3 йил, ўғил бола бўлса 2 йил эмизиш керак». Ҳар хомилани вояга етказишда она ўрта ҳисобда 700-900 мг (1 гр) темир йўқотади. Буни ўрнини тулдириш учун ўрта ҳисобда 2-3 йил керак. Аёлларда циклик менструал қон кетиш ҳисобига ўртача шу кунлари 12 мг патологик циклларда эса 50-150 мг темир моддаси танадан чиқиб кетади. Озиқ-овқатлар билан бир кунда 10-20 мг темир танага тушади. Шуни 10-20 % сўрилади. Темир организмдаги аэроб метаболизмини юзага чиқишида, оксидланиш ва қайталанишга боғлиқ танадаги гомеостазни юзага чиқаришда фаол иштирок этади. Шунингдек темир иммун тизимни бир мақомга солиб туради, фагоцитозни руёбга чиқаради, лизоцим ва интерферон синтезида иштирок этади. ЖДАда тез чарчаш, бош айланиши, мушакларнинг бўшаши, соч тукилиши, тирноқларни ёрилиши ва синиши, териларни қуриб кетиши, таъм билишни бузилиши, дисфагия, анурез (йўталганда пешобни чиқиб кетиши) ва меъда ширасини ажралишини бузилиши қайд этилади. Юрак-қон томир тизимида кислород етишмовчилиги билан боғлиқ белгилар юзага чиқади.

Экосан ташкилотини берган маълумотига қараганда (апрел 2000 й.) Сурхондарё ва Қашқадарё вилоятида 100 % гача ёпиқ буқоқ ва уларни 80-85 % да эса анемияни турли шакллари қайд этилади (Мирзо Турсунзодадаги алюмин заводи ва уни таъсири ҳақида тушунтирилади). Организмни темир моддасини ўзлаштириши истъемол килинаётган овкатнинг характери, тури, вакти, микдори ва ошкозон силлик каватининг холатига боғликдир. Бундан ташкари темир ўзлаштирилишида фруктоза, Ас. кислотаси катта роль ўйнайди. Киши организми ўсимлик махсулотларидан (мева ─сабзавотлардаги) темир моддасини 2─8%- ини, ҳайвон маҳсулотларидан (гўшт, балик, жигар ва дуккакли (ловия, нўхат, мош ва бошкалар) темир моддасини 15─20% ўзлаштириб олиши мумкин. ОИС─сида 2 валентли ионлаштирилган темир моддаси (Fe ++ ) яхши сўрилади. Турли хил овкатлар ва дорилар билан ошкозонга темир уч валентли (Fe +++ ) холида тушади. HCL ва фруктоза таъсирида (пепсин, ферментлар) у Fe ++ га ўтади. Ас. кислота Fe +++ ни Fe ++ ўтишида мухим роль ўйнайди. Сўнгра Fe ++ ошкозондан 12 бармок ичакка ўтади ва у ерда ичак силлик каватидаги апоферритин оксили билан бирлашиб сувда эрувчан комплекс─ ферритин холига ўтади ва яна Fe +++ холатини кабул килади. Ичак деворларидан капеллярларга ўтишда Fe +++ ли яна Fe ++ лига ўтиб кон зардобидаги трансферрин ( g ─ глобулин) билан боғланади ва бутун организм бўйлаб айланиб юради. Бу ўзлаштирилган темирнинг бир кисми эритроцитларнинг етилишига, бир кисми деноларга ўтса, бир кисми организмдан чикиб кетади. Республикамиз аҳолисининг 70-85 % да ОИС яхши ишламайди. Буни тушунтириш керак (гастритлар, энтеритлар, колитлар, яралар, гепатит, дисбактериоз ва б.)

Кучли таъсирга эга бўлган препаратларни назоратсиз қабул қилиш (левомицетин мисолида) ва унда провизорларнинг иштирок этишини тушунтирилади. Дисбактериозга характеристика берилади…! Мана шу нормал процесс бузилганда гипохром анемия юзага чикади. Баъзан организмда ─ плазмада Fe +++ ионларининг микдори ортиб кетади. Бу нарса гемолиз ва куйиш холатларида юзага чикади. Бунда сувда эримайдиган Fe +++ ─ нинг комплекси гемосидерин микдори ошиб тўкима ва органларда йиқилиб колади. Бундай холатга ─ касалликларга гемосидероз дейилади. Шунинг учун хам препаратларни парантерал йўл билан олинганда кон анализини мунтазам ўтказиб туриш ва препаратларни факат кўрсатилган схема асосида ишлатиш керак! ЖДАни кечими уни оғир-енгил формасига боғлиқ. Агар гемоглобин миқдори қонда 90-110 г/л (г%) бўлса ЖДАни енгил шакли, 70-90 г/л (г%) бўлса ЖДАни ўртача шакли, 70 г/л (г%) дан паст бўлса ЖДАни оғир шакли дейилади. Гипохром анемияни даволашда асосан ўзида темир сақловчи препаратлар берилади. Улар устида алохида тухталади…! Гиперхромли анемия а сосан Витамин В 12 ни сурилишини бузилишидан ёки бутунлай булмаслигидан юзага чикади. Бунда антианемик фактор Кестля катта рол уйнайди. Бу факторда экзаген ва энтоген сабаблар бўлиб, экзагенли сабабда истеъмол килинаётган овкатларда Витамин В 12 ни нормал микдорда бўлмаслиги кирса, эндогенли сабабда овкатлар билан етарли даражада В 12 истеъмол килинадию, лекин у медада гастромукопротеинни йуклиги сабабли узлаштирила олмаслиги киради. Гиперхром анемияни келиб чиқишида қуйидаги учта омил катта рол ўйнайди: 1) Аддисон-Бермер касаллиги, 2) СПРУ, 3) Ичакдаги токсик инвазиялар. Уларга қисқача характеристика берилади. Гиперхром анемияни даволашда кобальт препаратлари ишлатилади…! Кобальт препаратлари (коамид, Со─9, СоСl) кизил кон таначаларининг стимуляциясини оширади. Улар буйракдан эритропоэтинни ажралиб

чикишини оширади. Бу эффект Сопрепаратини буйракда гипоксия чакириши хисобига булади. Темир препарати билан Со препарати бирга берилса темир препаратини гемоглобинга утиши анча тезлашади ва енгиллашади. Кобальт препаратлари айникса инфекция ва яллиғланиш билан юзага келган анемияларда яхши ёрдам беради. Уларнинг таъсири буйрак етишмовчилиги касаллигида унча кўл келмайди. Шундай килиб кон пайдо бўлишига таъсир этувчи дори воситалари 2 га бўлинади: I. Эритропоэзга таъсир этувчи дори воситалари: а) эритропоэзни стимулловчилар: темир ва темир унимлари, ферамид, маргимиш, жигар препаратлари, коамид, В 412 0, фоль кислота ва бошкалар. Инъекция йўли билан темир сакловчи препаратлар: ферумлек, жектофер ва фербитол ишлатилади (амп.─ 5 мл.венага; 2мл.мушак орасига ва амп. ─ 2мл-дан). Узок таъсир этувчи темир препаратларига ферроградумент ва феоспан (Югаславия) киради ва гемофер, пролангация таъсирга эга полифер препаратлари киради. Темир препарати билан захарланганда десферал (0,5 - 1г, мушак орасига) препаратидан фойдаланилади. 1 кисм десферал 8,5 кисм Fe +++ лини бирлаштириб олади ва чикиб кетади. Десферал хар 4-8 соатда юбориб турилади. б) эритропоэзни сусайтирувчилар. (Булар эритримия касаллигида) ишлатилади. P 32 Радиоактив фосфорни Na-ли тузи. Бу препаратлар β ва г- нур чикаради. Унинг яшаш даври 14,3 кун. (милли Кюри) 0,5-2 mCдан 20- 100 мл 10-20% глюкоза эритмасига кушиб 6-8 кунда 1 марта венага юборилади. Лейкопоэзга таъсир этувчи дори воситалари: Лейкоцитлар кумикда, лимфа тугунларида, кора талокда ишлаб чикилади. 1мл конда 4-8 мингта бўлади. Яшаш даври 8 кун. Лейкоцитлар 2 группага бўлинади: гранулоцитларга 70% ва лимфоцитларга (30%). Агарда 1 мл конда лейкоцитлар сони 10000 дан ошиб кетса лейкоцитоз дейилади. Лейкоз -ок кон касаллигида эса жуда кўпайиб кетади.

а) Лейкопоэзни стимулловчилар: Na нуклеинат, метилурацил, пентоксил, лейкоген, фоль кислота. б) Лейкопоэзни сусайтирувчилар: Бунга ўсмаларга таъсир этувчи дорилар киради (Колхицин, Тиофосфамид, Миелосан, Допан, Циклофосфан ва бошкалар). Лейкопения-токсик-захарланиш, инфекция ва радиациядан юзага чикади. Камконликда ишлатиладиган янги тайёр дори турлари: 1. Эпрекс α - эритропоэтин. 2. Ферронал─35(сироп). 3. Полидан. 4. Полифер. 5. Биовитал ва фенотек. 6. Сорбифер ─ Дурулес. 7. Тардиферон, Фербитал, Феррокаль. 8. Феррин, Пирофер, Когистин, Феррамид унумлари. Ушбу дориларни ишлатишда куйидаги факторларга алохида ахамият ++ бериш керак. Актив темир (Fe )абсорбцияси берилаётган темир дозасининг ошиши билан камайиб боради. Масалан: 40-100 мг/суткада олса актив темир абсорбцияси 3035% атрофида, агар темир дозаси 300-400 мг/сутки булса-5-7% атрофида бўлади. Шунинг учун хам бир мартабоа ичиладиган темир препаратни дозаси 130-150 мг.дан ошмаслиги керак. Суткадаги дозаси эса-400-450 мг ошмаслиги керак. Шунингдек темирни сўрилиши организмни темирга нисбатан дефицит холатига хам боғлик. Агарда темир запаси нормага якин бўлса кабул килинган темирни 5-7% абсорбцияланади. Темир етишмовчилиги кайд этилса-15-17%-зи, анемия касаллиги бўлса -25-30% абсорбцияланиши мумкин. Темир препаратларни эрта билан оч коринда яхши сўрилади. Одамни массаси, жинси, тузилиш конституциясига караб бир кунда 20-30 мг Fe ++ ни организм талаб килади. Бунинг учун эса оғиз оркали 100 мг-га якин Fe ++ организмга тушиши керак. Ана шу 20-30 мг Fe ++ дан 0,5-1

мг актив Hb билан бирлашадиган Fe ++ конга ўтади. Баъзан организм бир кунда 75-100 мг Fe ++ талаб килади. Бунинг учун эса 300-400 мг Fe ++ кабул килиш керак бўлади. Бундан ортик темир препаратини кабул килиш керак эмас. Оғиз оркали даволаш ўрта хисобда 2-3 ой давом этади, баъзан эса 4-6 ой. Бу вакт ичида Hb микдорини 12 г % етказиш мумкин. Шундан сўнг хам темир препаратини кабул килишни яна 1,5-2 ой давом эттириш керак бўлади. Кейинчалик баъзи бир беморларда профилактика максадида темир препаратини бир кунда 30-60 мг дан бериб бориш хам мумкин бўлади. Темир препаратларини ўзига хос нокулайликлари бор: Темир глецерофосфат ва каферид . Темирни 3 валентлигини саклайди ва ОИС деярлик сўрилмайди. Фитин, ўзида фитоферроктал саклаши хисобига Fe ++ ни сўрилишини бузади. Темир хлорид, алоэ+темир сиропи бор-йуғи ўзида 2,5 мг Fe ++ саклайди ва диспепсия чакиради. Феррамид эса темирни ўзида жуда кам саклайди. 1 кунда 10-12 та таблетка ичишга тўғри келади. Гемостимулан . эса катта табл. нохуш хидга эса, беморлар яхши ича олмайди. Ферроцирон -дизурия чакиради. Ферроплекс -кичик дозада бўлиб 8-10 та табл. кабул килиш керак бўлади. Тардиферон- табл. 80 мг . Fe ++ саклайди ва 80 мг мукопротеазадан иборат бўлиб, яхши таъсир этади. Мукопротеаза Fe ++ ни овкатлар билан аралашиб кетишидан ва Fe +++ га ўтиб кетишидан саклайди. Ферро-градумент -5.0 табл. 105 мг актив Fe ++ ни саклайди. Бу темир губкасимон пластик субстанцияда бўлиб, улар кўп бурилишлардан иборат. Бу системадан Fe ++ факат ОИС даги суюклик мухитидагина ажралиб чикаолади. Препаратдан Fe ++ ажралиб чиккач пластик матрикс нажас билан чикиб кетади. Парентерал юбориладиган темир препаратлари: Темир декстрани 3 валентли гидроксил темирни стабил комплекси, венага ёки мушаклар орасига юборилади. Кучли комплекс булгани учун кон

плазмасига ионизирланган темир тушмайди ва трансферрин темирга туйинмайди. Мушаклар орасига юборилганда препарат секинлик билан абсорбцияланади асосан лимфа йуллар оркали 3 кун ичида препарат 50% конга утади. Уни 25% эса 3 хафта ичида инъекция килинган жойда колади, 5- 10% эса яна 4-5 хафта колиши мумкин. Жектофер -темир -сорбит комплексидан иборат. Уни ММ= 3-5 минг. Бу препарат мушаклар орасига юборилгач жуда тез адсорбцияланади ва 12 соат ичида уни 85% сўрилади. Препаратни биринчи порцияси эритроцитларда 12- 24 соатдан сўнг кўрилади. 24 соат ичида препаратни 30-40% пешоб билан ўзгармасдан чикиб кетади. Фербитал -темир -сорбит комплекси худди жектофер каби таъсир этади. Организмдан бутунлай 20 кун ичида чикиб кетади. Феррум-лек венага юбориш учун темир-сахарат формаси ишлатилади. Мушаклар орасига кичик молекулали темир-декстран формаси ишлатилади. Бу препарат юборилган еридан лимфа системаси оркали абсорбцияланади. Ферковен-венага темир-сахарат холида ишлатилади ва организмга 90% ўтади. Препаратни 10% пешоб билан чикиб кетади. Бу препаратларни маълум кисми организм талабига мувофик Нв га ферртин комплекси оркали ўтади ва шу комплекс холида жигарни РЭС-да, кора талокда, суяк илигида бўлади. Пирофер Fe ++ Вит.В 6 дан иборат кардинацион бирикма. ТашФармида Ш.Шакирова томонидан тўла конли ўрганиб чикилган ва ЎзР ФҚ-таси томонидан клиник синовдан ўтказишга рухсат этилган. Бу препарат ампула ва таблетка формада чикарилади. Когистин Cо ++ гистидиндан иборат координацион бирикма.1%-1 мл амп.м/ о. юборилади. Fe препаратини параентерал беришдан 2-3 кун аввал албатта оғиз оркали берилаётган темир препаратини беришни тўхтатиш керак. Темир препаратини 1 кунда вена оркали .100 мг.дан ортик бериб бўлмайди, чунки 100 мг Fe ++ трансферрини тўла тўйинтириши мумкин, колган темир

микдори эса токсик таъсирларини юзага чикаради. Шу дозани хам хафтада 3 марта берилган маккул. Вена оркали мушаклар орасига юбориладиган препаратларни мутлако бериб бўлмайди. Венага юборадиган препаратларни _секинлик билан 20-50 мг/мин микдорда 5-10 мин ичида юборилади. Умуман параентерал юбориладиган темир препаратлари махсус номограмма ва формулага биноан юборилади. Темир препарат билан оғиз оркали даволаш 3-6 ой давом этади. Даволашни бирламчи даволаш эффекти 4-7 кунларда кайд этилади. Бунда конда ретикулоцитоз бўлиб, ёш етилаётган, гемоглобин билан тўинган кизил кон таначаларининг микдори ошиб кетади. Нв-ни микдори ишонарли даражада ошиши даволашни 2-4 хафталарида кайд этилади. Нормал холатга эса давонинг 1-3 ойларида келади. Агарда гипохром анемиянинг ЖДА диагнози тўғри кўйилган бўлса, албатта темир препаратлари ижобий таъсир этади. Темир препаратларидан декстран+темир препарати параентерал юборилади. Декстран темир препаратининг 1 мл-да 50 мг Fe ++ бор. Бу препаратни мушаклар орасига чукур юборилади, акс холда инъекция ўрнида сарғиш доғлар пайдо бўлади. Шунинг учун бу препаратни баъзан венага хам юборилади. Эритропоэтин . суяк илигидаги эритроцитларга моил специфик эритропоэтин рецепторларини китиклаб эритроид усимталарида пролиферация процессини кучайтиради. Эндоген эритропоэтинлар буйрак хужайраларидан буйрак гипоксияси юзага келганда ажралади. Анемия холатларида экзоген эритропоэтинлар кўплаб ажаралиб чикади ва суяк илигида нормал эритроцитларни етилишига туртки бўлади. Нормада конда эритропоэтин микдори 20 МЕ/л га тенг бўлиб, анемик холатларда 100-500 МЕ/л гача кўпаяди. Аммо анемия буйрак етишмовчилигидан келиб чиккан бўлса эритропоэтин ўз ижобий таъсирини кўрсата олмайди. Препаратни 50-

150 МЕ/л хисобида хафтада 3 махал вена оркали юборилади. Препаратни бошка препаратлар билан бирга кўшиб бериб бўлмайди. Кейинги пайтларда жахон бўйича тан олинган Швейцария фармацевтика саноатининг бриллиант препаратларидан ўзида темир сақловчи Венофер ва Мальтофер препаратлари кенг қўлланмоқда. Венофер темир ва полимальтозадан, Мальтофер эса темир ва фолат кислотадан иборат. Улар ўткир анемия холатларида ҳомиладор аёлларда ва болаларда кенг қўлланади. Шунингдек, Швейцария ва Францияда янги ўзида темир сақловчи, узоқ таъсир этиш қобилиятига эга, усти махсус қоплама билан ўралган Гино – тордеферон таблеткаси ҳам ишлаб чиқарилмоқда. Бу препаратни асосини тардиферон билан фол кислота ташкил этади ва 30 донадан дражжеда чиқарилади. Дражжеда 80 мг темир (II) , 0, 35 мг фол кислота ва 80 мг мукопротеаза хамда аскорбин кислота бор. Охирги пайтларда темирни микроэлементлар билан комплексидан иборат препарати ичиш учун мулжалланган эритма ҳолида 10 мл дан чиқарилмоқда. Ҳар ампулада 50 мг темир глюконат, 1, 33 мг марганец глюконат ва 0, 70 мг мис микроэлементи бор. Бу препарат Францияда Татема номи билан чиқарилади. Ампуладаги эритмани сув ёки турли хил сокларда эритиб, аралаштириб, овқатдан олдин ичилади. Бир кунда 2-4 ампула ичилади. ЖДАни даволашда ва уни олдини олишда яхши ёрдам беради. Уни ҳомиладор аёлларга кейинги хомила даврида (3 ойдан сўнг) берса бўлади. Хозирги кунда янги Глобекс препарати тиббиётга тадбиқ этилди. Препарат темир, кобальт ва рухдан иборат. Бир препаратда ҳам темир, ҳам кобальт, ҳам рух борлиги унинг терапевтик эффектини узайтиради. Темир препаратларини гемолитик анемияда, гемосидерозда, гемохроматозда, апластик ва мегобластик анемияда бериб бўлмайди. Шунингдек, уларни ўткир юрак етишмовчилигида, артериал гипертонияда, ўпка аллергик касалликларида, фаол пиелонефритда, ўткир

гломерулонефритда, гепатитда, ривожланган жигар ва буйрак касалликларида бериш тавсия этилмайди. Бу борада Тошфармида ҳам маълум даражада изланишлар олиб борилмоқда (темир комплекс бирикмаси ҳолида ва ўсимликлар йиғмаси шаклида)… ! Витамин В 12 организмда ошқозон-ичак тизимида бактериялар ёрдамида синтезланади, лекин уларни хаммаси абсорбцияланмайди. Инсонларни В 12 га талаби нормада 2-3 мкг га тенг. В 12 ни парентерал йўл билан 50100 мкг дан хафтада 2-3 марта юборилади ёки таблетка ҳолида 1 кунда 2-3 марта берилади. Қабул қилинган овқатлардан болаларда 2, 5 мкг, катталарда эса 3 мкг, ҳомиладор аёлларда -4 мкг сўрилади. В 12 ўрнида оксикобаламин ёки кобамид препараптлари ёки В12 ни узоқ таъсир этувчи шакли Бетольвекс (1 мг) қўлланади. Препарат инъекция қилинган ерда секин сўрилади. Хлорид кислотаси витамин В12 ни овқат таркибидаги оқсиллар билан бириккан жойидан ажратиб беради. Шунинг учун ҳам хлорид кис. камайганда В12 ни сўрилиши қийинлашади. Сўрилган В 12 организмда кобамидга ўтади ва жигарда йиғилади. Қондаги В 12 ни 90 % и плазмадаги оқсиллар билан бирикади ва узоқ циркуляция қилиб юради. Нормада В 12 ни организмдаги захираси 2-5 мг га тенг. Буни 50-90 % и жигарда бўлади. В 12 ни эритремияда, эритроцитозда, усмаларда бериб бўлмайди. Шунингдек, қон қуйилиш жараёни кучайганда ва кўриш нервини туғма дегенерациясида берилмайди, чунки бунда кўзни кўрмаслиги жуда тез юзага чиқади. В 12 юқори дозада гиперкоагуляцияни юзага чиқаради. В 12 ни В 1 ва В 6 лар билан бирга 1 та шприцда бериб бўлмайди, чунки кобальт ионии бошқа

витаминлар молекуласини бузиб юборади ва В 1 ни аллергик таъсирини кучайтиради. В 12 организмда метионин, холин ва бетаин каби оқсил-аминокислоталарни пайдо бўлишида, ёғ ва карбонсув алмашинувида ҳамда водородни ташувчи сифатида ҳам иштирок этади. Фолат кислота В 12 ни таъсирини кучайтириб беради. В 12 таъсирида эритроцитлар массасини нормага келиши 1-3 ой ичида юзага келади.

Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

O'xshashlar

Артериал гипертензиялар уларнинг патогенези ва фармакотерапияси асослари

Атеросклероз касаллиги патофизиологияси ва фармакотерапияси асослари

Юрак ишемик касаллиги унинг патогенезитурлари ва фармакотерапияси

Ўткир ва сурункали юрак етишмовчилик касаллиги патофизиологияси ва фармакотерапияси принциплари

Этиологрия ва патогенези