logo
  1. Bosh sahifa
  2. Referatlar
  3. Tibbiyot
  4. Allergiya

Allergiya

Yuklangan vaqt:

20.09.2019

Ko'chirishlar soni:

0

Hajmi:

41 KB
Ko'chirib olish
Allergiya Reja: 1. Begonalar qo'yilmasin 2. Xavfli aloqalar 3. Bolalardagi shamollash 4. Allergiya sababchisini aniqlash 5. Genetikani aldash mumkinmi 6. Allergiyaga qarshi kurashning uchta usuli Hozir ayni bahor payti. Afsuski, aynan shu go'zal faslda ko'pgina kasalliklar o'zini namoyon eta boshlaydi. Ulardan biri - allergiya. Quyida ushbu kasallikning paydo bo'lish sabablari, namoyon bo'lish alomatlari, oldini olish usullari va boshqa ma'lumotlarni bilib olishingiz mumkin. BEGONALAR QO'YILMASIN Allergiya - bu immun tizimining begona moddalarga qarshi reaksiyasidir. Allergiya turlicha namoyon bo'ladi: qichish, teri toshmalari, yo'tal va nafas yetishmasligidan tortib, to qusish, ich ketishi, qorin og'riqlari va hatto eng qo'rqinchli anafilaktik shokgacha. Allergiya organizmdagi ko'plab tizimlar faoliyatini buzadi va bronxial astma, obstruktiv bronxit, ekzema, o'tkir angina, tonzillit, oshqozon-ichak trakti kasalliklari, buyrak, asab hamda yurak-qon tomir tizimlarining surunkali xastaliklari rivojlanishiga olib kelishi mumkin. XAVFLI ALOQALAR Ovqatni ko'tara olmaslik odatda iste'mol qilinmaydigan allergenlarga patologik reaksiya bilan birga kechadi. Masalan, olma, o'rikka nisbatan allergiyada odam qayin va shuvoq gullashiga ham ta'sirchan bo'lishi mumkin. Agar bodringga nisbatan allergiya bo'lsa, nafaqat qovun va sabziga, balki gullayotgan o't-o'lanlarga ham salbiy reaksiya kuzatiladi. Allergiyaning rivojlanishi genlarga bog'liq, bunda allergiyaga asosan erkaklar moyilroq bo'ladi. Ba'zida allergiya yoshi katta ayollarda homiladorlik natijasida paydo bo'ladi. Bu ayol organizmi o'z qornida shakllanayotgan homilani antigen sifatida qabul qilgan holatlarda yuz beradi. Allergiya kasalligining kelib chiqishiga quyidagilar sababchi bo'lishi mumkin : * yomon ekologiya , * stres slar , * dorilarni nazoratsiz qabul qilish Boshqa hududlarga qaraganda Rossiyaning Krasnodar, Stavropol o'lkalarida va O'rta Osiyoda odamlar pollinozdan (organizmning gulchangiga qarshi reaksiyasi) ko'proq aziyat chekishar ekan. Odatda allergiya alomatlari bolalikda namoyon bo'ladi . Organizmning immun qarshiligi insonda 5 yoshlarda shakllanadi, deb hisoblashadi. Biroq sinchkov shifokor boladagi allergiya alomatlarini deyarli tug'ilgan chog'idanoq aniqlashga qodir. 5 yoshdan katta bolalar uchun nafas olishda namoyon bo'ladigan allergiya xos bo ' lib , bu bronxial astmaning boshlang'ich shakllanish bosqichi hisoblanadi. BOLALARDAGI SHAMOLLASH Bolalarni shamollash va virusli kasalliklardan asrash kerak. Virusga chalinishning eng xavfli oqibatlaridan biri bu - tomoq yallig'lanishi va uning natijasida nafas siqilishidir, bu holat bo'g'iz shishib ketishiga olib keladi. Ushbu xastalikni boshidan kechirgan bolalarda ko'p hollarda allergik o'pka xastaliklari rivojlanadi. Chaqaloqlarda allergiya aksariyat hollarda teri toshmalari ko'rinishida namoyon bo'ladi. Odatda bunday reaksiya oshqozon-ichak trakti faoliyatidagi buzilishlar oqibatida yuz beradi. Demak, go'daklarda disbakteriozning oldini olish va davolash allergiya va infeksiyalardan eng yaxshi himoya hisoblanadi. Shuningdek, go'dakni ko'krakdan erta chiqarish va sun'iy ovqatlarga o'tkazish hamda muddatidan oldin berilgan qo'shimcha ovqatlar (bo'tqalar, pyure, sharbatlar, tvorog) ham bolada allergiya rivojlanishiga olib kelishi mumkin. GENETIKANI ALDASH MUMKINMI Bolani nasldan-naslga o'tadigan allergiyadan saqlash uchun bo'lg'usi ona allergiya sustlashgan davrda homilador bo'lishi kerak. Keyin u shifokor bilan birgalikda o'zinig ovqatlanish ratsionini puxta tuzishi lozim. Agar homilador ayolda o'simliklar gulchangiga allergiya bo'lsa, unda ular gullaydigan mavsumda jonajon kengliklarni tark etishiga to'g'ri keladi (ayniqsa, bu xavfli davr homiladorlikning ilk uch oyiga to'g'ri kelganida). ALLERGIYA SABABCHISINI ANIQLASH O'simliklar gulchangi, xonalardagi mikroflora, hayvonlar juni, turli oziq-ovqat mahsulotlari, shilliq parda va terida yashovchi bakteriyalardagi oqsilli komponentlar allergenlar bo'lishi mumkin. Unda apelsin, shokolad, qahva, achitilgan karam va marinadlangan bodringlarga nisbatan allergik ta'sirning (qichish, qizarish, toshma) paydo bo'lishini qanday qilib tushuntirish mumkin? Axir ularning tarkibida hech qanday oqsil moddalar yo'q-ku? Ma'lum bo'lishicha, shu va boshqa oziq-ovqat mahsulotlari muayyan sharoitlarda allergen rolini ham o'ynar ekan. Salbiy reaksiya deyarli har qanday dori preparatini qabul qilishga, maishiy kimyo, kosmetika vositalari va turli ishlab chiqarish allergenlari bilan ishlaganda javob sifatida namoyon bo'lishi mumkin. Allergiyani qo'zg'atuvchi sabablar juda ko'p, shu bois allergiya bo'yicha ko'rikni albatta allergolog- immunolog shifokor qabulidan boshlash kerak. Tahlillar shifokorning gumonlarini tasdiqlaydi xolos. Allergenni terida sinab ko'rish. Tirsakning ichki yuzasiga eng ko'p tarqalgan allergenlardan (oziq-ovqat, zamburug', epidermal) 10-15 tomchi tomiziladi. Keyin nozik pat yordamida shu joy ozroq tirnaladi. Ikki daqiqadan keyin terida hosil bo'ladigan reaksiyaga qarab natijaga baho beriladi. Allergenni teri ichida sinab ko'rish . Allergen terining ustki qatlamiga ukol qilish usuli bilan kiritiladi. Ushbu usuldan allergiya alomatlari yetarli darajada ravshan bo'lmagan holatda foydalaniladi. Qonni allergenga tekshirish. Ushbu tahlil nafaqat eng ishonchli, balki bemordan qanchalik kuchli allergik reaksiyani kutish mumkinligiga ishonch yo'q bo'lgan taqdirdagi yagona tahlil hisoblanadi. Bundan tashqari ushbu usulni psoriaz va ekzema kabi teri kasalliklarida ham qo'llash mumkin. Uzil-kesil tashhisni nafas olish testi yordamida ham qo'yish mumkin. Xavfli oqibatlardan qochish uchun allergenlar bo'yicha barcha sinovlar faqat statsionar sharoitlarda o'tkaziladi. Qonni E immunoglobulin iga tekshirish. Ushbu tahlil potensial allergiya xavfi va rivojlanish darajasi haqidagi savolga javob beradi. ALLERGIYAGA QARSHI KURASHNING UCHTA USULI Eng radikal usul aniqlangan barcha allergenlarni to'liq bartaraf etishdan iborat. Afsuski, har doim ham buning iloji yo'q, ayniqsa bunday "qo'zg'atuvchilar" juda ko'p bo'lsa. Bu asosan oziq-ovqat va maishiy allergiya kasalliklariga xos. Antigistaminli, og'ir holatlarda esa gormonal preparatlar bilan allergiya alomatlariga qarshi kurash uning sabablarini bartaraf etmaydi, bor-yo'g'i allergiyaning namoyon bo'lish shakliga qarshi kurashda yordam beradi xolos. Shuning uchun preparatlarni qaysi paytda qabul qilish ma'qulligi borasida shifokor bilan maslahatlashing. Uchinchi va asosy usul - bu allergenlar bilan maxsus immunoterapiyani o'tkazish. Ushbu usul achchiqni achchiq kesadi shaklida o'tkaziladi, ya'ni bemor organizmiga bir yoki bir nechta allergen oshib boradigan dozalarda kiritiladi. Bu bilan asta-sekin immun tizimini norozilik belgilarini namoyon etmaslikka o'rgatib boriladi. Ushbu usulning kamchiligi - davolanish kursining cho'zilishidadir (3-4 yil davomida har yili bir marta). Davolash ishlari bilan birga ovqat hazm bo'lish traktini sog'lomlashtirishga, og'iz va burun-halqum bo'shlig'ini sanatsiyalashga yo'naltirilgan umumiy quvvatlantiruvchi terapiya ham o'tkazilishi zarur. Kasallikni o'z vaqtida aniqlash ham muhim ahamiyatga ega. Bu uning xurujlarini yumshatish va hatto undan butkul xalos bo'lish imkonini beradi.

O'xshashlar

MODDALAR ALMASHINUVI BUZILISHI KASALLIKLARI (RAXIT, SPAZMOFILIYA, GIPOTROFIYA, EKSSUDATIV DIATEZ). ALLERGIYA. TERINING ZAMBURUG`LI VA QICHIMA KASALLIKLARI. GELMINTOZLAR.
Moddalar almashinuvi buzilishi kasalliklari (raxit, spazmofiliya, gipotrofiya, ekssudativ diatez). allergiya. Terining zamburug`li va qichima kasalliklari. Gelmintozlar
Chet elda Gomeopatik vositalarning ishlab chiqarish masalalari
Dorilarning salbiy ta’sirlari
Kashandalik