Пахта момиғи - Texnika va texnologiya - Referatlar

Пахта момиғи

Yuklangan vaqt:

30.04.2023

Ko'chirishlar soni:

0

Hajmi:

384 KB

Ko'chirib olish

Пахта момиғи Режа: 1. Смола ва ёғларини аниқлаш 2. Ифлос аралашмалар ва бутун чигитларнинг масса улушини аниқлаш усуллари 3. Альфа-целлюлоза таркибини аниқлаш 4. Кадоксен эритмасида целлюлозани кетма-кет чўктириш усулида фракцияларга ажратиш 5. Целлюлозани фракцияларга ажратиш асосида интеграл ва дифференциал эгри чизиғини тузиш 6. Лигнинни бевосита аниқлаш 7. Целлюлозанинг натрий гидроксид эритмасида бўкиш даражасини аниқлаш

Смола ва ёғларини аниқлаш Усул – смола ва ёғларни пахта момиғидан органик модда билан бир неча марта экстракциялаб, сўнгра ажратиб олинган моддани қуритиб тортишга асосланган. Керакли реактив ва асбоблар Метиленхлорид; НЭТ – 150 насадкали Сокслет аппарати(1-расм); ХШ-КШ типидаги совитгич; ПКШ типидаги 250 мл ли колба; Э-8 русумли экстракция аппарати, 100 мл. Аниқлаш йўли . Пахта момиғидан 10 г (аниқлиги 0,0002 г) намуна тортиб олинади, уни метиленхлоридда намлаб, эксикаторга жойлаштирилади. Намунанинг юқори қисми экстракт оқиб тушадиган найчадан 1,0 – 1,5 см пастроқда бўлиши керак. 105 о С да оғирлиги бир хил бўлгунча қуритилган колбага, экстрактор ҳажмидан 1,5 қисм эритувчи қуйилади. Насадка, совиткич ва колба билан уланади ва иситгич устига қўйилади. Иситиш даражаси 3 соатда 24 марта қайта қуюладиган бўлиши керак.

расм. Экстракцион Сокслет аппарати: 1 – эритувчи учун колба; 2 – Сокслет аппарати; 3 – сифон найча; 4 – совуткич. Экстракциялаш тугагач, экстрактор орқали тоза эритувчи қолдиғи 5-7 мл қолганча ҳайдалади. Колба экстракт билан 105 о С да оғирлиги бир хил бўлганча 3-4 соат қуритилади. сўнгра эксикаторда совитилади ва яна тортилади. Агар пахта момиғи таркибида смола ва ёғ миқдори 0,4 % дан ортиқ бўлса, НЭТВ-50 ёки НЭТ-150 русумли насадка ишлатилади. Ҳисоблаш . Смола ва ёғ таркиби, А, %, қуйидаги формула билан ҳисобланади: ( m 1 − m ) ⋅ 100 A = m 2 (100 − W ) бу ерда: m 1 – колбани экстракт билан массаси, г; m – қуруқ колба массаси, г; m 2 – пахта момиғи намунасининг массаси, г; W – пахта момиғининг намлиги, %. Ифлос аралашмалар ва бутун чигитларнинг масса улушини аниқлаш усуллари Ифлос аралашмаларнинг масса улушини аниқлаш учун қуйидаги усуллардан фойдаланилади: - тарозида тортиш; - момиқнинг сульфат кислотали эритмасини центрифугалаш. Ифлос аралашмаларнинг масса улушини аниқлашнинг тарозида тортиш усули асбоб ускуналарни даражалаш ишларида қўлланилади. Ифлос аралашмаларни аниқлашнинг центрифугалаш усулидан эса доимий иш жараёнида фойдаланилади. 1. Ифлос аралашмаларнинг масса улушини тарозида тортиш усули билан аниқлашда қуйидаги ГОСТлар ишлатилади: - ГОСТ 25336 бўйича ВФ типли фильтрлаш воронкаси;

- ГОСТ 25336 бўйича сувоқимли насос; - ГОСТ 25336 бўйича тубусли калба; - металл ёки шиша бюкслар; - ГОСТ 9147 бўйича сиғими 500-1000 см 3 (мл) ли чинни стаканлар; - ГОСТ 1770 бўйича сиғими 10 ва 250 см 3 (мл) ли мензуркалар; - ГОСТ 25336 бўйича шиша воронка; - ГОСТ 9147 бўйича чинни ҳовонча; - ГОСТ 25336 бўйича эксикатор; - диаметри 10-12 мм лин учига резина ўрнатилган ёки учи яполоқ шиша тайёқча; - даметри 4-5 мм ли шиша тайёқча; - ГОСТ 4204 бўйича тозаланган сульфат кислота; - ГОСТ 4220 бўйича калий қўш хромоксиди; - ГОСТ 6709 бўйича дистилланган сув; - ГОСТ 3760 бўйича сувли аммиакнинг 10 % ли эритмаси; - фильтр-тигель ёки диаметри 40-50 мм ли пўкак пластинкали воронка; - ГОСТ 24104 бўйича аниқлиги 4- синфга мансуб юқори тортиш чекланиши 500 г ва ҳар бир бўлинмаси 10 мг дан кўп бўлмаган лаборатория тарозиси; - Уз-7М, ШХС-1, ШХС типли қуритиш шкафи. Шу типга мансуб бошқа қуритиш шкафларини қўллашга рухсат этилади. 2. Ифлос аралашмаларнинг масса улушини центрифугалаш усули билан аниқлашда қуйидагилар қўлланилади: - ОПи-3 типидаги ёки таркибига кучланишни созловчи мослама киритилган ЦЭ-3 типидаги центрифуга; - центрифуга пробиркаларининг мувозанатга келтириш мосламаси; - диаметри 200 мм ва баландлиги 800 мм бўлган сув ҳаммоми;

- ГОСТ 28498 бўлган юқори ўлчаш чекланиши + 100 о С гача бўлган лаборатория ёки техник термометр; - ГОСТ 9147 бўйича сиғими 200-400 см 3 (мл) ли шиша ўлчов цилиндрлари; - металл бюкслар; - сиғими 500 ва 1000 см 3 (мл) ли қопқоқли шиша идишлар; - ГОСТ 25336 бўйича 10 см 3 (мл) сиғимли узунлиги 105 мм, шкаласининг энг кичик бўлими 0,1 см 3 (мл) бўлган центрифуга учун шиша пробирка; - ГОСТ 25706 бўйича 2,5 марта катталаштирувчи лупа; - ГОСТ 18481 бўйича суюқлик зичлигини ўлчаш чегараси 1,84 дан 1,56 г/см3 (г/мл) гача бўлган ариометр; - ГОСТ4204 бўйича сульфат кислота; - ГОСТ 4108 бўйича барий хлор; - ГОСТ 3777 бўйича барий нитрооксиди; - ГОСТ 6709 бўйича дистилланган сув; - пинцет; - ГОСТ 24104 бўйича аниқлиги 4 чи синфга мансуб юқори тортиш чекланиши 500 г ва ҳар бир бўлинмаси 10 мг дан кўп бўлмаган лаборатория тарозиси. Ўлчаш усуллари . А. Бутун чигитларнинг массовий улушини аниқлаш пахта момиғи намунасидан бутун чигитларни қўл билан ажратишга асосланган. Б. Тарозида тортиш усули пахта момиғини сульфат кислотада эритилгандан сўнг толали қисмини ажратиб олиб қолган қисмидаги ифлос аралашмаларнинг масса улушини аниқлашга асосланган. В. Цетрифугалаш усулида ифлос аралашмаларнинг масса улушини аниқлаш пахта момиғини сульфат кислотада эритилгандан сўнг ифлос

аралашмаларнинг сульфат кислотада эритилган толали қисмидан ажралишига асосланган. Ўлчашга тайёргарлик . А. Бутун чигитнинг масса улушини аниқлаш учун 5 г дан иккита намуна танлаб олинади. Центрифугалаш усулида чигитнинг масса улушини аниқлашда 6 г дан иккита намуна олинади ва олдиндан қуритилган ва массаси тортиб олинган бюксларга солинади. Ўлчашни бажариши . Бутун чигитларнинг масса улушини аниқлаш учун 0,1 г танлаб олинган намунадан аралаштириб тортиб олинади ва чигитлар ажратиб олинади, сўнгра 0,1 аниқликкача тортилади. Тарозида тортиш усулида ифлос аралашмаларнинг масса улушини аниқлаш учун 5 г намунани бюксдан сиғими 250 мл ли қуруқ чинни стаканга солинади ва совуқ сувли ваннага жойлаштирилади. Чинни стаканга 20 о С гача совитилган 10 мл ҳажмда 92-96 % ли сульфат кислота солинади. Шундан сўнг кислота билан хўлланган момиқ учига резина ўрнатилган ёки учи диск шаклида япалоқланган диаметри 10-12 мм ли шиша тайёқча билан бир-хил аралашма ҳосил бўлгунча аралаштирилади. Бу ҳолда тола бўлмаган аралашмалар эримай қолади. Момиқ толаси тўлиқ эритилгандан сўнг чинни стакан ичидаги эритма билан ваннадан чиқарилади, диаметри 4-5 мм ли шиша тайёқча билан аралаштириб турган ҳолда чинни стакандаги эритмани сиғими 1 дм 3 (л) ли ва ичига 700-800 мл ҳажмда совитилган дистилланган сув солинган иккинчи чинни стаканга қуйилади. Шу стаканга биринчи стакандаги қолган эритмани дистилланган сув билан ювилган қолдиғи ҳам солинади. Ҳосил қилинган эритмада момиқ толасининг эримай қолган қисми бўлмаслиги керак. Тиндирилган эритмани эхтиётлик билан чўкиндиларини чайқатмасдан аввалдан ва тортилган фильтр-тигель ёки диаметри 40-50 мм ли пўкак пластинкаси бор воронка ёрдамида фильтрланади. Фильтрлаш сув оқимли насос ёрдамида суюқликни кучсиз сўриб олиш билан бирга олиб борилади.

Стаканда қолган чўкмани диаметри 4-5 мм ли шиша тайёқча билан аралаштириб туриб, 150-200 мл дистилланган сув билан бир неча қайта чайилади. Чайинди ҳар гал тиндирилади ва тўкилади, бунда чўкинди фильтрга тушмаслигига ҳаракат қилинади. Чўкма лойқасидаги ва чайилган сувдаги кислота реакцияси йўқолгунча ювилади. шундан сўнг стакан туби ва ён деворлардаги чўкма фильтрга солинади. Чўкмадан намлик сўриб олинади, фильтр-тигельнинг сиртқи қисми қуригунча артилиб, қуритиш шкафида 105-110 о С да қуритилади. Натижа 0,1 г дан ошмаган фарқ қолгунча давом эттирилади. Кислотани аммиак билан нейтраллаш мумкин. Синаш тугагандан сўнг фильтр-тигель тайёрланган хром аралашмаси билан ювилади. Ифлос аралашмаларнинг масса улушини ценрифугалаш усулида аниқлаш учун олдин олинган намунани сиғими 100 мл ли чинни стаканга солинади ва 40-50 о С гача қиздирилган сувли ҳаммомга туширилади ва 2 мин давомида иситилади. Стакандаги момиққа 20 мл 72 % ли сульфат кислота қуйилади. Шундан сўнг шиша таёқча момиқ эриб кетгунча аралаштирилади. Бунда тола бўлмаган аралашмалар эримай қолади. Тола эригандан сўнг чинни стакан эритмаси билан ҳаммомдан чолинади, сиртқи томони артилади ва унга тайёрланган рангни очлаштирувчи эритмадан 4 мл қўшилади. Чинни стакан ичида ҳосил бўлган эритма диаметри 4-5 мм ли шиша таёқча билан аралаштирилади ва 4 та шиша пробиркага солинади. Эритмали пробиркаларнинг массаси тенглаштирилади. Пробиркалар центрифуга роторига жойлаштирилади. Центрифугалаш жараёни ЦЭ-3 типли центрифугада 15 минут давом этад. Бунда центрифуга роторининг айланиш частотаси 2000 айлана/мин ни ташкил қилади. Агар ОПи-3 туридаги центрифуга ишлатилса жараён 5 мин давом этади ва роторнинг айланиш частотаси 3000 айлана/мин ни ташкил қилади.

Центрифугалаш натижасида пробирканинг юқори қисмида органик ифлос аралашмаларнинг зич қатлами ҳосил бўлади. Пробирканинг қуйи қисмида эса қум ва оғир қаттиқ аралашмалардан иборат ифлос аралашмалар чўкиндиси ҳосил бўлади. Органик ифлос аралашмалар баландлигининг ўлчами пробирка шкаласининг бўлими кўрсатиши бўйича центрифугалаш тугалган заҳоти ҳисоблаб олинади. Органик бўлмаган ифлос аралашмаларнинг баландлиги алоҳида ҳисоб қилинади. Ўлчаш натижаларини ҳисоблаш . 1. Бутун чигитларнинг масса улуши Z қуйидаги формула ёрдамида ҳисобланади: m 1 Z = ⋅ 100, (1) m бу ерда: m – намуна массаси, г ; m 1 – бутун чигитлар массаси, г. 2. Тарозида тортиш усулида аниқланган ифлосликнинг масса улуши З ҳар бир намуна бўйича фоизларда қуйидаги формула ёрдамида аниқланади: бу ерда: m 2 – синаш учун намуна массаси, г; m 3 – тоза ва қуритилган фильтр-тигель массаси, г; m 4 – фильтр-тигельнинг қуритилган чўкинди билан бирга олинган массаси, г; W – синаш вақтидаги момиқ намлиги, %. 3. Центрифугалаш усулида ўлчанган аралашмаларнинг масса улуши З ҳар бир намуна бўйича фоизларда қуйидаги формула ёрдамида ҳисобланади: З = p ⋅ ∑ h o + 20 ⋅ ∑ h n , (3) бу ерда: р – органик ифлосликлар коэффициенти. У центрифуги турига қараб: ЦЭ-3 туридагига центрифугадан фойдаланилганда А туридаги момиқ учун – 3,7%/см 3 (мл)ни ва Б туридаги момиқ учун – 2,7%/см 3 (мл)ни ташкил қилади; ОПи-3 туридаги центрифугалар қўлланганда А ва Б туридаги момиқлар учун – 4,5%/см 3 (мл)ни ташкил қилади. 20 – органик бўлмаган ифлос аралашмалар коэффициенти, %/см 3 (мл); ∑ h o - органик ифлосликлар

аралашмаларнинг тўртала пробирка бўйича ҳажми, см 3 (мл); ∑ h n - органик бўлмаган ифлос аралашмаларнинг тўртала пробирка бўйича ҳажми, см 3 (мл). 4. Ифлос аралашма ва чигитнинг масса улуши З о фоизларда қуйидаги формула ёрдамида аниқланади З о = З + Z , (4) бу ерда: З – ифлос аралашмаларнинг масса улуши, %; Z – бутун чигитнинг масса улуши, %. 72% ли сульфат кислота эритмасини тайёрлаш . 1000 мл 72% ли сульфат кислота 96% ли концентрланган сульфат кислотани суюлтириб тайёрланади. Бунда А=1000 мл. 2.1-жадвал ёрдамида 96% ли сульфат кислотанинг зичлиги топилади (1,84г/см 3 ). Қуйидаги формула ёрдамида 72% ли сульфат кислота эритмаси тайёрланади: Концентрланган сульфат кислотани суюлтириш учун керак бўладиган дистилланган сув миқдори, мл: Б = А – У = 1000 - 667 = 333, Демак, 72% ли сульфат кислота эритмасини тайёрлаш учун 96 % ли концентрланган сульфат кислотадан 667 мл олиб 333 мл дистилланган сув билан аралаштирилади. Кислотани суюлтиришда сувга кислотани аста қуйиш керак! жадвал Ҳар хил концентрацияли сульфат кислотадан 72% ли сульфат кислота эритмасини тайёрлаш ҳисоби H2SO4 концентрацияси, % H2SO4 зичлиги, г/см 3 H2SO4, миқдори, У, мл Сув миқдори, Б ,мл Умумий ҳажми, А , мл 96 1,8400 667 333 1000 95 1,8337 678,7 321,3 1000 94 1,8312 685,6 314,4 1000 93 1,8279 694,5 305,5 1000 92 1,8240 703,2 296,8 1000

91 1,8195 712,5 287,5 1000 90 1,8144 720,8 279,2 1000 Альфа-целлюлоза таркибини аниқлаш Целлюлоза таркибидаги альфа-целлюлозани аниқлаш учун целлюлоза 17,5% ли натрий ишқор эритмасига туширилади ва эримай қолган қисми 9,5% ли натрий ишқорида ювилади ва қуритиб тортилади. ГОСТ 6840-78 усулида аниқлаш . Лист кўринишидаги қуруқ целлюлозадан 3 г олиб, 10х10 ўлчамда қирқилади. Сўнгра 150 см 3 ли чинни стаканга солинади ва устига 20 о С ли 17,5 % ли ишқордан 45 см 3 қуйилади. Целлюлозанинг намлиги алоҳида аниқланади. Шундан сўнг ишқор эритмасидан дастлаб 15 см 3 солинади ва 2-3 мин шиша тайёқчанинг япалоқ томони билан аралаштирилади. Сўнгра ишқорнинг қолган қисми (30 см 3 ) солинади ва секин 1 мин давомида аралаштирилади. Стакандаги аралашманинг усти шиша билан ёпилиб, 45 мин давомида (20+0,2) о С да қиздирилади. Шу шароитда массага 45 см 3 дистилланган сув қуйилади ҳамда 1,5 мин аралаштирилади ва диаметри 65-80 мм ли қоғозсиз Бюхнер воронкасига целлюлоза массаси текис жойлаштирилиб, фильтрланади. Целлюлоза исроф бўлмаслиги учун фильтрат яна фильтрланади. Фильтрда қолган целлюлоза 9,5% ли NaOH билан уч марта ювилади. бу жараён вакуумда олиб борилади ва ҳар гал 25 см 3 ишқор тўла сўриб олинади, кейингиси қуйилади. Ювиш (20 + 0,2) о С да 2-3 мин давомида олиб борилади. Ишқор сўриб олингач дистилланган сув билан 18-20 о С да яна ювилади. Ювиш жараёнида массани шиша тайёқча билан босиб, текислаб турилади ва шу шароитда вакуумда воронка учида томчи қолгунча олиб борилади. Ювилган альфа-целлюлоза олдиндан қуритилиб, тортилган бюксга солинади ва қуритиш учун қуритиш шкафга қўйилади. Қуритиш 103 + 2 о С да 6-7 соат давом этади.

Альфа-целлюлозанинг миқдори, % (абсолют қуруқ целлюлозага нисбатан) қуйидаги формула ёрдамида ҳисобланади: бу ерда: m – бўш бюкс массаси, г; m 1 – қуритилган альфацеллюлоза ва бюкс массаси, г; g – абсолют қуруқ целлюлоза намунасининг массаси, г. ПД аввалгисига қўшиш керак: η= kpl Бу ерда, k = π r 2 gH /8 Vl - вискозиметрнинг барқарорлик коэффициенти, у динамик қовушоқликка боғлиқ: k , мм 2 /с 2 0,1 0,17 0,3 0,5 Динамик қовушоқлик чегараси, η , мПа.с <15 15-27 27-40 40,1- 100 Кадоксен эритмасида целлюлозани кетма-кет чўктириш усулида фракцияларга ажратиш Бу усул целлюлозани кадмий этилендиамин (кадоксен)да эритиш ва 75% ли пропанол эритмасидан оз-оздан қўшиб, фракцияларини алоҳида чўктиришга асосланган. Целлюлозанинг ўртача полимерланиш даражаси (ПД)га фракцияларни 9...12 бўлиш мумкин. Фракциялашдан олдин целлюлозани смоласизлантириш лозим. Целлюлозани кадоксенда эритишда кадмийнинг масса улуши (5,5 + 0,5) %, этилендиаминники (28,0 + 0,2) % ва NaOH нинг миқдори 1,4 моль/дм 3 бўлиши лозим. Анализ усули . Смоласизланган қуруқҳаводаги лист кўринишидаги целлюлозадан (2 г абсолют қуруқ ҳисобида) намуна олиб уч оғизли туби думалоқ колбага (2.2-расм. 265 бет 3.10 расм) солинади, устига 200 см 3 кадоксен қуйилади ва 20 о С га тўғирлаб қўйилган термостатга ўрнатилади ҳамда тўла эригунча аралаштирилади. Сўнгра эритмага кучсиз оқимда 200 см 3 дистилланган сув қўшилиб 20 о С да 15 мин аралаштирилади. Бюретка билан томчилатиб 75% ли пропанол қўшиб, чўктирилади. Фильтрлаш ва

ювиш учун ғовақли шиша фильтрдан фойдаланилади. Шиша фильтр қуритилган ва торозига тортилган бўлиши керак. 1...5 фракция учун ПОР 160, 6...9 чи фракция учун – 100; 10...11 чи фракция учун – 40 ва охирги фракция учун – 16 қўлланилади. расм . Кадоксен эритмасида целлюлоза фракциясини чўктириш. Биринчи фракцияни ажратиб олиш . Термостатга ўрнатилган целлюлозали эритмага аввал кучсиз оқимда 75% ли пропанол эритмасидан қўшилади, сўнгра аралашмага лойқа ҳосил бўлгунча (тахминдан 300 см 3 ) аралаштириб турган ҳолда яна прапанол томчилатиб қўшилади. Прапанол эритмасини қўшишни тўхтатиб, эритма яна 15 мин аралаштирилади. Сўнгра аралаштиришни тўхтатиб, эритма 10 мин айланиш частотаси 48 мин – 1 тезликда центрифугаланади. Центрифугалашда эритмани стаканларга бир хил миқдорда солиш керак. Стакандаги эритмани уч оғизли колбага қуйилади. Стакандаги чўкмани 10% ли сирка кислота билан шиша таёқчада аралаштирган ҳолда ишлов берилади ва шишали фильтрга (ПОР 160) солинади. Сирка кислота ва уч оғизли колба чайилган сувни ҳам шу фильтрга солинади. Фракцияни ҳар гал чўктиргач, колбани ювиш қуйидагича олиб борилади: аввал 10 % ли сирка кислота қуйилади ва колбани деворларига ёпишган пленка шиша таёқча ёрдамида колбадаги сирка кислота эритмасига туширилади. Сўнгра уни ғовакли шиша фильтрга солинади. Колбани дистилланган сув билан ювиб, целлюлоза қолдиғи билан фильтрга солинади.

Кейинга фракцияни чўктириш учун уч оғизли колбага эритма солиниб, 20 о С ли термостатга ўрнатилади, аралаштирган ҳолатда чўктирувчидан лойқалангунча қўшилиб, 15 мин аралаштирилади. Бу ҳолат биринчи фракцияни ажратишдаги каби такрорланади ва иккинчи – бешинчи фракцияларни ажратишда 5 дан 15 см 3 , олтинчи – сакизинчида 25 см 3 , тўқизинчи – ўн биринчида – 80 см 3 гача чўктирувчи сарфланади. Сўнги фракцияни ажратиб олиш . Колбада қолган эритма ҳажми ўлчаниб, термостатда 40 о С гача иситилади ва устига қонцентрланган сирка кислотадан 10% ли эритма ҳосил бўлгунча қўшилади. Бунда эритма 60 о С гача исийди ва лойқаланади. Эритма 20 о С гача совутилиб, центрифугаланади. Тиниқ эритма ажратиб олинади, стакандаги чўкмага озроқ сув қўшиб яна центрифугаланади. Сув фильтр ПОР 16 дан ўтказилади ва стакандаги чўкма сув билан чайилиб фильтрланади. Фильтрдаги чўкма нейтрал ҳолга келгунча сув билан ювилади. эритманинг нейтраллиги метил сариғи ёрдамида аниқланади. Фильтрдаги чўкмага кетма-кет 30 минутдан спирт, ацетон ва эфир билан ишлов берилади ва вакуум ёрдамида суюқлик ажратилади. Чўкма хона шароитида эфир билан, сўнгра қуритиш шкафида 50 о С да массаси ўзгармай қолунча қуритилади ва масса миқдори тарозида тортиб аниқланади. Целлюлоза фракциясининг полимерланиш даражаси ҳар гал вискозиметрик усулда кадоксин эритмасида аниқланади. Эритма қовушоқлигини аниқлашда целлюлозанинг концентрацияси 2 . 10 –3 атрофида тайёрланади. Сўнгра молекуляр массасининг бўлиниш эгри чизиғи тузилади. Целлюлозани фракцияларга ажратиш асосида интеграл ва дифференциал эгри чизиғини тузиш Целлюлоза намунасини кадоксен эритмасида фракцияларга ажратиш натижасида жадвал тузилади. Жадвалда фракциянинг тартиб рақами, аниқланган массаси w 1 ва айни фракциянинг масса улуши ω 1 о , абсолют қуруқ

намунанинг умумий массага нисбатан фоизлардаги миқдори ( ω 1 o =ω 1 100/ ∑ω 1 ), берилади шунингдек − тўғриланган фракцияни масса улуши w 1 ни ва фракция P 1 , нинг ўртача полимерланиш даражаси (ПД) келтирилади. Олинган экспериментлар асосида фракциялар йиғиндиси улуши (интеграл) функция С(Р 1 ), Р 1 га тўғри келган энг кам ПД ва ортиш фракция ∆ С(Р i ), абциссадаги ∆ Р=200 қадамдаги эгри чизиқ тузилади. Мисол тариқасида ацетат целлюлозанинг кадоксен эритмасидаги фракцияси (жадвал) ва интеграл ҳамда дифференциал эгри чизиқлари (расм) берилган. жадвал цетат целлюлоза (2,0 г а.қ) намунасини фракциялаш натижалари Фракция т/р ω 1 , г о ω 1 , % ω 1 , % − P 1 , С(Р 1 ),% ∆ Р=200 да ∆ С(Рi), % 1 0,1758 8,79 9,33 520 4,67 2,0 2 0,1125 5,63 5,98 900 12,32 2,5 3 0,2198 10,99 11,66 1140 21,14 2,5 4 0,3520 17,60 18,68 1410 36,31 3,5 5 0,1317 6,59 6,99 1600 49,15 5,5 6 0,2074 10,37 11,01 1760 58,15 7,0 7 0,3400 17,00 18,05 1810 72,68 10,5 8 0,2293 11,47 12,17 1850 87,79 17,5 9 0,1156 5,78 6,13 2220 100,00 24,0 Жами 1,8840 94,22 100,00 19,0 = 1 С Биринчи фракцияда i=1 шу сабабли ҳам тенгламанинг иккинчи аъзоси нолга тенг бўлади ва С(Р 1 ) = 1 . Полимернинг охирги 2 ω 1 фракцияси ( i =λ ) дан барча фракциялар йиғиндиси топилади

С(Р λ ) = 100% деб олинади. Интеграл эгри чизиқни (расм) чизишда абцисса ўқи ўртача − фракция ( P i ) нинг эксперимент натижасида ва алоҳида аниқланган ПД қиймати, ордината ўқига эса ҳисобланган фракция улуши суммаси С(Р i ) қўйилади ва аниқланган нуқталардан лекала ёрдамида эгри чизиқ чизилади. Тузилган интеграл эгри чизиқни дифферанциаллаш график усулида ∆ С(Р i ) бажарилади. Бунинг учун интеграл эгри чизиқ абцисса ўқи бўйлаб бир неча тенг бўлакларга (10...15) бўлиб чиқилади. Бўлинган қадамлар қанча кичик бўлса, аниқлик шунча юқори бўлади. 2.2-жадвалда келтирилган мисолда тузилган интеграл эгри чизиқни абцисса ўқи 12 қисмга тенг, расмда ∆ Р = 200 қадамда бўлинган кўриниш келтирилган. Шу тариқа дифференциялаш учун интеграл эгри чизиқдан танланган нуқталардан абцисса ўқига ( P ) перпендикуляр чизиқ чизилади ва ҳар бир нуқтадан бу ўққа параллел қилиб ордината ўқи бўйлаб кейинги нуқта билан кесишгунча кесим чизилади (расмга қаранг). Биринчи кесим интеграл функция ∆ С(Рi) га тенг (жадвалга қаранг). Бу кесимни маълум − масштабда ордината ўқи участкалари ( P ўртаси) орқали (расмда бу чизиқлар пунктир билан кўрсатилган), ўлчаб қўйилади. Уларнинг ўртача ПД ( Pi ) фракциясига тўғри келади. Одатда дифференциал эгри чизиқ масштабини графикда ифодалаш учун интеграл эгри чизиқ масштабига қараганда, 3...10 карра олинади (намунанинг полидисперслигига қараб). Олинган нуқталар орқали эгри чизиқ чизилади.

расм . Целлюлозанинг фракцияланган қисмини интеграл (1) ва дифферанциал (2) эгри чизиғини чизиш. Дифференциал эгри чизиқни чизиш учун расмда келтирилган интеграл эгри чизиғини P ни ҳар 200 миқдорда абцисса ўқига паралелл чизиқ чизиб, уч бурчак ҳосил қилинади, катетлар миқдорини ўлчаб нуқталар билан белгиланади ва нуқталар эгри чизиқ орқали бирлаштирилади. Лигнинни бевосита аниқлаш Бу усул оқартирилмаган целлюлозани хлорид кислота (зичлиги 1,19 г/см 3 ) ва 72% ли сульфат кислота аралашмасида гидролизлашга асосланган. Оқартирилган целлюлозадаги лигнин қолдиғи эса 86% ли сульфат кислота ёрдамида аниқланади. Оқартирилмаган целлюлозадаги лигнинни аниқлаш . Намуна учун олинган целлюлоза 1х1,5 мм ўлчамда майдаланади ва Сокслет аппаратида дихлорэтан (ёки бошқа органик эритувчи) билан экстракцияланади. Экстракциялаш юқорида келтирилган целлюлоза таркибидаги смола ва мойни аниқлаш каби бажарилади. Смоладан тозаланган қуруқ целлюлозадан тахминдан 1 г тортиб олиб 500 см 3 ли колбага солинади. Колбанинг оғзи

шлифланган тиқинли бўлиши керак. (Целлюлозанинг намлиги олдиндан аниқланади). Намунали колбага 10 см 3 хлорид кислота (зичлиги 1,19 г/см 3 ) солинади ва 30 минут термостатга ёки сув ҳаммомига (30 + 0,5) о С қўйиб, майда тошлар ҳосил бўлиб қолмаслиги учун ҳар 5-6 мин давомида аралаштирилиб турилади. Сўнгра колбадаги масса хона ҳароратигача совутилади ва 72 % ли сульфат кислотасидан 90 см 3 қўшилади. Аралашма 20 + 2 о С да 1,5 соат сақланади. Сақлаш давомида ҳар 10-15 минутда яхшилаб аралаштирилади. Колбадаги массага 150 см 3 дистилланган сув солинади. Эритма 1,5-2 мин қайнатилади, совутилгач фильтрланади. Фильтрлаш осон бориши учун аралашма бир кундан кейин фильтрланиши лозим. Фильтр материал сифатида икки қаватли кулсиз (ҳаворанг лентали, диаметри 150 мм)) фильтр қоғоз ишлатилади. Фильтр қоғоз аввал аналитик тарозида тортиб олинади. Фильтр қоғоздаги лигнин дистилланган сув ёрдамида кислотаси қолмагунча ювилади. Фильтр қоғоз четларида қолган кислота метил сариғи ёрдамида текширилади. Фильтрлаш лигнин билан бирга қуритиш шкафида (103+2) о С массаси ўзгармай қолунча қуритилади. Сўнгра пастки қатламдаги фильтр қоғоз тарози тоши билан тарозининг бир палласига, лигнинли биринчи қатламли фильтр қоғоз тарозининг иккинчи палласига қўйилади ва массаси аниқланади. Абсолют қуруқ смоласизланмаган целлюлозага нисбатан, кислотада эримай қолган лигнин миқдори L %, қуйидаги формула ёрдамида ҳисобланади: бу ерда: m – лигнин массаси, г; g – абсолют қуруқ смоласизланмаган целлюлоза массаси, г; К э – экстракциялаш коэффициенти. Иккита параллел равишда аниқланган миқдорларнинг фарқи 0,5% дан ошмаслиги керак.

Оқартирилган целлюлоза таркибидаги лигнин миқдорини аниқлаш. Юқорида келтирилган усулда майдаланган ва қуруқҳавода смоласизланган целлюлозадан 1 г тортиб олиб, 500 см 3 ли тоза стаканга солинади. (Целлюлозанинг намлиги олдин аниқланган бўлиши керак). Целлюлоза 10 см 3 дистилланган сувда ҳўлланади ва 10 минутдан сўнг сув ҳаммомида ёки совуқ сув оқимида 10 мин совитилади. Стакандаги массага 25 см 3 86% ли сульфат кислота солинади. Целлюлоза деструкцияга учрашини ва қизиб кетишини олдини олиш мақсадида кислотани стаканга озоздан шиша тайёқча билан аралаштирган ҳолда қўшиш лозим. Сўнгра стакан термостатда 18-22 о С да 4 соат давомида, вақт-вақти билан аралаштирган ҳолда сақланади. Целлюлоза эригач, аралаштирган ҳолатда 250 см 3 дистилланган сув қўшилади ва электрплитадаги асбест тўр устида 5 мин қайнатилади. Стакан қайнаб турган сув ҳаммомига 1 соат қуйилади, кейин совуқ сувли сув ҳаммомида 15 мин сақланади. Чўкмали эритма шиша ғовакли фильтрда фильтрланади. Аввал фильтр массаси ўзгармагунча қуритилиб, массаси аниқланади. Чўкма дистилланган сув билан кислотани юқи қолмагунча (метил оранж) ювилади. Фильтр чўкма билан қуритилади ва тортиб олинади. Кислотада эримаган лигнин, % абсолют қуруқ смоласизланмаган целлюлозага нисбатан қуйидаги формула ёрдамида ҳисобланади: бу ерда: m – ғовақли шиша фильтр массаси, г; m 1 – ғовақли шиша фильтрнинг лигнин билан қуритилган массаси, г; g – қуруқҳаводаги смоласизланган целлюлоза массаси, г; К э – экстракция коэффициенти. Иккита параллел равишда аниқланган миқдорнинг ўртача фарқи 30% дан ошмаслиги керак.

Целлюлозанинг натрий гидроксид эритмасида бўкиш даражасини аниқлаш Тажриба металл қопқоқли, стерженли ва тешикли иккита зангламайдиган пўлатдан ясалган пластинкали шиша цилиндрда олиб борилади (расм). Синаш усули ГОСТ 7516 – 86 бўйича бажарилади. Намуна 4 соат 65 + 2% нисбий намликда ва 20 + 1 о С кондицияланади. Сўнгра ёпиқ банкада сақланади ва бўкиш даражасини аниқлашдан олдин очилади. Стержен ва иккита пластинка 0,02 г аниқликда тортиб олинади. Сўнгра тайёрланган намунани стержанга кийдириб (расмга қаранг) яна тортилади. Фарқига қараб целлюлоза намунасининг массаси аниқланади ва улар шиша цилиндрга жойлаштирилади. Шу зоҳати секундомер ишга солинади. Цилиндрга солишдан олдин унга 70 см 3 20 о С да сақланган 17,5% ишқор эритмасидан қуйилади. Намуна цилиндр тубидан 5 мм юқорида бўлиши лозим. Цилиндр 20 о С ли термостатга жойлаштирилади. 5 минутдан кейин стерженни целлюлоза намунаси билан суюқликка тегмайдиган қилиб кўтариб, қопқоғига (расмда кўрсатгандек) махкамлаб қўйилади. 5 минут ишқор эритмаси силқитилади. Сўнгра цилиндрдан чиқарилиб, фильтр қоғоз ва стержен, пластинка ва пластинка тешикларидаги намлик қуруқ ҳолгача артилади. Фильтр қоғоз целлюлоза намунасига темаслиги керак. намуна қуритилгач, стержень, пластинкалар ва целлюлоза тортилади. Бўкиш даражаси қуйидаги формула ёрдамида ҳисобланади: бу ерда: m –стержень иккита пластинкалар билан массаси, г; m 1 – стержень иккита пластинка ва целлюлоза намунаси билан массаси, г ; m 2 – стержень иккита пластинка ва целлюлоза намунаси билан бўккандан кейинги массаси, г.

расм . Целлюлозани букиш даражасини аниқлаш прибори. Целлюлозанинг полимерланиш даражасини унинг кадоксенли эритмасининг қовушоқлиги орқали аниқлаш Кадмий этиленли комплекснинг сувли эритмаси (кадоксен) рангсиз бўлиб, целлюлозанинг турғун эритувчиси ҳисобланади. Целлюлоза кадоксенда амалда деструкцияга учрамайди, шунинг учун унинг қовушоқлигини одатдаги усулда ҳавода ўлчаш мумкин. Лекин целлюлоза кадоксенда хона ҳароратида секин ва яхши эримайди. Шунинг учун температурасини ошириш ва оз миқдорда натрий ишқор эритмасидан қўшиш лозим. Кадоксенли эритма ёруғликка чидамли эмас. Шунинг учун қоронғи жойда сақланади. Аниқ ГОСТ 25438-82 бўйича олиб борилади. Кимёвий қайта ишлашга мўлжалланган целлюлозанинг полимерлаш даражасини аниқлаш учун кадоксендаги кадмийнинг концентрацияси (5,5+0,5)% ва этилендиаминники – (28,0+0,2)% бўлиши лозим. Қовушоқлигини аниқлаш учун вискозиметр константаси 0,03 мм 2 /с 2 бўлиши керак. бунинг учун ВПЖ-3 вискозиметри қўлланилади. (Целлюлоза намунасини тайёрлаш мис-аммиак эритмасида қовушоқлигини аниқлаш каби бажарилади). Эритма концентрациясини танлашда, эритманинг солиштирма қовушоқлиги 0,2...0,8 бўлиши керак. Агар

тавфсизлик (характеристик) қовушоқлиги 300 см 3 /г гача бўлиши кутилаётган бўлса, эритма концентрациясини 2 . 10 –3 г/см 3 , характерлик қовушоқлиги 300 см 3 /г дан юқори бўлса – 1 . 10 –3 г/см 3 ни танлаш тавсия этилади. Ҳаво Қуруқҳаводаги намуна массасини (целлюлозани кадоксендаги эритмасини) ҳисоблаш қуйидагича бажарилади: бу ерда: V – банканинг иш ҳажми, см 3 ; с – эритмадаги целлюлоза концентрацияси, г/дм 3 ; К – целлюлозанинг қуруқлик коэффициенти. Қуруқҳаводаги целлюлоза шиша банкага (сиғими 30 ёки 40 см 3 ) жойлаштирилади. Аввалроқ целлюлозанинг намлиги аниқланади. Банкага танланган концентрация бўйича 20 о С да кадоксен эритмасида бюреткада қуйилади ва ичига 9...12 та шиша шарчалардан солинади. Шарчалар целлюлозанинг эришини тезлаштиради. Банка оғзи яхшилаб ёпилади ва силкитиб аралаштирилади, сўнгра тебратиб аралаштирадиган аппаратда 20 мин аралаштирилади. Эритма таркибида целлюлоза бўлмаган аралашма бўлса, эритма шиша фильтр орқали фильтрланади ва фильтрат яна банкага солиниб, 40 мин 20 о С ли термостатда сақланади. Сўнгра банканинг оғзини очиб, вискозиметр найчаси банка тубига яқин қилиб ўрнатилади. Вискозиметрнинг тепа учига насадка ўрнатилади ва у сув оқимли вакуум насосга уланади, насадка жўмраги очилади ва банкадан эритма насадканинг ўртасигача сўрилади. Кран ёпилиб, насадка вискозиметрдан ажратилади. Вискозиметр капилляридан оқаётган эритма юқори белгисига келганда секундомер ишга туширилади ва пастки белгисига келганда тўхтатилиб, кетган вақти t аниқланади. Шу тариқа эритувчининг оқиб ўтган вақти t o топилади. Тажриба тугагач вискозиметр, банка, шарчалар тоза кадоксен, сув ҳамда 10% ли HCl ва дистилланган сув билан ювилади. Характеристик қовушоқлик [ h ], см 3 /г, 0,001 аниқликкача қуйидаги формула ёрдамида ҳисобланади:

Целлюлозанинг ўртача полимерланиш даражасини Марк-КунХуванк тенгламаси орқали логарифмлаб топилади: бу ерда: К 1 ва а – кадоксен эритмалари учун константалар, мос ҳолда К 1 =0,7; а = 0,9. Целлюлозанинг полимерланиш даражасини ГОСТ 25438-82 да келтирилган жадвал ёрдамида ҳам топиш мумкин. Кадоксен эритмасини тайёрлаш Кадоксен эритмасини расмда келтирилган қурилмада тайёрланади. расм . Кадоксен эритмаси тайёрланадиган қурилма: 1 – думалок идиш; 2 – қопқоқ; 3– термометр; 4– аралаштиргич; 5 – воронка; 6 – музли ҳаммом. Кадоксен эритмани тайёрлаш . Туби юмалоқ идишга 0...2 о С гача совутилган, олдиндан тайёрлаб қўйилган 50 ёки 70% ли эритма (28+0,2% ли этилендиамин эритмаси) солинади. Идиш муз ва ош тузи аралашмали ҳаммомга ўрнатилиб, – 3 о С га келтирилади. Аралашма 10-15 минут совитилгач унга 80 г кадмий оксиди солинади. Эритма температураси – 3 о С дан ошмаслиги учун ҳаммомга муз ва туздан солиб туриш керак. эритмага

кадмий оксиднинг ҳаммаси солингач эритма яна 40...45 мин (кадмий гидроксиди ҳосил бўлгунча ва эритма билан тўйингунча) музли ҳаммомда сақланади. Эритма тўйиниши учун 2 соат керак бўлади. ҳосил бўлган оқ рангли эритмани шиша идишга қуйиб қоронғи жойда 1...2 сутка совитилади. Олинган эритманинг зичлиги 1,06...1,007 г/см 3 атрофида бўлиши керак. Этилендиаминнинг масса улушини аниқлаш . 1 г атрофида кадоксен эритмасидан тортиб олиб, 100 см 3 ли конуссимон колбага солинади. Ўлчов цилиндри билан 20 см 3 дистилланган сув қўшиб, 0,5 н сульфат кислота эритмаси билан 2...3 томчи метил сариғи индикаторидан қўшиб, сариқ ранг пушти раннгга ўтгунча титрланади. Этилендиаминнинг масса улуши қуйидаги формула ёрдамида ҳисобланади, %: бу ерда: m – кадоксен эритмасининг массаси, г; V – титрлаш учун сарф бўлган сульфат кислотанинг ҳажми, см 3 ; 0,03 – 1 см 3 ҳажмда 1 моль/дм 3 концентрацияли сульфат кислотага тўғри келган этилендиамин массаси. Кадмийнинг масса улушини аниқлаш . Кадмий эритмасидан 0,3 г тортиб олиб, сиғими 100 см 3 ли конуссимон колбага солинади, ўлчов цилиндри билан 20 см 3 сув, 1 см 3 рН=10 ли буфер эритмаси ва оз миқдорда хромоген қора индикаторидан қўшилади. Колбадаги масса трилон Б нинг 0,1 моль/дм 3 ли эритмаси билан ҳаво рангтусга киргунча титрланади. Кадмийнинг масса улуши %, қуйидаги тенглама ёрдамида ҳисобланади: бу ерда: m – кадоксен эритмасининг массаси, г; V- концентрацияси 0,1 моль/дм 3 ли трилон Б эритмасининг ҳажми, см 3 ; 0,01124 - 1 см 3 ҳажмда 0,1 моль/дм 3 концентрацияли трилонга тўғри келган кадмий массаси.

Адабиётлар: 1. Методическое указания по лабораторному практикуму для студентов химико-технологического факультета. Ленинград-1989. 2. Раҳмонбердиев Ғ. Р., Примқулов М. Т. Тошпулатов Ю. Т . Целлюлоза- қоғоз технологияси асослари. Т., “Алоқачи” 2009 й. 3. Гурьев А . В., Казаков Я. В., Камаров В. И., Хованский В. В . Практикум по технологии бумаги. Архангельск, Из-во АГТУ, 2001. 4. Примқулов М. Т., Юлдашев К. И., Холтаева Х. Ш. Пахта целлюлозаси солиштирма қовушоқлигининг полимерланиш даражасига боғлиқлиқ жадвали. Ўзбекистон кимё журнали. № 4, 42-44 бетлар, 2002 й. 5. Аким Э. Л. Обработка бумаги. М.: Лесная промышленность,1979. 6. Аким Э. Л. Синтетические полимеры в бумажной промышленности. М.: Лесная промышленность,1986. 7. Neimo Leo (Book Editor). Papermaking Cemistry. Jyvaskyla, 1999. 8. Научные основы химической технологии углеводов. Отв. Редактор. Д.х.н. проф. А. Г. Захаров. Москва. Изд. ЛКИ. 2008. – 528 с. 9. Костина Е.М., Могилевский Е.М. Исследование полидисперсности целлюлозқ методом дробного осаждения в кадмийэтилендиаминовом комплексе //химические волокна, 1968. - №6. - С. 31-36.

O'xshashlar

Целлюлоза олиш

Пахта момиғини Bi Vis аппаратида узлуксиз пишириш

Пахта целлюлоза массасини сақлаш ҳавзаларининг тузилиши

Материал балансини ҳисоблаш

Целлюлоза технологияси