Юнон адабиётининг шаркка таъсири - Tarix - Referatlar

Юнон адабиётининг шаркка таъсири

Yuklangan vaqt:

20.09.2019

Ko'chirishlar soni:

0

Hajmi:

53.5 KB

Ko'chirib olish

www.arxiv.uz Режа: 1. Г омер ва Беруний. 2. Берунийда «Илиада» ва «Одиссея»дан иктибослар

www.arxiv.uz XI аср- фан тарихида Беруний давридир. Ж. Сартон. «У шу ғ улланган фан соҳаларини санаб беришдан кўра, шуғулланмаган соҳасини кўрсатиш осонрок» И. Крачковский. Сиз Жаҳон адабиёти фанини ўрганганингизда Юнон адабиёти, унинг жаҳон цивилизациясидаги ўрни ҳакида батафсил билиб олгансиз. Шунингдек, Европа адабиётидан бизгача етиб келган илк ёзма ёдгорликлар муаллифи дея эътироф этилган Гомер ижоди билан ҳам якиндан танишгансиз. Маълумингизким, унинг «Илиада» ва «Одиссея» асарлари ўзидан кейин яшаб ижод этган бир неча шоирлар учун дастуруламал бўлиб хизмат килди. Юнон драмаси, трагедия ва комедиялари бу асарлар таъсирида дунёга келди. Хўш, бу буюк шоир ижоди бизнинг Шаркка кандай таъсир кўрсатган, деган савол туғилиши табиий. Бу саволга жавоб бериш максадида биз Хоразмнинг азим фарзанди, номи асрлар давомида жаҳон афкор аҳли томонидан тилга олиниб келаётган Абу Райхон Беруний ижодига Гомер таъсири масаласини асосий мавзу сифатида танладик. Зеро бу комусий олим фаннинг ўнлаб соҳалари бўйича 150 тага якин асар ёзиб, инсоният тафаккури тараккиётини бир неча поғонага кўтарган инсондир. Юнон фани ва маданиятини ўзлаштиришга ёшли гиданок бел боғлаган Беруний, дастлаб, юнон тилини пухта ўрганади. Натижада, кадимги юнон шоир ва олимлари асарларини аслидан ўкиб, баҳра топади. Юнон фанининг араб, умуман, мусулмон дунёси маданияти тараккиётига таъсирини Беруний ўз асарларида кайта ва кайта кайд этади. Беруний юнон олимлари асарларининг арабча таржималаридан ҳам фойдаланган, албатта. Таржимага мурожаат этганида олим буни

www.arxiv.uz махсус таъкидлайди. Айрим ҳолларда ки линган таржима даражасидан баҳс юритиб, аслига чоғиштиради ва нуксонларини кўрсатиб ўтади. Юнон олимлари китобларига у дастлабки эътибор ли манба, деб карайди. «Осорул бокия»да Юнонистон тарихи, маданияти, илми тўғрисида алоҳида тўхта либ ўтганидек, бошка китобларида ҳам кенг мурожаат этади. Худди араб шеъриятидан фойдаланганидек, юнон шоирлари асарларидан ҳам илмий факт сифати да фойдаланади. Бу жиҳатдан Беруний улуғ Гомер асарларига алоҳида ҳурмат ва эътикод билан кара ган. Академик И. Крачковский «Гомер ва Ал-Беруний» 1 маколасида, «Ҳиндистон» китобида келтирилган бир неча характерли мисолларни «Одиссея» ва «Илиада» достонларига киёслаш воситасида, Беруний Гомернинг ўлмас асарларини аслидан ўкиган, деган хулосага ке лади. Чиндан ҳам, улуғ ватандошимиз «Ҳиндистон» ки тобида Омирдан деб келтирган мисолларнинг иккита си «Илиада» ва биттаси «Одиссея»дандир. Китобда ҳиндлар тасаввуридаги илоҳий мавжудотлар макони етти кават осм он тасвири баен этилгач, далилга ўтилади: «...Ва шоир Омир дейди: "Сен осмонни худоларнинг абадий мусаффо маконига айлантирдинг. Уни шамоллар силкитолмайди, ёмғир юволмайди, корлар маҳв этолмайди; аммо, унда, агар уни беркитадиган» булутлар бўлмаса, ажойиб софлик бор"» («Ҳиндистон»,. 153-6.). И. Крачковский, бу иктибос «Одиссея»нинг VI кўшиғидаги Олимп тоғи тасвирига тўғри келади, деб кўрсатади (мазмуни): Дедиларки, Олимпда худолар истикомат киладиган абадий мустаҳкам Макон бор: у шамоллардан силкинмайди, ёмғир уни ювмайди Ва унда кор ҳ ам бор, факат осмон Булутсиз ёйилган, ёруғлик окариб таркалган. 1 И. Ю. Крачвовский. Избранные сочинения, II том, М.—Л., СССР ФА нашриёти, 1956, 580—588-бб .

www.arxiv.uz Беруний келтирган иккинчи иктибос Гомер поэмаси- тасвирларига яна ҳам якинрокдир. Ҳиндлар инсон сезгиларини беш унсур — осмон, шамол, олов, сув ва ер билан боғлаб изоҳлар эканлар (осмонни эшитиш ва эшиттириш хусусиятига эга деб тушунганлар). Бе руний уларнинг бу таълимотлари фанга тўғри келмаса- да, мазкур караш юнонларда ҳам мавжудлигини ай тиб, фикрининг исботи учун Гомердан куйидаги мисолни келтиради: «Юнонларнинг шоири Омир дейди; "Етти куйнинг (фалакнинг — Н.К.) эгалари сўзлай дилар ва бир-бирларига чиройли овоз билан жавоб берадилар". У бунда етти сайёрани назарда тутган» («Ҳиндистон», ўша саҳифа). И. Крачковский фикрича, Беруний бунда зикр этган етти сайёрани етти муза деб тушунмок керак. Шунда жумла, «Илиада»даги куйидаги мисранинг айнан таржимаси бўлиб чикади.:. Музалар бир-бирларига чиройли овоз билан куйлаб жавоб берар эдилар. («Илиада», I, 604) Ал-Берунийнинг Гомердан келтирган учинчи икти боси куйидагича. У ҳиндлар ва юнонларнинг илоҳиёт Ҳакидаги айрим тасаввурларини мукояса этаркан, юнонл а р ҳ а м б а ъ з а н ф а л а к г у м б а з л а р и н и х у д о л а р н и н г номи билан белгилаб тилга оладилар, дейди ва ёзади: «…чунки шоир Кратес фалак гумбазини Зевс деб атайд и ва Омир ҳам айнан шундай деган: "Чопилган кор парчалари Зевсдан тушгани каби"» («Ҳиндистон», 154-бет). Беруний келтирган мазкур жумла «Илиада» да куйидагича (мазмуни): Кор, Зевсдан, худди кесилган парчалардай зич учиб келмокда. («Илиада», XIX, 357) Академик И. Крачковский маълумотларига кўшим ча равишда, шуни айтиш лозимки, Беруний Гомер асарларига бошка китобларида ҳам мурожаат этган. Олим «Ас-Син» («Геодезия») китобида кадимги Миср шаҳарларидан бири Мейиснинг дастлабки номи Фива зканлигиии

www.arxiv.uz кўрсатиб, уни куйидагича далиллайди: «Шоир Омир, янги давр кишиси, Миср маданияти кур таклари ҳакида гапириб, Мисрни (яъни Мейисни — Н.К.) ўз шеърларида Фива деб атайди». Яна Беруний дастлабки асарларидан «Осорул бокия»да шоирнинг туғилган йили, яшаган даврини кўрсатиб, уни атокли араб шоири Имрул Кайс билан тенглаштиради: «Афротоковус подшоҳлигининг кирк иккинчи йил бир юз «олтмиш еттинчи кунида, арабларнинг Имрул Кайси сингари илғор юнон шоири Омирус туғилган». Аллома асарларида яна бошка юнон шоирлари жумладан, Каре номли шоир) ҳам тилга олинади, уларнинг шеърларидан намуналар келтирилади. -«Ҳиндистон» асаридаги шеърий вазн таҳлилига бағиш- ланган бобда, ҳатто, юнон шеъриятининг баъзи жи ҳатлари очиб берилади: «Юнонларнинг китоблари дан тушунишимга кўра, улар шеър оёкларини (рукни турок, — Н. К.) белгилашда ҳиндлар йўлидан борган лар. Жолинус ўзининг "Катожанус" китобида шундай дейди: "Менекратус юзага чикарган турли ширалар воситасида тайёрланган дорини Демократус вазнга ту шурилган уч мисрали шеърда тавсиф этган"» 2 . Маълум бўладики, Берунийгача ҳам юнон олим лари шеъриятдан илмий хулосаларни баён этишда «фойдаланганлар. Бу усул, Беруний кайд этганидек, юнонлардагина эмас, ҳиндлар, араблар, суғдлар ва хоразмликларда ҳам кенг кўлланилган. Шеърий шакл билимни осон ўзлаштириш, хотирада узок сакланишиг а имкон туғдирган. Кўчманчи араблар, астрономияни авлоддан-авлодга етказиб келганлар. Айтиш керакки, ҳ атто, XX аср бошларида бизда ҳам тил ва тилшунослик, адабиётшунослик астрономияга оид тушунча ларни баён этувчи шеърий китоблар яратилиб, улар болаларни ўкитишга мўлжалланган эди. Алкисса, юкоридаги мисолни Беруний юнонлар нинг илмни баён этишдаги шеър имкониятидан фойда ланишларини кўрсатиш учунгина келтирган эмас. Бун дан максад юнон шеърияти тузилишининг ҳинд шеъ риятига якинлигини кўрсатишдир. Демак, Беруний Го мер 2

www.arxiv.uz асарларинигина эмас, балки бутун юнон шеърия тини яхши билган, ўзига хос хусусиятларини чукур тушунган, бошка халклар шеърияти билан ўхшашлик ларини очган.

www.arxiv.uz Тавсия этиладиган адабиётлар : 1. И.Ю Крачковский. Избранные сочинения, П том, М.-Л., 1956, 580-588- бб. 2. Нажмиддин Комилов. Тафаккур карвонлари. Т., «Маънавият» 1999, 18-54-бетлар. 3. Беруни и гуманитарные науки. Т., ЎзФА «Фан» нашриёти. 4. www.ziyonet.uz 5. www.pedagog.uz

O'xshashlar

Элинлар маданиятининг шаркка таркалиши

Юнон-Эрон урушлари

Юнон Эрон урушлари

Классик даврдаги юнон маданияти

Хоразм, Қанг, Юнон – Бақтрия давлатлари