Целлюлоза олиш - Texnika va texnologiya - Referatlar

Целлюлоза олиш

Yuklangan vaqt:

30.04.2023

Ko'chirishlar soni:

0

Hajmi:

306 KB

Ko'chirib olish

Целлюлоза олиш Режа: 1. Ёғоч целлюлоза олиш 2. Пахта момиғидан целлюлоза олиш 3. Пахта момиғидан натрон усулда целлюлоза олиш 4. Пахта целлюлозани оқартириш 5. Бир йиллик ўсимлик поясидан нитрат кислота усулида целлюлоза олиш 6. Пахта момиғининг сульфат кислотада эримаган миқдорини аниқлаш 7. Пахта целлюлозасини намлган сувнинг сирт тортиш кучини аниқлаш 8. Пахта момиғи таркибидаги смола ва ёғ миқдорини аниқлаш 9. Целлюлозани намланиш даражасини аниқлаш 10. Тола узунлигини “слик” бирлигида аниқлаш

Ёғоч целлюлоза олиш Бу усул ёғоч қипиғини гидролизлаб, ишқорда қайнатишга асосланган. Керакли реактив ва идишлар : н атрий ишқри, 17,5% эритма; ёғоч қипиғи; дистилланган сув; шиша таёқча; 250 мл текис таглик конуссимон колба; қуритиш шкафи; нитрат кислота, 5%; Электр плита; Аналитик тарози. Аниқлаш усули . Ҳаво қуруқлигидаги ёғоч қипиғидан 5 г тортиб олиб, 5% ли нитрат кислотасида 24 соат давомида гидролизланади. Сўнгра қипиқ нейтрал муҳитгача дисстилланган сув билан ювилади. Ювилган масса 250 мл конуссимон колбага солинади ва унга 200 мл 17,5 % ли натрий ишқоридан қуйилади. Масса 1,5 соат қайнатилади. Совутилгач, нейтрал муҳитгача ювилади, фильтрланиб қуритиш шкафида 105 о С да 45 мин давомида қуритилади. Қуритилган ёғоч целлюлозанинг миқдори, Ц %, ҳисобланади: Ц = a 100,% m бу ерда: m – ёғоч қипиғи массаси, г; а – олинган целлюлоза массаси, г . Пахта момиғидан целлюлоза олиш Бу усул пахта момиғини гидролизлаб, ишқорда қайнатишга асосланган. Керакли реактив ва идишлар : п ахта момиғи; дистилланган сув; азот кислота, 5% эритма; калий перманганат, 5 % эритма; шиша таёқча; 250 мл текис таглик конуссимон колба; қуритиш шкафи; нитрат кислота, 5 %; Электр плита; аналитик тарози. Аниқлаш усули . Ҳаво қуруқлигидаги пахта момиғидан 5 г тортиб олиб, 5% ли нитрат кислотасида 2 соат давомида гидролизланади. Сўнгра момиқ нейтрал муҳитгача дисстилланган сув билан ювилади. Ювилган масса 250 мл ли конуссимон колбага солинади унга 200 мл дистилланган сув қуйилади ва 45 мин қайнатилади. Сўнгра 10 мин совутилгач, 5 % калий перманганат эритмасидан 150 мл қуйилади ва 45 мин давомида қайнатилади. Бинафша

рангли калий перманганат эритмасини рангсизлантириш учун 10 % ли сульфат кислота эритмасидан 20 мл қуйиб рангсизлантирилади. Сўнгра целлюлоза масса нейтрал муҳитгача ювилади, ортиқча сув сиқиб ташланади ва қуритиш шкафида 45 мин қуритилади. Олинган пахта целлюлоза миқдори ( Ц) , қуйидагича ҳисобланади: бу ерда: m 1 и m – мос ҳолда, олинган целлюлоза ва пахта момиғи массаси, г . Пахта момиғидан натрон усулда целлюлоза олиш Бу усул пахта момиғини натрий ишқори билан ишлов бериб, йўлдош моддаларни эритмага ўтказиб, қолган целллоза қисмини аниқлашга асосланган. Керакли реактив ва идишлар : н атрий ишқри, 3 % эритма; пахта момиғи; дистилланган сув; шиша таёқча; 250 мл текис таглик конуссимон колба; қуритиш шкафи; аналитик тарози. Аниқлаш усули . Ҳаво қуруқлигидаги пахта момиғидан 5 г тортиб олиб, механик қўшимчалардан (чигит, чигитни синиғи, кўсак синиқлари ва бошқа механик қўшимчалар) тозаланади ва тозаланган қисмини яна тортиб олинади. Сўнгра 250 мл ли колбага солинади. Колбага 100 мл 3 % натрий ишқори қуйилади ва электр плиткада 40 минут қайнатилади. Пахта момиғи ишқордан ажратиб олинади ва нейтрал ҳолга келгунча ювилади. Ювилган целлюлозани ортиқча суви сиқиб ташланади ва 105 о С да қуритиш шкафида 30 минут қуритилади, сўнгра эксикаторда совутилиб, тортилади. Пахта момиғининг намлиги ( W) аниқлаш учун 5 г пахта момиғини тортиб олиб, 105 о С да 40 минут давомида қуритиб, намлиги аниқланади:

бу ерда: m ва m 1 – мос ҳолда ҳаво қуриқлигидаги ва қуритилган пахта момиғининг массаси, г . Олинган пахта целлюлоза миқдори ( А) қуйидаги формула ёрдамида ҳисобланади: бу ерда: g 1 ва g 2 – мос ҳолда ҳаво намлигидаги пахта момиғининг дастлабки массаси ва олинган пахта целлюлоза массаси, г; W – пахта момиғининг намлиги, %. Пахта целлюлозани оқартириш Бу усул пахта цллюлозасини водород пероксид билан оксидлашга асосланган. Керакли реактив ва идишлар : п ахта целлюлоза; дистилланган сув; водород пероксид, 37%; 250 мл текис таглик конуссимон колба; қуритиш шкафи; аналитик тарози; шиша таёқча; аналитик тарози. Аниқлаш усули . Ҳаво қуруқлигидаги пахта целлюлозасидан 3 г аналитик тарозида тортиб олиб, аввал намлиги аниқланади ва сўнгра оқартирилади. Целюлоза намунаси 250 мл колбага солинади ва устига 150 мл 4% водород пероксид эритмасидан қуйилади. Аралашма 40 минут давомида қайнатилади. Сўнгра ювилади ва ортиқча суви сиқиб ташланади. Қуритиш шкафида 105 о С да 45 минут давомида қуритилади. Оқартирилган пахта целлюлоза миқдори ( А) қуйидаги формула ёрдамида ҳисобланади: бу ерда: g 1 ва g 2 - мос ҳолда ҳаво намлигидаги пахта целлюлозасинг дастлабки массаси ва оқартирилган пахта целлюлоза массаси, г; W – пахта момиғининг намлиги, %.

Бир йиллик ўсимлик поясидан нитрат кислота усулида целлюлоза олиш Керакли реактив ва идишлар : б ир йиллик ўсимлик поясидан намуна; дистилланган сув; водород пероксид; конуссимон колба, 250 мл; қуритиш шкафи; аналитик тарози; шиша таёқча. Аниқлаш . Бир йиллик ўсимлик поясидан целлюлоза олиш учун нитрат кислота усулидан фойдаланилди. 4-5 мм ўлчамларда қирқилиб, фарфор ҳавончада майдаланган пояни нитрат кислотанинг 3 ли концентрациясида гидролизлаб, сўнгра натрон усулида пиширилди. Нитрат кислота эритмасида, 1:20 модулда, 5 г ҳаво қуруқлигидаги майдаланган майдаланган ўсимлик пояси (намуна) гидролизланди. Гидролиз 20 мин давомида 85 – 95 о С да олиб борилди. Сўнгра ювилиб, 3 % ли натрий ишқорида 30 минут давомида қайнатилди. Совутилгач яна ювилиб, уни 3 % ли Н 2 О 2 эритмасида оқартириш мақсадида 10 минут қайнатилди. Оксидланиш реакцияси бир тексда охиригача бориши учун 24 соат хона шароитида тиндирилди. Ажратиб олинган целлюлоза нейтрал ҳолатгача ювилиб, хона шароитида қуритилди. Ҳисоблаш . Олинган целлюлоза миқдори ( А ) қуйидаги формула ёрдамида ҳисобланади: бу ерда: g 1 ва g 2 ўз навбатида ҳаво қуруқлигидаги намуналарнинг дастлабки массаси ва оқартирилганнамуна массаси, г ; W - намуна намлиги. Целлюлозанинг кул миқдорини аниқлаш Бу усул цллюлоза намунасини муфель печида куйдириб, қолган кул миқдорини аниқлашга асосланган. Керакли реактив ва идишлар : н амуна; аналитик тарози; фарфр тигель, 5 мл; муфель печи; тигель тутгич.

Аниқлаш . Дастлаб фарфор тигелнинг массаси аналитик тарозида аниқланади. Ҳаво қуруқлигидаги намунадан 2 г тортиб олиб фарфор тигелга солинади ва тарозида тортилади. Намунанинг кул миқдори ( К) қуйидаги формула ёрдамида ҳисобланади: К = a 100 %, m бу ерда: m – намунанинг массаси, г; а – кул массаси, г . Пахта момиғининг сульфат кислотада эримаган миқдорини аниқлаш Бу усул пахта момиғини 72 % сульфат кислотада эритиб, қолган қисмини тарозида тортиб аниқлашга асосланган. Керакли реактив ва идишлар : п ахта момиғи; № 1 Шота фильтри; 250 мл конуссимон колба; аналитик тарози; шиша таёқча . Аниқлаш . 5 г пахта момиғи (намуна)дан тортиб олиб, қуритиш шкафида 105 о С да 45 мин давомида қуритиб, намлиги аниқланади (%). Сўнгра 5 г пахта момиғини аналитик тарозида тортиб олиб, № 1 Шота фильтрга жойлаштирилади ва устига секинлик билан 72% ли сульфат кислотадан қуйилади. Бунда пахта толалари эриб фильтратга ўтиб кетади, фильтрда қолган қисми, нейтрал муҳитгача ювилади сўнгра қуритиш шкафида 105 о С да 45 мин давомида қуритилади. Эримаган қисми (А) қуйидаги формула ёрдамида ҳисоб ланади: бу ерда: g 1 ва g 2 - ўз навбатида фильтрнинг қолдиқ билан массаси ва қуритилган фильтр массаси, г; g – ҳаво намлигидаги намуна массаси, г; W – целлюлоза намлиги.

Пахта целлюлозасини намлган сувнинг сирт тортиш кучини аниқлаш Бу усул сталагмометр асбоби резервуаридан оқиб ўтган суюқлик томчиларини санашга асосланган. Керакли реактив ва асбоблар: сталагмометри (6-расм), ҳажми 10 мл, капелляр диаметри 0,6 мм; термостат; секундометр, резина нок. Сталагмометр ёрдамида сув томчилар сонини аниқлаш . Усул оддий ва қулай ҳисобланади. Сталагмометр кенгайган қисмини тепа ва паст қисмида белги чизиқсалар бор (2.10-расм). Сталагмометрни ишлатишдан олдин бирнеча марта хромпик эритмаси билан ювилади, сўнгра дистилланган сув билан чайилади. Чунки қолган ёғнинг оз қисми ҳам ноаниқликни келтиради. Сталагмометр вертикал ҳолатда қимилламайдиган қилиб штативга махкамланади. Сталагмометрнинг тепа қисмига резинка найча кийдирилади. Томчилар тезлигини бир хил қилиш учун, резина найчи қисқич билан қисиб қўйилади. Оқиш телиги минутига 15 томчи бўлиши керак. Солиштириш 20 + 1 о С да дисстилланган сув билан олиб борилади. расм. Сирт тортиш кучини аниқлашда қўлланиладиган сталагмометр: а – прибор чизмаси: 1 – капиллар учи; 2 – резервуар (кенгайган қисми);

3 – белги чизиқли найча. б – томчи массасини найча учидан узилиш схемаси: g – томчи массаси; F – сирт тортиш кучи. Бунинг учун сталагмометрга 100 мл ли колбадан дистилланган сув, сталагмометрни юқори белгисидан тепароқгача, сўрилади. Томчилар сонини аниқлаш 5 марта бажарилади. Ўрта арифметик қиймати – сталагмометрнинг сувнинг томчилар сони ҳисобланади. Намлагич эритмасининг сирт тортиш кучини аниқлаш . Бунинг учун, аввал эритма 20 мин давомида термостатда ҳароратнини 20 о С га келтирлади. Қуруқ сталагмометрга резина нок билан юқори белгидан тепароққгача эритма сўрилади. Сўнгра эритма тепа белги билан пастги белги орасидан оқиб ўтган томчилар сони аниқланади. Ўлчаш уч марта такрорланади. Ҳисоблаш . Намлагич эритманинг сирт тортиш кучи (Ғ) қуйидаги формула ёрдамида ҳисобланади: бу ерда: n o – сталагмометрдан томган сув томчилар; d x – намлавчи эритманинг 20 о С даги зичлиги , г/см 3 ; 72,75 – сувнинг 20 о С даги сирт тортиш кучи, мН/м: n x –сталогмометрдан оқиб чиқаётган намлагич эритмасинининг 20 о С даги томчилар сони; 0,9982 – дистилланган сувнинг зичлиги, г/см 3 . Пахта момиғи таркибидаги смола ва ёғ миқдорини аниқлаш Бу усул смола ва ёғларни пахта момиғидан органик модда билан бирнеча марта экстракциялаб, сўнгра ажратиб олинган моддани қуритиб тортишга асосланган. Керакли реактивлар ва асбоблар : м етиленхлорид; НЭТ – 150 насадкали Сокслет аппарати; ХШ-КШ типидаги совутгич; ПКШ типидаги 250 мл колба; Э-8 русумли экстракция аппарати, 100 мл.

Аниқлаш йўли . Пахта момиғидан 10 г (аниқлиги 0,0002 г ) намуна тортиб олинади, уни метиленхлоридда намлаб, эксикаторга жойлаштирилади. Намунанинг тепа қисми, экстракт оқиб тушадиган найчадан 1,0 – 1,5 см пастроқ бўлиши керак. 105 о С да оғирлиги бир хил бўлгунча қуритилган колбага, экстрактор ҳажмидан 1,5 қисм эритувчи қуйилади. Насадка, совуткич ва колба билан уланади ва иситгич устига қўйилади. Иситиш даражаси 3 соатда 24 марта қайта қуюладиган бўлиши керак. Экстракциялаш тугагач, экстрактор орқали тоза эритувчи, қолдиғи 5-7 мл қолганча, ҳайдалади. Колба экстракт билан 105 о С да оғирлиги бир хил бўлганча 3-4 соат қуритилади. Сўнгра эксикаторда совутилгач, тортилади. Агар пахта момиғи таркибида смола ва ёғ миқдори 0,4 % дан ортиқ бўлса, НЭТВ-50 ёки НЭТ-150 русумли насадка ишлатилади. Ҳисоблаш . Смола ва ёғ таркиби (А) қўйидаги формула билан ҳисобланади: бу ерда: m 1 – колбани экстракт билан оғирлиги, г; m – қуруқ колба массаси, г ; m 0 – пахта момиғи намунасининг массаси, г; W – пахта момиғининг намлиги, %. Целлюлозани намланиш даражасини аниқлаш Бу усул 15 г целлюлозанинг шимган сув миқдорини аниқлашга асосланган. Керакли асбоб ва материаллар : с ув ютилишини аниқлайдиган қурилма (расм); секундомер; кристаллизатор; термометр; дистилланган сув; целлюлоза намунаси. Аниқлаш . Олдиндан тортиб олинган полиэтилен цилиндрга 2 (расм) 15 г ҳаво қуруқлигидаги целлюлозани текс текисда 50 мм қалинликда

жойлаштирилади. Дистилланган сув қуйилган кристализаторга ўрнатилиб, 30 секунд давомида ушлаб турилади. Сўнгра цилиндр сувдан олиниб, шу заҳоти тортилади. Ҳисоблаш . Намланиш ( А) қуйидаги тенглама ёрдамида ҳисобланади: A = g 1 − ( g 2 − g ) , г, бу ерда: g 1 – намунани цилиндр билан синалгандан кейинги массаси, г ; g 2 – бўш цилиндр массаси, г ; g – целлюлоза массаси, г . расм . Целлюлозанинг сув ютиш даражасини аниқлаш қурилмаси: 1 – ушлагич; 2 – полиэтилен цилиндр; 3 – перфорланган таг. Тола узунлигини “слик” бирлигида аниқлаш Қоғоз массасидаги целлюлоза толаларининг узунлиги уч хил йўл билан аниқланади: махсус аппарат ёрдамида; ўрта узунликни аниқлаш усули (6- расм) – слик усули ва микроскопда ўлчаш. Қўйида слик усулида аниқлаш кўриб чиқилади. Бу усул Шведсиялик тадқиқотчи Слик томонидан 35 йил аввал ишлаб чиқилган. “Слик” эмперик катталик бўлиб, бир хил қоғоз

массаларни солиштиришда қўлланилади. Ҳар бир корхона учун бу усул алоҳида калибровка этилиши лозим. Асбобнинг ишлаши юпқа пичоқ қирраларида олаларнинг туриб қолишига асосланган (6-расм). Анализ ўтказиш учун концентрацияси 3 % ли массадан 800 мл олинади, 6 л совуқ сув билан суюлтирилади ва тола тугунчалари титилиб кетгунча яхшилаб аралаштирилади. Сўнгра идишга қуюлади. Идишга рамка (расмга қаранг) қўйилади ва кран очилади. Толаларнинг бир қисми рамкада ушланиб қолади. Рамкада ўрнашиб қолган толалари билан фильтр қоғозда 8 марта сиқилади, сўнгра секинлик билан осма торозини илгагига осиб тортилиб а-расм), слик бирлигида толанинг ўртача узунлиги аниқланади. а б расм . Массадаги толаларнинг ўртача узунлигини аниқловчи асбоб: а – ричагли тарози; б – рамка. Толаларнинг ўртача узунлигининг “слик” ва мм бирлигидаги боғликлик жадвалда келтирилга. жадвал Слик ва мм орасидаги боғликлик Қоғоз массасидаги толаларнинг узунлиги

слик мм 290 1.33 265 1.15 220 1.10 115 0.90 85 0.47 75 0.45 Россияда толаларнинг ўртача узунлиги дециграмм ( дг ) бирлиги қабул қилинган. Дециграмм ( дг ) бирлиги билан толаларнинг ўртача узунлиги, мм, орасидаги боғликлик жадвалда кўрсатилган. жадвал Толаларнинг ўртача узунлиги дг - мм Масса кўрсаткичи, дг Толаларнинг ўртача узунлиги, мм 90 1.9 97 2.0 104 2.1 112 2.2 124 2.3 140 2.4 167 2.5

Адабиётлар: 1. Методическое указания по лабораторному практикуму для студентов химико-технологического факультета. Ленинград-1989. 2. Раҳмонбердиев Ғ. Р., Примқулов М. Т. Тошпулатов Ю. Т . Целлюлоза- қоғоз технологияси асослари. Т., “Алоқачи” 2009 й. 3. Гурьев А . В., Казаков Я. В., Камаров В. И., Хованский В. В . Практикум по технологии бумаги. Архангельск, Из-во АГТУ, 2001. 4. Примқулов М. Т., Юлдашев К. И., Холтаева Х. Ш. Пахта целлюлозаси солиштирма қовушоқлигининг полимерланиш даражасига боғлиқлиқ жадвали. Ўзбекистон кимё журнали. № 4, 42-44 бетлар, 2002 й. 5. Аким Э. Л. Обработка бумаги. М.: Лесная промышленность,1979. 6. Аким Э. Л. Синтетические полимеры в бумажной промышленности. М.: Лесная промышленность,1986. 7. Neimo Leo (Book Editor). Papermaking Cemistry. Jyvaskyla, 1999. 8. Научные основы химической технологии углеводов. Отв. Редактор. Д.х.н. проф. А. Г. Захаров. Москва. Изд. ЛКИ. 2008. – 528 с. 9. Костина Е.М., Могилевский Е.М. Исследование полидисперсности целлюлозқ методом дробного осаждения в кадмийэтилендиаминовом комплексе //химические волокна, 1968. - №6. - С. 31-36.

O'xshashlar

Целлюлоза технологияси

Целлюлоза қуйиш машинасининг тузилиши

Целлюлоза пишириш бўлими асбоб ускуналари

Пахта целлюлоза массасини сақлаш ҳавзаларининг тузилиши

Материал балансини ҳисоблаш