Толали яримфабрикатларни майдалаш - Texnika va texnologiya - Referatlar

Толали яримфабрикатларни майдалаш

Yuklangan vaqt:

30.04.2023

Ko'chirishlar soni:

0

Hajmi:

502 KB

Ko'chirib olish

Толали яримфабрикатларни майдалаш Режа: 1. Лаборатория шароитида целлюлозани майдалаш 2. Ролда целлюлозани майдалаш 3. ЦРА аппаратида целлюлозани майдалаш 4. Майдалаш жараёнини лаборатория шароитида назорат қилиш 5. Майдаланиш даражасини аниқлаш 6. Толаларнинг ўртача узунлигини аниқлаш 7. Толалар орасидаги боғланиш кучларини аниқлаш 8. Толанинг критик узунлиги

Толали материалларни майдалаш – ишлаб чиқаришнинг асосий жараёнларидан ҳисобланиб, тайёр қоғознинг кўплаб хоссаларини аниқлайди. Ҳозирда бир вақтда кечадиган иккита ҳодиса аниқ ўрнатилган: ўсимлик тола шакли ва ўлчамларига майдаловчи гарнитуранинг механик таъсири ва толаларга гидратация колоидкимёвий таъсир. Майдалаш жараёнида толалар калталаштирилади ва энг муҳими толалар узинаси бўйлаб фибрилланади. Толаларнинг фибрилланиши натижасида сув ютиши ортади, натижада қоғознинг механик мустаҳкамлиги, сув шимиши, ҳавони ўтказувчанлиги ортади. Фибриллар орасидаги масофа яқинлашганлиги сабабли водород боғлари ҳосил бўлади. Лаборатория шароитида целлюлозани майдалаш Лаборатория шароитида қоғоз олиш учун яримфабрикат лаборатория роллида (ролл-4, ролл-22,5) ёки марказдан қочма майдалагич аппаратида (ЦРА) майдаланади. Яримфабрикатдан тайёрланган намунанинг намлиги аниқлангач, бўкиш учун сув шимдирилади. Целлюлоза материалини бўктириш, титиш ва майдалаш учун дистилланган сув ишлатилади. Намлиги 12 % дан кам бўлмаган намунани 30 мин давомида бўктирилади, агар намлиги кам бўлса 1 соат давомида бўктирилади. Ролда целлюлозани майдалаш Лаборатория ролининг сиғими 4 л. Толали материални майдалашда учун концентрацияси 1 % ли суспензия тайёрланади. Яъни ҳажми 4 л бўлган суспензия тайёрлаш учун 40 г абсолют қуруқ целлюлоза олинади. Қоғоз композициясини ҳосил қилиш учун керакли миқдорда майдаланган массадан олинади. Ҳажми 4 л ли лабораторияда ишлатиладиган ролнинг умумий кўриниши 7-расмда келтирилган. Ҳаракат, ременли тасма орқали узатилади. Уни

электрдвигатиль минутига 1450 марта айлантиради. Ролл аппаратнинг майдаловчи барабани ва уст қисми ишлаб турган вақтда металл қапқоқ билан ёпиб қўйилади. расм . Лаборатория ролли: 1 – планкали дўнглик; 2 – металли ванна; 3 – майдаловчи барабан; 4 – енгиллантирувчи қурилма; 5 - вални ҳаракатлантирувчи шкиф; 6 - тўсиқ; 7 - тешик. Целлюлозани роллга юклашдан олдин бегона қўшимчалардан тозаланади. Сўнгра толали масса миқдори 4 л суспензия тайёрлашга ҳисобланган. Майдаланиш жараёнини кузатиш вақтивақти билан лабораторияда майдаланиш даражаси ва толаларнинг ўртача узунлиги аниқланиб турилади. Аниқлашлар оралиғи 8...10 мин атрофида бўлади.

Толалар тегишли даражагача майдалангач, ролл барабани тўхтатилиб, тайёр масса челакка қўйилиб олинади. Иш тугагач ролл аппарати сув билан яхшилаб ювилади. ЦРА аппаратида целлюлозани майдалаш ЦРА аппаратининг ташқи кўриниши расмда келтирилган. Тузилиши: юқори диск, конструкцияси қуйма олтита уя симметрик жойлашган ва ступица, унинг ёрдамида марказий ўққа уланади. Марказий вал приводи иккита конуссимон шестерня ёрдамида амалга оширилади, улар привод корпусида жойлашган. Етакловчи конуссимон шестерня етакловчи валга ўрнатилган. У муфты орқали редуктор билан уланган бўлиб, асинхрон электрдвигатель орқали ҳаракатга келтирилади. Электрдвигателни бошқариш реостат орқали бажарилади ва унинг ёрдамида марказий валнинг айланиш частотасини минутига 70 дан 200 тагача ўзгартириб беради. Аппаратнинг майдаловчи қисми юқоридаги дискга махкамланиб очиб ёпиб турадиган қопқоқ ичига жойлаштирилган. Массани майдалаш бронзадан ясалган майдаловчи цилиндр шаклидаги стаканлар орасида амалга оширилади. Стаканни ички юзаси майда кесикли, майдаловчи цилиндрлар ён юзи рифленли. Юқори диск ўз ўқи атрофида айлаиб, майдаловчи стаканларни айлантиради, ўз навбатида, ўқи атрофида айланади. Майдаловчи цилиндрлар, марказдан қочма куч таъсирида, стаканни ички юзасига сиқади.

расм . Марказдан қочма майдалагич аппарат (ЦРА). Аппаратнинг майдаловчи қисми бир меъёрда юкланади, шунинг учун бир вақтнинг ўзида олти, тўрт, уч ёки иккита майдаловчи стаканлар ишлаши мумкин. Майдаловчи стаканлар симметрик тарзда ўрнатилиши керак: учта стаканлар билан ишлаганда – диск уяси орқали, иккита – диаметрик тескари жойлашган уяларда. ЦРА аппаратида майдалаганда битта стаканга 16 г абсолют қуруқ тола юкланади. Суспензия концентрацияси 6 % бўлиши керак. Бунда битта стаканга юкланган суспензия ҳажми: Тортиб олинган целлюлоза намунаси шиша стаканга солинади ва устига сув қуйилади, яхшилаб аралаштирилади ва 30 мин давомида тиндириб қўйилади. Шу вақт ичида толали целлюлоза бўкади. Бу иш қуруқ целлюлозани майдалашда керак бўлади. Агар целлюлоза нам бўлса, бу ишни бажариш шарт эмас. Тортиб олинган целлюлоза намунаси стакан ичига бир текис қилиб жойлаштирилади. Майдаловчи стаканлар диск уясига шундай ўрнатиладики, стакан ручкалари винтни тегишли жойларига кийдирилган бўлиши керак. Стаканлар ўрнатилиб, қопқоғи ёпилгач, электрдвигатель ишга туширилади. Электрдвигателни улаш ва ўчириш, бошқарув реостат стрелкаси нолга келганда бажарилади. Акс ҳолда аппарат механизмлари ишдан чиқиши мумкин. Массани 20 мин давомида майдалаганда асосий валнинг айланиш тезлиги минутига 80 сўнгра 150 гача оширилади. Майдалаш вақти ҳар иккала ҳолатда ўқитувчи томонидан кўрсатилади. Майдалаш ишлари тугагач, реостат стрелкаси нолга келтирилади ва диск тўхтагач, қопқоғи очилади. Тайёр бўлган масса оддий шиша стаканга

қуйиб олинади. Сўнгра массанинг майдаланиш даражаси ва тола узунлиги аниқланади. Майдалаш жараёнини лаборатория шароитида назорат қилиш Лаборатория шароитида майдалаш жараёнини назорат қилиш, массадан сувни сиқиб чиқаришига асосланган. Турли майдаланиш даражасига эга бўлган масса тўрда ҳар хил тезликда сувсизланади. “Мойли” майдалик деб фарқланган массада толалар кўп миқдорда фибрилланганлиги ва гидратланганлиги натижасида секин сувсизланади. Тола дағал майдаланса у яхши фибрилланмаган ва кам гидратланган бўлади. Шу сабабли масса тез сувсизланади. Фибрилланиш ва гидратланиш жараёнидан ташқари толалар майдаланганда калталашади. Майдалаш жараёнини баҳолашни белгиловчи тавсифлар: майдаланиш даражаси, толаларнинг ўртача узунлиги ва толалар орасидаги боғловчи кучлар. Майдаланиш даражасини аниқлаш Массанинг майдаланиш даражаси СР-2 (2.15-расм) аппаратида аниқланади ва Шопер-Риглер градусларида ( о ШР) ифодаланади.

расм . Майдалаш даражасини аниқловчи СР-асбоби чизмаси. Асбобнинг юқори қисми цилиндр шаклида 1 бўлиб, унинг таг қисми №40 бир турдаги миткалли тўр матодан тайёрланган. Цилиндрнинг тўрли таги 2, клапан билан махкамланган. Унинг ён томонлари тортилиб ҳалқа шаклидаги резина ёрдамида зичланган. Аабобнинг пастки қўзғалмас қисми конус 3 кўринишида бўлиб, штатив 4 га махкамланган. У икки тешикли: марказий тор 5 (диаметри 3,1 мм) ва ён томондаги кенг 6 (диаметри 12,5 мм) тешикдан иборат. Тешиклар шундай жойлашганки, сув ён тешиклардан оқиб ўтиши учун унинг тезлиги марказий тешикдан ўтаётган сув тезлигидан катта бўлиши керак. Асбобнинг тўри горизонтал ҳолда жойлашган бўлиши шарт, шунинг учун иш бошлашдан олдин асбобнинг қуйи қисмига ўрнатилган болтлар ёрдамида горизонтал ўрнатилади. Тўрда очилган жойлари бўлмаслиги, тортилган бўлишли ва толалар қолдиғидан тозаланган бўлиши шарт. Синашдан олдин цилиндр таги конус шаклидаги клапан билан ёпилади. Цинашда цилиндр ичига ручка махавиги ёрдамида туширилади. Майдаланиш даражасини аниқлаш учун 2 г абсолют қуруқ тола олинади. Масалан, роллдаги масса концентрацияси 1 % бўлганда абсолют қуруқ целлюлоза суспензиясининг миқдори 200 мл бўлади. Намуна ўлчов цилиндрига қуйилади, сўнгра сув билан 1 л гача суюлтирилади. Сувнинг қовушоқлиги массани сувсизлантириш даражасига катта таъсир қилади. Намунанинг майдаланиш даражасини аниқлашда, сув ва намуна температураси 20 о С да бўлиши лозим. Температура 1 о С га камайтирилганда майдаланиш даражаси 0,46 о ШР га пасаяди. Массани бир стакандан иккинчисига қуйиш орқали аралаштириб, асбобнинг цилиндрига қуйилади. Бунда асбобнинг тўри клапан билан ёпилган ҳолатда бўлади. Сўнгра клапан кўтарилади, масса тўрда сувсизланади, сув аппаратнинг пастки қисмига ўтади. Мойли масса сувни секин ўтказади, асосан сув марказий кичик тешикли вертикал қувурдан

ўтади. Йирик масса сувни тез ўтказади ва марказий қувур кичик тешигидан ўтишга улгурмайди. У конуссимон воронкани тўлдириб, ён қувур орқали оқиб кетади. Ён цилиндрдаги сув ҳажмини 10 мл аниқликда ўлчаб, массани майдаланиш даражаси МД, о ШР градусларида аниқланади: бу ерда: V - тешикдан оқиб ўтган сув ҳажми, мл. Намунани икки марта ўлчаб, ўртача арифметик қиймат олинади. Толаларнинг ўртача узунлигини аниқлаш Толаларнинг ўртача узунлиги Иванов асбобида аниқланади. Асбобнинг тузилиши (расм) қуйидагича: воронка шаклидаги идиш 2 , пастки, диаметри 40 мм ли қувур, очиб-ёпиладиган клапан 3 , асосий ишчи органи ҳисобланувчи рама 5 ўлчамлари (100х100 мм), ричакли тарози 1 , стакан 4 дан иборат. Толаларнинг ўртача узунлиги қуйидагича аниқланади. Таркибида 6 г абсолют қуруқ тола бўлган массадан намуна олиб, стаканда икки литргача сув билан суюлтирилади ва яхшилаб аралаштирилади сўнгра клапани ёпиқ ҳолдаги идиш 2 га қуйилади. Идиш ичига рама 5 жойлаштирилган бўлади. Шундан сўнг идиш штатив ҳалқасига ўрнатилади ва клапан 3 очилади.

расм . СДВ туридаги толаларнинг ўртача узунлигини аниқлайдиган асбоб. Толали суспензия стаканга 4 га қуйилади, рама панжараларида ўтириб қолган толалари билан ричагли тарозида тортилади. Тортилган ҳўл толали масса, дециграммларда (дг) ифодаланган. У толаларнинг ўртача узунлигини тавсифлайди. Тажриба натижаларининг толани ўртача узунлигига боғликлиги 2.12-жадвал жадвалда келтирилади. Бу боғликлликни қуйидаги тенглама ёрдамида ифодалаш мумкин: l = 0,0965 × ln( И ) − 2,455, бу ерда: И – Иванов кўрсаткичи (25 дан 200 гача). жадвал Толаларнинг ўртача узунлиги ва тарози кўрсаткичи орасидаги боғликлик (сульфатли целлюлоза учун) Тарози кўрсаткичи, дг Тола узунлиги, мм 8 0,5 14 0,6 21 0,7 26 0,8 32 0,9 38 1,0 44 1,1 50 1,2 56 1,3 62 1,4 67 1,5 Тарози кўрсаткичи, дг Тола узунлиги, мм 73 1,6 79 1,7 84 1,8 90 1,9 97 2,0 104 2,1 112 2,2 124 2,3 140 2,4 167 2,5 Бу асбобда қоғоз массасининг майдаланиш даражаси 15...18 дан 90 о ШР гача бўлган чегарада аниқланади. Қоғоз массасидаги толаларнинг узунлиги микроскопда аниқ топилади. Толалар орасидаги боғланиш кучларини аниқлаш

Целлюлозали яримфабрикатнинг майдаланиш даражаси қоғоз пишиқлигига катта таъсир кўрсатади. Майдалаш жараёнда толалар фибрилланиб, толаларнинг орасидаги боғловчи кучларнинг мустаҳкамлиги ошади. Қоғознинг йиртилишга ва ҳаво босимига қаршилиги асосан толалар орасидаги боғловчи кучларнинг таъсирига боғлиқ. Бундан ташқари, қоғознинг бир қанча физик хоссалари: ҳажм оғирлиги, хиралиги, ҳаво ўтказувчанлиги, суюқликни шимиш қобилияти ва б. кўрсаткичлар варақдаги толалар орасидаги боғларнинг кучига боғлиқ. С. Н. Иванов усули бўйича толалар орасидаги боғланиш кучини аниқлашда, лаборатория шароитида қоғоз қуйиш асбобида қоғоз намунаси олинди. Иккита тенг юзали қоғоз намуна текис юзага ўрнатилади. Уларнинг биттасига маълум масофа оралиғида иплар жойлаштирилади. Улар намуна устига ҳўл ҳолда қўйилади (расм). Сўнгра иккинчи намуна қоғоз биринчи намуна қоғознинг устига қўйилади ва иккала намуна қоғоз қуйиш аппаратининг қуритиш камерасига жойлаштирилади. Ҳар иккала қоғоз намунасининг массаси 100 г/м 2 бўлиши керак. Иккала қоғоз намунасидан 50х15 мм ўлчамда намуна тайёрланади (расм). Синовни ўтказиш жараёнида препарат игнаси ёрдамида намуналардан иплар олиб ташланади.

расм . Толалар орасидаги боғланиш кучини аниқлаш учун ипларнинг жойлаштирилиши. расм . Боғланиш кучини синаш учун намуналар. Сўнгра намуналар конденсирланади. Синашдан олдин ҳар бир намунага белги қўйилади. Қалинлиги ва 1м 2 даги массаси ўлчанади, сўнгра намуналар бир-биридан ажратилади. Намуналар марказининг эни с мм пинцет ёрдамида махкамланади. Икки қавати бирлаштирилган намуна участкасининг эни, линейкали лупа ёрдамида ўлчанади (2.19-расм). Намунани текис қатламдан ажратиб олиш учун 10 та намуна РМБ-30М динамометрида синалади. Иванов усулида толалар орасидаги боғланиш кучи (Ғ св ) қуйидаги формула ёрдамида аниқланади: расм . Боғ кучини аниқлашдаги синов. бу ерда: Р – парчаланиш кучи, Н; в – намуна эни, мм; с – қоғоз намунасининг таъсирлашган ҳолатдаги юзасининг эни, мм. св P F св ×= МПа ,

Боғланиш кучларининг қийматини Иванов усулида аниқлаганда 10 та намуна синалиб, ўртача арифметик қиймати олинади. Натижаси МПа да ифодаланиб, 0,01 қийматгача аниқликда олинади. Толанинг критик узунлиги Целлюлоза-қоғоз материали ўзининг хоссасига кўра полимер ва композит оралиғида туради. Маълумки, қоғознинг пишиқлигини синаш жараёнида узилиш зонасидаги структурадан толаларнинг баъзилари суғрилиб чиқса, баъзилари узилиб чиқади. Толалар узилиб чиққанда структуранинг пишиқлиги ортади. Толанинг критик узунлиги қуйидаги тенглима ёрдамида аниқланади: бу ерда: σ - чўзишдаги тола пишиқлиги; τ m - материал билан тола юзаси оралиғидаги силжиш кучланиши; d 1 - тола диаметри. Бу тенглама целлюлоза- қоғоз материали шароитига қўлланса, тенглама қуйидаги кўринишга келади: бу ерда: d т - тола эни; σ 0 - динамометрнинг намуна қистиргич оралиғи “0” тенг бўлгандаги материалнинг парчаланишдаги кучланиши; Ғ св - Иванов усулида аниқланган толалар орасидаги боғланиш кучлари; р 1 ва р 2 материал зичлиги; 1,54 – целлюлоза материалининг зичлиги. Толанинг критик узунлиги целлюлозанинг адгезия қобилияти, толаларнинг дағаллиги ва ҳўл ҳолдаги зичланиш хусусиятини ифодаловчи энг муҳим хоссаси ҳисобланади.

Адабиётлар: 1. Методическое указания по лабораторному практикуму для студентов химико-технологического факультета. Ленинград-1989. 2. Раҳмонбердиев Ғ. Р., Примқулов М. Т. Тошпулатов Ю. Т . Целлюлоза- қоғоз технологияси асослари. Т., “Алоқачи” 2009 й. 3. Гурьев А . В., Казаков Я. В., Камаров В. И., Хованский В. В . Практикум по технологии бумаги. Архангельск, Из-во АГТУ, 2001. 4. Примқулов М. Т., Юлдашев К. И., Холтаева Х. Ш. Пахта целлюлозаси солиштирма қовушоқлигининг полимерланиш даражасига боғлиқлиқ жадвали. Ўзбекистон кимё журнали. № 4, 42-44 бетлар, 2002 й. 5. Аким Э. Л. Обработка бумаги. М.: Лесная промышленность,1979. 6. Аким Э. Л. Синтетические полимеры в бумажной промышленности. М.: Лесная промышленность,1986. 7. Neimo Leo (Book Editor). Papermaking Cemistry. Jyvaskyla, 1999. 8. Научные основы химической технологии углеводов. Отв. Редактор. Д.х.н. проф. А. Г. Захаров. Москва. Изд. ЛКИ. 2008. – 528 с. 9. Костина Е.М., Могилевский Е.М. Исследование полидисперсности целлюлозқ методом дробного осаждения в кадмийэтилендиаминовом комплексе //химические волокна, 1968. - №6. - С. 31-36.

O'xshashlar

Материал балансини ҳисоблаш

Целлюлоза пишириш бўлими асбоб ускуналари

Целлюлоза технологияси

Толаларни микроскоп ёрдамида текшириш

Пахта момиғини Bi Vis аппаратида узлуксиз пишириш